دليل المحتار .. في التعليق على الأخبار

[عصام]

أنا لى واحدة صديقة عندها خمس حمامات.....دى ليلتها حتبقى طين..... :lol:

الباشمهندس غالى قالك انه هايفقسها من عدد مواسير الصرف ..

هنا بقى الفخ اللى ممكن هى تعمله .. :blush2:

توصل الخمسة على ماسورة صرف واحدة .. :lol:

وتبقى المواسير بقى ماشية جنب الحيطة جوا الشقة .. (وش عادل إمام فى مسرحية شاهد ما شافش حاجة )

[engmido]

المصريون

وتحت عنوان "اعترف بالفساد الحكومي في بناء العقارات المخالفة.. بطرس غالي: سنعوض الملاك المضارين في الهجانة و'المخالف' هاطلع دين اللي خلفوه"، كتبت المصريون تقول:

"توعد الدكتور يوسف بطرس غالي وزير المالية، ملاك العقارات المخالفة في عزبة الهجانة، والتي تم إزالتها في خطوة أثارت حالة من السخط الشعبي، مؤكدًا بلهجة حادة: 'سنعوض الذين اشتروا في هذه العقارات المخالفة بعد أن نزيلها ثم نلاحق الملاك ونجري وراء اللي خالف واطلع دين اللي خلفوه.'"

سامحنى يا س س ما عنديش تعليق غير :lol:

http://www.ismailiaonline.com/news/news2.asp?id=13271

انت متاكد من الكلام ده يا ا/ عصام

هى حصلت الدين ........... ان كان قال كده ....حرقة تحرقه

حسبى الله ونعم الوكيل

[engmido]

وسائل الاعلام

اجر عمرو دياب لاحياء حفلة راس السنة ببيروت

صلي على رسول الله

300 الف دولار

زورار منش جنيه

-------------------

ليه يابا خلتني اكمل تعليمي وما سيبتنيش اغني في الحمام ... وكنت غاوي تخبط عليه وانا في عز سلطانتي وتقول لي إطلع يا منيل أخواتك مزنوقين ....

طب أنا مستعد أحيي حفلات راس السنة واخد 150 ج واتعشى .... ماحدش يعرف متعهد أفراح كويس يكتشفني وينتشلني من اللي انا فيه ؟

أضحك الله سنك يا استاذ س س

انت بجد فاكهة المنتدى..........وبمناسبة عمرو دياب والفنانين .............اجر دينا من كام سنة فى راس السنة برده فى فندق سميراميس انتركونتيننتال

2/1مليون جنيه...........صدق اولا تصدق................وبالمناسبة دى هحكيلكو حكاية من كتر ما تضحك تبكى

اولا للعلم انا مهندس فى وزارة الكهرباء -قطاع المحطات وكانت هناك واقعة لمهندس زميل حبيت اشرككم فيها

كان لديه عمل اختبارات فى محطة تغذى فندق انتركونتيننتال سيتى ستارز ...........طبعا معروف.... ولكن لظروف الشبكة الكهربية كان العمل ليلا

المهم كان اليوم ده موافق31/12 صابح 1/1 وكان فيه حفلة تحييها ابلة دينا

فطلب هذا المهندس العمل وبدء الاختبارات ...........الا ان ادارة الفندق بالتنسيق مع شركة الكهرباء

رفضوا قال ايه............. لما دينا تخلص رقصتها يبقى المهندس يبدأ شغل .......ماهو مش معقولا يبدا يشتغل يروح فاصل كهربا بالغلط على دينا!!!!!!!!!!!

ولا حول ولا قوة الا بالله المهندس ينتظر وينتظر...........وكانوا عايزين يلغوا الشغل

منتظر اسمع تعليقك يا ا/ س س بشغف

[عصام]

أشرف العربى: الجميع سيدفع الضريبة العقارية وإلا تعرض للعقاب

كتب أيمن حمزة ٣٠/ ١٢/ ٢٠٠٩ - المصرى اليو

قال أشرف العربى، مساعد وزير المالية، رئيس مصلحة الضرائب العامة: «إن قانون الضرائب العقارية الجديد، دستورى ١٠٠٪ وكل من يذهب إلى المحكمة الدستورية للطعن على دستوريته سيفشل فشلاً ذريعاً، وأن القانون سيسرى (وكله هيدفع) سواء رفض أم قبل.. لازم هيدفع وإلا سيقع تحت طائلة القانون الذى طبق بالفعل».

وأضاف العربى خلال ندوة نادى ليونز القاهرة رمسيس، برئاسة عصام الدين فؤاد، أمس الأول، أن القانون لن يؤثر على شعبية الحزب الوطنى خلال الانتخابات الرئاسية أو البرلمانية المقبلة، لأن الحزب الوطنى له شعبية جارفة ويقدر يكسب الانتخابات «ومش مجرد قانون هو اللى ممكن يقلل من شعبيته».

