الرئيس مبارك يستقبل بيل جيتس الأحد القادم

[se_ Elsyed]

الأخبار 21/1/2004 م

علمت 'الاخبار' ان الرئيس حسني مبارك سوف يستقبل يوم الاحد القادم بيل جيتس رئيس شركة مايكروسوفت العالمية والذي سيصل الي مصر في اول زيارة لها وللمنطقة العربية. ومن المقرر ان يصل جيتس للقاهرة يوم السبت حيث سيستقبله الدكتور احمد نظيف وزير الاتصالات والمعلومات.

وهذا الخبر ورد في جريدة الجمهورية بتاريخ الأثنين 26/1/2004 م

خطوط فاصلة ... بقلم سمير رجب المبري

- إستقبل فخامة الرئيس محمد حسني مبارك في مكتب سيادته أمس السيد / بيل جيتس صاحب ومدير شركة ميكروسوفت العالمية .... وقد أشاد السيد الضيف بالطفرة التكنولوجية التى يشهدها عصر الرئيس مبارك وفرت الدمعة من عينة عندما قام بزيارة مدينة مبارك العلمية وصرح قائلاً " الله يخرب بيت عقولكم ... أيه الحلاوة دي .. ما شاء الله - قالها بالإنجليزي - دي ولا وادي السيلكون اللي عندنا في الأستيت "

وقد قام السيد الرئيس محمد حسني مبارك بمناقشة دعم علاقة الصداقة بين البلدين ومناقشة قضية الشرق الأوسط ودفع عجلة السلام ودفع خارطة الطريق وحث على ضرورة عودة الفلسطينيين والإسرائيليين إلى ترابيزة المفاوضات .

وقد أقام السيد الرئيس محمد حسني مبارك مأدبة غداء - على حسابنا طبعاً - لضيفة الكريم وقد حضر المأدبة كلا ً من : السيدة سوزان مبارك ،و السيد جمال مبارك ،و السيد علاء مبارك وبس .

وقام السيد بيل جيتس بإهداء نسخة من ويندوز وأوفيس إصدار 2004 مع 3 يوزر ليسنس للسيد الرئيس .

[CoDeR]

:wub: -_-

بجد .. خرافه ..

تسلم أيدك يا س س ..

علي فكره ..

أنا أن شاء الله هكون موجود في المؤتمر الضخم بتاع ميكروسوفت يوم الأحد و اللي بتنظمه ميكروسوفت مصر و اللي هيفتتحه بيل جيتس .. و سيتوالي نشر التفاصيل في الطبعات اللاحقه gsm::

و تقبل تحياتي ..

تم تعديل 21 يناير 2004 بواسطة CoDeR

[Modest]

ما نقلتش السطر الأخير من مقالة أبو سمرة يا سي السيد :wub:

و للأمانة قلت أضيفه أنا لمصلحة الوطن :P

و قد تبادل السيد الرئيس مع ضيفه الكبير الإيميلات و الـ icq و إتفقا على اللقاء على الماسنجر بصفة مستمرة f((:

و قد قامت تلاميذ المدارس بالهتاف لقائدنا أثناء مروره مع ضيفه الكبير " الإم إس إن ماسنجر آه .. الياهو ماسنجر لأ " -_- zr:

ملحوظة : اشمعنى 3 يوزر لايسنس .و هما أربع تنفار... هو حد فيهم هايضرب كوبي و لا إيه؟ gsm::

[se_ Elsyed]

ملحوظة : اشمعنى 3 يوزر لايسنس .و هما أربع تنفار... هو حد فيهم هايضرب كوبي و لا إيه؟  gsm::

أيه يا عم موديست أنت هاتودينا في داهية ؟

هو حد يجرؤ إنه يكبس على المعلم الكبير ويشوف اللاب توب البنتيوم 7 بتاعه عليه ليسنس ولا لأ ؟..... أيــــــــــــــــــه ماتفوقوا بقى ده عاشور الناجي .... فتوة الحتة ... جوعوا علشان هو يشبع .... اتعروا علشان هو يتكسي .....

