نصائح وخواطر حول اللاندنج

[CAPHCYMO]

شكرا يا د/caphcyMO علي الموضوع ده وربنا يجزاك كل الخير عنا

كمان اود ان اقتبس شويه معلومات من صديق لي في السعوديه بخصوص هذا الموضوع

الهاتف الجوال او النقال

يطلب منك عند مجيئك إلى كندا رقم الهاتف الجوالCellulaire ، سواء للوثائق الادراية أو الدراسة أو العمل. ففي كيبك يطلق مصطلح الخلوي Cellulaire على الهاتف المحمول. فحين أن في المغرب العربي يستعمل مصطلح الهاتف المحمول téléphone portable. فقط حني تعرف أخي الكريم أختي الكريمة اختلاف المصطلحات هند قدومك إلى كندا. فمثلا يقال في كيبك courriel للبريد الالكتروني فحين أن المغاربيين يستعملون مصطلح Email

ومن المهم أن نعرف أن تكاليف الاتصالات وتحسب وفقا لعدد الدقائق المستعملة للاتصال و استقبال المكالمات.. !!. أقول لك نعم لأن حتى استقبال المكالمات في كندا يؤدى عليه. شخصيا عند مجيئي إلى كندا اشتريت بطاقة و هاتف خلوي, و بدأت أعطى كل من أعرف رقم الهاتف. فلاحظت أن رصيدي ينفد بعد كل مكالمة, و بعدها فهمت أنني أؤدي على المكالمات المستقبلة على هاتفي المحمول.

يمكنك أيها القارئ العزيز, لتفادي أداء تكلفة استقبال المكالمات أن تعمل اشتراك شهري, و معدل الاشتراك الشهري في كندا ما بين 25 دولار و 50 دولار, و يمكنك إضافات خدمات أخري مثلا الاشتراك في خدمات الاتصالات الدولية. و لكن من يقول خدمات إضافية يقول تكلفة إضافية. و أرخص الاشتراكات موجهة للطلبة, و لكن لمدد طويلة تصل إلى ثلاث سنوات.

نصيحتي إليك, أيها الأخ الفاضل أيتها الأخت الفاضلة, قبل التوقيع على أي عقد, قراءة العقد جيدا, و لا تخجل من الاستفسار, لأنهم لن يخجلوا من أخد تكاليف استعمالك للهاتف. فخد وقتك جيدا في قراءة العقد, و لا أنصحك بأخذ كثرة الخدمات لأنها في بداية العقد تكون مجانية, و وبعد شهرين من العقد تجد أن تكلفة هاتفك الخلوي قد ارتفعت. فحذاري من الخدمات الإضافية, إن لم تكن في حاجة إليها فلا تستعملها و لو نصحك البائع بها و زين لك فوائدها, لأنه في الحقيقة يريد تسويق منتوجه.

أن شاء الله ستجد أسفله أسماء أهم شركات الاتصال و التواصل في كندا:

1. Bell Mobilité

2. Rogers

3. Fido

4. Telus

5. Virgin mobile

أتمنى أنني أفدتكم بمقالي المتواضع, و دمتم في رعاية الله.

جزاك الله خير يا أخ ميدو كلام جميل. أنا لم أفضل اني أشتري شريحة كندي في الوقت دة لقصر مدة الأقامة وكنت بعمل مكالمات رخيصة جدا عن طريق برنامج اتصالات من الانترنت اسمه www.nonoh.net. دة ممكن تعمل بيه اتصالت مجانية داخل كندا وباسعار رخيصة للمكالمات الدولية.

[CAPHCYMO]

أولا تسجيل متابعة لقهوة رائعة وجميلة وكلام مركز conc

ثانيا اتبسطت جدا لما عرفت أن حضرتك صيدلى

ثالثا شكر خاص للدكتور محمد التهامى على فصل المشاركات لتكون موضوعا منفصلا

وده أبلغ دليل على أن رغبة الاشراف فى تقليل الموضوعات المفتوحة مش اعتباطا

وانما حرصا على ألا يكون هناك موضوعات جديدة الا اذا كانت مفيدة

وفيها الجديد

تحياتى يا دكتور كفسيمو

وتحياتي يا دكتور تهامى

ياأهلا وسهلايا دحسام وعقبال ماتعمل لاندنج بأذن الله.

[moheltohamy]

(تورونتو بلد قديمة، زحمة، مليانة اشارات، شوارع ضيقة، ترام مضيقها أكتر، ناس كتييييييير، أبراج طويييييييلللللللة ماتجيبش أخرها من شباك العربية، أنا بصراحة اتقبضت لما دخلتها مقارنة بست ستها مسيساجا)

مانتا كنت ماشي كويّس...

وعمّالين نقول الراجل ده زي الفل ، وبتاع من ده!

