برامج كتب روابط نصائح مفيده لكل مهاجر

[NaWiCaNaDa]

السلام عليكم

تحياتي لكل الاعضاء ولما قدموه لمساعدة الاخرين :wub:

حبيت اني اشارك ولكن لم يبقى شئ لاقدمه <_< <_<

ففكرت بموقع بسيط :blush2: ممكن اضيفه يعرض احوال الطقس cld: لكل مدن العالم

http://www.wunderground.com/

وفيه نستطيع ان نعرف :

1- حالة الطقس الحالية ويتم تحديثة كل ساعة تقريبا Current Conditions

2-عرض توقعات الطقس لاسبوع كامل (ليلا نهارا) Forecast for CITY

3- يحوي هيستوري عن الاحوال الجوية السابقة History & Almanac

4-يمكن ان نطلع على معدل درجات الحرارة للسنة كاملة(القصوى والدنيا) Seasonal Weather Averages

5- ويحوي امور تانية متل الفلك Astronomy

تقبلوا مني هذه المشاركة البسيطة :smart:

[ehabtaher]

الف شكر ليك يا ناوى كندا

خدلك بقى جرعه تلج فى الوريد علشان لو لسه ناوى تبقى تجيب معاك لبس تقيل

[ehabtaher]

Ontario Provincial park

انا كل مكان فى الخريطه عن كندا عندى حا ادور على صور له فى النت واجيبها

وفى النص نتكلم عن تاريخ المكان ده لو عرفت اجيبله نبذه سياحيه

ايه رايكم

على الاقل نعرف المنطقه اللى ناويين نهاجر لها شكلها ايه

لحد مانشوف موضوع نتكلم فيه غير ال جى بى اس

على فكره لقيت السكن فى نياجرا فالز و سانت كاثرين بحوالى 600 - 700 فى الشهر

[ramyfathalla]

على فكرة يا باشمهندس ايهاب فكرة انك تشغل الجى بى اس على اللاب توب سهلة مش صعبة

بس لازم يكون معاك جهاز صغير اسمه بلوتوث جى بى اس و ده بيكون معاه سى دى و تعمل له setup على اللاب توب و البلوتوث جى بى اس هو اللى بيعمل connection مع الستالايت و يعرض على الخريطة اللى موجودة على اللاب توب و أعمل search فى google على gps bluetooth وحايطلع لك أنواع كتير و أسعار

أنا حبيت أضيف المعلومة دى يمكن أقدر أساعد و جزاك الله خيرا على التوبيك الجميل و المفيد ده.

[ehabtaher]

شكرا جزيلا لك يا استاذ رامى بس انا شايف ان الافضل ال usb gps receiver

لانه حيتوصل بالكمبيوتر بكابل usb

وحياخد كهربته منه ومش حا نقعد ندور على بطاريات لل رسيفر البلوتوث

ايهاب

[ehabtaher]

Toronto

travel guide

keep it with you

ده كتاب عن تورونتو

يا ريت يعجبكم

[ramyfathalla]

هو فين الكتاب يا باشمهندس أعذرنى أنا مش شايفه و شكرا مقدما

[ehabtaher]

الكتاب كنت حشرته فى المرفقات بس افتكرت انه اتحمل

وبعدين لم استطع تحميله كمرفقات

وعلى هذا سيتم تحميله على

ان شاء الله بعد 3 ساعات لانى عايز اكمل نوم بعد صلاه الفجر

[ehabtaher]

اتفرج على دول لحد مانزل الكتاب لحسن شكله معصلج وانا مش فاكر جبته منين فى النت قبل كده :blink:

[ehabtaher]

http:///up9r6n1

اخيرا نزلته

ده الرابط بتاع الكتاب

ان شاء الله يعجبكم

[ehabtaher]

كيف يصلي الصينيون الفجر؟

السلام عليكم ورحمة الله وبركاته

جلس الداعية أمام الشيخ يحكي له تجربته الدعوية .. ومن حوله مجموعة من جنود الكتيبة الصينية المشاركة في حرب الخليج الثالثة ..

وكان الشيخ قد أطرق برأسه إلى الأرض ليصغي باهتمام والداعية يحدثه قائلاً:

لقد قدِمَ هؤلاء للمشاركة في عمليات المساندة في شمال المملكة السعودية .. وكان لزاماً علينا نحن الدعاة إلى الله أن ندعوهم إلى الإسلام .. وأن نخرجهم من ظلمات الشرك والظلام ومن عبادة بوذا و كونفوشيوس وغيرهما من الأصنام إلى عبادة الله الواحد الأحد .

وقد وفقنا الله سبحانه وتعالى في مهمتنا .. فأسلم عدد لا بأس به من هؤلاء .. وصرنا نعلمهم أركان الإسلام .. وندرسهم واجباته وفروضه .. وبدأوا بالفعل في أداة الصلوات في أوقاتها بعيداً عن قادتهم وكبرائهم .. ولم تكن المشكلة في صلاة الظهر أو العصر أو المغرب أو العشاء ..

ولكن واجهتهم المشكلة في صلاة الفجر !!!!... فعندما عَـلِم قادتهم بتجمعهم في خيمة واحدة ليتناوبوا السهر كي لا تفوتهم صلاة الفجر :

فرقوهم بين الخيام ...

فأخذ كل منهم ساعته المنبهة معه .. فلم يلبث قادتهم إلا وصادروها منهم أيضا !!!!.. وكلما وجدوا طريقة للاستيقاظ قبيل الفجر لأداء الصلاة في وقتها حاربهم هؤلاء القادة وسدوا عليهم المنافذ والأبواب ...

وفجأة توصلوا لطريقة غريبة ومبتكرة للاستيقاظ !!! ..!

وإذا بالشيخ ينظر باهتمام أكثر للداعية المتحدث .. وللجنود الجالسين حوله والذين ينظرون إليه بإكبار وإجلال ، وواصل الداعية كلامه قائلاً:

لقد قرر كل واحد من هؤلاء شرب كميات كبيرة من الماء قبيل النوم لكي يستيقظ للذهاب للخلاء في الليل .. ومن ثم ينظر إلى ساعته ويعلم كم بقي من الزمن لصلاة الفجر !!!!.. فإن قارب الوقت : انتظر وصلى .. وإلا : شرب كمية أخرى من الماء !!!..

ومع تكرار التجربة عشرات المرات : استطاعوا تقدير الكميات المناسبة من شرب الماء التي تجعلهم يستيقظون في وقت :

يكاد يقترب من وقت الفجر !!.. وبذلك استطاع كل منهم أن يؤدي صلاة الفجر في وقتها !!!!...

وعندها نظر الداعية إلى وجه الشيخ : فإذا عيناه تذرفان !!!!!...

فهؤلاء هم حديثوا عهد بالإسلام .. فبلغ حبه في قلوبهم هذه الدرجة العالية ...

فلماذا يا ترى ؟!...

هل لأنهم عرفوا الجاهلية وفسادها .. ومن ثم علموا الإسلام وسعادته فتمسكوا به ؟؟..

فأين نحن من هؤلاء ؟!!.........

بل وللأسف الشديد : مِنا مَن لا يصلي الفجر البتة .. بل وقد يسمع الأذان من المسجد القريب من بيته ولا يُجيب بغير عذر ...

بل وقد يسخر من عباد الله الذين يؤدون هذه الصلاة الجليلة في جوف الليل .. ويظن أنهم قد فوتوا على أنفسهم الراحة ومتعة النوم .. وأنه هو الفائز بها !!!!.. بل وهناك من لا يصلي فرض ربه بالكلية .. لا ليلا ولا نهارا ولا حول ولا قوة إلا بالله العلي العظيم ..

يقول الله عز وجل :

" أن تقول نفس : يا حسرتي على ما فرطت في جنب الله .. وإن كنت لمن الساخرين " .. الزمر – 56

[ramyfathalla]

شكرا يا باشمهندس على الكتاب أنا بنزله و حقيقى مجهود رائع و جزاك الله خيرا

[ehabtaher]

طريقه التوفير فى بند الغذاء

زي الرز والمكرونه والجبنه والبيض والزيت واللحمه

وديه مقتبسه من منتدي تاني عن الاسعار في كيبيك

نخش علي الكل

كلنا بننزل نشتري اكل و ده طبيعي, يعني لما نحتاج ناكل ننزل نشتري صح. لا مش صح, عشان تعيش طالب الاكل مش بييجي لما تحتاجه, الاكل ييجي لما هو يحتاجك

اقول لكم ازاي

انت تتابع الفليرز و دي بتنزل كل خميس في محلات الاكل , و اياك ثم اياك تكون محتاج اي حاجة و تنزل علي طول تجبها, لا يا باشا انت تجيب كل فليرز المحلات في اول الاسبوع و تقراها كويس و بالخبرة حتعرف ان في حاجة عاملة زي دوريات التخفيضات

