برامج كتب روابط نصائح مفيده لكل مهاجر

[ehabtaher]

الف شكر

[kodo]

الف مبروك يا استاذ ايهاب علي التقديم وانشاء الله ربنا يسهلك امورك

بصراحة موضوع الجنود الصينيون ده جامد والعظة لمن اتعظ

طبعا انا بسجل متابعة مع حضرتك بدل زوجي لانه دلوقتي مزنوق في مذاكرة الايلتس

وبصراحة استفت كتير من موقع البحث عن الشقق

ومعاك لحد ما تحصل علي الفيزا انشاء الله

اختك ام ادم

[precanadian]

طريقه التوفير فى بند الغذاء

زي الرز والمكرونه والجبنه والبيض والزيت واللحمه

وديه مقتبسه من منتدي تاني عن الاسعار في كيبيك

نخش علي الكل

كلنا بننزل نشتري اكل و ده طبيعي, يعني لما نحتاج ناكل ننزل نشتري صح. لا مش صح, عشان تعيش طالب الاكل مش بييجي لما تحتاجه, الاكل ييجي لما هو يحتاجك

اقول لكم ازاي

انت تتابع الفليرز و دي بتنزل كل خميس في محلات الاكل , و اياك ثم اياك تكون محتاج اي حاجة و تنزل علي طول تجبها, لا يا باشا انت تجيب كل فليرز المحلات في اول الاسبوع و تقراها كويس و بالخبرة حتعرف ان في حاجة عاملة زي دوريات التخفيضات

نبدأ بالفطار: محتاجين بيض و جبنة, البيض الكرتونة ب 2.6 دولار, اوعي تجبها و لو اتزنقت مش حنموت من غير بيض, طيب تعمل ايه, تستني لحد ما ينزل عرض علي البيض في اي محل و غالبا بيكون ماكسي او سوبر سي, و طبعا عشان كل الطلبة نفس النظام و كحيانة, اول ما البيض ينزل التليفونات او النت يشتغل و كله يبلغ كله, لو عندك عربية زي حالاتي بتروح المحل و تجيبه ده الطبيعي, بس الواقعي اكتر انك تجيب بيض لطالب تاني معاك او هو يجيبلك عشان البنزين و خصوصاان المحلات دي بعيدة شوية. البيض بيبقي ب 1.6 في التخفيض, تروح يا باشا تجيب 10 او 20 كرتونة زي ما انا بعمل و تحطهم في التلاجة و تاكل منهم لحد التخفيض القادم. كدة بتوفر في بند واحد بس 20 دولار شهريا, طبعا ممكن بالنسبة لناس تانية ال20 دولار دي مش حاجة , بس احنا الميزانية لو خسعت 20 دولار حنجبهم منين, يبقي نستلف او حد من مصر يبعتهم يعني

الجبنة: يا ريت و انت جاي من مصر تشحن جبنة تكفيك شهرين تلاتة او لو حد نازل زيارة يظبطك, الجبنة من الكماليات غالبا, بس بارده في جبنة تمنها 8 دولار النص كيلو و بتنزل ب 4 في التخفيض اسمها كيبون, تروح يا باشا رازع 10 علب منها و تحط في التلاجة

اللبن: للاسف ملهوش حل لازم تجيبو, بس تجيب العبوة العائلية بيبقها فيها تخفيض

الفاكهة: انسي يا عمرو ما عدا لو في عرض جامد اوي زي الموز اللي بينزل 40 سنت الكيلو و بقيت الفاكهة متكلهاش الا لما تلاقي نوع نزل عليه تخفيض جامد. و بالنسبة للطلبة عشان معندهمش مواعيد عمل تروح محلات الخضار و الفاكهة الصبح بدري اول ما تفتح حتلاقي الفاكهة و الخضار بتوع اليوم اللي قبله بسعر تقريبا ببلاش, يلا كل و هيص, و طبعا عرفنا الخطة تروح جماعة عشان البنزين, او حد يجيب لك

الرز و المكرونة: تستني عرض شوال الرز اللي 8 كيلو و بينزل ب 9 دولار و تجيب شوالين كدة يكفوا معاك 4 شهور و تنسي الموضوع ده. المكرونة كماليات و متجيش الا في الشديد الاوي, يعني لما تتخنق من الرز اوي او لما تنزل بسعر مغري جدا

الفراخ: الوجبة الرئيسية في كيبك عشان الفراخ حلال في كيبك و مش عارف باقي كندا ايه, بينزل عرض مش ممكن للوراك, بيكون الكيلو ب 1.4 دولار, تيجي رايح علي طول و رازع 10 كيلو لحد العرض اللي بعده, و غالبا حسب تتبع دورة الفراخ بقينا عارفين بتنزل امتي و تلف ازاي علي المحلات, يعني عاملين دراسات جدوي

الديك الرومي: لو تتبعت العروض ممكن تلاقي ديك الكيلو ب 2.4 تيجي رازع ديكين ينفعوا في العزومات عشان تبيض وشك و تبان انك غني و بتاكله علي طول

اه بالنسبة للفراخ لازم مراتك تكون شاطرة و تنوع فيها عشان متزهقش من اكلها

الدقيق: من اساسيات المهاجر المكافح الدقيق, منهم لله كان السنة اللي فاتت كان بينزل ال 10 كيلو ب 6 دولار و كنت بجيبه. الدقيق تعمل به البتزا و الكيكة و البرونيز و الاكلير و كل الحلويات عشان تسد بق العيال و ميفكروش في الشوكولاتة, و كدة مش حتضطر تاكل برة حتي لو كنت برة البيت تاخد الحاجات دي معاك.

السكر: بارده لما ينزل العرض اللي هو ال 2 كيلو ب 1.5 تروح محمل و معبي في البيت, و ده ضروري للحلويات عشان تسكت العيال

السمك: مقرف جدا هنا, طبعا الانواع الرخيصة, عشان الغالي مش بنجيبو

اللحمة: بلاش منها خالص الا لو عندك واحد حبيبك زي واحد صاحبي ربنا يبارك له بينزل موريال و يحمل لحمة للطلبة كلها في عربيته الملاكي, الكيلو ب 7.5 و المفروم ب 5.5 و طبعا تجيب 10 كيلو للشهر كله

اه في محل دولاراما ينفع لبسكويت العيال لو الدنيا زنقت اوي و في لعب كمان و حاجات تانية لتمشية الحال

البيبسي و العصير تسني لحد لما تكون البيبسي ال 2 لتر ب 77 سنت و تجيب و مش لازم طبعا كل شوية تشربها, ما هي مضرة

الايس كريم و ده مقدرش اعيش من غيره, ال 2 لتر في العرض ب 4 دولار و ده مش بهتم ساعتها بالميزانية و البنات شبهي فيه, اهو ده الحاجة اللي مش ممكن حد يقاومها في كيبك, عندهم حبة انواع و اشكال و لو زنقت اجيب فلوس من مصر عشانه او انزل اشتغل طول الليل اعملها, بجد لا يقاوم

طيب لو انت تتبعت الحاجات دي و غالبا مراتك هي اللي عليها الدور ده, حتلاقي ان الميزانية للاكل من 250 الي 300 لاسرة 4 افراد, و خد بالك احنا كده اكلين زي مصر و يمكن احسن, انا كان مستواي في مصر عالي يعني عايش مرتاح جدا و مش حاسس بفرق, هو الموضوع عايز حبة نظام و مجهود و متنسقش ورا كل حاجة تلاقيها, و خد بالك انك ممكن تلاقي حاجة ب 10 و تاني يوم في التخفيض ب 3 , يعني متستعجلش علي اي حاجة نفسك فيها, مش حتتحرم منها بس ممكن تتاخر شوية لحد متنولها

الاكل برة: انساه خاااالص, اهو ده اللي خارب ميزانية الناس كلها و بيشتكوا, و بعدين عايز تاكل برة روح اي بارك و كلهم ببلاش و خد معاك الشواية و اديها يا باشت و عيش حياتك, و ده مسموح به في باركات كتير. او خد البتزا اللي عملها في البيت و في البارك بارده و تبقي اكلت برة

البطاطس و البصل و التوم: اول اتنين لو صبرت حتلاقي عروض فظيعة, تروح محمل كمية للعرض اللي بعده و طبعا انت بقيت خبرة في مواعيد العروض و تعرف تتوقع الكمية, التوم من دولاراما اللي مقشر او المسحوق في البرطمان

الطماطم غالية اوي و الاحسن الصلصة بتاعة نو نيم, البرطمان الكبير في العرض ب 77 سنت

الخضار الطازة بلاش منه كله حيخرم الميزانية, لو رحت ماكس حتلاقي خضار مجمد رخيص جيب منه و له اشكال و الوان بارده, او في الصيف اجر حتة ارض ب 20 دولار و ازرعها انت, الارض تقريبا 4 في 4

