كندا... بداية ونهاية

[safaalabana]

بكدة يا اخوانا ينتهي فاصل الجولة المصورة

اتنمي تكون عجبتكم

راحة بقي يومين الويك ايند

فسح وسفر وكدهون

ونتقابل ان شاء الله الاسبوع الجاي في الحلقة الاخيرة

الانطباعات ووجهة نظر

تحياتي

تروحوا وترجعوا بالف سلامه . ... :waf: :blink:

[moheltohamy]

بص يا زناتي يابني...

على اعتبار إنك من ولادنا ، والضنا غالي يا ابني ، فهاورّيلك شوية صور متصوّرين من الأماكن اللي بتقول عليها دي ، يمكن تتعلّم إن التصوير حرفنة ، مش هز اكتاف

طبعاً سعادتك رحت الـ CN Tower داهوه:

وصوّرت الداون تاون دي:

ومصوّرلي الجلاس فلور ، اللي المفروض تتصوّر كده من واحد قلبه ميت وهوّه واقف عليها وماسك الكاميرا (أكيد طبعاً مش واحد زيي!)

وصوّرت برضه المدينة الترفيهية اللي في نياجرا... واللي دي صورة الشارع الرئيسي فيها:

يعني لو بصيت الناحية التانية هتشوف الشلالات دي:

وأكيد خدت بالك من صورة الواد كنج كونج لما قلب الفندق

وبيت الرعب بتاع فرانكنشتاين

والواد اللي عايش لك في دور التمثال ده

ومش بعيد يكون حدف لكم سلسلة ع الأرض ، سلسلة عبيطة إكسسوار دهبي لو كنت أخدتها كنت دفعت فيها بتاع 20-30 دولار!

[moheltohamy]

ويظهر كده على ما يبدو الحاجة مارلين كانت عدّت من هنا:

وعندك طبعاً أتوبيس الشلالات الشهير...

ودي حناطير الشلالات... واخدلي بالك انتا من الـ - لمؤاخذة - العربجية اللي سايقينها؟!

(يا حناطيرك يا كندا... وش إيهاب سالم طبعاً )

ولو جينا نتكلم ع الشلالات نفسها هتلاقي إن شلالات نياجرا دي شلالاتين مش شلالاتاية واحدة

عندك الشلالات الأمريكية:

وعندك الشلالات الدائرية Horse-shoe falls

وصورة ليها من تحت بالمرة ، من السفينة Maid of the Mist اللي ما طلتهاش يا زناتي أفندي :blink:

وصورة الشلالات الدائرية برضه...

[moheltohamy]

وطبعاً الشلالات عشان تتشاف صح يبقى تشوفها من الجانب الكندي ، لأن الجانب الأمريكي يا عيني غلابة ومش طايلينها ، وعشان كده بنوا البتاع العمود الكبير الأخضر ده في الصورة اللي جاية دي عشان يدخل بالناس بتوعهم شوية لقدّام عشان يشوفوا المنظر كويّس!

ومن منطلق إن الأمريكان دول فاجرين بجد... عملوا سلم ينزل بالناس لغاية جمب الشلالات عشان يعيشوا الجو صح!

وطبعاً دي صورة الكوبري اللي بيفصل بين كندا وأمريكا في منطقة الشلالات ، وإسمه الـ Rainbow Bridge

أما الرينبو اللي بجد بقى يا سي زناتي أفندي فآدي حتت رينبوهاية:

ولو عاوز القرص كامل... آهوه:

والحتة اللي ناقصة من الرينبو ، عشان ما تقولش حارمك من حتة

وخد بقى مكان متميّز تصوّر منه الشلالات (الله يمسّيه بالخير المعلم الكبير إيهاب سالم :blink:)

وندخل على بالليل بقى ، وكمان في وقت مخالف تماماً ، في عز الشتا ، وآدي اللايت هاوس بتاع الشلالات (وده كندا متكفّلة بمصاريف كهربته... بلد فيّيسة بقى وكدهوت )

وآدي الشلالات وهيه منوّرة...

[moheltohamy]

والألوان لمّا تلعب بقى...

واخد بالك انتا من المجرى بتاع النهر وهوّه متجمّد؟ منظر تحفة بجد...

وخد بالك في الصورة دي التلج عامل ازاي حوالين السفن بتاعة الميد أوف ذا ميست؟ المكان كله محاصر

بس الصراحة يا زناتي إن في اليوم بتاع بالليل ده حسييت بأهمية إن يكون معاك كاميرا محترفة ، عشان تقول معاك في لحظة زي دي...

وعشان تشوف الفرق ، هاورّيك الفرق بين صور كنت صوّرتها بالكاميرا القديمة ، والجديدة دي (أصبر بس انتا لمّا أروح الشلالات وأصوّرهالك بالكاميرا الأستاذة بتاعتي)...

سعادتك كنت صوّرت المبنى Gooderham Building اللي في التقاء الـ 3 شوارع Church و Front و Wellington في الداون تاون...

آدي صور ليه بالنهار...

