نصائح وخواطر حول اللاندنج

[somayasaleh]

اعتقد ان الافضل ان الواحد يشحن معاه كبل من مصر احتياطي

شكرا دكتور محمد علي الحلقة الخامسة......

في انتظار باقي الخواطر والملاحظات

وربنا يوفقك ويبارك لك يارب علي وقتك اللي بتفيد به باقي االاعضاء

ويجعل كل ما تقوم به في ميزان حسناتك ان شاء الله

[CAPHCYMO]

النصيحه انك لما تنسى النور مفتوح تبقى تخللى فى جيبك 15 دولار علشان لما تلاقى سواق تاكسى مزنوق فى الفلوس شويتين وحب يستغل نقطه ضعفك تبقى تديهم له :wub: :sad: بس اوعى wst:: لحسن :lol:

دكتور CAPHCYMO

حسن تصرفك هو الدرس... ده فى رأيى.

بصراحة... الواحد و هو فى بلد غريبة - خاصة لو رايح جديد - بيبقى قلقان, و ساعات بيفقد قدرته عالتصرف بشكل سليم.

أخواني الأعزاء

كل واحد أكيد أتعلم حاجة من الموقف دة. الموقف اللي حكيته خلاص عرفنا حله كلنا :sad: ، بس أهم نصيحة أنصحها لنفسي و ليكم بدعاء السفر و بالتوكل على الله حتى يجعل لنا من بعد كل عسر يسرا ومن كل كرب مخرجا. دائما طوال السفر لاتنسى ذكر الله ولا تنسى تدعيلي معاك وانته مسافر لأن دعاء المسافر مستجابsmk:. من الأشياء المهمة استحضار النية قبل السفر وخلاله في أن يكون فيما يرضي الله ورسوله. أنا عملت لنفسي دعاء صغير وبدأت أدعي بيه في أذكاري المعتادة يلخص ما أريده من هذه الهجرة (اللهم اني أسألك في هذه الهجرة علماً نافعا ورزقا طيبا وعملا متقبلا) وسأدعو به ليل نهار في هجرتي حتى لا أنسى ما جئت من أجله وحتى أستأنس بمعية الله في الهجرة. لو عجبكم الدعاء أرجوكم خليه في وردكم اليومي يمكن أكون سنيت سنة حسنة تنفعني و تنفعكم يوم القيامة.

ما تنسوش تحملوا على التليفون برنامج مواقيت الصلاة المجاني (Mobile Athan) من سايت islamic finder وعنوانه

http://www.islamicfinder.org/mobile/index.php كمان حتلاقي على نفس البرنامج ازاي تحدد اتجاه القبلة وبعدين بعد ماتعرف اتجاهها تروح فاتح البوصلة الألكترونية اللي حتلاقيها على النافيجاتور بتاعك علشان تعرف انته فين من مكه وبعدين افرش مصليتك وصلي وادعيلي. لو أمكن حاول برضه تشتري بوصلة يدوية لأن الألكترونية ساعات بتعلق ومابتديش اتجاهات.

النصيحة السادسة انشاء الله حتكون عن الكلاب والتعالب :D

[ramyfathalla]

ايه رأيك يا د/CAPHCYMO ان النصيحة دى هى أحسن نصيحة و الدعاء اللى أنت سنته دعاء جميل و ان شاء الله أنا حادعى بيه و ان شاء الله ربنا يتقبل منا و منكم و يجعله فى ميزان حساناتك

[safaalabana]

متبابعين يافندم ...وفى اول صف اهوه ...شد حيلك شويه يادكتور كافسيمو الباشمهندس زناتى سبقك وفى الصور دلوقتلى ...بحبحها شويه وكبر الحلقات lmo:

[CAPHCYMO]

اعتقد ان الافضل ان الواحد يشحن معاه كبل من مصر احتياطي

شكرا دكتور محمد علي الحلقة الخامسة......

في انتظار باقي الخواطر والملاحظات

وربنا يوفقك ويبارك لك يارب علي وقتك اللي بتفيد به باقي االاعضاء

ويجعل كل ما تقوم به في ميزان حسناتك ان شاء الله

جزاكي الله خيراً يا أخت سمية على الدعاء. أنا أعتقد لو حبينا نجيب حاجات احتياطي معانا من مصر زي الكابل. انشاء الله ربنا يسلم لك طريقك وطريق كل الأعضاء من كل كابل، آآآآآآمين

[CAPHCYMO]

ايه رأيك يا د/CAPHCYMO ان النصيحة دى هى أحسن نصيحة و الدعاء اللى أنت سنته دعاء جميل و ان شاء الله أنا حادعى بيه و ان شاء الله ربنا يتقبل منا و منكم و يجعله فى ميزان حسناتك

آآآآآمين يا أستاذي العزيز رامي فتح الله، أنا متابع مداخلاتك الجميلة والردود الأجمل مع الدكتور الرائع MoeTdot ربنا ينفعنا واياكم بالمنتدى الرائع دة ويكون سبب في تنوير القلوب قبل العقول. ربنا ينور قلوب وعقول حبايبنا اللي في مصر، لسة قاري في المصري اليوم انهم حيبيعوا بترول مصر لمدة 6 سنين قدام وياخدوا فلوسه كاااااااااااااااش بسعر دلوقتي. احنا فعلا بقينا في زمن فتن تجعل الحليم فيها حيرااااااااااااااااااان

[ناوية ع الهجرة]

دكتور كافسيمو الف شكر على المعلومات الجميلة دي والدعاء الرائع اللي حضرتك فكرتنا بأهميته خلال الرحلة المجهولة دي

ربنا ييسر لك امورك كلها ويكتب لك الخير في كل مكان

[CAPHCYMO]

متبابعين يافندم ...وفى اول صف اهوه ...شد حيلك شويه يادكتور كافسيمو الباشمهندس زناتى سبقك وفى الصور دلوقتلى lmo: ...بحبحها شويه وكبر الحلقات

حبة حبة عليا يا دكتورة صفاء أصل أنا ماليش في الحكايات واللي انتي مش عارفاه ان أنا كمان منهمك في متابعة يوميات الباشمهندس زناتي فأرجو المعذرة clp:: . وبعدين لا يفتى ومالك في المدينة واذا وجد الماء بطل التيمم ، مش كدة ولا ايه.

[CAPHCYMO]

دكتور كافسيمو الف شكر على المعلومات الجميلة دي والدعاء الرائع اللي حضرتك فكرتنا بأهميته خلال الرحلة المجهولة دي

ربنا ييسر لك امورك كلها ويكتب لك الخير في كل مكان

وألف شكر ليكي على دعائك يا أخت ناوية. ربنا يكرمنا جميعا ونتقابل ونكون عونا لبعض في أرض الخير كندا

[adamdec]

الف شكر يا دوك على الموضوعات الجامده دى (لغة شباب و كده يعنى).

متابعة و منتظرة الحلقة القادمة

[safaalabana]

متبابعين يافندم ...وفى اول صف اهوه ...شد حيلك شويه يادكتور كافسيمو الباشمهندس زناتى سبقك وفى الصور دلوقتلى :sad: ...بحبحها شويه وكبر الحلقات lmo:

حبة حبة عليا يا دكتورة صفاء أصل أنا ماليش في الحكايات واللي انتي مش عارفاه ان أنا كمان منهمك في متابعة يوميات الباشمهندس زناتي فأرجو المعذرة :) . وبعدين لا يفتى ومالك في المدينة واذا وجد الماء بطل التيمم :lol: ، مش كدة ولا ايه.

يالا يا دكتور كافسيمو ..كلنا منتظرين النصيحه اللى عليها الدور...وبعدين هو باشمهندس زناتى ياخد اجازه حضرتك كمان تأجز!! طيب اهو مالك مش فى المدينه ياريت نسمع فتوتك ... :D ...

اوعى تزعل منى انا لقيت قهوتك فى الصفحه التالته ماهانتش عليا :lol:

[CAPHCYMO]

متبابعين يافندم ...وفى اول صف اهوه ...شد حيلك شويه يادكتور كافسيمو الباشمهندس زناتى سبقك وفى الصور دلوقتلى ...بحبحها شويه وكبر الحلقات lmo:

حبة حبة عليا يا دكتورة صفاء أصل أنا ماليش في الحكايات واللي انتي مش عارفاه ان أنا كمان منهمك في متابعة يوميات الباشمهندس زناتي فأرجو المعذرة :) . وبعدين لا يفتى ومالك في المدينة واذا وجد الماء بطل التيمم wst:: ، مش كدة ولا ايه.

يالا يا دكتور كافسيمو ..كلنا منتظرين النصيحه اللى عليها الدور...وبعدين هو باشمهندس زناتى ياخد اجازه حضرتك كمان تأجز!! طيب اهو مالك مش فى المدينه ياريت نسمع فتوتك ... :D ...

اوعى تزعل منى انا لقيت قهوتك فى الصفحه التالته ماهانتش عليا :blink:

أسف جدا على التأخير يا د صفاء بس أنا كنت قافل القهوة مؤازرة للدكتورة سوسوراني md2: ، وطالما هية قربت تفتح تاني في القريب العاجل ان شاء الله قلت ألحق لي كام زبون قبل ما تاكل الجو مني هيه كمان زي ما عمل الزناتي :) و خد كل الزباين وسابني أغني ظلموه :D

[CAPHCYMO]

النصيحة السادسة:

خلال أيام اللاندنج العشرة تجولنا في عدة مدن منها أوكفيل و لندن. المدن دي وأعتقد غيرها كتير في أونتاريو مشهورة بمساحات خضراء شاسعة وأفضل وصف ليها أنها غابات على امتداد البصر ما تعرفش أولها من أخرها. طبعا كسياح المنظر بيخطف الأبصار وتبقى عايز تستكشف هذه الأماكن الساحرة وهي ساحرة بمعنى الكلمة. علشان كدة من ضمن برنامجنا اليومي ان احنا صباحا لازم نزور واحدة من الباركات ديه. بعض هذه الباركات بيسموها national park ودي لما تكون كبيرة وفيها حياة طبيعية (natural life) و ما أدراك ما الناتشورال لايف.

صاب نصيحة: لازم تقرا كتير في الجرايد الكندية على النت منها تقوي النجليزي ومنها تسمع قصص ما بتتحكاش كتير كمان مهم تقرا عن الأماكن اللي بتروح تزورها.

المهم قريت شوية على الناشيونال باركس ولقيت انها عمرانة بأشكال وألوان من الأشجار والنباتات والطيور الجميلة مع قليل من الثعالب الحمراء والذئاب و الزواحف الرائعة wst:: . لو مش مصدقين خشوا عل السايت بتاع الناشيونال باركBronte creek في أوكفيل http://www.ontarioparks.com/english/bron-multiple.html لأني لما قريت الكلام ده قلت الناس دي أكيد بتهزر و بعدين دول بيقولوا اتمشى واركب عجل و كمان في سباحة. المهم رحنا و أول حاجة قابلتنا play ground قلت حلو والعيال هيصوا في الزحاليق والمراجيح، بس المدام أبت الا ان ندخل في العميق و نستكشف السحر والجمال بتاع البارك وقلتلها خلاص خلي الأولاد يلعبوا ونروح نتمشى.

صاب نصيحة: مش لازم دايما تسمع كلام مراتك وانته في كندا لأن ده ممكن يكلفكم حياتكم انتم الأتنين:)

المهم بدأنا نمشي على التريل trail أو الممشى قابلنا كلبين متوحشين زي الورد وماسكاهم ست عجوزة شيك بتتمشى بيهم أول ما شافتنا لقيتها ارتبكت وراحت مكلبشة في الطوق بتاع الكلبين علشان ما يهبشوناش وبادلناها التحية بابتسامة يشوبها الرعب من الكلبين. همة عدوا جنبي وكنا مش مستريحين لبعض لأني عندي فوبيا من الكلاب و الظاهر الكلبين شموا خبر وكانوا مش ناويين على خير lmo: (حاجة كده طول بعرض ومنقطين أبيض في أسود أو بني مش فاكر) المهم عدت، دخلنا واتصورنا واتوهمنا بالجو الخلاب و نسيم الغابة العليل بس لسة المدام عايزة تشوف أكتر وتستمتع بالطبيعة الساحرة لكني اضطريت اني اضغط بالرجوع للعيال لأنهم لوحدهم و بعدين تخيلت ان في اصوات فحيح وزئير و عواء وحاجات من دي كتير :blink: و الموضوع شكله كان حيقلب (طرزان في الغابة) :o

المهم بعد رجوعنا من كندا بشهر قريت خبر في جريدة كندية ان مطربة كندية كانت بتتمشى لوحدها في ناشيونال بارك في نوفاسكوتشيا وبعدييييين عارفين حصل لها اييييييييييييييييه، هجم عليها ديبين وأكلوها md2: . وأدي الدليل في الخبر اللي تحت، أنا وريته لمراتي واثبت لها ان الموضوع مش هزاااااااار

A Canadian singer/songwriter has been attacked and killed by two coyotes in a national park in eastern Canada, according to multiple tabloid reports. The folk musician from Ontario was hiking alone in Nova Scotia and walking along the Skyline Trail, one of the most scenic trails, when the normally shy animals brutally attacked her. Other hikers in the area heard her frantic screams and called the park rangers who shot one of the animals. With bites covering her entire body, Mitchell was then airlifted to a hospital in Halifax, where she was listed in critical condition. She died of her injuries Wednesday morning (Oct. 28) in the hospital.

صاب نصيحة: لو حصل لاااااااقدر الله و قابلت ديب أو تعلب بالصدفة، الخبراء ينصحون بألا توليه الأدبار لأنه أساسا بيخاف من الأنسان بس لو جريت منه حيجري وراك وحيوقعك وحيهبشك زي البنت المطربة، وربنا يستر من الباقي

تعقيبا على مخاوف الأخ العزيز الزناتي من كندا حبيت اضلمها خالص بالنقطة دي كمان:)، ويمكن دي أكتر حاجة ضايقتني وعكرت مزاجي في كندا، ألا وهي الكلاب. أنا طول ما أنا في البلد وبنروح باركات كنت بشوف كلاب من مختلف السلالات و كانت تشترك في حاجة واحدة انها كلها بترفع لي الأدرينالين للسقف و مراتي العكس تماما ربنا كان منزل عليها سكينة و مش في دماغها الموضوع أصلا :D لدرجة كنا في لندن في بارك مش فاكر اسمها والمدام بتجمع (للذكرى) ورق الmaple leaf (الورقة الشهيرة بتاعة علم كندا) لأننا كنا في الخريف وورق كتير كان على الأرض وكان في واحد ظريف جدا كان طالق الكلب بتاعه اللي شبه الديب وكان بيرمح حوالينا زي الأسد بسرعة 100 كم\ساعة، رحت قايلها أنا خلاااااااااااااااص جبت أخري ولازم نمشي حالا ونرجع للأولاد.

صاب نصيحة: خليك دايما على البر جنب الplay ground علشان دي بتبقى في أول البارك في الأمان لأن كل ما بتدخل جوه أكتر الموضوع مش مضمون وعلى رأي الزناتي تبقى بتلعب في عداد عمرك. كمان أحذر من أنك تدي الأمان للكلاب وتقول دي كلاب ولاد ناس والكلام دة لأني عملت بحث في الموضوع ولقيت احصائية بتقول ان 2% من سكان أمريكا ) حوالي 5 مليون نسمة من 250 مليون نسمة بيتعضوا سنويا و تلات أربع اللي بيتعضوا هما مالكي الكلاب أو أقاربهم أو أصحابهم فما بالك لو كنت غريب، أكيييييييييد الكلب حيقطعك.

ألا هل بلغت، اللهم فاشهد :D، واعذروني على حلقة الرعب دي بس أرجو أن تكون النصائح وصلت قبل فوات الأوان

[se_ Elsyed]

صاب نصيحة: مش لازم دايما تسمع كلام مراتك وانته في كندا لأن ده ممكن يكلفكم حياتكم انتم الأتنينwst::

وحياتك يا فندم ولا في غير كندا كمان ...

- بجد أُحييك على أسلوبك الشيق ومحاولاتك مساعدة باقي الأخوة المهاجرين او اللي ناويين على الهجرة ... والشكر والتحية موصوله لكل من لا يبخل بما لديه من معلومات ممكن ان تفيد باقي الزملاء ....

وتحيه خاصة لرائد المدرسة الكندية الأدبية اخويا الكبير الشامي اللي بأقول له وحشتنا وإحنا أتيتمنا من بعد ما سيبت جده ومشيت يا ريس... وشوفت الأمور فلتت إزاي والدنيا ضاعت والسيول بوظت المحصول ؟

تُهامي :

امر إداري .. أصرف للدكتور كوفتكاكس نص شهر مكافآه أي .. صُره من الدنانير الكندية ...

[Alrefaey]

عزيزى كافسيمو حلقة زى العســـــــــــــــــــــــــــل خد دى :angry:

[CAPHCYMO]

صاب نصيحة: مش لازم دايما تسمع كلام مراتك وانته في كندا لأن ده ممكن يكلفكم حياتكم انتم الأتنين;)

وحياتك يا فندم ولا في غير كندا كمان ...

- بجد أُحييك على أسلوبك الشيق ومحاولاتك مساعدة باقي الأخوة المهاجرين او اللي ناويين على الهجرة ... والشكر والتحية موصوله لكل من لا يبخل بما لديه من معلومات ممكن ان تفيد باقي الزملاء ....

وتحيه خاصة لرائد المدرسة الكندية الأدبية اخويا الكبير الشامي اللي بأقول له وحشتنا وإحنا أتيتمنا من بعد ما سيبت جده ومشيت يا ريس... وشوفت الأمور فلتت إزاي والدنيا ضاعت والسيول بوظت المحصول ؟

تُهامي :

امر إداري .. أصرف للدكتور كوفتكاكس نص شهر مكافآه أي .. صُره من الدنانير الكندية ...

بصراحة يا سي السيد همة المدامات (ساعات) أرائهم بتبقى في الجون فعلشان كده أنا خليت الباب موارب معاهم وقلت كندا :wub:

لا شكر على واجب بس صرة واحدة مش كفاية يا باشا خليها صرة CAD و التانية USD :lol: ، أديك شايف القهوة خسرانة وعليها ديون :D

[CAPHCYMO]

عزيزى كافسيمو حلقة زى العســـــــــــــــــــــــــــل خد دى :D

تسلم وتعيش يا رفاعي ده انت اللي كلك ذوق يا ريس ;).

أنا سعيد جدا ان الحلقة حازت على اعجابكم بس انا حاسس ان الستات مش مبسوطة من الكلام :lol:

[myusername]

السلام عليكم...

تسجيل متابعتى و اعجابى.. بالتوفيق باذن الله. :lol:

[safaalabana]

يا سلام..... يا دكتور كافسيمو.... حلقه ممتعه والله واديك طلعت موهوب اكتر مننا كلنا :wub: smk:

بس المفاجأه هى المدام ....ما شاء الله عليها عيشتك المغامره الجميله دى ...شكلها هى كمان موهوبه ...اسمع احنا فى الجمعيه بتاعتنا عاوزين ناس زى المام بتاعتك ...ايوه ناس قلبها حديد ...اه الجمعيه هى (السيدات المتوحشات برئاسة سوسو رانى )...احنا كلنا معجبين بالمدام ولو منا مكانها ....كنا ح نعمل كده برضه :lol:

صاب نصيحه ...اسمع كلام مراتك تعيش سعيد ...هى اللى باقيالك :D ;)

[ehabtaher]

يا سلام..... يا دكتور كافسيمو.... حلقه ممتعه والله واديك طلعت موهوب اكتر مننا كلنا :king: :king:

بس المفاجأه هى المدام ....ما شاء الله عليها عيشتك المغامره الجميله دى ...شكلها هى كمان موهوبه ...اسمع احنا فى الجمعيه بتاعتنا عاوزين ناس زى المام بتاعتك ...ايوه ناس قلبها حديد ...اه الجمعيه هى (السيدات المتوحشات برئاسة سوسو رانى )...احنا كلنا معجبين بالمدام ولو منا مكانها ....كنا ح نعمل كده برضه

صاب نصيحه ...اسمع كلام مراتك تعيش سعيد ...هى اللى باقيالك :lol: wst::

افرضى متجوز اتنين يسمع كلام انهه واحده فيهم :) :cry: