كندا... بداية ونهاية

[znaty]

وجهة نظر

اخواني الاحباء

قبل ما ابدا في وجهة النظر عاوز اوضح بعض الحاجات عن حلقة الانطباعات بس الاول

قبل اي حاجة احب اوضح نقطة مهمة جدا

في حلقة الانطباعات كان كل همي وتركيزي وانا باكتب حاجتين:

لا تبالغ في الحذر ..فتكون النتيجة احباط واحد مجد مثابر وناجح وسكته سالكة

كما لا تبالغ في المدح ..فتكون النتيجة ان الدنيا تبقي وردي وواحد يسيب وضع هو فيه مستقر وزي الفل وحياته فعلا وردي لحياة هو موش قداها وتبقي النتيجة كارثة

زي ماقال دكتور تهامي بالظبط ..كل واحد حالة مستقلة بذاتها

فقط لازم تاخد بالك وتنتبه وتعرف انت رايح على فين لا اكثر

بس من المنطقي جدا انك تعرف ان كندا ليست جنة الله في الارض اللي بمجرد دخول اي وكل انسان فيها ..تبقي بدات مرحلة النعيم ..ولهم ما يشائون فيها ولدينا مزيد :waf:

لا ..زي مافيها منعمين ..فيها كمان معذبين

كذلك في مصر وفي اي مكان في الدنيا ..فيها المنعمين وفيها المعذبين

اما نقطة المصاريف

اللي قلته يا صديقي العزيز دكتور تهامي ..هو نسخة بالكربون طبق الاصل من اللي قالهولي صاحبي سعيد بتاع امريكا انت عارفه طبعا

لما كنت باكلمه عن الشوبنج والاسعار والبيبسي والحاجات دي

قاللي يابني ماتشتريش حاجة دلوقتي خاااالص ..انت لسة جديد ماتعرفش حاجة ...اللي عايشين هناك بيعرفوا يشتروا منين وبكام ..وفعلا هتلاقي الاسعار حاجة تانية خالص

انا فاهم والله

كمان يا اخت دريمي انا فاهم اللي بتقوليه

بس انا ماحبش اعيش على الحركرك ومزنوق كدة وماشي على حافة الهاوية فكان لازم اني انبهكم علشان تبقي موش عايش وانت قلقان او توصل لدرجة الاضطرار في مرحلة انت محتاج فيها تركيزك علشان تذاكر او تعادل او تكون فيها علاقات

مثلا انا لقيت اني كدة وانا سايب اديا هاصرف 1000 سكن دة المتوسط في تورونتو و 500 سيارة ( بنزين وتامين وصيانة ) و 500 فواتير تليفونات وموبايل وانترنت وتليفزيون وكهربا وخلافة

يبقي انا باتكلم في 2000 دولار شهريا ولسة ولا كلنا ولا شربنا ولا لبسنا ولا جبنا دوا ولا حوشنا علشان ننزل مصر نشوف اهلنا و لا جبنا لعب شوكولاته وبامبرز للعيال ماحدش ضامن الظروف فيها ايه

يبقي ازاي اقول للناس توكل على الله كدة 2000 هايكفوك وخلاص ؟

وخصوصا ان 99 في المية من المهاجرين سايبين وظائف محترمة بمرتبات عالية جدا بدليل انهم قدروا على مصاريف الهجرة في الاول وملحقاتها ..يبقي طالما هما الوقتي معاهم فلوس .زيبقي منطقي اني اضغط عليهم علشان يستغلوا كل يوم في ال 3 سنين المهلة من اللاندنج والسنة بتاعة التاشيرة انهم يحوشوا كل مليم بيكسوه الوقتي لغاية مايوصلوا للرقم اللي انا قلته في الاول فيدعولي بعد كدة

يعني يوقفوا حياة الرفاهية من دلوقتي موش من ساعة مايستقروا في كندا

يعني يوقفوها بمزاجهم بدل ما تقف غصب عنهم

بدل ماديله صورة وردية يلم العزال ويحسبها على 2000 دولار ويتكل على الله وساعتها ممكن يحصل مالا تحمد عقباه ؟

والله لو صرفوا ااقل من كدة وربنا اكرمهم ولقوا شغل بدري والفلوس فضلت معاهم تبقي فل اوي اوي ..حد يقدر يقوللي ساعتها بقي خسروا ايه ؟؟

نبدا بقة في وجهة النظر

اولا كندا للجنسية بس والا ممكن تعيش هناك على طول

دي بقة تعتمد تماما على شخصية اللي هايجاوب

لكن لو بصينا للثوابت اللي ماتفرقش من واحد لواحد الاول

لا في الحالة دي ..ااقدر اقولها بمنتهي القوة ..كندا من اجمل بلاد الارض اللي ممكن تعيش فيها في حالة انك خلاص مصمم انك موش هاتعيش في بلدك

من كل الزوايا ..موش هتلاقي بلد تحس فيها بالامان والمساواة والراحة النفسية وهدوء الاعصاب احسن من كندا

استحضر هنا كلمة مهمة جدا لصديقي م ياسر

في كندا كل مشاكلك اتحلت اول ما تلاقي شغل محترم ..بس بره ..الشغل موش نهاية المشاكل

بس لازم تعرف حاجة مهمة

كونك خلاص استقريت مدي الحياة هناك ..يبقي خلاص هاتفضل هناك

موش هاتعرف تحوش اي حاجة بس هاتعيش كويس

مهما زاد راتبك كل ماتعمر هناك ..كل مازاد اللايف ستايل بتاعك هناك بس موش هاتحوش حاجة

نظرية التحويس بتاعة الخليج علشان الخليج موش بتاعك وممكن تمشي في اي لحظة دي خلاص انتهت

كندا موش بلد فلوس ..اقتباس د هشام ابراهيم

يبقي ساعتها بقي شيل الحنين للوطن من دماغك بقة وكمل حياتك هناك بهدوء وزي الفل

اما لو انت بقة موش متاكد هل انت عاوز بلدك وبتحن للعيشة فيها تاني والا لا ..فيكفي ال 3 سنين بتاعة الجنسية انك تاخد القرار دة بنفسك خلالها

اما لو كان نفسك تحوش وتعمل قرشين يبقي انسي حكاية الاستقرار في كندا دي وهاتلعب بقي على استغلال الجنسية وتعمل زي الاف ماعملوا وخدوا الباسبورات ونزلوا على الخليج ..سنتين تلاتة خمسة زي ما انت عاوز ..بالجنسية الكندية موش هاتعمل ااقل من رقم مكون من 6 اصفار محترمين ..وبعدين ترجع تنعم بدفء بلدك واهلك واصحابك ومانتش شايل هم الفلوس والشغل

زي ماقلتلك كل واحدة من ال 3 اللي فاتوا صح موش غلط ..بس تعتمد على هدف وشخصية صاحبها ..كل اختيار منهم هو اختيار سليم وموفق بس لصاحبه موش للناس كلها

