من الكويت الى الرياض وحياة جديدة

[sherifhfm]

السلام عليكم جميع اخوانى فى المنتدى

اخيرا بحمد الله انتقلت من العمل فى الكويت الحبيبه الى الرياض

استغرقت عملية الانتقال الكثر من ثلاثة اشهر او اكثر معظمها فى مصر للانتخاء من اجراءات الدخول للسعودية الاجراءات كانت معقدة جدا وسخيفه عكس الكويت خالص وموضوع تغير المهنة فى البطاقة الشخصية كانت معركة طويلة جدا

ولكن الحمد لله انتهت على خير وانا الان فى الرياض وكمان اشتركت انترنت مع STC انترنت على شبكات المحمول طبعا لانى لسه لم احصل على سكن ثابت وساكن فى غرفة مفروشة مؤقتا حتى لجد صقة مناسبة للاستقرار احضار عائلى الى الرياض

انا فرحان جدا انى رجعت اتابع واكتب فى المنتدى الحبيب جدا الى قبلى ده وطبعا فيه موضوعات كتيره محتاجه اقراها علشان اعرف اخر الاخبار هنا ايه

طبعا فيه اختلاف بين الحياة فى الرياض والكويت

بصراحة انا حبيت الكويت اكتر حتى الان يعنى يمكن نقول ان انطباعاتى الاولى عن الرياض ليست جيدة جدا او يمكن لانى اتعودت على حياة الكويت حاسس باختلاف شويه يعنى احساسى لسه متلخبط حبتين

بس انا حبيت اعلن اننى عدت من جديد :blush2:

تحياتى للجميع

[mromar]

السلام عليكم جميع اخوانى فى المنتدى

اخيرا بحمد الله انتقلت من العمل فى الكويت الحبيبه الى الرياض

استغرقت عملية الانتقال الكثر من ثلاثة اشهر او اكثر معظمها فى مصر للانتخاء من اجراءات الدخول للسعودية الاجراءات كانت معقدة جدا وسخيفه عكس الكويت خالص وموضوع تغير المهنة فى البطاقة الشخصية كانت معركة طويلة جدا

ولكن الحمد لله انتهت على خير وانا الان فى الرياض وكمان اشتركت انترنت مع STC انترنت على شبكات المحمول طبعا لانى لسه لم احصل على سكن ثابت وساكن فى غرفة مفروشة مؤقتا حتى لجد صقة مناسبة للاستقرار احضار عائلى الى الرياض

انا فرحان جدا انى رجعت اتابع واكتب فى المنتدى الحبيب جدا الى قبلى ده وطبعا فيه موضوعات كتيره محتاجه اقراها علشان اعرف اخر الاخبار هنا ايه

طبعا فيه اختلاف بين الحياة فى الرياض والكويت

بصراحة انا حبيت الكويت اكتر حتى الان يعنى يمكن نقول ان انطباعاتى الاولى عن الرياض ليست جيدة جدا او يمكن لانى اتعودت على حياة الكويت حاسس باختلاف شويه يعنى احساسى لسه متلخبط حبتين

بس انا حبيت اعلن اننى عدت من جديد :blush2:

تحياتى للجميع

لا ياحبيبي المواضيع متتخدش قفش كدة لازم تقولينا الحكاية من أولها وأيه مميزات الكويت عن السعودية في نظرك وكمان تتكلم باستفاضه علشان أخوانك بالكويت يعرفو النعمة اللي هما فيها وطبعا أخونا في السعودية عندهم الحرمين كفاية عليهم مش محتاجين حاجة تانية أنما أحنا في الكويت محتاجين بالفعل نعرف مميزات الكويت اللي أحنا يمكن مش واخدين بالنا منها زيك

[Alrefaey]

هلاوغلا نورت نجد

[sherifhfm]

والله يا اخى مش عارف اقلك ايه بس انا انتقالى كان فيه بعض الاسباب الشخصية ذى ان انا واخويا حنشتغل فى نفس المكان فى الرياض -أمانة الرياض قسم نظم المعلومات - بالاضافة ان عرض العمل كان افضل حدا ما - مش جدا - من الكويت بس لأن الحياة وخصوصا السكن فى الرياض ارخص شويتين من الكويت يبقى العرض مغرى اكتر

وطبعا سبب اساسى سهولة الحج والعمرة من هنا اكثر من الكويت انا يادوبك وصلت الرياض وحجزت على طول وربنا كتبلى الحاج هذا العام - عقبال الجميع - يعنى دى هيه اسباب قدومى للرياض .

بالنسبة للمقارنة مش عارف اوى بصراحة بس حاسس ان الكويت فيها روح تانيه خالص هيه صح غاله نار بس مستوى الخدمات افضل من هنا بكتير الامور فى الكويت سهله جدا عن هنا حتى فى المصالح الحكومية والخدمات الاكترونية وخدمات العملاء فيه فرق كبير جدا هيه صحيح الرياض كبير وفيها ابراج جميله جدا بس من غير رووح خالص

مستوى الحياة فى الكويت افضل quality of life فى الكويت احسن الانترنت فى الكويت الحصول عليها سهل جدا وارخص يعنى مثلا انا كان معايا easy go فى الكويت ب 15 دينار فى الشهر ومفتوح واجراءات عمله وتشغيله من اى مكان بيبع الشريحة والموديم ممكن يعملك العقد وتخلص الموضوع وانته واقف لكن هنا والله اضطريت اروح للفرع الرئيسى فى STC واعت مستنى دورى اربع ساعات - بدون مبالغة - وبعد مدفعت الفلوس مش لاقى حد يفهمنى اشغلها ازاى لانها محتاجه تفعيل وحاجات غريبة اوى وبعدين كان مش مفتوحى يعنى حجم بيانات 1 جيجا ب 100 ريال 5 جيجا 200 ريال

وكمان الرياض ياخى مفهاش سينمات واخوك مدمن سينما وافلام اجنبى وانته عارف مستوى السينما فى الكويت عامل ازاى الافلام بتتعرض فى الكويت وامريكا فى نفس الوقت

المرور كمان فى الكويت الناس بتلتزم بيه اكتر من الرياض بصراحة القيادة فى الكويت كانت ممتعه جدا ليه حتى مع الزحمة لكن الرياض انا اعصابى بتتعب من مجرد انى اركب مع حد السيارة بحس ان التخطيط العمرانى فى الكويت افضل الشوارع سهله جدا كمان لها ارقام من اسماء بس لانى ذاكرتى ضعيفه جدا فى الاسماء وده كان مريحنى فى الكويت لانى كنت بحفظ ارقام الشوارع من اسمائها طبعا مفيش موضوع الاقام ده هنا على الاقل فى الامكان الى انا شفتها من الرياض

التأمين الصحى فى الكويت اسهل واحسن من هنا خالص هنا مفيش حاجه اسمها تروح مستشفى حكومى خالص مع العلم ان ابنى الاخير رزقنى الله به فى الكويت وفى مستشفى الولادة الصباح وطبعا الى شاف المستشفى دى من جوده يعرف انها اكثر من هايله ومدفعتش ولا مليم رغم ان الولادة كانت قيصرية يعنى الخدمات الطبية عموما فى الكويت افضل

طبعا نظرا لانى من هواه القاعدة امام الخليج طبعا مش لاقى حاجه هنا اعقد ادامها خالص وده عاملى عقده نفسيه

كفاية لغاية كده ولما حفتكر حاجه تانى حكتبها

ياريب لو اخوانى لديهم تعلقيات عن الفرق بين الكويت والرياض او عن اماكن الترفيه فى الرياض حكون شاكر المشاركة معايا

اه نسيت فى الكويت مش محتاج موافقة الكفيل علشان اسافر الشركتين الى اشتغلت فيهم فى الكويت ولمدة ثلاث سنوات كان جواز سفرى معايا فى اى وقت كنت عاوز اسافر بسافر وكمان مش محتاج موافقة الكفيل فى الكويت علشان افتح حساب بنك

بس خلال مش فاكر حاجه تانى

[sherifhfm]

هلاوغلا نورت نجد

اهلا بيك

طبعا مش فاهم الباقى هيا الرياض تبع نجد انا لسه فى الضياع