واستدرك قائلاً: عموماً القانون سيخضع له حوالى ٥٪ فقط من أصحاب العقارات فى مصر والـ٩٥٪ لن يخضعوا، كما أن ٦٠٪ من الـ٥٪ لا تزيد قيمة عقاراتهم على مليون جنيه وهو ما يعنى أن المواطن صاحب العقار الذى يصل سعره لمليون جنيه لن يدفع سوى ٦٠ جنيهاً على كل ١٠٠ ألف جنيه فى العام فقط.

وتابع: «أنا لا أعتقد أن هذه النسبة التى ستدفع الضريبة العقارية تمتلك بطاقات انتخابية علشان نخاف من تأثير تطبيق القانون على الانتخابات الرئاسية المقبلة أو الانتخابات البرلمانية والقانون لن يؤثر على سوق العقارات، كما يدعى البعض».

وقال العربى إن الأغنياء يستخدمون الفقراء كدروع بشرية، حيث قامت الدنيا ولم تقعد لأننا نريد أن نصون العقارات فى مصر، بينما الأغنياء لا يريدون الكشف عن ممتلكاتهم، والدليل أننا جميعاً ندفع العديد من الفواتير والضرائب المختلفة دون أن يتحدث أحد، وعندما دعت وزارة الداخلية لضرورة تغيير بطاقة الرقم القومى كل ٧ سنوات لم يعترض أحد، «والناس جريت وغيرت الرقم القومى ومحدش زعل، وعلبة السجاير لما غليت محدش زعل»، وهو ما يؤكد أن الأغنياء يرفضون الكشف عن ممتلكاتهم بأى صورة وبأى شكل.

ونفى الاتجاه إلى دمج مصلحتى الضريبة على المبيعات مع الدخل، وقال: «المبيعات لن تدمج مع ضريبة الدخل ولن يحدث العكس، وإنما هناك عملية تطوير للمصلحتين بحيث نخرج بمأمورية جديدة متطورة»، كما نفى تسريح أى من العمالة الموجودة وقال: لن يحدث تسريح للعاملين.

إيه الجليطة وقلة الأدب دى .. :blink:

صحيح .. من أمن العقاب أساء الأدب

[dongol]

أشرف العربى: الجميع سيدفع الضريبة العقارية وإلا تعرض للعقاب

كتب أيمن حمزة ٣٠/ ١٢/ ٢٠٠٩ - المصرى اليو

قال أشرف العربى، مساعد وزير المالية، رئيس مصلحة الضرائب العامة: «إن قانون الضرائب العقارية الجديد، دستورى ١٠٠٪ وكل من يذهب إلى المحكمة الدستورية للطعن على دستوريته سيفشل فشلاً ذريعاً، وأن القانون سيسرى (وكله هيدفع) سواء رفض أم قبل.. لازم هيدفع وإلا سيقع تحت طائلة القانون الذى طبق بالفعل».

وأضاف العربى خلال ندوة نادى ليونز القاهرة رمسيس، برئاسة عصام الدين فؤاد، أمس الأول، أن القانون لن يؤثر على شعبية الحزب الوطنى خلال الانتخابات الرئاسية أو البرلمانية المقبلة، لأن الحزب الوطنى له شعبية جارفة ويقدر يكسب الانتخابات «ومش مجرد قانون هو اللى ممكن يقلل من شعبيته».

واستدرك قائلاً: عموماً القانون سيخضع له حوالى ٥٪ فقط من أصحاب العقارات فى مصر والـ٩٥٪ لن يخضعوا، كما أن ٦٠٪ من الـ٥٪ لا تزيد قيمة عقاراتهم على مليون جنيه وهو ما يعنى أن المواطن صاحب العقار الذى يصل سعره لمليون جنيه لن يدفع سوى ٦٠ جنيهاً على كل ١٠٠ ألف جنيه فى العام فقط.

وتابع: «أنا لا أعتقد أن هذه النسبة التى ستدفع الضريبة العقارية تمتلك بطاقات انتخابية علشان نخاف من تأثير تطبيق القانون على الانتخابات الرئاسية المقبلة أو الانتخابات البرلمانية والقانون لن يؤثر على سوق العقارات، كما يدعى البعض».

