كندا... بداية ونهاية

[ehabtaher]

مش فارقه الصوره

بص لصوره لعيب الكوره اللى فى المداخله اللى فاتت

حاتعرف تشبه على زناتى (نفس لون العينين واللون القمحى بس يمكن شعره اصفر بس اكرت شويه وبرضه قصير وفيه صلعه خفيفه :lol:

تكونشي ساكن قصادي وبحبه يا جدع انت وانا موش عارف ؟؟؟؟؟؟؟ :lol:

وبعدين انا قصير واصلع ؟؟يا نهار ابيض ؟؟ هيا دي صورتي عندك ؟؟؟

طب الغي بقة معاد الخميس الجاي ..على الملأ اهو :lol:

انا يا حبيبي 179 سم بالصلاة عالنبي و 120 كجم / ساعة ..صبة خرسانة يعني بالصلاة عالنبي

وبعدين مين اللي قاللك اصلا معاه جنسية تانية

زيزو يا فندم معاه جنسية بورسعيد شارع رمسيس فوق قهوة ابو طرية عدل

اي خدمه

أهو انت اللى نزلت وصفك لنفسك اهو اولتش حاجه انا

انت اللى فتنت على نفسك مش انا

يعنى الواحد يستفزك تقوم تخر كده على طول طيب خدها واسكت وبعدين لما نتقابل ابقى اديهملى

اما نشوف يوم الخميس مين اللى كلامه صح :angry:

[znaty]

حابعتلك بديل يا دكتور ايهاب :angry: :lol:

[znaty]

د هشام :lol:)

عمال ادورلك على اي بحث عن العثميميمميين موش لاقييييي :lol:

يا خي وحشتني القعده معاك :angry:

[د هشام ابراهيم]

د هشام :lol:)

عمال ادورلك على اي بحث عن العثميميمميين موش لاقييييي :lol:

يا خي وحشتني القعده معاك :angry:

:lol: :lol:

ايوه هما اتنين .... تذكرتين :lol:

معاك حق يا Z باشا أنا فعلا ما رحتش عرعر :D ...... بس كان قصدي بالخليج الامارات و قطر ....كلام حسين فهمي ده للاستهلاك المحلي ..عمر المشكلة ما كانت مصر حلوة و لا لأ ....المشكلة في المصريين يا عم زورو ...مصر فعلا حلوة بس غير صالحة للعيش فيها في الوقت الحالي ....للاسف الشديد .....

مش حاتكلم علي السعودية علشان ديه برضه الكافيه بتاعتك و ما نقدرش نقول حاجة و المعلم بتاعها موجود

بالمناسبة فين صور القمة الرباعية يا معلم Z

[Dr Remon]

الملاحظة بقي إن مصر مش أحلي بلد في الدنيا و لا حاجة ...هي أغلي بلد عندنا لانها بلدنا انما كجمال فيه أجمل منها و بكتير ...ذكريات الطفولة و الشباب لا تعوض و لكن ربنا يعينك يا باشا و تكون ذكريات جميلة في كل بلد تروحها يا Z :angry:

الميزه يا دكتور اننا دايما نفتكر الذكريات الحلوة بس... و عشان كدة لما نبعد بنحن.. لكن لما نرجع :lol:

انا مجتش كندا قبل كدة.. بس الاسعار اللى قالها زناتى غالية جدا مقارنة بامريكا.. لكن انا واثق ان الاسعار دى بتختلف كتير مع الاستقرار و معرفة تشترى من فين و امتى

Maybe life is not the party that we were expecting, but in the mean time, we're here and we can still dance....."

[Dr Remon]

خلاصة يا ريمون :)

بس خللي الواد يتخصص خط التجمع والا المعادي ..ستايل بره والدور هايخلص اسرع :angry:

و طبعا انا اللى حاسوق الميكروباس :lol: طيب ماتشد حيلك و تيجى تشاركنى و نعمل المشروع دة فى تورونتو و حتى الواد ينادى بالانجليزى و يبقى عمل بمدارس اللغات بتاعتة :lol: :lol: :lol:

و تخيل بقى يا باشا و الميكروbus بابة مفتوح و الواد تلاته ارباعة مدلدل برة و بينادى تورونتو تورنتو ايوة تورنتو.. و طبعا الكنبة الورانية اربعة..

