اوعى وشك

[عنبو]

اولاً السلام عليكم ورحمة الله وبركاته

كل عااااااام وانتم جميعاً بخير

وانا قااااعد مع نفسى الساعه 12 ظهراً بالليل لقيتنى كده عمال افتكر فى حاجات واضحك فى سرى "" يعنى الوحده مع الغربه بتجيب هبل ""

ومن ضمن الحاجات الى افتكرتها قصص نصب وبجد كانت تموت من الضحك او تقدر تقول هم يضحك وهم يبكى !!

فقولت نشااااارك بعض بقصص النصب علشان نستفيد وهو بالمره نفك شويه

بس بجد الناس الناصبين دول عندهم ذكاااء خااااااااااارق

هقولكم على اول قصه

كان فيه واحد لابس جلابيه وعبايه شيك جداً وراكب عربيه محترمه جداً نزل بلد كده وراح صلى معاهم العصر وبعد لما صلى لقى المسجد الى بيصلوا فيه بيعملوا فيه شوية اصلاحات كده قام متبرع للمسجد ب 5 الاف جنيه وسابهم ومشى

وبعدها بشهر عدى عليهم كده وقام دافع كمان مبلغ زى الى دفعه فى الاول كده وطبعاً الناس اتبهروا به وكانوا بيخلوا يصلى بيهم

واحده واحده الناس تصاحبوا عليه

وبعدين الناس سألوه انت بتشتغل ايه قلهم والله انا ليا معارفى فى الخليج بيجيبوا ليا عقود عمل وانا ليا مكتب سفريات وكده

طبعاً الناس قالوا طيب احنا عاوزين نسفر عيالنا قلهم مااااااشى بتاخد على الواحد كام قلهم 15 الف

طبعاً البلد الكل راح جمع الفلوس والكل كان بيتحايل عليه انه ياخد منه الفلوس

وبعدين فص ملح وداااااااب

ودى كانت اول قصه

الى عنده قصه ينزل بيها

يتبع

[الباشمهندس ياسر]

وانا قااااعد مع نفسى الساعه 12 ظهراً بالليل لقيتنى كده عمال افتكر فى حاجات واضحك فى سرى "" يعنى الوحده مع الغربه بتجيب هبل ""

الوحدة مع الغربة مع الجبل بتجيب ايه ...؟؟؟

منور يا عنبو

[justme]

خد عندك دي

حكالي واحد ان مرة من زمان

كان فيه ميت المهم الناس جت تصلي عليه في جامع من الجوامع الكبيرة جم ناس وقالوا الراجل ده عليه دين كامالف جنيه مش فاكر أد ايه المهم مينفعش تصلوا عليه الا اما تسدوا دينه

المهم

الناس بدأت تطلع فلوس وقعدوا يلموا

المهم المبلغ طله كذا الف جنيه والجماعة اخدوا الفلوس المهم

بعد الصلاة فجأة ايه اللي حصل عايزين يدفنوه

المهم ملقوش حد

فتحو النعش لقوه فاضي

[DR SALLEY ABAZA]

فعلا حاجه تزعل وانا لما بأسمع حاجه زي كده بأزعل جدا ربنا يكون في عون الغلابه والناس الطيبين

[DR SALLEY ABAZA]

على فكره انا كنت هااتعرض لنصب زي الناس دي

بس الحمد لله ربنا لطف انا وزوجي كنا مقدمين هجره لكندا ومعروف ان الهجره عباره عن استماره بتتملى وبعدين نستنى لحد ماتيجي موافقه من وزارة الهجره الكنديه ونعمل مقابله يقيموا اللغه والملف وبكده يبقى انتهى الموضوع وعلشان في مصر الناس طيبين طلع حاجه اسمها مكاتب الهجره دول نظامهم ايه يعملوا من البحر طحينه ويقول لك انا هاأسفرك وهاأوديكم كندا والإجراءات مكلكعه ولو ماقدمتوش عن طريقنا مش هاتعدوا ولاتشوفوا كندا من اساسه ولكن الحمد لله ماوقعناش مع حد منهم وبياخدوا 3000 دولار على ولاحاجه وفعلا كان فيه مدرس بيدي لجوزي فرنساوي في مركز تعليم الفرنسيه في المنصوره لان احنا اساسا من المنصوره فضل رايح جاي على جوزي يحاول يقنعه انه يقدم عن طريقه وجوزي حاول يهرب منه بشتى الطرق بشكل لطيف لان جوزي من النوع الكسوف بس كان جوزي مسميه القرد النطاط لانه فعلا كان كده كان بيتنطط من حجره لحجره واحنا بناخد فرنساوي

اخر مازهق منه جوزي

قال له اصل احنا مقدمين مع محامي تاني مش يسكت ويتكبس ويمشي ابدا فقال لجوزي تقصد وهيب على فكره وهيب برده نصاب زي المدرس ده .

قال جوزي اه قال له اوعى ده بيضيع ملفات المسلمين ومش بياخد باله الا من ملفات المسيحين لانه مسيحي . بص قول ليا بس وانااجيب ليك فلوسك الى عنده ومالكش دعوه وانا ارخص منه وانا بتاعكم

كل ده واحنا عارفين انه نصاب مش هو لوحده ولكن كل مكاتب الهجره الى في مصر

الحمد لله جوزي زحلقه والحمد لله عرفنا انه هران من الناس وان الناس الى كانت معاهفي المكتبمسمينه النصاب الحرامي

[hOuSsAm]

يا فندم الحمد لله انكوا فلتوا من الراجل النصاب ده

بصراحة بتضايق اوى لما حد بيستغل طيبة الناس وتعاطفهم مع الدين فى النصب كامثلة المسجد اللى بيتبنى اللى قالها العنبى

عشان كدة دايما بحاول بقدر الامكان امشى فى القنوات الشرعية وعشان كدة الحمد لله متنصبش عليا تقريبا لحد دلوقتى الا لو حد متسول يقولى قصة طويلة عريضة

فاكر مرة بعد مخلصنا صلاة الجمعة وكنت فى المنصورة طلعنا من المسجد لاقينا بنوتة فى اول العشرينيات بتعيط ومعاها طفل وبتقول انها من مطروح والفلوس ضاعت وقصة طويلة عريضة المهم عملنا اللى فيه النصيب

وبعد اسبوعين ههههههههههههههه قابلتها فى جامع تانى بنفس القصة بس لسوء حظها كانت ناسية شكلى ولما فكرتها اختفت من قدامى

وعشان كدة بنصح الناس انهم ممكن يتصدقوا فى صورة عينية ولو هيتصدقوا بمبالغ مادية تبقى تبع جمعيات خيرية ليها ترخيص واشهار

ولو حد قابلك فى الشارع بالقصص الطويلة العريضة وديه الجمعية دى وهما هيتصرفوا معاه كويس

[justme]

بمناسبة النصب من النوع بتاع فلوسي ضاعت وعايز اروح

واحد زميلي تونسي قالي

انهم عندهم في قسم الشرطة قسم خاص اذا حصلك حاجة زي كده بتروح تتطلع بطاقتك وتوريهم عنوانك وتحكيلهم بيسجلوا بياناتك وبيدوك فلوس التذكرة او بيقطعولك تذكرة حاجة زي كده

[msayed]

فيه طريقة نصب حكاها من كام سنة ظابط شرطة لكن ظريفة ومش عارف تتصنف نصب ولا إيه.

الظابط ده بيحكى إنه كان حراسة بالقرب من مسجد عمر مكرم وبعدين لاحظ إن فيه واحد مصرى بييجى كل كام يوم معاه سواح أجانب ويدخل يقعد فى العزاء ويشربوا القهوة وبعدين يمشوا، الظابط يوم بعد يوم استغرب الوضع فراح للمصرى وسأله عن الحكاية ووعده أنه بيسأل بس للفضول ومش ها يضره، الراجل قال له أنه بيقول للجماعة السواح انهم ها يروحوا حفل فلكلورى اسمه قرآن بارتى Quran Party وهو قيمته 10 دولار شاملة القهوة. الظابط ضحك ومشاه.

