ظلمناكي يا حكومه !!!!!!!

[se_ Elsyed]

طول ماحنا بنقول طول الوقت انها مسئولية حكومة مش هيكون عندنا استعداد للاصلاح

ومش معقول استنى طول الوقت فى قوانين وناس تصدر احكام وغرامات على المخالفين وناس تانية تتابع تنفيذ الغرامات

يعنى الجار اللى قال ان ده عادى لو تعب نفسه ونبه جاره مرة واتنين وعشرة ومليون ان ده سلوك مش مقبول كان على الاقل هيستحى انه يحدف الكيس بالشكل ده

أأتفق مع حضرتك تماماً في كل ما قلتيه في أننا كأفراد لابد أن نغير ماحولنا ولا نييأس من ذلك

ولكن ألا تري معي أن الحكومة هي السُلطة (عندنا الحكومة سَلطة) والسُلطة هي التي تستطيع إجبار كافة السلوكيات على إحترام القوانين وإحترام هيبة الدولة (أنا شخصياً أرى أن مشكلتنا في الأساس تعود إلى غياب هيبة الدولة)

مصر مُشبعة بالقوانين والإجراءات الرقابية و....و.... ولكن إحساسنا كمصريين في داخل مصر أننا يمكن أن نفعل أي شئ دون أن نحاسب عليه ولا رادع لذلك مع إستمرار الخروج على القوانين أصبحت المخالفة هي القاعدة والمألوف وأن السلوكيات الطبيعية والإلتزام بالقوانين هو الإستثناء

لأ برضوا يا أبو صلاح

يعني الدولة هاتنظم العلاقة بين الجار وجاره وتخلي في إحترام متبادل بينهم ؟

او تخلي الواحد ينضف قدام سلم الشقة أو يضع لمبه مثلاً بدل اللي إتحرقت عشان الناس ما تتكعورش عالسلم ؟

[om marawan]

ولكن ألا تري معي أن الحكومة هي السُلطة (عندنا الحكومة سَلطة) والسُلطة هي التي تستطيع إجبار كافة السلوكيات على إحترام القوانين وإحترام هيبة الدولة (أنا شخصياً أرى أن مشكلتنا في الأساس تعود إلى غياب هيبة الدولة

طبعا ياسيدى الفاضل غياب هيبة الدولة وتأثيرها فى السلوكيات مشكلة حقيقية ودور الدولة وتأثيرها فى الفساد والاصلاح اساسى

لكن صعب ومش منطقى تكون الدولة السبب فى كل حاجة

لانه يجب ألا نغفل عن أدوارنا

ومش دورنا الوحيد زى ماينادى بعض الصحفيين لتغيير الحكم وخلاص

وربما نعلم جيدا ان رسول الله صلى الله عليه وسلم نشر الاسلام فى مجتمع يحكمه الكفار

كما نعلم ان رسول الله صلى الله عليه وسلم عرض الكفار عليه الملك والحكم فأبى لانه يؤمن بان هذا ليس اسلوب التاثير الوحيد فى البشر وان كان اسلوب قوى ومؤثر

[Saleh]

طول ماحنا بنقول طول الوقت انها مسئولية حكومة مش هيكون عندنا استعداد للاصلاح

ومش معقول استنى طول الوقت فى قوانين وناس تصدر احكام وغرامات على المخالفين وناس تانية تتابع تنفيذ الغرامات

يعنى الجار اللى قال ان ده عادى لو تعب نفسه ونبه جاره مرة واتنين وعشرة ومليون ان ده سلوك مش مقبول كان على الاقل هيستحى انه يحدف الكيس بالشكل ده

أأتفق مع حضرتك تماماً في كل ما قلتيه في أننا كأفراد لابد أن نغير ماحولنا ولا نييأس من ذلك

ولكن ألا تري معي أن الحكومة هي السُلطة (عندنا الحكومة سَلطة) والسُلطة هي التي تستطيع إجبار كافة السلوكيات على إحترام القوانين وإحترام هيبة الدولة (أنا شخصياً أرى أن مشكلتنا في الأساس تعود إلى غياب هيبة الدولة)