فيه واحد شايف بلده وحشة ومايتعاش فيها ..هو حر ....دور فين راحتك يا صديقي واعملها

وفيه واحد شايف ان مصر هيا جنة الله في الارض ..بس ناقصة فيها شوية امكانيات وامتيازات علشان الحلو يكمل ويرجع يعيش في وسط اهله وبلده وناسة ..هو بررده حر ..ولا يملك اي مخلوق مهما كان انه يقوله انت غلطان ..والا بلدك وحشة ومايتعاش فيها ..يا اخي ظروف الناس تختلف ..جايز انت ظروفك ماعيشتكش فيها محترم بس خليته هو عايش محترم وواخد حقة

ظروف الناس تختلف

بس اللي لا يختلف عليه اتنين ..من وجهة ..نظري حاجتين

الاولي : الخليج ..لم ولن يصلح ابدا انك تعيش فيه عمرك كله على الاطلاق ..صحيح انك ممكن تحوش فلوس بالعبيط هناك .بس هاتخسر قصاده كتييييييييييير اوي

هاتخسر مكانك في بلدك لما العمر يجري بيك وترجع معاك فلوس وموش عارف تعمل بيها اي وخايف ليتنصب عليك وساعتها الصققيره كتير مستنيين اللي زي سعادتط طبعا ..دة الى جانب ان للاسف الشديد انحدار الاخلاق في مصر للاسف بيزداد سؤا من وقت لوقت الى ان يقضي الله امرا كاان مفعولا

هاتخسر ولادك ..اللي هايتعلموا تعليم لا مؤاخذة بهايمي ولا هايفيد ولا هايقدم وفي الاخر هايضطر ينزل على الجامعه مصر تاني يحس بفرق رهيب في التعليم وفي مستواه بالنسبة لمستوي زمايله في مصر ..اللي مانقدرش ننكر ..ان مستوي التعليم في مصر ارتفع جدا وبقي صعب ..واكيد بعد قوانين المعادلة بتاعة الثانوي الجديدة في مصر ..اللي جاي جايب 100 5 في الخليج وينزل يخش الجامعه في مصر ..التنسيق اخره ليوديه كلية البوسطة في طنطا لاما معهد الطوب الاحمر

دة بالاضافة الى الخطر الشديد : تخيل ولد والا بنت في سن في منتهي الخطورة ...17 18 سنة

عايش في مصر لوحدة بدون رقابة او وجود اب وام يتعملهم حساب

وحنفية فلوس مفتوحة في الخليج ومعاه زمايله عايشين بالقطارة

ايه اللي ممكن يحصل الا لمن رحم ربي ؟؟؟

هاتخسر ثقتك في نفسك من كتر ما انت عايش عمرك كله عامل حساب للكفيل وللقرف ..بتتحاشي انك تخش في اي نوع من المشاكل مع اصحاب البلد لانك هاتفضل طول عمرك غريب وموش هاتاخد حقك فيها ..هاتتعلم تفرط في حقك بعدها ..ماهو احنا موش بنتكلم عن كام سنة لا ..دة احنا بنتكلم عن عمر من التاثر والتاثير

لاحظ الفرق : في كندا هاتتعلم انك ماتفرطش في حقك بس في الخليج هاتتعلم العكس

الخلاصة هاتعيش عمرك كله في بلد عمرها ماحاتبقي بلدك ..هاتتعلم فيها البخل من كتر مانت خايف من بكرة اللي موش بتاعك هناك وممكن تمشي في اي لحظة ..وكل ماعمرك بيكبر فرصك بتقل ومجهودك بيقل ..يعني هاتكسب فلوس كتير موش هاتلحق تستمتع بيها وتخسر قصادها كتييير اوي

الحاجة التانية : اوعي ..اوعي ..انك تنسي اصلك وبلدك لو عشت هناك ..اوعي لو اخترت الاستقرار في كندا ..انك تسخر من بلدك مصر ..لو عملتها يبقي بتسخر من اهلك وناسك واصحابك وذكرياتك وحتى ابوك وامك ...ومهما عشت هناك خد دايما مصر في قلبك ورغم كل اللي بتشوفه وبتسمعه فيها ..افتخر دايما انك مصري ..وازرع دة جوه ولادك هناك بشدة

اذا كانت مصر دلوقتي في وحهة نظرك صعبه ..الحال عمره ماهايفضل هو الحال والدنيا بتتغير ..ياما مرينا بظروف اسوا على مر العصور واتغيرنا تاني

ضميرك هايبقي مستريح اوي وانت بتعلم ولادك وهما بيندمجوا في المجتمع الكندي ..انهم يندمجوا باصولهم المصرية وعروبتهم واسلامهم ..زي ماعملوا الصينيين هناك ..نقلوا الصين هناك ..مع انهم بيعانوا من الحكم الشيوعي والاضهاد والعبودية هناك ..بس لسه بيحبوا بلادهم وناسهم

لانهم عارفين مهما عاشوا هناك وولادهم عاشوا هناك انهم صينيين وهايفضلوا صينيين ..ولو خدوا مليون جنسية لو شفته في الشارع هاتقول دة صيني ..موش كندي

لو سخرت من بلدك ومن ناسك وحاولت تنساهم ..يبقي انت بقيت ضايع مالكش في الدنيا اصل ومافيش حد هايحترمك اصلا ..تخيل وقفتك قدام ربنا يوم القيامة لو ولادك بقوا كنديين باسماء كندية ومابيعرفوش يقروا القران علشان مابيغرفوش يتكلموا عربي ..والاسوا من كدة انهم اندمجوا وتحرروا والا استخدم اي وصف انت عاوزة ..ونسيوا الاخلاق اللي انت شخصيا اتربيت عليها

صحيح هو عارف انه مسلم ..وان ابوه باين والا جده كاااان مصري ..بس دي اخر حدود معلوماته عن اصوله ودينه ..صدقني لو حصل كدة ..انت اكتر واحد هايندم يوم القيامة

اوعي

اوعي تسخر من مصر قدام ولادك وتعلمهم يكرهوها علشان تبررلهم هما ليه موش عايشين فيها ..انت لوحدك اللي هاتندم ..وبكره تتفرج عليهم لما يكبروا

اما عني انا :

اعتقد اني من الفئة التانية : اللي هاتقرر لما تستقر

بس اللي متاكد منه حاليا

اني لو امتلكت الظروف والوسائل اللي تخلليني اعيش في مصر مستقر ..هارجع اعيش فيها

اصلي بصراحة

قعدت افكر وافتكر ..اكتشف ان لغاية دلوقتي مع اني رحت بلاد كتير هنا وهناك

لقيت ان احلى ضحكة في حياتي ضحكتها من قلبي كانت في مصر

واحلى لمة كنت فيها في حياتي ..كانت في بيت العيلة يوم العيد الصبح مع اهلي واهل مراتي في مصر

واحلى اكلة كلتها في حياتي كانت في مصر

واحلى نسمة هوا شمتها في حياتي .زكانت على التقاء القناة بالبحر في بورسعيد ..مصر

واحلى منظر للغروب والا الشروق شفته في حياتي ..واحلى منظر للقمر البدر شفته في حياتي ..كان علبحر في بورسعيد مصر