تفتكر ممكن يحكموا علينا بالاعدام :l :lol: :D :lol:

Don’t let your victories go to your head, or your failures go to your heart.

[Dr Remon]

مرة واحد سئل سؤال جميل و لطيف خالص

يا ترى مصر لسة امى ولا بقت مراة ابويا؟

فكرنى بفيلم احمد حلمى لما ابوة قال لة متقلش مصر هى امى... امك نايمة جوة

عموما السؤال للجميع.... تفتكرو اية الاجابة؟

[Dr Remon]

اسف نسيت اكتب

The two most common elements in the world are hydrogen and stupidity

[the world]

Dr Remon

حضرتك عارف ان فى كاتب مصرى كندى كتب كتاب اسمة (مصر دى مش امى دى مرات ابويا)

إلى بيحب مصر لازم يقراء هذا الكتاب هيعرف الوجة الاخر لمصر

[myusername]

Dr Remon

حضرتك عارف ان فى كاتب مصرى كندى كتب كتاب اسمة (مصر دى مش امى دى مرات ابويا)

إلى بيحب مصر لازم يقراء هذا الكتاب هيعرف الوجة الاخر لمصر

السلام عليكم,

انا مش محتاجين نعرف الوجه الاخر لمصر.. عشان احنا عايشينه بالفعل!

بس يا ريت نفرق بين النظام و بين البلد نفسها.

تم تعديل 21 ديسمبر 2009 بواسطة myusername

[صعيدي من مونتريال]

لا ماتوصلش للاعدام

ممكن يمنعوك من دخول امريكا الشمالية مدى الحياه بس :lol:

تورنتو واااااحد

زا عربية امبتي ورا يا استاز

[Dr Remon]

Dr Remon

حضرتك عارف ان فى كاتب مصرى كندى كتب كتاب اسمة (مصر دى مش امى دى مرات ابويا)

إلى بيحب مصر لازم يقراء هذا الكتاب هيعرف الوجة الاخر لمصر

شكرا على المعلومة... و يا ريت تدينا فكرة عن الكتاب او الرابط بتاعة :lol:

[Dr Remon]

السلام عليكم,

انا مش محتاجين نعرف الوجه الاخر لمصر.. عشان احنا عايشينه بالفعل!

بس يا ريت نفرق بين النظام و بين البلد نفسها.

و عليكم السلام

ما هى المشكلة ان احنا النظام... النظام دة هو ناس مننا... و لو فكرت شوية حتقول مصر حلوة بس الناس هى اللى وحشة.. طيب ما مصر هى الناس

تفتكر لو النظام اتغير بكرة حتلاقى الناس بقيت مؤدبة و ذوق و اخلاق ومبتسمة (يا اخى دة الابتسامة فى وجة اخيك صدقة)

يا ترى حتختفى المظاهر السيئة من حياتنا؟!!!

صحيح انا مش عجوز لكن بقيت كبير كفاية انى اقول ان الناس فى مصر زمان كان شكلها احسن ... بالابتسامة و الطباع الحلوة

Dream as if you will live forever, live as if you will die tomorrow. Remember that only the gentle are ever really strong.

James Dean

[Spanish Eyes]

صباح الخير

معلش يا زناتي عندي تأخير كام يوم بس اعمل اية الولاد مشغلني سواقه :lol:

أولا: وبكل أمانة تسلم أيدك على التوبيك المنظم والمفيد وعلى صراحتك وشفافيتك في نقل كل الأحداث اللي مربت بيها.

ثانيا: أنا عندي رأي وقناعة شخصية غير ملزمة طبعا ولكن هيا وجه نظر فايتر شويتين،

المفروض أن خلاص أنت عندك أسبابك ودوافعك القوية اللي مخلياك تسيب مصدر دخلك الحالي وتروح على المجهول يعني المفروض قاتل يا مقتول مفيش أنصاف حلول ولو مش عارف اية حصل كرسي في الكلوب وامشي وارجع على مصر حط أدامك هدف واحد أن ربنا يوفقني ويقدرني وانجح في حياتي في كندا اعمل كل اللي عليك ذاكر عادل اشتغل بدرجة اقل شوية اقبل ببعض تنازلات لرفاهية العيشة في الخليج لأن قصادها حتحصل على مميزات أخرى ادعي ربنا في كل ثانية وثقتي بالله لا حدود لها انه حيعملنا الخير كل الخير في أي مكان وكفاية انك حتكون مطمئن ولو نسبيا أن لا قدر الله وربنا يحميك لو تعبت فيه اللي حيعالجك لو أتعطلت عن العمل البلد حتساعدك لو عايز تتعلم برضه وراك وهكذا.

