كندا... بداية ونهاية

[znaty]

أطمنئكم جميعا....

الحمد لله أنا كلمت المهندس زناتى اليوم وهو بخير و ان شاء الله عما قريب يتم الله عليه الشفاء..

على الأقل دلوقت بيتكلم.....

و بكرة يرجع يوجع دماغنا ببورسعيد و الستيك و السمك و و و

ألف سلامة عليك يا هندسة..

و هو فيه أحلي من سمك بورسعيد :lol:

خليك شاهد يا د شامي

خليك شاهد يا دكتور تومي

اهو

د هيتش بيستغل اني عامل دماغ خنازيري وبالهفط بقالي 3 ايام وبيغلط وبيتطاول اهو في حق سمك بورسعيد المحترم

لعلمك بقة يا دكتور هشام

احنا ااقل بيسارياية عندنا ليها اصل وفصل وبنت ناس ..لو فتحت خياشيمها ..هتلاقي مكتوب سجل العائلة وبنت مين وحسبها ونسبها

وبعدين ولا مؤاخذة احنا السمك عندنا بيطلع من البحر متكلين ومتبارفن وضارب مزيل عرق من المنطقة الحرة بعشة جنيه ..موش زي في بلجيكا وكندا ..اكيد بيطلع زفر ..يااااي

ماتنكنشنيش وانا عامل دماغ ( خنازيري يامما ) علشان مابعرفش اقول ايه بصراحة

شفت يا هشام لما كنا في كندا وبنتكلم في الموضوع دة ..صحيح اللي بيخاف من العفريت بيطلعله

[NaWiCaNaDa]

السلام عليكم

الحمد لله على سلامتك يا مهندس زناتي

[د هشام ابراهيم]

نعديها علشان خاطر حلاوة رجوعك ...سمك بورسعيد أجدع ناس :blush2:

أقولك الحق أنا سمعت كلمة انفلونزا البتاع ده و فطست علي روحي من الضحك ..نشنت يا فاليح ..لا و ما تجيش إلا فيك ...

المعلم Z يا شباب سيرة البورك بس كانت بتقلب له بطنه ..... طب انفلونزا الطيور ...انفلونزا سمك البكلاه حتي ......

الف سلامة يا معلم Z و نورت المنتدي من تاني :big_boss: :big_boss:

[znaty]

نعديها علشان خاطر حلاوة رجوعك ...سمك بورسعيد أجدع ناس

أقولك الحق أنا سمعت كلمة انفلونزا البتاع ده و فطست علي روحي من الضحك ..نشنت يا فاليح ..لا و ما تجيش إلا فيك ...

المعلم Z يا شباب سيرة البورك بس كانت بتقلب له بطنه ..... طب انفلونزا الطيور ...انفلونزا سمك البكلاه حتي ......

الف سلامة يا معلم Z و نورت المنتدي من تاني :big_boss: :blush2:

شفت يا صديقي ؟؟

انا متهيالي اللي هايجيبلي سيرة البورك فيكم هناك والا يوريهولي في فاترينه والا حاجة ..ممكن اقع من طولي ويجيلي تشنجات عصبية في الارض

الله يسلمك يا صديقي الحبيب ..وماشي كلامك يا عم ..السمك البلجيكي لا يعلى عليه :big_boss: ..بس يتشوي في بورسعيد بأه :phar:

[znaty]

اصدقائي الاعزاء واخواني و اخواتي زملاء الرحلة

جزاكم الله خيرا كلكم واحد واحد ..دعائكم جميل ومشاعركم رائعه..باذن الله نفضل كلنا كدة يد واحدة هنا وهناك يارب

نفس الموضوع دة كان جاه في خاطري والله يا اخوانا

انا لما تعبت والموضوع زاد اوي..اتصلت على واحد صاحبي خدني المستشفي وفضل جنبي من 6 المغرب لغاية 3 الفجر ورجعني البيت

