كندا... بداية ونهاية

[znaty]

وجهة نظر

اخواني الاحباء

قبل ما ابدا في وجهة النظر عاوز اوضح بعض الحاجات عن حلقة الانطباعات بس الاول

قبل اي حاجة احب اوضح نقطة مهمة جدا

في حلقة الانطباعات كان كل همي وتركيزي وانا باكتب حاجتين:

لا تبالغ في الحذر ..فتكون النتيجة احباط واحد مجد مثابر وناجح وسكته سالكة

كما لا تبالغ في المدح ..فتكون النتيجة ان الدنيا تبقي وردي وواحد يسيب وضع هو فيه مستقر وزي الفل وحياته فعلا وردي لحياة هو موش قداها وتبقي النتيجة كارثة

زي ماقال دكتور تهامي بالظبط ..كل واحد حالة مستقلة بذاتها

فقط لازم تاخد بالك وتنتبه وتعرف انت رايح على فين لا اكثر

بس من المنطقي جدا انك تعرف ان كندا ليست جنة الله في الارض اللي بمجرد دخول اي وكل انسان فيها ..تبقي بدات مرحلة النعيم ..ولهم ما يشائون فيها ولدينا مزيد :sofa:

لا ..زي مافيها منعمين ..فيها كمان معذبين

كذلك في مصر وفي اي مكان في الدنيا ..فيها المنعمين وفيها المعذبين

اما نقطة المصاريف

اللي قلته يا صديقي العزيز دكتور تهامي ..هو نسخة بالكربون طبق الاصل من اللي قالهولي صاحبي سعيد بتاع امريكا انت عارفه طبعا

لما كنت باكلمه عن الشوبنج والاسعار والبيبسي والحاجات دي

قاللي يابني ماتشتريش حاجة دلوقتي خاااالص ..انت لسة جديد ماتعرفش حاجة ...اللي عايشين هناك بيعرفوا يشتروا منين وبكام ..وفعلا هتلاقي الاسعار حاجة تانية خالص

انا فاهم والله

كمان يا اخت دريمي انا فاهم اللي بتقوليه

بس انا ماحبش اعيش على الحركرك ومزنوق كدة وماشي على حافة الهاوية فكان لازم اني انبهكم علشان تبقي موش عايش وانت قلقان او توصل لدرجة الاضطرار في مرحلة انت محتاج فيها تركيزك علشان تذاكر او تعادل او تكون فيها علاقات

مثلا انا لقيت اني كدة وانا سايب اديا هاصرف 1000 سكن دة المتوسط في تورونتو و 500 سيارة ( بنزين وتامين وصيانة ) و 500 فواتير تليفونات وموبايل وانترنت وتليفزيون وكهربا وخلافة

يبقي انا باتكلم في 2000 دولار شهريا ولسة ولا كلنا ولا شربنا ولا لبسنا ولا جبنا دوا ولا حوشنا علشان ننزل مصر نشوف اهلنا و لا جبنا لعب شوكولاته وبامبرز للعيال ماحدش ضامن الظروف فيها ايه

يبقي ازاي اقول للناس توكل على الله كدة 2000 هايكفوك وخلاص ؟

وخصوصا ان 99 في المية من المهاجرين سايبين وظائف محترمة بمرتبات عالية جدا بدليل انهم قدروا على مصاريف الهجرة في الاول وملحقاتها ..يبقي طالما هما الوقتي معاهم فلوس .زيبقي منطقي اني اضغط عليهم علشان يستغلوا كل يوم في ال 3 سنين المهلة من اللاندنج والسنة بتاعة التاشيرة انهم يحوشوا كل مليم بيكسوه الوقتي لغاية مايوصلوا للرقم اللي انا قلته في الاول فيدعولي بعد كدة

يعني يوقفوا حياة الرفاهية من دلوقتي موش من ساعة مايستقروا في كندا

يعني يوقفوها بمزاجهم بدل ما تقف غصب عنهم

بدل ماديله صورة وردية يلم العزال ويحسبها على 2000 دولار ويتكل على الله وساعتها ممكن يحصل مالا تحمد عقباه ؟

والله لو صرفوا ااقل من كدة وربنا اكرمهم ولقوا شغل بدري والفلوس فضلت معاهم تبقي فل اوي اوي ..حد يقدر يقوللي ساعتها بقي خسروا ايه ؟؟

نبدا بقة في وجهة النظر

اولا كندا للجنسية بس والا ممكن تعيش هناك على طول

دي بقة تعتمد تماما على شخصية اللي هايجاوب

لكن لو بصينا للثوابت اللي ماتفرقش من واحد لواحد الاول

لا في الحالة دي ..ااقدر اقولها بمنتهي القوة ..كندا من اجمل بلاد الارض اللي ممكن تعيش فيها في حالة انك خلاص مصمم انك موش هاتعيش في بلدك

من كل الزوايا ..موش هتلاقي بلد تحس فيها بالامان والمساواة والراحة النفسية وهدوء الاعصاب احسن من كندا

استحضر هنا كلمة مهمة جدا لصديقي م ياسر

في كندا كل مشاكلك اتحلت اول ما تلاقي شغل محترم ..بس بره ..الشغل موش نهاية المشاكل

بس لازم تعرف حاجة مهمة

كونك خلاص استقريت مدي الحياة هناك ..يبقي خلاص هاتفضل هناك

موش هاتعرف تحوش اي حاجة بس هاتعيش كويس

مهما زاد راتبك كل ماتعمر هناك ..كل مازاد اللايف ستايل بتاعك هناك بس موش هاتحوش حاجة

نظرية التحويس بتاعة الخليج علشان الخليج موش بتاعك وممكن تمشي في اي لحظة دي خلاص انتهت