ثالثا: متقلش لو لقيت خطر على ولادي اومال أنت فين ؟ ولادك دول مش أنت المسئول عنهم ادخل في كل تفاصيل حياتهم، فين النتورك بتاعتك اللي مسؤليتك انك توفرهالهم ليه ميكونش كل أصحابهم من أولاد معارفك اللي أنت واثق فيهم وفي تربيتهم لية منبقاش احنا عزوة بعض ويكون المثل الأعلى لأبني وابنك هما أولاد أصحابنا الأكبر منهم والولاد بيتعلموا من بعض ليه أخاف أن ابني ينحرف ويكون ليه جيرل فريند بدل مثلا ما يكون فية بينه وبين بنت صاحبتي اللي أنا واثقة فيها وهما متربين مع بعض ويرتبطوا ارتباط رسمي .

حاجة كمان دايما فيه افتراض أن المستوى الديني حيقل برضة لية؟؟؟؟ ليه متقولش انه حيزيد أنت عارف أنا مثلا مقصرة خالص في صلاة الفجر والسنن عشان الشغل والضغط اللي الواحد فيه هنا (طبعا مش عذر) بس ناوية ان شاء الله وبحاول من دلوقتي إني انتظم فيهم بس لما تبقى أعصابك ريلاكس وعندك وقت فاضي حتقوم بكل دة وحتاخد ولادك كمان معاك وحتحضر محاضرات ومناظرات كل ما سمح ليك الوقت ودة يمكن ميكنش متوفر لينا حاليا.

أنا يمكن أكون بتفأل زيادة عن اللزوم او شايفة الحياة وردي وهيا هناك كحلي الله اعلم بس في الأول والأخر بتوكل على الله وبجتهد.

أحييك مرة تانية على صدق ونبل نواياك (على فكرة أن مش بوجه الكلام ليك بصفتك ولكن هو لأي مهاجر مقدم على اكبر خطوة في حياته).

[ehabtaher]

مشكله كندا بالنسبه لينا مش الناحيه الدينيه او حبى لبلدى او او

المشكله الاساسيه هى انى اعرف اشتغل واربى اولادى

طريقه تفكيرى زى تقريبا د تهامى ان الواحد يحاول يدرس اى كورس صغير يساعده فى انه يدخل عجله الشغل هناك وبعدين بعد كده يحاول يعادل يدرس شىء جديد يعمل اى حاجه يشوفها قصاده مناسبه لانه يرفع من مستواه والرزق مش فى الوظيفه فقط ولكن فيه حاجات كتير تدخل فى نطاق الرزق

منها

شرب ماء نظيف و الوقايه مثلا من الفشل الكلوى

تنفس هواء نظيف والوقايه من الربو

المعاش اللى يكفينى بعد سن ال 65

المدارس المجانيه للاولاد وان كنت احب اختار المدارس الاسلاميه لو كانت الماده متوفره

فى مقابل الحاجات دى وطبعا الشغل اللى يتيح الحياه الكريمه لى ولعائلتى فانا لا انكر اننى مستعد ان احارب امريكا فى صف كندا لو فكرت تستولى على اراضى كندا مثلا ليه لانى شايف ان الوطن هو اللى بيرعاك ويرعى اولادك مش اللى بيرميك ويرمى اولادك

ربنا يهدينا جميعا الى مافيه الخير والصواب ويلهمنا لفعل مايرضى ربنا عننا ... امين

[ehabtaher]

اهى دى بلد هاجر منها سيدنا محمد لما فاض الكيل من اهلها

ورجع لهم بعد كده اقوى وفتح عليه ربنا فتحا مبينا

عقبال ماترجع يا عم زناتى

وانت فاتح فتوح كندا وراجع مصر او ابنك

وهو شايل جايزه نوبل زى قدوتنا مش فاكر اسمه ايه ده

اوله ز برضه زيك يا زناتى

[صيدلى كندى]