واحلى قعده اصحاب على قهوة بنلعب طاولة بعد يوم عمل مضني ومتعب كان في قهوة توب شوب ..في بورسعيد ..مصر

واحلى حتة اتمشيت فيها كانت على الكورنيش في بورسعيد ..او اسكندرية .او القاهرة او مشاية المنصورة ..يعني كانت في مصر

واحلى واحلى واحلى

الله؟؟؟؟

طب هو انا هاعيش عمري كله على الذكريات يعني ؟؟

طب وانا جاي على نفسي وتاعب قلبي ليه كدة يعني ؟؟

طب مانا اعمل اللي انا عاوزة من الغربة وخلاص بقي كفاية ..ارجع استمتع في بلدي باللي بقي لي من عمري وكفاية حرمان بقة

اوعي حد يقوللي اصلك بترجع ضيف وتسافر تاني لاااااااااااااااا

الكلام دة حصل وانا لسة باترمرمط فيها وعندي كل مشاكل الدنيا اللي عند الناس اللي عايشة فيها وموش ظايق وعاوز اسافر

بس المشكلة انك ماتبشوفش الحلو الا بعد لما تسيبه

بس السؤال بقة ؟؟..ياتري لو حققت اللي انا عاوزة دة ..هايكون لسة في العمر بقية اني اتمتع بمصر تاني ..ماعرفش ...دي بقة بتاعة ربنا ..

بكدة اكون خلصت مذكراتي لغاية مرحلة اللاندنج

في حالة ربنا كرمنا وجالنا البي ار ..وعرفنا نرجع كندا ..نستكمل الذكريات والانطباعات ..ونوشف هاتتغير والا لا :aslam:

اشكركم على حسن المتابعة وارائكم وكلماتكم الرقيقة بجد

حسيت منكم بحب شديد جدا واتمني نفضل هنا وهناك في الحب دة

نبدا باه طويل من الدردشة لغاية مانزل كندا تاني او لما ابدا في خطوات المعادلة ان شاء الله

والله من وراء القصد ....وهو يهدي السبيل

[أكسيلانس]

الأخ زناتي

قرأت المشوار من أوله ألي أخره ,, و أعتقد أن كلنا بلا أستثناء من الفئه الثانيه ,, التي ستقرر مصيرها بعد الاستقرار ,, شئنا أم أبينا ,, لأن حتي الذي يقرر أنه ذاهب الي المستقر الاخير ,, لن يطيق الاستمرار أذا وجد نفسه يسير عكس التيار ,, و أنا لي زملاء عاشوا و أستقروا و عملوا في مجالاتهم برواتب محترمه جدا و أستمروا لمده 15 و 19 سنه ,, ثم قرروا العوده أه السبب يا تري ,, نفس السبب الذي يجعل 40 الف أسرة أجنبيه من ألمانيا و سويسرا و أنجلترا تعيش في مدينة الغردقه ومثلهم في شرم الشيخ ,, الملل يا أخواني الملل من كل شئ - و أنا أتكلم حتي أهل البلد ليس فقط الماهجرين أمثلنا - لكن حتي أهل البلد يشتكون من وحده شديده لطبيعة هذه المجتمعات و كذلك الجو - لقد قابلت أسره من الدنمارك تقول أنتم لا تعرفوا مدي النعيم الذي منحكم أيه الله ( الشمس) 12 شهر - لأن الأجواء البارده جدا تصيب بالاكتئاب , و لا تتخيلوا مدي ألاشاده التي نسمعها منهم علي عاداتنا و تقاليدنا هنا - و المسأله أيضا مسألة وقت فكما مملنا نحن مما نحن فيه و هم مما هم فيه - سوف نمل مم هم فيه و العكس .....فالكمال لله وحده في عباده و في أرضه أيضا و أنا شخصيا لا أطمع في أكثر من 5 الي 6 سنوات أدرس فيه ما يفيدني للعوده و يتلعم فيها أولادي ألي بدايه المرحل الثانويه ثم نعاود الكره بالهجره الي الوطن . فطالما بقيت حيا لن يكفيني تحقيق حلم واحد لأني كلما نمت ( أو أسقريت ) سوف أحلم مره أخري و هكذا ,,,,, هذه هي حال البشر

تحية تقدير و أشاده بالأخ زناتي عن صدق نواياه ,, و خالص دعواتي ان يوفقه الله لما يحب و يرضي

:aslam:

[jessika]

مش هاعرف اقول فى حقك يا بشمهندس زناتى غير

ما اروعــــــــــــــــــــــــــــــك

[dcfarouk]

بجد موضوع تحفه

انا مبسوط جدا اني بشارك معاكوا

بجد يادكتور تهامي انت عقدتني من التصوير بجد صور احترافيه وطبعا كمان الصور بتاعه المهندس ايهاب بجد حلوه اوي

ياريت حضراتكوت تعرفونا انواع الكاميرات الجباره ديه طبعا جزء كبير علي المصور بس يمكن نقرب شويه من الاحتراف ده وياريت اسعار الكاميرات ديه يعني اجيبها من مصر ولا لما اوصل باذن الله

وليه استفسار بخصوص قرض الاوساب وقرض الويل فير ايه همه بالظبط وكمان هل دول علي مستوي كندا كلها ولا بعض الاماكي فقط وهل دول غير منحه الدراسه اللي بتاخد عليها فلوس لما تدرس لغه انجليزيه مثلا وهل موضوع فلوس مع الدراسه موجود في كل كندا لان مدام مييو قالت انه موجود في البرتا ومش عارف الوضع في باقي الولايات

وعلي فكره عاوز اذكر حاجه من قرأتي المتواضعه انا لاحظت فعلا الاسعار في كالجاري بتاعه الاقامه ارخص من تورنتو مش عارف ازاي بس لما دخلت علي كريج ليست لقيت الايجار بتاع room mate في كالجاري ارخص من تورنتو والله اعلم وهل انا لو عشت في room mate هل ده بيمنع اني اخد الهيلس انشورنس علي اساس ان الايجار مش باسمي ولا ايه الحل وكمان موضوع البي ار هلي ممكن اعمله علي عنواني فيhomestay او room mate ولا لازم اكون صاحب المكان

بالنسبه لموضوع الولد والجيرل فرند اللي زكره مهندس زناتي كنت عاوز اعقب

اعتقد انه من الحريه الشخصيه انك تبلغ الشرطه عنهم لانه كده همه بيجبروك تشوف حاجه انت مش عاوز تشوفها يعني لو انا مش بحب اشوف افلام رعب انت مش هتفرجني بالعافيه وهمه هنا بيعملوا فلم ...و انا مش عاوز اشوفه ولا اسمعه يبقي انا حر ولازم ده ميحصلش

ياريت تعقيب الاخوه

وشكرا

ياريت لو حد عنده معلومه يفيدني

تم تعديل 18 ديسمبر 2009 بواسطة dcfarouk

[medopharm]

