بليـــتشو ...!!

[أشرف حسين]

بيّاع التفاريح الفارش على كف رصيف الجرح الغاير

داير ب يطبطب ع التباريح(أول باوّل)

و شوارع روحه العتمانه معدتش تدلل ع العناوين زي ألاول

كان امبارح يتسول سرسوب النور(ال مش صابح)من صدر النجمايه البور

على طرف السكين البارد قلبه(المجبور)دابح خسران..مدبوح رابح!!

(سابح ف أديم الحلم الراهن كيف الراهب ف كتاب الكفر)

.

.

عندك حبة!!.......اصحى يا واهم

قبل م بكرة خيط أوهامك

فجأة(تكُر)!!

فاكر ايه؟

ان العتمه الخانقه دواخلك رح ترميلك

طاقة ضي ف عز الضهر؟

مش هيكون......فاكر ايه

ان صفار الضحكة(البويا)على تجاعيدك

هتشدك من حلق المر؟

مش هيكون.......!!

بص لنفسك

اكتب أسمك من غير خوف

أصرخ زي رغاوي البحر

رفرف مع اسراب الطير

ترجم صوت السما للزهر

زعّق..خبّط ..كسر قيدك

حب الدنيا و صالح روحك

ادعي ل ربك..مش هيضر!!

أصل انا زيك..

بس الفرق اني لاقيت روحي

قبل م قطر العمر يمر

[waloaa]

زعّق..خبّط ..كسر قيدك

حب الدنيا و صالح روحك

جميلة قوي فكرة الكلمات يا أستاذ أشرف

بحيي حضرتك عليها :blush2:

وخصوصا اللي اقتبستها منها....لإني حاسة ان كل واحد فينا ممكن فعلا يوصل لطاقة النور اللي جواه ....لما يثور على العتمة اللي عششت جواه

و يبدأ ينظر للدنيا بنظرة مختلفة....نظرة حب وتصالح.....بس المهم إنه يكون قبل م قطر العمر يمر !!!

تقبل تحياتي مرة أخرى :ninja:

[bentmasria]

فاكر ايه؟

ان العتمه الخانقه دواخلك رح ترميلك

طاقة ضي ف عز الضهر؟

مش هيكون......فاكر ايه

ان صفار الضحكة(البويا)على تجاعيدك

هتشدك من حلق المر؟

مش هيكون.......!!

بص لنفسك

اكتب أسمك من غير خوف

أصرخ زي رغاوي البحر

رفرف مع اسراب الطير

ترجم صوت السما للزهر

زعّق..خبّط ..كسر قيدك

حب الدنيا و صالح روحك

ادعي ل ربك..مش هيضر!!

أصل انا زيك..

بس الفرق اني لاقيت روحي

قبل م قطر العمر يمر

يا أشرف

لا الضى بيفتح شبابيكه جوه سنين العمر الضهر

ولا وعدك اللى استنيته حيحلى لك كاس المر

بس الصبر

وحبة فل

حيخلوك ترضاها يا صاحبى وتعافر وحتنسى القهر

ويفتح شبابيك فى العتمة وتفوت ايامك وتمر

لما الضى فى بحر عيونهم بيدفى البرد مع الكر

واما البسمة جوه جبينهم بتدارى فى سنين العمر

نصبى ف عينهم على ملامحهم جوه شقاوة عمر ف عمر

نجرى ونسرح مع احلامهم وقلوبنا تضوى ولا تمل

نبقى ساعتها لقينا الدنيا.... من تانى ترميلنا الفرحة على البر

جميل قوى قوى قوى بجد وكالعادة نكشتنى قلت ارد

يمكن فهمت يمكن لان كلامك بيخبط فى حكاوى الصغننة بس الاكيد

انه من القلب بصدق وقوة ومنتهى الجمال

ربنا يحميك يا صاحبى

البنت المصرية

[alsaher]

أصل انا زيك..

بس الفرق اني لاقيت روحي

قبل م قطر العمر يمر

ياااااااااااااه

كم تجيد الغناء على وتر الحاله

بجد أشتاق لحروفك

دمت بكل خير

ودام شعاع الشمس منيرا في دواخلك

[لولا]

لما تكتب دوما تفاصيل ..

تمضغنى !

لا أعرف كيف ترتدى فى كل مرة شيئاً مختلفا لتبهرنا به

ممتنة انك هنا

وممتنة لكهذا حرف ونزف تشاركنا اياه

جُل التحايا أشرف أيها الأنيق دوما

لحرفك أكاليل إعجاب لا تنتهى

كن بخير ياصديقى wst::

لولا

[هشام الجنيدى]

استاذذذذذذذذذذى العزيز اشرف ..... تحياتى لقلمك

عندك حبة!!.......اصحى يا واهم

قبل م بكرة خيط أوهامك

فجأة(تكُر)!!

فاكر ايه؟

ان العتمه الخانقه دواخلك رح ترميلك

طاقة ضي ف عز الضهر؟

مش هيكون......فاكر ايه

ان صفار الضحكة(البويا)على تجاعيدك

هتشدك من حلق المر؟

مش هيكون.......!!

صااااااااااااااااادم لاقصى حد قاسى جدا من النوع اللى بيفوق من النوع اللى يخليك متقدرش تنكر

اكتب أسمك من غير خوف

أصرخ زي رغاوي البحر

رفرف مع اسراب الطير

ترجم صوت السما للزهر

زعّق..خبّط ..كسر قيدك

حب الدنيا و صالح روحك

ادعي ل ربك..مش هيضر!!

أصل انا زيك..

بس الفرق اني لاقيت روحي

قبل م قطر العمر يمر

الحكمة التى تجبرك ان تخلع لها القبعة ختام موفق واكتر من رائع يا استاذ اشرف

كنت مفكر ان الضلمةاللى قصاد عينى دى امر وواقع .....

بس الظاهر ان الضلمة دى كانت منى

ان عيونى مغمضة كانت

قافل بقى واقول ليه ساكت

بس خلاص... لازم اخد وعد بانى

احرك بقى وافتّح عينى يصبح بكرة جميل ...بل رائع....

شكرا استاذ اشرف ...وربنا يسعدك زى ما اسعدتنى واسعدت الجميع هنا :angry: :lol:

[dr gml]

.

.

عندك حبة!!.......اصحى يا واهم

قبل م قطر العمر يمر

صديقى أشرف

صرختك

تنفذ

إلى عمق الروح

رغم العجز

والوهم

دمت رائعا

مع التحية