كندا... بداية ونهاية

[znaty]

خلاصة الخلاصة ......بجد زعيم

تسلمولى يارب انت واختى الحبيبه جيجي

ده ملخص فى غاية الاهميه عشان ما نتوهش ,والخقنى برقم امنيات ده وما تنساش رقم السائق لو قدرت تجيبه يبقى كتر خيرك وادعولى انت وجيجى ....ان يحعل الله دعائى لكما (فى سفرى) مستجاب

بجد احنا محتاجين دعائك يا دكتوره

بخصوص السواق ..لو عرفت اجيب رقمه من طارق النهاردة ..هلخلي زوجتي تكلمك

لو مالحقتش ..انا رايي انها موش فارقة كتير بجد

هاتاخدي 2 تاكسي من هناك لو عددكم كبير نفس المبلغ تقريبا

فكرتيني بيوم اللاندنج والله wst::

[اسكندرانيةكنداوية]

و الله يا باشمهندس الشكر ما يوفيك حقك يارب ييسر أمورك زى ما بتيسر لنا أمورنا و يجعله فى ميزان حسانتك يارب

[اسكندرانيةكنداوية]

مبرووووووك الصفحة 100 يا باشمهندس

[znaty]

و الله يا باشمهندس الشكر ما يوفيك حقك يارب ييسر أمورك زى ما بتيسر لنا أمورنا و يجعله فى ميزان حسانتك يارب

ربنا يبارك فيكي يا ابو اسكندر :

قصدي يا مامت اسكندر ..دة بس من ذوقك

[Ahmed Osman]

إخواني و أخواتي أعضاء المنتدى

في حاجة قلقاني جدا بعد ماكل شوية أسمع بعض التعليقات أو الانتقاضات لشخصي من أقرب الناس لي في البيت أو العمل بسبب إني معظم الوقت ( عندما أكون فاضي ) مقضيه على النت بين منتدانا الجميل أو مواقع كندية لذيادة المعلومات و معرفة الجديد بخصوص الهجرة.

فهل هذا طبيعي بالنسبة لشخص منتظر الميديكال ولا انا مزودها حبتين .

إنهارده واحد صاحبي قال لي أنا خايف عليك ليجرالك حاجة ، من كتر كلامي عن كندا .

طمنوني الله يطمنكوا

أخويا زناتي أنا بحس براحه في قهوتك عشان كده المداخلة دي هنا فأسمحلي.

والله يا ابو حميد انت اللي بتنور اي حته تكتب فيها md2:

وكلامك اسعدني جدا يعلم الله ..بس ماتغيبش عنا بس

اما موضوعك يا صاحبي ..انا موش عارف بس ايه اللي قلقك wst::

انا لو احكي لك عن اللي كان بيحصل معايا انا وزمايلي المقدمين معانا تفطس من الضحك

ياريس احنا كنا بنخش على موقع الحالة اون لاين دة كل يوم الصبح اول مانفتح كمبيوتراتنا يوميا لمدة سنين

وفيه ناس نظام قديم كانت بتعمل كدة لمدة تزيد عن ال 3 سنين

انا شخصيا محفوظ عندي على الفافورايت اكتر من 100 موقع عن كندا من كتر البحث والتدوير

دة من كتر ماحفظت موقع السي اي سي وقراءه الحالات في منتديات العالم بقية محامي يا سيدي :))

ومن بعد ما عملت الاندنج ..مافتحتش ولاااا موقع wst::

زي ماتقول خلاااص ..هبطت

ماتقلقش دة طبيعي اوي ..انت في انتظار تغيير كبير اوي في حياتك

بس نصيحتي ..خليك متوازن وعينك على العيوب والمميزات في نفس الوقت md2:

أخويا زناتي

ياعم ربنا يسعد أيامك .... ده إنت إللي أسعدتني بردك الجميل

و طمنتني الله يطمن قلبك

و نصيحتك حلقة في ودني

تحياتي md2:

تم تعديل 13 فبراير 2010 بواسطة Ahmed Osman

[kodo]

:aslam:

بعد اذنك يا باشمهندس زناتي ده اضافة مخصوصة للدكتورة صفاء

مطاعم تورنتو العربية:

كنق فلافل (مطعم مغربي)

المنيو المغربي :

كوسكوس خضروات -كوسكوس دجاج-كوسكوس لحم بقري-طاجن لحم بقري-طاجن لحم عجل-شوربة مغربيه

المنيو الشرقي:

شيش كباب-شيش طاوق-شاورما -فلافل-حمص-تبوله -بابا غنوج

4167820650

875 eglinton ave West

تورنتو

-------------------------------------

مطعم القدس

اشهر بوفيه شرقي في كندا

4167836494

955 eglinton Ave.W.Toronto

4164907888

corner of Finch and Leslie Wilowdale ontario

-------------------------------------

الحلويات الملكيه

جميع انواع الحلويات الشرقيه - حلاوة الجبن-كنافه-عثمليه-شعيبيات-معمول بجميع انواعه-نوكا وراحه وبيتي فور

4167556323

سكاربرو

M1r2x9

1801Lawrence Ave East

--------

بعلبك

افخم الحلويات العربيه-بقلاوة -قطايف-كنافه-معمول -شعيبيات-زنود الست

سكاربرو 4167578460

1833Lawrence Ave East

ontM1r2y3

Chix

Chix True BBQ

وهذا بيشوي الدجاج متل دجاج تكا

5045 Plantation Place

Mississauga, ON L5M 6J3

828-1117 (905 )

علاء الدين

Aladdin Juice Bar & Restaurant

9052754700

3095 Hurontario St.

Mississauga

Ambrosia Steak & Seafood

905 2791572

2120 Dundas St. East

Mississauga

كباب سلطاني (مطعم ايراني للمشاوي )

Ambrosia Steak & Seafood

9052756666

1100 dundas st w

Mississauga

موقع المطعم

Ambrosia Steak & Seafood

9056025555

Mississauga

كيلوباترا

Cleopatra's social club & restaurant

9052127024

5165 Dixie Rd.

Mississauga

الطربوش

Falafel Al-Tarboosh

9059490222

3050 Confederation Pkwy

Mississauga

Nando's

9055677050

815 britannia rd w

Mississauga

موقع المطعم

Paramount

9052821600

1290 crestlawn dr

Mississauga

Pita Paradise

9058482615

25 dundas st w

Mississauga

pizza & wings

9054530786

400 queen st w

Brampton

Pizza Pros

9057559191

3062 Hurontario st

Mississauga

Pizza Pros

Popeyes

9058048883

3355 hurontario st

Mississauga

9056028883

5120 dixie rd

Mississauga

9058905559

801 matheson blvd

Mississauga

Buffet Sahara

9055689300

35 brunel rd,, Unit # 4-B

Mississauga

تنور

Tanoori Kabob House

9052771094

3060 Hurontario St.

Mississauga

العجينة الذهبية

The Golder Dough Bakrey

9059496521

800 Dundas St.

East, L4Y 2B6

Mississauga

تم تعديل 13 فبراير 2010 بواسطة kodo

[kodo]

:aslam:

دكتورة صفاء ده لينك خاصة بخدمة التاكسي يمكن تحتاجلها ولكن بيقولوا ان خدمة التاكسي غالية

بس برده خليها معاكي احتياطي وده لينك بيعرفك علي متوسط التكلفة

http://www.becktaxi.com/ratesandcalculator.html

ربنا ييسرلك الامور

في رعاية الله

[اسكندرانيةكنداوية]

ربنا يوصلك بالسلامه يا دكتوره صفاء ويكتب لك في كل خطوه سلامه

انا كنت بستأذن حضراتكم في سؤال عن استوديو جيد بالرياض للتصوير عشان انتم عارفين صور البي ار

وجزاكم الله خيرا

[size="5"] إحنا إتصورنا عند أستوديو إسمه ستوديو عمر فى شارع الناصرية أمام مرور الناصرية و الصور طالعة كويسة أنا أخدت الورقة اللى فيها مواصفات الصورة بس هو كان عارف بس أكدى عليه طول الجة ما يوصلش 30 ملليمتر

و سمعت إن فيه ستويو كويس أوى فى اليورو مارشية و المصوراتى عارف المطلوب لكن أنا ما جربتهوش

و بالتوفيق

[hosiny]

فيه استوديوهات تصوير في اول شارع البطحة من ناحية البريد السعودي شاطرين انا مجربهم في الصور المطلوبة بس خدي معاكي مواصفات الصورة و خلية يعملك مقاسات الرأس في الصورة علي المينيمم بتاع مقاسات الرأس

و اسعارهم اقل اسعار في الرياض كلها 10 ريال لل6 صور و بيخلصك وانتي واقفة

تم تعديل 14 فبراير 2010 بواسطة hosiny

[znaty]

كتير جدا مننا بيلاقي صعوبة لما يسوق في كندا اول مرة بسبب الدخول يسار في اشارة ضوئية ثنائية