وقال العربى إن الأغنياء يستخدمون الفقراء كدروع بشرية، حيث قامت الدنيا ولم تقعد لأننا نريد أن نصون العقارات فى مصر، بينما الأغنياء لا يريدون الكشف عن ممتلكاتهم، والدليل أننا جميعاً ندفع العديد من الفواتير والضرائب المختلفة دون أن يتحدث أحد، وعندما دعت وزارة الداخلية لضرورة تغيير بطاقة الرقم القومى كل ٧ سنوات لم يعترض أحد، «والناس جريت وغيرت الرقم القومى ومحدش زعل، وعلبة السجاير لما غليت محدش زعل»، وهو ما يؤكد أن الأغنياء يرفضون الكشف عن ممتلكاتهم بأى صورة وبأى شكل.

ونفى الاتجاه إلى دمج مصلحتى الضريبة على المبيعات مع الدخل، وقال: «المبيعات لن تدمج مع ضريبة الدخل ولن يحدث العكس، وإنما هناك عملية تطوير للمصلحتين بحيث نخرج بمأمورية جديدة متطورة»، كما نفى تسريح أى من العمالة الموجودة وقال: لن يحدث تسريح للعاملين.

إيه الجليطة وقلة الأدب دى .. :blink:

صحيح .. من أمن العقاب أساء الأدب

الجمله دي بصراحة ضحكتني من معاميق معاميق قلبي

صحيح ازاي قانون صغنون زي ده يأثر علي شعبية الحزب الوطني و الاطفال بتتولد من بطون أمهاتها و هي معاها بطاقة العضوية بتاعة الحزب

ده غير طبعاً الناس اللي ماتت و لسه متمسكة بعضوية الحزب

بجد اللي اختشوا ماتوا

دنجل

[se_ Elsyed]

منتظر اسمع تعليقك يا ا/ س س بشغف

تعليق إيه بقى ؟

إنت خليت فيها شعاليق

والله قعدت أقرا المداخلة بشغف ومستني الحته اللي فيها البهاريز .. ونفسي تبل ريقي وتقول لي : وبعين المهندس قعد في الصالة أول ترابيزة يتفرج على الوصلة - بمناسبة الكهربا - وييجي يحكي لنا بقى شاف إيه وكده ؟

تقوم تقول لي فضل جنب الجنيريتور فوق السطح لحد اليت ما خلصت ؟

مش طالبين كهربائية متطوعين عندكو يا ميدو يشتغلوا في خدمة المجتمع المدني الكائن بسيتي ستارز ؟

أخوك عليه ماسكة مفك ... تخلي السلك العريان يختشي على دمه ويتغطا

فكر ورد عليه يا مان

------------

انت متاكد من الكلام ده يا ا/ عصام

أيوه يا ريس قالها والموضوع عدا عادي قدام مجلس الشعب وزكريا عزمي قال له : إختشي يا بطابيطو ( بس بصوت واطي )

----------------

"إللى مش هيسجل عدد الحمامات يبقى يعملها فى قصرية"

طب حد يرجع لجدول حساب الضريبة كده ..

ويقول لي أنا وضعي إيه ؟

انا عندي عدد إتنين حمام ودُش .. وحمام فيه بانيو جاكوزي والتاني مافيهوش ....

إيه كده هاخد إعدام ؟ ... ولا ممكن ترسى على 25 سنه بحيث أخرج عندي 63 سنة أستمتع بقى بدفيء المياه الساخنة بالحمام وأنا بأتليف

-------------

طب بالعند فيك في بطرس ... هانستخدم بامبرز للبشرة الحساسة ...

وهاتبقى عملية نضيفة 100 % ...

يعني ييجي يعاين المنور ما يلاقيش أي ماسورة ... نقوم نصعب عليه وما يجيبش علينا ضرايب

أو بلاش كده ...

كل العمارة تشترك في حمام واحد

ونقف الصبح كل واحد على كتفه فوطه .. وكله بالدور ...

او نخليها بالترتيب الأبجدي ...

وحيث إن إسمي أحمد يبقى أنا هاستخدم الحمام أول يوم ...

يا لهوي على اللي إسمه ياسر أو اللي أسمها يارا مثلاً ... هايبقوا في ديل القايمة ... ويفضلوا ماسكين نفسهم شهر بحاله .. وحليني على ما ييجي دورهم في الحمام ... يكون جالهم ألتهاب في الكلاوي .. وتسلخات كمان ...

بس كده والله وزير المالية هايعمل إنتعاشة في صناعة الـ

ياااااااااااه طول عُمري أقول عالواد عبد الرحمن إبني مُرزق

جه وجاب الخير معاه

قصريته دلوقت في جيبه .... وماحدش قده وبكره يذلنا عشان يسلفها للواحد لفه

انا كده أطمنت على مستقبله ..

ما حدش له عنده حاجه .. والدولة عمرها ما تقدر تداينه ولا تيجي جنبه ...

صحيح رزق البنات واسع

[Folana]

"إللى مش هيسجل عدد الحمامات يبقى يعملها فى قصرية"

طب حد يرجع لجدول حساب الضريبة كده ..

