برامج كتب روابط نصائح مفيده لكل مهاجر

[ehabtaher]

http://downloads.cloudmade.com/north_ameri...ada#breadcrumbs

ده موقع لتحميل خرائط النافيجاشن مجانا وغير مسروقه

نتكلم فى حته النافيجاشن

اولا انا لسه مقدم الملف الخاص بى لنوفاسكوتيا من 25 يوم يعنى لسه حتى لم يخصمو من الفيزا ولم احصل على الفايل نمبر وممكن الملف بتاعى يرجعلى تانى لاى سبب

ثانيا انا صحيح من خريجى الطب البشرى لكنى من عاشقى استخدام الكمبيوتر فى كل فروع الحياه واحب انى اخلى الكمبيوتر الخاص بى يعمل كل حاجه واول حاجه عملتها من 12 سنه انى استخدمت الكمبيوتر فى تخصصى فى مجال الطب البشرى وكانت الرساله هى استخدام الكمبيوتر الشخصى فى مجالات الاشعه المختلفه (طبعا الحاجات اللى عملتها بيه فى الوقت ده دلوقت الكل بيعملها بصوره بديهيه) ولكن مازال قسم الاشعه بالجامعه يتذكر رسالتى فى ذلك الوقت (العواجيز اللى زىى طبعا)

لكن لو كان فيه شىء معين مثلا فاكس عايز يتبعت (ينفع تبعته عن طريق جهاز فاكس) وينفع تستخدم خط التليفون والكمبيوتر وتبعت الملف فاكس من غير ما تطبعه من اساسه

او حاليا ترسله كملف مرفق فى ايميل وتريح دماغك مثلا من انك تروح تبعت فاكس من المحل اللى جنب البيت

نفس الحكايه انا ماحبش اشيل اجهزه كتيره واستخدم مثلا نافيجاتور لمده شهرين وبعدين اقعد 8 شهور مش محتاجله اقوم اركنه على جنب

او اشترى شىء معين واستعمله لمده اسبوع وبعدين اسيبه لحد ماحتاجله تانى

طيب فى موضوع النافيجاشن كل الحكايه برنامج لاستقبال الاشاره من الايريال اللى بتشتريه من اى محل ب 20 - 30 دولار وخريطه بتنزلها مجانا من المواقع المجانيه زى اللى كاتبه فوق

يبقى الواحد يريح دماغه ليه ويشترى جهاز ب 3000 ريال او دلوقت فيه ب 2000 جنيه مثلا امال الكمبيوتر اللى احنا شاريينه ده فايدته ايه مايشتغل شويه زياده على قد سرعه البروسيسور اللى جواه اللى مش لاقى حاجه يعملها الا انه يطرقع فى صوابعه ( لو كان له صوابع)

نخليه يشتغل بلقمته شويه امال يقعد يهف فى كهربا من البطاريه على الفاضى ويبقى موديل قديم ونرميه من غير ما نحصل على اقصى استفاده منه

احنا كده بنعمل زى الكنديين اللى بيشغلوا الدكاتره تمرجيه و يخلو د سوسورانى تقعد فى البيت سنتين لحد ما تخلص المعادله

د قناوى تعب نفسه و مشى وراء موضوع الهجره بدون محامى علشان شاف انه مابيعملش حاجه زياده و حب انه يفيد غيره بالاستنتاج ده ويساعد الغير انهم يهربوا من فخ المحاميين الحراميه يعنى خللى كل واحد يهاجر بدون محامى على الاقل يوفر 2000-3000 ريال او 50000 جنيه كان حيدفعهم للمحامى

انا يادوبك خليت اللى حايعمل لاندنج بعد شهر يبقى عنده فرصه يوفر 16 دولار تمن الكتاب و 1500 جنيه فرق تمن النافيجاتور من البرنامج والايريال الخاص بالنافيجاشن ( وممكن لا) لانه ممكن يستسهل ويشتى جهاز متخصص مع ملاحظه انى بس فتحت عين اللى بيقرا ان فيه حاجه تانيه غير النافيجاتور ممكن الواحد يستعملها لكن لم افرض راييى بشراء هذا او ذاك له ان يبحث فى جوجل بعد كده ويشوف الجهاز اللى يناسبه او الرسيفر اللى ينفع معاه