ودة السبب في سقوط كتير في اختبار القيادة هناك

كل اصحابي كانوا مستغربين ..ازاي سقت هناك بدون متاعب مع الدخول يسار ..والاجابة كانت ان بورسعيد كمان شوارعها زي كندا اشارات ثنائية وبتعمل نفس الاسلوب

بتخش بالعربية شوية قدام في نص التقاطع

وتستني الطريق المقابل يفضي وانت مدي اشارة شمال

لو فضي تخش ..لو مافضاش تستني الاشارة تبقي صفرا وتخش مع الطريق التاي قبل ما اشارته تخضر بثواني

اليكم التقاطع البورسعيدي دة ..على فكرة .زبين بيت العيله وبين التقاطع دة دقيقتين :rolleyes:

[المعلم عتريس]

http://answers.yahoo.com/question/index;_y...22062008AA8XGGU تم تعديل 17 فبراير 2010 بواسطة المعلم عتريس

[ehabtaher]

المزرعه بتمن بيت فى ميسيساجا مثلا مرتين

زى فى مصر5 فدادين فى اراضى الاستصلاح ب 500 الف ودلوقت الشقه فى مكان كويس ب 500 الف

فكل الناس راحت تبنى فى المدن الجديده

من باب اولى فى كندا ندور على حته نحط فيها فلوس الايجار لمده سنه كمساهمه ونستغلها فى احتياجاتنا من سكن لحد ما نلاقى شغل

من عمل بسيط (مزرعه بقى) اصل لما الواحد يبقى قاعد فى حته ملك برضه غير الايجار

وبعدين معملناش ال 5 عين فى مصر _ نعملهم فى كندا

لسه من شوية كنت اقرا موضوع عن المزارعين الهنود اللي بيبيعو اراضيهم ويجو يشترو مزارع في كندا

http://news.bbc.co.uk/2/hi/south_asia/5384024.stm

الصورة مش واضحه بالنسبة لي

من ناحية تلقى ان وظايف الزراعه محدودة جدا LIMITED

ومن ناحية تانية تجد ان كندا تشجع هجرة المزارعين SELF EMPLOYED

وغير كده بتشتري اراضي زراعية في دول تانية

بس في مجالات زي HORTICULTURE

و

ORGANIC FARMING

فيها نشاط (?)

مش عارف

انت صعيدى وليك فى الاراضى

اعمل ابحاثك هناك

وشوف لنا حته قريبه من المدينه ورخيصه الاراضى فيه

امال فايده انك تكون قاعد هناك ايه

اشتغل شويه بقى

اطلع فى الويك اند وخد الكتاب بتاعك واقعد ذاكر تحت الجميزه اللى فى كندا واسال على الاسعار واحسن الاماكن احسن المواصلات طريقه الدفع

ازاى المزرعه بتتباع

معاها اجهزه شكلها ايه

يعنى

اعمل شغل

[MoeTdot]

اكره النفاق و المجاملة زي ما حضرتك شفتي لكن من كل قلبي حقيقي اسئل الله العظيم ان يبارك لحضرتك و لشيخنا استاذ حمدي الي ربنا بعته للجالية الاسلامية في تورونتو و كل الاسرة الكريمة الي بجد من اجمل الاشياء الي الواحد الي طلع بيها من المنتدي زي اسرة الفاضل يوسف كمان ..الكام ساعة زحلقة علي الجليد و الخروج مع الشباب احمد و عبد الرحمن من اجمل الساعات الي قضيتها من فترة طويلة شباب مصري لذيذ بجد smk: ربنا يحفظهم يا رب و يبارك فيهم ..15 يوم عدوا بسرعة لكن ان شاء الله المرة الجاية تيجوا و الصيف و الباربكيو و القلق كله :) ..القصة ما بقتش منتدي ده عيش و شاورمة wst:: smk: ...ربنا يبارك فيكم و يوصلكم بالسلامة ان شاء الله ناس طيبة بجد تستاهلوا كل الخير

:lol: :sad: :unsure: :unsure:

[znaty]

عزيزتي د / صفاء

فرحت جدا لما لقيتك بدأتي الكتابه :happy:

كان نفسي اعرف انطباعاتك ايه عن هناك

و بجد اسلوبك جميل و متشوقه أسمع منك :wub:

و يا ترى كلمتي مين ؟ و شوفتي مين ؟ أنا عارفه :P

يللا كملي الحكايه :)