نبدأ بالفطار: محتاجين بيض و جبنة, البيض الكرتونة ب 2.6 دولار, اوعي تجبها و لو اتزنقت مش حنموت من غير بيض, طيب تعمل ايه, تستني لحد ما ينزل عرض علي البيض في اي محل و غالبا بيكون ماكسي او سوبر سي, و طبعا عشان كل الطلبة نفس النظام و كحيانة, اول ما البيض ينزل التليفونات او النت يشتغل و كله يبلغ كله, لو عندك عربية زي حالاتي بتروح المحل و تجيبه ده الطبيعي, بس الواقعي اكتر انك تجيب بيض لطالب تاني معاك او هو يجيبلك عشان البنزين و خصوصاان المحلات دي بعيدة شوية. البيض بيبقي ب 1.6 في التخفيض, تروح يا باشا تجيب 10 او 20 كرتونة زي ما انا بعمل و تحطهم في التلاجة و تاكل منهم لحد التخفيض القادم. كدة بتوفر في بند واحد بس 20 دولار شهريا, طبعا ممكن بالنسبة لناس تانية ال20 دولار دي مش حاجة , بس احنا الميزانية لو خسعت 20 دولار حنجبهم منين, يبقي نستلف او حد من مصر يبعتهم يعني

الجبنة: يا ريت و انت جاي من مصر تشحن جبنة تكفيك شهرين تلاتة او لو حد نازل زيارة يظبطك, الجبنة من الكماليات غالبا, بس بارده في جبنة تمنها 8 دولار النص كيلو و بتنزل ب 4 في التخفيض اسمها كيبون, تروح يا باشا رازع 10 علب منها و تحط في التلاجة

اللبن: للاسف ملهوش حل لازم تجيبو, بس تجيب العبوة العائلية بيبقها فيها تخفيض

الفاكهة: انسي يا عمرو ما عدا لو في عرض جامد اوي زي الموز اللي بينزل 40 سنت الكيلو و بقيت الفاكهة متكلهاش الا لما تلاقي نوع نزل عليه تخفيض جامد. و بالنسبة للطلبة عشان معندهمش مواعيد عمل تروح محلات الخضار و الفاكهة الصبح بدري اول ما تفتح حتلاقي الفاكهة و الخضار بتوع اليوم اللي قبله بسعر تقريبا ببلاش, يلا كل و هيص, و طبعا عرفنا الخطة تروح جماعة عشان البنزين, او حد يجيب لك

الرز و المكرونة: تستني عرض شوال الرز اللي 8 كيلو و بينزل ب 9 دولار و تجيب شوالين كدة يكفوا معاك 4 شهور و تنسي الموضوع ده. المكرونة كماليات و متجيش الا في الشديد الاوي, يعني لما تتخنق من الرز اوي او لما تنزل بسعر مغري جدا

الفراخ: الوجبة الرئيسية في كيبك عشان الفراخ حلال في كيبك و مش عارف باقي كندا ايه, بينزل عرض مش ممكن للوراك, بيكون الكيلو ب 1.4 دولار, تيجي رايح علي طول و رازع 10 كيلو لحد العرض اللي بعده, و غالبا حسب تتبع دورة الفراخ بقينا عارفين بتنزل امتي و تلف ازاي علي المحلات, يعني عاملين دراسات جدوي

الديك الرومي: لو تتبعت العروض ممكن تلاقي ديك الكيلو ب 2.4 تيجي رازع ديكين ينفعوا في العزومات عشان تبيض وشك و تبان انك غني و بتاكله علي طول

اه بالنسبة للفراخ لازم مراتك تكون شاطرة و تنوع فيها عشان متزهقش من اكلها

الدقيق: من اساسيات المهاجر المكافح الدقيق, منهم لله كان السنة اللي فاتت كان بينزل ال 10 كيلو ب 6 دولار و كنت بجيبه. الدقيق تعمل به البتزا و الكيكة و البرونيز و الاكلير و كل الحلويات عشان تسد بق العيال و ميفكروش في الشوكولاتة, و كدة مش حتضطر تاكل برة حتي لو كنت برة البيت تاخد الحاجات دي معاك.

