هاا هلاقي مكان هنا ؟؟

[ragab2]

كتب محمد أبو زيد

CoDeR

على فكرة فيه امتيازات كثيرة للأعضاء الزملكاوية ، لو عندك ما يثبت انك من الزملكاوية ممكن نعملك بطاقة خاصة لدخول منتدى الزمالك تحت التأسيس

ونصيحة لك ابعد عن الاعضاء الاهلوية الايام دول لحسن حالتهم وحشة خالص

مشرف زملكاوي بالمنتدى

يا

أستاذ محمد

دة تبشير بالزملكة ونشر الفكر الزملكاوى وهو ضد تعليمات المحاورات

[afiona]

الأخ زميل من العتاولة؟ مرحب يا باشا...

لا تتضايق من القلة الأهلوية المندسة، دول لا يعبروا عن نبض المنتدى آت أوول...

[Lighthouse]

يادي الكسوف جيت متأخرة :wub:

منور يا CoDeR :) :)

حيث اني جيت متأخرة فسارتب لك ترحيب انفجاري معتبر يتناسب مع مكانتك المشعة

واحب اقول لك قبل المظاهرة اللى ح انظمها لك

خللى بالك من نفسك كويس قوي واوعي تسمع كلام العضو الاخضر صاحب الاسم الحركي س س ويغريك تدخل معارك ضد فكيهات المنتدى ويقول لك نحن ورائك والكلام ده

صدقني

كلها حركات وح تتدبس لوحدك وماحدش ح ينفعك

لفكيهات هنا جامدين قوي قوي mc:

ده مش تهديد ولا حاجة

بس حبيت انورك po:: قبل ماحد يغريك ويورطك cr((:

وانا شايفة الاغراءات شغالة ايشي اهلي وايشي زمالك وزيادة مشاركات وحركات ha)

يعني ماشفناش الاغراءات دي قبل كده ;)

المهم

خد ياعم المظاهرة اهي ترحيب جامد بيك fwrk:

gra:- gra:-

[CoDeR]

الصديق العزيز أفيونه ..

هو في الحقيقه أنا لما خبطت علي الباب الجماعه فتحولي .. cr((:

و لما لقيت العلم الأبيض الكبير اللي في الصاله gra:- قلت الله أكبر .. me0:

ربنا يكرمك يا جميل..

و تقبل تحياتي ..

[CoDeR]

الصديق العزيز نيرون ..

مش عارف .. حاسس كده أن أنت مش عاجباك الأداره .. gra:-

و بتقول كلام مش اللي هو .. cr((:

مش تستني شويه لما نشد حيلنا شويه هنا gra:-

و شكرا علي ترحيبك ..

و تقبل تحياتي ..

[DARWEEN]

زملكااااااااااااوي .... وأنا أقول رجع في كلامه عن الشاشه ليه أتاريك منهم

و لما لقيت العلم الأبيض الكبير اللي في الصاله  قلت الله أكبر ..

يابني أنت فاهم غلط ... دا أحنا كنا ناشرين ملاية السرير

وبعدين على رأي ٍسي السيد أنت أسمك لسه مكتوب بالرصاص ولعلمك كل الدوشه البيضه اللي حواليك دي زيك كده كله مستجد ... واخد بالك

وعمنا محمد أبوزيد الحكومه عنده اهلاويه جدا .... معايا ياكودر ياأخويا

وبعدين لاحظ حاجه بقى مهمه جدا ... أغلب المشرفين هنا أهلاويه جدا حتى تلاقي الأدمن الأتنين أسمهم مكتوب بالأحمر ... فياريت تستهدى بالله كده وتعود إلى رشدك

أحنا ناس منتهى الديمقراطييه اللي في الدنيا وتقدر تعبر عن كل اللي في نفسك (طول مابتقول الأهلي حديد )

غير كده ياحلو اللهم أعلم باللي حيحصل ولقد أعذر من أنذر ...

وبالمناسبه بقى بدل ما أنت داخل بصدرك كده ... مفيش حاجه أسمها (هاا هلاقي مكان) روح بسرعه عدلها أحسن أول إنذار يكون بسبب الخطأ في كتابة العنوان ( شفت التلاكيك )

[CoDeR]

الصديق العزيز لانسيلوت ..

حتي لو قفلت الصاله ..

أنا هقعد في مكتب الأستاذ محمد ابو زيد cr((:

[Mohammad Abouzied]

ولا يهمك من التهديدات دي يا كودر مكتبي مفتوح ولو عاوز صالة لوحدك احنا تحت امرك ثم انت عندك حصانة زملكاوية محدش يقدر يديك كارت احمر ابدا cr((:

[CoDeR]

الأخت العزيزه فيروز ..

مين قويدر ده ؟؟ cr((:

الحمدلله .. أنا متأكد أني مكنتش هلاقي ترحيب أكبر و لا أكتر من كده ..

و تقبلي تحياتي ..

[CoDeR]

الأستاذ العزيز رجب ..

تبشير بأيه ؟؟ gra:-

يا عمنا .. الحمدلله الذي هدانا لهذا و ما كنا لنهتدي لولا أن هدانا الله ..cr((:

و تقبل تحياتي ..

[CoDeR]

الأخت العزيزه لايت هاوس ..

ألف الف شكر علي الترحيب الأنفجاري الذي يتناسب مع مكانتي المشعه .. gra:-

بس علي فكره .. ما بلاش موضوع مشعه ده fwrk: ..

بدل ما أمريكا تبعت فرق تفتيش عن أسلحه الدمار الشامل اللي في المنتدي :wub:

و بعدين أيه المظاهره اللي حضرتك عاملاها ديه .. أودي جموع المهنئين دوول فيين ؟؟ gra:-

ممكن تخلي لانس بقي يفتح الصاله بقي عشان ندخل الناس ديه كلها بدل ماهم واقفين يتنططوا في الشارع كده cr((:

شكرا علي الترحيب الحار ..

و تقبلي تحياتي ..

تم تعديل 22 يناير 2004 بواسطة CoDeR

[CoDeR]

أستاذ محمد ... الحقني .. gra:-

داروين بيهددني .. و عايز يستغل نفوذه .. gra:-

أنا هبيت الليله في المكتب عندك بقي لحد ما تشوف صرفه معاه cr((:

[se_ Elsyed]

السادة الزملاء ... أرجو إلتزام الهدوء وعدم الخروج عن موضوع الترحيب ..

كودو غلط وقال انه زملكاوي وإحنا عقلانه وهايتوب .. ويرجع اهلاوي كباقي أبناء الشعب المصري الأصيل

فمافيش داعي لإثارة الفتن والنعرات الكدابة وبث الفرقة بين أبناء الشعب المصري ... كل المصريين اهلاوية وماحدش يقدر يفرق بينهم .... وإذا كان فيه قلة قليلة تُعد على الأصابع أعتنقت أفكار غريبة عن مجتمعنا .. فأحب اطمنكم إن سلومة الأقرع مايعرفش أبوه واللي هايقع منهم مش هايترحم ..... فكل واحد من دول ودوكهما يقعد مع نفسه ويتوب وإحنا مستعدين نسامحه عن أي هفوات بدرت منه

هذا والله ولي التوفيق ....

[فــيــروز]

قويدر ده حلوانى !! cr((:

[نيرون]

زملــ :o

زملــ :huh:

قلبى أهههه قلبى

هات الحبايه يا سى السيد :unsure:

زملكاوى :angry:

وبتقولها فى وشى :angry:

قلبى

ولسه واقف قدامى ksh::

اطلع بره بيتى بره

( اه يا عنماد حمدى يا كايدهم )

الغريبه يا سى السيد ان فيه رنه موبيل جمييييييييله قوى نفسى ابعتهالك.

على لحن جميل لاذنى قوى

الرنه بتقول

بيبو وبشير wst::

بيبو وبشير

بيبو والجون

بيبو وبشير بيبو والجون

حلوم مش كده f((:

( اجرى بقا قبل محمد ابو زيد ما يجى )

وبرضه مليتو البلد htr::

[Lighthouse]

الأخت العزيزه لايت هاوس ..

ألف الف شكر علي الترحيب الأنفجاري الذي يتناسب مع  مكانتي المشعه .. ksh::

بس علي فكره .. ما بلاش موضوع مشعه ده f((: ..

بدل ما أمريكا تبعت فرق تفتيش عن أسلحه الدمار الشامل اللي في المنتدي wst::

و بعدين أيه المظاهره اللي حضرتك عاملاها ديه .. أودي جموع المهنئين دوول فيين ؟؟ htr::

ممكن تخلي لانس بقي يفتح الصاله بقي عشان ندخل الناس ديه كلها بدل ماهم واقفين يتنططوا في الشارع كده :angry:

شكرا علي الترحيب الحار ..

و تقبلي تحياتي ..

مرحب بالاخ كودر البرادعي رئيس الفريق

بقى انت جاي تتكلمعن القاعدة وتقول مااعرفش ايه

ودلوقتي بتتكلم عن فريق التفتيش

طيب بذمتكالصورة الرمزية المشعشعة دي تطلع ايه :huh:

قول

اعترف

انطق

اتكلم

ساكت ليه

عالم ماتجيش غير بالشخيط صحيح :angry:

:unsure:

[الأفوكاتو]

مرحبا بلأخ كودر,

و نتمنى له إقامة طيبة مثمرة فى المحاورات

[هشام عبد الوهاب]

مرحبا بالأخ كودر ... نتمنى مشاركات قيمة .

على فكرة انا الأدمين هنا ( واخد بالك :blink: ) وانا زملكاوى .. حد عنده اعتراض

:blink: me0: ax: s-:

sdm: :blink:

[afiona]

أووووه......

ملاحظين إن أحفاد محمد سعد وضياء السيد وأسامة عرابى لم يعقبوا بعد تدخل الكينج لإسكاتهم؟

CoDeR, خش يا رجل مايهمكش من فنجرية البق دول...

[CoDeR]

أيه ده .. الأستاذ هشام الأدمين زملكاوي ..

طب ..

بيب بيب زمااالك .. بيب بيب زماااالك ..

سامعني ياللي في بالي .. :)