كندا موش بلد فلوس ..اقتباس د هشام ابراهيم

يبقي ساعتها بقي شيل الحنين للوطن من دماغك بقة وكمل حياتك هناك بهدوء وزي الفل

اما لو انت بقة موش متاكد هل انت عاوز بلدك وبتحن للعيشة فيها تاني والا لا ..فيكفي ال 3 سنين بتاعة الجنسية انك تاخد القرار دة بنفسك خلالها

اما لو كان نفسك تحوش وتعمل قرشين يبقي انسي حكاية الاستقرار في كندا دي وهاتلعب بقي على استغلال الجنسية وتعمل زي الاف ماعملوا وخدوا الباسبورات ونزلوا على الخليج ..سنتين تلاتة خمسة زي ما انت عاوز ..بالجنسية الكندية موش هاتعمل ااقل من رقم مكون من 6 اصفار محترمين ..وبعدين ترجع تنعم بدفء بلدك واهلك واصحابك ومانتش شايل هم الفلوس والشغل

زي ماقلتلك كل واحدة من ال 3 اللي فاتوا صح موش غلط ..بس تعتمد على هدف وشخصية صاحبها ..كل اختيار منهم هو اختيار سليم وموفق بس لصاحبه موش للناس كلها

فيه واحد شايف بلده وحشة ومايتعاش فيها ..هو حر ....دور فين راحتك يا صديقي واعملها

وفيه واحد شايف ان مصر هيا جنة الله في الارض ..بس ناقصة فيها شوية امكانيات وامتيازات علشان الحلو يكمل ويرجع يعيش في وسط اهله وبلده وناسة ..هو بررده حر ..ولا يملك اي مخلوق مهما كان انه يقوله انت غلطان ..والا بلدك وحشة ومايتعاش فيها ..يا اخي ظروف الناس تختلف ..جايز انت ظروفك ماعيشتكش فيها محترم بس خليته هو عايش محترم وواخد حقة

ظروف الناس تختلف

بس اللي لا يختلف عليه اتنين ..من وجهة ..نظري حاجتين

الاولي : الخليج ..لم ولن يصلح ابدا انك تعيش فيه عمرك كله على الاطلاق ..صحيح انك ممكن تحوش فلوس بالعبيط هناك .بس هاتخسر قصاده كتييييييييييير اوي

هاتخسر مكانك في بلدك لما العمر يجري بيك وترجع معاك فلوس وموش عارف تعمل بيها اي وخايف ليتنصب عليك وساعتها الصققيره كتير مستنيين اللي زي سعادتط طبعا ..دة الى جانب ان للاسف الشديد انحدار الاخلاق في مصر للاسف بيزداد سؤا من وقت لوقت الى ان يقضي الله امرا كاان مفعولا

هاتخسر ولادك ..اللي هايتعلموا تعليم لا مؤاخذة بهايمي ولا هايفيد ولا هايقدم وفي الاخر هايضطر ينزل على الجامعه مصر تاني يحس بفرق رهيب في التعليم وفي مستواه بالنسبة لمستوي زمايله في مصر ..اللي مانقدرش ننكر ..ان مستوي التعليم في مصر ارتفع جدا وبقي صعب ..واكيد بعد قوانين المعادلة بتاعة الثانوي الجديدة في مصر ..اللي جاي جايب 100 5 في الخليج وينزل يخش الجامعه في مصر ..التنسيق اخره ليوديه كلية البوسطة في طنطا لاما معهد الطوب الاحمر

دة بالاضافة الى الخطر الشديد : تخيل ولد والا بنت في سن في منتهي الخطورة ...17 18 سنة

عايش في مصر لوحدة بدون رقابة او وجود اب وام يتعملهم حساب

وحنفية فلوس مفتوحة في الخليج ومعاه زمايله عايشين بالقطارة

ايه اللي ممكن يحصل الا لمن رحم ربي ؟؟؟

هاتخسر ثقتك في نفسك من كتر ما انت عايش عمرك كله عامل حساب للكفيل وللقرف ..بتتحاشي انك تخش في اي نوع من المشاكل مع اصحاب البلد لانك هاتفضل طول عمرك غريب وموش هاتاخد حقك فيها ..هاتتعلم تفرط في حقك بعدها ..ماهو احنا موش بنتكلم عن كام سنة لا ..دة احنا بنتكلم عن عمر من التاثر والتاثير

لاحظ الفرق : في كندا هاتتعلم انك ماتفرطش في حقك بس في الخليج هاتتعلم العكس

الخلاصة هاتعيش عمرك كله في بلد عمرها ماحاتبقي بلدك ..هاتتعلم فيها البخل من كتر مانت خايف من بكرة اللي موش بتاعك هناك وممكن تمشي في اي لحظة ..وكل ماعمرك بيكبر فرصك بتقل ومجهودك بيقل ..يعني هاتكسب فلوس كتير موش هاتلحق تستمتع بيها وتخسر قصادها كتييير اوي

الحاجة التانية : اوعي ..اوعي ..انك تنسي اصلك وبلدك لو عشت هناك ..اوعي لو اخترت الاستقرار في كندا ..انك تسخر من بلدك مصر ..لو عملتها يبقي بتسخر من اهلك وناسك واصحابك وذكرياتك وحتى ابوك وامك ...ومهما عشت هناك خد دايما مصر في قلبك ورغم كل اللي بتشوفه وبتسمعه فيها ..افتخر دايما انك مصري ..وازرع دة جوه ولادك هناك بشدة

اذا كانت مصر دلوقتي في وحهة نظرك صعبه ..الحال عمره ماهايفضل هو الحال والدنيا بتتغير ..ياما مرينا بظروف اسوا على مر العصور واتغيرنا تاني

ضميرك هايبقي مستريح اوي وانت بتعلم ولادك وهما بيندمجوا في المجتمع الكندي ..انهم يندمجوا باصولهم المصرية وعروبتهم واسلامهم ..زي ماعملوا الصينيين هناك ..نقلوا الصين هناك ..مع انهم بيعانوا من الحكم الشيوعي والاضهاد والعبودية هناك ..بس لسه بيحبوا بلادهم وناسهم

