مبارك يلغي سفره لدافوس بسبب ارتفاع ايجار الفيللا ا

[ggamal]

مبارك يلغي سفره لدافوس بسبب ارتفاع ايجار الفيللا التي كان سيقيم فيها2004/01/22

محكمة الجنايات تطلب رفع الحصانة عن يوسف والي

القاهرة ـ أ ف ب: اكد الرئيس المصري حسني مبارك انه تراجع عن المشاركة في منتدي دافوس الـ33 بسبب ارتفاع ايجار الفيللا التي كان سيستخدمها لاستقبال بعض الشخصيات والذي يبلغ 80 الف فرنك سويسري لمدة ساعتين، حسب ما ذكرت الصحف المصرية. وقال مبارك خلال لقاء مع مثقفين وكتاب مصريين امس الثلاثاء ان هذا هو السبب في تراجعه عن السفر الي دافوس.

ويترأس الوفد المصري الي هذا المنتدي العالمي جمال مبارك نجل الرئيس المصري ورئيس لجنة السياسات بالحزب الوطني الحاكم.

ويحضر منتدي دافوس شخصيات دولية عديدة ويكون مناسبة لمناقشة أهم القضايا الدولية ومن بينها لهذا العام الوضع في العراق.

من جهة اخري طلبت محكمة جنايات القاهرة امس رفع الحصانة البرلمانية عن نائب رئيس الوزراء وزير الزراعة المصري يوسف والي حتي يمكن استجوابه في قضية فساد متهم فيها احد معاونيه السابقين.

وذكرت مصادر قضائية ان رئيس المحكمة المستشار احمد عزت العشماوي طلب من النائب العام ماهر عبد الواحد اتخاذ الاجراءات اللازمة لرفع الحصانة البرلمانية عن والي الذي يشغل كذلك منصب الامين العام المساعد للحزب الوطني الحاكم.

واعتبر القاضي ان مثول والي امام المحكمة ضروري لسؤاله عن وجود توقيعه علي وثائق تشكل جزءا من ملف القضية وتحمل علي الاعتقاد بأنه اقر استيراد مبيدات حشرية مسببة للسرطان، وفق المصادر نفسها.

وكانت المحكمة استدعت والي اكثر من مرة، ولكنه رد مؤكدا ان حضوره للشهادة لن يفيد سير القضية في شيء وانه ليست لديه اي معلومات عن الاتهامات الموجهة لمساعده السابق.

وكان القي القبض في صيف عام 2002 علي وكيل وزارة الزراعة يوسف عبد الرحمن واحيل الي المحاكمة بتهمة الفساد والتربح وتلقي رشوة والموافقة علي استيراد مبيدات حشرية مسببة للسرطان.

ويعد يوسف والي من اقدم الوزراء في مصر اذ يتولي وزارة الزراعة منذ عام 1982.

http://www.alquds.co.uk/index.asp?fname=20...سيقيم%20فيهاfff

[Lighthouse]

اكد الرئيس المصري حسني مبارك انه تراجع عن المشاركة في منتدي دافوس الـ33 بسبب ارتفاع ايجار الفيللا التي كان سيستخدمها لاستقبال بعض الشخصيات والذي يبلغ 80 الف فرنك سويسري لمدة ساعتين، حسب ما ذكرت الصحف المصرية. وقال مبارك خلال لقاء مع مثقفين وكتاب مصريين امس الثلاثاء ان هذا هو السبب في تراجعه عن السفر الي دافوس.

:blink: :blink: :blink:

ياسلام

والله وعشنا وشفنا يوم التقشف العالمي

اهو ده خبر فعلا صعب التعليق عليه :blink:

[CoDeR]

يا سلاااام ...

ربنا يخليك لينا يا ريس :blink:

[biso80]

شوفتوا حنية الريس

محبش يدفع مصر فلوس زيادة عن طاقتها فبعت ابنه علشان يعرف العالم الحاكم الجديد لمصر بعد عمر طويل لريسنا المحبوب :blink:

[linux]

أحمق شيئ في نظري ... من يظن أنه ذكي وسط أغبياء!

[yasser6666]

المفروض يعملها جميلة بالمرة ويعيد المليارات التي تسربت بمعرفته وموافقته الي خارج البلاد.....صحيح اللي اختشوا ماتوا

[kokowawa1979]

سبق وأن قلنا أن جمال سوف يحكم ومبارك حي وليس بعد مماته !!!!

وقد صدق الرئيس فعلا حيث قال أن جمال لن يرثه في الحكم بعد وفاته لأن جمال ورثه فعلا وهو حي !!!!

