إحنا إتقابلنا قبل كدة؟!!!

[SoSo R]

مساء الخير على الكل...

إحنا إتقابلنا قبل كدة؟؟

دة سؤال بتسألوا كتير قوى...قوى..

ولما رحت كندا بقيت بتسأله أكتر وأكتر... :blink:

يعنى حسيت إن أنا شبه ال80 مليون اللى فى مصر على المغتربين المتنطورين فى بقية القارات...

تفتكروا إيه اللى يخلى حد أول ما يشوفك يقولك الجملة دى...

هل تشابه الملامح ؟

هل نفس الروح..

نفس طريقة الكلام..أو الأسلوب ..أو المصطلحات المستخدمة..

على فكرة الموضوع دة ساعات بيبقى ظريف قوى..

لأنه بيعمل آيس بريكنج...مع ناس لسه متعرف عليهم جديد

غير إنه بيعمل جو من الألفة لو أنت بتفكر اللى قدامك بحد بيعزه...أو مشتاق له وواحشه قوى :lol:

لكن لو بتفكره بقى بحد ....مش لازم نقول :lol:

يبقى الواحد يمشى من قدامه أحسن

ع العموم مستنية أرائكم...

إيه سبب التشابه..

وهل بيحصلكم الموقف ده ولا لأ

تحياتى

سوسورانى

[safaalabana]

صباح الخير ياسوسو ياحبيبتى ...يعنى مجرجرانى وراكى فى القهاوى . :blink:

طيب ...شوفى يا حبيبتى الحكايه دى حصلت معايا كتير وخصوصا لما بكون جديده فى مكان يعنى اكون نقلت شغلى لمستشفى جديده والاقى نفس السؤاال ....مثلا حد يقوللك انا نتأكد انى شفتك قبل كده ...تقولى ما حصلش يقوللك لا لا متاكد ...حاجه غريبه ومش شخص واحد فى نفس المكان لا كدا حد ...لكن لما قلهالى استشارى كان اكبر منى بكتييير ولقيت السوءال التانى ...لقيته بيقولى اصل انا درست فى مصر يمكن كنتى معايا فى الكليه وساعتها اللى حواليا بصولى (وش زكية زكريا لما بتقلع الباروكه)

وطبعا مهما قلت مش مصدقنى ماهوالراجل متأكد

أه ما هو الراجل متاكد انه شافنى فى يوم من الايام ...وبيبقى نفسهم اوى يفتكروا ...لكن هى مين ...استحاله

يعنى ياسوسو احيانا الحكايه بتبقى ظريفه واحيانا..... :lol:

اما بقى عن الاسباب الله اعلم ...انا نفسى اعرف

[doha]

طيب ايه رايك في حاجه غريبة جدا اكتشفتها لما سافرت برا مصر مؤخرا ..

اننا كمصريين شبه بعض جدا بدرجه لا تقل نهائيا عن شبه الصينين ببعض .. تخيلي ..

يعني لما اشوف وحده مصريه مستحيل اقول غير انها مصرية وبتبقى شكل من احد اربع او خمس اشكال فقط لا تخرج عنها وجوه المصريين ..

آخر مرة كنت في مكان عام وكان فيه مصريات كتير ـ عمري ماشفتهم طبعا ـ مفيش ولا وحده فيهم الا وشبهت عليها انها فلانه الي اعرفها او علانه او على الاقل قعدت اعصر مخي ياربي انا شفتها فين قبل كده انا عرفاها ومتاكده اني عرفاها بس فين فين ...

السبب زي ماقلت لك اننا كلنا ( قطعية وحده ) من ناحية الشكل بس مش واخدين بالنا اوي من الحكايه دي من كتر مابنشوف الوجوه والملامح لكن لما تطلعي برا وترجعي بتكتشفي اننا فعلا متشابهين جدا والملامح تقريبا هي نفسها ..

[enjisultan]

يعنى الموضوع بالنسية لى لما باقابل حد واحس انى عارفة قبل كدة فى الفالب الحد دا

بيكون شخصىة لطيفة

من الاخر معظم الناس مش هتشبهك بحد رخم لان الرخمين مش بيعلقوا فى ذهن الواحد زى الناس الظريفة

ودا يعتبر جود اسبكت للموضوع التشابهات

اما لو حصل كدة زى صفاء والاستشارى مصمم يطلعك دفعتة اللى هى خلصت من زمان ما فضيلش غيرة منها

يبقى راجل مجرم بس ستيل شايف انك حد ظريف

بالنسبة بقى لتشابة المصريين فيا بنتى المصريين كلهم بيفكروا زى بعض مثال بسيط

لما كان دكتور كنا بناخود عندة درس والعدد عندة كبير وكان

يدينا معادين لنفس الحصة والاتنين متقاربين جدا تلاقى الدفعة كلها قاعدين فوق راس بعض فى حصة من الحصص والحصة التانية فيها 2او3 مثلا

