التشطيب وسنينه

[mama nona]

في نقطة نسيناها في الريسبشن

لو حضرتك هتعمل وزرات ارضية في البورسيللن ( اطارات ) تراعي المسافات بين الاطار و الحائط يعني لو هتعمل تحت السفرة يبقي الاطار جواه السفرة و الكراسي و لو في الصالون يبقي جواه ترابيزه الصالون و السجاده بتاعتة و برضة لا يدخل تحت الكنب و الكراسي

و نقطة تانية لو هتعمل سلمة في الجزء الخارجي للريسبشن لازم يكون في تصرف في شباك البلاكونه الالوميتال لان زي ما فهمت انه راكب

عندك حق فى موضوع الأطارت . سؤال هو برده بيبقى فى وزرات فى الرخام .

اللى انا فهمته أخر مره ان الجزء الخارجى لليفنج مش محتاج سلمه والسلمه تكون للجزء الداخلى (السفره والصالون ) صح كده ولا ايه؟

سؤال بقى محيرنى . هيا السفره متبقاش سفره من غير نيش وبوفيه ؟ وهدفهم الأساسى الشكل ولا عشان نحط فى الأطقم بتاعتنا وشوية الكريستالات.

يعنى تبقى مشكله لو سفره شيك ترابيزه بكراسى وحواليهم شغل جامد . انا مش معترض عليهم . انا معترض على انهم لازم يلزقوا .

انا حاسس ان النيش ده كان بنقول للناس بصوا شوفوا احنا عندنا ايه؟

ينفع سفره من غير نيش وبوفيه -طبعا الكلام ده بينى وبينكم - انما وقت الجد البوفيه والنيش قبل السفره نفسها :blush2: ؟

تحياتى

والله ان جيت للحق كل حاجة تنفع

من غير ما نحط الناس هتقول علينا ايه فى اعتباراتنا

انت الوقتى بتفرش بيتك على ذوقك مش عريس جديد وحماك بقى بيشترط عليك لازم النيش قبل السفرة والا الناس هتاكل وشنا

افرش بيتك زى ما انت تحب وتختار

سلام

[president]

والله ان جيت للحق كل حاجة تنفع

من غير ما نحط الناس هتقول علينا ايه فى اعتباراتنا

انت الوقتى بتفرش بيتك على ذوقك مش عريس جديد وحماك بقى بيشترط عليك لازم النيش قبل السفرة والا الناس هتاكل وشنا

افرش بيتك زى ما انت تحب وتختار

سلام

والله رأى يشجع . طمنتينى الله يطمن قلبك . بس كام واحد بيفكر كده ؟؟

[HanaaOsama]

عندك حق فى موضوع الأطارت . سؤال هو برده بيبقى فى وزرات فى الرخام .

الرخام ليه اشكال الراجل بتاع الرخام بقي هو و الاشكال الي يقدر يعملها

اللى انا فهمته أخر مره ان الجزء الخارجى لليفنج مش محتاج سلمه والسلمه تكون للجزء الداخلى (السفره والصالون ) صح كده ولا ايه؟

يكون اشيك بسلمة لكن المشكله شباك البلاكونة الي راكب

سؤال بقى محيرنى . هيا السفره متبقاش سفره من غير نيش وبوفيه ؟ وهدفهم الأساسى الشكل ولا عشان نحط فى الأطقم بتاعتنا وشوية الكريستالات.

يعنى تبقى مشكله لو سفره شيك ترابيزه بكراسى وحواليهم شغل جامد . انا مش معترض عليهم . انا معترض على انهم لازم يلزقوا .

انا حاسس ان النيش ده كان بنقول للناس بصوا شوفوا احنا عندنا ايه؟

ينفع سفره من غير نيش وبوفيه -طبعا الكلام ده بينى وبينكم - انما وقت الجد البوفيه والنيش قبل السفره نفسها :blush2: ؟

البوفية مش لازم انا شخصيا مجبتش بوفية لكن النيش اعتقد بيشيل حاجات كتير مهمة

تحياتى

[mama nona]

والله ان جيت للحق كل حاجة تنفع

من غير ما نحط الناس هتقول علينا ايه فى اعتباراتنا

انت الوقتى بتفرش بيتك على ذوقك مش عريس جديد وحماك بقى بيشترط عليك لازم النيش قبل السفرة والا الناس هتاكل وشنا

افرش بيتك زى ما انت تحب وتختار

سلام

والله رأى يشجع . طمنتينى الله يطمن قلبك . بس كام واحد بيفكر كده ؟؟

كتير والله بيفكرو كده

ال بيدور عالمصلحة وبس

مش عالشكليات

شد حيلك وشطب ووقت الفرش ربنا يحلها

اصل التشطيب ده افلام وروايات

[president]

الحمد لله وصلت لقناعه بخصوص ديكورات الشقه .

وشايف ان الحاجات الباقيه كله حاجات بسيطه ان شاء الله او هتكون عباره عن تصميمات واضحه .

زى المطابخ والحمامات كلها شغل معارض وكتيبات .

شكرا لكل من ساهم فى الموضوع وشكرا على وجه الخصوص للأخت هناء - اللى بتعمل كل حاجه لوجه الله فقط :lol: - وماما نونا - اللى مطلعتش كبيره ولا حاجه :lol: -

ودى مش دعوه لغلق الموضوع بالعكس . ياريت افكار جديده تساعدنا على التخيل أكتر . ومفيش مشكله ان لو حد حابب يسئل

مستشاريين الديكور فى المنتدى :sad: فى حاجات شخصيه او يسألهم فى التصميمات اللى انطرحت هنا .

بالعكس ممكن نلاقى الموضوع ده موضوع مجمع يحتوى على تصميمات شقق مختلف

بديكورات مختلفه . تساعد بعد كده لو حد بيدور على حاجه معينه .

تحياتى لكم

تم تعديل 18 ديسمبر 2009 بواسطة president