مصر مُشبعة بالقوانين والإجراءات الرقابية و....و.... ولكن إحساسنا كمصريين في داخل مصر أننا يمكن أن نفعل أي شئ دون أن نحاسب عليه ولا رادع لذلك مع إستمرار الخروج على القوانين أصبحت المخالفة هي القاعدة والمألوف وأن السلوكيات الطبيعية والإلتزام بالقوانين هو الإستثناء

لأ برضوا يا أبو صلاح

يعني الدولة هاتنظم العلاقة بين الجار وجاره وتخلي في إحترام متبادل بينهم ؟

او تخلي الواحد ينضف قدام سلم الشقة أو يضع لمبه مثلاً بدل اللي إتحرقت عشان الناس ما تتكعورش عالسلم ؟

كدة فيه خلط في الموضوع ياعم سين سين

لازم نعترف كمصريين أن هناك تراجع كبير في قيمنا اللي تربينا عليها طول عمرنا (إلا من رحم ربي) كما أن هناك إنحدار في سلوكياتنا

الحكومة مش حتعلم الناس القيم ولا حتقول للشاب الصغير لما تلاقي أكبر منك وانت قاعد في الأتوبيس تقوم وتقعده ولا الحكومة حترجع لينا تاني توقير الكبير وحقوق الجيرة ومساعدة المحتاج و.......وكل قيمنا الجميلة اللي حضراتكم عارفينها أكتر مني (وده موضوع يحتاج نقاش منفصل) لكن الحكومة كسلطة تنفيذية تقدر تسيطر على سلوك الناس في الشارع تقدر ترجع الإنضباط والإلتزام

وكلنا بنشوف إن الأخ اللي بيرمي زبالته في الشارع أو بيكسر الإشارة أو يركن في عرض الطريق أو...أو... هو نفسه الي تاني يوم من سفره لأي مكان في العالم بره مصر بتشوفة ملتزم وماشي مضبوط يعني سلوكه ممكن يتعدل إمتى بقى لما يحس بهيبة الدولة ويعرف إن فيه نظام مش سلاطة

[justme]

انا عايز اقول حاجة

كما تكونوا يول عليكم

او كما قال النبي عليه الصلاة والسلام

طيب ده يعني ايه

يعني من اعمالكم سلط عليكم

طب مانا شايف نفسي كويس طب الدنيا وحشة ليه؟

حاجتين

او حاجة اننا عدد بسيط في اجمالي رهيب

بمعنى ان زي ما قال الاخ من شوية صاحبه قاله انت في مصر

دي ةحاجة الحاجة التانية

احنا معملناش حاجة يعني عايزين حلول مش كلام ونقد

يعني ليه منفكرش في حل ونطرحه علر بعض ونحاول ننفذه بصورة او بأخرى

يعني مثلا ندشن حمله للنظافة ونعمل مثلا لمدة شهرين او تلاتة الموضوع الرئيسي وحتى السمة بتاعت تواقعينا الموضوع ده ونقول للناس اللي حوالينا وكده اننا مثلا كل واحد يحاول ينضف شارعه وممكن لو حد يعرف حد من رجال الأعمال يتبنى مسابقة مثلا ان الشارع الاجمل على مدى فترة معينة فيه جايزة مالية او رمزية او حاجة كده وياريت نبدأ مثلا بعد شهر من دلوقت او قرب الصيف على اساس الاجازات وكده

دي فكرة واذا حد عنده فكرة افضل يقول

واذا نجحت ناخد موضوع تاني وهكذا

[شيدوان]

اعتقد ان العباره التقليديه عندالمصريين عقب كل مشكله هى 00 الله يخرب بيتك ياحكومه 00 فاذا لم تكن كبيرا او مسنودا او قادرا على دفع الرشوه فلن تحل لك مشكله ابدا مهما فعلت ومهما كان حلها لن يكلف الحكومه شيئا 0

فى احد احياء مدينة نصر ، فتح صاحب احد المحلات بابا خلفيا للمحل ، فجعل مربع الخضره الجميل الهادئ الذى يتوسط البيوت قهوه لا يهدأ فيها صوت لعب الطاوله واللعيبه والتلفزيون حتى الفجر ، بالاضافه الى البانجو وخلافه 0