مثال تانى لو الطريق واقف ادامك وانتى فكرتى تخرمى عشان تنجزى فى الطريق هتلاقى مصر كلة بتخرم معاكى

فى الغالب دماغنا واحدة وطريقتنا واحدة وخصوصا لما الناس اللى بتعاملى معاهم بيكون لهم نفس اهتماماتك

يعنى مش هتلاقى البواب الجديد مثلا بيقولك انا شوفتك قبل كدةبإستثناء البواب عندنا اللى باقولك انى شاكة انة مقدمة على هجرة لكندا

واما بقى بالنسبة لكى يا سوسو رانى فانتى بحد وهمية وتجننى واصلا هتلاقى كل الناس بتتلكك عشان تعرفك فهتلاقى الموضوع دا كتير معاكى

باختصار معاكسة حضرتك

تم تعديل 11 ديسمبر 2009 بواسطة enjisultan

[Damo]

مممم موضوع جميل يا سوسوراني

طب انا هحكي حكاية. لم كنت لسة في مصر كان بابايا كتير ياخدنا النادي. كذا مره يجي حد يقولي: لو سمحتي هو انتي سارة اللي في فريق السلة :blink: مش عارفة مين بالظبط اللي كان منتحل شخصيتي في فريق السلة خلى النادي كلو فاكر انو يعرفني

[rewsha]

طيب ايه رايك في حاجه غريبة جدا اكتشفتها لما سافرت برا مصر مؤخرا ..

اننا كمصريين شبه بعض جدا بدرجه لا تقل نهائيا عن شبه الصينين ببعض .. تخيلي ..

يعني لما اشوف وحده مصريه مستحيل اقول غير انها مصرية وبتبقى شكل من احد اربع او خمس اشكال فقط لا تخرج عنها وجوه المصريين ..

آخر مرة كنت في مكان عام وكان فيه مصريات كتير ـ عمري ماشفتهم طبعا ـ مفيش ولا وحده فيهم الا وشبهت عليها انها فلانه الي اعرفها او علانه او على الاقل قعدت اعصر مخي ياربي انا شفتها فين قبل كده انا عرفاها ومتاكده اني عرفاها بس فين فين ...

السبب زي ماقلت لك اننا كلنا ( قطعية وحده ) من ناحية الشكل بس مش واخدين بالنا اوي من الحكايه دي من كتر مابنشوف الوجوه والملامح لكن لما تطلعي برا وترجعي بتكتشفي اننا فعلا متشابهين جدا والملامح تقريبا هي نفسها ..

طب الكلام ده لما تكوني خارج مصر .وتشوفي حد مصري تقومي تعرفي علطول من الشبه انه مصري

لكن لو انت داخل مصر واللي بيشوفوكي مصريين برضو ....ولما يشوفوكي يقولوا لك نفس الجمله دي ..احنا اتقابلنا قبل كده؟

تصدقي؟

انا كمان .باقابل ناس كتيره جدا ولاْول مره .وبقولوا نفس الجمله ....انا شوفتك قبل كده فين؟

وبيبقوا متاْكدين .ويمكن كمان يقولوا لك انا شوفتك في المكان الفولاني ..او انت اخت فولانه ...او ....او...

بس في ناس بتعتقد انها شافتك قبل كده

وناس بتبقى عارفه انك شبه حد همه شافوه قبل كده

هنا نقدر نقول المثل بتاعنا اللي بيقول ....(يخلق من الشبه 40)...وانت بقه واحد من ال40 دول

[عنبو]

انا بقى حصل الموضوع ده معايا فى اول يوم فى الشركه حيث انا المصرى الوحيد الى فى الشركه بس مكنتش اعرف كده

واول يوم كده لقيت واحد يشبه بنسبة ميه بالميه واحد صاحبى وعزيز عليا قوى قمت طبعاً لما شفته قولته ازيك يااااااض طبعاً لقيته بيتكلم غريب كده طلع مش مصرى اصلاً ومصدقش الا لما وريته الصوره

اما بالنسبه للمصرين فانا بشم المصرين اه والله بشمهم

بس طبعاً فيه ناس تروح منى بس قليل جداً لكن لو فيه واحد ماشى قدامى من غير لما اشوف شكله من مشيته ممكن قول ده مصرى

فيه بقى واحد خدعنى فى الحته دى وطلع هندى بس من ريحته جبته

[رضوي]

السلام عليكم ورحمة الله وبركاته

موضوع التشابه دة احيانا بيحصل معايا

في واحدة صحبتي في الشغل دايما بيقولولي اني اشبها قوي

لدرجة انهم ساعات كتيييييييير بينادوني باسمها وينادوها باسمي

علي الرغم ان الملامح مختلفة تماماً والحكايه دي ماحصلتش الا بعد مابقينا اصدقاء يعني قبل كدة ماكناش شبه بعض

برضه في الجامعة فيه واحدة صحبتي فعلاً تشبهني كتير لدرجة اننا مرة في امتحان القبول بعد ما امتحنت دخلت هي تمتحن الدكتور قالها مش انتي لسة ممتحنة دلوقتي .......... وماصدقش الا لما شافنا مع بعض.

بس الطريف في الموضوع مرة المدير طلب مني أخلص ورق مستعجل ........ وكان ورق فيه روتين وصعب شويتين ..... والمفروض اني اعدي علي كذا جهة علشان اكمله ....... المهم اول جهة كانت سهلة لاني كنت عارفة واحدة صحبتي هناك وخلصت الدور وكانت المشكلة في الجهة التانية ..... لما رحت مالقيتش الموظفة وقالولي استنيها راجعة بعد ربع ساعة ...... وقد كان وكانت الموظفة مش في المود خاااااااالص ........ وقالتلي سيبي الورق (وفوت علينا بكرة ياسيد) واديتها الورق فسألتني عن اسمي قلتلها رضوي قالتلي انتي اسمك زي اسم اعز صديقاتي علشان كدة حخلصلك الورق دلوقتي ....... ورحت الجهة الثالثة وكان مواعيد العمل الرسمية انتهت والموظفين روحوا بس المدير كان قاعد دخلتله واول لما شافني بصلي شوية وقالي اؤمري قلتلة علي شغلي ......... قام بنفسه وخلصه بسرعة ومضي عليه بعد لما صلح حاجات كان ممكن تاخد ايام مع الروتين وقالي دة بس علشان انتي شبه المدام وطلعت اني شبه مراته اول مرة يشوفها ......... وخلصت الورق ورجعت شغلي ورئيسي في العمل انبهر بسرعة انجاز الورق وقرر انه يبعتني كل مرة ............ بس انا رفضت

[se_ Elsyed]

هههههههههه

نقيب شرطة لسعني حته مخالفة سُرعه من ام 100 ج الاجازة دي ...

ولما نزلت أدفع المخالفة لقيته بيقول لي : على فكره انا أعرفك ؟

إنت أسمك إيه ؟ : فقلت له طبعاً سين سين .. بس مش سين سين ده لأ قلت له أسمي الحقيقي اللي في الرخصة

بصم بالعشرة إنه يعرفني وإننا أتقابلنا قبل كده .. مع إني عُمره ما شوفته .. وكان على طرف لساني أقول له : إنتب بتخدم في طنطا ؟ أصلي لسه ملسوع واحده سرعه من 4 أيام برضوا بس دكهو كان مُقدم مش نقيب

فقلت له خلاص .. طالما طلعنا معرفه ... ما تمشيها بلدي يا باشا وبلاها مخالفه .. فقال لي : لأ يا معلم إلا دي

هههههه

------------

اعتقد إن موضوع التشابه ده بيبقى نتيجة تآلف القلوب بين الأشخاص ... بدليل صعب قوي أشوف واد كِشر ومؤذي وأحس إني أعرفه ...

يعني دي وجهة نظري

[SoSo R]

صباح الخير ياسوسو ياحبيبتى ...يعنى مجرجرانى وراكى فى القهاوى . :ninja:

طيب ...شوفى يا حبيبتى الحكايه دى حصلت معايا كتير وخصوصا لما بكون جديده فى مكان يعنى اكون نقلت شغلى لمستشفى جديده والاقى نفس السؤاال ....مثلا حد يقوللك انا نتأكد انى شفتك قبل كده ...تقولى ما حصلش يقوللك لا لا متاكد ...حاجه غريبه ومش شخص واحد فى نفس المكان لا كدا حد ...لكن لما قلهالى استشارى كان اكبر منى بكتييير ولقيت السوءال التانى ...لقيته بيقولى اصل انا درست فى مصر يمكن كنتى معايا فى الكليه وساعتها اللى حواليا بصولى (وش زكية زكريا لما بتقلع الباروكه)

وطبعا مهما قلت مش مصدقنى ماهوالراجل متأكد :blink:

أه ما هو الراجل متاكد انه شافنى فى يوم من الايام ...وبيبقى نفسهم اوى يفتكروا ...لكن هى مين ...استحاله

يعنى ياسوسو احيانا الحكايه بتبقى ظريفه واحيانا..... cld:

اما بقى عن الاسباب الله اعلم ...انا نفسى اعرف

مساء الفل يا صافى...مش مجرجراكى ولا حاجة دة أنتى حبيبتى :blink:

الراجل الأستشارى دة ماعندوش ذوق...كلية إيه اللى كنتى معاه فيها؟؟

بس يمكن كان معجب يا صافى ولا حاجة wst::

أنا ساعات أشوف حد وأقعد أعصر فى دماغى شفت البنى آدمين دول إمتى وفين ...مافيش

لدرجة ساعات أروح أسألهم؟؟

أنتوا صيادلة ...طب من مدينة نصر...يعنى باسألهم على تاريخهم كله

يمكن أوصل لحاجة

الأسباب أعتقد إن اللى بيشبه عليكى دة هو الروح...اللى بتضفى ع الواحد منظر معين...زى لما إتنين متجوزين أو بيحبوا بعض وتلاقيهم شبه بعض شكلا وموضوعا...حتى بيتكلموا بنفس الألفاظ ونفس الطريقة...