وواحد تاني جاب كل الطلبات بتاعة البيت لاسبوع كامل

جه في بالي ..ياتري مين اللي خد سوسوراني للمستشفي ؟ ..وجابلها حاجة البيت ؟؟

اغلب الظن انها ساعدت نفسها للاسف

ودة اللي كنت باقول عليه ..ان ماكناش ننقي بعض ..ونبقي مع بعض يد بيد ..عمر العيشة هناك ماحاتبقي حلوة ابدا

يوم التلات بدات اتعب بس موش عارف ايه بالظبط ..تكسير عضم ودوار وهدت حيل كدة وخلاص

يوم الاربعاء نفس الاعراض بس عليها احساس بالبرودة

يوم الخميس بدات زوجتي المصون تتصل بصديقتها المكنون سوسوراني..بصفتها خبيرة الانفلونزا في الشلة

تسالها هو انتي كنتي بتحسي باية بالظبط؟؟

وبعدين تيجي تقوللي ..ماتخافش ..موش هيا ..الحرارة ضروري

اقولها والله ..انا باترعش..نقيس الحرارة نلاقيها 39.6

تروح تتصل بيها تاني

تقولها سوسو في ترجيع ؟؟

تيجي تقوللي ماتقلقش ..الترجيع ضروري

اقولها والله ؟؟ واقوم مرحع

قلتلها ياريت تاخدي منها الاعراض كلها مرة واحدة علشان اخلص :blush2:

المهم كله كوم والمستشفي كوم تاني

بعد الحرارة والضغط حطولي كمادات تلج فوق راسي وتحت الدراعات وكله

دخل الدكتور كشف عليا

وخرج قال كلمتين مع الممرضات بره

لقيت المستشفي كلها في ثانية واحدة كلها كمامات

كان ناقص العيانين اللي في الطوارئ جنبي يشيلوا حوامل الجلوكوز في ايديهم ويطلعوا يجروا في المستشفي

تقولش جربة في المستشفي ؟؟

طبعا في وسط المحاليل والابر لقيت موبايل داخلي بتاع صاحبي ..بيقولي خد واحد صاحبك ..لقيته دكتور تومي :phar: جاي في وقته :big_boss:

عموما الحمد لله ..الوضع احسن الوقت بكتير ...مع اني حتى هذة اللحظة موش متاكد ان اللي عندي ابو خنزر خالص

لانهم ماخدوش مسحة ولا عينة ولا دياولو

بس هو شاكك ..ومضاني على ابلكاشن مشتبه فيه ( مسجل خطر اتش ون ان ون ) :big_boss:

وكتبلي تاميفلو ودوا تاني اسمه زينات مع بنادول لمدة 5 ايام وافضل محجوز في اوضتي ليوم الحد اتعرض عليهم تاني

وربنا يستر

اشكر اهتمامكم جدا يا اخوانا وبعد الشر عنكم جميعا يارب

في امان الله

[qenawy]

ودوا تاني اسمه زينات

طبعا مش زناتي

[qenawy]

الف الف سلامة يا زعيم

وكرتر الف خيرك

الف سلامة عليك بجد واعتذر عن التقصير كنت بحسبه انفلونزا جبلية

الف سلامة بجد

[znaty]

ألف سلامة عليك يا صديقى أنا بعت لك رسالة على الخاص و قلت لازم نعمل منظر كمان على القهوة بتاعتك

والله و من كل قلبى أتمنى من الله العلى العظيم سرعة شفائك و ترجع لنا بالسلامة و تنور المنتدى

و أوعى تنسى تشكر د/ سوسو لأنها السبب فى ان الناس كلها بتدعيلك دلوقتى

ان شاء الله بكرة حاتكون 100% ثق فى الله

اخويا العزيز رامي

انت بالذات هارد عليك لوحدك لاني اكيد انا ضايقتك قبل كدة

انا شفت رسالتك على الخاص حالا ومعلش هارد عليها هنا :big_boss:

واضح اني برده فهمتك غلط ..زي ماقال د هشام ..الفولت بيعلي والفيوز ضارب من زمان فمافيش حاجة بتفصل :big_boss:

والله انا كنت فاهم الكلام موجه ليا في حين انت وضحتلي صورة تانية وقصد تاني..وانت عارف احنا عشرة من امتي يا رامي

انا بجد اللي اسف يا صديقي ..وخليك دايما معانا كدة على طول :blush2:

د سوسو ماتتشكرش يا فندم ..د سوسو من العائلة يا صديقي خلاص :phar:

[znaty]

الف الف سلامة يا زعيم

وكرتر الف خيرك

الف سلامة عليك بجد واعتذر عن التقصير كنت بحسبه انفلونزا جبلية

الف سلامة بجد

:big_boss: :blush2: :phar: :wub:

ماشي يا شقيق ..وصلت يا باشا :big_boss:

[ehabtaher]

هو الراجل قال ان سمك بورسعيد كخه

الراجل قال مافيش احلى من سمك بورسعيد

والا انت بتحب اللى ينكشك والسلام

[znaty]

اخي العزيز :ايهاب

لووووووووووووو سمحت ..شيل القرف اللي انت حاطه دة بدل ما ارجع وكتاب الله :big_boss: :big_boss:

وبعدين ارحمني من حرب الصور دي شوية علشان نركز في المهم بعد كدة

[moheltohamy]

هو الراجل قال ان سمك بورسعيد كخه

الراجل قال مافيش احلى من سمك بورسعيد

والا انت بتحب اللى ينكشك والسلام

يـع (وش واحد هيجيب اللي في بطنه) :big_boss:

[moheltohamy]

زيزو... مش ناوي تدخل ع المفيد ، وتقول للناس حكاية الدنيا اللي بدأت تندّع معاك دي؟!

ما كانش خنزير وجالك :big_boss:

صحيح... البتاع الحنكوش ولاّ الفنكوش ده توووحفة بجد... تسلم أيادي جيجي :big_boss:

[znaty]

انا موش فاتح الصفحة دي يا تومي تاني ..بجد هاجيب اللي بطني..انا موش ناقص

يا ايهاب ...هو فيه كدة يعني في الدنيا ؟؟ :big_boss:

[أكسيلانس]

حمد لله علي سلامتك يا عزيزي ,, نورة بيتك و قهوتك

[kodo]

السلام عليكم ورحمة الله وبركاته

الففف حمد لله عالسلامة وان شاء الله اجر و عافية

و يكون ده تكفير لجميع الذنوب باذن الله

شفاك الله و عفا عندك

السلام امانة للي ساكن قلبك ( اهل المنصورة الطيبين )

في حفظ الله

[adamdec]

منور با بشمهندس و الف سلامة عليك. ان شاء الله شدة و تعدى

و بعدين ده حتى البيبى امور اوى انا مش شافة اليععع الى فالموضوع :closedeyes:

يا استاذ ايهاب عايزين البشمهندس يرجع قهوته مش يهج منها :lol:

[SoSo R]

زيزو... مش ناوي تدخل ع المفيد ، وتقول للناس حكاية الدنيا اللي بدأت تندّع معاك دي؟!

ما كانش خنزير وجالك :closedeyes:

صحيح... البتاع الحنكوش ولاّ الفنكوش ده توووحفة بجد... تسلم أيادي جيجي :lol:

نادية اهيه احترمت نفسها وردت...أشكرك يارب

بالنسبة للفنكوش ...الله يرحم ايام الصلبون النابلسى :lol:

أيييييييييييييييه...ايام

[صعيدي من مونتريال]

حرام عليك يا حاج ايهاب

تخلي الزناتي يحرم يعتب المنتدى

[precanadian]

الف حمد لله علي سلامتك يا هندسه ومبروك علينا عودتك للكتابه.

ايه حكايه تندع دي الي بيقول عليها مستر T