احذروا: أقلام صينية لتزوير التوقيعات

[محمد عبدالعزيز]

بالأمس كنت أشاهد حلقة برنامج المجلس على قناة أزهرى, وكان ضيف الحلقة أحد المحامين وهو الدكتور محمد بهاء الدين أبو شقة, وكما هو واضح من الاسم أنه ابن المحامى بهاء الدين أبو شقة.

المهم أن الأستاذ المحامى فى معرض الحديث عن القوانين وعلاقتها بالشريعة حذر بشدة من أقلام صينية تباع فى الأسواق الآن علانيةً وثمن الواحد منها فى حدود 18 جنيه,

هذه الأقلام منها نوعان:

النوع الأول يحتوى على ذاكرة إلكترونية يمكنها الاحتفاظ بصورة من توقيع ما, بحث إن المستخدم وهو يوقع على شيك أو عقد يتم التوقيع بالصورة المخزنة فى الذاكرة وليس التوقيع الحقيقى -هكذا قال المحامى والعهدة عليه فأنا لم أسمع بذلك من قبل, ولكن أعتقد إنه واثق من كلامه- وعندما يتم تقديم هذا العقد أو الشيك إلى المحكمة يطعن الموقع بالتزوير, وبالفعل عندما يقارن توقيعه الحقيقى بالتوقيع الموجود على الشيك أو العقد يثبت التزوير, بل والأكثر من ذلك أنه يمكن أن يعاقب المصدر له الشيك بالتزوير.

النوع الثانى هو قلم يحتوى على حبر يتطاير بعد حوالى ساعة, وبالتالى تجد الشيك أو العقد بغير توقيع ويصبح بلا قيمة.

فأرجوكم احذروا من هذه الأنواع, وكل واحد ياخد قلمه معاه.

[ASD ALLAH]

بالأمس كنت أشاهد حلقة برنامج المجلس على قناة أزهرى, وكان ضيف الحلقة أحد المحامين وهو الدكتور محمد بهاء الدين أبو شقة, وكما هو واضح من الاسم أنه ابن المحامى بهاء الدين أبو شقة.

المهم أن الأستاذ المحامى فى معرض الحديث عن القوانين وعلاقتها بالشريعة حذر بشدة من أقلام صينية تباع فى الأسواق الآن علانيةً وثمن الواحد منها فى حدود 18 جنيه,

هذه الأقلام منها نوعان:

النوع الأول يحتوى على ذاكرة إلكترونية يمكنها الاحتفاظ بصورة من توقيع ما, بحث إن المستخدم وهو يوقع على شيك أو عقد يتم التوقيع بالصورة المخزنة فى الذاكرة وليس التوقيع الحقيقى -هكذا قال المحامى والعهدة عليه فأنا لم أسمع بذلك من قبل, ولكن أعتقد إنه واثق من كلامه- وعندما يتم تقديم هذا العقد أو الشيك إلى المحكمة يطعن الموقع بالتزوير, وبالفعل عندما يقارن توقيعه الحقيقى بالتوقيع الموجود على الشيك أو العقد يثبت التزوير, بل والأكثر من ذلك أنه يمكن أن يعاقب المصدر له الشيك بالتزوير.

النوع الثانى هو قلم يحتوى على حبر يتطاير بعد حوالى ساعة, وبالتالى تجد الشيك أو العقد بغير توقيع ويصبح بلا قيمة.

فأرجوكم احذروا من هذه الأنواع, وكل واحد ياخد قلمه معاه.

يا نهار أبيض

الدنيا بقى عليها السلام

تصدق وتؤمن بالله أن مثل هذه الأختراعات الجهنمية تشبه كثير من الأفكار الشيطانيةالتى كانت تراودنا ونحن فتيان فى سن المراهقة حيث كنا نجتهد فى الحلم بأختراعات شريرة توقع الأذى والضرر بالأخرين وخاصة من غرمائنا فى هذه السن المبكرة

وكنا نظن يومها أن مثل هذه الأختراعات مجض نزق فتيان لا يمكن تحققه ولكن ها هى الأيام تثبت أن كل شئ ممكن مهما كان شريراً

كله يقفل على نفسه و اللى خايف يروح

[Mercedes]

السلام عليكم و رحمة الله و بركاته

أنا فعلا سمعت عن النوع التانى دة و كمان لقيته بيتباع هنا فى السعودية على النت و بالطبع لما اتعلن عنه على أحد المواقع و كان فى منه لونين - لزوم الشياكة - أسود و فضى , الناس بدأت ترسل فى رسايل لصاحب البضاعة اللى مستوردها من الصين طبعا - و العياذ بالله - عشان يشوفوا هيشتروا الأقلام دى ازاى مع أن سعر القلم كان فيما أعتقد ب 90 ريال , ماهو طبعا , ان ماكانشى السعوديين يستخدموا الأقلام دى , أومال مين اللى هيستخدمها عشان ينصبوا على بعض و على مكفولينهم و ياكلوا حقوقهم .

المهم دلوقتى , هو ايه موضوع الصين معانا , مرة يصدرولنا غشاء بكارة صينى و المرة دى عاوزين يصدرولنا أقلام مخصوصة لزوم النصب , ايه القرف و القذارة دى .