لانهم عارفين مهما عاشوا هناك وولادهم عاشوا هناك انهم صينيين وهايفضلوا صينيين ..ولو خدوا مليون جنسية لو شفته في الشارع هاتقول دة صيني ..موش كندي

لو سخرت من بلدك ومن ناسك وحاولت تنساهم ..يبقي انت بقيت ضايع مالكش في الدنيا اصل ومافيش حد هايحترمك اصلا ..تخيل وقفتك قدام ربنا يوم القيامة لو ولادك بقوا كنديين باسماء كندية ومابيعرفوش يقروا القران علشان مابيغرفوش يتكلموا عربي ..والاسوا من كدة انهم اندمجوا وتحرروا والا استخدم اي وصف انت عاوزة ..ونسيوا الاخلاق اللي انت شخصيا اتربيت عليها

صحيح هو عارف انه مسلم ..وان ابوه باين والا جده كاااان مصري ..بس دي اخر حدود معلوماته عن اصوله ودينه ..صدقني لو حصل كدة ..انت اكتر واحد هايندم يوم القيامة

اوعي

اوعي تسخر من مصر قدام ولادك وتعلمهم يكرهوها علشان تبررلهم هما ليه موش عايشين فيها ..انت لوحدك اللي هاتندم ..وبكره تتفرج عليهم لما يكبروا

اما عني انا :

اعتقد اني من الفئة التانية : اللي هاتقرر لما تستقر

بس اللي متاكد منه حاليا

اني لو امتلكت الظروف والوسائل اللي تخلليني اعيش في مصر مستقر ..هارجع اعيش فيها

اصلي بصراحة

قعدت افكر وافتكر ..اكتشف ان لغاية دلوقتي مع اني رحت بلاد كتير هنا وهناك

لقيت ان احلى ضحكة في حياتي ضحكتها من قلبي كانت في مصر

واحلى لمة كنت فيها في حياتي ..كانت في بيت العيلة يوم العيد الصبح مع اهلي واهل مراتي في مصر

واحلى اكلة كلتها في حياتي كانت في مصر

واحلى نسمة هوا شمتها في حياتي .زكانت على التقاء القناة بالبحر في بورسعيد ..مصر

واحلى منظر للغروب والا الشروق شفته في حياتي ..واحلى منظر للقمر البدر شفته في حياتي ..كان علبحر في بورسعيد مصر

واحلى قعده اصحاب على قهوة بنلعب طاولة بعد يوم عمل مضني ومتعب كان في قهوة توب شوب ..في بورسعيد ..مصر

واحلى حتة اتمشيت فيها كانت على الكورنيش في بورسعيد ..او اسكندرية .او القاهرة او مشاية المنصورة ..يعني كانت في مصر

واحلى واحلى واحلى

الله؟؟؟؟

طب هو انا هاعيش عمري كله على الذكريات يعني ؟؟

طب وانا جاي على نفسي وتاعب قلبي ليه كدة يعني ؟؟

طب مانا اعمل اللي انا عاوزة من الغربة وخلاص بقي كفاية ..ارجع استمتع في بلدي باللي بقي لي من عمري وكفاية حرمان بقة

اوعي حد يقوللي اصلك بترجع ضيف وتسافر تاني لاااااااااااااااا

الكلام دة حصل وانا لسة باترمرمط فيها وعندي كل مشاكل الدنيا اللي عند الناس اللي عايشة فيها وموش ظايق وعاوز اسافر

بس المشكلة انك ماتبشوفش الحلو الا بعد لما تسيبه

بس السؤال بقة ؟؟..ياتري لو حققت اللي انا عاوزة دة ..هايكون لسة في العمر بقية اني اتمتع بمصر تاني ..ماعرفش ...دي بقة بتاعة ربنا ..

بكدة اكون خلصت مذكراتي لغاية مرحلة اللاندنج

في حالة ربنا كرمنا وجالنا البي ار ..وعرفنا نرجع كندا ..نستكمل الذكريات والانطباعات ..ونوشف هاتتغير والا لا :blush2:

اشكركم على حسن المتابعة وارائكم وكلماتكم الرقيقة بجد

حسيت منكم بحب شديد جدا واتمني نفضل هنا وهناك في الحب دة

نبدا باه طويل من الدردشة لغاية مانزل كندا تاني او لما ابدا في خطوات المعادلة ان شاء الله

والله من وراء القصد ....وهو يهدي السبيل

بجد مش عارف اوصفلك مدى اعجابى بالسرد الجميل الوافى الشافى ده

انا واحد من الناس اللى ترددت كتير فى موضوع الهجره ده

يجوز بسبب انى عانيت فى موضوع الايلتس

او عندى شغلانه كويسه فى مصر مسنود عليها

لما انزل من السعوديه هشتغل فى مصر واكبر دماغى من وجع الايلتس والمعادله والغربه

والاولاد والخوف عليهم من الغربه

ولكن بصراحه بعد مانزلت مصر

ولقيت الواقع المرير ده اللى الناس عايشه فيه

قررت انى ماقعدش

وان يجوز ربنا لسه سايب لى فرصه انى افكر فى مصيرى ومصير اولادى

وحافز السفر بقى دلوقتى اقوى من الاول

والحمد لله وفقت فى الايلتس

واهو ماشى فى الطريق وربنا يسهل

بصراحه انا نزلت البلد حسيت انى فى بلد تانيه مش بلدى

لقيت الناس اتغيرت

مثلا فى شغلى فى الصيدليه : كل الناس تحس انها مسطوله

وكل الصيدليات شغاله فى بيع المخدرات زى الترامادولات وخلافه

وضع الشباب مايسرش بالمره

وضع يقلق انا بصراحه ماشوفتوش قبل كده

الناس معظمها فاقدى الوعى

وكل اهتمامها بالمزاج

فكرونى بافلام الباطنيه وتجار المخدرات

مع اننا فى بلد ريفى

ربنا يحفظنا ويحفظ اولادنا واولاد المسلمين جميعا من كل سوء

عجبني اوي ان فيه ناس فهمت اني باشجع على الهجرة وفي ناس تانية افتكرت العكس مع انها نفس المشاركة :lol:

الاحلى اني كنت فعلا على الحياد ..انا بس قلت انطباعات

عموما يا صديقي

انا معاك في كل كلمة قلتلها وفعلا قد تكون الهجرة في بعض الاحيان هي الحل ..بس ..لكل واحد حساباته وظروفه الخاصة زي ماقلت :h!!!h:

[znaty]

م/ زناتي المصري البورسعيدي الاصيل

تحية و إحترام لك على صدق مشاعرك تجاه نفسك و بلدك و دينك و مستقبلك

نظريتك بخصوص الخليج صح ميه في الميه ....... أنا معاك إن في يوم من الايام الواحد ممكن يرجع تاني ......... بس

بس السؤال بقة ؟؟..ياتري لو حققت اللي انا عاوزة دة ..هايكون لسة في العمر بقية اني اتمتع بمصر تاني ..ماعرفش ...دي بقة بتاعة ربنا ..

يارب يتمملك علي خير وصول ال بي أر

الله يكرمك يا اخي والله على دعائك

على فكرة وحشتني كلمة البورسعيدي دي اوي :h!!!h:

[znaty]

بص بقه يا حاج زناتي ( إسمحلي اشيل التكليف المداخلة دي - أخوك مهندس و جين اكسر بردو وكدة يعني )،

أي نعم أنا مختلف معاك في شوية حاجات في الكلام اللي إنت قلتو في كل الصفحات المتميزة اللي فاتت دي ( قريتهم كلهم بالإضافة لل-١٠٣ بتوع ال IELTS :h!!!h: ) لكن على الرغم من أي إختلاف أنا أحب أقولك حاجة واحدة بس، إن كلامك عن مصر لمس حتة في قلبي ... الحتة اللي بتخليك تلعن أبو خاش البلد و نفسك تطفش منها لكن لما تسافر توحشك عواميد النور و أسفلت الشوارع .... أي و الله يا أخي عواميد النور و أسفلت الشوارع ..... غريب جداً الاحساس بالوطن ده......

أنا عارف إن احنا هنا بنتكلم عن كندا مش عن مصر، و أنا كمان مقدم على الهجرة زيي زي الإخوة الأعزاء في المنتدى، و بفكر كمان إن لو ربنا كرمني و قدرت أحافظ على تربية بناتي هناك اني أكمل و مرجعش تاني، بس بصراحة مقدرتش أمنع نفسي من التعليق هنا.

و شكراً.

شيل يا عم التكاليف طبعا احنا هنا اسرة واحدة

انت من الاحرار يا حاج طارق :blush2:

لا بجد

هيا دي الفطرة طبعا ..مهما كان فيها وقارفنا منها ومن العيشة فيها ..بس بردة ..بلدنا

[znaty]

مشاركاتك متميزه يا حاج زناتي

في حاجه صغيرة ان الويلفير WELFARE او المساعدة الاجتماعيه دي لاترد (مش قرض يعني)

وحدها الاقصى في تورنتو 685 دولار للشهر للشخص العازب

بصراحة انا عن نفسي لو معايا 50 الف دولار هادفنهم تحت البلاطة

بدل ما اصرفهم في كندا

يعني لو واحد نازل كندا بالمبلغ ده لا هيعرف ياخد قرض دراسي OSAP

ولا حتى ويلفير ليه ولاسرته

وهيصرف فلوسه خلال سنة او اكثر

بالنسبة للمقارنة بين الخليج وكندا

دي ترجع لظروف كل واحد

في ناس شغاله في بريمة بترول مثلا وبتعمل فلوس بالهبل (مساء الفل يا كابتن تو)

طبيعي يحاول يأجل رجوعه كندا قد ما يقدر

وفي واحد ثاني

الكفيل منظفه او باول واخر السنة يبقى مبسوط لو حوشله 10 الاف جنيه

التاني طبعا يبقى XXXXX لو جتله كندا ورفضها

نرجع للاولاني اللي بيعبي فلوس في الخليج (انا بأقر بس)

ومحتار يسيب منجم الذهب اللي لقاه ولا يغامر في كندا

لو واحد عزوبي مش متجوز حيدور عالفلوس اولا وعلى فكرة لو معاك فلوس كويسه (400 الف دولار) تقدر تهاجر برضه

لو متجوز وعنده اولاد يبقى لازم يفكر في مستقبلهم وتربيتهم اكثر من اعتبارات الفلوس

واضافه تانيه

ان الخليج قاعد مش هيطير

خدلك جنسية محترمة وشهادة عليها القيمة وارجع الخليج تاني

مش عاجبك الخليج وملكش في مسح الجوخ

اطلع على امريكا او اي بلد تلقى فيها فرصة مغرية

صعيدي العزيز

ماعنديش اي تعليق على كلامك غير انه مية في المية صح

بجد

تسلمنا دماغك يا صعيدي بيه ..فيلم 55 اسعاف :h!!!h:

متفق معاك في كل كلمة سعادتك

[znaty]

انت بتقول كندا مافيهاش تحويش

وانا بقول لا فيها

يعنى فى السعوديه انت بتحوش ولكن مصاريف علاجك مش مضمونه وبتحوش لكن مش عارف تدخل ولادك مدرسه على اعلى مستوى وبتحوش لكن ما فيش معاش بعد ما توصل سن المعاش

نيجى لكندا الدراسه مجانا (تحوش ليه) والعلاج مجانا (مش محتاج اشيل مصاريف العمليه فى القلب مثلا) لما اطلع معاش المعاش يكفينى اعيش مستريح فى كندا وملك زمانى فى مصر لو رجعت