متشكرين جدا عالمعلومات القيمة دى مستر adam لكن انا شايف ان ال single بيصرف لوحدة حوالى 1800 دولار ده فى شهر بس ده كتير مقارنة للى لسه مهاجر ولسه ما اشتغلش ولا فات عليه تلات شهور عشان يقدم على المعونة الاجتماعية ممكن توضيح اكتر وهل لو الواحد اشتغل هناك علما بانى صيدلى هقدر اغطى المصاريف دى لوحدى وهيفضل فلوس ولا الامور هتكون عاملة ازاى؟؟؟؟؟؟؟؟ممكن توضيح اكتر بعد اذنكم

[mrs gehad ahmed]

استاذنا العزيييييييييييز Z

وقفت كتييييييييير ادام حلقتك الاخيره .

ويمكن مش متفقه مع حضرتك ف بعض النقاط

ولكن :

كفايه صدق نواياك ورؤياك وانت بتنقل اللي انتا شوفته ..وانه مجرد وجهه نظرك

والامانه الشديده في نقل الصوره لاخوانك اللي مستنيين ..

من كل قلبي

ربنا يوفقك

وسلامي لمدام جيجي

[qenawy]

يا زناتي سؤال

ندخل بالرجالة ؟

[forgiving lady]

السلام عليكم

ألف حمد الله على السلامه.بمنتهي الصراحة اسلوب حضرتك الاكثر من رائع هو ما جعلني اسارع بالدخول للتهنئة و الشكر.انا لم ادخل منذ اكثر من شهر و من حسن حظي اني اخترت موضوعك فعلا اشكرك علي مجهودك و اشكرك ايضا لانك جعلتنى ابتسم و اضحك و اترك ما كنت افعل لمتابعة حلقاتك لما وصلت الى ص18 قررت ان ادخل و لا اهتم ان اخطأ في الاملاء او النحو او ان ينتقد اسلوبي احد. يعلم االله كم هي صعبة الكتابة بالعربي بهذا البرنامج.

نحن ظروفنا مشابهه لحضرتك و معظم الاعضاء حيث تزوجنا و فورا سافرنا الي السعودية و ظل حلم كندا معنا 5 سنوات تخلله صعاب قاصية جداااا و لم يأسنا منه اكرمنا الله سبحانه و تعالي بحقيقة كانت بالنسبه لزوجي حلم اكبر من كندا فلم يسعي ورائه اظنه حلم كل جراح العمل في لندن و لم نصدق الحمد لله.

و بعد وصولنا ب3 اسابيع يأتينا طلب الباسبورات. و بدون تفصيل اكثر يتحقق الحلم نعمل اللاندينج و نعود للندن.الله كريم اكثر من ما نتخيل

و لكن هناك توقيت لكل شىء .

علي فكرة نحن ايضا لم يقل لنا احد

welcome home .

مع ان انا و زجي طول ال8 ساعات نقول إمتى بقى يتقال لينا welcome home

شكلهم مش بيقولها ليللاندينج بس لازم تقوم مقيم .وحنا طبعا لما سألنا على وضعنا جوزي قالهم أنتم قولته ماتبيعش حاجة أو تسيب شغل. وعقدي ينتهي بعد ٤ شهور .

عشان كدة يظهر المعاملة كانت

formal .

أما عن كلام حضرتك عن الناس فعلا المصريين في البلاد البرد مختلفين تماما عن في البلد الحر

كل المعلومات لحضرتك كتبتها مفيدة جدا أنا بحمد ربنا إني لم أكتب عن رحلة يللاندينج لأني لم ولن أكون حرف فسطر في حلقه من حلقاتك الأكثر من رائعة

واخيرا أشكرك لأنك جعلتني أعود أقرأ المنتدى والأهم أني شعرت

بدفء مصر و

. جمال أهلها في البلاد التي جعلها البرد تفقد الشعور بكل شيء .

كان الله في عيون العبد ما كان العبد في عيون أخيه

أعانك الله و سهل عليك كل صعب وسلام لزوجتك التي هي أساس بركة الله لك فانا أعلم كم هو مهم مساندة الزوجة.

أعتذر جدا للإطالة

أدعو لكم بالتوفيق في كل شيء يا رب .