دليل المحتار .. في التعليق على الأخبار

[se_ Elsyed]

عاوز أثبت الموضوع ده بعد إذنكم ... وكل واحد يدخل يقول لنا خبر لفت نظره ويعلق عليه سلباً أو إيجاباً

واحده واحده وكله هاياكل

[se_ Elsyed]

طبعاً ما بقاش للصحف سيرة غير إتفكاسات حماده عزو التي تنُم عن جهل وأضمحلال فكري

فبعد أفتكاسة الأخ احمد عز عن إن الزبالة المتكومة في الشوارع المصرية هي دليل دامغ على حالة الرفاهية اللي وصل لها المصرييون وبقوا يخرجوا زبالة كتيره من بيوتهم ..

أفتكس إفتكاسه تانية وصرح عقب أحصائية عن حالة البدانة اللي وصل لها المصريين وقال : اهو جالكو كلامي .. رفاهية ولا مش رفاهية ؟ ..

ده كلام شخص جاهل متسلق قزم ...

----------------

لكن ما بالكم بتعليق وزير صحه وطبيب والمفروض إنه متعلم ومثقف .. وتعليقه يدل على إنه ما معهوش حتى إبتدائية قديمة من اللي حصلت عليها بجدارة الوزيرة عيوشه عبد الهادي

أول أمبارح باتابع في التليفزيون زيارة السيد الرئيس القائد المفدى لمحافظة المنيا ليفتتح عدة مشاريع ... ومنها مركز أورام ... وإذ بالقائد المُفدى يسأل وزير الصحه سؤال وجيه ومن خارج المقرر .. وهو سؤال مفاجيء بصراحه

والله بالنص كده يا جماعه وعالهوا

الرئيس : إنما قول لي يا جبلي .... إيه سر زيادة الأصابة بالأورام عند المصريين في السنوات الأخيره ؟

الجبلي : السبب هو اللهم صل عالنبي ... زيادة معدل الاعمار يا ريس .. فمن المعروف إن اللي سنه عدا السبعين بيبقى عرضه للأصابة بالأورام

أنا بقى بأطلب من إدارة المنتدى تفتح لنا مجال أكتر حاجه كده زي " مساحه حره من غير إنذارات " بحيث ندخل نرد على الناس اللي زي دي بالكلام اللي يستاهلوه من غير ما مشرف يضرب ولا حد يلغي عضويتنا

بجد شيء يخرج الواحد عن شعوره ويخليه شوارعي ويقول ألفاظ مش مظبوطة

واستفسر الرئيس مبارك من وزير الصحة عن وضع مركز الأورام في المنيا. فأكد د. حاتم الجبلي أن المركز شهد تطويراً كبيراً خلال السنوات الأخيرة ويضم 10 عيادات وأقساماً متكاملة وغرفتين للعمليات. وتساءل الرئيس أيضاً عن سبب زيادة معدلات الإصابة بالأورام في مصر خلال السنوات الماضية. فأرجع الجبلي ذلك إلي زيادة متوسط عمر المواطن المصري لأكثر من 70 سنة وهو ما يؤدي إلي زيادة معدلات الإصابة بالأمراض غير المعدية مثل السكر وضغط الدم والكلي

[msayed]

والله الصورة كلها مدهننة يا سى السيد، هو القائد المفدى مش عارف ليه فعلاً ولا عارف وبيمتحن أبو الجبال؟

ده لو قائد مفدى بحق وحقيقى زى إللى الواحد بيقرا عنهم فى ألف ليلة وليلة كان سحب طبنجته وأردى أبو الجبال قتيلاً علشان بيتمهزء بيه قدام الخلق.

تم تعديل 8 ديسمبر 2009 بواسطة msayed

[se_ Elsyed]

ناولني الطبنجه يا عبعال

كشف أمين أباظة، وزير الزراعة واستصلاح الأراضى، عن قيام حكومة أوغندا متمثلة فى رئيسها بإبلاغ مصر عن إمكانية زراعة مليونى فدان قمحا لصالح مصر، وسيكون نظام التعاون مع أوغندا بالزراعة التعاقدية، بمعنى أن أوغندا ستزرع القمح ونشتريه منها.

وكم في حكومتنا من مساخر

مره زمان لو تفتكروا ييجي من 10 سنين كدهوت .. يوسف والي أفتكس إفتكاسه موتت نص شعب مصر من الضحك

قال هانزرع القمح في كندا

فبصراحه الناس بتوع الكتابات الساخره ما سكتوش

وقالوا له : قصدك هانزرع لموناته هناك ؟

تلج بقى وبتاع .. يبقى نجيب شويه لمون على معلقتين سكر وتبقى أحلى لموناته

وحلوه قوي دي أوغندا تزرع الجمح وإحنا نشتريه منها !!!!!