معلهش استحملتونى كتير

بس يمكن مالاقيش فرصه تانيه لذكر ماقلته

وكنت عايز اقول ان المكان اللى باكتب فيه مش باكتب فيه عن تجربه شخصيه ولكن دى خواطر واقتراحات من تجارب الاخرين واكيد مش انا اللى حيكون الناصح او المصدر الاساسى للنصيحه او البرنامج فى المكان ده لانى زى ما قلت انا لسه فى بدايه السكه ولسه نوفاسكوتيا مارديتش عليا

[ehabtaher]

http://download.navit-project.org/navit/win32/svn/

ده بقى برنامج نافيت (مجانى)

يبقى فاضل ايه

فاضل الايريال (gps usb receiver)

وده قلناه فى اول الموضوع من 4-5 مداخلات فوقينا بشويه

[ehabtaher]

ده برنامج بيتباع ب 59 دولار فى امازون ومعاه gps receiver

ومحمل بخرائط امريكا وكندا

وده ال رابط للرفيو عنه

http://www.laptopgpsworld.com/delorme-stre...reet-atlas.html

وفيه زيه واحد من ميكروسوفت بسه ده احسن ونازل من سبتمبر 2009 و بيشتغل على ويندوز 7

المهندسين اللى فى المنتدى ممكن يقولو رايهم علشان انا حابطل كلام عن gps مؤقتا لحد ما ييجى الفايل نمبر

سلام

[ehabtaher]

ولقيت ده بقى

ممكن تنزله مجانى وصالح لمده شهرين ومعاه خريطه كندا كامله وخريطه الولايات المتحده الامريكيه

اسمه

streets and maps لشركه ميكروسوفت

يبقى فاضل ايه

انك تشترى جى بى اس رسيفر وثمنه يتراوح من 20 الى 30 دولار او اقل من الانواع الصينى او غيره

يتوصل با للاب توب يو اس بى مباشره او له سلك طويل شويه

يفضل اللى له سلك

علشان ماتكسرش فتح اليو اس بى فى اللاب توب او فى الرسيفر

الصوره حتبقى واضحه وكبيره بحجم الشاشه لجهاز اللاب توب

وبه كل مميزات النافيجاتور

وبكده المرحله المؤقته للاندنج كلفتك بس 20 - 30 دولار للرسيفر مع ان ممكن تستعمله فى اى مكان تانى او وقت تانى او برنامج تانى احدث او كمبيوتر تانى هاند هيلد الخ الخ

رابط تنزيل البرنامج

http://download.microsoft.com/download/E/B...620/ST_2010.exe

اما عن تشغيله مع الرسيفر

فده ممكن اقولكم عليه بعد ما اشترى الرسيفر انشاء الله

لكن ممكن تجربوه وتشوفى الخرائط حتى مستوى الشوارع لكل كندا والولايات المتحده

لحد ماتروحوا تعملوا لاندنج فعلىا وتجربوه لحد ماتعرفو تستعملوه فعليا

ارجوا ان يكون افادكم

ونشوف حاجه تانيه

[qenawy]

streets and maps لشركه ميكروسوفت

[ehabtaher]

streets and maps لشركه ميكروسوفت

شفت اخيرا خليتك ترد يا دكتور قناوى

ابعتلى بقى خطوات اضافه الصور

علشان انا بادوس على الزرار ومابيعملش حاجه

انا عايز اضيف صور للبرنامج

streets and mapps من على شاشه الكمبيوتر بتاعى وهو متثبت جوه العربيه

انا عندى labtop (pakardbell with AMD processor and شاشه 11 بوصه وتمنه 1800 ريال

[ehabtaher]

[ehabtaher]

بالتوجيه الصوتى من اللابتوب



بس يا خساره بالفرنساوى

:ninja:

لكن الانجليزى برضه موجود

[wnam]

اللنك ده لحساب الاموال المستحقة للاطفال حتى 18 سنه وهو يختلف من مقاطعة لاخرى

لاى استفسار ....تحت الامر

[ehabtaher]

ايوه كده لازم نساعد بعض

انا لما سميت التوبيك ده (برامج كتب نصايح للمهاجر الجديد) من الفكره لحد الاستقرار ماقلتش ان النصائح دى مننى انا (انا غلباننننننننن) انا يادوبك فى منطقه الفكره ولسه مستنى الفرج (انهم يعطنى الفايل نمبر) ولكن مع تسريع معدل فحص الاوراق يبقى ممكن اللاندنج يبقى فى حدود سنه مش زى زمان بعد 3-4 سنين وده خللانى مرعوب ان الواحد يلحق يجهز نفسه بالمعلومات ويستفيد من تجارب الاخرين