ويقول لي أنا وضعي إيه ؟

انا عندي عدد إتنين حمام ودُش .. وحمام فيه بانيو جاكوزي والتاني مافيهوش ....

إيه كده هاخد إعدام ؟ ... ولا ممكن ترسى على 25 سنه بحيث أخرج عندي 63 سنة أستمتع بقى بدفيء المياه الساخنة بالحمام وأنا بأتليف

ونقف الصبح كل واحد على كتفه فوطه .. وكله بالدور ...

او نخليها بالترتيب الأبجدي ...

وحيث إن إسمي أحمد يبقى أنا هاستخدم الحمام أول يوم ...

يا لهوي على اللي إسمه ياسر أو اللي أسمها يارا مثلاً ... هايبقوا في ديل القايمة ... ويفضلوا ماسكين نفسهم شهر بحاله .. وحليني على ما ييجي دورهم في الحمام ... يكون جالهم ألتهاب في الكلاوي .. وتسلخات كمان ...

بس كده والله وزير المالية هايعمل إنتعاشة في صناعة الـ

ياااااااااااه طول عُمري أقول عالواد عبد الرحمن إبني مُرزق

جه وجاب الخير معاه

قصريته دلوقت في جيبه .... وماحدش قده وبكره يذلنا عشان يسلفها للواحد لفه

انا كده أطمنت على مستقبله ..

ما حدش له عنده حاجه .. والدولة عمرها ما تقدر تداينه ولا تيجي جنبه ...

صحيح رزق البنات واسع

السلام عليكم ورحمة الله....

ايه جاكوزى دى يا ابو الاسيان.....مش ده بتاع فرنسا؟؟!!!! wst::

انت عندك بانيو و جاكوزى؟؟؟...طب ليه كده.....ايه الرفاهية اللى انت فيها دى....كده تزعل الحكومة منك..

على اى حال ممكن تعمل زى عصام ماقال ....والمواسير تبقى من الداخل..

وممكن تفتح لنا موضوع مستقل يناقش امكانية تأسيس مشروع "قصرية لكل مواطن"....حتى تمتد مظلة الصرف الصحى وتشمل كافة ابناء الوطن.....

وتنزل بموديلات جديدة تلم من وراها قرشين حلويين...

وبدل مانقف طوابير على الحمام علشان نغسل وشنا...نتفق مع شركة من شركات المحمول تقدم للشعب المقهور خدمة " شطفنى شكرا"...

قالك جاكوزى.... :blink:

[engmido]

اضحك الله سنك يا ا/ س س

عجبتك قوى الحكاية دى ...طب والله حصل زى ما بكلمك كده

ثانيا: سيادتك تيجى تنور الكهرباء والله ...........عايزين نشوفك وانت بتعزف بالمفك :ninja:

ثالثا : اسمع دى حصلت مع محسوبك وعشت الموقف ده بنفسى

- فى ليلة من ليالى شتاء 2007 ( هعملك فيها شهر زاد) كان عندنا طوارىء رئيس الجمهورية فى الكهرباء.....و طوارىء رئيس الجمهورية فى الكهرباء تعنى ان اى مكان يروحه الريس

يكون فيه تأمين تغذية من المحطة اللى بتغذى المكان ده - المهم الريس كان رايح فرح.... ايوة فرح انت مقريتش غلط......فرح ابن اسامة الباز فى فندق ماريوت الزمالك طبعا معروف

المهم اخدت الفنيين والعمال ورحنا قعدنا من الساعة 6 المغرب فى الطوارىء وقاعدين نتفرج على الافواج .........

( مصر كلها هناك)

الوزرا كلهم والمحافظين على كمال الشاذلى على احمد نظيف على جمال مبارك وعلاء على مش عارف مين كده ...........مولد

المهم الريس اداهم بمبة ومجاش ( حركة تموين قصدى تمويه) .......لحد كده براحته

قلنا زى بعضه الساعة جت 8 ناخد بعضينا ونمشى طالما ان الراجل مش جاى..........جه البيه المسئول تحكم الشبكة الكهربية الموحدة وقال ( همسة عتاب :ninja: )

لا ما اقدرش اخليكو تمشو عشان الوضع حساس والمكان مبدور مخابرات وامن دولة ( الحكومة كلها موجودةبقى!!!)

