عُمرك إتخانقت قبل كده ولا فكرت تشيل سلاح ؟

[justme]

اهداء إلى المعلم س س

بجد انا اما شفتها افتكرت الموضوع ده على طول وقلت حتى البط بيشيل سلاح اشمعنة احنا بقى

تم تعديل 17 ديسمبر 2009 بواسطة justme

[otaka]

طبعا محسوبكم من فرافير مدينه نصر و خريج مدارس كتاكيت مصر الكتيته

المهم فى اعدادى الواحد بيكون شايف نفسه المهم واحد عاكس اخت واحد صاحبنا

البنت كانت اكبر مننا و طبعا الاخ اللى عاكس كان فى ثانوى

بدء الاعداد للهجوم

و تم تحديد الهدف المهم تم اصطياد الاخ مع صديق له فى حدود مناطق النفوذ و تم الهجوم عليهم بقوه تتعدى ال ١٥ واحد

انا مش عاوز اوضح لحضارتكم ان الاخ اللى اتضرب ده كان من الشباب الواعر و فضلنا بعد كده قاعدين فى بيوتنا قرابه الشهر حتى تدخل الكبار من ابناء المنطقه لحل الازمه :lol:

[موران]

فعلا حاجة غريبة جدا.....

البلطجة انتشرت جدا فى الشارع المصرى؟؟!!!!

شوفتوا اخر صيحات الخناقات...... الخناقة بالكلاب السودة الكبيرة(((هى نفسها بتبقى عاملة زى الوحش)))))

ودلوقتى كمان الناس الصيع ديه مابتحترمش لا كبير ولا صغير ولا بتفرق بين ستات ولا رجالة....

فعلا الواحد بيبقى ماشى مش حاسس بالامان....

بس اعتقد ان زوجى لو واحد اتخانق معاه مش هحس بنفسى الا و انا فى وسطيهم بدافع عنه، رغم انى ماليش فى البلطجة خالص....

بس ممكن اعض او اخربش (((يعنى الحاجات البناتى ديه)))....

بس طبعا خطر ان اى بنت تشارك فى الخناقة لأن بكل سهولة هى هتبقى غنيمة سهلة جدا لأى راجل حتى لو كان بيحوش...

فبجد لو دفاع عن النفس ماشى انما عشان الكرامة و كسر عليا او عملة غرزة و الحاجات ديه فافتكروا على طول

{و الكاظمين الغيظ و العافين عن الناس}

وماتنسوش حديث الرسول صلى الله عليه وسلم

"القاتل و المقتول فى النار"

عشان كده ياريت الواحد يتعقل ومافيش مايمنع ان الواحد يشيل حاجة ظريفة كده زى الاليكتريك شوك :lol: عشان يدافع بيها عن نفسه