فى المربع الذى يليه فوجئنا ببناء مدرسه 0

فى حى آخر طابور من عربات الكارو يعسكر امام المنازل 00 ولذلك فقدر السكان ان يفتحوا عيونهم وآذانهم كل صباح على شكل وصوت الحمير0

وبعد الصباح بقليل ينضم لصوت الحمير صوت بائعى الروبابيكيا ، الذين ينهقون فى الميكروفون بمنلوج طويل يضم كل ما هو قديم 00 من الحنفيات وحتى الغساله والثلاجه 0

هل خاف السكان او تكاسلوا ولم يتقدموا بشكاوى للجهات المسئوله ؟ ابدا00

مائه شكوى لرئاسة الحى وعضو مجلس الشعب ، وللمحافظه والبلديه ولكل من اعتقدوا انه مسئول عن اعادة الحى الى ما كان عليه قبل ان يصبح زريبه لا تليق بالبشر ، لكن ولا حياة لمن تنادى

شكرى وتحياتى

[justme]

خليني ازيدك من الشعر بيت

رحت اقدم على عداد مياه في بيتنا لشقتي اللي هي في بيت الوالد

المهم دفعت الرسوم واتعملت المعاينة والورق خالص

فاضل ايه العداد

معلش مفيش عدادات دلوقتي

قلت مش مشكلة مانا مسافر ومش محتاج الشقة إلا اما اتجوز

قلت اسافر على بال ما يستخرجو الخامات من الأرض ويودوها المصنع يعمل العداد ويجيبه :lol:

المهم

عدت بعد 6 اشهر فالوالد قالي محصلش حاجة

قلت نطلع على الجماعة هناك

قالو اصلك مدقعتش رسم حاجة كده علشان الموضوع يمشي مستعجل

دفعت وختمت ومضيت من 4عدة موظفين مش عارف ليه كتير كده ونزلت المخزن

اصل العدادات خلصت

طب والحل

المهم الحل معروف مطلوب فلوس

وفجأ بعد ما اخدوا الفلوس قالوا لو معاك عربية نروح المخزن نجيب عدادات (المخزن يبعد عن المكان ده 15 دقيقة بالسيارة في عز الزحمة

رحت وجبت العداد والراجل حطه في العربية وقالي تحب نبعت حد يركبه

قلت لغاية هنا وكفاية انا هتصرف وشكرا

[MoHaMMeD EgYpT]

العيب في الحكومة فعلا مش فينا

يعني ازاي تطلب من شخص انه يشتغل كويس ( في القطاع العام ) و مرتبه مش بيكفيه مواصلات بس و اساسا هو متعين و غير معروف هو هيشتغل ايه فطبيعي هيروح يشتغل شغلانة تانية بجانب شغلانته الحكومية علشان يعرف يعيش

ازاي تطلب من شخص واقف في صف من احد الصفوف في المصالح الحكومية و واقف بقاله ساعة و في الاخرة تلاقي واحد جه من بره و عمل الخدمة اللي هو عاوزه في ثانية ( مهو الموظف الحكومي ماكنش هيمشي اللي جه علطول لو ماكنش خايف منه )

فين قيمة العلم في مصر ؟؟ بائعين الفلافل او زي مابيقولوا بالمصري الطعمية بيلفوها في اوراق الكتب

كل حياة المصريين ( معظمهم ) جيب مجموع في الثانوية و ادخل كلية اتخرج اشتغل لحد ما تبقي مثلا 30 - 35 بعدين اتجوز ده اذا قدرت تحوش تمن المهر و الشبكة :lol: و حياة المصري تنحصر في الهروب من مصر بعد ذلك او ممكن قبل ذلك

فين حقوقنا كمواطنين ؟؟ و الدستور المصري فايدته ايه ؟؟ يا عم اوعي تقرب من البنزين ( الدستور ) احسن يولع فيك و تروح وراء الشمس امال فين حقوقنا اللي مكوتبة في الدستور ده ؟؟ يا عم ده كلام و خلاص :blink:

بجد جملة ( تروح وراء الشمس ) دي عمري ما سمعتها غير في مصر

الكهرباء - المياه - التلفونات - ده حتي النت - الغاز كل شئ تقربيا من الاساسيات للحياة بقت بفلوس هو ناقص الهواء بس :lol: انا مش ضد ان كل الاساسيات بفلوس بس المفروض ان الاساسيات دي تكون بمبالغ معقولة

يعني الكهرباء المتوسط بتعها 100 جنيه شهريا ده من غير مكيف و كل الرفهيات

التليفون المتوسط 50 جنيه كل 3 اشهر ده لو انت ما بتتكلمش من التليفون اما لو بتتكلم يبقي مش اقل من 100 جنيه

المياه 20 جنيه كل شهرين تقريبا علي حد علمي

الغاز 5 جنيه تقريبا ده بدون استخدام شهريا

اما النت فهو للمرفهين زي ما بقولوا فاقل سرعة معقولة ب45 جنيه شهريا مع العلم انه يطبق عليه الاستخدام العادل للانترنت ماهو احمد مش زي الدكتور احمد

الصلاحية مدي الحياة لخطوط المحمول يا فرحتي ماهو اساسا الكارت بيخلص في يومين ( انا بظلم الحكومة في النقطة دي اصلها مش هي اللي عملت الشركات دي )

ده غير بقا ضرايب اللي علي العقارات ماهو لازم المليان يقب علي الفاضي ( الضرايب مصلحتك اولا :lol: ماهو مصلحتك من مصلحة الحكومة )

انا مش زعلان انهم بياخدوا ضرايب بس هي بتروح فين ؟؟ هو في حد بيعد وراء الحكومة و الحكومة عمرها ما بتكذب بدام قالت بتصرفها علي الخدمات العامة فهي فعلا بتصرفها عليها و من اهم تلك الخدمات رفاهية ال مبارك

يمكن سلوكيات الناس بتبقي خاطئة ساعات لكن هي فين القوانين اللي الناس تعمل بيها و تحترمها و فين منفذين القوانين ؟؟

و انا متفق تماما مع الاخ saleh

[justme]

انا معدتش عارف ايه الحلاوة دي اللي احنا بنعاصرها

هي المشكلة مش سعر الخدمة في رأيي

المشكلة انك لتحصل على الخدمة تعاني وتدفع اكثر مما هو مطلوب

يعني لو قلنا عداد المية رسومة 500 جنيه احنا بندفع 800 والف كمان وبناخده بعد طلوع الروح

علشان تسحب فلوس من البنك لازم تقف ساعة في مكان لا يتسع لربع من فيه ناهيك عن تخلف الاجراءات

علشان تخلص معاملة بسيطة زي الكهرباء او الميه بتقف في عشر طوابير وبتختم وتمضي من 15 موظف ده غير ان كل واحد بيرجعك للي قبله علشان نسيت حاجة او امضاء مش مظبوط

ده غير انك لو مقعدتش تجري ورا حقك ببساطة مش هتشوفه

واذا كنت مش مفتح يبقى ممكن تقف بدل الاسبوع شهر وممكن سنة

انا والدي كان عنده حتة ارض في البلد مش مزروعة ومبني فيها بناء قديم من اكتر من 50 سنة ويمكن اكتر

لما حب يبنيها قعد 10 سنين بسبب التعقيدات

ولما زهق قال امش بنظام الامر الواقع لقى وراه ناس وعاملة تسعيرة

اللي قاعد في مصر مثلا 3000 جنيه

اللي في الخليج 7000 جنيه

واللي في اوروبا زي ايطاليا ممكن توصل ل 20000 جنيه

تقريبا على الاسعار اللي قالها وورا الموضوع ده امين شرطة

طب ايه الحل

والجميل في الموضوع ده ان ربنا سهلها من غير ما ندفع له

بس اتعطلنا 3 سنين

[justme]

طول ماحنا بنقول طول الوقت انها مسئولية حكومة مش هيكون عندنا استعداد للاصلاح

ومش معقول استنى طول الوقت فى قوانين وناس تصدر احكام وغرامات على المخالفين وناس تانية تتابع تنفيذ الغرامات

يعنى الجار اللى قال ان ده عادى لو تعب نفسه ونبه جاره مرة واتنين وعشرة ومليون ان ده سلوك مش مقبول كان على الاقل هيستحى انه يحدف الكيس بالشكل ده