المهم فضلنا قاعدين فى التلج لحد الساعة 12 ونسال ايه الاخبار...رد البيه المسئول وقال

لسه بند الفرح الرقاصات مطلعوش

المهم الرقاصات خلصوا نمشى يا عم ( طبعا الليلة تلج ومفيش حتى كوباية شاى ولا لقمة معفنة ووقفين بالجواكت نخش المحطة ونطلع من المحطة)

قالك لا ......ليييييه؟؟؟؟؟ قالك العريس هيطلع الساعة 3 او 4 مش عارف؟؟

الواحد كان عايز يخرج عن شعوره بقى......... يعنى هو يطلع الاوضة يشوف مصلحته واحنا نموت من التلج بره عااااااااااااااادى

المهم قلتلهم ياللا يولاد الذين ...رحت واخد الرجالة ومشيت الساعة 2 ولا هممنى

المهم الغرض من الحكاية انى اوريك ان الناس عايشة فى البلد دى على حس ناس وناس عايشة عيشة تحس انها بلد غير البلد

تسمع العمال والسواقين وكل الفئات اللى خارجة من الفندق وشغالين هناك يقولك الفرح متكلف 15 مليون جنيه

الاكل من فرنسا..... الهباب مش عارف منين..........وهكذا يا حضرات............ولا تعليق

انا عايز اسمع تعليقك يا س س !!!!!!!!!!!

[se_ Elsyed]

انا عايز اسمع تعليقك يا س س !!!!!!!!!!!

إوعدنا يارب

نفسي والله يا ميدو أروح فرح من دول

إن شالله فرح إبن فاورق حُسني

يبقى عشم إبليس ..

لإن الراجل مضرب عن الزواج لظروف تخُص البنية التحتية

نهارك 120 فولت يا هندسه

[se_ Elsyed]

وممكن تفتح لنا موضوع مستقل يناقش امكانية تأسيس مشروع "قصرية لكل مواطن"....حتى تمتد مظلة الصرف الصحى وتشمل كافة ابناء الوطن.....

وبدل مانقف طوابير على الحمام علشان نغسل وشنا...نتفق مع شركة من شركات المحمول تقدم للشعب المقهور خدمة " شطفنى شكرا"...

ودي تفوتني

بيني وبينك أول ما قرأت الجُملة اللي قالها المضروب ده

الوحل نزل عليه وتبلورت الفكرة في دماغي

لكن لقيت ريحتها وحشه .. فشديت عليها السيفون .. وصرفت نظري عنها . وأنسدت نفسي ...

وقلت بقى بعد ما الواحد كان بيكتب عن البرفان والصابون أبو ريحه

على أخر الزمن امسك الجردل وأنزل البكابورت بالشورت وأنا مربوط بالحبل ....

لأ يا ستي ..

هاسيب الطلعة دي لأي عضو عنده امساك وما بتفرقش معاه الحاجات دي

[لماضة مصرية جدا]

السلام عليكم و رحمة الله و بركاته

معلش هطلع بيكوا بعيد عن الحوار اللي ريحته فاااااااااااااااحت دي....

هو الخبر كان علي السي ان ان....بيقولك ايه بقي يا مواطن

بيعملوا حاجة اسمها

Obamameter

Promises Kept and others broken

الصراحة انا كنت قاعدة و مستمخيىة اوي من الفكرة....اللي هي ببساطة...

الرئيس الامريكي بعد ما تولي الرئاسة الشعب بتاعه عامله مازورة (و هي دي ال meter)

و بيقيم أد ايه الراجل ده حافظ علي وعوده اللي قالها فترة الطبل و الزمر و التهليل بتاع الحملة الانتخابية

الجميل بقي ان كل مواطن...بس دول غير خالص المواطنين اللي عندنا....كان مطلوب منه يقيم عمونا اوباما ده عي المازورة دي....

و فيه اللي آداله A- ,

و فيه اللي آداله B

و الانكي بقي فيه واحد اداله F (عشان تستريح يا أستاذ سين سين.... اهه حتي البلاد الدرقماطية...فيها إفففففففي برضك)

المهم بقي انا اللي عجبني في الحوار واحد ست طالعة و لابسة بالطون أحمر كده (مش عارفة هي كانت عايز تتقمص شخصية بابا نويل و لا ايه و قالت الجملة دي

I've FAITH in the man, he is the right leader in the right time

ببساطة الست دي بتقول انا مؤمنة بالقائد ده....(مش من نوعية بقي الحزب الوطني....لمصلحتك ها)

و سالت نفسي ....يا تري ممكن يجي قائد أو زعيم لمصر الناس بجد تؤمن بيه...؟؟؟ (صورة جمال عبد الناصر هي الصورة الوحيدة المتواجدة في حيز الذاكرة...بس دلوقتي... مين يملا الفراغ)

و سالت نفسي برضه.....ليه ميبقاش عندنا فعلا نظام كده...قائم علي المحاسبة... قائم علي المراجعة.... قائم علي مصلحة بلد مش أشخاص و أفراد

و سالت نفسي برضه....إذا انت وصلت للسلطة.....و تملك كل مفاتيح و ادوات التغيير...ليه مبتعملش...مش عايز.... مش عارف... و لا مش ناوي... و لا انهي مش فيهم؟؟؟

بعد الخبر اللي فوق

معرفش ليه نزلوا خبر من مصر....