[disappointed]

مبارك يلغي سفره لدافوس بسبب ارتفاع ايجار الفيللا التي كان سيقيم فيها

يحكى أن رئيس دولة "فسادستان" ذهب إلى مؤتمر دولى فى مدينة "حضارة آباد" , وعندما سألوه فى المطار عمّا إذا كان يفضّل الإقامة فى جناح ملكى بفندق 10 نجوم أم فى قصر محندق بأحد المنتجعات , جاء ردّه التاريخى :

إدّونى بدل السكن و أنا حأصرّف أمورى

:angry: :lol:

تم تعديل 23 يناير 2004 بواسطة disappointed

[Lighthouse]

مبارك يلغي سفره لدافوس بسبب ارتفاع ايجار الفيللا التي كان سيقيم فيها

يحكى أن رئيس دولة "فسادستان" ذهب إلى مؤتمر دولى فى مدينة "حضارة آباد" , وعندما سألوه فى المطار عمّا إذا كان يفضّل الإقامة فى جناح ملكى بفندق 10 نجوم أم فى قصر محندق بأحد المنتجعات , جاء ردّه التاريخى :

إدّونى بدل السكن و أنا حأصرّف أمورى

:angry: :lol:

حلو قوي قوي يامحبوط :D :D :D

الحقيقة الراجل تاعب نفسه معانا وبيدبق من كل حتة علشان يصرف اموره

احنا اللى عالم مابتقدرش التصريف ngh: ngh:

[ggamal]

في دافوس: جمال مبارك يتعهد اصلاحات شاملة

2004/01/23

دافوس ـ لندن ـ القدس العربي:

تعهد جمال مبارك رئيس الوفد المصري الي منتدي دافوس الاقتصادي امس بتطبيق برنامج اصلاحات شاملة في مصر، وذلك اثناء مداخلة له امام المنتدي. واشار جمال مبارك الذي يشغل منصب امين السياسات في الحزب الوطني الحاكم، الي ان المرحلة المقبلة ستشهد تركيزا علي تحقيق انفراج سياسي وفتح اسواق العمل امام الشباب العاطلين.

وكان الرئيس حسني مبارك اعلن انه لم يذهب الي المنتدي بسبب ارتفاع ايجار الفيلا التي كان سيقيم فيها، والبالغ ثمانين الف فرنك سويسري (64 الف دولار). ولم يعلن جمال مبارك اجراءات محددة لتطبيق الاصلاحات، الا ان حديثه عن خطط مستقبلية لتطبيقها كرّس التكهنات بأنه سيخلف والده في رئاسة البلاد. وتعهد الرئيس مبارك اثناء اجتماعه مع عدد من الكتاب والمثقفين المصريين الثلاثاء بتطبيق الاصلاحات ولكن بشكل تدريجي. يذكر ان مبارك تولي الحكم في العام 1981، وتنتهي فترة رئاسته الرابعة في تشرين الاول (اكتوبر) من العام المقبل.

[arabawy]

.

وكان الرئيس حسني مبارك اعلن انه لم يذهب الي المنتدي بسبب ارتفاع ايجار الفيلا التي كان سيقيم فيها، والبالغ ثمانين الف فرنك سويسري (64 الف دولار). .

اللة ؟؟؟ يعني هوا نزل في احد بيوت الشباب لتوفير النفقات ؟

[فــيــروز]

.

وكان الرئيس حسني مبارك اعلن انه لم يذهب الي المنتدي بسبب ارتفاع ايجار الفيلا التي كان سيقيم فيها، والبالغ ثمانين الف فرنك سويسري (64 الف دولار). .

اللة ؟؟؟ يعني هوا نزل في احد بيوت الشباب لتوفير النفقات ؟

كنت داخله اسال نفس السؤال !!

هو جاب خيمة الكشافه نزل فيها ولا عمل ايه؟

ولم لا يكون امتناع مبارك عن السفر بسبب ان العضمه كبرت و الجو برد؟

[moody00x]

طيب والسنين اللى فاتت كان الايجار 15 جنيه والمعلم حلاوة

العانتبلى صاحب الملك رفع الايجار السنة دى للمبلغ الكبير

ده عشان الدولار ولع?

اشمعنى السنه دى مااحنا بنسمع عن المشوار ده من 10 سنين

[afiona]

أنا كنت مستغرب زيكم لحد لما المعلم عبد التواب تامر ،صاحب القهوة اللى بأقعد عليها شرح لى الموضوع وإستريحت ...

الريس مرتبه على قده، والسنة اللى فاتت ماخدش علاوة، والعيشة مأشفرة معاه شوية، بينما السيد جمال ربنا مبارك له فى مشروع الميكروباز ويقدر يشيل سفرية زى ديه ...

ربنا يفك ضيقته...

[se_ Elsyed]

انا تعبت فعلاً من عقليات الشباب الصغير والذي لا يقرأ ما بين السطور ..