أأتفق مع حضرتك تماماً في كل ما قلتيه في أننا كأفراد لابد أن نغير ماحولنا ولا نييأس من ذلك

ولكن ألا تري معي أن الحكومة هي السُلطة (عندنا الحكومة سَلطة) والسُلطة هي التي تستطيع إجبار كافة السلوكيات على إحترام القوانين وإحترام هيبة الدولة (أنا شخصياً أرى أن مشكلتنا في الأساس تعود إلى غياب هيبة الدولة)

مصر مُشبعة بالقوانين والإجراءات الرقابية و....و.... ولكن إحساسنا كمصريين في داخل مصر أننا يمكن أن نفعل أي شئ دون أن نحاسب عليه ولا رادع لذلك مع إستمرار الخروج على القوانين أصبحت المخالفة هي القاعدة والمألوف وأن السلوكيات الطبيعية والإلتزام بالقوانين هو الإستثناء

لأ برضوا يا أبو صلاح

يعني الدولة هاتنظم العلاقة بين الجار وجاره وتخلي في إحترام متبادل بينهم ؟

او تخلي الواحد ينضف قدام سلم الشقة أو يضع لمبه مثلاً بدل اللي إتحرقت عشان الناس ما تتكعورش عالسلم ؟

اخي العزيز سين سين

احب اقولك اه الحكومة تتدخل

مثال على ذلك

في زيارة لإحدى الدول الأوروبية كان فيه تلج وبادئ يدوب المهم اللي سايق بينا لاحظت انه بيمشي ببطء في بعض الأماكن مع ان مفيش عربيات ادامه سألته ليه

قال اني لو وسخت هدوم حد بسبب ان العربية طرطشت عليه ميه انا ملزم اني انظفها له على حسابي

لأن فيه قانون بكده

طيب سؤال احنا مش ممكن يكون عندنا قانون يلزم الجيران بمراعاة حق الجيرة ماحنا عندنا قانون علشان الضوضاء مثلا

يعني لو جارك عامل فرح تقدر تجيبله الشرطة

حاجة تانية كان عندنا محافظ فرض على كل بيت ومحل انه يحط شجر علشان المنظر العام

في قطر مثلا فيه قانون ان اللي يرمي حاجة من شباك العربية يدفع مخالفة 3000 ريال

علشان كده متلاقيش كميات القمامة المهولة اللي عندنا

ده غير ان في قانون علشان استخدام آلة التنبيه

الدولة بتدور بس على قواني اللي تهما وتجيب دخل زي المرور ولذلك تلاقي في كل شارع عسكري مرور

لكن السرقة متلاقيش حد بيمنعها

[الترجمـان]

انا بتفق معاك يا سي سيد ان فيه سلوكيات كثيره لا دخل للحكومه فيها ...

يعني لما الواحد يتعلم طول عمره إن النظافه من الإيمان ..النظافه من الإيمان ...النظافه من الإيمان..

وبعد كل داه يستخسر يجيب صندوق زباله بلاستك ب 20 جنيه قدام بيته علشان يحط فيها مخلفاته اليوميه

ويتفق مع زبال المنطقه اللي عايش فيها انه يعدي يلم اللي فيه كل اسبوع ..

او تلاقي الناس في متنزه جميل زي الأزهر بارك وتلاقي أسره مصريه جايبه الغداء بتاعها معاها وياكلوا ويشربوا ويتكيفوا ويتبسطوا ويمشوا وتلاقي مكانهم عامر بالكياس البلاستك وورق الجرائد والعيال راميين الكانز بتاع الحاجه الساقعه في النافوره.!!