للامانه مقتبس: من د فاروق بس حبيت انى اذكره هنا ايضا للاستفاده

الكلام ده كلام عمده كيبك جادوللي في 20 سبتمبر2008

الله يمسيه بالخير هو والمهندس ياسر

وده الرابط

تم تعديل 7 يناير 2010 بواسطة moheltohamy
حذف جملة تم الاعتراض عليها بوصفها شخصنة

[laka]

السلام عليكم

بصراحة أول مرة اخد بالي من التوبيك بتاع حضرتك يا دكتور ايهاب

مجهود تشكر عليه و ربنا يكرمك و تكمل مشوار هجرتك على خير

متابع مداخلاتك و بستفيد

[ehabtaher]

canada

[EmanRasmy]

الله يكرمك يا دكتور ... أول مره آخد بالي من القهوه بتاعتك... و حلو قوي كلام الملخصات ده ...متابعه معاك..

[bent qena]

مجهود رائع ربنا يكرمكم ويزيدكم من فضله اللهم أمين :rolleyes:

[ehabtaher]

دليل لمدينه فانكوفر و كولومبيا البريطانيه

http:///9wriqvz

[wnam]

الموقع ده خاص بكل شئ عن المدارس بميسيساجا

وبعدة لغات ومنها العربية

[astrophy]

الكلام ده كلام عمده كيبك جادوللي في 20 سبتمبر2008

الله يمسيه بالخير هو والمهندس ياسر

اخى العزيز الموضوع فعلا لدكتور جادولى بسى د فاروق لم ينسب الكلام دا له انا قراته قبل كدا هو قال انه منسوب من احد المواقع او على لسان احد اخر لان الراجل اصلا لسا مسافرش كندا فاهيفتى ازاى باسعار الاكل هناك

هو ممكن بسى دكتور ايهاب مخدش باله ان الدكتور فاروق مقتبسه من دكتور جاولى

تم تعديل 7 يناير 2010 بواسطة moheltohamy
حذف جزء من الاقتباس لتعديل الأصل

[ehabtaher]

يا جماعه كبرو دماغكم

د فاروق .. د جادولى ... د ايهاب .. محدش واخد منها حاجه... هما مش منتظرين الشكر والا انا منتظره.... دى خدمه بس لوجه الله

والاجر من عنده لو كنا عملنا حاجه تستاهل الاجر ....... هى الانترنت مفتوحه لكل الناس اللى يدور يدور ... كل اللى بنعمله هى محاوله التركيز

فموضوع من مين والا من مين ... مش حا تفرق كتير الا لو كانت حقوق الطبع محفوظه للمؤلف

اما اذا كان عاملها خدمه لغيره ... فحتى لو سقط اسمه سهوا ... مش حايغير فى اجره عند الله شىء

والسلام

[dcfarouk]

الكلام ده كلام عمده كيبك جادوللي في 20 سبتمبر2008

الله يمسيه بالخير هو والمهندس ياسر

حضرتك انا جايب التوبك ده من العرب المسافرون وده منتدي وانا كمان قلت اني مقتبسه مقلتش بتاعي بس اللي اكتشفته بعد كده ان جادوللي عامل الموضوع بتاريخ قديم اقدم من تاريخ الموضوع اللي انا جبت منه الكلام ده

وبعدين انت بتتكلم بالنيابه عن جادوللي ليه

اعتقد شخصيه زي جادوللي مش هتزعل من نقل الموضوع لان الغرض الاساسي هو الفائده

زميلنا الفاضل... تعقيباً على التقرير الذي أرسلته للإدارة.

جرت العادة في المنتدى أن من يورد اقتباساً ، يشير لمصدره ، والأفضل دائماً ترك رابط للمصدر من باب أمانة النقل.

و د. بريكانيديان زميل محترم لم أراه يسئ لزميل آخر من قبل ، وتعليقه كان احتراماً لغيبة الزميل العزيز جادوللي ، والمنقطع عن المنتدى منذ فترة.

وإن كان على ما يبدو أمانة النقل في المنتديات الأخرى شئ لا يهتم به أحد ، فأتمنى أن تقوم بإضافة الرابط للمشاركة التي رأيتها لإطلاع الزملاء عليها.

وشكراً...

الإدارة.