تحياتى

سوسورانى

[SoSo R]

طيب ايه رايك في حاجه غريبة جدا اكتشفتها لما سافرت برا مصر مؤخرا ..

اننا كمصريين شبه بعض جدا بدرجه لا تقل نهائيا عن شبه الصينين ببعض .. تخيلي ..

يعني لما اشوف وحده مصريه مستحيل اقول غير انها مصرية وبتبقى شكل من احد اربع او خمس اشكال فقط لا تخرج عنها وجوه المصريين ..

آخر مرة كنت في مكان عام وكان فيه مصريات كتير ـ عمري ماشفتهم طبعا ـ مفيش ولا وحده فيهم الا وشبهت عليها انها فلانه الي اعرفها او علانه او على الاقل قعدت اعصر مخي ياربي انا شفتها فين قبل كده انا عرفاها ومتاكده اني عرفاها بس فين فين ...

السبب زي ماقلت لك اننا كلنا ( قطعية وحده ) من ناحية الشكل بس مش واخدين بالنا اوي من الحكايه دي من كتر مابنشوف الوجوه والملامح لكن لما تطلعي برا وترجعي بتكتشفي اننا فعلا متشابهين جدا والملامح تقريبا هي نفسها ..

أنا مش متفقة قوى معاكى فى موضوع قطعية واحدة ...لأن فيه جنسيات كتيرة شبهنا جدا

يعنى كذا مرة أنشن على واحد ولا واحدة وأقول دول مصريين ويطلعوا حاجة تانية خالص

مرة واحد طلعت تركية

واحدة عراقية

واحد كولومبى من كولومبيا يعنى :ninja:

وواحد كان فى مطعم ومنتظرة أسمعه بيكلم اللى جنبه وطلع هندى فى الآخر

إحنا كمان عندنا صفات فى الشكل متناقضة قوى

تلاقى الشقر وتلاقى السمر قوى

تلاقى ناس ضخام جدا...وناس سفاريت زى الصينيين كدة

يعنى عندنا من كل لون وشكل...بس الأغلبيه فى الوسط...قمحاويين وعينيهم عسلى

يعنى فى الآخر هتلاقى ناس نشانك مش صحيح معاهم...

يبقى مش بس الملامح

تحياتى

سوسورانى

[SoSo R]

يعنى الموضوع بالنسية لى لما باقابل حد واحس انى عارفة قبل كدة فى الفالب الحد دا

بيكون شخصىة لطيفة

من الاخر معظم الناس مش هتشبهك بحد رخم لان الرخمين مش بيعلقوا فى ذهن الواحد زى الناس الظريفة

ودا يعتبر جود اسبكت للموضوع التشابهات

اما لو حصل كدة زى صفاء والاستشارى مصمم يطلعك دفعتة اللى هى خلصت من زمان ما فضيلش غيرة منها

يبقى راجل مجرم بس ستيل شايف انك حد ظريف

بالنسبة بقى لتشابة المصريين فيا بنتى المصريين كلهم بيفكروا زى بعض مثال بسيط

لما كان دكتور كنا بناخود عندة درس والعدد عندة كبير وكان

يدينا معادين لنفس الحصة والاتنين متقاربين جدا تلاقى الدفعة كلها قاعدين فوق راس بعض فى حصة من الحصص والحصة التانية فيها 2او3 مثلا

مثال تانى لو الطريق واقف ادامك وانتى فكرتى تخرمى عشان تنجزى فى الطريق هتلاقى مصر كلة بتخرم معاكى

فى الغالب دماغنا واحدة وطريقتنا واحدة وخصوصا لما الناس اللى بتعاملى معاهم بيكون لهم نفس اهتماماتك

يعنى مش هتلاقى البواب الجديد مثلا بيقولك انا شوفتك قبل كدةبإستثناء البواب عندنا اللى باقولك انى شاكة انة مقدمة على هجرة لكندا

واما بقى بالنسبة لكى يا سوسو رانى فانتى بحد وهمية وتجننى واصلا هتلاقى كل الناس بتتلكك عشان تعرفك فهتلاقى الموضوع دا كتير معاكى

باختصار معاكسة حضرتك

يا رافعة معنوياتى يا نوجة :blink:

بس على فكرة مش شرط يكون مستظرفك...

لأنك بتفتكرى الأكستريمز...حد ظريف قوى...أو حد رخم جدا...الأتنين هيعلقوا معاكى جامد...