الحته دى اهداء لبنت مصر وكل اخواتى فى المنتدى اللى على الطريق

النهارده ياجماعه الهوتيل نور بزيارة اختنا سوسو رانى وبناتها العسل وبنتى استمتعت قوى مع البنات ...طب وبعدين كنا رايحين مسجد تورنو ...ايوه ده مسجد جميل فى مكان حيوى جنب الايتون سنتر ...المهم وصلنا قرب المكان واتارى كندا كلها هناك بتحتفل بالفوز بتاع النهارده .... مش عارفه احكيلكم على المشاعر الجميله فى المسجد والا الاحتفال والفرحه اللى شوفناها ....شباب وبنات كبار وصغار كله بيهتف كندا كندا والاعلام والميدان كله منور ورجال البوليس واقفين من بعيد يحموا الناس معانا مش علينا رجال البوليس منهم اللى راكبين احصنه وشكلهم يفرح والابتسامه والسعاده على كل الوجوه ...شوفت البنات والشباب كل اللى يشوف يارا اللى عمرها اربع سنوات لازم يبتسملها ويسلم عليها واللى يديها علم واللى يصورها وكاكتر من مره الاقى حد يستأزن وياخد الكاميرا من زوجى عشان يصورنا مع بعض ...

بصراحه احتفال ...ادانى فرصه اشوف الناس دى اكتر واشوف بيتعاملوا معانا ازاى وانا محجبه وواضح ديانتنا ...والتجمع ده خلانى اشوف تكوين الشعب ده ....من جميع الاعراق وكله ماسك العلم

فعلا اوه كندا

المسجد بقى ياجماعه عاوزه احكيلكم عليه بس المره الجايه عشان انا كده خرجت بره الموضوع بس خدوا بالكم ماحدش حكالكم قبل كده عن مسجد تورنو استنونى و

كمان عشان نكمل هيثرو والاجراءات الامنيه وباقى الرحله

جايز يا دكتورة صفاء ..دة اللي كان ناقصنا واحنا هناك

يومين فرايحي كدة يظبطوا الدماغ :lol:

المشكلة ان احنا لو تفتكري ..كنا نزلنا في العيد الكبير

والداون تاون ...اخر حتة تكون فيها في اعياد المسلمين

بس ماحسيناش بالفرحة الا لما رحنا للمهندس ياسر ورحنا تجمعات المسلمين في سكاربروه

اما موضوع ود الناس في التعامل فحدث ولا حرج

اقفي بس على اي ناصية كدة وافتحي خريطة ..هيطلعولك من تحت الارض يدلوكي

ربنا يفرحك دايما يا دكتورة يارب ..انتي تستاهلي كل خير

بالمناسبة ..فاكرة ايام ماكنتي بتكتبي بالانجليزي ..وانا اخشلك افية واصلحلك بعد ما نجحت في الايلتس وكنت سخن حبتين :lol: :lol:

[myusername]

على فكره برضو يا جماعه توماس كووووك حاليا اسعارها ارخص من ايكسبيديا و موقعها http://thomascookegypt.com/

بالنسبة للفنادق, توماس كوك غالية جدا... لانها شركة سياحية, فبالتالى بتاخد نسبة على الحجوزات.

لكن الافضل هو الحجز مع الفندق بشكل مباشر.. عن طريق موقع بوكنج http://www.booking.com و بصراحة الموقع ده لقيت فيه ارخص اسعار عن تجربتى فى السفر الى بلاد الفرنجة.

عزيزي مهند :lol:

عاوز بس الفت انتباهك لحاجة بخصوص الفنادق بالذات

لازم تتدور على كل المواقع

لانك ماتقدرش تقول الموقع الفلاني بالذات ارخص

كله حسب الديلز بين الفنادق والمواقع

يعني الفندق الارخص على الموقع الفلاني ..ممكن تلاقي في نفس الموقع فندق تاني ارخص من الموقع الاولاني ..فاهم حاجة من اللي انا قلته ؟؟ :happy: فهمني باة

حبيب قلبى البشمهندس المعلم Z....

ايوة ايوة ما انى فاهم :lol: (وش واحد مش فاهم حاجة خالص)

الواد مهند ده من ساعة ما حطيت صورته.. و هو جايب لى الكلام.. و غالبا كده هحط لكم صورة الشحات مبروك :wub:

فعلا كلامك صح... الواحد لازم يدور على كل المواقع.. و لان الموضوع متعلق شوية بالعرض و الطلب.. و على حسب وقت الحجز.. يعنى بعض المواقع بتزود السعر بشكل توماتيكى توماتيكى كل ما يزيد الطلب..

بس موقع بوكنج كان مفيد لواحد زيى بيدفع بالكاش.. و كمان ساعتها ماكنتش متأكد اذا كنت هسافر ولا لا.. و اخترت فنادق مبتدفعش حاجة فى حالة الغاء الحجز.. على عكس موقع اكسبيديا اللى بياخد الفلوس وقتى..

و كمان لاحظت ان نفس الفنادق موجودة هى هى على معظم المواقع... مع اختلاف الاسعار.. و عموما الموضوع محتاج واحد بيدقق فى السحتوت زى حالاتى.. يعنى انا ممكن اختار فندق بعيد شويتين علشان اوفر 2 دولار ولا حاجة :) .. و ارجع ادفع قدهم مرتين مواصلات :lol:

[myusername]

اخواني الافاضل - انا بس حبيت اوضح حاجه انا بخصوص توماس كوك بقول انها افضل في حجوزات الطيران بس مجربتش موضوع الفنادق

و فعلا الاسعار بتختلف كل يوم عن التاني عشان كده لازم المقارنه بين عدة شركات و ربنا يوفق الجميع

فعلا توماس كوك هى الافضل فى حجوزات الطيران.. و ارخص سعر.. دى مفيش فيها شك. لكن مكاتب و شركات السياحة الصغيرة هى اللى بتاخد عمولة كبيرة على حجوزات الطيران, و لذلك ينصح التعامل مع توماس كوك.. او ترافكو.. او اى شركة سياحة كبيرة, او حتى الحجز من خط الطيران مباشرة.

و انا بعتذر لحضرتك لو كان اسلوبى فج.. و عن سوء التفاهم ده.. و ارجو قبول الاعتذار.

تم تعديل 2 مارس 2010 بواسطة myusername

[norbakrahmed]

يا جماعه حد جرب قبل كده الخطوط الجويه الهولنديه klm ؟؟؟؟؟ يعني مستواها كويس؟؟؟؟

كمان الحد المسموح للشنط قد ايه؟؟؟يعني كام شنطه؟؟؟؟ و ابعادهم؟؟؟؟؟ لأن صديقتي جايه من كالجري على ال klm و قالولها المسموح شنطه واحده 23 كيلو و ده القرار الجديد ان لكل واحد شنطه واحده فقط !!!!! و ده قلقني

ايوة

تفتكروا صديقنا سيرجيون ؟؟

دة سافر على الخطوط الهولندية ..بصراحة شكرلي فيها اوي ..وشكرلي اكتر في مطار امستردام

بخصوص معلومات الشنط بقة والكلام دة

علشان تتحري الدقة وتبقي المعلومات حديثة

اما تخشي على موقعهم الرسمي

او تتصلي او تروحي لوكيل او وكالة سفر ةهيا هاتديكي المعلومات كاملة ..اصلا المفروض تطبع على التذكرة

فى البداية .... الف مبروك للدكتورة صفاء والباشمهندسة سمية على اللاندنج وعقبال ما يستلموا ال بى ار ان شاء الله

هى متآخرة بس انا كنت مشغول الفترة اللى فاتت قوى

KLM كخدمة داخل الطائرة جيدة مقارنة بالمصرية وقريبة من الخطوط الخليجية. المطار نفسه اسمه Schiphol على ما افتكر كبير قوى ومنظم وفيه كل الخدمات

وفيه شزلونجات للراحة لو حتستنى كثير ترانزيت , وفيه كمان غرف فندقية لو عايز خصوصية اكثر, مجمل الرحلة على الهولندية طويلة بس مش مملة.

بالتوفيق

متشكره اوي على اهتمام حضرتك - انا هسافر ان شاء الله من القاهره لأمستردام و من امستردام لكالجري و ده كلو بالخطوط الهولنديه و حضرتك طمنتيني على موضوع المطار لان ابني عمرو سنتين ربنا يهديه لان الترانزيت 6 ساعات و نص ان شاء الله

[surgeon]

متشكره اوي على اهتمام حضرتك - انا هسافر ان شاء الله من القاهره لأمستردام و من امستردام لكالجري و ده كلو بالخطوط الهولنديه و حضرتك طمنتيني على موضوع المطار لان ابني عمرو سنتين ربنا يهديه لان الترانزيت 6 ساعات و نص ان شاء الله

ربنا يبارك لك فيه ان شاء الله... بس قصد حضرتك انه شقى؟

لو كده... انا كنت فى مطار شارل ديجول فى باريس.. و كانت قاعة انتظار الطائرة فيها ركن مخصص للعب الاطفال.. و لا استبعد ان النظام ده يكون موجود فى مطار "سخيبول" schephol.. يعنى ان شاء الله متقلقيش بالنسبة لوسائل الترفيه هناك..