مش قلت لكو أول أمبارح : بيقولك الراجل عين زايغه وبيبص بره ... طب كان بص جوه الأول

يا سادة وزارة الرزاعه المسخره بتاخد طن القمح من الفلاح المصري المطحون بـ 250 ج بشف ريقه في الدفع .. في حين بستورده من الخارج بسوسه وعبله بحوالي 350 إلى 400 ج

طب يا ولاد الــــــــ توووووووووووووووووت ... ما تشجع الفلاح على إنه يزرع قمح وأديله حقه هاتلاقيه غرقنا بليله وتوست وعيش فينو

كذلك القطن

قرأت تقرير النهاردة عن تدهور صناعه القطن في مصر وإزاي إن لو محمد علي بك الكبير كان عايش كان أنتحر وهو شايف القطن المصري بقى السفنج أحسن منه

انا والله شوفت ده في بلدنا اللي كانت مشهورة بالقطن وكان بيبقى عيد بصراحه أيام الجني بتاعه .. دلوقت بيزرعوا بداله خيار وطماطم .. آه والله ... يعني سلطه

[president]

ومين قال ان عامل التقدم فى السن مش من اهم الأسباب التى تؤدى بالأصابه بالأورام . فى مقالات علميه كتير مكتوب فيها الكلام ده .

فى اسباب تانيه بس كل مازاد السن كل مازادت الأصابه . سيرش صغير فى جوجل وهتلاقى الكلام ده . حاجه تانيه احمد عز معلقش على موضوع البدانه .

اللى مكتوب فى موقع مصراوى تحت مسمار جحا (بعد ما طلع التقرير بتاع المصريين خامس اكثر شعوب العالم بدانة، بكرة احمد عز

يطلع يقول "أدي دليل جديد على رفاهية الشعب المصرى".) . احنا نختلف وننتقد بس مانفتريش . وياريت منقولش أمين من غير مانتأكد .

تحياتى لك

تم تعديل 8 ديسمبر 2009 بواسطة president

[se_ Elsyed]

ومين قال ان عامل التقدم فى السن مش من اهم الأسباب التى تؤدى بالأصابه بالأورام . فى مقالات علميه كتير مكتوب فيها الكلام ده .

فى اسباب تانيه بس كل مازاد السن كل مازادت الأصابه . سيرش صغير فى جوجل وهتلاقى الكلام ده . حاجه تانيه احمد عز معلقش على موضوع البدانه .

وهو أنا معترض لا سمح الله عالكلام العلمي ده ؟

لكن هل مصر بتُعاني من وجود فئه كبيرة فوق السبعين سنه مصابين بالأورام ؟

ولا مصيبتنا في مستشفى الأطفال اللي مليانه إصابات

ومصيبتنا الأكبر في المبيدات والزراعات المسرطنه والكل عارف ومطنش

[president]

ومصيبتنا الأكبر في المبيدات والزراعات المسرطنه والكل عارف ومطنش

عندك حق فى دى . منه لله يوسف والى وشلته .

[se_ Elsyed]

إكذب

إكذب

إكذب

حتى تُصدق أنت شخصياُ الكذبة

هذا هو شعار مبارك وحكوماته

بيقولوا إن تم توفير أكثر من 3 ملايين فرصة عمل في برنامج الرئيس اللذي بدأ سنة 2005

هابلعها واقول ماشي ... أصل اللي أشتغلوا دولي بيشتغلوا في أنفاق تحت الأرض وماحدش بيشوفهم ..

لكن تيجي عيوشه المخدماتيه وتقول كده النهاردة

3 ملايين و100 ألف فرصة عمل جديدة.. تبدأ في 2010

عائشة عبدالهادي: الأسواق الخارجية مازالت تطلب العمالة المصرية

كتب حنفي أبوالسعود:

أكدت عائشة عبدالهادي وزيرة القوي العاملة والهجرة أن وزارة القوي العاملة سوف تبدأ خلال الأيام القليلة القادمة في تنفيذ المرحلة الأولي من الخطة القومية لتشغيل الشباب "2010/2015" وتستهدف توفير ثلاثة ملايين ومائة ألف فرصة عمل جديدة.

وقالت الوزيرة في الجلسة الختامية لأعمال المائدة المستديرة التي نظمتها الوزارة بالتعاون مع منظمة العمل الدولية برعاية د.أحمد نظيف رئيس مجلس الوزراء إن عام 2010 سوف يشهد تفعيل ميثاق الشرف الموقع بين الشركاء الاجتماعيين "الحكومة والعمال وأصحاب الأعمال" وذلك بجعل الحوار الاجتماعي الآلية لحل أي خلافات بين العمال وأصحاب الأعمال وذلك لتحقيق الاستقرار المطلوب في علاقات العمل.

وأكدت الوزيرة علي استمرار صندوق الطوارئ التابع للوزارة لدعم المنشآت المتعثرة من خلال صرف أجور العاملين بما يعطيها فرصة مناسبة لتجاوز أسباب التعثر.