بس موضوع التفكير الواحد دة صحيح مية فى المية..

المصريين بيتميزوا بالفهلوة والشطارة...والدم الخفيف طبعا :ninja:

موضوع معاكسة بأه...

طيب لما بنات اللى يقولوا لى كدة...يبقى معاكسة برضه bv:-

يعنى يبقوا بنات شريرين والمفروض أخاف على نفسى منهم لحسن يغرغروا بيا...ما أنتى عارفة كل حاجة ممكنة اليومين دول

فيه واحدة فى إعدادى كانت مصرة إنى شبه ولد معاهم فى المنطقة cld:

وتقولى مش أنتى أخت سامح؟؟

لأ ياستى ماعنديش أخوات صبيان أصلا

مش ممكن ...متأكدة؟!!

أصل عينيكى شبه عينيه wst::

طيب هتأكد من ماما وأقولك...

ماما .....يا مامااااااااا

معندكيش إبن مفقود ...ماتعرفيش عنه حاجة...هه..هه؟؟

إبن؟؟؟...أنتى عبيطة يا بنتى..

إمشى من قدامى بدل ما أبو وردة يترفع

وكنت هاروح فيها عشان بتأكد إذا كنت أخت سامح ولا لأ :blink:

تحياتى

سوسورانى

[SoSo R]

مممم موضوع جميل يا سوسوراني

طب انا هحكي حكاية. لم كنت لسة في مصر كان بابايا كتير ياخدنا النادي. كذا مره يجي حد يقولي: لو سمحتي هو انتي سارة اللي في فريق السلة :ninja: مش عارفة مين بالظبط اللي كان منتحل شخصيتي في فريق السلة خلى النادي كلو فاكر انو يعرفني

إزيك يا دامو يا جارتى...

طيب ليه مادورتيش على سارة بتاعة السلة..

زى ما أنا كنت بادور على سامح

مش يمكن تطلع أختك التوأم :blink:

تحياتى

سوسورانى

[SoSo R]

طيب ايه رايك في حاجه غريبة جدا اكتشفتها لما سافرت برا مصر مؤخرا ..

اننا كمصريين شبه بعض جدا بدرجه لا تقل نهائيا عن شبه الصينين ببعض .. تخيلي ..

يعني لما اشوف وحده مصريه مستحيل اقول غير انها مصرية وبتبقى شكل من احد اربع او خمس اشكال فقط لا تخرج عنها وجوه المصريين ..

آخر مرة كنت في مكان عام وكان فيه مصريات كتير ـ عمري ماشفتهم طبعا ـ مفيش ولا وحده فيهم الا وشبهت عليها انها فلانه الي اعرفها او علانه او على الاقل قعدت اعصر مخي ياربي انا شفتها فين قبل كده انا عرفاها ومتاكده اني عرفاها بس فين فين ...

السبب زي ماقلت لك اننا كلنا ( قطعية وحده ) من ناحية الشكل بس مش واخدين بالنا اوي من الحكايه دي من كتر مابنشوف الوجوه والملامح لكن لما تطلعي برا وترجعي بتكتشفي اننا فعلا متشابهين جدا والملامح تقريبا هي نفسها ..

طب الكلام ده لما تكوني خارج مصر .وتشوفي حد مصري تقومي تعرفي علطول من الشبه انه مصري

لكن لو انت داخل مصر واللي بيشوفوكي مصريين برضو ....ولما يشوفوكي يقولوا لك نفس الجمله دي ..احنا اتقابلنا قبل كده؟

تصدقي؟

انا كمان .باقابل ناس كتيره جدا ولاْول مره .وبقولوا نفس الجمله ....انا شوفتك قبل كده فين؟

وبيبقوا متاْكدين .ويمكن كمان يقولوا لك انا شوفتك في المكان الفولاني ..او انت اخت فولانه ...او ....او...

بس في ناس بتعتقد انها شافتك قبل كده

وناس بتبقى عارفه انك شبه حد همه شافوه قبل كده

هنا نقدر نقول المثل بتاعنا اللي بيقول ....(يخلق من الشبه 40)...وانت بقه واحد من ال40 دول :ninja:

إزيك يا روشة عاملة إيه..

أنا فيه واحدة كان كل الناس بيأكدولى إنى شبهها...أيام ثانوى..

وأنا مش شايفة خالص أى شبه..

فمرة كنا واقفين كلنا...وبقول أنا شبهها يا جماعة مش ممكن..

لقيتها بتبصلى كدة وتقولى ليه يا سوسو

هو أنا وحشة قوى كدة cld:

بصراحة أنا ماعرفتش أرد...وأنا ماكانش قصدى خالص كدة ..

بس زعلت إنها إتضايقت..