وجهة نظر

اخواني الاحباء

قبل ما ابدا في وجهة النظر عاوز اوضح بعض الحاجات عن حلقة الانطباعات بس الاول

قبل اي حاجة احب اوضح نقطة مهمة جدا

في حلقة الانطباعات كان كل همي وتركيزي وانا باكتب حاجتين:

لا تبالغ في الحذر ..فتكون النتيجة احباط واحد مجد مثابر وناجح وسكته سالكة

كما لا تبالغ في المدح ..فتكون النتيجة ان الدنيا تبقي وردي وواحد يسيب وضع هو فيه مستقر وزي الفل وحياته فعلا وردي لحياة هو موش قداها وتبقي النتيجة كارثة

زي ماقال دكتور تهامي بالظبط ..كل واحد حالة مستقلة بذاتها

فقط لازم تاخد بالك وتنتبه وتعرف انت رايح على فين لا اكثر

بس من المنطقي جدا انك تعرف ان كندا ليست جنة الله في الارض اللي بمجرد دخول اي وكل انسان فيها ..تبقي بدات مرحلة النعيم ..ولهم ما يشائون فيها ولدينا مزيد :waf:

لا ..زي مافيها منعمين ..فيها كمان معذبين

كذلك في مصر وفي اي مكان في الدنيا ..فيها المنعمين وفيها المعذبين

اما نقطة المصاريف

اللي قلته يا صديقي العزيز دكتور تهامي ..هو نسخة بالكربون طبق الاصل من اللي قالهولي صاحبي سعيد بتاع امريكا انت عارفه طبعا

لما كنت باكلمه عن الشوبنج والاسعار والبيبسي والحاجات دي

قاللي يابني ماتشتريش حاجة دلوقتي خاااالص ..انت لسة جديد ماتعرفش حاجة ...اللي عايشين هناك بيعرفوا يشتروا منين وبكام ..وفعلا هتلاقي الاسعار حاجة تانية خالص

انا فاهم والله

كمان يا اخت دريمي انا فاهم اللي بتقوليه

بس انا ماحبش اعيش على الحركرك ومزنوق كدة وماشي على حافة الهاوية فكان لازم اني انبهكم علشان تبقي موش عايش وانت قلقان او توصل لدرجة الاضطرار في مرحلة انت محتاج فيها تركيزك علشان تذاكر او تعادل او تكون فيها علاقات

مثلا انا لقيت اني كدة وانا سايب اديا هاصرف 1000 سكن دة المتوسط في تورونتو و 500 سيارة ( بنزين وتامين وصيانة ) و 500 فواتير تليفونات وموبايل وانترنت وتليفزيون وكهربا وخلافة

يبقي انا باتكلم في 2000 دولار شهريا ولسة ولا كلنا ولا شربنا ولا لبسنا ولا جبنا دوا ولا حوشنا علشان ننزل مصر نشوف اهلنا و لا جبنا لعب شوكولاته وبامبرز للعيال ماحدش ضامن الظروف فيها ايه

يبقي ازاي اقول للناس توكل على الله كدة 2000 هايكفوك وخلاص ؟

وخصوصا ان 99 في المية من المهاجرين سايبين وظائف محترمة بمرتبات عالية جدا بدليل انهم قدروا على مصاريف الهجرة في الاول وملحقاتها ..يبقي طالما هما الوقتي معاهم فلوس .زيبقي منطقي اني اضغط عليهم علشان يستغلوا كل يوم في ال 3 سنين المهلة من اللاندنج والسنة بتاعة التاشيرة انهم يحوشوا كل مليم بيكسوه الوقتي لغاية مايوصلوا للرقم اللي انا قلته في الاول فيدعولي بعد كدة

يعني يوقفوا حياة الرفاهية من دلوقتي موش من ساعة مايستقروا في كندا

يعني يوقفوها بمزاجهم بدل ما تقف غصب عنهم

بدل ماديله صورة وردية يلم العزال ويحسبها على 2000 دولار ويتكل على الله وساعتها ممكن يحصل مالا تحمد عقباه ؟

والله لو صرفوا ااقل من كدة وربنا اكرمهم ولقوا شغل بدري والفلوس فضلت معاهم تبقي فل اوي اوي ..حد يقدر يقوللي ساعتها بقي خسروا ايه ؟؟

نبدا بقة في وجهة النظر

اولا كندا للجنسية بس والا ممكن تعيش هناك على طول

دي بقة تعتمد تماما على شخصية اللي هايجاوب

لكن لو بصينا للثوابت اللي ماتفرقش من واحد لواحد الاول

لا في الحالة دي ..ااقدر اقولها بمنتهي القوة ..كندا من اجمل بلاد الارض اللي ممكن تعيش فيها في حالة انك خلاص مصمم انك موش هاتعيش في بلدك

من كل الزوايا ..موش هتلاقي بلد تحس فيها بالامان والمساواة والراحة النفسية وهدوء الاعصاب احسن من كندا

استحضر هنا كلمة مهمة جدا لصديقي م ياسر

في كندا كل مشاكلك اتحلت اول ما تلاقي شغل محترم ..بس بره ..الشغل موش نهاية المشاكل

بس لازم تعرف حاجة مهمة

كونك خلاص استقريت مدي الحياة هناك ..يبقي خلاص هاتفضل هناك

موش هاتعرف تحوش اي حاجة بس هاتعيش كويس

مهما زاد راتبك كل ماتعمر هناك ..كل مازاد اللايف ستايل بتاعك هناك بس موش هاتحوش حاجة

نظرية التحويس بتاعة الخليج علشان الخليج موش بتاعك وممكن تمشي في اي لحظة دي خلاص انتهت

كندا موش بلد فلوس ..اقتباس د هشام ابراهيم

يبقي ساعتها بقي شيل الحنين للوطن من دماغك بقة وكمل حياتك هناك بهدوء وزي الفل

اما لو انت بقة موش متاكد هل انت عاوز بلدك وبتحن للعيشة فيها تاني والا لا ..فيكفي ال 3 سنين بتاعة الجنسية انك تاخد القرار دة بنفسك خلالها

اما لو كان نفسك تحوش وتعمل قرشين يبقي انسي حكاية الاستقرار في كندا دي وهاتلعب بقي على استغلال الجنسية وتعمل زي الاف ماعملوا وخدوا الباسبورات ونزلوا على الخليج ..سنتين تلاتة خمسة زي ما انت عاوز ..بالجنسية الكندية موش هاتعمل ااقل من رقم مكون من 6 اصفار محترمين ..وبعدين ترجع تنعم بدفء بلدك واهلك واصحابك ومانتش شايل هم الفلوس والشغل

زي ماقلتلك كل واحدة من ال 3 اللي فاتوا صح موش غلط ..بس تعتمد على هدف وشخصية صاحبها ..كل اختيار منهم هو اختيار سليم وموفق بس لصاحبه موش للناس كلها