أضافت الوزيرة أن معدلات التشغيل خلال عام 2009 سارت بشكل جيد سواء علي مستوي سوق العمل الداخلي أو الخارجي وأن الطلب مستمر علي العمالة المصرية من الدول العربية والأجنبية.

يبقى كده أنا خايف على مصر

أصلنا بالمعدل ده هانستورد عواطلية من بره نشغلهم عندنا عشان نلاحق على فرص العمل المرطره على القهاوي

[ssmaly]

إكذب

إكذب

إكذب

حتى تُصدق أنت شخصياُ الكذبة

هذا هو شعار مبارك وحكوماته

بيقولوا إن تم توفير أكثر من 3 ملايين فرصة عمل في برنامج الرئيس اللذي بدأ سنة 2005

هابلعها واقول ماشي ... أصل اللي أشتغلوا دولي بيشتغلوا في أنفاق تحت الأرض وماحدش بيشوفهم ..

لكن تيجي عيوشه المخدماتيه وتقول كده النهاردة

3 ملايين و100 ألف فرصة عمل جديدة.. تبدأ في 2010

عائشة عبدالهادي: الأسواق الخارجية مازالت تطلب العمالة المصرية

كتب حنفي أبوالسعود:

أكدت عائشة عبدالهادي وزيرة القوي العاملة والهجرة أن وزارة القوي العاملة سوف تبدأ خلال الأيام القليلة القادمة في تنفيذ المرحلة الأولي من الخطة القومية لتشغيل الشباب "2010/2015" وتستهدف توفير ثلاثة ملايين ومائة ألف فرصة عمل جديدة.

وقالت الوزيرة في الجلسة الختامية لأعمال المائدة المستديرة التي نظمتها الوزارة بالتعاون مع منظمة العمل الدولية برعاية د.أحمد نظيف رئيس مجلس الوزراء إن عام 2010 سوف يشهد تفعيل ميثاق الشرف الموقع بين الشركاء الاجتماعيين "الحكومة والعمال وأصحاب الأعمال" وذلك بجعل الحوار الاجتماعي الآلية لحل أي خلافات بين العمال وأصحاب الأعمال وذلك لتحقيق الاستقرار المطلوب في علاقات العمل.

وأكدت الوزيرة علي استمرار صندوق الطوارئ التابع للوزارة لدعم المنشآت المتعثرة من خلال صرف أجور العاملين بما يعطيها فرصة مناسبة لتجاوز أسباب التعثر.

أضافت الوزيرة أن معدلات التشغيل خلال عام 2009 سارت بشكل جيد سواء علي مستوي سوق العمل الداخلي أو الخارجي وأن الطلب مستمر علي العمالة المصرية من الدول العربية والأجنبية.

يبقى كده أنا خايف على مصر

أصلنا بالمعدل ده هانستورد عواطلية من بره نشغلهم عندنا عشان نلاحق على فرص العمل المرطره على القهاوي

الجملة موتتنى من الضحك

ولكن حل المشكلة دى بيسطة وزيرة القوى العاملة والهجرة حتيقى نفس الوزيرة ولكن حيغيروا اسم الوزارة وتبقة وزارة البطالةواستيراد العمال من الخارج وعمار يامصر

[لماضة مصرية جدا]

أول أمبارح باتابع في التليفزيون زيارة السيد الرئيس القائد المفدى لمحافظة المنيا ليفتتح عدة مشاريع ... ومنها مركز أورام ... وإذ بالقائد المُفدى يسأل وزير الصحه سؤال وجيه ومن خارج المقرر .. وهو سؤال مفاجيء بصراحه

والله بالنص كده يا جماعه وعالهوا

الرئيس : إنما قول لي يا جبلي .... إيه سر زيادة الأصابة بالأورام عند المصريين في السنوات الأخيره ؟

الجبلي : السبب هو اللهم صل عالنبي ... زيادة معدل الاعمار يا ريس .. فمن المعروف إن اللي سنه عدا السبعين بيبقى عرضه للأصابة بالأورام

أنا بقى بأطلب من إدارة المنتدى تفتح لنا مجال أكتر حاجه كده زي " مساحه حره من غير إنذارات " بحيث ندخل نرد على الناس اللي زي دي بالكلام اللي يستاهلوه من غير ما مشرف يضرب ولا حد يلغي عضويتنا

بجد شيء يخرج الواحد عن شعوره ويخليه شوارعي ويقول ألفاظ مش مظبوطة

واستفسر الرئيس مبارك من وزير الصحة عن وضع مركز الأورام في المنيا. فأكد د. حاتم الجبلي أن المركز شهد تطويراً كبيراً خلال السنوات الأخيرة ويضم 10 عيادات وأقساماً متكاملة وغرفتين للعمليات. وتساءل الرئيس أيضاً عن سبب زيادة معدلات الإصابة بالأورام في مصر خلال السنوات الماضية. فأرجع الجبلي ذلك إلي زيادة متوسط عمر المواطن المصري لأكثر من 70 سنة وهو ما يؤدي إلي زيادة معدلات الإصابة بالأمراض غير المعدية مثل السكر وضغط الدم والكلي

السلام عليكم و رحمة الله و بركاته

يا جماعة الكلام اللي مكتوب فوق ده بجد......