فى الكليه بأه واحدة من شلتنا هى من بعيد نفس القطعية على رأى مدام ضحى.. :blink:

بس الملامح مختلفة

واحدة بتقولنا أنتوا شبه بعض قوى على فكرة...

راحت طلعت مرة واحدة كدة وبتقول ....

أنااا شبه دى؟؟!! :blink:

أنا ما نطقتش ولا فتحت بقى بكلمة...

كل اللى عملته......

اللى عملته...

عملت....

رزعتها بإيدى على ضهرها ...حتة دين ضربة... wst::

كانت هتموت فيها ... bv:-

عشان تحرم

تحياتى

سوسورانى

[SoSo R]

انا بقى حصل الموضوع ده معايا فى اول يوم فى الشركه حيث انا المصرى الوحيد الى فى الشركه بس مكنتش اعرف كده

واول يوم كده لقيت واحد يشبه بنسبة ميه بالميه واحد صاحبى وعزيز عليا قوى قمت طبعاً لما شفته قولته ازيك يااااااض طبعاً لقيته بيتكلم غريب كده طلع مش مصرى اصلاً ومصدقش الا لما وريته الصوره

اما بالنسبه للمصرين فانا بشم المصرين اه والله بشمهم

بس طبعاً فيه ناس تروح منى بس قليل جداً لكن لو فيه واحد ماشى قدامى من غير لما اشوف شكله من مشيته ممكن قول ده مصرى

فيه بقى واحد خدعنى فى الحته دى وطلع هندى بس من ريحته جبته

من ريحته؟!!! :blink:

طيب ليه القرف اللى ع المسا دة يا عنبى...

أنت عارف الهنود هنا بيعزونى قوى...لدرجة إبتديت أقلق على روحى...

مع إنى شكلى مش مدى على هنود...

بس فى كذا موقف ييجوا يتعرفوا عليا ...وكدة

واضح إن الستات الهنديات بيوسموا فيا خير :ninja:

بس عيبهم الوحيد ....الفضوووووووووووول

يعنى الواحدة من دول بعد التعارف...تتحول لوكيل نيابة...

وسيل من الأسئلة الغير منتظمة...متتالية لدرجة بابقى لسه ماجاوبتش ..تدخل ع السؤال اللى بعده

بس هما طيبين وجدعان...أحسن بمراحل من معظم الكنديين من أصول أوروبية...

أغلبيتهم أخلاقيا مش أد كدة

تحياتى

سوسورانى

[SoSo R]

السلام عليكم ورحمة الله وبركاته

موضوع التشابه دة احيانا بيحصل معايا

في واحدة صحبتي في الشغل دايما بيقولولي اني اشبها قوي

لدرجة انهم ساعات كتيييييييير بينادوني باسمها وينادوها باسمي

علي الرغم ان الملامح مختلفة تماماً والحكايه دي ماحصلتش الا بعد مابقينا اصدقاء يعني قبل كدة ماكناش شبه بعض

برضه في الجامعة فيه واحدة صحبتي فعلاً تشبهني كتير لدرجة اننا مرة في امتحان القبول بعد ما امتحنت دخلت هي تمتحن الدكتور قالها مش انتي لسة ممتحنة دلوقتي .......... وماصدقش الا لما شافنا مع بعض.

بس الطريف في الموضوع مرة المدير طلب مني أخلص ورق مستعجل ........ وكان ورق فيه روتين وصعب شويتين ..... والمفروض اني اعدي علي كذا جهة علشان اكمله ....... المهم اول جهة كانت سهلة لاني كنت عارفة واحدة صحبتي هناك وخلصت الدور وكانت المشكلة في الجهة التانية ..... لما رحت مالقيتش الموظفة وقالولي استنيها راجعة بعد ربع ساعة ...... وقد كان وكانت الموظفة مش في المود خاااااااالص ........ وقالتلي سيبي الورق (وفوت علينا بكرة ياسيد) واديتها الورق فسألتني عن اسمي قلتلها رضوي قالتلي انتي اسمك زي اسم اعز صديقاتي علشان كدة حخلصلك الورق دلوقتي ....... ورحت الجهة الثالثة وكان مواعيد العمل الرسمية انتهت والموظفين روحوا بس المدير كان قاعد دخلتله واول لما شافني بصلي شوية وقالي اؤمري قلتلة علي شغلي ......... قام بنفسه وخلصه بسرعة ومضي عليه بعد لما صلح حاجات كان ممكن تاخد ايام مع الروتين وقالي دة بس علشان انتي شبه المدام وطلعت اني شبه مراته اول مرة يشوفها ......... وخلصت الورق ورجعت شغلي ورئيسي في العمل انبهر بسرعة انجاز الورق وقرر انه يبعتني كل مرة ............ بس انا رفضت

أهو دة يا رضوى اللى بقول عليه تشابه بسبب الروح...

عارفة الروح الجميلة بتحسسك بالقرب من أى حد حتى لو ماتعرفيهوش...