وصورة كده في الغسق... يعني مش بالليل كمان ، لو خدت بالك من النقاء ، مش اللي هوّه خالص!

[moheltohamy]

آدي صور ليه شوف بقى بالكاميرا الجديدة ، وكان بالليل كمان (وده اللي يكشف الكاميرا ، واللي بيصوّر كمان)...

ودي علّيت الـ ISO sensitivity حاجة بسيطة...

إيه رأيك بقى؟!

وكنت سعادتك جبت سيرة حاجة كده...

تقصد المكان ده؟

واللي من جوّه عامل كده؟

نصيحة... ما تجيبش آيس كريم من عنده... وحش بجد!

بص يا زناتي يابني... م الآخر كده... فيه حاجة اسمها Seniority... يعني مهما عملت يابني في دنيتك دي... خليك فاكر دايماً إن فيه ناس بيونيرز ، لازم قبل ما تقول اسمه تقول الأول (إدّلعدي سي تهامي باشا)

وسلّملي ع الكاميرا المعوّقة بتاعتك

[OReX]

:blink:

بسم الله ما شاء الله

صور رووووووووووعة بجد انا جالى استبحس نفساوى ولا اية

دكتور تهامى بعد اذنك عايزين الصور بحجمها الكبير اضغطهم بس وارفعهم على اى موقع شير

[Spanish Eyes]

استاذ والله يا تهامي لما يكون مزاجك عنب بس برضو زناتي ما قصر واحنا في الأخر اللي مستفيدين صور تشرح القلب

[ramyfathalla]

أولا شكرا يا أستاذ تهامى على الصور الجميلة دى والله فكرتنا بالمصوراتى الكبير ايهاب سالم

و مش حاقولك غير هل من مزيد و بارك الله فيك

أما بالنسبة لصور المهندس زناتى فأنت المشرف و كبير القاعدة ما حدش قال غير كده بس لازم نشجعه علشان يعطى المزيد دى أول طالعة للزناتى لازم نسقف له و نقوله كتر ألف خيرك لأحسن يزعل و ما يصورش تانى

ربنا يباك لنا فيكم كلكم ما عندكش فكرة يا أستاذ تهامى الصور عن كندا بتعمل فى ايه ....حلم جميل و ان شاء الله يتحقق

شكرااااااااااااااااااااااااااااااااااااااااااااااااااااااا

[أكسيلانس]

بعد الله يسامحكم ,, هلشان أنا كنت قاعد في ال Morning briefing و قاعد قدامي 11 مدير زي الورد أي و الله ,, و أنا ليسه باقول يا هادي و بنرس الكراسي و نرش مايه و نشارة خشب ,, أم فتحت الماكينه ديه , كلعاده أول حاجه عملتها دخلت علي المنتدي ,, لقيت حرب الصور شغاله علي أشدها ,, و الناس قاعدين قدامي ,, و أنا أقول اله اله اله ,, و هما يقولوا فيه أه يا مستر ,, قلتلهم الحرب قامت ,, كله في نفس واحد يا نهار أسود -- أحنا بتوع سياحه و العيازو بالله يعني لما أتنين يشتموا بعض في الشارع ممكن نقفل ,, و بعدين قلتلهم لا لا دي حرب صور بين أتنين أصحابي ,, لكن طبعا أنا ما سمعتش و لا كلمه في الاجتماع علشان عمال أتفرج علي الصور و أقولهم yes yes , next please ربنا يستر مكنش وفقت علي حاجه كده و لا كده ,,

و الله يسامحكم

[ramyfathalla]

بمناسبة صور CN TOWER بتهيألى انها مرعبة قوى و لو ربنا كتب لى و رحت هناك مش حاعدى من الحتة دى ده أنا شفت الصور و جالى دوار :blink:

[Pharmaher]

برضه المشرف لما ينزل صور بتبقى على قدر المنصب

استاذ والله يا دكتور كاميرا استاذة و مصور محترف

مع اني معجب برضه بالصور بتاعة الاستاذ زناتي

لكن الصورة بتاعة بالليل و ISO Sensitivity عالية موووووت

و الف شكر على الصور الجامدة دي ح تضرب ريكورد بعدد مرات القراءة على ساعتين كدة

[اسكندرانيةكنداوية]

بكدة يا اخوانا ينتهي فاصل الجولة المصورة :lol:

اتنمي تكون عجبتكم

راحة بقي يومين الويك ايند

فسح وسفر وكدهون

ونتقابل ان شاء الله الاسبوع الجاي في الحلقة الاخيرة

الانطباعات ووجهة نظر

تحياتي

:lol: الله الله الله يا باشمهندس مشكور بجد على المجهود الكبير و الصور الرائعة و مشكور على تشجيع و تحميس ال د/ إيهاب و د/ تهامى للدخول فى منافسة عرض الصور اللى بتصبر و فى النفس الوقت بتشوق اللى منتظرين اللاندينج بفارغ الصبر زى حالاتى مشكورين مشكورين مشكورين

إن شاء الله تقضى ويك إند سعيد يا باشمهندس و تحياتى لمدام جيجى وشكرا إنك طمنتى على د/ سوسو و تبليغها سلامى فى إنتظارك الإسبوع الجاى على خيرإن شاء :lol:

[znaty]

يا ابن الايه يا لعييييييييييييييييييييييييب ؟؟؟؟

وفضلت لابد في الدرة لابد في الدرة لغاية ماتاكد اني خلصت صوري نزل بالتقيل؟؟

حاسس اني خدت دش باااااااااااااااااااااااااااااااااااااااااااارد :lol:

كل دة علشان يحسسني بالندم اني ماشتريتش الكاميرا الاستاذة اللي اكل مخي علشان اشتريها وماشتريتهاش ؟؟ :lol:

طب انا هاحلفكم بالله يا اخوانا ..دة دكتور دة ؟؟؟

دة مصور محترف ..دة انت تروح تشتغل على البلاج يا حبيبي او في اخبار الحوادث ؟؟

ماشي

ماشي يا توووو

بس بيني وبينكم

صيتني ودلعني برده

كان ممكن ينزل بالصور التحفة دي عنده بس هو نزلها عند اخوه برده موش حد غريب

كدة بقي التوبيك دة موسوعه في احلى صور كندا

اللي عاوز يفتح توبيك تاني

يكتب انظر الصورة توبيك بداية ونهاية ص كذا :lol:

بجد تسلم ايدك يا دكتور تووو

زعيم زعيم يعني ..استناني بقة في الرحلة التانية بقي يا معلم ..بس يارب ييجي البي ار بس

اشتريلك كاميرا ..و 2 عبيد يشيلوها ورايا ..هاتجيبلك الطبقات الجيلوجية لنياجرا ان شاء الله

تسلم ايدك تاني يا صاحبي :lol:

بس لما اشوفك في الخبر بس i*:

[Dr Remon]

اخوتى الافاضل

انا اشتركت فى المنتدى دلوقتى مخصوص بالرغم من متابعتى لكل القهاوى بتاعتكم من زمان علشان اشكركم على الصور الرائعة.. بجد حاجة تفتح النفس.

اخوكم مقدم من 3 سنين نظام قديم و من شهرين نظام جديد (تانى لما نشوف اخرتها معاهم)

يا ترى فية كرسى فاضى ولا حنشرب على الواقف؟ :lol:

[اسكندرانيةكنداوية]

بالمناسبة ياشباب أنا متهيأ لى تيم هورتنز ما ظهرش فى أى صورة بس شوفت ستاربكس من بعيد فى صورة من صور باشمهندس زناتى هو مش من معالم كندا و ألا أية :lol:

[ehabtaher]

يا زناتى الكاميرا بتاعتك ممتازه والصور بتاعتها غايه الوضوح

لو كان فىه شمس فى اليوم اللى انت صورت فيه كانت الصور تطلع ممتازه والبرايتنس يطلع ميه ميه

ده من ناحيه الالوان

اما من ناحيه اللقطات بقى لازم تشوف نماذج كتير وتقرا فى التصوير علشان البوز ودى بقى سيبها عليا

انزلك كتاب علشان الحاجات دى :lol:

[Ahmed Osman]

باشمهندس زناتي / كل سنة وأنت طيب٠٠٠٠ السنة الهجرية بكرة

دي ثاني مشاركة لي بعد طول إنتظار ٠٠٠٠الله يكرمك يا د٠ قناوي

أنا متابع كل الاخوة و الاخوات في هذا المنتدى المحترم من زمان حتى تم تفعيل إشتراكي اليوم فقط ، أنا نفسي أساهم في هذا المنتدى بأي شئ يعود بالفائدة علي كل حبايبنا.

إنّهارده أنا عندي معلومة ممكن تكون جديدة لبعض الاعضاء و يارب الكل يستفاد منها.

في option موجود في Google طبعاً الكل عارف Google Earth أنا عايزكم تفتحوا على Google Maps وليس Google Earth حتلاقوا في أعلى الشمال Icon على شكل راجل لونه أورانج ، أعمل دراج لهذا الرجل المحترم و أتركه فوق المكان إللي أنت عايزه في خريطة كندا...... وادعيلي ربنا يبعتلي الميديكال إللى أنا مستنيه من شهر مايو.

ال Option ده مغطي أمريكا كلها من زمان و بعض المدن الكنديه من فترة بسيطة يمكن شهرين وكل فترة المدن بتزيد.

لما تستعمل ال Option ده حتلاقي نفسك سايق عربية في شوارع كندا و تقدر تروح المكان إللي أنت عايزة عن طريق ال Arrows في ال Key Board . أنا لفيت الداون تاون - تورونتو كلها و أنا قاعد هنا في أبوظبي . سلام و متنسوش الدعاء

[ehabtaher]

[the world]

يا جماعة حررررررررررررررررررررررررررررررررررررررررام عليكم انا مش قادر خلاص ,,,

حد يعرف سمو السفير يبعتلى الفيزا بسرعة شويا احسن إلى عملتو فينا مش شوا

الباشمهندس زناتى و دكتور تهامى الف شكر وربنا يجازيكم خير على هذا المجهود الرائع.