لو كده فعلا حسبي الله و نعم الوكيل فيك يا وزير الصحة و يا اللي حطيته في المنصب ده

أنا زرت معهد اورام المنيا كتير جدا...... الوضع في حالة يرثي لها......اطفال بتيجي من القري بعد ما حالاتها بتكون اتدهورت علي الاخر..... أطفال بتموت عشان دوا مش موجود..... أباء تخلوا عن العلاج لانه بالنسبة ليهم مرهق و لأن السفر يوميا للمحافظة العظيمة بيرهقهم ماديا.......أباء بيبكوا يوميا علي باب المعهد بسبب الاجراءات العقيمة للتأمين الصحي و اللي المفروض ان اي طفل في سن المدرسة يتلقي علاج مجاني (كلاااااااااااام أونطة) و يوم ما فعلا يطلع قرار العلاج......يبقي البني آدم بياخده شحاتة كده.....مش كفاية نفسه انكسرت من المر ض لا و انكسرت م المهانة

المعهد فيه دكتور اطفال وااااااااااااااااحد........ و عدد الاطفال يتزايد

طريقة العلاج لا تتماشي مع اي حاجة الواحد قراها و لا اتعلمها عن السرطان

و البيه الريس ليه يسال وزير الصحة...... المعهد ليه دكتور عظيم جدا اسمه دكتور رأفت...... و لكنه محبط جدا......كل يوم اطفال بتتزايد و العلاج مش موجود

و يوم ما الناس تعمل تبرعات تخيلوا بتروح فين...... لانشاء جناح ملحق في المعهد......طب التبرعات للعلاج مش للمباني

يا نهاااااااااااار

انا حاسة انه كان ناقص يقول....

و لا بلاش

ليه بس جددتوا عليا شحنة الغضب

لله الامر من قبل و من بعد

الفقير في البلد دي له الله

و لا حول و لا قوة الا بالله

[om marawan]

انا ماعرفش وضع مستشفى المنيا

لكن انا لمدة سنيتن كنت باشوف بشكل شبه يومى اقسام الاورام وامراض الدم فى مستشفى جامعة ازقازيق ( الشرقية )

وماقدرش اقول ان ده الوضع هناك

طبعا فيه حالات بتيجى المستشفى فى مرحلة متدهورة لكن ده جزء كبير منه اهمال من اهالى كتير للاسف نتيجة عدم وعى

او نتيجة زى ما لماضة قالت مش قادرين يسافروا

طيب ماهو صعب توفر علاج لمرض زى ده فى كل مدينة

وطبعا فيه حالات بتموت نتيجة طبيب و مش هتقدر تكون رقيب على ضمائر الكل اوبيموتوا نتيجة تأخر علاج او ان الحالة نفسها متدهورة

لكن بشكل عام الادوية متوفرة بشكل كويس جدا وادوية غالية جداااا

فيه ناس بتتخانق طبعا لكن دى طبيعة الشعب فى المواقف دى

شايف انه لازم يتخانق عشان ياخد علبة دوا معينة مثلا كل يوم

ومش هاقدر اقولكم كم الناس اللى بتصرف دوا بالقرار الوزارى

لان معروف ان فى مستشفى الجامعة فيه صيدلية لوحدها لصرف دوا القرارات الوزارية ودى اكثر صيدلية فى المستشفى زحاما

و ماحدش يقول لى ان العلاج بقرار وزارى صعب لان دى تجربة انا نفسى عشتها مع صديقة مقربة جدا

وكانت بتروح تاخد ورقة القرار وتجددها من غير مشاكل لعلاج والدها

بالعكس للاسف فيه ناس كان المريض بيكون مات ويروحوا يجددوا القرار لانهم بيستفيدوا من فلوس الدوا

لكن ده مش موضوعنا

الفكرة ان مانقدرش نقول ان منظمة العلاج فى مصر كلها فاشلة

طبعا فيه تجاوزات والفساد كتير وده اللى بيخللى الاصلاح صعب

لكن عاوزة اقول ان فيه ناس لسه عندها ضمير

انا مش طبيبة لكن باحس ان فيه هجوم على الاطباء بشكل عام

والله ياجماعة انا شفت حاجات كتيرة للناس دى بتشوف بهدلة وتجاوزات بدون مبرر من اهل المرضى

طبعا هم معاهم عذرهم لان عندهم مريض وازمة

لكن بجد فيه ناس بتتعب وعندها ضمير

معلش انا خرجت عن الموضوع شوية

واسفة على الاطالة

تم تعديل 23 ديسمبر 2009 بواسطة om marawan

[لماضة مصرية جدا]

السلام عليكم و رحمة الله و بركاته

مش عارفة حسيت اني لازم اخش و اعتذر اني يمكن كنت غير موضوعية في الرد شوية.....أو شويتين

معلش بس أنا الموضوع ده تاعبني..... و كل ما اشوف طفل بيعاني.... بيتهيألي انه فيه حاجة غلط....