و يا رب توصلوا بألف سلامة باذن الله... انتوا و كل المهاجرين.

بالظبط كده المطار فيه اماكن مغلقة بها لعب للاطفال, وبجانبها حجرات للاطفال الرضع للغيار والرضاعة وبها نسبة من الخصوصية كويسة .

بالنسبة ل6 ساعات حيعدوا بسرعة ان شاء الله, بس خدى بالك من مكان البوابة المتجهة الى كندا فى الغالب حتكون بعيدة من مكان نزولكم.

بالسلامة ان شاء الله

[ايهاب سالم]

جزاكي الله كل خير لان كلماتك كانت رائعة جدا و وصفك الجميل للمسجد الذي لم نراه ولكن احسسنا بدفئه .

مفيش مشكله ... نراه مع بعض

أنا أصلي الجمعه أسبوعيا في مسجد تورونتو لقربه من مكان عملي و يقام هناك 3 صلوات جمعه متتاليه

دي صور صورتها بعد احد الصلوات

مسجد تورونتو يعتمد على التبرعات في إستمراريته و الخطيب يقف بعد إنتهاء كل صلاة جمعه من الثلاث ليذكر المصلين بالتبرع بسخاء بعد الصلاه لإستكمال قيمة الإيجار الشهري و رغم ذلك كثير من المصلين يتجاهلون صناديق التبرعات الموجوده بجانب الباب و هم خارجين

كان فيه مكان اخر مؤجر أيضا في الداون تاون كنا نصلي فيه و فقدناه نتيجه لضعف التبرعات

دي صوره له

دي صفحة التبرعات للمسجد ... للي يحب ... و ممكن التبرع من خارج كندا

تم تعديل 3 مارس 2010 بواسطة ايهاب سالم

[mamdouh mohamed]

السلام عليكم و رحمه الله و بركاته

انا بجد منبهر من المنتدى و اعضائه بجد حاسس ان فى تعاون و ده هو الى شجعنى اقول على مطلبى الى مش عارف اعمل فيه اية و اود ان حد يوجهنى الى الطريق الصحيح

انا الان متزوج من حوالى 18 و ربنا كرمنى بـ ادم 9 اشهر و الحمد لله على كل شئ لانى كنت رافض تمام موضوع الزواج لانى كنت عايز اسافر الى كندا او اوربا المهم الحمد لله ربنا اراد والحمد لله على كل شئ لاكن برده الواحد عايز يحسن من مستواه و يتمنى من الله ان اهله يكونو فى احسن وضع و اكيد انتو عارفين الحال هنا فى مصر بجد انا فرحان من الى حصل و دلوقتى بجد اقدر اقول انى مصرى بفخر كبير غير الاول خالص

المهم انا اريد انا اذهب الى كندا للعمل اريد اى عمل بس يكون طبعا مافيهوش حاجه نهى عنها الاسلام على حد علمى كندا عايز ايد عامل و ناس للهجره و كلام من الى بنسمعه ده بس انا عايز حد يساعدنى و يدلنى على الطريق انا معى بكالريوس علوم حاسب من معهد عالى و شغل فى مجال الخرائط الرقميه الان و اخدت كورسات فى البرمجه بس طبعا عشان كل ما اروح لشركه عايزين خبره فا يئس من العمل فى مجال البرمجه و مجال الخرائط دخله عشان لى قريب فى المجال دخلى فية و الحمد لله كان سبب فى شغلى الى ادى الى زواجى و الحمدلله لاكن طبعا معدل الدخل فى مصر غير معدل المصروفات خالص مالهمش علاقه ببعض و طبعا بعد الزواج تكاليف الحياه ارتفعت مع ارتفاع السوق فا كل شهر بشد فى شعرى

فا رجاء من المصريين فى كندا او فى مصر من يعرف احد ممكن يساعدنى فى السفر و العمل فاارجوا من الله ان يكون سبب فى سفرى

انا الانجليزى عندى مش وحش ممكن اتكلم و افهم لان طبعا مافيش ممارسه فا كل مكسر عندى لانكن اكيد كل شئ مع الممارسه و الاصرار كل بيتم ان شاء الله

وشكرا و اسف للاطال