يبقى كل واحد عنده حاجه مفيده تساعد من الاول للاخر يحطها هنا

ولك الف شكر يا wnam

[ehabtaher]

[ehabtaher]

ده بقى عرض لكيفيه تركيب اللابتوب فى السياره

الجهاز اللى فى الاول صناعه منزليه عن طريق اجزاء المواسير البلاستيك وتم تركيبها فى مكان الكوب اللى فى السياره فورد كراون فيكتوريا

واللى فى الاخر جاهز وتمنه 150 دولار

[wnam]

بالنسبة لو هتسكن فى ميسيساجا وعندك اولاد فى المدارس خللى بالك هناك مسافة بين البيت والمدرسة لو قلّت عنها ...الباص مش هيعدى على ابنك

To Regular Day Schools

1. (a) The Peel District School Board's eligibility distances for transportation are outlined below:

(i) Kindergarten students - 1.0 km. (.625 miles)

(ii) Grades 1 - 4 students - 1.6 km. (1 mile)

(iii) Grades 5 - 6 students - 2.0 km (1.25 miles)

(iv) Grades 7 - 8 students - 3.2 km. (2 miles)

(v) Secondary students - 4.8 km. (3 miles)

وفى شوية قواعد يا ريت تقروها

بالنسبة للمدارس الفرنساوى بيوصل الباص حتى لو العمارة اللى جنب المدرسة لو لقيت النص هبعته انشاء الله

يا رب اكون اللى ببعته مفيد

[ehabtaher]

اذا كان اللى حايعمل لاندنج

ناوى يقعد فتره طويله فده مكان مقترح يدور فيه على شقه للسكن

[ehabtaher]

ايه رايكم فى المجموعه دى

[ehabtaher]

دى تورونتو فى الخريف علشان بس ماحدش يفتكر انها تلج طول السنه

[Pharmaher]

ايه رايكم فى المجموعه دى

بصراحة جهد تشكر عليه يا دكتور

بس مش ملاحظ معايا ان الموضوع قلب على جي بي اس حلول و اقتراحات :lol:  

وفعلا على رأي الدكتور التهامي حل الموضوع بجهاز من جارمن مثلا بيتكلم و صغير و تحطه بجيبك لما تنزل من العربية

احسن من شيلة اللابتوب المتعبة

والفكرة ان فعلا لو ناوي تروح تورونتو هل الواحد محتاج عربية من اصله ولا الصب واي والباصات كفاية

[جبار سينج]

اولا انا لسه مقدم الملف الخاص بى لنوفاسكوتيا من 25 يوم يعنى لسه حتى لم يخصمو من الفيزا ولم احصل على الفايل نمبر وممكن الملف بتاعى يرجعلى تانى لاى سبب

جزاك الله كل خير

ممكن اعرف من حضرتك ما هى اجرئات هجرة مقاطعه نوفاسكوتيا وشكرا

[ehabtaher]

ايه رايكم فى المجموعه دى

بصراحة جهد تشكر عليه يا دكتور

بس مش ملاحظ معايا ان الموضوع قلب على جي بي اس حلول و اقتراحات :lol:

وفعلا على رأي الدكتور التهامي حل الموضوع بجهاز من جارمن مثلا بيتكلم و صغير و تحطه بجيبك لما تنزل من العربية

احسن من شيلة اللابتوب المتعبة

والفكرة ان فعلا لو ناوي تروح تورونتو هل الواحد محتاج عربية من اصله ولا الصب واي والباصات كفاية

ياسيدى الله يخليك

تفتكر ان الواحد قاعد مستنى الفايل نمبر وبعدين الابديت وبعدين المديكال وبعدين اللاندنج

وبعدين تحاول تستقر هناك

وبعدين تحاول تشتغل هناك وتدرس هناك وتودى اولادك مدارس هناك وتعيش هناك

انا مش بحاول اوفرلك حل سريع علشان نحل مشاكلنا اللى حنقابلها هناك

بس ياسيدى

انا لما بالاحظ مشكله حد قابلها بحاول نوجد لها حل رخيص وعملى

ليه

لان مش كل اللى رايحين هناك حيبقو مستريحين ماديا

فيه اللى رايح مثلا يدرس

ولكن كل اللى رايحين معاهم لابتوب

تفتكر مثلا لو رحت وانت مستعد بكتاب تورونتو درايف على الكمبيوتر معاك وقاعد تذاكر فيه فى الوقت اللى بتدور على سكن وشقه وكارت الاقامه الخ