تم تعديل 7 يناير 2010 بواسطة moheltohamy
تخفيف حدة الحوار

[dcfarouk]

موقع

انا

حطيب الرابط اللي فيه الموضوع اللي انا نقلته

وانا مرضيتش اقول اسم الموقع في اول مره نشرت الاقتباس لاني علي حسب علمي انه ممنوع احط اسم موقع تاني

وعلي فكره نفس الاقتباس ده منشور في كزا موقع ولم يشار انه مقتبس في هذه المواقع

تم تعديل 7 يناير 2010 بواسطة dcfarouk

[moheltohamy]

يا دكتور فاروق...

أولاً يا ريت تبتعد عن الزر تقرير لغير الإبلاغ عن المشاركات المسيئة ، في حالة الرغبة في مخاطبتي أنا شخصياً (محمد سعد يعني) يمكنك مراسلتي على الخاص ، وبعيداً تماماً عن موضوع التقرير ده.

الزر تقرير يقوم بإرسال نسخة من رسالتك لكل فرد من أسرة الإشراف والإدارة ، يعني إزعاج مالوش أي داعي!

ثانياً... موضوع الكوبي بيست من منتدى المطاريد ، واللي أساساً عاملين كوبي بيست من منتدانا ، وتيجي حضرتك تقتبس من المقتبس من مواضيع لينا أصلاً في باب كندا ، في مواضيع جديدة... أمر لا يُعقل!

عشان كده أنا كنت وما زلت شايف إن موضوع د. إيهاب ده مالوش لزوم من الأساس! مفيش أي منطق للي بيحصل ده! المواضيع الدسمة والمفيدة موجودة بالفعل... اللي بيحصل هنا إننا بنكررها تاني ، ومواضيع جديدة بتتفتح ، وبتكون سمك لبن تمر هندي ، وكل ده عشان الناس اللي بتكسّل تتفسّح شوية في المنتدى ، وتقرا المواضيع الأصلية! واللي بدورها بتتدفن في الصفحات الأخيرة عشان طوفان المواضيع الجديدة اللي مالهاش أي داعي أصلاً!

مفيش أي منطق في اللي بيحصل ده!

[ابنه النيل]

يا دكتور فاروق...

أولاً يا ريت تبتعد عن الزر تقرير لغير الإبلاغ عن المشاركات المسيئة ، في حالة الرغبة في مخاطبتي أنا شخصياً (محمد سعد يعني) يمكنك مراسلتي على الخاص ، وبعيداً تماماً عن موضوع التقرير ده.

الزر تقرير يقوم بإرسال نسخة من رسالتك لكل فرد من أسرة الإشراف والإدارة ، يعني إزعاج مالوش أي داعي!

ثانياً... موضوع الكوبي بيست من منتدى المطاريد ، واللي أساساً عاملين كوبي بيست من منتدانا ، وتيجي حضرتك تقتبس من المقتبس من مواضيع لينا أصلاً في باب كندا ، في مواضيع جديدة... أمر لا يُعقل!

عشان كده أنا كنت وما زلت شايف إن موضوع د. إيهاب ده مالوش لزوم من الأساس! مفيش أي منطق للي بيحصل ده! المواضيع الدسمة والمفيدة موجودة بالفعل... اللي بيحصل هنا إننا بنكررها تاني ، ومواضيع جديدة بتتفتح ، وبتكون سمك لبن تمر هندي ، وكل ده عشان الناس اللي بتكسّل تتفسّح شوية في المنتدى ، وتقرا المواضيع الأصلية! واللي بدورها بتتدفن في الصفحات الأخيرة عشان طوفان المواضيع الجديدة اللي مالهاش أي داعي أصلاً!

مفيش أي منطق في اللي بيحصل ده!

اسمحلي اقول رأيي كعضوه جديده تعاني من عدم القدره علي الحصول علي المعلومات بسهوله

لضيق الوقت اولا وعدم الاستطاعه التجول في كل الموضوعات التي يبلغ عدد صفحاتها 150 صفحه واكثر

والحقيقه وجدنا في هذا الموضوع تجميع جيد للروابط الهامه التي يحتاج اي مهاجر لها وهو مجود يشكر عليه الدكتور ايهاب حقيقه واجده لا يقلل من اهميه الموضوعات الاخري الدسمه بل بالعكس لقد دلني هذا الموضوع

علي موضوعات اخري لم انتبه لوجودها من الاصل

ونرجوا الاستمرار فيه

وجزاه الله خيرا

[ehabtaher]