السكر: بارده لما ينزل العرض اللي هو ال 2 كيلو ب 1.5 تروح محمل و معبي في البيت, و ده ضروري للحلويات عشان تسكت العيال

السمك: مقرف جدا هنا, طبعا الانواع الرخيصة, عشان الغالي مش بنجيبو

اللحمة: بلاش منها خالص الا لو عندك واحد حبيبك زي واحد صاحبي ربنا يبارك له بينزل موريال و يحمل لحمة للطلبة كلها في عربيته الملاكي, الكيلو ب 7.5 و المفروم ب 5.5 و طبعا تجيب 10 كيلو للشهر كله

اه في محل دولاراما ينفع لبسكويت العيال لو الدنيا زنقت اوي و في لعب كمان و حاجات تانية لتمشية الحال

البيبسي و العصير تسني لحد لما تكون البيبسي ال 2 لتر ب 77 سنت و تجيب و مش لازم طبعا كل شوية تشربها, ما هي مضرة

الايس كريم و ده مقدرش اعيش من غيره, ال 2 لتر في العرض ب 4 دولار و ده مش بهتم ساعتها بالميزانية و البنات شبهي فيه, اهو ده الحاجة اللي مش ممكن حد يقاومها في كيبك, عندهم حبة انواع و اشكال و لو زنقت اجيب فلوس من مصر عشانه او انزل اشتغل طول الليل اعملها, بجد لا يقاوم

طيب لو انت تتبعت الحاجات دي و غالبا مراتك هي اللي عليها الدور ده, حتلاقي ان الميزانية للاكل من 250 الي 300 لاسرة 4 افراد, و خد بالك احنا كده اكلين زي مصر و يمكن احسن, انا كان مستواي في مصر عالي يعني عايش مرتاح جدا و مش حاسس بفرق, هو الموضوع عايز حبة نظام و مجهود و متنسقش ورا كل حاجة تلاقيها, و خد بالك انك ممكن تلاقي حاجة ب 10 و تاني يوم في التخفيض ب 3 , يعني متستعجلش علي اي حاجة نفسك فيها, مش حتتحرم منها بس ممكن تتاخر شوية لحد متنولها

الاكل برة: انساه خاااالص, اهو ده اللي خارب ميزانية الناس كلها و بيشتكوا, و بعدين عايز تاكل برة روح اي بارك و كلهم ببلاش و خد معاك الشواية و اديها يا باشت و عيش حياتك, و ده مسموح به في باركات كتير. او خد البتزا اللي عملها في البيت و في البارك بارده و تبقي اكلت برة

البطاطس و البصل و التوم: اول اتنين لو صبرت حتلاقي عروض فظيعة, تروح محمل كمية للعرض اللي بعده و طبعا انت بقيت خبرة في مواعيد العروض و تعرف تتوقع الكمية, التوم من دولاراما اللي مقشر او المسحوق في البرطمان

الطماطم غالية اوي و الاحسن الصلصة بتاعة نو نيم, البرطمان الكبير في العرض ب 77 سنت

الخضار الطازة بلاش منه كله حيخرم الميزانية, لو رحت ماكس حتلاقي خضار مجمد رخيص جيب منه و له اشكال و الوان بارده, او في الصيف اجر حتة ارض ب 20 دولار و ازرعها انت, الارض تقريبا 4 في 4

للامانه مقتبس: من د فاروق بس حبيت انى اذكره هنا ايضا للاستفاده

[ehabtaher]

عندي سؤال ...في مصر لما رخصة قيادتك تخلص وتطلع رخصة جديدة بياخدوا القديمة

إزاي تقدر تثبت مدة العشر سنوات بتاعت الرخصة القديمة؟

ماهي دي اللي بيقولو عليها مستخرج رخصة القيادة!

إسمها شهادة بيانات المرور ، ودي شهادة بتطلع من إدارة المرور بتاعة المحافظة. أنا مثلاً كنت تبع مرور مدينة نصر ، وبالتالي رحت إدارة مرور القاهرة (في التجمع الخامس) ، وطلبت شهادة بيانات المرور بتاعتي ، بياخدو صورة الباسبور و2 صورة شخصية ، وطلعولي شهادة بيانات بتقول إني باسوق من 14 سنة. تاخدها وتطلع على كندا ، وتبعت صورتها ع القنصلية المصرية في مونتريال ، ومعاها شيك مقبول الدفع حوالي 30 دولار ، وظرف جواه ظرف جاهز يبعتولك فيه الرد بتاعهم. هيدولك شهادة معتمدة من القنصلية بتقول الراجل ده بئاله 14 سنة بيسوق في مصر.

وعموماً يكفي أوي لو الرخصة المصرية كان عدى عليها أكتر من سنتين ، هتبعت صورتها للقنصلية ، وكندا هتعمل نفس الموضوع. مش فارقة ؛ بتسوق بقالك سنتين (24 شهر) زي اللي بقاله عشرين سنة :lol:

وأساس الموضوع ده إن فيه كذا نوع من الرخص في كندا G1 و G2 وأخيراً الــ G. والمفروض تاخدهم بالتدرج ، وفاصل سنة بين كل واحدة والتانية ، لغاية ما توصل للــ G ، اللي هيه رخصة القيادة العادية بتاعتنا ، واللي ليها كل السماحيات.