أنا بختلف مع التونسي ومع الأخوه الأفاضل اللي بيقولوا

لو دعوت ثلة من أرقى وأكثر شعوب الارض تحضرا .. لكى يعيشوا فى مصر باوضاعها الحاليه .. وتركتهم يتعايشون بطبيعيه وكأنهم جزء من الشعب زهاء الستة شهور مثلا ..أؤكد لك أنهم سيقومون بكثير من الممارسات المرفوضه التى نقوم بها نحن من تسيب واهمال وعدم احترام ... وخلافه ... وصلت!!!؟

فعلى الأقل لو اضطروا انهم يعملوا شئ غير حضاري مثل رمي شئ في الشارع العام .. هيبقى على الأقل فيه شعور داخلي بتأنيب الضمير على تلك الفعله لأنها ضد ما تربى عليه ولن يتساوى شعوره او تفكيره أبدا مع من يفعل ذلك بكل ترحيب داخلي ودون أي اكتراث او حتى تفكير ومراجعه..

انا عارف ان حضرتكم بتتكلموا بشكل عام ولكن قصدي من المداخله ان عامل التربية والتعليم من الصغر ومدى تأثيره على الوعظ الداخلي للإنسان .. ضروري جدا للإرتقاء بالمجتمع باللإضافه إلى السيستم العام بالتأكيد ..

تم تعديل 11 ديسمبر 2009 بواسطة الترجمـان

[التونسى]

ولن يتساوى شعوره او تفكيره أبدا مع من يفعل ذلك بكل ترحيب داخلي ودون أي اكتراث او حتى تفكير ومراجعه..

يعجبنى ردك وتحليلك :blush2: .. ولكن هل لك ان تذهب معى أبعد من ذلك وتفسر لى ما هو السبب النفسى الذى يجعل هناك ترحيب داخلى .. بل فى بعض الاحيان غبطة وسرور وشعور غامر بالسعاده لارتكاب مثل تلك الافعال والسلوكيات ..

اديك مثال .. فى الغرب انه لمن العار على مواطن ما ان يتم اكتشاف انه يتهرب من الضرائب .. بينما يعتبرها الكثير فى مصر ان التهرب الضريبى هو شطاره بل هو شئ جائز وحلال بل واجب يتحتم فعله

عايزك تروح لابعد من تفسيرك السابق بانه خلل فى التربيه والتعليم ..مازلت اتمناها ان تصل

تم تعديل 11 ديسمبر 2009 بواسطة التونسى

[الترجمـان]

استاذي الفاضل التونسي انا بتكلم في نقطه دقيقه جدا واعتقد انها واضحه ...

وهي نقطة الواعظ النفسي او الوازع الداخلي الذي يمنعك على قدر المستطاع من مجاراة الواقع الفاسد الذي يتزياد وينمو من حولك ...

فمنطق تغليب المصلحة الفردية وتحليل المحرمات في ظل الفوضى الإجتماعية وغياب الرقابه القانونية من الدوله لهو منطق مدمر للمجتمع ككل ...

وادعوك لمشاهدة هذا المثال الذي يبين لك مدى ترحيب وإقبال المواطن المصري على مخالفة القانون http://www.youtube.com/watch?v=A4EaZKhnpGs

ولو حضرتك مثلا متابع لبرنامج واحد من الناس لعمرو الليثي ..

انا اتفرجت مره على حلقه جايب فيها كالعادة احد العشوائيات في القاهرة ...

وشفت كم الأكوام والأطنان من الزباله التي تحيط بكل منزل ...

طبعا استاذ عمرو مش مهتم يسأل الناس ليه بترموا الزباله بالشكل داه ...

او مثلا يجيب واحد من دول ويقوله هل اهلك ربوك في يوم من الأيام حتى ترمي زبالة بيتك بالشكل داه ..

لكن كل اللي مهتم بيه انه يثير تعاطفنا مع سكان هؤلاء العشوائيات وخلاص ..ويبين لنا مسؤولية الحكومة في حال هؤلاء الناس ..

انا طبعا مش مختلف إن فساد الهيكل الحكومي وفشل النظام الحاكم له دور كبير في وجود مثل تلك العشوائيات ولكنها غير مسؤوله عن المسؤولية الشخصية لهؤلاء او عن الواعز الداخلي الذي وصل بهم إلى هذه الدرجه القصوى من الا مبالاة حتى في نظافتهم الشخصية ونظافة البيئة التي اضطرتهم ظروف الحياة ان يعيشوا فيها..