فيه واحد شايف بلده وحشة ومايتعاش فيها ..هو حر ....دور فين راحتك يا صديقي واعملها

وفيه واحد شايف ان مصر هيا جنة الله في الارض ..بس ناقصة فيها شوية امكانيات وامتيازات علشان الحلو يكمل ويرجع يعيش في وسط اهله وبلده وناسة ..هو بررده حر ..ولا يملك اي مخلوق مهما كان انه يقوله انت غلطان ..والا بلدك وحشة ومايتعاش فيها ..يا اخي ظروف الناس تختلف ..جايز انت ظروفك ماعيشتكش فيها محترم بس خليته هو عايش محترم وواخد حقة

ظروف الناس تختلف

بس اللي لا يختلف عليه اتنين ..من وجهة ..نظري حاجتين

الاولي : الخليج ..لم ولن يصلح ابدا انك تعيش فيه عمرك كله على الاطلاق ..صحيح انك ممكن تحوش فلوس بالعبيط هناك .بس هاتخسر قصاده كتييييييييييير اوي

هاتخسر مكانك في بلدك لما العمر يجري بيك وترجع معاك فلوس وموش عارف تعمل بيها اي وخايف ليتنصب عليك وساعتها الصققيره كتير مستنيين اللي زي سعادتط طبعا ..دة الى جانب ان للاسف الشديد انحدار الاخلاق في مصر للاسف بيزداد سؤا من وقت لوقت الى ان يقضي الله امرا كاان مفعولا

هاتخسر ولادك ..اللي هايتعلموا تعليم لا مؤاخذة بهايمي ولا هايفيد ولا هايقدم وفي الاخر هايضطر ينزل على الجامعه مصر تاني يحس بفرق رهيب في التعليم وفي مستواه بالنسبة لمستوي زمايله في مصر ..اللي مانقدرش ننكر ..ان مستوي التعليم في مصر ارتفع جدا وبقي صعب ..واكيد بعد قوانين المعادلة بتاعة الثانوي الجديدة في مصر ..اللي جاي جايب 100 5 في الخليج وينزل يخش الجامعه في مصر ..التنسيق اخره ليوديه كلية البوسطة في طنطا لاما معهد الطوب الاحمر

دة بالاضافة الى الخطر الشديد : تخيل ولد والا بنت في سن في منتهي الخطورة ...17 18 سنة

عايش في مصر لوحدة بدون رقابة او وجود اب وام يتعملهم حساب

وحنفية فلوس مفتوحة في الخليج ومعاه زمايله عايشين بالقطارة

ايه اللي ممكن يحصل الا لمن رحم ربي ؟؟؟

هاتخسر ثقتك في نفسك من كتر ما انت عايش عمرك كله عامل حساب للكفيل وللقرف ..بتتحاشي انك تخش في اي نوع من المشاكل مع اصحاب البلد لانك هاتفضل طول عمرك غريب وموش هاتاخد حقك فيها ..هاتتعلم تفرط في حقك بعدها ..ماهو احنا موش بنتكلم عن كام سنة لا ..دة احنا بنتكلم عن عمر من التاثر والتاثير

لاحظ الفرق : في كندا هاتتعلم انك ماتفرطش في حقك بس في الخليج هاتتعلم العكس

الخلاصة هاتعيش عمرك كله في بلد عمرها ماحاتبقي بلدك ..هاتتعلم فيها البخل من كتر مانت خايف من بكرة اللي موش بتاعك هناك وممكن تمشي في اي لحظة ..وكل ماعمرك بيكبر فرصك بتقل ومجهودك بيقل ..يعني هاتكسب فلوس كتير موش هاتلحق تستمتع بيها وتخسر قصادها كتييير اوي

الحاجة التانية : اوعي ..اوعي ..انك تنسي اصلك وبلدك لو عشت هناك ..اوعي لو اخترت الاستقرار في كندا ..انك تسخر من بلدك مصر ..لو عملتها يبقي بتسخر من اهلك وناسك واصحابك وذكرياتك وحتى ابوك وامك ...ومهما عشت هناك خد دايما مصر في قلبك ورغم كل اللي بتشوفه وبتسمعه فيها ..افتخر دايما انك مصري ..وازرع دة جوه ولادك هناك بشدة

اذا كانت مصر دلوقتي في وحهة نظرك صعبه ..الحال عمره ماهايفضل هو الحال والدنيا بتتغير ..ياما مرينا بظروف اسوا على مر العصور واتغيرنا تاني

ضميرك هايبقي مستريح اوي وانت بتعلم ولادك وهما بيندمجوا في المجتمع الكندي ..انهم يندمجوا باصولهم المصرية وعروبتهم واسلامهم ..زي ماعملوا الصينيين هناك ..نقلوا الصين هناك ..مع انهم بيعانوا من الحكم الشيوعي والاضهاد والعبودية هناك ..بس لسه بيحبوا بلادهم وناسهم

لانهم عارفين مهما عاشوا هناك وولادهم عاشوا هناك انهم صينيين وهايفضلوا صينيين ..ولو خدوا مليون جنسية لو شفته في الشارع هاتقول دة صيني ..موش كندي

لو سخرت من بلدك ومن ناسك وحاولت تنساهم ..يبقي انت بقيت ضايع مالكش في الدنيا اصل ومافيش حد هايحترمك اصلا ..تخيل وقفتك قدام ربنا يوم القيامة لو ولادك بقوا كنديين باسماء كندية ومابيعرفوش يقروا القران علشان مابيغرفوش يتكلموا عربي ..والاسوا من كدة انهم اندمجوا وتحرروا والا استخدم اي وصف انت عاوزة ..ونسيوا الاخلاق اللي انت شخصيا اتربيت عليها

صحيح هو عارف انه مسلم ..وان ابوه باين والا جده كاااان مصري ..بس دي اخر حدود معلوماته عن اصوله ودينه ..صدقني لو حصل كدة ..انت اكتر واحد هايندم يوم القيامة

اوعي

اوعي تسخر من مصر قدام ولادك وتعلمهم يكرهوها علشان تبررلهم هما ليه موش عايشين فيها ..انت لوحدك اللي هاتندم ..وبكره تتفرج عليهم لما يكبروا

اما عني انا :

اعتقد اني من الفئة التانية : اللي هاتقرر لما تستقر

بس اللي متاكد منه حاليا

اني لو امتلكت الظروف والوسائل اللي تخلليني اعيش في مصر مستقر ..هارجع اعيش فيها

اصلي بصراحة

قعدت افكر وافتكر ..اكتشف ان لغاية دلوقتي مع اني رحت بلاد كتير هنا وهناك

لقيت ان احلى ضحكة في حياتي ضحكتها من قلبي كانت في مصر

واحلى لمة كنت فيها في حياتي ..كانت في بيت العيلة يوم العيد الصبح مع اهلي واهل مراتي في مصر

واحلى اكلة كلتها في حياتي كانت في مصر

واحلى نسمة هوا شمتها في حياتي .زكانت على التقاء القناة بالبحر في بورسعيد ..مصر

واحلى منظر للغروب والا الشروق شفته في حياتي ..واحلى منظر للقمر البدر شفته في حياتي ..كان علبحر في بورسعيد مصر

واحلى قعده اصحاب على قهوة بنلعب طاولة بعد يوم عمل مضني ومتعب كان في قهوة توب شوب ..في بورسعيد ..مصر