يا د تهامى

مانا بعتلك رساله على الخاص بقولك اننى مش حابقى فاضى فى الفتره اللى جايه وقلتلك عايز تضم الموضوع لموضوع تانى ضمه

هو انا اعترضت على حاجه

لكن طول مانت سايبه ومش بتشيله من مكانه

انا بارد على اللى بيكتب فيه وطول مالموضوع موجود فانا مجبر على اننى كل ما تقع فى ايدى حاجه جديده حا حطها فيه

بس لو سمحت

لما تشيل الموضوع او تدمجه فى موضوع تانى

ابقى قول لى حاتحطه فين من باب العلم بالشىء

وبعدين ما تزقش

[kodo]

يا دكتور فاروق...

أولاً يا ريت تبتعد عن الزر تقرير لغير الإبلاغ عن المشاركات المسيئة ، في حالة الرغبة في مخاطبتي أنا شخصياً (محمد سعد يعني) يمكنك مراسلتي على الخاص ، وبعيداً تماماً عن موضوع التقرير ده.

الزر تقرير يقوم بإرسال نسخة من رسالتك لكل فرد من أسرة الإشراف والإدارة ، يعني إزعاج مالوش أي داعي!

ثانياً... موضوع الكوبي بيست من منتدى المطاريد ، واللي أساساً عاملين كوبي بيست من منتدانا ، وتيجي حضرتك تقتبس من المقتبس من مواضيع لينا أصلاً في باب كندا ، في مواضيع جديدة... أمر لا يُعقل!

عشان كده أنا كنت وما زلت شايف إن موضوع الدكتور إيهاب ده مالوش لزوم من الأساس! مفيش أي منطق للي بيحصل ده! المواضيع الدسمة والمفيدة موجودة بالفعل... اللي بيحصل هنا إننا بنكررها تاني ، ومواضيع جديدة بتتفتح ، وبتكون سمك لبن تمر هندي ، وكل ده عشان الناس اللي بتكسّل تتفسّح شوية في المنتدى ، وتقرا المواضيع الأصلية! واللي بدورها بتتدفن في الصفحات الأخيرة عشان طوفان المواضيع الجديدة اللي مالهاش أي داعي أصلاً!

مفيش أي منطق في اللي بيحصل ده!

اسمحلي اقول رأيي كعضوه جديده تعاني من عدم القدره علي الحصول علي المعلومات بسهوله

لضيق الوقت اولا وعدم الاستطاعه التجول في كل الموضوعات التي يبلغ عدد صفحاتها 150 صفحه واكثر

والحقيقه وجدنا في هذا الموضوع تجميع جيد للروابط الهامه التي يحتاج اي مهاجر لها وهو مجود يشكر عليه الدكتور ايهاب حقيقه واجده لا يقلل من اهميه الموضوعات الاخري الدسمه بل بالعكس لقد دلني هذا الموضوع

علي موضوعات اخري لم انتبه لوجودها من الاصل

ونرجوا الاستمرار فيه

وجزاه الله خيرا

السلام عليكم ورحمة الله وبركاته

اسمحلي يا استاذ محمد ان اوضح وجهة نظر اخري وهي ليس لها علاقة بالكسل في البحث او هدفها الوصول للمعلومة بسهولة فانا اوفق علي نفس الراي فموضوع الدكتور ايهاب مفيد جداااااا لان معظم الموضوعات الدسمة تتطرق الي موضوعات اخري سواء شخصية او سياسية او مجاملة وبتخرج عن سياق الهجرة والنصيحة فمثلا لو موضوع مكون من اكتر من 100 صفحة تجد مجاملات وموضوعات فرعية اكتر من 20في 100 فلماذا اتكبد عناء قرات هذه المداخلات البعيدة عن الهجرة

اسفة عالاطالة ولكن هذا جزء من حرية الرأي الذي تعلمناه من حضرتك في جميع مشاركاتك

[ehabtaher]

مش عملتو داونلود للكتاب الخاص بتعلمات القياده من الصفحه الاولى

حاولو ا الاجابه على الاسئله دى علشان تعرف نتيجتك قبل الامتحان الفعلى فى البرتا

[ehabtaher]

دليل مونتريال

http:///7qzeka2

[kodo]

السلام عليكم ورحمة الله وبركاته

بارك الله فيك بصراحة مجهود تستحق الشكر عليه

وفي انتظار جديدك المميز دائما