فيه أطباء أكثر من رائعين.... منهم دكتور علاء حداد....(معهد ناصر).... و دي تحية مني ليه

و أكيد فيه آلاف و آلاف غيره

تقبلو اعتذاري

دمتم بكل صحة و عافية

[عاشق الترحال]

تسمحوا لي ولا مؤاخذه وبمناسبه موضوع المستشفيات دي أخرج عن الموضوع شويه وأحكي لكم حكايه خالي الله يرحمه مع مستشفيات المنصوره.

خالي الذي كان مريضا بفيروس سي هذا المرض الذي تفشى في مصر حتى أصبحت تتصدر دول العالم في معدل الإصايه بهذا المرض ولن أطيل عليكم في التفاصيل وسآتي من آخر مستشفى كان فيها قبل الوفاه والكلام ده كان في 2005 م

بعد عناء طويل مع المرض وفي آخر شهرين قبل الوفاه تعب أوي وأخدناه على مستشفى الطوارئ بالمنصوره والجماعه قعدوه كام يوم هناك ونقلوه للمستشفى العام ( عنبر الموت ) والعنبر ده هو عنبر للمرضى اللي الداكاتره بيقولوا مفيش منهم أمل للشفاء .

خالي ده كنت مرتبط بيه جدا لدرجه أنه كان بيعتمد عليا أكتر من أولاده وكنت عنده الابن الكبير وكنت مرافقه في جميع المستشفبات وبرغم اللي شفته فى العديد من المستشفيات إلا أن مستشفى الجامعه بالمنصوره تفرق كتير.

أول يوم دخل العنبر ده كنا بالليل وانا مرافق له والمفروض أن العنبر فيه أكتر من 25 حاله حرجه كل مريض له سرير فردي صغير وبدأت أشوف الناس بتموت واحد كان بيحتضر وأهله حواليه وعناء طبعا لحد ماالدكتور يجي وكتب له على حقنه شرجيه والمفروض أن العامله والممرضه مسؤله عن ده المهم أهل المريض قعدوا يتحايلوا عليهم مفيش إنسى يا عمرو المهم أنا قلت لهم إعطوها فلوس وهيا تساعدكم أول ما أعطوها راحت جابت المطلوب وعملت اللازم باستثناء تركيب الحقنه ومفيش نصف ساعه والراجل الله يرحمه اتكل !!!

قلت يا حلاوه أول القصيده شويه وبدأ الجو يهدأ وتسمع أنين امرضى والعنبر ساكت وجو مقلكش يعني وقبل الفجر لقيت الراجل اللي جنبي بيرتجف وتقريبا والله أعلم كان مريض بالصرع فكانوا مقيدينه فى السرير وماشاء الله كان راجل بنيانه كبير والراجل يرتعش ويهز السرير قلت ايه الليله اللي مش باينه دي المهم والله هذا حصل رحت أنادي للممرضات وكانوا فى الغرفه وقافلين الباب وكنت سامع صوتهم اول ما بدأت أخبط عالباب معتش فيه صوت لهم ( نفضوا لي ) أخبط مفيش حد يرد حتى وبعد ما بدأت اتراخم فى التخبيط عالباب واحده ردت وقلتلها قومي شوفي الراجل بيموت ترد عليا وتقولي طيب حاضر واروح هناك أشوف الراجل لسه بيرتعش طيب والممرضات نفضوا لي وناموا رحت أخبط عالباب تاني لحد ما خليتها تفتح وتشوفه راحت بصت عليه وقالت الدكتوره هيا اللي لازم تشوفه الكلام ده دخل في حوال15 دقيقه أو 20 دقيقه وعلى ماالهانم اتحركت وراحت تنادي الدكتوره من سكن الأطباء والدكتوره صحيت من النوم والمفروض أنها (نبطشيه) كان عدى حوالي نصف ساعه وكان المرافق اللي مع الراجل ده وصل مش فاكر كان فين واتصل بزوجته وأخيرا الدكتوره وصلت دخلت حطت السماعه على المريض وغطت وشه وقالت البقاء لله مرات الراجل لسه هتعيط وضوتها هيعلى قالولها بلاش دوشه علشان ميدخلش المشرحه خدوه من سكات وامشوا.

تاني يوم قالولنا العدد اللي متحول من مستشفى الطوارئ كبير ولازم كل مريض ياخد جنبه مريض يعني اتنين على سرير والحمد لله كانوا عارفين أني مبسكتش وبزعق وبروح لرئيس القسم فمحدش جاب لنا حد جنب خالي عالسرير .