واحلى حتة اتمشيت فيها كانت على الكورنيش في بورسعيد ..او اسكندرية .او القاهرة او مشاية المنصورة ..يعني كانت في مصر

واحلى واحلى واحلى

الله؟؟؟؟

طب هو انا هاعيش عمري كله على الذكريات يعني ؟؟

طب وانا جاي على نفسي وتاعب قلبي ليه كدة يعني ؟؟

طب مانا اعمل اللي انا عاوزة من الغربة وخلاص بقي كفاية ..ارجع استمتع في بلدي باللي بقي لي من عمري وكفاية حرمان بقة

اوعي حد يقوللي اصلك بترجع ضيف وتسافر تاني لاااااااااااااااا

الكلام دة حصل وانا لسة باترمرمط فيها وعندي كل مشاكل الدنيا اللي عند الناس اللي عايشة فيها وموش ظايق وعاوز اسافر

بس المشكلة انك ماتبشوفش الحلو الا بعد لما تسيبه

بس السؤال بقة ؟؟..ياتري لو حققت اللي انا عاوزة دة ..هايكون لسة في العمر بقية اني اتمتع بمصر تاني ..ماعرفش ...دي بقة بتاعة ربنا ..

بكدة اكون خلصت مذكراتي لغاية مرحلة اللاندنج

في حالة ربنا كرمنا وجالنا البي ار ..وعرفنا نرجع كندا ..نستكمل الذكريات والانطباعات ..ونوشف هاتتغير والا لا :aslam:

اشكركم على حسن المتابعة وارائكم وكلماتكم الرقيقة بجد

حسيت منكم بحب شديد جدا واتمني نفضل هنا وهناك في الحب دة

نبدا باه طويل من الدردشة لغاية مانزل كندا تاني او لما ابدا في خطوات المعادلة ان شاء الله

والله من وراء القصد ....وهو يهدي السبيل

بجد مش عارف اوصفلك مدى اعجابى بالسرد الجميل الوافى الشافى ده

انا واحد من الناس اللى ترددت كتير فى موضوع الهجره ده

يجوز بسبب انى عانيت فى موضوع الايلتس

او عندى شغلانه كويسه فى مصر مسنود عليها

لما انزل من السعوديه هشتغل فى مصر واكبر دماغى من وجع الايلتس والمعادله والغربه

والاولاد والخوف عليهم من الغربه

ولكن بصراحه بعد مانزلت مصر

ولقيت الواقع المرير ده اللى الناس عايشه فيه

قررت انى ماقعدش

وان يجوز ربنا لسه سايب لى فرصه انى افكر فى مصيرى ومصير اولادى

وحافز السفر بقى دلوقتى اقوى من الاول

والحمد لله وفقت فى الايلتس

واهو ماشى فى الطريق وربنا يسهل

بصراحه انا نزلت البلد حسيت انى فى بلد تانيه مش بلدى

لقيت الناس اتغيرت

مثلا فى شغلى فى الصيدليه : كل الناس تحس انها مسطوله

وكل الصيدليات شغاله فى بيع المخدرات زى الترامادولات وخلافه

وضع الشباب مايسرش بالمره

وضع يقلق انا بصراحه ماشوفتوش قبل كده

الناس معظمها فاقدى الوعى

وكل اهتمامها بالمزاج

فكرونى بافلام الباطنيه وتجار المخدرات

مع اننا فى بلد ريفى

ربنا يحفظنا ويحفظ اولادنا واولاد المسلمين جميعا من كل سوء

[Ahmed Osman]

م/ زناتي المصري البورسعيدي الاصيل

تحية و إحترام لك على صدق مشاعرك تجاه نفسك و بلدك و دينك و مستقبلك

نظريتك بخصوص الخليج صح ميه في الميه ....... أنا معاك إن في يوم من الايام الواحد ممكن يرجع تاني ......... بس

بس السؤال بقة ؟؟..ياتري لو حققت اللي انا عاوزة دة ..هايكون لسة في العمر بقية اني اتمتع بمصر تاني ..ماعرفش ...دي بقة بتاعة ربنا ..

يارب يتمملك علي خير وصول ال بي أر

[Tarek Abdellatif]

بص بقه يا حاج زناتي ( إسمحلي اشيل التكليف المداخلة دي - أخوك مهندس و جين اكسر بردو وكدة يعني )،

أي نعم أنا مختلف معاك في شوية حاجات في الكلام اللي إنت قلتو في كل الصفحات المتميزة اللي فاتت دي ( قريتهم كلهم بالإضافة لل-١٠٣ بتوع ال IELTS ) لكن على الرغم من أي إختلاف أنا أحب أقولك حاجة واحدة بس، إن كلامك عن مصر لمس حتة في قلبي :tease: ... الحتة اللي بتخليك تلعن أبو خاش البلد و نفسك تطفش منها لكن لما تسافر توحشك عواميد النور و أسفلت الشوارع .... أي و الله يا أخي عواميد النور و أسفلت الشوارع ..... غريب جداً الاحساس بالوطن ده......

أنا عارف إن احنا هنا بنتكلم عن كندا مش عن مصر، و أنا كمان مقدم على الهجرة زيي زي الإخوة الأعزاء في المنتدى، و بفكر كمان إن لو ربنا كرمني و قدرت أحافظ على تربية بناتي هناك اني أكمل و مرجعش تاني، بس بصراحة مقدرتش أمنع نفسي من التعليق هنا.

و شكراً.

[صعيدي من مونتريال]

مشاركاتك متميزه يا حاج زناتي

في حاجه صغيرة ان الويلفير WELFARE او المساعدة الاجتماعيه دي لاترد (مش قرض يعني)

وحدها الاقصى في تورنتو 685 دولار للشهر للشخص العازب

بصراحة انا عن نفسي لو معايا 50 الف دولار هادفنهم تحت البلاطة

بدل ما اصرفهم في كندا

يعني لو واحد نازل كندا بالمبلغ ده لا هيعرف ياخد قرض دراسي OSAP

ولا حتى ويلفير ليه ولاسرته

وهيصرف فلوسه خلال سنة او اكثر

بالنسبة للمقارنة بين الخليج وكندا

دي ترجع لظروف كل واحد

في ناس شغاله في بريمة بترول مثلا وبتعمل فلوس بالهبل (مساء الفل يا كابتن تو)

طبيعي يحاول يأجل رجوعه كندا قد ما يقدر

وفي واحد ثاني

الكفيل منظفه او باول واخر السنة يبقى مبسوط لو حوشله 10 الاف جنيه

التاني طبعا يبقى XXXXX لو جتله كندا ورفضها

نرجع للاولاني اللي بيعبي فلوس في الخليج (انا بأقر بس)

ومحتار يسيب منجم الذهب اللي لقاه ولا يغامر في كندا

لو واحد عزوبي مش متجوز حيدور عالفلوس اولا وعلى فكرة لو معاك فلوس كويسه (400 الف دولار) تقدر تهاجر برضه