بتغلط ليه في تورونتو دلوقتي؟! :blink:

على فكرة هوة فعلا ما لقطش أقمار لأن طبقا لرواية زوجتي وهي مستشاري الالكتروني ان الGPS علشان يصحى ويعمل دماغ توصيل بيعتمد على 24 قمر صناعي يعني ممكن وهوة بيوصلك يكون بيخدم عليه قمر، قمرين، 3، 5، 10، أو أكتر وبالتالي بيقدر يدلك على الطريق ويقوللك فاضل قد ايه.

أقول لك أنا الزبدة (على رأي السعوديين)... الخلاصة يعني.

الجي بي إس ، أو النافيجيتور بيحدد موقعه بناءً على اتصاله بـ 3 أقمار صناعية على الأقل ، لو قمرين أو أقل ما يقدرش يحدد موقعه. وعدد الأقمار الموجودة حول الأرض ، والمخصصة للـ GPS services يبقوا 24 قمر ، يكفي تحقق إشارة واضحة مع 3 منهم عشان تحدد موقعك ع الخريطة ، وكل ما زاد عدد الأقمار كل ما زادت دقة تحديد الموقع.

ولو تحب تاخد فكرة عن فكرة عمل الـ GPS... اتفضل GPS Tutorial

في منطقة الداون تاون ، وبالذات في الـ Financial District اللي مليانة أبراج تتجاوز الـ 60 دور ، وبالتالي بتسيب (نافذة) ضيقة جداً ، مستحيل تسمح بمرور إشارة الـ GPS لـ 3 أقمار. وللتغلب على العائق ده (عدم التمكن من تحقيق تواصل مع 3 أقمار) لمسافة معينة زي وسط تورونتو ، أو في نفق أو تحت كوبري متعدد الفروع (برضه في الداون تاون تورونتو) ، أصبح هناك تقنية تسمّى Enhanced Positioning Technology ، ودي إن الجهاز اللي معاك بيتابع سرعة تحرّك المركبة واتجاهها على الخريطة ، ومع انقطاع الاتصال بالقمر الصناعي ، بيستمر في تخمين وتوقع مكانك حسب اتجاه سيرك وسرعته. طبعاً التوقع ده مش بيكون بالدقة العالية ، بس بيكون كافي مؤقتاً ، حتى معاودة الاتصال بالأقمار تاني.

وأحب أقول لك إن الخاصية دي توووحفة... ممتعة فعلاً ، وجربتها بنفسي في منطقة الداون تاون تورونتو مع الواد التوم توم الجزمة بتاعي ، اللي برضه شفت منه حركان نقص وخيانة في مواقف تخوّف... ولنا حديث طويل فيها بعدين.

آدينا ساندين معاك آهوه ، وعمّالين بنلف بالمشاريب ع الناس...

على الله تغلط في تورونتو تاني... أنا باقول لك آهوه

[moheltohamy]

بمناسبه ال gps هل صحيح ال نافيجاتور المتخصص بيعمل مجانى فى كل مكان اما النافيجاتور اللى فى الموبايل او اللى فى palmpc لازم يتحين كل شويه من رصيدك اللى فى شريحه الموبايل

والا ايه النظام بالضبط

مش عارف والله يا أيهاب ايه نظام جهاز الGPS. اللي أعرفه هوه الموبايل وان لازم يكون على الroaming بنفس شريحة بلدك. يعني لو حطيت شريحة كندي ممكن ما يشتغلش نافيجاشن علشان الأعدادات موجودة على الشريحة الأصلية.

أقول أنا...

خدمة الـ GPS مجانية تماماً... القصة كلها في الخريطة ، لو الخريطة متاحة على الجهاز (سواء موبايل أو GPS) يبقى خلاص. أفتكر إني كنت نزلت خريطة كندا لبرنامج الجارمن بمساحة 1.1 جيجا بايت على النوكيا N95. دي بالتأكيد مش محتاجة تنزل حاجة من ع النت. فيه برامج تانية ما بتكونش الخريطة بالكامل متاحة على الجهاز ، وبينزل الجزء اللي بتستخدمه فقط ، ودي بيعمل لها داونلود من ع النت على حسب إعداداتك للنت رومنج أو واي فاي أو غيره ، وممكن تمنعه يدخل أونلاين أصلاً لو تحب ، بس ده ممكن ما يشغلش الـ GPS أصلاً لو الخريطة ما كانتش عليه.

وأنا شايف إن الأفضل تشتريلك جهاز GPS (أسعاره بتبدأ من 100 دولار ، مش كارثة يعني) ، ولو حبيت تأجره بتدفع إيجار يومي من 7-10 دولار. فكوا الكيس بقى شوية يا جدعان ، وبحبحوها على نفسكوا شوية! :blink:

[SoSo R]

مساء الخير:

أنا ليا تعليق على موضوع الجى بى إس...

عشت شوية ذل تمام لما كان الأمتحان بتاعى فى تورنتو عشان بدور على حد يودينى ومش لاقية..

والسبب إنى صعب أسوق كل المسافة دى لحد الداون تاون وأنا أعصابى تلفانة بسبب الأمتحان...

تانى حاجة اللى بتحكى عليه يا دكتور محمد...إن الجى بى إس مش هيلقط السيجنال فى الداون تاون ووسط المبانى العالية...

دة غير إن مافيهاش هزار يعنى لو تهت ولا غيره...طار الأمتحان..

غير موضوع الباركينج وشيلان همه...

المهم لقيت واحدة أعرفها داخلة الأمتحان وجوزها هيوصلها ومعاهم مكان فاضى فى العربية...أصلها كانت معاها حمولة كاملة :blink:

بس كان لازم أروح لبيتها فى سكوير وان ودة خلانى أنزل من البيت الساعة خمسة ونصف صباحا والجو كان ضلمة وكئيب كأن الساعة خمسة بليل...

دة غير بأه إن جوزها كتلة من التشاؤم ...راجل طيب بس مش شايف ولا ميزة فى كندا...

لدرجة واحدة من اللى راكبين...بتقولى ياسوسو...هى كندا وحشة قوى كدة؟!!! smk:

يعنى مشوار الهجرة هينتهى بوضع شبه مصر :sad:

ماعلينا...دة برة الموضوع...

بس أنا برضه الجارمين عمل معايا دقات نقص محترمة...لأ ودايما تضبط فى ظروف طقسية هباب...كأنه متحالف ضدى...

ويا سلام بأه لو البنزين ع الآخر...

بابقى خلاص هاعيط :happy:

ومرة برضه كان راسه وألف جزمة وشبشب إنه يطلعنى من تول رود...اللى بيدفعه له فلوس..

ويلففنى ويرجع...

لغاية لما غيرت السيتينج فيما بعد..

تحياتى

سوسورانى

[ehabtaher]

بمناسبه ال gps هل صحيح ال نافيجاتور المتخصص بيعمل مجانى فى كل مكان اما النافيجاتور اللى فى الموبايل او اللى فى palmpc لازم يتحين كل شويه من رصيدك اللى فى شريحه الموبايل

والا ايه النظام بالضبط

مش عارف والله يا أيهاب ايه نظام جهاز الGPS. اللي أعرفه هوه الموبايل وان لازم يكون على الroaming بنفس شريحة بلدك. يعني لو حطيت شريحة كندي ممكن ما يشتغلش نافيجاشن علشان الأعدادات موجودة على الشريحة الأصلية.

أقول أنا...

خدمة الـ GPS مجانية تماماً... القصة كلها في الخريطة ، لو الخريطة متاحة على الجهاز (سواء موبايل أو GPS) يبقى خلاص. أفتكر إني كنت نزلت خريطة كندا لبرنامج الجارمن بمساحة 1.1 جيجا بايت على النوكيا N95. دي بالتأكيد مش محتاجة تنزل حاجة من ع النت. فيه برامج تانية ما بتكونش الخريطة بالكامل متاحة على الجهاز ، وبينزل الجزء اللي بتستخدمه فقط ، ودي بيعمل لها داونلود من ع النت على حسب إعداداتك للنت رومنج أو واي فاي أو غيره ، وممكن تمنعه يدخل أونلاين أصلاً لو تحب ، بس ده ممكن ما يشغلش الـ GPS أصلاً لو الخريطة ما كانتش عليه.

وأنا شايف إن الأفضل تشتريلك جهاز GPS (أسعاره بتبدأ من 100 دولار ، مش كارثة يعني) ، ولو حبيت تأجره بتدفع إيجار يومي من 7-10 دولار. فكوا الكيس بقى شوية يا جدعان ، وبحبحوها على نفسكوا شوية! :blink:

ياريس احنا وراك قول لينا نشترى ده حنشتريه ده وحش حنرميه بس انا شخصيا مقدرش افك الكيس الا لما اشتغل فى كندا

واى اوبشن تانى يبقى حاعمل زى اول سنه فى السعوديه لما ضحك علينا الكفيل وبقى بيديلنا 300 ريال فى الاسبوع علشان نعرف ناكل ونشرب ونكلم اهلنا فى مصر

اما المرتب فكان شايله لينا عنده علشان مانصرفهوش فى حاجات غير مفيده

يعنى قلبه على مصلحتنا يعنى

كندا برضه بتعمل كده

مش عايزاك تشتغل الا لما تتمرمط الاول علشان تحس بقيمه الشغل والمعادله والدراسه والعلم والبلد

ربنا يستر

[ehabtaher]

وبعدين الخريطه 1 جيجا بايت

هو الذاكره بتاعه النوكيا اد ايه

وبتنزل الخريطه منين

طيب اذا كان البالم بى سى كل الذاكره بتاعته 512 ميجا يبقى حيحط الخريطه فين :blink:

[myusername]

وبعدين الخريطه 1 جيجا بايت

هو الذاكره بتاعه النوكيا اد ايه

وبتنزل الخريطه منين

طيب اذا كان البالم بى سى كل الذاكره بتاعته 512 ميجا يبقى حيحط الخريطه فين :blink:

النوكيا اللى معايه ذاكرته 16 جيجا بايت. معايا n96 و الجى بى اس شغال مية مية هنا فى مصر... بس بستعمل خرايط جووجل.