دكتور ايهااااااااااااااااااااااااااب

ماتخبطش في الحلل دة انت بيني وبينك يادوب شارع يعني هاتتحاصر :h!!!h:

داخللي افيه ؟؟ لسة مستني الفايل نامبر وبتقوللي لا فيها تحويش :blush2:

ربنا يوسع رزقك يا صاحبي بس عاوز الفت انتباهك بس لحاجة

انت بتدفع ضرايب بالعبيط هناك ..هيا دي تمن العلاج سعادتك

اينعم في مصر بتدفع برده ضرايب وبتاخد بيها وصل بس ..بس ماعلينا بس بنذكر حقائق لا اكثر

ثانيا الكشف بس مجانا بس العلاج عليك سعادتك

ثالثا ايوة التعليم مجانا دة في حالة انك هاتعلم عيالك لثانوي بس وخلاص

الجامعه هناك غالية جدا ..دة انا سالت على كورس معفن طلع ب 5000 دولار للبي ار والكندي

مابالك بدراسة كاملة 4 سنين ؟؟

يعني لازم تعمل حساب الجامعه اثناء المراحل التعليمية قبل كدة

[znaty]

أي نعم أنا مشتغلتش قبل كده في السعودية أو الخليج، و لكن أنا متفق مع الأخ إيهاب طاهر في كل ما سبق.

و أحب أضيف إن في مصر دلوقتي الفلوس مش هتقدر تعملك حاجة لو لا قدر الله اضطريت تنقل حد بعربية إسعاف و كان لازم تعدي فوق كوبري ٦ أكتوبر الساعة ٢ الضهر !!!!!

طب ايه رايك تاخد المحور بدل 6 اكتوبر ؟؟ :blush2:

موش معقولة يعني اعيش طول عمري بره بلدي علشان خايف من الكوبري الساعه 2 الضهر ؟

وبعدين الموت علينا حق :h!!!h:

[znaty]

طريقة سردك مشوقة جدا يا باشمهندس ..بس انا معا رأي د.توهامي لما تستقر القصة بتختلف جدا من انك تجي سائح لمدة قصيرة ..عجبني الواقعية الي حضرتك و صفت بيها البلد جدا

ربنا يبارك لك يا باشا :h!!!h:

اشكرك على ذوقك يا دكتور ..:sofa: :blush2:

وانا كمان مع راي الدكتور تهامي والدكتور الشامي كمان جزاه الله خيرا

بس انا وضحت ان الهدف من اللي قلته والحسبة دي ان الناس تاخد بالها قبل ماتقفل الحنفيه :lol:

علشان هناك في ترشيد للاستهلاك وجلده وكلام من دة tot:: بس موش صحرا يعني ..مياه جوفيه يعني

الحرص واجب يا اخوانا

[abuzyaad]

اخي زناتي

صدقني مش لاقي كلمة ممكن تجزيك حقك في وصفك للاسبوعين اللي قعدتهم ووصف انطباعك عنهم بكل حيادية والحيادية والصدق اللي شعرتهم في كلامك طول الاجزاء الستة. لكني مع الاخ الشامي في ان الاستقرار له حسابات اخرى.

واني مع الاخ تهامي لان مصر ماينفعش تحبها وانت قريب منها لازم تبعد عنها عشان تحبها

بس عايز اقول مصر او غيرها من البلاد مش ارض ونيل وقناة السويس ......... مصر مش شمس وهوا عليل ..........

مصر حلوة بجد بكم الرضا النفسي اللي بتلاقيه في المصريين برغم كل السخط اللي على وضعهم دلوقتي لكن بالنسبة لغيرهم هما راضيين جدا

مصر حلوة بالناس مش بالتراب ......

وعشان كده اذا اتفقتوا معايا ان مصر بالناس مش بالتراب فهتلاقيهم برضه هناك الناس دي وتقدر تكون منهم مجموعة طيبة يكونوا هما ليك الحصن ضد الاكتئاب والوحدة....

اخي البورسعيدي عشقت مصر وانا مش مصري بس مش عشان النيل انا شفت الفرات والعاص والليطاني ونهر الاردن كمان وكلهم ماء برضه ............. عشقت مصر بس مش عشان الهواء العليل فانا تنفست احلى نسمة لي في جبل لبنان ........ انا عشقت مصر بناسها بطيبتهم بالرضا بتاعهم وده طبعا في المجمل.

معلش يمكن بعدت شوية عن الموضوع ولكنك بكلامك صحيت في مشاعر حبيت اقولها هنا ليك ولكل المصريين .

تحياتي وتمنياتي بتحقيق ماتتمني دنيا واخرة

[znaty]

كانت دايماً ليا كلمة...

لو عاوز تفضل تحب مصر... إبعد عنها! حبها من بعيد ، عشان لو قربت منها أوي مش هتعرف تحبها!

السلام عليكم...

بكل أسف.. كلامك صح مية فى المية.

مشكلتنا - المصريين - اننا عاطفيين زيادة عن اللزوم.. بس طبعا لما بنرجع مصر, بنبقى مش طايقين و عايزين نخرج من تانى.

اسمح لى أقول كلمة لكل اللى بيفكر يهاجر... يعنى ايه كلمة وطن؟ وطنك هو مكان استقرارك.. المكان اللى انتا ليك شغل فيه و بيت.. و عايش فيه حياة مستقرة بدون اضطرابات او خوف من ان حد يرحلك منه.

طالما ان كندا مكان آمن... و محدش يقدر يرحلك و يمشيك منه.. يبقى هى الاختيار الافضل.

بالتوفيق للجميع باذن الله.

والله يا اخي الفاضل

اللي انت شايفه عندنا مشكلة ...احنا شايفينه نعمة من الله وميزة

والوحيد اللي يفتكر ان وطنه هو بس الوطن اللي يعرف يعيش فيه كويس هما البدو الرحل وقبائل البربر

لكن احنا وطنا مصر ..وهافضل طول عمره مصر مهما حصل

ومهما سائت الاحوال وتدنت الاخلاق و و و و عارف الليستة اللي موش هاتخلص برده هانفضل نحبها

زمان من 36 سنة كان الفالاحين والصعايدة والشباب اللي ماخدش من مصر اي حاجة.. ولا شاف منها اي حاجة.. بيضحي بحياته علشانها وعلشانا ..وعمره مااتمتع منه بنعم ورفاهية وعز ..دول كانوا اغلب من الغلب ..ومازلنا بنحكي وبنتحاكي عن امجادهم وبطولاتهم وماخدوش منها حتى تكريم مناسب ..بس برده بيحبوها وبرده وطننا

وارجع اقول تاني

يا اخوانا كندا بلد ملائمة جدا للاستقرار بالمقارنة بعنصرية اوروبا وهمجية الامريكان بس ..خد مصر في قلبك وانت هناك

[myusername]

اللي انت شايفه عندنا مشكلة ...احنا شايفينه نعمة من الله وميزة

والوحيد اللي يفتكر ان وطنه هو بس الوطن اللي يعرف يعيش فيه كويس هما البدو الرحل وقبائل البربر

قبائل البربر؟ انا مش عايز أخرج عن سياق الموضوع... بس انا سمعت زمان ان لينا اصل من قبائل البربر فى المغرب :blush2:

و لو انى سمعت ان دى حاجة مش كويسة يعنى (يعنى الواحد ميفتخرش بيها) :h!!!h:

المشكلة ان احيانا عواطفنا بتتدخل بشكل غلط, و بناخد قرارات مينفعش ناخدها.. هو ده اللى انا عايز اقوله.

تم تعديل 19 ديسمبر 2009 بواسطة myusername

[znaty]

ماهو تلاقي الزناتى زعلان علشان اصحابه هناك سابوه للبنانى ياخد منه 100 دولار علشان يبعتله ال بى ار بدل ما حد يعطيه عنوان بيته علشان يبعتو عليه البى ار

ةتلاقيه ساعتها بيقول من اولها اهو سابونى للبنانى يبيع ويشترى فيا

معلهش احنا بنهدى النفوس يعنى

طب والله العظيم مانا سايبك بأة يا دكتور ايهاب ؟؟؟ :blush2:

انت تاني ؟؟ موش قلتلك في التليفون بتلعب في عداد عمرك ؟؟

اسمحلي يا دكتور بوب اوضح للناس اللي وضحتهولك في التليفون

يا اخوانا انا كنت مستقر على عنوان طارق لغاية قبل معاد الطيارة بساعتين بس لغاية ماعرفنا المشكلة اللي في العنوان الجديد

وحكيتلكم طارق عمل ايه لدرجة انه كان هايكنسل الايجار الجديد بسببي ..وزوجته اتصلت بزوجة وكيل الشقة وبهدلتها بسبب الموضوع دة وكانوا ناويين يخبوا عليا

المهم

انا ماكانش عندي وقت

اتصلت بصديقي ( موش عاوز اقول اسمه هنا سامحوني ) الراجل اتصل بكندا من تليفونةمليون مرة واتحمل حرج كبير جدا لغاية ما جاب عنوان

قبل ما يتصل بيا ..وبعد مكالمة طارق بعشر دقايق ..اتصل طارق بيا وقاللي خلاص اتصرفت وانا قلتله اوكي واتصلت بالمحامي

بعدها بدقيقة كان اتصال صاحبي وقاللي انا خلاص جبتلك عنوان قلتله سامحني انا اتصرفت

قاللي لا يمكن وزعل مني جدا وقاللي وايه اللي يخليك تدفع فلوس يعني ؟؟

قلتله انا اديت كلمة للراجل خلاص وبعدين كدة كدة هاينفعني بعدين وبعدين دول كلهم 100 دولار في الشهر موش قضية

ولما رحت كندا ..قسما بالله العظيم ..مافي واحد من اللي قلت اسمائهم ..دة غير اصحابي اللي هناك ..الا ما عرض عليا بقوة وباصرار وبحلفان كمان اني اغير العنوان عليه بس انا رفضت بسبب اني موش ناقص لعب في البي ار

كمان انا السوشيال عملته على اللبناني واديته كلمة واتفقت معاه فخلاص الموضوع موش مستاهل

طب تعرفوا ان عنوان مراسلات البنك ونقابة المهندسين على واحد من اصحابي موش المحامي ؟؟بس موش عاوز اقول اسمه ليبقي بريدة بريد الاهرام :sofa:

خليك في حالك بقي احسنلك يا بوب وربي عيالك وكل لقمة عيش :h!!!h:

[znaty]

بجد الله ينور عليك ياهندسه فعلاً كل خطوه ولازم ليها حسابات وترتيبات

وشكراً على نظرة الحياديه وكنت مره سألت واحد فى كندا بيقوله كندا عيبها ايه قلى عيبها انك هتتعب قوووووووى علشان تبقى حاااااااااااجه

فعلاً الواحد لازم قبل لما ياخد قرار يبق مخطط لكل حاجه وخصوصاً بقى لو كان مسؤل عن اسره

يلا اروح بقى اشوف شغلى

حاجه ساقعه ببس حاجقه ساقعه ببس .........................الخ

عنبي العزيز صباحك زي القشطة :h!!!h:

هو بيني وبينك التعب موش حاجة وحشة بس التعب في كندا حتى لو كان عائدة ااقل بس هاتستفيد بيه ..اسمها بتاعتك على الاقل

بس التعب في الخليج ضايع وكانك بتنفخ في قربة مقطوعه حتى ولو كان عشرات الاضعاف

انا كل اللي قلته .اني لو امتلكت الامكانيات اللي تخليني اعرف ارجع بلدي ..هارجع بلدي

[znaty]

اخي زناتي

صدقني مش لاقي كلمة ممكن تجزيك حقك في وصفك للاسبوعين اللي قعدتهم ووصف انطباعك عنهم بكل حيادية والحيادية والصدق اللي شعرتهم في كلامك طول الاجزاء الستة. لكني مع الاخ الشامي في ان الاستقرار له حسابات اخرى.