لو متجوز وعنده اولاد يبقى لازم يفكر في مستقبلهم وتربيتهم اكثر من اعتبارات الفلوس

واضافه تانيه

ان الخليج قاعد مش هيطير

خدلك جنسية محترمة وشهادة عليها القيمة وارجع الخليج تاني

مش عاجبك الخليج وملكش في مسح الجوخ

اطلع على امريكا او اي بلد تلقى فيها فرصة مغرية

تم تعديل 18 ديسمبر 2009 بواسطة صعيدي من مونتريال

[ehabtaher]

احلى حاجه فيك يا زناتى انك قلت اللى جواك بصراحه وده يجسد معظم مشاعر الخوف والقلق اللى جوانا كلنا زى مانت عارف ان اكتر حاجه معوقه لينا فى مشوار كندا هى العمل باشتغل هنا واجيب فلوس فى السعوديه او فى مصر زى د قناوى (بس ماحدش يقول للضرايب) لكن مع مرور الزمن فلوسك زى مانت قلت مستنيهاالانتهازيين والصقييره ولو عملت فى المضمون واشتريت عقار حتلاقى الضريبه العقاريه وراك والمشكله هى لو ضاعت الفلوس طيب حا تعمل ايه تتعالج ازاى واولادك يتربو ازاى................. لو تبص لكندا انت لو عندك بيت ملك يبقى استريحت على الاقل من نص مصاريف الايجار لان الباقى حا تصرفه برضه المشكله ان كل اللى رايح كندا رايح وعامل حسابه انه ممكن يفشل او مايقدرش يستمر فيها علشان كده بيلعب فى المضمون ويمكن ده من العوامل الكبيره فى انه ما بيقدرش يستقر

مثال انا تعبت فى السعوديه واشتريت شقه ومثلا تمنها يجيبلى نص شقه فى كندا لو حبيت ......... طيب اعمل ايه افكر ازاى بقى

ابيعها واشترى فى كندا ......... والا اقعد بالايجار وكله فلوس ضايعه ومصاريف زياده ممكن تلافيها

الاساس فى ان يكون هناك عمل هناك وعمل مناسب و يكفى لمصاريفك وقسط بيتك

كلنا بنفكر فى النقطه دى سواء كنت لبنانى با أجر صندوق بريد ب 100 دولار او مصرى بيفكر يعمل المعادله

المهم المميزات والسيئات يتوزنو فى كفتين الميزان وتحاول قدر الامكان

انت كنت فى رحله سياحه مش استقرار علشان كده حسيت انك وحيد لكن اكيد لو كنت فى رحله الاستقرار واستعديت لها بانك تدور على سكن وتدور على دراسه و شغل اكيد كان حيكون هناك فرق

انت بتقول كندا مافيهاش تحويش

وانا بقول لا فيها

يعنى فى السعوديه انت بتحوش ولكن مصاريف علاجك مش مضمونه وبتحوش لكن مش عارف تدخل ولادك مدرسه على اعلى مستوى وبتحوش لكن ما فيش معاش بعد ما توصل سن المعاش

نيجى لكندا الدراسه مجانا (تحوش ليه) والعلاج مجانا (مش محتاج اشيل مصاريف العمليه فى القلب مثلا) لما اطلع معاش المعاش يكفينى اعيش مستريح فى كندا وملك زمانى فى مصر لو رجعت

يبقى واحنا صحتنا مساعدانا على المجهود فى الغربه نحاول نستثمره صح فى اكتساب دراسه خبره جنسيه (نعم مايحسش بيها الا اللى مش قادر يطولها) زى اللى مش عارف يهاجر لضعف الانجليزى او لضعف المستوى الدراسى او الخبره او او او )

هى تجربه لكن مش مفروض تخوضها لوحدك زى ما بنخوضها فى السعوديه لوحدنا لان كل حاجه هنا سهله بس الحلو ما يكملش

هناك فى كندا عايز يبقالك اهل اكتر من السعوديه ومصر وانا شايف ان المنتدى ده نواه لتجميع اهل مصر المحترمين فى كندا

وبالمناسبه ( يا اكسيلانس ) ما تغيرش من الكارير بتاعك فى كندا انت بس افتح البنسيون الو الفندق بسعر مناسب للى بيعملو لاندنج وانت حاتشتغل فى الكارير بتاعك وفى وسط ناسك و كمان بتساعدهم

والى مناقشات اخرى مع زناتى و د تهامى

[Tarek Abdellatif]

أي نعم أنا مشتغلتش قبل كده في السعودية أو الخليج، و لكن أنا متفق مع الأخ إيهاب طاهر في كل ما سبق.

و أحب أضيف إن في مصر دلوقتي الفلوس مش هتقدر تعملك حاجة لو لا قدر الله اضطريت تنقل حد بعربية إسعاف و كان لازم تعدي فوق كوبري ٦ أكتوبر الساعة ٢ الضهر !!!!!

[صعيدي من مونتريال]

و أحب أضيف إن في مصر دلوقتي الفلوس مش هتقدر تعملك حاجة لو لا قدر الله اضطريت تنقل حد بعربية إسعاف و كان لازم تعدي فوق كوبري ٦ أكتوبر الساعة ٢ الضهر !!!!!

لو لاقدر الله حصل حاجه زي كده اتصل على 123

رقم الطواريء للاسعاف الطائر

وابقى قابلني لو ما ردوش :tease:

الإسعاف الطائر

بدأ تقديم خدمات الإسعاف الطائر فى مصر عام 1999 بالقرار الجمهوري رقم 68 لعام 1999 وهى تعتبر أحدى خدمات الطوارىء المستحدثة التي توفرها وزارة الصحة استكمالا لخدمات الإسعاف الأرضي.

تمتد خدمات الإسعاف الطائر لتشمل السياح فى جميع الأماكن السياحية على امتداد الجمهورية.

تضم منظومة الإسعاف الطائر فريق طبي للتدخل السريع من كبار المتخصصين والاستشاريين فى فروع الطب المختلفة والدقيقة لتقديم الخدمة الطبية المتكاملة للمرضة والمصابين خلال الرحلات الطبية الجوية.

الهيكل التنظيمى

أرقـام تليفونـات نقـاط الإسعــاف بالمحافظــات

يتـم الحصـول عـلى خدمـات الإسعـاف الطـائر من خـلال الرقـم القومـي 123 أو من خلال خطوط مركز التحكم : 7766391 / 7766392 / 7766393

طائرة الإسعاف الطائر المملوكة للوزارة من طراز بيتش كرافت- B200 Fixed Wings

[MoeTdot]

طريقة سردك مشوقة جدا يا باشمهندس ..بس انا معا رأي د.توهامي لما تستقر القصة بتختلف جدا من انك تجي سائح لمدة قصيرة ..عجبني الواقعية الي حضرتك و صفت بيها البلد جدا

ربنا يبارك لك يا باشا

[moheltohamy]

هوّه انتا يا جدع انتا مفيش فايدة فيك؟!