[عنبو]

شكراً لكل الاعضاء

الباشمهندس ياسر "" الوحده مع الغربه مع الجبل بتجيب ياعم ياسر :closedeyes: "

justme تمام قوى موضوع النعش ده وفيه ناس تخصص كده

DR SALLEY ABAZA يادكتوره وهيب مين وبتاع مين هو فيه بعد الدكتور قنااااااوى حد انا لو منى منه هفتح مكتب للهجره

HOSAM ABDELFATAH انت عارف ان الناس دول منتشرين فى كل محطه انا تقريباً لما بقى ماشى فى مكان معرفوش واول لما بشوفهم بحس ن فيه محطه قريبه

msayed دى بقى نصبه دمها خفيف بجد قراءن بارتى

[عنبو]

الى بعده

مكتب للخدمات البتروليه دى حصلت معايا بجد ايام لما كنت بدور على شغل

لقيت اعلان فى جريده مطلوب ليسته طويله من الوظائف لشركة خدمات بتروليه وهبقى قمت متصل بيهم قالوا تعالى رحت قابلتهم

وطبعاً لقيته مكتب وشكل المكتب مفتوح مكملش شهر او اقل لانه رائحة الدهان واضحه قوى فيه وشكله معمول على استعجال على العموم

دخلت قابلت المدير ولا معرفش ايه وشكله مكنش عاجبنى حسيت انه خواجه "" بتاع هانى رمزى فى ابو العربى ""

على العموم فهمنى على الليله وان هم هيشغلونى فى شركة بترول وهياخدوا منى معرفش 10 % من المرتب لمدة سنه وبعدين انت حر قولت مافيش مشاكل

وقلى اروح علشان تملىء الاستماره قولت مافيش مشكله دخلت علشان املىء الاستماره عند السكرتيره

لقيتها بتقولى انا عاوزه منك 100 ج قولت ليها ليه ؟؟ قالت ثمن الاستماره قولتها لاما ابقى اشتغل ابقى اخصميها من اول مرتب قالت لا ده شرط

طبعاً لقيت المكتب زحمه جداً وفيه نااااااس كتير الى مهندس والى محاسب والى معرفش ايه ؟؟

قولت لا انا مش دافع وسلام عليكم لقيتها بتقولى طيب ممكن تدفع خمسين بس ؟؟

قولتها .......................................... ولا بلاش علشان الاداره متزعلش

وشكراً

[msayed]

عارفين طبعاً كلكم نصباية الكتاكيت إللى بترقص، دى مشهورة جداً

[HanaaOsama]

بالنسبه لموضوع النصب او الشحاته اليومين دول في حاجة جديده " نوفي " لان طبعا بعد الشحات من دول ما كان يشحت ربع جنيه او نص جنيه ظهر من عده سنوات الشحات الشيك الي يقولك انا مش من هنا و فلوسي ضاعت و كدا ده مثلا ياخد خمسه او عشره علي حسب ,,,,,

دلوقتي بقي الجديد واحد محترم كدا ماسك في ايده شويه فلوس كتير عشرينات و خمسينات و يجي بنظره انكسار كدا من شباك العربيه يقولك يا مدام او يا استاذ عندنا عروسه يتيمه عايزيين نجوزها و......... ما بسمعش الباقي الصراحة اقوله شكرا و دول قابلوني كتييررررر واضح انهم بيلموا لنفس العروسه :rolleyes:

طبعا الناس كلها عارفة ان الي عايز يساعد في حاجة زي ديه ليها اماكن كتير معروفه

[عنبو]

فيه بقى طريقة نصب بس دى خااااااااصه بالقرى او بالفلاحين يعنى

تلاقى واحد كده داخل عليك وهو لابس جلابيه صعيدى كده وعبايه وفقيها زى بتعتة رفيع بيه كده

ويقولك انا من الصعيد وفلوس ضاااااااااعت واحنا عمد هنااااااااااااك لو بس تكرمنا الله يخليك ولما تنزل عندنا هنكون تحت امرك

طبعاً بيروح على بيوت الناس الاغنياء طبعاً انت بقى علشان تعمل كبير بتقعد تكرم فيه وطبعاً اهل البلد الى عاملين كبار برده يكرموا فيه

وبعدين هبقى النصبه تخلص ومع السلامه يامعلم