[CAPHCYMO]

(تورونتو بلد قديمة، زحمة، مليانة اشارات، شوارع ضيقة، ترام مضيقها أكتر، ناس كتييييييير، أبراج طويييييييلللللللة ماتجيبش أخرها من شباك العربية، أنا بصراحة اتقبضت لما دخلتها مقارنة بست ستها مسيساجا)

مانتا كنت ماشي كويّس...

وعمّالين نقول الراجل ده زي الفل ، وبتاع من ده!

بتغلط ليه في تورونتو دلوقتي؟! :sad:

على فكرة هوة فعلا ما لقطش أقمار لأن طبقا لرواية زوجتي وهي مستشاري الالكتروني ان الGPS علشان يصحى ويعمل دماغ توصيل بيعتمد على 24 قمر صناعي يعني ممكن وهوة بيوصلك يكون بيخدم عليه قمر، قمرين، 3، 5، 10، أو أكتر وبالتالي بيقدر يدلك على الطريق ويقوللك فاضل قد ايه.

أقول لك أنا الزبدة (على رأي السعوديين)... الخلاصة يعني.

الجي بي إس ، أو النافيجيتور بيحدد موقعه بناءً على اتصاله بـ 3 أقمار صناعية على الأقل ، لو قمرين أو أقل ما يقدرش يحدد موقعه. وعدد الأقمار الموجودة حول الأرض ، والمخصصة للـ GPS services يبقوا 24 قمر ، يكفي تحقق إشارة واضحة مع 3 منهم عشان تحدد موقعك ع الخريطة ، وكل ما زاد عدد الأقمار كل ما زادت دقة تحديد الموقع.

ولو تحب تاخد فكرة عن فكرة عمل الـ GPS... اتفضل GPS Tutorial

في منطقة الداون تاون ، وبالذات في الـ Financial District اللي مليانة أبراج تتجاوز الـ 60 دور ، وبالتالي بتسيب (نافذة) ضيقة جداً ، مستحيل تسمح بمرور إشارة الـ GPS لـ 3 أقمار. وللتغلب على العائق ده (عدم التمكن من تحقيق تواصل مع 3 أقمار) لمسافة معينة زي وسط تورونتو ، أو في نفق أو تحت كوبري متعدد الفروع (برضه في الداون تاون تورونتو) ، أصبح هناك تقنية تسمّى Enhanced Positioning Technology ، ودي إن الجهاز اللي معاك بيتابع سرعة تحرّك المركبة واتجاهها على الخريطة ، ومع انقطاع الاتصال بالقمر الصناعي ، بيستمر في تخمين وتوقع مكانك حسب اتجاه سيرك وسرعته. طبعاً التوقع ده مش بيكون بالدقة العالية ، بس بيكون كافي مؤقتاً ، حتى معاودة الاتصال بالأقمار تاني.

وأحب أقول لك إن الخاصية دي توووحفة... ممتعة فعلاً ، وجربتها بنفسي في منطقة الداون تاون تورونتو مع الواد التوم توم الجزمة بتاعي ، اللي برضه شفت منه حركان نقص وخيانة في مواقف تخوّف... ولنا حديث طويل فيها بعدين.

آدينا ساندين معاك آهوه ، وعمّالين بنلف بالمشاريب ع الناس...

على الله تغلط في تورونتو تاني... أنا باقول لك آهوه

توبة يا تهامي باشا وما عاش اللي يجيب سيرة تورنتو بحاجة وحشة بعد كدة. دي حاتة بلد إليجانس و تاريخها زي الفل بس هية مش واخدة بالها من نفسها . وبعدين هية بوظت سمعتها واللي بعترت كرامتها، دة أنا لسة قاري قريب في stars newspaper انهم حينظموا فيها فرح في الشاااااارع للشواذ :lol: . دة اسمه كلام يا تهامي باشا وبعدين كانوا حاطين على موقع الجريدة خريطة بدرجات مختلفة من اللون الأخضر بتبين توزيع الشواذ في كندا وأتاري تورونتو يا حبة عيني واخدة أغمق لون أخضر يدل على أعلى نسبة شواذ فيكي يا كندا وبتفوق ملحوظ عن باقي البلد . أنا ضد كل ما يسيء لتورونتو :lol: وادعو لأن تحذو حذو أختها الصغيرة الشريفة Mississauga. أنا شكلي كدة عكككيتها زيادة، أرجو الناس تلحقني قبل ماالتهامي يقطعني حتت .

مهما حصل من تقطيع برضه لازم أشكرك يا تهامي على معلومات الGPS القيمة (صحيح انته دكتور ولا مهندس) كلام الGPS بيوحيلي انك مهندس كبير. عموما بخصوص الخرائط انا الخرائط already كانت نازلة على الموبايل (نورث اميركا و أفريكا و الخليج) يعني السحب من الرصيد له سبب تاني أعتقد ممكن يكون الroaming. موضوع تشتري جهاز GPS انا حاعمله باذن الله لما استقرEnhanced Positioning Technology ونشوف اذا كان حيقدر يظبطنا في تورونتو ولا لأ :lol: .

[CAPHCYMO]

مساء الخير:

أنا ليا تعليق على موضوع الجى بى إس...

عشت شوية ذل تمام لما كان الأمتحان بتاعى فى تورنتو عشان بدور على حد يودينى ومش لاقية..

والسبب إنى صعب أسوق كل المسافة دى لحد الداون تاون وأنا أعصابى تلفانة بسبب الأمتحان...

تانى حاجة اللى بتحكى عليه يا دكتور محمد...إن الجى بى إس مش هيلقط السيجنال فى الداون تاون ووسط المبانى العالية...

دة غير إن مافيهاش هزار يعنى لو تهت ولا غيره...طار الأمتحان..

غير موضوع الباركينج وشيلان همه...

المهم لقيت واحدة أعرفها داخلة الأمتحان وجوزها هيوصلها ومعاهم مكان فاضى فى العربية...أصلها كانت معاها حمولة كاملة

بس كان لازم أروح لبيتها فى سكوير وان ودة خلانى أنزل من البيت الساعة خمسة ونصف صباحا والجو كان ضلمة وكئيب كأن الساعة خمسة بليل...

دة غير بأه إن جوزها كتلة من التشاؤم ...راجل طيب بس مش شايف ولا ميزة فى كندا...

لدرجة واحدة من اللى راكبين...بتقولى ياسوسو...هى كندا وحشة قوى كدة؟!!!

يعنى مشوار الهجرة هينتهى بوضع شبه مصر :lol:

ماعلينا...دة برة الموضوع...

بس أنا برضه الجارمين عمل معايا دقات نقص محترمة...لأ ودايما تضبط فى ظروف طقسية هباب...كأنه متحالف ضدى...

ويا سلام بأه لو البنزين ع الآخر...

بابقى خلاص هاعيط

ومرة برضه كان راسه وألف جزمة وشبشب إنه يطلعنى من تول رود...اللى بيدفعه له فلوس..

ويلففنى ويرجع...

لغاية لما غيرت السيتينج فيما بعد..

تحياتى

سوسورانى

كلامك يا دسوسو وكلام التهامي وتجربتي علمني حاجة لو حنعتمد على الGPS في مشوار مهم يبقى لازم نعمل حساب الخيانة اللي ممكن تحصل في أي لحظة والواحد يدي نفسه وقت زيادة احتياطي علشان ما يكونش الGPS سبب في كوارث لا تحمد عقباها ان كان امتحان، ميعاد طيارة، أو غيره. كمان أفضل ندخل الداون تاون من غير عربية خالص أو نركب في عربية جوز صاحبتك :lol: بس على الله ما يعكننش علينا قبل الأمتحان :lol: زي ما عمل معاكم. اكيد دماغ الqualifying exam اللي كنتو عاملينها باظت في التوصيلة دي. صحيح هوة ليه متشائم، هل مشكلته في انه زي حالات ناس كتير في وضعه مش لاقي شغل مناسب. لو كدة أنا عاذره لأن دي فترة مش سهلة بس عايزة هدوء أعصاب وتوكل على الله بس الظاهر حظكوا ان مزاجه الساعة دي كان في الأرض.

موضوع التول رود أكيد لازم الواحد ياخد باله منه والمرة الجاية لازم اظبطه.

أنا كان لية سؤال بروفشنال يا د سوسو بس لازم أجي أسأله بعدين في قهوتك:sad:

[CAPHCYMO]

وبعدين الخريطه 1 جيجا بايت

هو الذاكره بتاعه النوكيا اد ايه

وبتنزل الخريطه منين

طيب اذا كان البالم بى سى كل الذاكره بتاعته 512 ميجا يبقى حيحط الخريطه فين

عزيزي ايهاب

أنا موبايلي كانت ذاكرته 1 جيجا شلتها واشتريت كارتة 4 جيجا بحوالي 6 ريال عماني (60 سعودي) وحطيت عليها كل الخرائط اللي عايزها والذاكرة فاضت.

[somayasaleh]

زميلنا العزيز...

أنا سمحت لنفسي أنقل مشاركاتك في موضوع منفصل...

نصائح بهذا الجمال مش المفروض تدفن داخل موضوع آخر.

وتحت أمرك لو حبيت تختار العنوان ، أنا حطيت حاجة كده على ما أوسوم ، لغاية ما تختار العنوان اللي تفضله. وأتمنى ما يكونش في ده حمل عليك.

ملحوظة... أنا متأكد إنه هيكون حمل عليك ، وحمل ونص كمان

ربنا يعينك بقى

أنا والله قاصد ان الموضوع يكون مدفون لأني مش حريف منتديات يا دكتور تهامي بس أنا كنت عايز بس أرد جزء من جميل المنتدى عليا و أكسب ثواب ودعاء من الناس الصالحين زوار المنتدى. عموما أكن لك جزيل الشكر على اهتمامك والعنوان اللي اخترته زي الفل و لكني ما زلت أؤكد انها مجرد نصائح مش حكايات لأن الحكايات فيها تكرار و أنا مش حاقدر أنافس الباشمهندس زناتي في حكاياته اللي أنا كمان بتابعها شخصيا. باشكرك تاني وخليك معايا على الخط لو حبيت استعين بصديق :)

بسم الله ما شاء الله.....الواحد يغيب كام يوم يلاقي القهاوي اتفتحت والمشاريب نزلت....والناس داخلة وطالعة

ماشاء الله يا دكتور محمد....نصائح غالية ومفيدة جدا شكرا لحضرتك .....وفي انتظار باقي الخواطر

وشكرا خاص للدكتور تهامي علي وضع الموضع في توبك لوحده....لان ناس كتيرة ماعندهاش وقت تقرأ كل المواضيع

ونصائح غالية زي ده كان مسيرها النسيان والضياع في الزحام

[ناوية ع الهجرة]

بسم الله ما شاء الله.....الواحد يغيب كام يوم يلاقي القهاوي اتفتحت والمشاريب نزلت....والناس داخلة وطالعة

ماشاء الله يا دكتور محمد....نصائح غالية ومفيدة جدا شكرا لحضرتك .....وفي انتظار باقي الخواطر

وشكرا خاص للدكتور تهامي علي وضع الموضع في توبك لوحده....لان ناس كتيرة ماعندهاش وقت تقرأ كل المواضيع

ونصائح غالية زي ده كان مسيرها النسيان والضياع في الزحام

سمسمة حبيبتي حمدلله على السلامة وحشتينا والله

المنتدى كان وحش من غير اعمدته الاساسية انت وباشمهندس زناتي وباشمهندس ايهاب

يارب يجمعنا كلنا على خير في كندا ويالله جمعية سوسو راني للنساء المتوحشات قصدي الحلوات مستنياكي تنضمي لها

شكر خاص لصاحب التوبيك اللي اتدبس فيه ولقى نفسه صاحب قهوة قد الدنيا

جزاك الله خير وجعله في ميزان حسناتك

[CAPHCYMO]

زميلنا العزيز...

أنا سمحت لنفسي أنقل مشاركاتك في موضوع منفصل...

نصائح بهذا الجمال مش المفروض تدفن داخل موضوع آخر.

وتحت أمرك لو حبيت تختار العنوان ، أنا حطيت حاجة كده على ما أوسوم ، لغاية ما تختار العنوان اللي تفضله. وأتمنى ما يكونش في ده حمل عليك.

ملحوظة... أنا متأكد إنه هيكون حمل عليك ، وحمل ونص كمان :lol:

ربنا يعينك بقى :blink:

أنا والله قاصد ان الموضوع يكون مدفون لأني مش حريف منتديات يا دكتور تهامي بس أنا كنت عايز بس أرد جزء من جميل المنتدى عليا و أكسب ثواب ودعاء من الناس الصالحين زوار المنتدى. عموما أكن لك جزيل الشكر على اهتمامك والعنوان اللي اخترته زي الفل و لكني ما زلت أؤكد انها مجرد نصائح مش حكايات لأن الحكايات فيها تكرار و أنا مش حاقدر أنافس الباشمهندس زناتي في حكاياته اللي أنا كمان بتابعها شخصيا. باشكرك تاني وخليك معايا على الخط لو حبيت استعين بصديق :lol:

بسم الله ما شاء الله.....الواحد يغيب كام يوم يلاقي القهاوي اتفتحت والمشاريب نزلت....والناس داخلة وطالعة

ماشاء الله يا دكتور محمد....نصائح غالية ومفيدة جدا شكرا لحضرتك .....وفي انتظار باقي الخواطر

وشكرا خاص للدكتور تهامي علي وضع الموضع في توبك لوحده....لان ناس كتيرة ماعندهاش وقت تقرأ كل المواضيع

ونصائح غالية زي ده كان مسيرها النسيان والضياع في الزحام

بسم الله ما شاء الله.....الواحد يغيب كام يوم يلاقي القهاوي اتفتحت والمشاريب نزلت....والناس داخلة وطالعة :lol:

ماشاء الله يا دكتور محمد....نصائح غالية ومفيدة جدا شكرا لحضرتك .....وفي انتظار باقي الخواطر

وشكرا خاص للدكتور تهامي علي وضع الموضع في توبك لوحده....لان ناس كتيرة ماعندهاش وقت تقرأ كل المواضيع

ونصائح غالية زي ده كان مسيرها النسيان والضياع في الزحام

سمسمة حبيبتي حمدلله على السلامة وحشتينا والله

المنتدى كان وحش من غير اعمدته الاساسية انت وباشمهندس زناتي وباشمهندس ايهاب

يارب يجمعنا كلنا على خير في كندا ويالله جمعية سوسو راني للنساء المتوحشات قصدي الحلوات مستنياكي تنضمي لها

شكر خاص لصاحب التوبيك اللي اتدبس فيه ولقى نفسه صاحب قهوة قد الدنيا

جزاك الله خير وجعله في ميزان حسناتك

الأخوات سمية صالح و ناوية على الهجرة جزاكم الله خيرا على الدعاء و ربنا يسهل لكم طريق الهجرة ويقرب البعيد باذن الله.

[CAPHCYMO]

أنا بس عايز أوضح نقطتين أتسألت عليهم من د صفاء و أ محمد جمال:د صفاء سألت عن طريقة حجز الفندق: أحسن طريقة لحجز الفندق تعملي تشيك أب على 3 مواقع بعد ما تحددي فندق معين ترتاحي له:

www.expedia.com

www.booking.com

+ الموقع الرسمي للفندق على سبيل المثال الفندق بتاعي

http://homewoodsuites1.hilton.com/en_US/hw...ntario/index.do

المقارنة بتكون في السعر لأنه في معظم الأحيان بيختلف من موقع للتاني

بالنسبة لسؤال أمحمد جمال عن الفنادق والمواصلات:

الفنادق حتكون كما سبق مع الدكتورة صفاء. مسألة ميزانية الفندق انت اللي بتحددها حسب احتاجاتك وامكاناتك انا الفندق اللي حجزته في مسيساجا كان بحوالي 170 CAD في الليلة :blink: طبعا كتير حيقولوا كتييييييييييير أنا حسبتها لقيت انه أفضل عرض وقتها من حيث: قربه من المطار في أول يوم للوصول + الفندق كله سويتات يعني غرفة ليك والتانية ليفينج للعيال بعيد عن الدوشة و يناموا على sofa bed + الأفطار اللي قلتلكو عليه + الفري باركنج + الفري انترنت

في حاجة ظريفة جدا كان الفندق بيعمله، وهي عبارة عن free welcome dinner (نفس فكرة الفطار بس بدل الجبنة و الوايت بينز و البيض بيحطو رز ولحمة أو فراخ) مشكلة البوفيه دة ان اللحم والفراخ استحالة ناكلها وبالتالي كنا بنقضيها سلطات و مخبوزات و مشروبات بس الموضوع دة بيتعمل كل أيام الأسبوع ومافيش free dinner في الويك اند السبت والأحد.

ممكن تلاقي حاجات أرخص بس مش كل المزايا دي حتتجمع لك و ممكن ربنا يكرمك بأكتر منها و بسعر أرخص ودي بأة اللي اسمها أرزاق مش شطارة

المواصلات أنا عرفت ان في تقريبا اشتراك في المواصلات العامة (حوالي 35-30 CAD للفرد في الأسبوع) لو عايز تستعمل ترام و أتوبيس و أشياء من هذا القبيل. الأفضل وجود سيارة لو معاك أطفال أو حتى لو فري (عزابي) علشان تدي نفسك فرصة تنطلق برة تورونتو و مسيساجا لأن رحلة اللندنج يفضل تشوف فيه اكتر من بلد جوة نفس المقاطعة، دة بيديلك فكرة عن ستايل البلد و امكانية تفضيللك للسكن في واحدة منهم مقارنة بلأخريات (في حالتي أنا حبيت لندن). أنا بالعربية قدرت أروح لندن، أوكفيل، هاميلتون، سانت كاترين، و نياجرا انما لو ماعيش عربية حاقعد في تورونتو أو مسيساجا ومش حاتعتع منها الا على المطار. كمان العربية فرصة تعمل بيها تريننج على شوارع كندا و جو السواقة فيها دة اعتقد مهم جدا قبل ماتدخل على الدرايف تست. ايجار العربية ممكن في رانج 50-60 دولار في اليوم مع التأمين الشامل.

أطيب تمنياتي بالتوفيق

[ehabtaher]

50 * 60 = 3000

يعى لو الواحد عايز يعمل لاندنج شهرين لازم وبالتاكيد يشترى عربيه ويبيعها وهو ماشى

عايزين نعرف القصه دى بالتفصيل تكلف قد ايه تامين لمده شهرين ومصاريف نقل الملكيه الشهرين دول وهل ينفع مثلا توكيل من حد قاعد هناك لمده شهرين وبعدين خدها تانى ياخدها واحد تانى عايز يعمل لاندنج بعد كده مع التخفيض فى السعر

ولازم بالتاكيد يقعد فى شقه ايجار لمده شهرين

[CAPHCYMO]

أكيد يا ايهاب لو قعدت شهرين بالنظام بتاعي (عربية + فندق + مصاريف معيشة) يبقى عايزلك حوالي 10000 CAD. دة لا يصلح الا short term.

انما لو حاتطول يبقى فعلا ممكن تشتري عربية، حل أكتر من رائع + شقة مفروشة يبقى كدة تمام أوي.

[safaalabana]

أنا بس عايز أوضح نقطتين أتسألت عليهم من د صفاء و أ محمد جمال:د صفاء سألت عن طريقة حجز الفندق: أحسن طريقة لحجز الفندق تعملي تشيك أب على 3 مواقع بعد ما تحددي فندق معين ترتاحي له:

www.expedia.com

www.booking.com

+ الموقع الرسمي للفندق على سبيل المثال الفندق بتاعي

http://homewoodsuites1.hilton.com/en_US/hw...ntario/index.do

المقارنة بتكون في السعر لأنه في معظم الأحيان بيختلف من موقع للتاني

بالنسبة لسؤال أمحمد جمال عن الفنادق والمواصلات:

الفنادق حتكون كما سبق مع الدكتورة صفاء. مسألة ميزانية الفندق انت اللي بتحددها حسب احتاجاتك وامكاناتك انا الفندق اللي حجزته في مسيساجا كان بحوالي 170 CAD في الليلة :blush2: طبعا كتير حيقولوا كتييييييييييير أنا حسبتها لقيت انه أفضل عرض وقتها من حيث: قربه من المطار في أول يوم للوصول + الفندق كله سويتات يعني غرفة ليك والتانية ليفينج للعيال بعيد عن الدوشة و يناموا على sofa bed + الأفطار اللي قلتلكو عليه + الفري باركنج + الفري انترنت

في حاجة ظريفة جدا كان الفندق بيعمله، وهي عبارة عن free welcome dinner (نفس فكرة الفطار بس بدل الجبنة و الوايت بينز و البيض بيحطو رز ولحمة أو فراخ) مشكلة البوفيه دة ان اللحم والفراخ استحالة ناكلها وبالتالي كنا بنقضيها سلطات و مخبوزات و مشروبات بس الموضوع دة بيتعمل كل أيام الأسبوع ومافيش free dinner في الويك اند السبت والأحد.

ممكن تلاقي حاجات أرخص بس مش كل المزايا دي حتتجمع لك و ممكن ربنا يكرمك بأكتر منها و بسعر أرخص ودي بأة اللي اسمها أرزاق مش شطارة wst::

المواصلات أنا عرفت ان في تقريبا اشتراك في المواصلات العامة (حوالي 35-30 CAD للفرد في الأسبوع) لو عايز تستعمل ترام و أتوبيس و أشياء من هذا القبيل. الأفضل وجود سيارة لو معاك أطفال أو حتى لو فري (عزابي) علشان تدي نفسك فرصة تنطلق برة تورونتو و مسيساجا لأن رحلة اللندنج يفضل تشوف فيه اكتر من بلد جوة نفس المقاطعة، دة بيديلك فكرة عن ستايل البلد و امكانية تفضيللك للسكن في واحدة منهم مقارنة بلأخريات (في حالتي أنا حبيت لندن). أنا بالعربية قدرت أروح لندن، أوكفيل، هاميلتون، سانت كاترين، و نياجرا انما لو ماعيش عربية حاقعد في تورونتو أو مسيساجا ومش حاتعتع منها الا على المطار. كمان العربية فرصة تعمل بيها تريننج على شوارع كندا و جو السواقة فيها دة اعتقد مهم جدا قبل ماتدخل على الدرايف تست. ايجار العربية ممكن في رانج 50-60 دولار في اليوم مع التأمين الشامل.

أطيب تمنياتي بالتوفيق

جزاك الله الف خير يا د كافسيمو ... اقتراح الفندق جميل وممكن يتحجز ايام معدوده وبعدين الواحد يشوف الشقق المفروشه بنفسه ويختار ...بس يعنى السويت ده مساحته معقوله انا عندى بنتين وولدين... :ninja:

[CAPHCYMO]

وجزاكي يل د صفاء

هوه السويت مش حيقول لأ بس ادارة الفندق حترفض. أنا دخلت دلوقتي على سايت الفندق وطلبت سويت ل2+4 أبناء طلع لي سويت بس بغرفتين نوم مش واحدة. المشكلة انه حيكون غالي تمنه حوالي 340 CAD :blush2: أعتقد في الحالة دي الموضوع عايز دراسة أعمق :ninja: wst:: يعني مجرد تبحثي عن غرف فندقية بتتسع لعدد 6 أفراد و أنا شفت حاجات كتير كدة على booking.com بيبقى موضح الحد الأقصى في الغرفة الواحدة وفعلا كنت بلاقي غرف بتاخد 6 أفراد لكن دي عايزة تمسكيهم فندق فندق :) وربنا حيفرجها أكيد

[اسكندرانيةكنداوية]

تسجيل متابعة و شكرا على المعلومات يا د/ كافسيمو جزاك الله خير