وبالتالي لا يجب ان نهمل دول التربية والتعليم من النشأ في الحد من هكذا سلوكيات خاطئه ... خصوصا في اللحظات التي تغيب فيها رقابه الدولة او يكون المناخ الإجتماعي يشجع على هذا ..

فهناك فرق كبير من وجهة نظري بين المواطن الذي يقبل على إتباع القانون بصدر رحب وبشكل يتفق مع إيمانه ومبادئه الشخصية وبين مواطن آخر يتبع القانون لأنه مفروض عليه او مضطر لتنفيذه حتى لا يعاقب أو يشذ عن سلوك الأغلبية ..

وتظل في النهاية وجهات نظر ..

[justme]

تعقيبا على كلام الأخ التونسي والأخ الترجمان

انا كمواطن مصري عندما ابحث حولي ولا اجد ما ارمي فيه القمامة بعد فترة سيكون السلوك هو القاء القمامة فورا والتوقف عن البحث

الحكومة بتاخد فلوس على الكهرباء 5 جنيه في الشهر للزبالة

طب ليه اشتري صندوق زبالة وانا متأكد اني مش هلاقيه الصبح

وبعدين يا جماعة

احنا بنخش في حلقة مفرغة ملهاش مخرج سهل

الحلقة دي ان بلاقي فساد وزبالة مالية الشارع

والواحد عايش في زحام وصراع يومي سواء في المواصلات او غيره

وضعف الوازع الديني وكمان مفيش حد حواليك قدوة

كل ده بيؤدي للي احنا فيه

والغريب في الموضوع ان في ناس مصدر رزقها الزبالة وبتكسب دهب

طب ايه اللي ميخليناش ننضف مدام دي حاجة في ناس عايزها

طب انا فاكر ان في برنامج مع احد المسئولين اللي قال ان الصين بتدفع في طن الزبالة مبلغ محترم

طب منديهالهم ببلاش مقابل النظافة

ولا هو في ناس لازم تاخد فلوس من ورا كل حاجة

[التونسى]

وتظل في النهاية وجهات نظر .. :sad:

أبدأ من حيث انتهيت .. هى فعلا وجهات نظر .. والاحترام كل الاحترام لرأيك.. وقبل ذلك الرقى والتحضر الذى يطل من نوافذ عباراتك

وأنا يا سيدى الفاضل لا أسعى جاهدا لأن انتصر برأيى على أراء الاخرين .. ولا أنا ممن هم يتبنون أجندات خاصه .. بل إننى فى المحاورات قارئ أكثر منى محاور او مناقش .. وقلما ادخل فى جدال مع احد ...لسبب أصيل.. وهو أننى عبد الحقيقة... أتبع قبلتها أينما وجدت ((وهو تعبير مجازى ))

أنا بشكر حضرتك جدا جدا على هذا المقطع المثير .. ويالها من صدفة ..وياله من توارد افكار رهيب .. فالفكره التى كنت اريد ايصالها من مداخلتى السابقه عبر عنها هذا الشخص فى الفيديو ((ولكن بجرأه مريبه)) حتى ان تاريخ تنزيله للكليب من حوالى خمس ايام .. يعنى ممكن حد يشك انى هذا الشخص :lol:

بالنسبه للواعظ النفسى او الوازع الداخلى .. او لنختصرهم فى كلمة واحده ((الضمير)) .. عن نفسى عندما اتواجد بمصر احاول قدر المستطاع تجنب مجاراة الفساد .. وعندما أجاريه كرها وإضطرارا ...لا أسلم من تأنيب ضميرى .. رغم ان الدين يعطيك الرخصه فى الحالات القهريه .. هذا عنى .. وبالتاكيد هناك الكثيرين كذلك ..اذن الضمير موجود مثلما يوجد اشخاص يفكرون بنفس طريقة المتحدث فى الفيديو .. اذن كلنا فى الهم سواء .. ولكن تبقى الاشكاليه .. من الذى عليه العبء والدور الاكبر فى هذا الفساد .. الشعب ام الحكومه...

مازلت على رأيى ..اقولها وبكل ثبات... 99%من اوراق لعبة الفساد فى يد الحكومه ..مع الاعتذار لمقولة السادات الشهيره :lol:

تم تعديل 12 ديسمبر 2009 بواسطة التونسى