على الكمبيوتر بتاعك قبل ما تيجى

اعتقد

انها تساوى اكتر من ال 16 دولار اللى وفرتهم

وبعدين حته ال جى بى اس

انا كنت قاعد على الكمبيوتر ادور علشان اعرف ايه هو ال جى بى اس

انا من اسبوعين ما كنتش اعرف ال جى بى اس من كوز الدره

بس ما تضحكش

كل الحكايه انا جت فى دماغى طيب لو الواحد معاه لابتوب وبرنامج الخرايط موجود على الكمبيوتر ايه المانع ان اللاب توب يكون ينفع يشتغل نفس الشغلانه دى

بادور لقيته ينفع

بس كل اللى عملته انى حطيت الحل ده فى الموقع هنا

ولو فيه مشاكل تانيه حاشوفها قدامى واقدر احلها او ادور لها على حل مش حا اتاخر انى احط الحل اللى وصلت له هنا

ليه

لان طبعا عايز غيرى يشاركنى المعرفه ويقول رايه

كان طبعا راى وجيه راى د تهامى ورايك

واقتنعت بيه طبعا

لكن قلت لنفسى ماهو الكمبيوتر بيصغر فى الحجم وبيبقى سهل فى الحمل وكمان بيبقى فيه كل اللى انا عايزه من سكايب هوتميل انترنت و جى بى اس وفيه الملفات بتاعتى اللى انا عايزها وفيه الكتب بتاعتى وكمان وزنه بقى صغير

يبقى ايه المانع انى بس ازود على سعر اللابتوب اللى اصلا موجود عندى 20 او 30 دولار ويبقى عندى نافيجاتر بشاشه 10 او 11 بوصه

(اللابتوب صغير شويه)

يعنى

انا ملقيتش حد عرض مشكله تانيه علشان نفكر فيها مع بعض

بس طبعا انا بافكر بتفكير واحد لسه مش فى كندا ولسه ماشتغلش فى كندا ومش عارف حاشتغل ايه وامتى

يعنى بحاول افكر انى بقدر الامكان احل المشاكل اللى ممكن تقابلنى بدون ماصرف كتير

وعارف ان فيه كتير بيبقو مستريحين ماديا وهما رايحين

بس انا مش عايز نتصدم

احنا واحنا رايحين حتى لو معانا 100 الف دولار لانساوى شىء الا اذا اشتغلنا هناك

وفايده الفلوس انها تساعدك هناك لحد ماتشتغل وتقف على رجليك

ده تفكيرى لما فكرت فى ال جى بى اس

لانى بصراحه شايف ان المنتدى مليان حلول وطبعا كل ما تلقى حلول تدور على حلول اصغر واصغر لحد مافى الاخر

تدور على حل ازاى مثلا الجوانتى بتاعك ما يتبلش لما تبقى رايح من البيت للعربيه فى وسط المطر

انا باهزر طبعا

:blink:

[Pharmaher]

كلام حضرتك حلو و وجهة نظر صحيحة :)

وانا متفق معاك ان اللابتوب فعلا ممكن يقوم بالواجب و يبقى جي بي اس

وزي ما حضرتك قلت اللي بيفضل ده حل من الحلول المقترحة واكيد في ناس ح تستفيد منه

بالنسبة للمشاكل التانية ...برأيي ان الموضوع مش مشاكل على قد ما هو تأقلم

القصة ان البلد الجديدة و اللايف ستايل اللي احنا مش متعودين عليه بيبقى بمثابة تحدي

ممكن يكون سهل على ناس و صعب جدا على ناس تانية وكل واحد في حتة معينة تتعبه اكتر من غيره

وجميل جدا لو طرحنا هنا النقاط اللي كل واحد بيحس انها ممكن تبقى عقبة او انها تتعبه بالتفكير لما يلاقيلها حل

و نتساعد كلنا و الحكاية تبقى سهلة ع الكل

اخر حاجة بالنسبة للجوانتي ...لقيت الحل

حط ايدك في جيب البالطو ما تتبلش :lol: :blink: :sad: ( انا كمان بهزر i*: )