سؤال هام لكل المغتربين !

[HanaaOsama]

هل في اي سبب خلاك تفضل تكون مغترب غير الفلوس ؟؟؟؟!!!!

يعني لو دخلك كان كويس في مصر و اتعرض عليك شغل في دوله عربيه مقارب لدخلك في مصر مش هيزيد كتير هل كنت هتفضل برضه تكون مغترب ؟ زي معيشه افضل و حياه احسن و نظام و نظافة و .......

ولا كل ده كويس + الفلوس

و لو الفلوس مش فارقة يبقي كل ده ميسويش تمن الغربه

ايه رأيكم ؟

تم تعديل 12 ديسمبر 2009 بواسطة HanaaOsama

[rewsha]

والله زي ماتكون حضرتك بتوصف حالتي بالضبط.

احنا في مصر كان دخلنا كويس جدا .وسيبناها بحثا عن النظام والنظافه +الفلوس برضو

بس بصراحه لحد دلوقتي مش عارفه اللي احنا عملناه ده ...صح وله غلط ؟

احيانا باحس ان هنا(الرياض)افضل بكتير .......واحيانا تانيه الغربه بتاكلني سواء انا او زوجي ونقول هيه سنه وهانرجع تاني

لكن لما بنقعد ونفكر في المعيشه في مصر واللي الواحد كان شايفه هناك ساعتها باقول لا هنا افضل

وشكلنا هانفضل نقارن كده لحد ما السنه تخلص

الغريب اننا لما جينا هنا كنا بنتعامل مع الناس على مباديْ مصر .يعني اللي يقول لك حاجه ما تصدقهوش الا لما ينفذها فعلا

ولو في عرض نازل في السوق تلاقينا بنقول دول كدابين واكيد معوضينه في حاجه تانيه

ولما نشتري اي جهاز كهربائي عليه ضمان ...نبقى خايفين لو طلع فيه حاجه يقولوا لنا ما نعرفكوش (زي مصر)

لكن الواحد على الاقل لقى هنا المصداقيه في الحاجات دي

واقربها غساله فول اتوماتيك كنت شارياها وكان في مشكله في تشغيلها واتصلنا ببتوع الصيانه وجولنا مرتين وشافوها فعلا وبدون مقابل

لكن لو حاجه زي دي في مصر ......حلني بقه على ما حد يساْل فيك ولو ساْل يقول لك اصل الضمان مش داخله قطع الغيار والنقل ولازم ياخد منك اي فلوس وياخد بقشيشه كمان قبل فلوس التصليح اللي المفروض ان الجهاز في الضمان

ولو اشتريت حاجه من مكان يبقى مافيش تغيير لا استبدال .....لدرجة اني كنت باشتري هنا من احد المحلات وساْلته لو طلع المقاس صغير ممكن استبدل او ارجع الحاجه ؟فقال لي طبعا .

وانا وقفت فاتحه بوقي كده :ninja: وقلت له بجد؟

انا باقول ممكن ارجعها تاني واخد الفلوس لاقيته هوه اللي استغرب وقال لي ايوه بس لازم يكون معاكي الفاتوره .

المهم

انا لاقيت هنا حاجات كويسه كتير في المعيشه والنظام والنظافه .

لكن برضو لسه مش عارفه مين اللي هايكسب في الاخر.الغربه والنظام والنظافه والفلوس وله مصر ام الدنيا

[HanaaOsama]

والله زي ماتكون حضرتك بتوصف حالتي بالضبط.

احنا في مصر كان دخلنا كويس جدا .وسيبناها بحثا عن النظام والنظافه +الفلوس برضو

بس بصراحه لحد دلوقتي مش عارفه اللي احنا عملناه ده ...صح وله غلط ؟

احيانا باحس ان هنا(الرياض)افضل بكتير .......واحيانا تانيه الغربه بتاكلني سواء انا او زوجي ونقول هيه سنه وهانرجع تاني

لكن لما بنقعد ونفكر في المعيشه في مصر واللي الواحد كان شايفه هناك ساعتها باقول لا هنا افضل

وشكلنا هانفضل نقارن كده لحد ما السنه تخلص

الغريب اننا لما جينا هنا كنا بنتعامل مع الناس على مباديْ مصر .يعني اللي يقول لك حاجه ما تصدقهوش الا لما ينفذها فعلا

ولو في عرض نازل في السوق تلاقينا بنقول دول كدابين واكيد معوضينه في حاجه تانيه

ولما نشتري اي جهاز كهربائي عليه ضمان ...نبقى خايفين لو طلع فيه حاجه يقولوا لنا ما نعرفكوش (زي مصر)

لكن الواحد على الاقل لقى هنا المصداقيه في الحاجات دي

واقربها غساله فول اتوماتيك كنت شارياها وكان في مشكله في تشغيلها واتصلنا ببتوع الصيانه وجولنا مرتين وشافوها فعلا وبدون مقابل

لكن لو حاجه زي دي في مصر ......حلني بقه على ما حد يساْل فيك ولو ساْل يقول لك اصل الضمان مش داخله قطع الغيار والنقل ولازم ياخد منك اي فلوس وياخد بقشيشه كمان قبل فلوس التصليح اللي المفروض ان الجهاز في الضمان

ولو اشتريت حاجه من مكان يبقى مافيش تغيير لا استبدال .....لدرجة اني كنت باشتري هنا من احد المحلات وساْلته لو طلع المقاس صغير ممكن استبدل او ارجع الحاجه ؟فقال لي طبعا .

وانا وقفت فاتحه بوقي كده وقلت له بجد؟

انا باقول ممكن ارجعها تاني واخد الفلوس لاقيته هوه اللي استغرب وقال لي ايوه بس لازم يكون معاكي الفاتوره .

المهم

انا لاقيت هنا حاجات كويسه كتير في المعيشه والنظام والنظافه .

لكن برضو لسه مش عارفه مين اللي هايكسب في الاخر.الغربه والنظام والنظافه والفلوس وله مصر ام الدنيا

اممممم يعني في النهايه محدش عارف الافضل المعيشه في مصر علي حالها ام المعيشه في دوله اخري اريح

[kingsabry]

انا بقالي سنتين في السعوديه .. ومش حاسس بغربه ولا حاجه يمكن علشان انا لسه صغير شويه بس عموما انا ناوي ان شاء الله لما أتجوز اجيب مراتي معايا السعوديه وننسى مصر فتره لحد لما نعمل حاجه وبعدين يمكن اروح الامارات .. المهم مصر مش في دماغي خالص .. كلها تخلف وفقر وكل يوم بتزيد عن الاول وهو ده الحال كل يوم

انما هنا فيه احترام وفيه معامله كويسه ...

في مصر ....::::::::.....

معاك قرش تساوي قرش ..

صح ولا أنا غلطان

[HanaaOsama]

انما هنا فيه احترام وفيه معامله كويسه ...

في مصر ....::::::::.....

معاك قرش تساوي قرش ..

صح ولا أنا غلطان

و لو في مصر كان معاك قرش كنت هتفكر تسافر برضة للاسباب ديه ( احترام و معامله كويسه و نظافه و نظام و.................. ) ؟

[herohero]

الفلوس مهمة لكن مش كل حاجه بصراحه تعودك ع نظام معيشة معين بيفرق يعني ف مصر معاك فلوس وراكب اشيك عربية هل سلوكيات المرور ف مصر حلوة بلدنا بس مش راضيين عن الي بيحصل فيها

انتشار فساد الذمم ده شوية الفوضى الخلاقة اللي عندنا مبدأ اللي ياخد حاجه يلحقها باختصار سلوكيات الزحام كل ده بيخلي الواحد يزهق وكل ماتقعد بره مصر اكتر رغبتك ف العودة بتقل موضوع الغربة ده نسبي فيه غربة برده وانت جوا بلدك ف الاول يمكن تكون فلوس لكن مع الوقت تقول ان شاء الله اكل واشرب كفاية عليا

ده لو ماانتهاش الموضوع بفكرة الهجرة

انا جربت بصراحت اتربيت بره مصر ولما رجعت عنيت واتخنقت وحاولت اشتغلت 4 سنوات والنتيجه هجرة مؤقته الى ان تنتهي اجراءات كندا وشكرا لان مش عاوز اكرر غلطة والدي اربي عيالي ف بلد ونظام معين وف الاخر يمشوا منه انا تعبت جدا انا واخواتي من تربية ان الواحد متعود يقول شكرا وعفوا لاسلوب تعامل تاني خالص مع احترامي بلدي وكل شيئ لكن مانراه غير حضاري بالمرة واللي بيسوقوا يقدروا يعرفوا سلوكيات ضباط الشرطة ومدى احترام امناء الشرطة وازاي البلد بتدي اللي شايل حديد ع كتفه ابو 50% قيمة اكتر من الدكتور والمهندس يبقى فلوس ايه لما تلاقي ابو 50% واخد حقه ف البلد اكتر من اللي تعب وذاكر وفعليا له قيمة يبقى هنسافر عشان الفلوس هنسافر عشان نحس بقيمتنا صحيح الخليج مش هو المكان المناسب لكن مرحلة انتقاليه

[HanaaOsama]

الفلوس مهمة لكن مش كل حاجه بصراحه تعودك ع نظام معيشة معين بيفرق يعني ف مصر معاك فلوس وراكب اشيك عربية هل سلوكيات المرور ف مصر حلوة بلدنا بس مش راضيين عن الي بيحصل فيها

انتشار فساد الذمم ده شوية الفوضى الخلاقة اللي عندنا مبدأ اللي ياخد حاجه يلحقها باختصار سلوكيات الزحام كل ده بيخلي الواحد يزهق وكل ماتقعد بره مصر اكتر رغبتك ف العودة بتقل موضوع الغربة ده نسبي فيه غربة برده وانت جوا بلدك ف الاول يمكن تكون فلوس لكن مع الوقت تقول ان شاء الله اكل واشرب كفاية عليا

ده لو ماانتهاش الموضوع بفكرة الهجرة

انا جربت بصراحت اتربيت بره مصر ولما رجعت عنيت واتخنقت وحاولت اشتغلت 4 سنوات والنتيجه هجرة مؤقته الى ان تنتهي اجراءات كندا وشكرا لان مش عاوز اكرر غلطة والدي اربي عيالي ف بلد ونظام معين وف الاخر يمشوا منه انا تعبت جدا انا واخواتي من تربية ان الواحد متعود يقول شكرا وعفوا لاسلوب تعامل تاني خالص مع احترامي بلدي وكل شيئ لكن مانراه غير حضاري بالمرة واللي بيسوقوا يقدروا يعرفوا سلوكيات ضباط الشرطة ومدى احترام امناء الشرطة وازاي البلد بتدي اللي شايل حديد ع كتفه ابو 50% قيمة اكتر من الدكتور والمهندس يبقى فلوس ايه لما تلاقي ابو 50% واخد حقه ف البلد اكتر من اللي تعب وذاكر وفعليا له قيمة يبقى هنسافر عشان الفلوس هنسافر عشان نحس بقيمتنا صحيح الخليج مش هو المكان المناسب لكن مرحلة انتقاليه

يعني لو عندك عرض " مالي " قريب من دخلك في مصر هتفضل تسافر

يعني سؤالي شعورك هيبقي ان كدا اريح ان تعيش بره مصر ولا تقول ما هي هي الفلوس كنت اعدت في بلدي و بلاش غربه ؟

[herohero]

يعني لو عندك عرض " مالي " قريب من دخلك في مصر هتفضل تسافر

يعني سؤالي شعورك هيبقي ان كدا اريح ان تعيش بره مصر ولا تقول ما هي هي الفلوس كنت اعدت في بلدي و بلاش غربه ؟

بتختلف من شخص للتاني هل انت مرتاح وانت عايش هل انت بتسوق عربيتك اللي احدث موديل وانت مرتاح لما تبقى سايق صح وتلاقي واحد يزعق لك ويكون هو اللي غلطان لما تيجي تعمل حاجه يطلع عينك لما تلاقي الاخ بتاع الحقوق وكيل النيابة وكاشابه اللي اتعين بالكوسة وبتاع الشرطة لما تلاقي كل يوميات حياتك فيها ضغوط

الحكاية نسبية ف ناس عادي خالص لكن الناس ده ماشافتش يعني اعتبرت ان ده الطبيعي الفوضى ومفيش نظام انا بالنسبة ليا ولناس كتير ماشيين ف الهجرة وماديا مش هتكون مربحه بس فايده الفلوس ايه لو هنخسر ادميتنا العيشة ف بلد راقي لاتقيم يثمن

بلدي لما بكون باخد فيها حقي لما يتعين ويشتغل اللي يستحق مش كله بالكوسة ساعتها احس انها بلدي وبالم الغربة بصراحه انا مش حاسس بغربة واذا افترضنا ان حسيت ف موقف ان حقي ضاع جدلا وده مش بيحصل الا لنسبة قليلة برده هقول ماهو حقك كان ضايع ف مصر نا العزيزة لا حقي يضيع من الغريب ولا يضيع من ابن بلدي

اعيش مرتاح واقضي مصالحي بهدوء احسن من اي فلوس يكفي كده تروح شغلك وترجع وانت مرتاح مش زحمة وتجاوزات وضغط نفسي ده بافتراض انك راكب عربية حلوة ومكيفة هترحمك من فتحة الازاز وتستمتع بالسحابة السوداء

اعيش مرتاح بعيد عن الزحمة احسن من اي مرتب

[أم مروان]

هل في اي سبب خلاك تفضل تكون مغترب غير الفلوس ؟؟؟؟!!!!

يعني لو دخلك كان كويس في مصر و اتعرض عليك شغل في دوله عربيه مقارب لدخلك في مصر مش هيزيد كتير هل كنت هتفضل برضه تكون مغترب ؟ زي معيشه افضل و حياه احسن و نظام و نظافة و .......

ولا كل ده كويس + الفلوس

و لو الفلوس مش فارقة يبقي كل ده ميسويش تمن الغربه

ايه رأيكم ؟

السلام عليكو

انا جيت السعودية بس من شهر وحاسة بغربة شديدة مش عشان انا بعيدة عن مصر لأ عشان ابنى وماما فى مصر وان شاء الله لما ييجوا مش هأشعر بأى غربة

ايوة فى هنا(الزلفى) هدوء مميت بس فى نظام ومصداقية زى ما الاخت rewsha قالت

ومنكرش ان الفلوس مهمة جدا لانى ببساطة انا وجوزى مهندسين فى شركة الكهرباء وأول ما شرف أول مولود مروان لاقنا الدنيا باظت والمرتبين مشكفيين أى حاجة وكان الحل ان جوزى يدور علي عقد عمل

والحمد لله لقى عقد هنا بمبلغ كويس وكمان انا ارتحت من الشغل وقعدت عشان اراعى ابنى وامى

لو كانت الفلوس اتوفرت فى مصر أكيد مكناش هنسافر بس الحمد لله ان احتا سافرنا وشوفنا بلاد جديدة وخاصة السعودية كفاية ان فيها الكعبة شرفها وحفظها الله

على فكرة انا وزوجى عمرنا ما حلمنا نسافر بلد تانية غير السعودية عشان على الاقل نعمل عمرة ويا ريت ربنا يكرمنا وتكون حجة ادعولى

بالمناسبة انا نفسى نفضل هنا ومنرحعش

ويا سلام بقى لو اتنقل جوزى الي مكة( اصل دا حلم قديم)

معلش طولت عليكو :)

[إسلام طلعت]

اتمنى ان احصل في مصر على وظيفة بدخل معقول يكفي مصاريف اسرة صغيرة زوج وزوجة بس حتى من غير عيال ولما تيجي العيال ييجي رزقهم معايا

لو اتوفر ده لن اتردد للرجوع الى مصر بكل مساوئها

اذن فالاجابة للاسف هي الفلوس

اما النضافة والنظام والمعاملة .... الخ الخ وحتى لو في جنة في الارض لن تغنيني عن شوقي وحنيني ان اعيش في بلدي مصر

متغرب من 3 سنين

وزهقت اوي وكرهت الفلوس اللي انا جاي عشانها

وبس مستني اخلص البيت اللي هسكن فيه مع زوجتى وبعدها اتمنى ان تتحقق امنيتي والاقي وظيفة بدخل معقول في مصر

الموضوع حلو وعجبني وانصح اي حد في بداية غربته انه يحط هدف ليها يوصله ويخلع على طول لان الغربة مرض مزمن ملوش نهاية ومسيرنا هنرجع هنرجع ودول الخليج هي اسوأ مكان يعيش فيه المصري رغم كل المميزات

وانا لله وانا اليه راجعون

:) :) wst:: :sad: :P :sad:

[HanaaOsama]

هل في اي سبب خلاك تفضل تكون مغترب غير الفلوس ؟؟؟؟!!!!

يعني لو دخلك كان كويس في مصر و اتعرض عليك شغل في دوله عربيه مقارب لدخلك في مصر مش هيزيد كتير هل كنت هتفضل برضه تكون مغترب ؟ زي معيشه افضل و حياه احسن و نظام و نظافة و .......

ولا كل ده كويس + الفلوس

و لو الفلوس مش فارقة يبقي كل ده ميسويش تمن الغربه

ايه رأيكم ؟

السلام عليكو

انا جيت السعودية بس من شهر وحاسة بغربة شديدة مش عشان انا بعيدة عن مصر لأ عشان ابنى وماما فى مصر وان شاء الله لما ييجوا مش هأشعر بأى غربة

ايوة فى هنا(الزلفى) هدوء مميت بس فى نظام ومصداقية زى ما الاخت rewsha قالت

ومنكرش ان الفلوس مهمة جدا لانى ببساطة انا وجوزى مهندسين فى شركة الكهرباء وأول ما شرف أول مولود مروان لاقنا الدنيا باظت والمرتبين مشكفيين أى حاجة وكان الحل ان جوزى يدور علي عقد عمل

والحمد لله لقى عقد هنا بمبلغ كويس وكمان انا ارتحت من الشغل وقعدت عشان اراعى ابنى وامى

لو كانت الفلوس اتوفرت فى مصر أكيد مكناش هنسافر بس الحمد لله ان احتا سافرنا وشوفنا بلاد جديدة وخاصة السعودية كفاية ان فيها الكعبة شرفها وحفظها الله

على فكرة انا وزوجى عمرنا ما حلمنا نسافر بلد تانية غير السعودية عشان على الاقل نعمل عمرة ويا ريت ربنا يكرمنا وتكون حجة ادعولى

بالمناسبة انا نفسى نفضل هنا ومنرحعش

ويا سلام بقى لو اتنقل جوزى الي مكة( اصل دا حلم قديم)

معلش طولت عليكو :h!!!h:

حضرتك بتقولي لو الفلوس كانت موجوده في الاول مكناش هنسافر لكن الان بتقولي يا ريت نفضل علطول !

يعني بعد ما الفلوس تيجي ان شاء الله مش هتفكري ترجعي برضة

[HanaaOsama]

اتمنى ان احصل في مصر على وظيفة بدخل معقول يكفي مصاريف اسرة صغيرة زوج وزوجة بس حتى من غير عيال ولما تيجي العيال ييجي رزقهم معايا

لو اتوفر ده لن اتردد للرجوع الى مصر بكل مساوئها

اذن فالاجابة للاسف هي الفلوس

اما النضافة والنظام والمعاملة .... الخ الخ وحتى لو في جنة في الارض لن تغنيني عن شوقي وحنيني ان اعيش في بلدي مصر

متغرب من 3 سنين

وزهقت اوي وكرهت الفلوس اللي انا جاي عشانها

وبس مستني اخلص البيت اللي هسكن فيه مع زوجتى وبعدها اتمنى ان تتحقق امنيتي والاقي وظيفة بدخل معقول في مصر

الموضوع حلو وعجبني وانصح اي حد في بداية غربته انه يحط هدف ليها يوصله ويخلع على طول لان الغربة مرض مزمن ملوش نهاية ومسيرنا هنرجع هنرجع ودول الخليج هي اسوأ مكان يعيش فيه المصري رغم كل المميزات

وانا لله وانا اليه راجعون

:h!!!h: :waving: :old: :lol:

سؤال : حتي نستبعد اسباب احري لحب الرجوع لمصر هل حضر تك متغرب لوحدك ولا زوجتك معاك ؟

[المهندسه]

السلام عليكم الاختhanaaosama

انتى بتقولى ان دخلكم فى مصر كان قريب لدخلكم هنا طيب ماقولتيش سافرتوا ليه؟؟؟بحثا عن ايه ؟؟؟مش ممكن النظام و الهدوء و النظافه لان ده مش بنحسه الا لما بنخرج من البلد لكن طول ما احنا عايشين فيها مش بنحس بمساوءها بتبقى مسأله تعود مش بنشوف كويس الا لما بنخرج بره الدائره ...فأكيد انتم حبيته تزودوا الدخل من باب تأمين الحياه و المستقبل لولادنا زى ماكلنا بنعمل بس انا هقولك رأيى لو كنت مكانك

عايزه اقولك ان طالما دخلك قريب من الدخل هنا فلا شىء يساوى الغربه مش هقولك عن الوطن لانها كلمه متغيره لكل واحد فينا لكن هقولك عن اهلك الام و الاب انا شخصيا ساعات لما بفكر ان ممكن امى او ابى الكبار فى السن طبعا مش هقول يجرالهم حاجه انا هكون اكثر وضوحا وصراحه بالرغم انها ممكن تكون مؤلمه بس لو مثلا ماتوا و انا فى الغربه هنا اعمل ايه؟؟؟؟مش عارفه هحس بأيه؟؟؟ مش هعرف انزل القى عليهم النظره الاخيره و الوداع فى غضون ساعات ..انا بقعد سنه وانزل اجازه شهرين اشوفهم وارجع تانى سنه ده غصب عنى لانى انا و جوزى مهندسين مدنى اقسملك بالله انى كنت بقبض فى مصر 600 جنيه ده لو مفيش خصومات فجوزى اضطر للسفر و انا معاه بس مش بشتغل و ناهيك عن فرق المرتب اضربيه فى 15 على الاقل فأحنا غصب عننا و رجلينا فوق رقبتنا مستحملين الغربه مع وجود طفلتين بمصاريفهم وبالرغم من ذلك لو حصل لاهلى حاجه لن اهرب من عذاب الضمير طول عمرى وسأتمنا لو كنت فضلت تحت رجليهم و اقبل يدهم صباحا و مساءا انا لما بفكر فى الموضوع ده بكتأب جدا و ببص لولادى و اقول انا طافحه معاهم الدم و لما يكبروا يمشوا كده و يسيبونى لكن غصب عنى اوى لكن انتى ماشاء الله ربنا يزيدك يارب معندكوش مشكله فى الراتب

انصحك انزلى مصر فى حضن الاهل واكسبى راتبكم الكويس و القرب منهم وخليهم يدعولك كل يوم و يدعولنا معاكى و لو حصل حاجه و ضاق بيكى الحال ارجعى هتعرفوا ترجعوا الف شركه جوزك هيلاقى فيها شغل

[Digital]

انا بقالي سنتين في دبي

بصراحة طبعا السبب الاول الفلوس

بس انا عاوز اوضح نقطة تانية هنا

الواحد هنا اول ما بييجي زي ما انتوا عارفين اول سنة في الباي باي

يعني في الاول بتشتغل بمرتب صغير بالمقارنة بمستوي راتب مهنتك للناس ال senior

ده حتي لو كنت senior في مصر

و بتتبهدل و بتصرف مصاريف بالهبل لحد ما تتعلم البلد و تاخد خبرة كويسة في الشغل

يعني من الاخر يكون فيه اسامي شركات محترمة في السي في بتاعك

انا واحد من الناس بعتبر السنة دي استثمار ليا بلمه في السنوات اللي بعديها

فعشان كده فكرة الرجوع دلوقت غلط خالص

بالنسبة لي كل اهلي هنا

الحمد لله شغلي رغم انه متعب جدا بس مجزي الحمد لله

انا قاعد بكتبلكم الكلام ده من الشغل الساعة دلوقتي واحدة بليل و انا لسه في المكتب

عمال بكتب في اكواد و شفرات ملهاش لا بداية و لا نهاية

ايه ريحة الشياط دي؟ ده السيرفر و لا سندويتش برجر كنج؟ :P

انا بحب دبي لانها بلد منظمة و جميلة جدا رغم مصاعب الحياة فيها

بس لما الواحد يظبط اموره فيها بيرتاح

مشكلة الخليج حاجة واحدة عدم الامان

احنا في النهاية من مصر و الي مصر ولو هاجرت المريخ حتي

فكرتي ان انا اعمل تكوين راسمالي علي قد ما اقدر لان محدش عارف بكرة فيه ايه

كل بايد ربنا طبعا

و بعد كده افكر اعمل مشروع او شركة صغيرة بالتوازي مع وظيفتي و لما مشروعي الصغير يشد حيلة

اسيب الوظيفة و لو باخد 100 الف

كفاية احس ان انا صاحب قراري

كفاية الراحة النفسية

لو تعبان مش محتاج اقدم علي اجازة خلاص مش رايح

ماهو كله علي دماغي في النهاية و هيا في الاخر فلوسي

انا خطيبتي دكتورة و حتشتغل هنا برضه ان شاء الله

يعني ممكن نحوش سوا ونعمل مركز طبي صغير

و بالنص lmo:

الله مش انا اللي دافع :lol:

يلا تصبحوا علي خير :lol:

[annas]

انا بقي ناوي اعكس المعادله

بصوا بقي انا الوحيد الاوحد اللي ناوي يسافر السعوديه بمرتب ............................. ايه؟؟؟؟ مفجأة........... اقل من دخلي في مصر

بتكلم جد هاسافر واخلص من مصر بأي تمن

مصر اصبحت لا تطاق بلطجه وحراميه وهمجيه

ورمي جتت مؤخرا وبقشيش وسمسره وحاجه كده تخنق

[أم مروان]

هل في اي سبب خلاك تفضل تكون مغترب غير الفلوس ؟؟؟؟!!!!

يعني لو دخلك كان كويس في مصر و اتعرض عليك شغل في دوله عربيه مقارب لدخلك في مصر مش هيزيد كتير هل كنت هتفضل برضه تكون مغترب ؟ زي معيشه افضل و حياه احسن و نظام و نظافة و .......

ولا كل ده كويس + الفلوس

و لو الفلوس مش فارقة يبقي كل ده ميسويش تمن الغربه

ايه رأيكم ؟

السلام عليكو

انا جيت السعودية بس من شهر وحاسة بغربة شديدة مش عشان انا بعيدة عن مصر لأ عشان ابنى وماما فى مصر وان شاء الله لما ييجوا مش هأشعر بأى غربة

ايوة فى هنا(الزلفى) هدوء مميت بس فى نظام ومصداقية زى ما الاخت rewsha قالت

ومنكرش ان الفلوس مهمة جدا لانى ببساطة انا وجوزى مهندسين فى شركة الكهرباء وأول ما شرف أول مولود مروان لاقنا الدنيا باظت والمرتبين مشكفيين أى حاجة وكان الحل ان جوزى يدور علي عقد عمل

والحمد لله لقى عقد هنا بمبلغ كويس وكمان انا ارتحت من الشغل وقعدت عشان اراعى ابنى وامى

لو كانت الفلوس اتوفرت فى مصر أكيد مكناش هنسافر بس الحمد لله ان احتا سافرنا وشوفنا بلاد جديدة وخاصة السعودية كفاية ان فيها الكعبة شرفها وحفظها الله

على فكرة انا وزوجى عمرنا ما حلمنا نسافر بلد تانية غير السعودية عشان على الاقل نعمل عمرة ويا ريت ربنا يكرمنا وتكون حجة ادعولى

بالمناسبة انا نفسى نفضل هنا ومنرحعش

ويا سلام بقى لو اتنقل جوزى الي مكة( اصل دا حلم قديم)

معلش طولت عليكو

حضرتك بتقولي لو الفلوس كانت موجوده في الاول مكناش هنسافر لكن الان بتقولي يا ريت نفضل علطول !

يعني بعد ما الفلوس تيجي ان شاء الله مش هتفكري ترجعي برضة

انا اتمنيت تفضل علطول بعد ما جيت هنا وشوفت الحياة شكلها اية هنا

ويعد الفلوس ماتيجى انزل لية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عشان نرجع نشتغل فى الحكومة بملاليم والبيت بيسرف الافات اللي جرب شغل الحكومة هيعرف يشوف مصر وصلت الى ايه :lol:

ولا أعمل مشروع والله أعلم هينجح ولا اية ولاهضيع تحويشة العمر فى اجراءات ورشاوى وعمولات وناس بتحارب أى حد عاوز ينجح بشرف

لان الشرف بقى عملة نادرة جدا

يمكن الحاجة الوحيدة اللى بتضايقنى هنا فى الزلفى عدم الترفية لانها بلد صغيرة

وبرضه الخروج مكنش مقطع بعضه فى مصر لانك لو حبيت تخرج خروجة محترمة فى مصر هتدفع مبلغ وقدره

بالمناسبة انا مش بكره مصر بالعكس بس الناس بقت متعودة للاسف على الكدب والغش اكيد دا موجود فى كل مكان بس أعتقد بنسة أقل من اللى موجودة حاليا فى مصر

وبعدين انا مقتنعة تماما ان كلها أرض الله والحدود دى احنا اللى عملناها

وربنا بيقول اسعى يا عبد وانا أعينك

على العموم انا مبقليش كتير هنا ودا رأى أولى يمكن لو الفترة طالت ارائى كلها تتغير

سلام

[HanaaOsama]

السلام عليكم الاختhanaaosama

انتى بتقولى ان دخلكم فى مصر كان قريب لدخلكم هنا طيب ماقولتيش سافرتوا ليه؟؟؟بحثا عن ايه ؟؟؟مش ممكن النظام و الهدوء و النظافه لان ده مش بنحسه الا لما بنخرج من البلد لكن طول ما احنا عايشين فيها مش بنحس بمساوءها بتبقى مسأله تعود مش بنشوف كويس الا لما بنخرج بره الدائره ...فأكيد انتم حبيته تزودوا الدخل من باب تأمين الحياه و المستقبل لولادنا زى ماكلنا بنعمل بس انا هقولك رأيى لو كنت مكانك

علي فكره احنا مش مسافرين ولا متغربين انا بسأل لو حد في الظروف ديه دخله كويس و معروض عليه سفر بنفس الدخل هيسافر عشان اسباب اخري زي الي ذكرتها ولا لأ ؟

بس هو ده السؤال :lol:

تم تعديل 16 ديسمبر 2009 بواسطة HanaaOsama

[HanaaOsama]

مشكلة الخليج حاجة واحدة عدم الامان

احنا في النهاية من مصر و الي مصر ولو هاجرت المريخ حتي

فكرتي ان انا اعمل تكوين راسمالي علي قد ما اقدر لان محدش عارف بكرة فيه ايه

كل بايد ربنا طبعا

:lol:

[HanaaOsama]

انا بقي ناوي اعكس المعادله

بصوا بقي انا الوحيد الاوحد اللي ناوي يسافر السعوديه بمرتب ............................. ايه؟؟؟؟ مفجأة........... اقل من دخلي في مصر

بتكلم جد هاسافر واخلص من مصر بأي تمن

لأ جديدة :lol:

[mama nona]

ربنا مقدر لنا الرزق ال هناخده فاى مكان هنروح فيه سواء كان فى مصر او بره

بس بره ده دايما مش مضمون وفى علم الغيب

انما مصر اهى كده كده فى مكانها

واحنا منها وهيا مننا

مش هنروح من بعض ابدا

انا اقولك تجربتى فى مصر

انا بقالى شهر تقريبا فى مصر كرهت نفسى

الشوارع زبالة

تتعاملى مع الباعة والصنايعية والمحلات فالمقام الاول على انهم نصابين

ونادر اوى لما تلاقى حد بيتعامل بضميره

تركبى عربيتك ووتمشى شوية تلاقى اى واحد كسر عليكى فالطريق ولو بصيتى له بس عالاسلوب الهمجى ال ماشى بيه تلاقى دراعه خلرج 10 متر من الشباك وبيشتم فيكى وفى ال عرفوكى

ده حته التاكسى بقى يتحمل بالنفر

والبونديرة بقت ثابته

والتاكسى بعد ما كان المفروض يوصلك لغاية البيت احمدى ربنا انه يوصلك لاول شارع رئيسى

وال اتناقشتى معاه اعرفى انك خسرانه

تعالى بقى وشوفى محلا ت الفواكه والخضار تلاقيه معلق يافطه انه الموز مثلا ب 4 جنيه ولما تروحى تشترى تلاقى اليافطة دى واقفة فالنص بين صندوقين واحد للموز الدبلان والتانى للموز الصابح ال هو ب 6 جنيه

تروحى المحلات تلاقيهم بيسرقو فالميزان

بشترى سمك من محل وسبته يشويه لقيت الناس ال واقفة بتعد كيلو السمك كام سمكة لان صاحب المحل ال هيشوى اكيد هيسرق سمكة بعد ما يدخل الفرن

الشوارع كلها بقت مليانه زبالة كانه البشر ال هنا من نوع والبشر ال عايشة فالدول التانية من نوع تانى

لسه عاوزة كمان ولا كفاية ؟؟؟؟؟؟