أنا شايف أن الناس اللى بتصدر البضاعة دى بالذات, لازم الدولة تتخذ ضدهم اجراء رادع , مش مجرد أنهم يمنعوا دخول البضاعة دى و السلام , لأ , لازم الناس اللى بتحاول تدخل الحاجات دى تتربى , هو احنا ناقصين !!!!!!! , يعنى من رضا ربنا علينا أوى و من الخير و النعيم اللى الشعب المصرى عايم فيه , يقوموا يدخلولنا المصايب دى ؟؟؟؟؟

منهم لله , فوروا دمى الهى يفور دمهم قادر يا كريم - أستغفر الله العظيم من كل ذنب عظيم .

بقلم / MERCEDES S430

[حسام يوسف]

يانهار أثود

بجد فعلا الحل كل واحد ياخد قلمه معاه

وياريت الفرنساوي ابو خمسين قرش

ماله

حلو ومية فل واربعتاشر :blink:

[se_ Elsyed]

مش فاهم ايه الميكانيزم بتاعت القلم

يعني أمسك القلم يروح ماضي لوحده ولا اقول له اكتب يا سمسم يروح كاتب

[justme]

بالنسبة للأول

انا ماعتقدش بوجود حاجة زي كده يمكن تكون بتخزن لكن تكتب نظريا صعب قوي

بالنسبة للتاني

ممكن يختفي لكن اكيد بيسيب اثر كيميائي ممكن استعادته اكيد وعلى الأقل مكانه هيعلم بسبب الضغط ولو لفترة

[محمد عبدالعزيز]

مش فاهم ايه الميكانيزم بتاعت القلم

يعني أمسك القلم يروح ماضي لوحده ولا اقول له اكتب يا سمسم يروح كاتب

والله ياسى السيد أنا زيك برضه ومش مقتنع بالكلام اللى اتقال فى النوعية دى بالذات, ولو تلاحظ إنى أكدت فى النقطة دى على إن ده نص الكلام اللى قاله المحامى وإنه كان واثق من نفسه وهو بيقوله.

قد يكون هو مش فاهم الفكرة كويس ولكنه واثق من وجود مشكلة من النوعية دى ومش عارف يشرح آليتها كويس لأنها مش تخصصه, بس هو بيحكى من واقع قضية مثلاً عارف تفاصيلها.

وللأسف بحثت عن شرح أكتر للقصة دى على الانترنت لم أجد شيئاً بتاتاً.

عموماً الاحتياط واجب برضه, وكل واحد ياخد قلمه معاه.

[محمد عبدالعزيز]

بالنسبة للتاني

ممكن يختفي لكن اكيد بيسيب اثر كيميائي ممكن استعادته اكيد وعلى الأقل مكانه هيعلم بسبب الضغط ولو لفترة

كل شئ جايز برضه, بس فى النهاية فيه مشكلة وأعتقد حيكون صعب إثبات صحة التوقيع حتى لو سايب أثر, ممكن مثلاً يقولك ده الورقة دى كانت تحت ورقة تانية كان بيتم التوقيع عليها عشان كده سابت أثر بسبب الضغط بس مفيش حبر.

وكل واحد ياخد قلمه معاه :rolleyes:

[التونسى]

مفيش احسن من البصم

[أسد]

القلم ذو النوع الثاني .. موجود من زمان .. وكان يباع في محلات الخدع ..

في الثمانينيات كنا نشتريه من محل بصال في شارع عماد الدين ..

منذ خمسة وعشرين سنة ..

مش إختراع جديد ولا حاجة ..

القلم الموصوف بالنوع الأول بتاع إكتب ياسمسم ده ..

خزعبلات .. في إعتقادي ..

[MoHaMMeD EgYpT]

الصين ماخلتش حاجة ما عملتهاش يا عالم المرة الجاية هيخترعوا ايه ؟؟

[rewsha]

مفيش احسن من البصم

ما تقلقش حضرتك

بكره الصين تصدر لنا حباره للبصم (اللي بتاخد منها الحبر على صباعك علشان تبصم يعني )حبرها بيتطاير برضو بعد شويه

يعني الواحد من دول يبصم لك بالعشره على الشيك ..........وبعد كده تلاقي الورقه ناصعة البياض وما فيش عليها بصمه واحده توحد ربنا

يعني نفس فكرة القلم اللي بتمضي بيه وبعد شويه ماتلاقيش كتابه وتلاقيها اتمسحت لوحدها

[التونسى]

مفيش احسن من البصم

ما تقلقش حضرتك

بكره الصين تصدر لنا حباره للبصم (اللي بتاخد منها الحبر على صباعك علشان تبصم يعني )حبرها بيتطاير برضو بعد شويه

يعني الواحد من دول يبصم لك بالعشره على الشيك ..........وبعد كده تلاقي الورقه ناصعة البياض وما فيش عليها بصمه واحده توحد ربنا

يعني نفس فكرة القلم اللي بتمضي بيه وبعد شويه ماتلاقيش كتابه وتلاقيها اتمسحت لوحدها

لا انا كنت بقصد بصمة العين :lol: ....

اكيد طبعا كل عقده ولها حلال عند الاخوة الصينيين .. انا قصدى يعنى فيه ناس كتير اعرفهم لا يكتفوا بالامضاء ويصروا على مسالة البصمه دى عند تحرير شيك او وصل امانه او خلافه .. يعنى لزيادة التاكد .. فيه ناس بتمضى بالايد الشمال مثلا عشان تغيير شكل الامضاء .. وده نوع من التحايل برده