الظريف أنك كنت ممكن تلاقي مريض عنده ربو ومريض عنده فيروس سي ومريض عنده مش عارف ايه وكلهم عندهم نقص مناعه وحاطينهم جنب بعض يعدوا بعض بزياده .

لما المريض بيشوف الكلام ده أمام عينه يوميا تفتكر نفسيته يبقى شكلها ايه أنا ياللي الحمد لله سليم كانت نفسيتي زي الطين وقتها من اللي بشوفه.

لما لقيت الوضع بالشكل ده خرجناه من المستشفى وبالرغم أن تكاليف علاجه في البيت مكلفه بي قلنا أحسن من البهدله فى المستشفيات والحمد لله ربنا رحمه من اللي كان فيه

الكلام اللي بحكيه ده لا يمكن لك أنك تتخيله أو تصدقه وتقول ملائكه الرحمه بيعملوا كده وطبعا لا أعمم ولكن الفساد أكتر

ولك أن تتخيل بس الموضوع بقاله 5 سنين ومش فاكر تفاصيل دقيقه وكمان الموضوع مش مكانه هنا الوقتي.

أنا حبيت أنقل لكم الصوره من ملايين الصور اللي حصلت واللي بتحصل يوميا وكل ساعه في مستشفيات مصر وأكيد فيه أسوء بكتير

والدكتور الجبالي بيقولك مش عارف ايه !!! صحيح ماهو اللي زيه لما بيعطس بيتعالج في باريس

حاجه من اتنين يالناس دي عايشه في كوكب تاني يا إما إحنا نظرنا ضعيف ومش شايفين الإنجازات بتاعتهم وناكرين للجميل اللي بيعملوه فينا.

الله ينتقم منهم بحق البهدله اللي بيهدولها لنا دي .

وآسف عالإطاله

تم تعديل 24 ديسمبر 2009 بواسطة عاشق الترحال

[doha]

عاشق الترحال ولماضه .. كلامكم يخلي الواحد يبكي بدال الدموع دم .. لولا كلام ام مروان خفف عني شويه مش عارفه كان ممكن يحصل لي ايه بعد الي قرأته ..

ربنا مايكتبها على حد نعرفه ابدا .

على فكره اعتقد من افضل ابواب التكافل الاجتماعي والصدقات الجارية ان حد قادر يتبنى من المرضى دول حالة او اكثر على حسب قدرته وينفق على علاجها لغايه ماربنا ياذن لها بالشفاء ..

[se_ Elsyed]

في حديثه لجريدة الجمهورية

صفوت الشريف: الوطني يسعي لانتخابات تنافسية.. ولا يحتكر السلطة

هأ

هيء

هؤ

أومال الوطني بيعمل ايه من 30 سنة ؟

شاي بلبن ؟

[se_ Elsyed]

وسائل الاعلام

اجر عمرو دياب لاحياء حفلة راس السنة ببيروت

صلي على رسول الله

300 الف دولار

زورار منش جنيه

-------------------

ليه يابا خلتني اكمل تعليمي وما سيبتنيش اغني في الحمام ... وكنت غاوي تخبط عليه وانا في عز سلطانتي وتقول لي إطلع يا منيل أخواتك مزنوقين ....

طب أنا مستعد أحيي حفلات راس السنة واخد 150 ج واتعشى .... ماحدش يعرف متعهد أفراح كويس يكتشفني وينتشلني من اللي انا فيه ؟

[ozoozo]

ليه انت مشفتش يسرا اللي خدت جايزه من مهرجان دبي 300 الف دولار عن مسلسل اعتفد اسمه خاص جدا واتحداك لو كان حد اتفرج عليه غيرها

ياريت المتعهد اللي يكتشف سين سين

يشوفلي وظيفه لبيس عند يسرا

وماحدش يقوللي حرام

لانها في سن جدتي

تم تعديل 25 ديسمبر 2009 بواسطة ozoozo

[عصام]

المصريون

وتحت عنوان "اعترف بالفساد الحكومي في بناء العقارات المخالفة.. بطرس غالي: سنعوض الملاك المضارين في الهجانة و'المخالف' هاطلع دين اللي خلفوه"، كتبت المصريون تقول:

"توعد الدكتور يوسف بطرس غالي وزير المالية، ملاك العقارات المخالفة في عزبة الهجانة، والتي تم إزالتها في خطوة أثارت حالة من السخط الشعبي، مؤكدًا بلهجة حادة: 'سنعوض الذين اشتروا في هذه العقارات المخالفة بعد أن نزيلها ثم نلاحق الملاك ونجري وراء اللي خالف واطلع دين اللي خلفوه.'"

سامحنى يا س س ما عنديش تعليق غير :lol:

http://www.ismailiaonline.com/news/news2.asp?id=13271

[عصام]

بيقولوا "العجل لما بيقع بتكتر سكاكينه" مع الاعتذار للعجل طبعا ..

زلات لسان "غالى" قبل سب الدين لسكان الهجانة.. "إللى مش هيسجل عدد الحمامات يبقى يعملها فى قصرية" وشتم أيمن نور بأمه.. وحاول التطاول على رئيس الحكومة.. ونظيف رد عليه "أنا مش الجنزورى ولا عاطف عبيد"

السياسات والخطط التى يضعها وزراء المالية عادة ما تكون الأكثر إثارة للجدل فى المجتمع بحكم منصبهم، ومن بينهم د.يوسف بطرس غالى وزير المالية، إلا أنه تمكن باقتدار منذ توليه منصبه فى يوليو 2004 بأن يفتح على نفسه أبواب ونوافذ واسعة من الانتقادات بسبب تصريحاته التى يدلى بها بشكل فجائى، فتتحول سريعاً إلى نيران مشتعلة تلاحقه تحت قبة البرلمان، وفى وسائل الإعلام، وعلى السنة معارضيه، حتى أنها تفوق سياسته شهرة.

ولا يعلم أحد هل ميول الوزير نحو إطلاق التصريحات المستفزة أمر مقصود، أم أنه غير ذلك، لكن المؤكد أنه لا يرى ضرورة للسيطرة على ردود أفعاله فى وسائل الإعلام، برغم الانتقادات المتواصلة، حتى أن الزخم الذى يتركه أحد تصريحاته اللاذعة ما يكاد ينتهى حتى يفاجئنا بتصريح جديد.

وزير المالية فسر ذات يوم للإعلام بأنها تشبه "الزكام ونزلات البرد، ليست مهمة فى حياتى" وذلك خلال لقائه بأعضاء الغرفة التجارية الكندية فى أوائل 2007 عندما سألوه عن مدى جديته فى خصخصة الصحف القومية، وأضاف "كل همى هو أن تسدد هذه المؤسسات مستحقاتها الضريبية، والمشكلة أنها لا تملك شيئاً أحجز عليه لسداد ضرائبها".

ومن بين تصريحاته التى لا تنسى، تلك التى وجهها لموظفى الضرائب العقارية المعتصمين لأيام طوال مطالبين بنقابة تحمى حقوقهم، إذ عندما زاد ضغط الاعتصام وأصبح مطالباً بالتدخل فاجأ الجميع بتصريحه الشهير "ماحدش يلوى دراعى، وخليكم فى الشارع، ولا يمكن مساواة النجار بالحداد والعقارية غير العامة" وهو التصريح الذى تحول إلى وسيلة لإحراج الوزير بعد أن تحققت مطالب موظفى العقارية بالفعل.

وتحول قانون الضرائب العقارية إلى مادة خصبة لتصريحات الوزير، فالقانون أثار الكثير من التساؤلات، والمخاوف، ومع كل سؤال يوجهه الإعلام للوزير لتوضيح الموقف للجمهور كان يتفنن هو فى قلب الطاولة على الجميع، وهو على رأسهم بواحد من تصريحاته المستفزة.

بدأها غالى بتأكيداته على شاشة تلفزيون المحور بأن "الرئيس مبارك وأسرته أول من قدموا الإقرارات العقارية، وأنها ستطبق أيضًا على جميع الوزراء بما فيهم هو نفسه" وهو التصريح الذى اعتبره عدد من نواب الشعب "تصريحاً هلامياً يهدف فقط إلى إرهاب المواطنين الذين يعيشون تحت خط الفقر".

ونسى الوزير بتصريحه هذا النيران التى فتحتها عليه وسائل الإعلام أوائل 2007 والتى اتهمته وهو وزير المالية بالتأخر فى سداد ضرائبه المتأخرة عن مزارعه وأملاكه، وتناقلت الصحف آنذاك تصريحاً على لسان الدكتور أحمد نظيف رئيس الوزراء يقول فيه لغالى "يا يوسف، أنا مش كمال الجنزورى أو عاطف عبيد، ومن بابه من زجاج عليه ألا يقذف الناس بالحجارة".

ويبدو أن الوزير نسى تلك الضجة التى مر عليها ثلاث سنوات، فراح يتهكم على المواطنين الذين نزل عليهم قانون الضرائب العقارية كالصاعقة، فيقول لهم مفسراً بعض ما جاء فى القانون بأن "البيت اللى فاتح بحرى غير البيت إللى فاتح قبلى والبيت إللى بالرخام غير البيت إللى بالطوب، واللى فيه حمامين غير اللى فيه حمام واحد" وإمعانا فى التأكيد يقول "وإحنا ها نعرف عدد الحمامات من ماسورة الصرف، وإللى مش ها يسجل عدد الحمامات يبقى يعملها فى القصرية" وهو التصريح الذى اعتبره النائب مصطفى بكرى إساءة للشعب المصرى.