كل ما اقول الواد اتهدى وعقل ، وربنا هداه ، ترجع تتوكش تاني؟! :tease: ما كنت ماشي كويّس! إيه اللي جاب سيرة ترابها وأرضها ونسيمها وفسيخها دلوقتي؟! :sad:

تعرف إني اكتأبت بعد ما قريت مشاركتك دي ، وانا اللي طول السكة مستني أقراها مسك الختام بقى وكده! اكتأبت منك لله يا زناتي!

مش عارف ، بس حاسس إن رجوعي مصر (يمكن عشان ظروفي أنا) هيكون انتكاسة ، ومش هالاقي نفسي ولا هاعرف أتنفس أصلاً! :sad:

كانت دايماً ليا كلمة...

لو عاوز تفضل تحب مصر... إبعد عنها! حبها من بعيد ، عشان لو قربت منها أوي مش هتعرف تحبها!

ونبقى نكمّل كلام تاني بعدين ، عشان اكتأبت بجد.

[myusername]

كانت دايماً ليا كلمة...

لو عاوز تفضل تحب مصر... إبعد عنها! حبها من بعيد ، عشان لو قربت منها أوي مش هتعرف تحبها!

السلام عليكم...

بكل أسف.. كلامك صح مية فى المية.

مشكلتنا - المصريين - اننا عاطفيين زيادة عن اللزوم.. بس طبعا لما بنرجع مصر, بنبقى مش طايقين و عايزين نخرج من تانى.

اسمح لى أقول كلمة لكل اللى بيفكر يهاجر... يعنى ايه كلمة وطن؟ وطنك هو مكان استقرارك.. المكان اللى انتا ليك شغل فيه و بيت.. و عايش فيه حياة مستقرة بدون اضطرابات او خوف من ان حد يرحلك منه.

طالما ان كندا مكان آمن... و محدش يقدر يرحلك و يمشيك منه.. يبقى هى الاختيار الافضل.

بالتوفيق للجميع باذن الله.

تم تعديل 19 ديسمبر 2009 بواسطة myusername

[ELSHAMY]

زناتى.....

فتح الله عليك...

بس حبيت أطمئن الجميع......للاستقرار حسابات أخرى.....

[ehabtaher]

ماهو تلاقي الزناتى زعلان علشان اصحابه هناك سابوه للبنانى ياخد منه 100 دولار علشان يبعتله ال بى ار بدل ما حد يعطيه عنوان بيته علشان يبعتو عليه البى ار

ةتلاقيه ساعتها بيقول من اولها اهو سابونى للبنانى يبيع ويشترى فيا

معلهش احنا بنهدى النفوس يعنى :sad: mfb: md2: :tease: :D :sad: :sad:

[myusername]

زناتى.....

فتح الله عليك...

بس حبيت أطمئن الجميع......للاستقرار حسابات أخرى.....

الزعيم الشامى...

طيب دى حاجة كويسة ولا وحشة؟ يعنى الموضوع أفضل؟

تم تعديل 19 ديسمبر 2009 بواسطة myusername

[عنبو]

بجد الله ينور عليك ياهندسه فعلاً كل خطوه ولازم ليها حسابات وترتيبات

وشكراً على نظرة الحياديه وكنت مره سألت واحد فى كندا بيقوله كندا عيبها ايه قلى عيبها انك هتتعب قوووووووى علشان تبقى حاااااااااااجه

فعلاً الواحد لازم قبل لما ياخد قرار يبق مخطط لكل حاجه وخصوصاً بقى لو كان مسؤل عن اسره

يلا اروح بقى اشوف شغلى

حاجه ساقعه ببس حاجقه ساقعه ببس .........................الخ

[znaty]

:h!!!h:

الأخ زناتي

قرأت المشوار من أوله ألي أخره ,, و أعتقد أن كلنا بلا أستثناء من الفئه الثانيه ,, التي ستقرر مصيرها بعد الاستقرار ,, شئنا أم أبينا ,, لأن حتي الذي يقرر أنه ذاهب الي المستقر الاخير ,, لن يطيق الاستمرار أذا وجد نفسه يسير عكس التيار ,, و أنا لي زملاء عاشوا و أستقروا و عملوا في مجالاتهم برواتب محترمه جدا و أستمروا لمده 15 و 19 سنه ,, ثم قرروا العوده أه السبب يا تري ,, نفس السبب الذي يجعل 40 الف أسرة أجنبيه من ألمانيا و سويسرا و أنجلترا تعيش في مدينة الغردقه ومثلهم في شرم الشيخ ,, الملل يا أخواني الملل من كل شئ - و أنا أتكلم حتي أهل البلد ليس فقط الماهجرين أمثلنا - لكن حتي أهل البلد يشتكون من وحده شديده لطبيعة هذه المجتمعات و كذلك الجو - لقد قابلت أسره من الدنمارك تقول أنتم لا تعرفوا مدي النعيم الذي منحكم أيه الله ( الشمس) 12 شهر - لأن الأجواء البارده جدا تصيب بالاكتئاب , و لا تتخيلوا مدي ألاشاده التي نسمعها منهم علي عاداتنا و تقاليدنا هنا - و المسأله أيضا مسألة وقت فكما مملنا نحن مما نحن فيه و هم مما هم فيه - سوف نمل مم هم فيه و العكس .....فالكمال لله وحده في عباده و في أرضه أيضا و أنا شخصيا لا أطمع في أكثر من 5 الي 6 سنوات أدرس فيه ما يفيدني للعوده و يتلعم فيها أولادي ألي بدايه المرحل الثانويه ثم نعاود الكره بالهجره الي الوطن . فطالما بقيت حيا لن يكفيني تحقيق حلم واحد لأني كلما نمت ( أو أسقريت ) سوف أحلم مره أخري و هكذا ,,,,, هذه هي حال البشر

تحية تقدير و أشاده بالأخ زناتي عن صدق نواياه ,, و خالص دعواتي ان يوفقه الله لما يحب و يرضي

:blush2:

اخي الحبيب اكسيلانس

بجد اشكرك على كلماتك وحسن متابعتك

بس ليا تعليق صغير

موضوع الاكتئاب دة التغلب عليه بسهولة جدا بمعرفة ناس زي اللي ذكرتهم في افتتاحية المذكرات

وهاكررهالك

بينا احنا بس نقدر نخللي اي مكان في الدنيا جنة

وعايز اوضحلك نقطة في وجهة نظري

انا قلت لو عندي ما يمكني من الاستقرار في بلدي هارجع

بس دة موش عشان كندا وحشة او الاستقرار فيها خطوة وحشة لا ابدا

بس انا طبعي كدة ...اللي يناسبني ممكن مايناسبش غيري والعكس

ان باحب اعيش في بلدي مهما كان فيها بس للاسف ماقدرش الوقتي ويا عالم هاقدر امتي

لكن الاستقرار في كندا ..اكرر..موش خطوة خاطئة ابدا ..بس كل واحد وليه حساباته

[znaty]

مش هاعرف اقول فى حقك يا بشمهندس زناتى غير

ما اروعــــــــــــــــــــــــــــــك

مدام جيسيكا دايما بتحرجيني بذوقك واخلاقك العالية

اشكرك واتمنالك كل خير :h!!!h: