كندا... بداية ونهاية

[ehabtaher]

انا شكلى حا حطلك مجموعه الناشونال جيؤجرافيكس احسن من كل انحاء العالم

علشان تحب العالم كله مش بلد واحده بس

وبرضه الباسبور الكندى :flr1:

[safaalabana]

الله يخليك يا زناتى يا خويا ارحمنا ...ارحمنا ....كفايه ...كفايه ...ياريتك ما عملت اللاندنج قبلينا ...خلاص الله يجزاك الف خير ......

مش قولتلكم بدايه ونهايه دى ما ريحتنيش من الاول

المشكله ان احنا بنثق فى رأيك وعارفين ان كل هدفك مصلحة الناس ...بس الرحمه حلوه

ياعنى انطباعاتك دى ضحكتنا وبكتنا ...

اللهم ارزقنا الخير حيث كان ...اللهم اختر لنا ولا تخيرنا ...

لا حول ولا قوة الا بالله

لتاني مرة اندم اني نقلت الصورة بواقعية وحيادية في يوم واحد

اختي العزيزة دكتورة صفاء

انا عارف انك عاوزة واحد يطمنك ويقولك كندا دي فل الفل والدنيا ربيع وبلاد العالم اللي غيرها كلها مزبلة والا الامام يا روميل

انا فاهم

بس قوليلي

ايه بس في كل كلامي اللي فات اللي خوفك وقلقك القلق دة كله ؟؟قوليلي بالله عليكي؟؟

ماينفعش يا دكتورة اضحك عليكوا وعلى نفسي واقول دي الارض الكاملة اللي مافيهاش عيب ؟؟

اذا كنت يا اختي العزيزة بتدوري على حاجة زي كدة في الدنيا يبقي موش هتلاقيها ..دي في الجنة بس ..واوراق هجرتها كلنا عارفنها كويس

لكن كل اللي انا عملته اني ذكرت مزايا وعيوب بمنتهي الواقعية والحيادية من وجهة نظري انا

ووضحت في الاول بس ياريت تاخدي بالك ..انها انطباعات اتكونت في 14 يوم تحتمل الخطأ زي ماتحتمل الصواب

وماعرفش لو رجعت هناك تاني واستقريت الانطباعات دي هاتتغير والا لا

كل دة انا ذكرته ..ممكن اعرف ماقريتهوش ليه ؟؟

عينيكي بتدور على حاجات معينة ..وانا ماقدرش اقعد اهلل واكبر لكندا بغض النظر عن بقية الانطباعات

انا نقلت بيتين شعر في اول الانطباعات يحملوا تماما اللي انا قاصده من المذكرات دي

للمرة المليون

كندا زي اي بلد فيها الحلو وفيها الوحش

وقلت انها بلد مناسبة جدا للاستقرار بس اعمل حسابك على كثير من الجد والاجتهاد والتعب في الاول ودة طبيعي

وعايزة تخطيط ودراسة جدوي ومنافع وخسائر ولازم كل دة يكون في بالك

ماينفعش تحطي راسك في الرمل وتسمعي الحلو بس يبقي بنضحك على بعض

ياما ناس نجحت في كندا علشان عرفوا هما عايزين منها ايه وخططولها صح

وياما ناس فشلت علشان ماحسبوهاش صح ودخلوا بصدرهم

فكرتيني بفيلم فؤاد المهندس لما حطلهم حبوب الصراحة في النيل

ماعلينا

انا اسف يا دكتورة لو كنت خيبت املك او عقدتك بدون قصد

مع اني حتى هذه اللحظة

موش فاهم ايه اللي انا كتبته عقدك وخوفك كل دة ؟؟؟ بالله عليكي قوليلي فين دة ؟؟

ربنا يعملك اللي فيه الخيرة يا اختي الفاضلة

على فكرة ..بورسعيد فاتحه هجرة ..شاوري عقلك وقوليلي ..انا السفير ولا مؤاخذة

الرسوم بسيطة جدا

هاتي 50 الف دولار بورسعيدي وهانديكي عشة في زرزارة

روقي بقة انا في عرضك :flr1: :wub:

اخويا العزيز زناتى باشا (وش الدكتور هشام) يعنى احنا فرحنا وقلنا....بس زناتى رايح يعمل لاندنج ..يبقى هوه اللى ح يجيب الديب من ديله ....تقوم ترجع ومعاك النهايه قبل البدايه ...؟

يا زناتى ياخويا انا بقولك كفايه كلام عن مصر يعنى ما تقلبش المواجع علينا ...احنا مخدرين نفسنا ..واللى ح يصحينا من التخدير ده ح يخلينا لا نروح ولانييجى

انا مقتنعه بكتير من الكلام اللى حضرتك قلته وانا مش عاوزه حد يقولى كندا جنه انا عارفه ان البدايه فيها صعبه جدا

وفى الاول وفى الاخر هى تجربه لو نجحت اولادى ح يستفيدوا كتير ويمكن يمكن نقدر نعمل حاجه لديننا ...طيب لو فشلت ...ح اكون خسرت شوية فلوس ...وايه ياعنى

ح افرض ان دا رزقنا وان الفلوس دى ماجتش اصلا ....وبما انى رايحه استثمر فى اولادى ..اعتقد انى مش ح اخسر ...انا مش رايحه ادور على بلد جميله اعيش فيها ما انا فى مصر ممكن اعيش فى مكان جميل وفيلا وجنينه ونادى بس لا ...انا عاوزه اولادى يتعلموا صح ....

اما اللى عنيه كانت بتدور عليه هو انطباعتكم هناك انت وزوجتك الحبيبه ....ليه ؟؟يعنى لما الناس الطيبين كلهم يروحوا يعملوا لاندنج ويمكن ما يستقروش يبقى حلمنا اننا نكون كلنا عيله كبيره هناك يبقى الحلم ده بيضيع ..يبقى فعلا ح تبقى غربه يبقى فعلا يمكن ما نستحملهاش

اوعى تقول انك ندمان يا باشمهندس ازاى يعنى تندم على خير انت عملته يارب يجعله فى ميزان حسناتك

وشكرا على اقتراح الهجره ل بور سعيد د احنا نتشرف يا فاندم بس المنصوره احلى تقدر تقول حاجه؟

عارف يازناتى ياخويا نفسى ربنا يحيينا ونشوف بعد عشر سنيين رايك ح يبقى ايه انا حاسه والله اعلم انك من الناس اللى ح تنجح وبجد فى كندا ...ساعتها ح تقول كندا هى ماما وبابا وانور وجدى وشكرا على اهتمامك

[kaplaan]

باشمهندس زناتي

أحييك على موضوعك الرائع وانطباعاتك المتوازنة

آي نعم الإستقرار ليه حسابات تانية ، بس كلامك ده مهم جداً لأي واحد بيفكر في الهجرة عشان يكون مستعد للي هيشوفه ويعيشه. بعد كام يوم المناظر اللي حواليك خلاص عينك هتاخد عليها ومش هتشدك زي الأول ، اللي هيفضل هوه سعيك ورا وظيفة أو معادلة

أنا باحيي فيك صراحتك وأمانتك في نقل الإنطباعات

[znaty]

باشمهندس زناتى

خالص تقديرى لفكر وتحليل حضرتك

كنت كل يوم بستنى حلقة الانطباعات وطلعت رائعة وخاصة اخر مداخلة لحضرتك

كل التقدير والتحية

:closedeyes: :blush2: wst::

التقدير والمحبر ليك يا صديقي واشكرك على ذوقك wst::

[znaty]

ياه ياه ياه ياباشمهندس كل مرة تتفوق عل نفسك رائع بل أكثر من رائع أشكرك على التفاصيل و الحيادية و صدق المشاعر و القدرة على التعبير و أشكر كل واحد عبر عن رأيه و مشاعره فى المداخلات إنتوا فعلا وصفتوا و لمستوا مشاعر و عبرتوا عن مشاعر كتر أنا عشتها و عاصرتها بما إنى بالخليج من فترة و يمكن فى أول مداخلاتىبالمنتدى قلت المنتدى ده بالناس اللى فيه أثبت لى إن الدنيا لسة فيها ناس بالجمال دة حقيقى أشكركم

و تأييداً لبعض الأراء

أنا بحب مصر جدا و باشتاق لها جدا طول مأنا بعيد و باستنى معاد الأجازة السنوية بفارغ الصبر وبعد ما أوصل بكام يوم أستنى اليوم اللى حتخلص فيه الأجازة بفارغ الصبر

أؤيد بشدة التواجد بالخليج يوفر المال ويقوى الوازع الينى ولكن يفقدك الكثير من مباهج الحياة يعنى بالعربى كدة مش بتعيش حياتك

بالنسبة للتعليم بالخليج أنا أختلف شوية مع م/ زناتى لأن فرصة تعليم الأولاد بالمدارس الإنترناشيونال أكبر و مستوى التعليم فيها عالى أنا أولادى نزلوا مصر سنة ونص و هما فى إبتدائى إتعقدوا دروس خصوصية و نسيوا شوية اللغة اللى إتعلموها مع إنهم كانوا فى مدارس خاصة لغات

باستقر فى كندا مبدئيا أه لغاية سن المعاش لو ربنا مد فى عمرى بعدها بأنزل أعيش فى دفئ مصر

لما خططت للهجرة كان لمستقبل الأولاد و كان هدفى أوصل هناك و هم فى مرحلة الثانوى لتأصيل الدين فى نشأتهم و قد كان و الحمدلله بس ربنا يتمها بالستر و هم على علم و يقين إن كندا للمستقبل بس لو بدأ الدين بالتراجع كرسى بالكلوب و إرجعوا بلدكم مش حنخسر الأخرة علشان كندا

و طبعا يا باشمهندس زناتى ما أقدرش أفوت تعليق عل صور بورسعيد أنا شوفت الأماكن دى و حا قولك حاجة يابورسعيدى أنا قضيت عيد الفطر اللى فات فى بور سعيد و أكلت كاساتا من عند سلسبيل و مشيت فى التجارى و الحميدى صحيح ما عادوش زى الأول لكن هى طقوس عندى و ركبت المعدية وأكلت أحلى سمك بورى و كابوريا و جمبرى مشوى وطبعا ما بانساش السمك الجوابى أنا بأعشق بورسعيد

طولت بالمداخلة تحياتى لك و لمدام جيجى

اهو هو دة الكلام

هو دة الكلام يا ناس

طالما اكلت جوابي يبقي فهمت انا باتكلم على ايييييه ؟؟

بكره ان شاء الله هاعملكم اتلانتيك سلمون على الطريقة البورسعيدية :closedeyes:

[znaty]

:closedeyes:

ألتعليق ده من عمنا صلاح جاهين

ألحقيقه الكلام في حب الوطن و حب السفر و حب الحياه و حب المغامره , كله يعتمد علي طاقات بشر مين يستحمل أه لحد أمتي ,, و الكلام كتير و السميعه أكتر أههههههههه ,, world

لكن يعجبني كلام عمنا صلاح جاهين ,, جرب و عرف و أتغرب من غير ما يتغرب ,, و أتفق و أختلف , قال ,,

لولا اختلاف الرأي يا محـــــترم

لولا الزلطتين ما لوقود انضرم

و لولا فرعين ليف سوا مخاليف

كان بيننا حبل الود كيف اتبرم ؟

عجبي

و أدي رأيه في ألأختيارات الي قدمنا ,, و رأي أن كل واحد منا بيهرب و يجري الي المكتوب له و هو مفكر أن هرب منه,,

لا تجبر الانسان و لا تخـــــــــيره

يكفيه ما فيه من عقل بيحيــــــره

اللي النهارده بيطلبه و يشتهــــيه

هو اللي بكره ح يشتهي يغيـــــره

عجبي !!

أما في حب ألوطن ,, ياسيدي عليه عاش و مات بسبب موته في حب مصر ( شاعر الثوره )

قالوا ابن آدم روح و بدنه كفـــــــــــن

قالوا لأ بدن . قالوا لأ ده روح في بدن

رفرف فؤادي مع الرايات في الهــــــوا

أنا قلت لأ روح في بدن في وطــــــــن

عجبي

و كمان عن حال العباد و الرزق , مين الي قال أن الرزق و راحة البال مربوطه بالأرض ,, رزقك و سعادتك مربوطه برقبتك منين مترح تروح وراك ,, صدقني ,, عامل زي ألي بيهرب من ظله

و أسمع دي لعمنا برده

علي بعد مليون ميل من أرضنا

من الفراغ الكوني بصيت أنا

لا شفت فرق بين جبال و بحور

و لا شفت فرق ما بين عذاب أو هنا

عجبي

ومش عاوز أطول أكتر من كده في ألكلام ,, لكن عندي كلام ياما ,, أخوكم في ألاصل محامي يعني صنيعي كلام ,, و العيازو بالله

:blush2:

جامده جامده يا صديقي

كان ناقصك بس

فتح عينيك وامشي بخفة ودلع

الدنيا هيا الشابة وانت الجدع wst::

[ehabtaher]

انا مش عارف ليه اكتر بلد كنت باتغاظ جدا وانا خارج منها هى بورسعيد

وخصوصا بعد البوابه بتاعه الجمرك

انما والواحد قاعد جواها كان بيحس انه مبسوط والحاجات رخيصه والفندق جميل وكل حاجه تمام

[znaty]

باشمهندس زناتي

أحييك على موضوعك الرائع وانطباعاتك المتوازنة

آي نعم الإستقرار ليه حسابات تانية ، بس كلامك ده مهم جداً لأي واحد بيفكر في الهجرة عشان يكون مستعد للي هيشوفه ويعيشه. بعد كام يوم المناظر اللي حواليك خلاص عينك هتاخد عليها ومش هتشدك زي الأول ، اللي هيفضل هوه سعيك ورا وظيفة أو معادلة

أنا باحيي فيك صراحتك وأمانتك في نقل الإنطباعات

:blush2: wst::

6 مشاركات بس جبار يا زعيم :closedeyes:

تحياتي

[znaty]

الله يخليك يا زناتى يا خويا ارحمنا ...ارحمنا ....كفايه ...كفايه ...ياريتك ما عملت اللاندنج قبلينا ...خلاص الله يجزاك الف خير ......

مش قولتلكم بدايه ونهايه دى ما ريحتنيش من الاول

المشكله ان احنا بنثق فى رأيك وعارفين ان كل هدفك مصلحة الناس ...بس الرحمه حلوه

ياعنى انطباعاتك دى ضحكتنا وبكتنا ...

اللهم ارزقنا الخير حيث كان ...اللهم اختر لنا ولا تخيرنا ...

لا حول ولا قوة الا بالله

لتاني مرة اندم اني نقلت الصورة بواقعية وحيادية في يوم واحد

اختي العزيزة دكتورة صفاء

انا عارف انك عاوزة واحد يطمنك ويقولك كندا دي فل الفل والدنيا ربيع وبلاد العالم اللي غيرها كلها مزبلة والا الامام يا روميل

انا فاهم

بس قوليلي

ايه بس في كل كلامي اللي فات اللي خوفك وقلقك القلق دة كله ؟؟قوليلي بالله عليكي؟؟

ماينفعش يا دكتورة اضحك عليكوا وعلى نفسي واقول دي الارض الكاملة اللي مافيهاش عيب ؟؟

اذا كنت يا اختي العزيزة بتدوري على حاجة زي كدة في الدنيا يبقي موش هتلاقيها ..دي في الجنة بس ..واوراق هجرتها كلنا عارفنها كويس

لكن كل اللي انا عملته اني ذكرت مزايا وعيوب بمنتهي الواقعية والحيادية من وجهة نظري انا

ووضحت في الاول بس ياريت تاخدي بالك ..انها انطباعات اتكونت في 14 يوم تحتمل الخطأ زي ماتحتمل الصواب

وماعرفش لو رجعت هناك تاني واستقريت الانطباعات دي هاتتغير والا لا

كل دة انا ذكرته ..ممكن اعرف ماقريتهوش ليه ؟؟

عينيكي بتدور على حاجات معينة ..وانا ماقدرش اقعد اهلل واكبر لكندا بغض النظر عن بقية الانطباعات

انا نقلت بيتين شعر في اول الانطباعات يحملوا تماما اللي انا قاصده من المذكرات دي

للمرة المليون

كندا زي اي بلد فيها الحلو وفيها الوحش

وقلت انها بلد مناسبة جدا للاستقرار بس اعمل حسابك على كثير من الجد والاجتهاد والتعب في الاول ودة طبيعي

وعايزة تخطيط ودراسة جدوي ومنافع وخسائر ولازم كل دة يكون في بالك

ماينفعش تحطي راسك في الرمل وتسمعي الحلو بس يبقي بنضحك على بعض

ياما ناس نجحت في كندا علشان عرفوا هما عايزين منها ايه وخططولها صح

وياما ناس فشلت علشان ماحسبوهاش صح ودخلوا بصدرهم

فكرتيني بفيلم فؤاد المهندس لما حطلهم حبوب الصراحة في النيل

ماعلينا

انا اسف يا دكتورة لو كنت خيبت املك او عقدتك بدون قصد

مع اني حتى هذه اللحظة

موش فاهم ايه اللي انا كتبته عقدك وخوفك كل دة ؟؟؟ بالله عليكي قوليلي فين دة ؟؟

ربنا يعملك اللي فيه الخيرة يا اختي الفاضلة

على فكرة ..بورسعيد فاتحه هجرة ..شاوري عقلك وقوليلي ..انا السفير ولا مؤاخذة

الرسوم بسيطة جدا

هاتي 50 الف دولار بورسعيدي وهانديكي عشة في زرزارة

روقي بقة انا في عرضك :blush2: :wub:

اخويا العزيز زناتى باشا (وش الدكتور هشام) يعنى احنا فرحنا وقلنا....بس زناتى رايح يعمل لاندنج ..يبقى هوه اللى ح يجيب الديب من ديله ....تقوم ترجع ومعاك النهايه قبل البدايه ...؟

يا زناتى ياخويا انا بقولك كفايه كلام عن مصر يعنى ما تقلبش المواجع علينا ...احنا مخدرين نفسنا ..واللى ح يصحينا من التخدير ده ح يخلينا لا نروح ولانييجى

انا مقتنعه بكتير من الكلام اللى حضرتك قلته وانا مش عاوزه حد يقولى كندا جنه انا عارفه ان البدايه فيها صعبه جدا

وفى الاول وفى الاخر هى تجربه لو نجحت اولادى ح يستفيدوا كتير ويمكن يمكن نقدر نعمل حاجه لديننا ...طيب لو فشلت ...ح اكون خسرت شوية فلوس ...وايه ياعنى

ح افرض ان دا رزقنا وان الفلوس دى ماجتش اصلا ....وبما انى رايحه استثمر فى اولادى ..اعتقد انى مش ح اخسر ...انا مش رايحه ادور على بلد جميله اعيش فيها ما انا فى مصر ممكن اعيش فى مكان جميل وفيلا وجنينه ونادى بس لا ...انا عاوزه اولادى يتعلموا صح ....

اما اللى عنيه كانت بتدور عليه هو انطباعتكم هناك انت وزوجتك الحبيبه ....ليه ؟؟يعنى لما الناس الطيبين كلهم يروحوا يعملوا لاندنج ويمكن ما يستقروش يبقى حلمنا اننا نكون كلنا عيله كبيره هناك يبقى الحلم ده بيضيع ..يبقى فعلا ح تبقى غربه يبقى فعلا يمكن ما نستحملهاش

اوعى تقول انك ندمان يا باشمهندس ازاى يعنى تندم على خير انت عملته يارب يجعله فى ميزان حسناتك

وشكرا على اقتراح الهجره ل بور سعيد د احنا نتشرف يا فاندم بس المنصوره احلى تقدر تقول حاجه؟

عارف يازناتى ياخويا نفسى ربنا يحيينا ونشوف بعد عشر سنيين رايك ح يبقى ايه انا حاسه والله اعلم انك من الناس اللى ح تنجح وبجد فى كندا ...ساعتها ح تقول كندا هى ماما وبابا وانور وجدى وشكرا على اهتمامك

والله يا دكتورة انا قصدي ببداية ونهاية هو نهاية مرحلة الخليج بكل مافيها وبداية مرحلة كندا بكل ما فيها

بس ماينفعش اني اسميها نهاية وبداية wst::

موش راكبة

د تهامي قاللي تحب اخش اغيرهالك قلتله طب فكرلي في حاجة تانية ..اعمل ايه بس :wub:

ماعرفش ليه الناس كلها اتاخدت من الاسم وفهمتها بداية ونهاية فكرة الهجرة wst::

على راي زوجتي العزيزة :

يعني هيا ضاقت بيك الاسماء يعني ؟؟ هو احنا اصلا لسة ابتدينا حاجة والا انتهينا حاجة لسة ؟؟ :sofa: :wub:

طبعا المنصورة اجدع الناس.. :closedeyes: انا ديوال ناشايوناليتي لا مؤاخذة ..بورسعيدي منصوري سيادتك

[znaty]

انا مش عارف ليه اكتر بلد كنت باتغاظ جدا وانا خارج منها هى بورسعيد

وخصوصا بعد البوابه بتاعه الجمرك

انما والواحد قاعد جواها كان بيحس انه مبسوط والحاجات رخيصه والفندق جميل وكل حاجه تمام

اذا انا كنت باتفقع اوما انت هاتعمل ايه ؟؟

الجمرك دة لعنة لعناء

تعالي بقة ايام الاوكازيونات يا ريس وطوابير العربيات بالكيلو وانا خارج مثلا عندي شغل في العاشر والا اسماعلية ولا رايح لاهل المدام في المنصورة

يارئع بالصوت الحياني ولا مؤاخذة

المفروض عربيات المنطقة الحرة بتطلع بسرعة من حارة لوحدها بس انسي يا عمر

بس خلاص بقة الكلام دة كان زمان هايلغوها 2012

مبارك رايح بكرة باين والا بعده بورسعيد ..لما نشوف هايعمل ايه

تم تعديل 19 ديسمبر 2009 بواسطة znaty

[astrophy]

عزيزى المهندس زناتى... تحية و تقدير لكل مجهودك و ارائك و ملاحظاتك و ..و...و..و مهما قلت مش هاوفيك حقك

احب اقول لحضرتك كلمة جميلة للبابا شنودة "مصر ليست وطن نعيش فية و لكنها وطن يعيش فينا"

دة معناة انك ممكن تروح اى حتة فى الدنيا و مصر معاك جوة جوة قلبك. انا سافرت امريكا كتير و كل مرة بروح هناك احس انة ايوة الدنيا احسن شوية بس مش للدرجة الى تخلينى افكر اسيب بلدى... لكن بمجرد رجوعى مصر و فى نفس اليوم بفهم انا لية فكرت فى السفر.

للاسف فعلا بلدنا حلوة قوى من بعيد.. لغاية ما يجى يوم اسود تفكر تخلص ورقة من الحكومة.. او تجدد رخصة..او حتى تسوق عربيتك!!

ساعتها بتفهم انت سافرت لية

اخي العزيز دكتور ريمون

كلمة البابا شنودة هيا بالظبط اللي كنت باحاول خلال الحلقتين اللي فاتوا اني اوصله لاخوانا هنا

كلمة حكيمة وانت نقلتها في الوقت المناسب تماما

اتفق معاك ومعاكم ان الوضع صعب جدا في مصر ومن سيئ لاسوأ وانا قلت كدة ولذلك انا برده بره ؟؟؟؟

وقلت مرارا ان كندا من افضل الاماكن اللي ممكن تستقر فيها ..وانا اؤيدك تماما لو قررت تعيش هناك علي طول انا فاهم

بس كل اللي طلبته ..هو كلمة البابا ...خد مصر معاك

اما عني فانا فكري خاص بيا وممكن يكون موش مناسب لناس كتير زي د تهامي و م ايهاب سالم و د هشام و م ياسر ودة يا اخوانا طبيعي جدا

كل واحد وليه ظروفة

وعلى راي اخويا المهندس ياسر ..اذا ماكنتش قادر ارجع اعيش في مصر ..يبقي هاجيبها هنا معايا :closedeyes:

تحياتي لك اخي ريمون :blush2:

حلوه يابشمهندس زناتى الجملة دى هجيبها معايا ودا الى هعمله بجد انا بحب مصر جدا ولكن ناس كتير بتفتكرنى بكرها انا مش بكره مصر بكره حاجات فيها

يعنى زى فيلسوف زمان قال انى اكره الخمر ولكن لا اكره الاناء

زى ماقال دكتور ريمون بتكره نفسك لما تروح تعمل حاجه فى الحكومه او تخلص شىء بسى مش معناه انى هكره مصر ذنبها ايه احنا بنكره الزمن الى فيه مصر مش مصر مش المكان

يارب تتعدلى فى يوم من الايام يامصر

[znaty]

كدة انا استريحت ..عملها توو

الله ينور يا د تووو ..اسم استاذ زيك يا ريس :closedeyes:

كدة الناس تفهمني اسهل :blush2:

[znaty]

عزيزى المهندس زناتى... تحية و تقدير لكل مجهودك و ارائك و ملاحظاتك و ..و...و..و مهما قلت مش هاوفيك حقك

احب اقول لحضرتك كلمة جميلة للبابا شنودة "مصر ليست وطن نعيش فية و لكنها وطن يعيش فينا"

دة معناة انك ممكن تروح اى حتة فى الدنيا و مصر معاك جوة جوة قلبك. انا سافرت امريكا كتير و كل مرة بروح هناك احس انة ايوة الدنيا احسن شوية بس مش للدرجة الى تخلينى افكر اسيب بلدى... لكن بمجرد رجوعى مصر و فى نفس اليوم بفهم انا لية فكرت فى السفر.

للاسف فعلا بلدنا حلوة قوى من بعيد.. لغاية ما يجى يوم اسود تفكر تخلص ورقة من الحكومة.. او تجدد رخصة..او حتى تسوق عربيتك!!

ساعتها بتفهم انت سافرت لية

اخي العزيز دكتور ريمون

كلمة البابا شنودة هيا بالظبط اللي كنت باحاول خلال الحلقتين اللي فاتوا اني اوصله لاخوانا هنا

كلمة حكيمة وانت نقلتها في الوقت المناسب تماما

اتفق معاك ومعاكم ان الوضع صعب جدا في مصر ومن سيئ لاسوأ وانا قلت كدة ولذلك انا برده بره ؟؟؟؟

وقلت مرارا ان كندا من افضل الاماكن اللي ممكن تستقر فيها ..وانا اؤيدك تماما لو قررت تعيش هناك علي طول انا فاهم

بس كل اللي طلبته ..هو كلمة البابا ...خد مصر معاك

اما عني فانا فكري خاص بيا وممكن يكون موش مناسب لناس كتير زي د تهامي و م ايهاب سالم و د هشام و م ياسر ودة يا اخوانا طبيعي جدا

كل واحد وليه ظروفة

وعلى راي اخويا المهندس ياسر ..اذا ماكنتش قادر ارجع اعيش في مصر ..يبقي هاجيبها هنا معايا :closedeyes:

تحياتي لك اخي ريمون :blush2:

حلوه يابشمهندس زناتى الجملة دى هجيبها معايا ودا الى هعمله بجد انا بحب مصر جدا ولكن ناس كتير بتفتكرنى بكرها انا مش بكره مصر بكره حاجات فيها

يعنى زى فيلسوف زمان قال انى اكره الخمر ولكن لا اكره الاناء

زى ماقال دكتور ريمون بتكره نفسك لما تروح تعمل حاجه فى الحكومه او تخلص شىء بسى مش معناه انى هكره مصر ذنبها ايه احنا بنكره الزمن الى فيه مصر مش مصر مش المكان

يارب تتعدلى فى يوم من الايام يامصر

والله يا صديقي انت بتكرة نفسك لما تنزل تخلص ورق هناك

اومال لو تعرف اللي بيحصلي انا و د تهامي لما بننزل مصر بيعملوا فينا ايه ؟؟

والا علشان اجدد تصريح العمل ايه اللي بيحصل معايا

بس زي ماقلتلك يا صديقي ..هاناخدها معانا

وزي ما قال دكتور ايهاب ودكتور تهامي

هاتعمل هناك شلة زمعارف وحبايب زي اللي في بلدك واكتر

وزي ماقال اخويا م ياسر

ساعد كل اللي تعرفة انه ييجي كندا ..ساعدوا بعض ودلوا بعض ..لغاية مانعمل مصر هناك

وزي ماقال البابا شنودة ..هانعيش هناك بمصر wst::

[znaty]

قناوي ؟؟

قنااااااااااااااااااااااااااااااااااوي ؟؟

ممكن تبطل بأه اعتكاف وتطلع لاخوك هنا شوية ؟؟

موش طريقة دي يعني ؟؟

عمال اقول خش برجالتك يا فرج مكن الصبح مافيش فايدة ؟؟

يااا جزررررر

[znaty]

يا اخوانا حبي لمصر مبرر جدا

انا مكتوب على بطاقتي

بالمطواه اغوزك ..لو عقلك وزك تنساني

وبالموس في وشك ..لو قلبك غشك

وعمرك خلص ..لو فكرت في بلد تاني

امضاء : مصر المحروسة

يا اخوانا انا بس خايف على عمري

[kaplaan]

wst::

باشمهندس زناتي

أحييك على موضوعك الرائع وانطباعاتك المتوازنة

آي نعم الإستقرار ليه حسابات تانية ، بس كلامك ده مهم جداً لأي واحد بيفكر في الهجرة عشان يكون مستعد للي هيشوفه ويعيشه. بعد كام يوم المناظر اللي حواليك خلاص عينك هتاخد عليها ومش هتشدك زي الأول ، اللي هيفضل هوه سعيك ورا وظيفة أو معادلة

أنا باحيي فيك صراحتك وأمانتك في نقل الإنطباعات

wst:: :P

6 مشاركات بس جبار يا زعيم :closedeyes:

تحياتي

:sofa: :wub:

كدا بأو 7 :wub: تعرف يا باشمهندس اني راجع مصر إن شاء الله كمان إسبوعين بس أنا عكسك تماماً ، مخنوووووء جداً اني راجع و عشان أكون صريح مش حاسس بأي وحشة أو حنين لمصر . مش عرف دة صح والله غلط wst::

بس د الحقيقة :blush2:

[ehabtaher]

اكبر المحبوبين من بورسعيد و عايش بره مصر ومازال المصريين بيحبوه مع انه واخد جنسيه تانيه غير جنسيه مصر

مش انت قصدك كده برضه

روح هاجر اقعد بره بس ماتنساش انك مصرى فى الاول والاخر

اخر حاجه سمعتها

ان الهنود الحمر اصولهم من مصر

صحيح والا لا

[ehabtaher]

بالمطواه اغوزك ..لو عقلك وزك تنساني

وبالموس في وشك ..لو قلبك غشك

وعمرك خلص ..لو فكرت في بلد تاني

امضاء : مصر المحروسة :closedeyes:

[znaty]

بالمطواه اغوزك ..لو عقلك وزك تنساني

وبالموس في وشك ..لو قلبك غشك

وعمرك خلص ..لو فكرت في بلد تاني

امضاء : مصر المحروسة :blush2:

اللهم ما طولك يا رووووووووووووح

ايهاب بتلعب فيى عداد عمرك يا ايهاب

وبعدين انا ماكنتش حاطط المقصلة دية يا مزور :closedeyes:

[ehabtaher]

يعنى خدت بالك من دى وماخدتش بالك من اللى قبلها ايه رايك مش يجنن الواد الحليوه ده