و جابوا صورة الناس ماشية في الشوارع....

فيه نظرة علي الوشوش بتقول ان احنا فاقدين إيماننا باي حاجة...فيه نظرة حزن..فيه حاجة غلط؟؟؟

صبااااااااااااحكم مليان تساؤلاااااااااااااات.....

فوتكم بعافية

[لماضة مصرية جدا]

السلام عليكم و رحمة الله و بركاته

حبايبي الحلوين....بمناسبة الامتحانات و سنينها

معاك مسطرتك.... قلمك.... أستيكتك....مطواتك في جيبك

خش علي امتحان نص السنة ...... مقالة جامدة جدا علي سلامة المصري اليوم

امتحان نص السنة

كتب على سلامة ٦/ ١/ ٢٠١٠

اختار الجواب الصحيح

من وجهة نظرك

واحسم أمرك

بدون غش وكدب وتزوير..

■ الفساد فى مصر وصل إلى:

- الركب

- منطقة أسفل القفا

- أبعد كتير من المناخير..

■ مجلس الشعب عبارة عن:

- قبة تحتها مفيش

- قبة تحتها كراسى

- قبة تحتها دكان عصير

■ مين اللى وضع المادة ٧٦:

- بكر الترزى

- ميكانيكى دستور مشهور ف عابدين

- عمل مشترك بين ميكى وسمير

■ كيف يتم اختيار عضو مجلس الشعب؟

- عن طريق الاتصال بـ ٠٩٠٠

- اللى يجمع أكبر عدد من أكياس البطاطس

- اللى قضى الخدمة العسكرية ف البلكونة

واتعلم ينط من ع المواسير..

■ المؤهلات المطلوبة لشغل وظيفة وزير:

- دمه خفيف وعنده رؤية مش واضحة

- عنده لاب توب وموبايل بكاميرا

- عنده ١٧ بدلة ماركات و١٦ كرافتة حرير..

■ كيف يتم إقالة الوزير؟

- يبعتوله رسالة ع الموبايل

- يقولوله روح اتطعم

- إزالة كشك الحراسة اللى قدام بيته مع سحب الغفير..

■ الهجوم على البرادعى يعتبر:

- أكل عيش

- قلة أدب

- التطور الطبيعى لأصوات الحمير..

■ مصر بتعمل إيه بفلوس الضرايب؟

- بترفع مستوى معيشة النصابين

- بتشرب بانجو وتلعب قمار

- بتدفع أتعاب المحامى وغرامات التأخير..

■ أزمة مباراة الجزائر فين؟

- عند بتاع الطرشى اللى ف القلعة

- فى قهوة المعلم سعد رزة

- فى قلب اللحاف القديم

اللى نايم تحت السرير..

■ العملية التعليمية فى مصر:

- تساعد على ارتفاع معدل البطالة

- تساعد على انتشار أمراض القلب

- تساهم بشكل ملموس

ف التهاب البواسير..

■ إحنا بنبنى الكبارى عشان:

- مصر تنام تحتها

- المواطن يرتاح عند نزلة الكوبرى

- ننقل الأزمة

من ٦ أكتوبر لميدان التحرير..

■ السؤال الأخير:

أكتب فى سطرين أو كلمتين

أو ما تيسر..

عن معنى كلمة جهة سيادية

ولو ف وسط الطريق

القلم نزف أو اتكسر..

إوعى تبطل غُنا

فوتكم بعافية

قفل الورقة الوقت خلص...... علي راي استاذ طفشان "الماتش متباع"

[عاشق الترحال]

ممكن أجاوب يا ست لماضه

السلام عليكم و رحمة الله و بركاته

حبايبي الحلوين....بمناسبة الامتحانات و سنينها

معاك مسطرتك.... قلمك.... أستيكتك....مطواتك في جيبك

خش علي امتحان نص السنة ...... مقالة جامدة جدا علي سلامة المصري اليوم

امتحان نص السنة

كتب على سلامة ٦/ ١/ ٢٠١٠

اختار الجواب الصحيح

من وجهة نظرك

واحسم أمرك

بدون غش وكدب وتزوير..

■ الفساد فى مصر وصل إلى:

- الركب

- منطقة أسفل القفا

- أبعد كتير من المناخير..