يا اخواننا إحنا إذا قولنا سويسرا .. يعني بنقول الحسابات السرية ... يعني الفلوس المتلتلة اللي بتتحول من بره بره .. يعني الشكولاتة .. يعني الساعات الشيك ..... يعني اللي خلف مامتش .. يعني تركة الورثة ... يعني دول الحياد اللي مالهاش دعوة بحد ....

إفهموها بقى ......

[Salwa]

80 الف فرنك سويسرى .......فى ساعتين ..!!!

طيب ليه ماقابلهمش فى قاعة من قاعات الاوتيل ؟؟؟..لزوم التوفير ...

تعددت الحجج...والابن باق.

سؤال صغير قوى ..؟؟

الكتاب والصحفيين والمثقفين اللى اجتمعوا مع سيادة الرئيس....كانوا لابسين كمامة ؟؟؟

والا كان على افواههم بلاستر ..مثلا..والا هم ايضا ....اخدوا حقن بنج قبل الاجتماع ؟؟

اصل ..تفكيرى اللى على قدى ..مش قادر يستنتج او يستخلص .......ان كل اللى اجتمعوا

// صفقوا لكل شئ //..طيب مفيش واحد ....واحد بس يقول ايه اللى بيحصل ده ؟؟

وهل ...لو الرئيس امتنع عن حضور هذا اللقاء ..// ومش مهم الاسباب ..ايجار الفيللا ..ايجار العربية...كبر السن ..مش مهم //...

هل من يحل محله ...هو السيد جمال ؟؟؟

فقط؟؟؟

اذن هذا هو اعتراف ضمنى ....ان فعلا ...يتعامل مع شعب من المعوقين فكريا ..

وكل هذه اهانات متتالية لنا ...

ولو كانت دولة مثل مصر ...بثقلها ...تدار ...هكذا ..من وراء الكواليس ...

ماذا نقول ؟؟

مش كدة ..احنا اللى بنجيب الكلام لنفسنا من اللى ..ميسواش..واللى ميسواش..؟؟؟

المرة الجاية لاتقولوا اجتمع مع المثقفين ....قولوا ..اجتمع مع ..المصفقين ..

صباح سعيد جدا جدا ........صباح الخير يامصر.

[se_ Elsyed]

سؤال صغير قوى ..؟؟

الكتاب والصحفيين والمثقفين اللى اجتمعوا مع سيادة الرئيس....كانوا لابسين كمامة ؟؟؟

والا كان على افواههم بلاستر

صحافيين مين يا مدام سلوى .. قصدك ولادنا سمير رجب وإبراهيم نافع وإبراهيم سعده .... وحاشيتهم ؟ أيه يا مدام سلوى ... إنت مابتاكليش كرانشي ولا أيه ؟ ... قصدي حضرتك يعني مش عارفه البير وغطاه ؟...

يا ست الكل اللي بيحضروا اللقاءات اللي زي دي بيبقوا متنقيين على الفرازة وكلهم من حزب الهتيفة " عاش الملك ... مات الملك "

عارفه زي مين ؟ زي العيال بتوع الجامعة اللي بيحضروا لقاءات الريس وبيطلع الواد من دول يرص كلام ولا كأنه راديو من اللي بيشتغل بأربع حجارة قلم ..

يا مدام سلوى .. الريس لما كان بيجي يحضر لقاءات سنوية عندنا في الجامعة ... الأمن بتاع الرياسة كان بيقف على البوابة ومابيدخلش العيال اللي في بكالوريوس علشان دول بيبقوا فاقدين وناقص لهم أيام ويتخرجوا أما الأشبال من سنة أولى لحد تلته فدول قاعدين معاهم وأي حد هايقل عقله ويسأل سؤال بره المقرر فهايتحكم عليه يبقى معيد في الجامعة ( معيد يعني بيعيد السنة إلى أن يقضي الله أمراً كان مفعولاً ) وحتى دول كمان كل واحد كان لازم يكتب سؤاله في ورقة والورقة تعدي على 100 أيد الاول قبل ما تصل ليد المستهلك... للمراجعة اللغوية وخوفاً من وجود أي اخطاء إملائية ولضمان خلوها من الفيروسات والميكروبات المعدية ...هههههههه آه يا مرارك يا ناعسه

وأخترناك أخترناك وهانختار أبنك بالكرباج

[se_ Elsyed]

إلا الـ 80 الف فرنك دول يطلعوا أكتر من خمسمية جنية ؟

س س س

سي السيد السنكوح

[Salwa]

انهاردة كان فيه مظاهرات فى دافوس ضد الفوروم ..لأن زى انهاردة كولين باول قال ان اميركا مستعدة تحارب العراق بدون مساعدة او تأييد من اى دولة ...