واني مع الاخ تهامي لان مصر ماينفعش تحبها وانت قريب منها لازم تبعد عنها عشان تحبها

بس عايز اقول مصر او غيرها من البلاد مش ارض ونيل وقناة السويس ......... مصر مش شمس وهوا عليل ..........

مصر حلوة بجد بكم الرضا النفسي اللي بتلاقيه في المصريين برغم كل السخط اللي على وضعهم دلوقتي لكن بالنسبة لغيرهم هما راضيين جدا

مصر حلوة بالناس مش بالتراب ......

وعشان كده اذا اتفقتوا معايا ان مصر بالناس مش بالتراب فهتلاقيهم برضه هناك الناس دي وتقدر تكون منهم مجموعة طيبة يكونوا هما ليك الحصن ضد الاكتئاب والوحدة....

اخي البورسعيدي عشقت مصر وانا مش مصري بس مش عشان النيل انا شفت الفرات والعاص والليطاني ونهر الاردن كمان وكلهم ماء برضه ............. عشقت مصر بس مش عشان الهواء العليل فانا تنفست احلى نسمة لي في جبل لبنان ........ انا عشقت مصر بناسها بطيبتهم بالرضا بتاعهم وده طبعا في المجمل.

معلش يمكن بعدت شوية عن الموضوع ولكنك بكلامك صحيت في مشاعر حبيت اقولها هنا ليك ولكل المصريين .

تحياتي وتمنياتي بتحقيق ماتتمني دنيا واخرة

جزاكم الله خيرا يا صديقي ومنورنا كلنا والله

كلامك بينقط سكر واتمني ليك يارب التوفيق من كل قلبي ولو احتجت اي نوع من انواع المساعده ..ليك اخوان هنا تحت امرك :h!!!h: :blush2:

[myusername]

ماهو تلاقي الزناتى زعلان علشان اصحابه هناك سابوه للبنانى ياخد منه 100 دولار علشان يبعتله ال بى ار بدل ما حد يعطيه عنوان بيته علشان يبعتو عليه البى ار

ةتلاقيه ساعتها بيقول من اولها اهو سابونى للبنانى يبيع ويشترى فيا

معلهش احنا بنهدى النفوس يعنى

طب والله العظيم مانا سايبك بأة يا دكتور ايهاب ؟؟؟ :blush2:

انت تاني ؟؟ موش قلتلك في التليفون بتلعب في عداد عمرك ؟؟

اسمحلي يا دكتور بوب اوضح للناس اللي وضحتهولك في التليفون

حضرتك حكيت الموضوع ده قبل كده... الظاهر ان الدكتور بينسى :h!!!h:

[znaty]

هوّه انتا يا جدع انتا مفيش فايدة فيك؟! :blush2:

كل ما اقول الواد اتهدى وعقل ، وربنا هداه ، ترجع تتوكش تاني؟! ما كنت ماشي كويّس! إيه اللي جاب سيرة ترابها وأرضها ونسيمها وفسيخها دلوقتي؟! :sofa:

تعرف إني اكتأبت بعد ما قريت مشاركتك دي ، وانا اللي طول السكة مستني أقراها مسك الختام بقى وكده! اكتأبت منك لله يا زناتي!

مش عارف ، بس حاسس إن رجوعي مصر (يمكن عشان ظروفي أنا) هيكون انتكاسة ، ومش هالاقي نفسي ولا هاعرف أتنفس أصلاً! mfb:

كانت دايماً ليا كلمة...

لو عاوز تفضل تحب مصر... إبعد عنها! حبها من بعيد ، عشان لو قربت منها أوي مش هتعرف تحبها!

ونبقى نكمّل كلام تاني بعدين ، عشان اكتأبت بجد.

اخي الحبيب تهامي

يشهد الله وحدة انا بحبك فعلا قد ايه

علشان كدة خليتك اخر تعليق علشان انت محتاج تركيز خاص :D

صديقي ندمتني اني كتبت والله علشان جبتلك اكتئاب

طب اعمل ايه بس ؟؟

موش عارف انسي مصر واشيلها من دماغي موش هاقدر والله ؟؟

وبعدين انا بحب الفسيخ يا اخي اعمل ايه يعني ؟؟ :lol:

بص ..اعتبرني مريض بحبها مرض مزمن وتعامل معايا على الاساس دة tot::

وبعدين ما تونبرش فيها مانت لو خدت بالك من اخر سطرين

باقولك الله اعلم بعد ماوصل للي انا عاوزة هايبقي لسة فيه في العمر بقية اني ارجع استمتع ببلدي والا لا ؟

وياعالم هايبقي لسة ليا فيها ناس احبهم والا لا md2:

والا اصلا هايكون الحال اتعدل فيها والا هايبقي لسة الحال زي ما هو اللي اصلا خرجني براها الوقتي

الله اعلم ..مانا برده مهاجر زي زيكم اهو ؟؟وبراها من سنين وطبيعي موش راضي عن حالها والا ماكنتش طلعت

وبعدين انا قلت انا من الفئة التانية ..اللي لسة فعلا ماحددتش ..الله اعلم يا صاحبي

بس كل اللي انا طلبته ..انك تفضل تحبها

وبيني وبينك كدة ..انت كمان بتحبها :h!!!h:

[znaty]

ماهو تلاقي الزناتى زعلان علشان اصحابه هناك سابوه للبنانى ياخد منه 100 دولار علشان يبعتله ال بى ار بدل ما حد يعطيه عنوان بيته علشان يبعتو عليه البى ار

ةتلاقيه ساعتها بيقول من اولها اهو سابونى للبنانى يبيع ويشترى فيا

معلهش احنا بنهدى النفوس يعنى

طب والله العظيم مانا سايبك بأة يا دكتور ايهاب ؟؟؟ :blush2:

انت تاني ؟؟ موش قلتلك في التليفون بتلعب في عداد عمرك ؟؟

اسمحلي يا دكتور بوب اوضح للناس اللي وضحتهولك في التليفون

حضرتك حكيت الموضوع ده قبل كده... الظاهر ان الدكتور بينسى :h!!!h:

لا :sofa:

اصله ماكانش يعرف اللي عملوه الشباب هناك ..هو بس عرف موضوع طارق بس :lol:

[znaty]

طيب باه :h!!!h:

نزلنا صور كتير عن كندا

وايهاب نزللي بيجو سبعة و د قناوي الحبيب نزللي ميكروباس تريمكو العجيب

انا باه نفسي اوي انزلكم صور من بورسعيد

معلش بره الموضوع بس سامحوني حاجة جوايا بتقولي بدا ما تتباهي بشعر بنت اختك ..اتباهي شوية ببلدك

ممكن استئذنكم افسحكم شوية في بورسعيد ؟؟

وبعدين قولولي احبها والا لا ؟؟؟؟

مدخل مبني هيئة قناة السويس

دة تقاطع شارع فلسطين ( كورنيش القناة ) مع شارع 23 يوليو ..المنظر من على كورنيش القنة في ضهرك

ميدان المنشية ..اقدم ميادين بورسعيد ..سنين طويلة كنا بنركب منه الميكروباس للكلية والمدرسة واحنا رايحين معدية بورفؤاد

تقاطع 23 برده مع فلسطين بس من الناحية التانية

[znaty]

شايفين المبني الاحمر اللي على اليمين ..دي مدرستي في اعدادي

المبني دة اول مكان قدمت فيه على شغل بعد الكلية ..حي الشرق ..بس رفضته قبل ما استلمه

من فوق الممشي السياحي في ديليسبس

دي حاجات اليهود سايبينها عندنا للذكري :h!!!h:

دة ديليسبس ..على القناه

مدرستي يا عااالم :blush2:

ميدان المنشية العتيق ساعة مطر ..ايوووووة اسكندراني والله

[ehabtaher]

قامت الدنيا و لامنى الباشمهندس الزناتى علشان جبت سيره الميت دولار اللى دفعهم فى مقابل عنوان لاستلام ال بى ار وقد تكلم معى الزناتى لا اقول غاضبا مننى ولكن لكى يفسر لى ان الرجاله الذين كانو يساندونه فى رحلته هم فعلا رجاله بحق وانا اعلم هذا مقدما ولكن لعل مداخلتى هذه كانت السبب فى القاء الضوء على هؤلاء الرجال وحتى يتذكر الزناتى نفسه ان الوطن ليس بالارض ولكن بالذكريات التى ترسبت فى عقلنا على هذه الارض انا اعتقد انه يحب مصر من اجل شعب مصر ومن اجل ناس مصر اصدقاءه سواء فى مصر او فى مقر عمله او بارض كندا لانهم مصريين بحق يساندون من اجل المساعده ومن اجل وجه الله تعالى لا يريدون جزاء ولا شكر

ولكن لعل مداخلتى كانت السبب فى انصافهم حيث انه قد اضطر لشرح مواقف هؤلاء الرجال معه باستفاضه وهو لم يكن مضطرا وهم لم يساعدوه من اجل ذلك

قد تكون هذه المداخله قد ذكرت باشمهندس الزناتى بانه ليست مصر وحدها التى سيجد فيه اصدقاء واحباب يرسبون فى عقله الذكريات الجميله ولكن ممكن هذا ايضا فى كندا وغيرها وانشاء الله نجد نحن ايضا اصدقاء يساعدوننا فى الازمات ويساندوننا فى المحن

لعل هذه المداخله قد ذكرته ان المعدن الطيب للمصرى موجود فى كل مكان فى مصر فى بورسعيد فى الاسكندريه وفى قنا واسوان والمنصوره والمنوفيه وكل مكان وهناك ان شاء الله فى كندا سيجد كل هؤلاء حوله فلن يخسر شيء

كلنا مسافرون الى المجهول ويسعدنا ان يقف بجوارنا امثال هؤلاء الرجال امثال د تهامى ود الشامى والمهندس ياسر ومهندس ايهاب سالم الخ الخ

بالطبع كانت هناك اسباب وجيهه للموقف الذى حدث مع مهندس الزناتى وبالطبع فى اجازته القصيره لم تتح الفرصه حيث كان الكل متكهرب من فوات موعد الطياره الخ الخ

هذه المداخله كان المهندس زناتى يرغب فى ان احذفها وكنت استطيع ( لو كنت اعرف كيف ) لولا اننى كنت فى الطريق الى العمل وداخل السياره

هذه المداخله كانت السبب فى ان يعرف الجميع بالمواقف الرجوليه التى قام بها اصحاب مهندس الزناتى معه فارجوا الا يزعل احد مننى

وارجوا ان يتذكر الزناتى ان القهوه اللى فى بورسعيد موجوده هنا برضه فى نياجرا ويمكن معاها خيمه وشوايه وشويه هواء نقى واصحاب حلوين

ايهاب طاهر :h!!!h: :blush2:

[znaty]

طبعا تسمعوا عن شارع التجاري الشهير ..بتاع البضايع والهدوم والحاجات دي ..اهو

مدخل عمارة سكنية عمرها 100 سنة

حديقة الشهداء على القناة

عمارات بورسعيد القديمة في حي الافرنج ..شفته الذوق ؟؟؟؟

شارع طرح البحر :h!!!h: ..باضحك علشان دة كان الشارع اللي كل شباب بورسعيد بيتقابلوا فيه بالليل ويوم الخميس للتمشيه ..ماكنش فيه غيره باه ..ياما شهد احلام واماني