وتحسى إنك تعرفى الشخصية دى كويس...جو من الألفة والأرتياح...

زى كأن اللى قدامك دة قريب ليكى مثلا...

لما إتنين بيبقوا أصحاب قوى بيبهتوا على بعض زى ماقلت قبل كدة...أو إتنين متجوزين...

أشكرى ربنا إن المدير اللى طلعتى شبه مراته بيحب مراته...

تخيلى بأه لو مش طايقها ولا رافعة عليه قضية نفقة أو قضية خلع مثلا :ninja:

كان وراكى النجوم فى عز الضهر :blink:

تحياتى

سوسورانى

[SoSo R]

هههههههههه

نقيب شرطة لسعني حته مخالفة سُرعه من ام 100 ج الاجازة دي ...

ولما نزلت أدفع المخالفة لقيته بيقول لي : على فكره انا أعرفك ؟

إنت أسمك إيه ؟ : فقلت له طبعاً سين سين .. بس مش سين سين ده لأ قلت له أسمي الحقيقي اللي في الرخصة

بصم بالعشرة إنه يعرفني وإننا أتقابلنا قبل كده .. مع إني عُمره ما شوفته .. وكان على طرف لساني أقول له : إنتب بتخدم في طنطا ؟ أصلي لسه ملسوع واحده سرعه من 4 أيام برضوا بس دكهو كان مُقدم مش نقيب

فقلت له خلاص .. طالما طلعنا معرفه ... ما تمشيها بلدي يا باشا وبلاها مخالفه .. فقال لي : لأ يا معلم إلا دي

هههههه

------------

اعتقد إن موضوع التشابه ده بيبقى نتيجة تآلف القلوب بين الأشخاص ... بدليل صعب قوي أشوف واد كِشر ومؤذي وأحس إني أعرفه ...

يعني دي وجهة نظري

يا مساء الأنوار يا سين سين

يعنى أنت حتى فى التشابه ...مختلف..

بيشبهوا عليك فى الكمائن :blink:

أوعى تكون مسجل خطر ولا حاجة :ninja:

بس مالوش حق إنه مامشهاش بلدى...يعنى لو كنت ظرفته 20 جنيه...مش كان مشهالك!!!

بس هو فعلا زى ماحضرتك بتقول...

دة تآلف بين القلوب...وبيكون حد حبوب كدة وعشرى ووشه سمح...فبتستريحله وتحس إنك تعرفه..حتى لو مش حقيقى

أنا أكتشفت كمان إن الكتابة بتعكس الجوهر الداخلى للأنسان...يعنى فعلا فى ناس لما تقرالهم تحس إنك تعرفهم من زمااااااان..

وإن أنت لو حكيت موقف أو قلت رأى فى موضوع ...هتقول نفس الكلام بالحرف...اللى هما كاتبينه

برضه دة لتآلف القلوب

تحياتى

سوسورانى

[jessika]

شوفى يا سيتى انا بالنسبة لية بقول الكلمة دى (يااااااا كاننا نعرف بعض من زمان )

للناس اللى بيبقى فى تقارب كتير من الطباع والروح وطريقة الكلام

بيحصل نوع من الالفة كدة من اول دقايق ومبنبقاش مستغربين يعنى يا اختى

فبنعلق مع بعض علطوووووووووووول ههههههههههههه :happy:

خدى دى علشانك بمناسبة افتتاح الموضوع الجديد :closedeyes:

[Amr Radwan]

الموضوع ده بيحصل ليا كتير و لكن كنت بقول لاني بتعرف علي ناس كتيرة اكيد بيحصل ليا لدرجة اني بدات احس اني عندي مشكلة نفسية من كتر ما بحس اني اعرف ناس شبة الناس اللي بقابلها و لكن اكتشفت الحقيقة بعد مدة و هي تفسير منطقي و سهل ..

اللي بشبه عليه ده يا اما انا شوفته فعلا يا اما شوفت واحد شبهه جدا ..

و حكيلكم علي واحد جاري كل اما اشوفه اقعد ابصله و اقول جوايا انا شوفته فين ده مش عارف و بعدين في مرة وقفته و كان ماشي بسيارته جمب البيت و قلت بقولك اية انا اعرفك و بشبه عليك انت منين و شغال فين طيب درست فين .. المهم اني ما عرفتش اوصل لحل لان كل الاجابات غير متطابقة مع ظروفي ..

قلت له مش مشكلة طيب عاوز اتعرف عليك و نقعد مع بعض و نتعرف من جديد .. و فعلا ظبطت موعد و اتقابلنا بعد يجي شهرين او اكثر و احنا بندردش و بنتكلم جت سيرة الرائد (...) و ده كان ظابط في مركز التدريب و كان مرووش شوية له نوادر و قصص و حكايات و لقيته يعرفه و بدأت عيني تلمع و تزيد وتيرة الاسئلة في هذه الحقبة المنيلة في حياتي الشهر و نص بتاعات مركز التدريب في الجيش و طبعا وصلت الحمد لله للي كنت بدور عليه و اكتشفت ان البشمهندس ده طلع زميلي في نفس العنبر في مركز التدريب و قعدنا نفتكر النوادر و الحكايات و القصص و بعد الجيش ايه اللي حصل و كده يعني ...

