معنى

[bassem_2009]

السلام عليكم ورحمة الله وبركاته

أعزائي المتحاورين والمتحاورات لا أدري هل ما زالتم تذكرونني أم لا؟ مر العامان تقريبا وأنا معتذر المحاورات وربما المنتديات جميعا ليس بقصد وإنما هي التقلبات الطبيعية للفترة العشرينية التي ما تلبث أن تخمد حتى يبدأ المرء في استعادة توازنه وربما أكون الآن في مرحلة استعادة التوازن والتي من أهم أطوارها الرجوع إلى "بيتي ومطرحي" وعذرا على "الغلاسة" واعتبار المحاورات "بيتي ومطرحي" فالمحاورات شهدت أول محاولاتي الشعري كما شهدت أعمق وأطول صداقاتي عمرا أيضا

قصر الكلام

إليكم محاولة شعرية أخرى بعنوان معنى :lol:

-------------------------------------------------------------------------------------------------------------------------------------------------------------------------------------------------

خلاص قرر

بإنه يكمّل الرحلة

ومن غير زاد

ماخدش معاه سوى قلبه...

وكام شعرة من اللي ابيضو من قبل الشياب بمعاد

وراح يفرد قصاده الليل ويتمدد

ويتردد

يقول؟ مايقولش؟ ماعرفشي

فقام كسّر جميع اقلامة ورماها

وساب نفسه

لموج الليل

وراح يرسم بإيده ف السما معنى

ماهوش شايفه ولا فاهمه

لكين حاسة

من الجايز يكون مش راضي عن فرطة نجوم الليل بلا صاحب

فقال بإديه يلضـّمها

من الجايز يكون عدى حدود الوهم بيلملم نسيم الفجر

من الجايز يكون بيكمل اللي نقص م البدر

وليه هنفلسفه إحنا

ده هو نفسه مفهمشي

لأن المعنى ده فايق حدود الفهم

لأن المعنى ده بقلبه - وبس بقلبه – يتحس

باسم زكريا

16/7/2008

تم تعديل 13 ديسمبر 2009 بواسطة bassem_2009

[هشام الجنيدى]

اضم صوتى لصوتك يا باسم واقول ان المنتدى ده باذات بيتنا ومطرحنا انا جربت اكتب فى منتديات تانية استجابة لبعض دعوات اصدقائى فى المنتديات التانية بس بجد مرتحتش فى ولا منتدى لدرجة انى نسيت اصلا اسمها ايه المنتديات اللى مشترك فيه

هنا طعم تانى وشكل تانى ومستوى تانى .....

اما محاولة حضرتك ..... فهى جميلة جدا من زمان مقريتش فكرة زى دى .....

بس ليا اعتراض صغنن قوى وهوة التعبير ده .....فرطة نجوم الليل بلا صاحب صعبة قوى كلمةبلا( صاحب) خوفتنى قوى لما قريتها وخليتنى لا زم اقولك حاسب من شيطان القلم لان القلم بيغر واحنا مش انبيا ..... لك منى دشليون مليون باقة ورد

[bassem_2009]

أشكرك يا أستاذ هشام ولكن ما وجه الاعتراض؟

[هشام الجنيدى]

وجه الاعتراض..........

شزوف يا سيدى ......... لما قريت التعبير ده حسيت ان مينفعش نقول (فرظة نجوم الليل بلا صاحب ) لسبب بسيط وكبيير جدا فى نفس الوقت ...

السبب.. اولا ان النجوم ليها صاحب .... واى صاحب ... انه (الله ) ولا اله الا الله

ثانيا ....ان النجوم مش مفروطه النجوم مترتبه فى مواقع اقسم بها الله فى القرأن (فلا اقسم بمواقع النجوم . وانه لقسم لو تعلمون عظيم.).....

فخفت جدا لما قريت التعبير ده وقلت الفت نظر حضرتك لما توسمته فيك من رحابة الصدر ......

وتقبل فاااااااااااااااااائق تقدييييير ى مرة تانيه وتالتة ومليووووووووووووووووووووون

[bentmasria]

لف حمد لله على السلامة ياباسم يا صاحب القلم الجميل وحشتنا وافتقدتك ساحتنا لوقت موش قصير يارب تكون الغيبة خير موش نغم حزين وبس

وبص يا سيدى

كلنا حيران وتايه فى سكته

زلما الحيرة بتخضر على ضفاف الروح بتسيبنا بلا ملامح او هوية

حنلاقى روحنا لانها ما تاهتش ده اكيد

وحنلضم عقد النجوم واللولى يوما ما

ماتخليش نور الامل يطفيه الالم

وبكره احلى ولو بلسان حزين رددها حتلاقى روحك بتطل من جديد منورة ومزهرة وزى الفل

ربنا يوفقك ويسعدك يارب

البنت المصرية

[ابو حودة]

برافو هشام