ملحوظة صغيرة ... أول رخصة اللي هيا الـــ G1 لازم عشان تسوق وهيه معاك ؛ يكون راكب جمبك واحد معاه الــ G ، وبيسوق بقاله أربع سنين ع الأقل ، وكمان ما تسوقش بالليل ، ولا ع الهاي واي! يعني نكد م الآخر!

لو معاك شهادة بيانات المرور أو رخصتك طالعة من أكتر من سنتين ، ممكن تمتحن الــ G على طول. وعلى الله ما تسقطش ، وإلا هتمتحن الــ G2 تاني أبل ما يمتحنوك الــ G ! واسيب صاحب الموضوع هوه اللي يتناول التفاصيل دي.

لمؤاخذة يا فري فريير باشا ، أنا بس إديت رد للراجل على ما أوسوم كده ، بس الموضوع بتاعك ، ومستنيين باقي كلامك smk:

عن رخصه القياده فى كندا

[ehabtaher]

اجراءات استخراج رخصة القيادة الكندية.

1.رخصة سارية

2.ترجمة الرخصة الترجمة بعشريين دولار.

3.اجتياز اختبار النظر بالنضارة او من غير

4.اجتياز اللامتحان النظري و هو عبارة عن 32 سؤال في اشارات و قواعد المرور مطلوب اجابات صحيحة ل 28 سؤال.

5.ضريبة 125 دولا للرخصة خمس سنوات .

6.اجتياز الاختبار القيادة العملي.

وهوااختبار داخل المدينة .

7.عند اجتياز الاختبار تحصل علي رخصة قيادة G2

بالتوفيق للجميع.

موضوع المستخرج بتاع الرخصة القديمة

1- طلب شهادة بيانات من المرور اللي طلعت رخصتك منه ( في حالتي كان مرور عين الصيرة )

2-اعتماد الشهادة من ادارة مرور المحافظة التابع ليها المرور اللي انت طلعت منه الرخصة ( في حالتي كان ادارة مرور القاهرة في الدراسة )

3- التصديق على اعتماد المرور مديرية الامن

4- التصديق على تصديق مديرية الامن من مكتب مساعد وزير الداخلية ( داخل كلية الشرطة في العباسية )

5- تصديق وزارة الخارجية

كل ده عشان الرخصة لما جددتها مش باين فيها العشر سنين اللي فاتو

ونكمل اقتباس قريبا

[ehabtaher]

[safar]

الأخ/ إيهاب ، نشكرك على هذه الروابط التي تفيد المهاجر .\

لكن عندي ملاحظة : بما أنك موجود الآن في منتدى الحياة والهجرة إلى كندا ، أرجو التركيز على هذا الموضوع ، حتى لا تشتت جهودكم في أمور أخرى لا تمت لموضوع هذا المنتدى.

وجزاكم الله خيراً

مع تحياتي للجميع

[ehabtaher]

اشكرك يا سفر على مداخلتك بس انا شايف ان موضوعى ده بيمشى تاتا تاتا زى بالضبط موضوع الملف بتاعى

انا دلوقت مقدم فيدرال بقالى شهر يعنى لسه ال فايل نمبر ماجاش

علشان كده اللى بييجى فى بالى باكتبه

لكن لو انت مثلا طلبت شىء معين كتاب معين وكنت اقدر ادور عليه انشاء الله ادور

اخر حاجه مثلا لقيتها GRE DVD

موجوده فى englishtips.org

قعدت انزل فيها يومين

بس لقيتها ظريفه علشان الواحد لو حياخد كورس gre قبل الدراسه فى كندا حتفيده جدا

الحاجه التانيه

انا طبيب

ونفسى اعرف الاطباء اللى سافرو قبلنا عملو ايه لو حاولو يدرسو ويغيرو مجال شغلهم بدل المعادله والكلام اللى مش مضمون ده

نفسى اعرف مثلا اطباء الاشعه عملو ايه

اطباء النساء والولاده عملو ايه

اعرف مثلا ان اطباء المعامل ممكن اشتغلو ا فى معمل tech

لحد مايخلصو المعادله

لكن عايز اعرف كل واحد متخصص تخصص معين عمل ايه فى كندا لحد ما قدر يشتغل فى تخصصه او عمل ايه وماشتغلش فى تخصصه

غير السكه والا استحمل شغل الكاجوال ال 3 سنين وساب كندا بعد كده والا ايه

نفسى اعرف جدا

بس مافيش حد يقول لنا عن الموضوع ده حاجه بجد

[ehabtaher]

سبحانك يا رب

[Dahshouri]

الف شكر