لكن الوزير لم يعتبره كذلك فقال محاولاً مساعدة المواطنين فى حل معضلة القانون، وخاصة ملاك المبانى القديمة التى ارتفعت قيمتها حالياً "لو موش قادر على الضريبة بيع الشقة، وخد حاجة على قدك". ثم أن المناشدات المتواصلة للإبطاء من سرعة بدء تنفيذ القانون أوقعت الوزير فى مأزق قانونى كان له دوى الفضيحة تحت قبة البرلمان فالرجل قرر "من نفسه" مناقشة طالب إحاطة تقدم به نائب بالشعب لمد مهلى تقديم الإقرارات، بالمخالفة لقانون الضرائب العقارية نفسه، وبالمخالفة للدستور.

وهو الخطأ الذى جمع أحمد عز رئيس لجنة الخطة والموازنة، ونواب المعارضة فى مشهد نادر على قلب رجل واحد، حيث رفض عز انتهاك الدستور على يد الوزير، ثم أنه رأى فى التفريق بين المواطنين فى دفع الضريبة أمراً "غير دستورى" أيضاً.

إذ إن سقطات الوزير لم تتوقف عند تصريحات أغلبها غير مسئول، وإنما امتدت إلى محاولات صريحة لخداع الجمهور والتحايل على فئاته المختلفة، بداية من الصيادلة الذين حاول خداعهم عن طريق خرق اتفاق موقع بينهم وبينه يحدد علاقتهم الضريبية.

مروراً بالأطباء الذين ماطلهم فى صرف مستحقاتهم الخاصة بالكادر حتى أن د.حمدى السيد نقيب الأطباء وصف وزير المالية بأنه "هيطلع عينينا علشان يطلع قرش"، وليس انتهاء بكادر المعلمين، وحافز الإثابة الذى فجر غضب إداريى التعليم، ثم تصريحاته الوهمية التى حاول من خلالها تجميل قانون التأمينات والمعاشات فى مؤتمر الحزب الأخير، والتى وصفها شكرى عازر منسق اللجنة الشعبية للدفاع عن أموال التأمينات والمعاشات بأنها "تلاعب بايخ بأدمغة الشعب المصرى على حساب دعاية الحزب"، وغيرها الكثير.

واشتبك مع الدكتور أيمن نور ووجه له شتيمة بالأم، وكادت الأمور تتطور لولا تدخل منير فخرى عبدالنور عضو البرلمان السابق وتم الصلح، لكان غالى قد تحول إلى لجنة تأديبة.

بقى أن نشير إلى أن بعض تصريحات غالى كادت بالفعل أن تتسبب فى أزمة فى العلاقات المصرية السعودية، حيث أثارت تصريحاته لمحطة سى إن إن الأمريكية والتى وصف فيها السعودية بأنها غير قادرة على تمثيل المنطقة فى مجموعة العشرين، لأن هذا الدور ينبغى أن تقوم به دولة "تفهم القضايا المتعددة التى تواجهها مجموعة محددة من الدول، وتشارككم نفس المشاكل وتتقاسم التحديات التى تواجهونها" وهو التصريح الذى أغضب السعودية ممثلة فى وزير المالية إبراهيم العساف الذى قال لوكالة رويترز "إن السعودية جزء من مجموعة العشرين بسبب وضعها كأكبر اقتصاد فى الشرق الأوسط، وإذا كانت هناك دولة تفهم قضية الدول النامية أفضل من أى أحد فهى السعودية".

اليوم السابع http://www.youm7.com/News.asp?NewsID=171735

[Folana]

السلام عليكم ورحمة الله....

"إللى مش هيسجل عدد الحمامات يبقى يعملها فى قصرية"

وتحت عنوان "اعترف بالفساد الحكومي في بناء العقارات المخالفة.. بطرس غالي: سنعوض الملاك المضارين في الهجانة و'المخالف' هاطلع دين اللي خلفوه"

فعلا؟؟!!! :lol:

والقصرية دى حتتباع مع شنطة الاسعافات الاولية ...يعنى الحكومة حتنزلها بمواصفات محددة برضه ؟؟

أنا لى واحدة صديقة عندها خمس حمامات.....دى ليلتها حتبقى طين....انا باقترح عليها تأجرهم من الباطن.... :blush2:

مش عارفة ليه تهديدات السيد الغالى بتفكرنى بجملة "اللى عايز يفنجر...يفنجر من جيبه"...

او اللى معهوووش مايلزمووش عدم اللامؤاخذة...

وكأننا استلفنا من الحكومة تمن السكن لا سمح الله ولا حاجة...

وبعدين ياجماعة مايشتم زى ماهو عايز...مش هو بابا زكى اللى بيصرف على الحكومة....

وهو راس ال...حكمة...

اتوقع ان يفأجئنا شعبولا بأغنية جديدة بهذه المناسبة يقول فيها

حأبيع اللى ورايا واللى قدامى..واكون انسان صريح

ومن اول يناير... حأسكن فى عشة صفيح

واييييه...دونييييا

ولله الامر من قبل ومن بعد