نصائح وخواطر حول اللاندنج

[CAPHCYMO]

نصيحة بخصوص ال PR cardو SIN card الى جميع الأخوة والأخوات الأعزاء المهاجرين قريباً:

أخوكم لسة عامل لاندنج في شهر سبتمبر 2009 وقبل رحلة اللاندنج واجهني مطب العنوان اللي لازم أديه لموظف الهجرة علشان يبعت عليه PR card. طبعا لازم يكون العنوان street address مش صندوق بريد. المشكلة ان في ذلك الوقت ماكانش عندي حد أطمئن اليه علشان أحط عنوانه أو اني أثقل على حد تاني حتى لو اني أستأمنه على الكروت. بالصدفة عرفت ان ممكن تستأجر عنوان بريدي كأنه عنوان بيت أو مكتب وفعلا استأجرته عن طريق شركة في كندا بحوالي 50$ وبمجرد اي جواب يجيللك بيبعت لك email ان ليك بريد وبيخيرك تستلمه بنفسك أو بالبريد العادي أو البريد الممتاز. الحمد لله حطيت هذا العنوان في حالة الPR card , SIN card , الكروت وصلت على العنوان في كندا ومنها الى مسقط في عمان عن طريق ARAMEX حيث كنت في انتظارهم وعقبال الجميع ان شاااااااء الله.

نصيحه أخرى ذات صله: مع موظف الهجرة أو SIN card مافيش داعي تشرح للضابط ايه طبيعة هذا العنوان لأنه عادة حيتفذلك ويمتنع عن أخذ هذا العنوان ويقوللك لازم عنوان سكنك. الكلام دة حصل معايا لأني كنت قلقان وأنا بأعطي الضابط العنوان علشان ماسمعتش عن حد عمل كده قبلي، وسألتها هل العنوان دة مقبول ولا لأ. في الأول قالتلي مش حينفع وبعدين رجعت في كلامها. نفس الكلام حصل في الSIN card و في الأخر عدت بحمد الله.

عنوان الموقع لمن يحب هو https://bdc-canada.com/SSL/BDC/Mail-box-order-form.htm

وبالمناسبة نفس العنوان استخدمته لفتح حساب في البنك واستخراج credit card.

مع خالص تحياتي وبالتوفيق باذن الله

[Bustami]

حل رائع رائع ,,,

[safaalabana]

نصيحة بخصوص ال PR cardو SIN card الى جميع الأخوة والأخوات الأعزاء المهاجرين قريباً:

أخوكم لسة عامل لاندنج في شهر سبتمبر 2009 وقبل رحلة اللاندنج واجهني مطب العنوان اللي لازم أديه لموظف الهجرة علشان يبعت عليه PR card. طبعا لازم يكون العنوان street address مش صندوق بريد. المشكلة ان في ذلك الوقت ماكانش عندي حد أطمئن اليه علشان أحط عنوانه أو اني أثقل على حد تاني حتى لو اني أستأمنه على الكروت. بالصدفة عرفت ان ممكن تستأجر عنوان بريدي كأنه عنوان بيت أو مكتب وفعلا استأجرته عن طريق شركة في كندا بحوالي 50$ وبمجرد اي جواب يجيللك بيبعت لك email ان ليك بريد وبيخيرك تستلمه بنفسك أو بالبريد العادي أو البريد الممتاز. الحمد لله حطيت هذا العنوان في حالة الPR card , SIN card , الكروت وصلت على العنوان في كندا ومنها الى مسقط في عمان عن طريق ARAMEX حيث كنت في انتظارهم وعقبال الجميع ان شاااااااء الله.

نصيحه أخرى ذات صله: مع موظف الهجرة أو SIN card مافيش داعي تشرح للضابط ايه طبيعة هذا العنوان لأنه عادة حيتفذلك ويمتنع عن أخذ هذا العنوان ويقوللك لازم عنوان سكنك. الكلام دة حصل معايا لأني كنت قلقان وأنا بأعطي الضابط العنوان علشان ماسمعتش عن حد عمل كده قبلي، وسألتها هل العنوان دة مقبول ولا لأ. في الأول قالتلي مش حينفع وبعدين رجعت في كلامها. نفس الكلام حصل في الSIN card و في الأخر عدت بحمد الله.

عنوان الموقع لمن يحب هو https://bdc-canada.com/SSL/BDC/Mail-box-order-form.htm

وبالمناسبة نفس العنوان استخدمته لفتح حساب في البنك واستخراج credit card.

مع خالص تحياتي وبالتوفيق باذن الله

الله يجازيك الف خير ...اهم حاجه ان حضرتك جربت بنفسك ...استنه لو سمحت فين باقى حكاية اللاندنج ؟؟؟...كلنا منتظرين

[CAPHCYMO]

وجزاكي يا دكتورة صفاء. بالنسبة لي ممكن أسرد بعض النصائح من رحلتي الى كندا لأن الحكاية كحكاية ستكون في جزء كبير منها تكرار لملحمة الدكتور الشامي وأسرته وأخصه بالذكر لأنه أكتر واحد قدرت اقرأ مداخلاته وكانت بمثابة نموذج يجب التعلم منه مع وضع لمسات شخصية على الرحلة لأني بطبيعتي أحب التجديد دائماً ولا أميل الى النمط الواحد. بس أحب أولاً أبدي اعجابي بتجربة الشامي و بكل تجارب اخواننا و أخواتنا المحترمين (د هشام ابراهيم، د التهامي، باشمهندس ايهاب، و باشمهندس ايهاب سالم و د سوسو راني زميلة المهنة، و أطارق جمعة و أ زهيري و كل من لم تسعفني ذاكرتي في ذكرهم).

النصيحة الأولى:

لازم يكون معاك كريدت كارد في البلد دي لأن أبسطها علشان أسحب تروللي في المطار نحط عليه شنطنا كان لازم أدفع 2 $ كندي. قلت هي دي أولها يا كندا هوه دة استقبال أهل البلد لازم نكع من أولها، المهم أدور يمين شمال في الجهاز اللي بيخرج التروللي مالقيتش قصادي غير فتحة الcoins و فتحة الكريدت كارد رحت دافع بالكريدت. كمان اياك ثم اياك ثم اياك تغير دولار أمريكي لكندي الا من البنك لأني غيرت 300 USD في المطار و المفروض تاخد قصادهم تقريبا 315 CAD لأن الأمريكي أغلى من الكندي بس اللي حصل ان الكاشير ادتني حوالي 285 CAD يعني خسرت في اللعبة دي تقريبا 30 CAD. قلت يمكن دا المطار وظروفه كده فسألت محل صرافة في مول square one في مسيساجا عن سعر الدولار الأمريكي لقيت نفس الحدوتة المهم مالعبتش نفس لعبة المطار تجنبا للخسارة. تاني يوم كنت في بنك HSBC بافتح حساب و غيرت بالسعر الطبيعي، يعني كل 100 دولار أمريكي بتأخد قصاده تقريبا 105 كندي مش 95 زي ولاد ال......حلال الطيبين. لما سألت عرفت ان محلات الصرافة بتاخد عمولة عالية الى جانب سعر الصرف. طبعا قلة أدب. فكله يعمل حسابه الأول يصرف من الكريدت كارد يوم أو يومين لحد ما يروح البنك.

النصيحة التانية:

لازم ثم لازم ثم حتما تأجر عربية من باب المطار لو معاك أسرة و مافيش حد في انتظارك. أسعار الليموزينات نار كما هو واضح من مداخلات زملأؤنا و سعر مشوار واحد في الليموزين ممكن تأجر بيه عربية اليوم كله. أنا كنت حاجز عربية عن طريق HERTZ و كمان كنت مجهز الGPS صديق المهاجرين من وأنا في عمان. أول ما ركبت العربية اديته الأوردر الأول (بينا على الفندق) وبصراحة من أول مهمة أثبت جدارته وفي خلال 10 دقائق كنا في اللوبي بتاع الفندق في مسيساجا. قررت ساعتها اني لن أترك هذا الصديق الوفي وسنكون سويا الى الأبد في السراء والضراء. لازم طبعا لما تدور على عربية تشوف عروض الشركات المختلفة وتحجز الأوفر والأفضل من حيث حجم السيارة المناسب لأسرتك، وموضوع الأوفرز ده بيختلف من شهر ال شهر ومن شركة الى اخرى (جرب Hertz, Avis, Budjet, dollar). الأهم من كل ده الرخصة الدولية ورخصة بلدك الأصلية تكون في جيبك والاااااااااااااااااااا. ولا تنسى التأمين على السيارة يكون شامل علشان تكون في الأمان وربنا بيستر ان شاء الله، يعني أنا الحمد لله أستخدمت العربية 10 أيام فترة الرحلة وعدوا بسلام بفضل الله.

وأترككم في أمان الله مع نصائح أخرى قريبا ان شاء الله

[safaalabana]

وجزاكي يا دكتورة صفاء. بالنسبة لي ممكن أسرد بعض النصائح من رحلتي الى كندا لأن الحكاية كحكاية ستكون في جزء كبير منها تكرار لملحمة الدكتور الشامي وأسرته وأخصه بالذكر لأنه أكتر واحد قدرت اقرأ مداخلاته وكانت بمثابة نموذج يجب التعلم منه مع وضع لمسات شخصية على الرحلة لأني بطبيعتي أحب التجديد دائماً ولا أميل الى النمط الواحد. بس أحب أولاً أبدي اعجابي بتجربة الشامي و بكل تجارب اخواننا و أخواتنا المحترمين (د هشام ابراهيم، د التهامي، باشمهندس ايهاب، و باشمهندس ايهاب سالم و د سوسو راني زميلة المهنة، و أطارق جمعة و أ زهيري و كل من لم تسعفني ذاكرتي في ذكرهم).

النصيحة الأولى:

لازم يكون معاك كريدت كارد في البلد دي لأن أبسطها علشان أسحب تروللي في المطار نحط عليه شنطنا كان لازم أدفع 2 $ كندي. قلت هي دي أولها يا كندا هوه دة استقبال أهل البلد لازم نكع من أولها، المهم أدور يمين شمال في الجهاز اللي بيخرج التروللي مالقيتش قصادي غير فتحة الcoins و فتحة الكريدت كارد رحت دافع بالكريدت. كمان اياك ثم اياك ثم اياك تغير دولار أمريكي لكندي الا من البنك لأني غيرت 300 USD في المطار و المفروض تاخد قصادهم تقريبا 315 CAD لأن الأمريكي أغلى من الكندي بس اللي حصل ان الكاشير ادتني حوالي 285 CAD يعني خسرت في اللعبة دي تقريبا 30 CAD. قلت يمكن دا المطار وظروفه كده فسألت محل صرافة في مول square one في مسيساجا عن سعر الدولار الأمريكي لقيت نفس الحدوتة المهم مالعبتش نفس لعبة المطار تجنبا للخسارة. تاني يوم كنت في بنك HSBC بافتح حساب و غيرت بالسعر الطبيعي، يعني كل 100 دولار أمريكي بتأخد قصاده تقريبا 105 كندي مش 95 زي ولاد ال......حلال الطيبين. لما سألت عرفت ان محلات الصرافة بتاخد عمولة عالية الى جانب سعر الصرف. طبعا قلة أدب. فكله يعمل حسابه الأول يصرف من الكريدت كارد يوم أو يومين لحد ما يروح البنك.

النصيحة التانية:

لازم ثم لازم ثم حتما تأجر عربية من باب المطار لو معاك أسرة و مافيش حد في انتظارك. أسعار الليموزينات نار كما هو واضح من مداخلات زملأؤنا و سعر مشوار واحد في الليموزين ممكن تأجر بيه عربية اليوم كله. أنا كنت حاجز عربية عن طريق HERTZ و كمان كنت مجهز الGPS صديق المهاجرين من وأنا في عمان. أول ما ركبت العربية اديته الأوردر الأول (بينا على الفندق) وبصراحة من أول مهمة أثبت جدارته وفي خلال 10 دقائق كنا في اللوبي بتاع الفندق في مسيساجا. قررت ساعتها اني لن أترك هذا الصديق الوفي وسنكون سويا الى الأبد في السراء والضراء. لازم طبعا لما تدور على عربية تشوف عروض الشركات المختلفة وتحجز الأوفر والأفضل من حيث حجم السيارة المناسب لأسرتك، وموضوع الأوفرز ده بيختلف من شهر ال شهر ومن شركة الى اخرى (جرب Hertz, Avis, Budjet, dollar). الأهم من كل ده الرخصة الدولية ورخصة بلدك الأصلية تكون في جيبك والاااااااااااااااااااا. ولا تنسى التأمين على السيارة يكون شامل علشان تكون في الأمان وربنا بيستر ان شاء الله، يعني أنا الحمد لله أستخدمت العربية 10 أيام فترة الرحلة وعدوا بسلام بفضل الله.

وأترككم في أمان الله مع نصائح أخرى قريبا ان شاء الله

فى انتظار باقى النصائح وتسجيل متابعه فى اول صف

[CAPHCYMO]

mfb: للأسف يا د صفاء طالما في زبون واحد متابع للموضوع فأنا مضطر أني ........... أكمممممممل لأن متابع واحد بالنسبة لي له وزن كل المحاورين على المنتدى. نرجع لسرد ما في خاطري من نصائح أرى أنها تهم أي مهاجر جديد.

النصيحة الثالثة:

لو حتنزلوا في فندق في الأيام الأولى أوخلال فترة اللاندنج (مدة 10 أيام أو أسبوعين) أنصح بحجز فندق بيقدم بوفيه افطار ليه يا ترى، لأن الأكل هناك غالي جدا جدا يعني مثلا أحنا دخلت المول المشهور في تورونتو اللي اسمه ايتون سنتر وده ليه حكاية بعدين، المهم كنا جعانين ودورنا لقينا في الفوود كورت محل شاورما وفلافل سوري، عمري في حياتي ما كنت أتخيل اني أكل سندوتش فلافل ب 6 CAD وشاورما ب7 CAD طبعا وأحنا سياح مافييييييش مشكلة وعل فكرة دة هو السعر الرسمي للفلافل والشاورما في معظم المحلات و المولات اللي زرناها في تورونتو، مسيساجا، هاملتون، و نياجرا. طيب ايه دخل الفطار في الموضوع، من الأخر كدة لو انتو 4 أو 5 وعايزين تفطروا، بتمن ساندوتشين طعمية لكل واحد ممكن تفطروا أحلى فطار (open buffet) في الأوتيل يعني تديها كل ما تتخيله من (كرواسانات، كوكيز، دوناتس، دانش، بيض أومليت، جبن، هنا بدل الفول حتلاقوا وايت بينز أو الفاصوليا بيضا، زبادي أشكال وألوان اللي بافانيليا واللي بالتوت البري والدايت وووو، بعدكدة جميع أنواع الشاي و القهوة والنسكافيه، عصائر للأولاد انليميتد، شويبس وكوكاكولا، وفي الأخر لو لسة نفسك في حاجة يبقى تعمل طبق فروت سلاط كندي معتبر واللي نفسه في كريب بالشوكولاتة ما فيش مانع). طبعا بعد الفطار اللي قلتلكو عليه مش حيبقى قدامكوا الا انكم تتعشوا و العشاء ساعتها هيكون أمره سهل. عليكم بسلسلة فنادق home wood دة أحلى مكان للسكن والأفطار الرائع وهيه سلسلة منتشرة في كل مدن كندا. الخلاصة مافيش داعي تسترخص في الفندق لأنه حيكون على حساب راحتكو وانبساطكم في رحلة اللاندنج. يعني لما تحط 40-50 CAD زيادة في سعر الليلة وتأخد أوضة أوسع وأنضف وفطار حلو على الصبح مع خدمة انترنت يبقى أكيد انته الكسبان.

ملحق النصيحة التانية:

مش لازم تشتري جهاز مخصوص للGPS زي بتاع دكتورنا المحترم الشامي. أنا بعت موبايلي السامسونج واشتريت مخصوص موبايل اسمه Nokia Navigator. هوة منه موبايل وفي نفس الوقت كان نازل عليه خلاائط دول الخليج. كل اللي عملته اني دخلت على موقع Nokia ونزلت خرائط الNorth America واشتريت رخصة الnavigation، لو مش حاتعرف تعمل كل ده أقرب محل موبايلات ممكن يظبطهولك قبل السفر. كده يبقى انت وفرت ثمن جهاز navigator. كمان مهم جدا لو موبايلك prepaid card يعني شحن ان يكون فيه رصيد كفاية لأن النافيجاتور بيسحب بسيط أوي من الرصيد أنا سحب مني في 10 أيام حوالي 10 ريال عماني أو ما يعادلهم من عملات خليجية أخرى (يعني زي 100 ريال سعودي مثلا) وبلتالي ده يجنبك أي حركات ندالة من صديقك النافيجاتور اللي أنا أكتشفت بعد عشرتي لية في ال10 أيام دول أنه ممكن ساعات وفي أحيان قليلة جدا يبييييييييعك :wub: بس يرجع تاني يندم ويحس بغلطه :D .

وانشاء الله ده يكون محور حديثنا في نصائح قادمة. أستودعكم الله

[Alrefaey]

تسجيل متابعة وأهتمام يادكتور

[ehabtaher]

مين اللى قال انه زبون واحد متابع

طيب انا بزبونين

علشان انا باتابع وبعدين اورى المدام تقراء هى الاخرى علشان يبقى عندها فكره حتقابل ايه فى كندا انشاء الله لما ربنا يكتبلنا ان احنا نروح نعمل لاندنج

وجزاك الله خير يا كابتش

[dormy]

تسجيل متابعه وشكرا على النصائح المفيدة جدا وفي إنتظار المزيد

[أكسيلانس]

ألاخ الفاضل caphcymd

أولا حمد لله علي سلامتك ,, ثانية ,, خالص الشكر لحضرتك علي معلمواتك المفيده و أرجو أن تكمل تفاصيل الرحله و خصوصا يا عزيزي ميزانية الرحله ( الفنادق - المواصلات - ) و كل ما يتعلق بالرحله و أنشاء الله يكون كل هذا المجهود في ميزان حسناتك ,, و

أنا مش هقوم من الكرسي بتاعي لحسن حد يخش القهوه و يقعد ماني ( جنب الشباك )

في أنتظارك ,, علشان نتباع رحلتك مع رحلة أخوانا زاناتي

[moheltohamy]

زميلنا العزيز...

أنا سمحت لنفسي أنقل مشاركاتك في موضوع منفصل...

نصائح بهذا الجمال مش المفروض تدفن داخل موضوع آخر.

وتحت أمرك لو حبيت تختار العنوان ، أنا حطيت حاجة كده على ما أوسوم ، لغاية ما تختار العنوان اللي تفضله. وأتمنى ما يكونش في ده حمل عليك.

ملحوظة... أنا متأكد إنه هيكون حمل عليك ، وحمل ونص كمان :lol:

ربنا يعينك بقى :lol:

[Alrefaey]

والله تسلم اناملك يادكتور تهامى فعلا نصائح الفاضل caphcymo تستحق ان يكون لها موضوع منفصل وانا متوقع لهذا التوبيك بالنجاح

[بسيوني بسيوني]

رائع

كلامك رائع

اسمحلي اخلع قبعتي تقديرا لك

[safaalabana]

زميلنا العزيز...

أنا سمحت لنفسي أنقل مشاركاتك في موضوع منفصل...

نصائح بهذا الجمال مش المفروض تدفن داخل موضوع آخر.

وتحت أمرك لو حبيت تختار العنوان ، أنا حطيت حاجة كده على ما أوسوم ، لغاية ما تختار العنوان اللي تفضله. وأتمنى ما يكونش في ده حمل عليك.

ملحوظة... أنا متأكد إنه هيكون حمل عليك ، وحمل ونص كمان :lol:

ربنا يعينك بقى :lol:

:lol: :wub:

[mezo]

جزاك الله كل خير يا استاذ caphcymd فعلا معلومات خلاصة وشاغلة ناس كتير من الى ناوية تعمل لاندنج وربنا يكرمك يا رب

[safaalabana]

اخونا الفاضل CAPHCYMO صبرا جميلا المشكله ان حضرتك ماعملتش اعلانات كفايه عن قهوتك ...معظم الناس ماكانتش تعرف ..

ان شاء الله قهوتك مش ح يبقى فيها كرسى فاضى بس حضرتك تلاحق ع الطلبات ...واهو كله بثوابه ...وكفايه دعوه ليك بظهر الغيب ...

الله يرضى عليك الحقنا باسم الفندق وطريقة الحجز ..وكمل احنا متابعين ..الله يكمل لك مشوارك على خير ويرزقك من حيث لا تحتسب ويباركلك فى كل ما اعطاك وكل ما سيعيطيك انا سامعه كل الناس بتقول امين امييييييييييين

[ZOOZ]

متابعك للاخر

نصائح روعه

الله يعطيك العافيه

[Tarek Abdellatif]

أي نعم أنا لسة يا دوب مستلم ايميل طلب الأوراق، وقاعد يا ولداه محتاس مع أخونا الاستاذ IELTS ، و لكن آدي واحد تسجيل متابعة وكرسي في أول صف عالبحر كمان. :wub:

[SoSo R]

بس أحب أولاً أبدي اعجابي بتجربة الشامي و بكل تجارب اخواننا و أخواتنا المحترمين (د هشام ابراهيم، د التهامي، باشمهندس ايهاب، و باشمهندس ايهاب سالم و د سوسو راني زميلة المهنة، و أطارق جمعة و أ زهيري و كل من لم تسعفني ذاكرتي في ذكرهم).

حمدالله ع السلامة يا دكتور.... ...مش عارف أنطقها الصراحة :wub:

أنا متشكرة لحضرتك إنك ذكرت أسمى مع الناس اللى فوق دول...

بس بصراحة موضوعى الغلبان دة لا يرقى إنه يتذكر أصلا مع الناس الكبيرة اللى فعلا مواضيعهم مفيدة وقوية

وشكرا لحضرتك إنك حبيت تشارك خبراتك مع بقية الأعضاء...ناس كتير بتنسى أصلا المنتدى بعد ما بياخدوا مصلحتهم منه...

ربنا يسعدك...وتمنياتى بالتوقيق ليك ولأسرتك

زميلنا العزيز...

أنا سمحت لنفسي أنقل مشاركاتك في موضوع منفصل...

نصائح بهذا الجمال مش المفروض تدفن داخل موضوع آخر.

وتحت أمرك لو حبيت تختار العنوان ، أنا حطيت حاجة كده على ما أوسوم ، لغاية ما تختار العنوان اللي تفضله. وأتمنى ما يكونش في ده حمل عليك.

ملحوظة... أنا متأكد إنه هيكون حمل عليك ، وحمل ونص كمان :)

ربنا يعينك بقى :lol:

شكرا ليك يا دكتور تهامى إنك فصلت المداخلات دى وحطيتها فى موضوع منفصل...أنا حتى مش عارفة هى كانت موجودة فى أنهى موضوع؟؟

الجملة اللى بالبينك دى...

محسسانى إنك هتعزمه على حلة بامية مثلا :)

مش على عنوان موضوعه

معلهش يا دكتور...دة مش جر شكل ولا حاجة

الأفية بس حكمت

تحياتى

سوسورانى

[ehabtaher]

انا خايف الاخ كافسيمو تجيله سكته قلبيه من وقع المفاجأه بعد مايفتح المنتدى ويلاقى نفسه صاحب قهوه ملك مش ايجار وساعتها يحمل هم الزباين والكهرباء والضرايب

خصوصا الضريبه العقاريه

لحسن الواحد مش عارف يعمل فيها ايه دى