أما ناس حرافيش صحيح

ماشيه معاك يا ع كودو هاتروح السيمينار وهاتكل في الاوبن بوفيه .. وده بيل جيتس .. يعني المحمر والمشمر والميه المعدنية والأكل حتى الثماله ....

واللي يحبنا مايفرمتش الموضوع ده ولا يعمل له كوبي في حته تانية ..... سامعني يااللي في بالي ))))))))

[عصام]

أثناء حفل العشاء....

السادة الأفاضل خلال حفل العشاء الذى يقيمه السيد الرئيس للسيد بيل جيتس أصر السيد بيل على إلقاء بعض الأبيات التى نظمها بنفسه فى حب الرئيس وسيتفضل بإلقائها باللغة الإنجليزية وستعقبها المذيعة بترجمة للعربية مباشرة بعد الانتهاء من إلقائها.

فليتفضل السيد بيل:

<div align="left">You installed the best in me. Your picture is always in my background.

You clicked my heart gently. You drive me crazy when I see you.

Your love reset my life and deleted all the sadness in me.

You restored my kindness after I thought it was corrupted.

I'm always connected to you

with more than 56 heartbeats per second.

You hacked my brain and

registered your name in it.

You are the only one that could navigate my

feelings and explore my emotions

at the same time.

I feel lost when I try to call you and you are not responding.

I always feel you close to me when I shut down my eyes, or when I open my windows waiting for you to pass.

You are the only one that can log into my heart and never log out.

I dream of being your only server

as long as I live.

You don't have to search for me, cause we are always linked to each other.

I see your name everywhere, my FrontPage, my homepage and all my software.

I scanned my life and found that I'm only infected by you.

You are the virus I'd never remove, and why should I do?

You formatted my life and added happiness to view.

Believe me it is true...

I love you

more than my

CPU !!!!!!!!!!</div>

تم تعديل 21 يناير 2004 بواسطة esssothegreat

[عصام]

فلتتفضلى سيدتى المذيعة بالترجمة....

يا مدام.....

يا مدااااام

يادى النيلة وده برضه وقت نعمل فيه ريستارت..؟؟؟

سورى يا جماعة المدام مهنجة

[se_ Elsyed]

دي أبيات غزل رفيع من الشعر الجاهلي ... صح يا إسو ؟

[عصام]

يا محاسن الصدف......

جيت فى وقتك ياسى السيد..... :rolleyes:

إنقذ موقف اعمل معروووووف عايزين حد يترجم احسن هانتشيع والليلة هاتقلب ضلمة....

[DARWEEN]

إنتم كلكم فاهمين غلط ولا مؤاخذه .... cr((: gra:-

الراجل جاي يحاسب علاء على أرباح مايكروسوفت سنة 2003 وبالمره حيقابل أبو علاء من باب أنه عيب تخش البيت وماتسلمش على الكبير :wub: fwrk:

والموضوع لاكان فيه محادثات ولا مدارس القعدة كانت عوائليه خالص شوية :) على gra:- ومفيش مانع من ha) :)

أما أنتم صحيح يا مصريين بتوع إشاعات

po:: mc:

[se_ Elsyed]

نحن ننفرد بنشر الأخبار اللي لسة ماتنشرتش ... وبما غننا شوفنا اللي ماتنشرش ... يبقى تعالوا بينا نشوف اللي إتنشر

خدوا عندم الخبر اللي في الجمهورية بتاريخ 26/1

بيل جيتس عقب لقاء الرئيس:

إنجازات مصر نموذج للشرق الأوسط والعالم

بحث الرئيس حسني مبارك مع بيل جيتس رئيس شركة مايكروسوفت العالمية خلال استقباله له أمس التعاون بين مصر ومايكروسوفت في عدة مجالات أهمها الحكومة الإلكترونية وتدريب وتنمية القوي البشرية والتحالفات بين مايكروسوفت والشركات المصرية في مجال تكنولوجيا المعلومات.

أكد جيتس أن مصر لديها امكانيات كبيرة لتكون دولة منتجة للتكنولوجيا وأنه يشعر بالانبهار لما أنجزته مصر في مجال الحكومة الإلكترونية وأن مايكروسوفت تقدر الفرص الممنوحة لها من خلال توفير الحاسبات المنخفضة التكاليف وإطلاق الحكومة الإلكترونية.

قال إن ماتنجزه مصر في مجال التكنولوجيا ليس فقط نموذجاً للشرق الأوسط بل للعالم كله.. حضر المقابلة د.أحمد نظيف وزير الاتصالات والمعلومات.

حتى انت يا بيل ؟!!!!

[Cleo]

الأخبار 21/1/2004 م

علمت 'الاخبار' ان الرئيس حسني مبارك سوف يستقبل يوم الاحد القادم بيل جيتس رئيس شركة مايكروسوفت العالمية والذي سيصل الي مصر في اول زيارة لها وللمنطقة العربية.

هو بيل جيتس راخر بيدور على "شريك" ؟؟

وش واحدة هاتروح فى داهية النهاردة.... mc(: gjy::

[عصام]

ما قالوش أى حاجة عن القصيدة يا سي السيد؟!!

غريبة...مع إن الراجل بعد ما قال البؤين دول كان لازم يقول القصيدة.....

يمكن قالوا بلاش أحسن تبان إنها نفاق...!!

[Masrawy Abroad]

في خضم ذلك الفاصل الكوميدي الذي أضحكني فعلا يجب ألا نغفل أهمية هذه الزيارة أبداً أبداً وان تكون أول زيارة لبيل جيتس في المنطقة هي مصر عن غيرها من الدول العربية الغنية بأموالها فقط هو شرف حقيقي لمصر. حيث اعطى لمصر حقها ووضعها بين البلدان العربية وافريقيا من ناحية الطاقات البشرية العاملة في مجال التكنولوجيا واننا والحمدلله عندنا شباب يشرح القلب الحزين بصحيح...وده معناها ان الراجل ده حقيقي بيفهم وعارف هو بيعمل ايه....يا جماعة مصر مفرخة مبرمجين ومهندسين ويكفي ان تعرفوا ان هناك مصريين يعملون في مناصب حساسة في ميكروسوفت وأوراكل وإنتل وبوينج وماكدونيل دوجلاس وكبريات الشركات العالمية ولكن يعملون في صمت لأننا لا أسمع في مصر غير عن الراقصات واللاعبين حيث الصحافة التافهة التي تعلمنا الجهل فقط......بيل جيتس قال بصراحة انه يجب على الدول العربية أن تنفق اكثر على التعليم...أما ما تقرأونه في الجرايد بتاعتنا فدي ترجمة نظام "شقلب واقلب وهجّص تكسب"......أكيد بيل جيتس مش ها ينافق حد لأنه مش محتاج حاجة من حد لأنه ولا مؤاخذة ممكن يسدد ديون مصر ويفيض كمان من ثروته.....

ما أسعدني هي فهمه لدور مصر ومستقبل شبابها ولم ينخدع بالهيصة والزمبليطة بتاعة الامارات مثلا رغم ثقلها الحالي وكونها أصبحت مقر الشركات العالمية الان

تم تعديل 26 يناير 2004 بواسطة Masrawy Abroad

[linux]

ملحوظة : اشمعنى 3 يوزر لايسنس .و هما أربع تنفار... هو حد فيهم هايضرب كوبي و لا إيه؟  gjy::

سيادتك نسيت أن علاء اكيد مشارك بل جيتس برضه و لا أيه؟!

[Salwa]

والله ياجماعة دخلت هنا ..بحسب الموضوع مجرد نقل لكلام واحد من الصحفيين اياهم ..نقل مقال يعنى ...لقيت موضوع جميل فعلا ..

بيل جيتس بياع شاطر ........ده اولا ..

انا عندى فكرة انه مثلا اشترى البروجرام الخاص بال MS2 بكلام فارغ يعنى //ملاليم او سنتيمات الدولارات ..كناية عن ضآلة المبلغ // ..وقال للولاد دول ده برنامج لايساوى شئ ...

وآهو شوفوا هو ايه ؟؟

برضه بيروح يختار الولاد العباقرة اللى فى سنة ثالثة ..انفورماتيكا..ويشغلهم لمده 6 شهور فقط ويعطيهم مبالغ كبيرة ....ويستغلهم استغلال رهيب ....وهو عارف ان بعد ال6 شهور دول وبعد المجهود ده ..هم خلاص ما يلزموهوش ..

أخذ آلاف البرامج والافكار ونسبها لنفسه ...يشترى رخيص..ويكبر بتوحش.

بصراحة ...هو بياع ..رقم واحد....اى...رجل اعمال ناجح جدا جدا ./.اكثر من انه عبقرى ./

ولاننسى انه بالتأكيد شاطر...سيكولوجيا....يعنى ايه هو منبهر ؟؟؟..هو عارف ان الناس دى بتحب الكلام العبيط ده ...

طيب ما هو اخذ خلاصة العقول المصرية من عنده هناك فى اميركا ..

واللى بيسمع عنه ...بيبعث له على حسابه ويصطاده ....

مساء الخير ..........

وفعلا ياجماعة .......الزيارة عائلية ...

[se_ Elsyed]

في خضم ذلك الفاصل الكوميدي الذي أضحكني فعلا يجب ألا نغفل أهمية هذه الزيارة أبداً أبداً وان تكون أول زيارة لبيل جيتس في المنطقة هي مصر

وهل تحسبنا نلهو ونلعب هنا يا عم مصراوي أبرود ؟ ....

كل كتاباتنا الساخرة في هذا الموضوع هي عبارة عن تلخيص للمأساة التى تعيشها مصر في العصر الدولة المباركية ( من 1981 ق م إلى ..... OPEN )

وأؤكد كلامك بإنه في مجال الحاسب الآلي ففعلاً مصر بها عباقرة ..

وحيث أنني قريب جداً من هذا المجال خاصة وان لشركتنا فرعين بمصر .. فإن اكثر ما يحزنني هو عدم الإستفادة من هذه العقول والتى لا تتوانى عن إنتهاز أي فرصة للفرار من البلد للبحث عن حال أفضل ...

وإنني لأتسائل هنا .. ماذا يميز دولة مثل الهند عنا ؟ فلا تكاد تجد أي دولة على الخريطة العالمية إلا وتجد الهنود أكثر من الحجارة في الأرض بها خاصة في هذا المجال ....

وصدقني يا اخي .. بإنني أصاب بالغم والنكد عندما يتم تعيين شباب مصريين بنصف المرتب الذي يحصل عليه الهنود الذين اجادوا عملية تسويق أنفسهم وعمل سعر لهم في سوق العمل .. ولولا الأمانة التى في عنقي والمسئولية الملقاة على عاتقي من أصحاب العمل لكنت نصحت أي شاب نقوم بتعيينه من مصر بعدم قبول الراتب الهزيل المعروض عليه .. ولكنها مسألة عرض وطلب ..

فالشباب لدينا أصبح لا ينظر إلى المادة على قدر نظرته إلى الهروب من الجحيم عند إتاحة اول فرصة ...

وهي ليست نظرة تشاؤمية على قدر ما هي نظرة للواقع الموجود في مصر الان في ظل مبارك وعصبته . فهل أكون مبالغاً إذا قلت لك بإنه والله العظيم حتى لو قام بيل جيتس بنقل مقر شركة ميكروسوفت العالمية من وادي السيليكون بامريكا إلى مصر فإنه لن يفلح في هذا الجو الفاسد.... ومش بعيد شهر والتاني ويقلبها مسمط " مسمط الحاج جيتس وولده بيل للكوارع والفشه ولحمة الراس ....... وإشتري ميكروسوفت 2000 وأقرا الفاتحة للحسين "