تحياتي لك سوسراني علي الموضوع حسستيني اني مش لوحدي ههههههههههه و رجعتي لي ثقتي اني مش مريض نفسي بسبب موضوع الشبه ده

[rewsha]

طيب ايه رايك في حاجه غريبة جدا اكتشفتها لما سافرت برا مصر مؤخرا ..

اننا كمصريين شبه بعض جدا بدرجه لا تقل نهائيا عن شبه الصينين ببعض .. تخيلي ..

يعني لما اشوف وحده مصريه مستحيل اقول غير انها مصرية وبتبقى شكل من احد اربع او خمس اشكال فقط لا تخرج عنها وجوه المصريين ..

آخر مرة كنت في مكان عام وكان فيه مصريات كتير ـ عمري ماشفتهم طبعا ـ مفيش ولا وحده فيهم الا وشبهت عليها انها فلانه الي اعرفها او علانه او على الاقل قعدت اعصر مخي ياربي انا شفتها فين قبل كده انا عرفاها ومتاكده اني عرفاها بس فين فين ...

السبب زي ماقلت لك اننا كلنا ( قطعية وحده ) من ناحية الشكل بس مش واخدين بالنا اوي من الحكايه دي من كتر مابنشوف الوجوه والملامح لكن لما تطلعي برا وترجعي بتكتشفي اننا فعلا متشابهين جدا والملامح تقريبا هي نفسها ..

طب الكلام ده لما تكوني خارج مصر .وتشوفي حد مصري تقومي تعرفي علطول من الشبه انه مصري

لكن لو انت داخل مصر واللي بيشوفوكي مصريين برضو ....ولما يشوفوكي يقولوا لك نفس الجمله دي ..احنا اتقابلنا قبل كده؟

تصدقي؟

انا كمان .باقابل ناس كتيره جدا ولاْول مره .وبقولوا نفس الجمله ....انا شوفتك قبل كده فين؟

وبيبقوا متاْكدين .ويمكن كمان يقولوا لك انا شوفتك في المكان الفولاني ..او انت اخت فولانه ...او ....او...

بس في ناس بتعتقد انها شافتك قبل كده

وناس بتبقى عارفه انك شبه حد همه شافوه قبل كده

هنا نقدر نقول المثل بتاعنا اللي بيقول ....(يخلق من الشبه 40)...وانت بقه واحد من ال40 دول :closedeyes:

إزيك يا روشة عاملة إيه..

أنا فيه واحدة كان كل الناس بيأكدولى إنى شبهها...أيام ثانوى..

وأنا مش شايفة خالص أى شبه..

فمرة كنا واقفين كلنا...وبقول أنا شبهها يا جماعة مش ممكن..

لقيتها بتبصلى كدة وتقولى ليه يا سوسو

هو أنا وحشة قوى كدة :sad:

بصراحة أنا ماعرفتش أرد...وأنا ماكانش قصدى خالص كدة ..

بس زعلت إنها إتضايقت..

فى الكليه بأه واحدة من شلتنا هى من بعيد نفس القطعية على رأى مدام ضحى.. :happy:

بس الملامح مختلفة

واحدة بتقولنا أنتوا شبه بعض قوى على فكرة...

راحت طلعت مرة واحدة كدة وبتقول ....

أنااا شبه دى؟؟!!

أنا ما نطقتش ولا فتحت بقى بكلمة...

كل اللى عملته......

اللى عملته...

عملت....

رزعتها بإيدى على ضهرها ...حتة دين ضربة... :ninja:

كانت هتموت فيها ... :wub:

عشان تحرم

تحياتى

سوسورانى

فعلا هوه احيانابيكون في اتنين مش شبه بعض شكلا لكن الناس بتؤكد انهم شبه بعض .وده بيكون تشابه في الروح والدم (الشخصيه وطرقه الكلام وكده)

لكن ممكن حد انتي تشوفيه لاول مره وتعتقدي انك شوفتيه فعلا ده بيكون1-اما شوفيه قبل كده من زمان ومش فاكره كان امتى وفين ؟

2-بيكون شبه حد انتي تعرفيه فعلا والتاْلف ده بيكون ناتج عن تشابه شكل الشخصيه دي مع االشخصيه اللي الواحد يعرفها وبيحبها

لكن لو شبه حد الواحد ما بيحبهوش فماعتقدش ان الواحد هايشبه عليه (لاحسن يطلع هوه الشخصيه دي فعلا) wst::