( من ساسها لراسها )

■ مجلس الشعب عبارة عن:

- قبة تحتها مفيش

- قبة تحتها كراسى

- قبة تحتها دكان عصير

(قبه تحتها شيخ منصر وجماعة منافقون أقصد موافقون ;) )

■ مين اللى وضع المادة ٧٦:

- بكر الترزى

- ميكانيكى دستور مشهور ف عابدين

- عمل مشترك بين ميكى وسمير

(متهيألي مدام نظيفه والقطنه مبتكدبش )

■ كيف يتم اختيار عضو مجلس الشعب؟

- عن طريق الاتصال بـ ٠٩٠٠

- اللى يجمع أكبر عدد من أكياس البطاطس

- اللى قضى الخدمة العسكرية ف البلكونة

واتعلم ينط من ع المواسير..

( يكون اتفرج عالخدمه العسكريه فيديو ويجيد الشعر والغزل في الحكومه وأيده سليمه علشان يرفعها بالموافقه )

■ المؤهلات المطلوبة لشغل وظيفة وزير:

- دمه خفيف وعنده رؤية مش واضحة

- عنده لاب توب وموبايل بكاميرا

- عنده ١٧ بدلة ماركات و١٦ كرافتة حرير..

( لازم يكون سجله أسود وله باااااااع طويل في الفساد )

■ كيف يتم إقالة الوزير؟

- يبعتوله رسالة ع الموبايل

- يقولوله روح اتطعم

- إزالة كشك الحراسة اللى قدام بيته مع سحب الغفير..

(بيقولوله روح إلعب مع الأسد)

■ الهجوم على البرادعى يعتبر:

- أكل عيش

- قلة أدب

- التطور الطبيعى لأصوات الحمير.

( نوع من إثبات ولاء الكلب لسيده )

■ مصر بتعمل إيه بفلوس الضرايب؟

- بترفع مستوى معيشة النصابين

- بتشرب بانجو وتلعب قمار

- بتدفع أتعاب المحامى وغرامات التأخير..

( بتدعم أسعار الحشيش وكمان تخترع لنا بيها أنواع ضرايب أخري )

■ أزمة مباراة الجزائر فين؟

- عند بتاع الطرشى اللى ف القلعة

- فى قهوة المعلم سعد رزة

- فى قلب اللحاف القديم

اللى نايم تحت السرير..

( خدت الشر وراحت )

■ العملية التعليمية فى مصر:

- تساعد على ارتفاع معدل البطالة

- تساعد على انتشار أمراض القلب

- تساهم بشكل ملموس

ف التهاب البواسير..

■ إحنا بنبنى الكبارى عشان:

- مصر تنام تحتها

- المواطن يرتاح عند نزلة الكوبرى

- ننقل الأزمة

من ٦ أكتوبر لميدان التحرير..

(مغارات إيجار بالمجان للبلطجيه علشان يغتصبوا فيها البنات)

http://www.egypty.com/people-talk-details....eople_talk=3728

■ السؤال الأخير:

أكتب فى سطرين أو كلمتين

أو ما تيسر..

عن معنى كلمة جهة سيادية

ولو ف وسط الطريق

القلم نزف أو اتكسر..

إوعى تبطل غُنا

الحدق يفهم يا ست لماضه وبعدين كله إلا كده بقى بلاش سياسه

فوتكم بعافية

قفل الورقة الوقت خلص...... علي راي استاذ طفشان "الماتش متباع"

تم تعديل 6 يناير 2010 بواسطة عاشق الترحال

[لماضة مصرية جدا]

السلام عليكم و رحمة الله و بركاته

تصدق يا أستاذ عاشق الترحال... أنا قاعدة أضحك ع الكارتون اللي حضرتك حاطه بتاع التعليم... و أقول لنفسي انا يا تري انهي واحدة فيهم... اصل ممكن نقراها باتجاهين

بس احب اطمنك ان هيبقي عندي و عند حضرتك وقت طويل جدا نفكر في اجاباااااااااات كتير

إن شاء الله ان شاء الله في توكر... و برضه مش هنتكلم في السياسة.... ;)

أشوفك هناك

فوتك بعافية

[ozoozo]

بسم الله ماشاء الله

اللهم لا حسد يعني

الحكومه تدرس استيراد الغاز من العراق :rolleyes:

ممكن حد من الاداره يحطلنا ايكونه واحده بنزغرد لو سمحت عشان هانحتاجها الايام الجايه

http://www.masrawy.com/News/Egypt/Economy/.../6/1158637.aspx

[عصام]

:rolleyes:

موجودة سعادتك

:rolleyes:

[عاشق الترحال]

بسم الله ماشاء الله

اللهم لا حسد يعني

الحكومه تدرس استيراد الغاز من العراق

ممكن حد من الاداره يحطلنا ايكونه واحده بنزغرد لو سمحت عشان هانحتاجها الايام الجايه

http://www.masrawy.com/News/Egypt/Economy/.../6/1158637.aspx

من عنيه يا سي الأستاذ OZOOOO تنفع دي

تم تعديل 6 يناير 2010 بواسطة عاشق الترحال

[se_ Elsyed]

خبر في منتهى التافهه والأستفزاز

رفع الجلسة من أجل وجبة طواجن

اضطر الدكتور أحمد فتحي سرور رئيس مجلس الشعب لرفع الجلسة الصباحية لمدة نصف ساعة بسبب وجبة طواجن باللحم دعا اليها بدر القاضي نائب بولاق نواب الأغلبية حيث تحول البهو الفرعوني إلي مطعم لتناول الطواجن وشارك في تناول الوجبة أيضا عدد من نواب الأغلبية بمجلس الشوري

الغريبة بقى

يعني الناس كلها تبقى حاضرة ... ويقوم واحد عازم نواب الأغبية فقط والباقي ياكلوا تراب ؟

قصدي هل من الذوق أبقى قاعد مع ناس وبعدين أقول لواحد فقط : قوم يا حج محمد ناكل لقمه على ما قُسم .. لا مؤخذه يا جماعه أنا عارف إنكو صايمين النهاردة أو نباتيين ومالكمش فيها

[fatfouta]

الله يخليكوا خدوا المختارة دى عنى عشان انا اعصابى تعبت خلاص

غالي يتراجع عن تهديداته للمصريين

استمرار تلقي إقرارات الضريبة العقارية بدون غرامة بعد نهاية مارس

تراجع الدكتور يوسف بطرس غالي وزير المالية، عن تهديده للمواطنين بفرض غرامات علي أصحاب العقارات الذين لم يقدموا اقرارات عقارية حتي نهاية المهلة المقررة في 31 »مارس«، قرر »غالي« فجأة استمرار مأموريات الضرائب في استلام الاقرارات من المواطنين دون اتخاذ اجراءات او تحصيل غرامات، واصدر اوامره بتسجيل الاقرارات الواردة بعد الموعد القانوني في سجلات خاصة يتم تسليمها للمصلحة، وقرر وزير المالية مد فترة العمل بمأموريات الضرائب العقارية حتي العاشرة مساء يومياً. اشار »غالي« الي ان الحكومة لا تسعي لتحقيق حصيلة من الغرامات وتريد ان ترسم خريطة عقارية متكاملة لاستخدامها في وضع خطط التنمية الشاملة في مختلف المحافظات، كما اشار »غالي« الي ان تقديم الاقرارات لا يشترط إرفاق مستندات أو أوراق أو عقود مسجلة أو غير مسجلة، واكد ان المطلوب فقط صورة من بطاقة الرقم القومي مع الاقرار، وأضاف ان المصلحة حددت رقم 19117 لتلقي شكاوي المواطنين والاجابة عن استفساراتهم، وكشف طارق فراج رئيس مصلحة الضرائب العقارية عن زيادة الاقبال علي تقديم الاقرارات الضريبية خلال الايام القليلة الماضية، مما ادي لحدوث زحام شديد في المأموريات ولجان الاستلام في المنافذ الاضافية، والتي يبلغ عددها 1000 منفذ علي مستوي الجمهورية. اشار رئيس مصلحة الضرائب الي تقديم 15 مليون إقرار حتي الان، وتشمل بيانات أكثر من 22 مليون وحدة عقارية، واكد ان القرارات شملت 75٪ من اجمالي عدد الوحدات العقارية المتوقعة في مصر، واوضح ان الاسبوع الاخير فقط شهد تسليم اكثر من مليون إقرار، واشار الي ان الجيزة هي اكثر المحافظات اقبالا علي تقديم الاقرارات.

يعنى يا اخواننا الراجل بيقول لكم انا مش عاوزى ااااااااااى مستندات انا عاوز الفلوس والاقرار وبطاقتك وبس واهم حاجة انك تبقى تيجى تدفع

شوفتوا ان احنا الشعب الوحيد فعلااااااااا اللى بنتعذب ونقف فى الطوبير عشان ندفع دم قلوبنا للحكومة

وا لو وقفنا وقفة ورفضنا الضريبة دى مش هييجى يوم علينا ويعملوا لنا ضريبة عالهوا اللى بنتنفسه

حسبى الله ونعم الوكيل

[sarmar]

تعليقا على كلام سعادتك ياستاذة فتفوتة ان اللى مش هيقدم اقرارة فى الموعد المحدد اللى هو اخر يوم فية اليوم فانة عندما يقدم اقرارة المتاخر عن الموعد سوف يحظى باهمية كبرى وسوف يحول للمقام السامى عند الوزير غالى سخصيا

ياستى غالى دة عامل دماغ عالية قوى قبل مايلبس السلطانية دة مش شايف كوعة من بوعة