زوار محاورات المصريين 1300 الآن ! هل من تفسير ؟

[Advisor]

أمس مساء لاحظت أن عدد زوار محاورات المصريين - بما فيهم الأعضاء - وصل أكثر من 1500 ... الرقم كبير حيث كان العادى فى حدود 500 فقط

ما سبق كان إستهلالا لابد منه

هل من تفسير لهذه الزيادة المفاجئة و المستمرة حتى الآن ؟

هل هناك موضوعات جديدة ساخنة أو معلومات جديدة فى محاورات المصريين جذبت هذه الأعداد الكبيرة.

من جانبنا لا يوجد أى تغيير فى الموقع !! هل نفترض أنه كان هناك عقبات فى الوصول لموقع محاورات المصريين و قد زالت هذه العقبات فجأة ؟

هل حدثت مثل هذه القفزة فى زيارات مواقع أخرى ؟

من جانبنا فى محاورات المصريين لا توجد مشكلة اللهم إلا إذا كان علينا العمل على زيادة القدرة الإستيعابية للدخول إلى موقع محاورات المصريين.

رجاء ممن يوجد عنده تفسير و لو نظرى بحت أن يضيف تعقيب.

الأمر بالنسبة لى أقرب إلى لغز .. تقنيا !

تم تعديل 13 ديسمبر 2009 بواسطة Advisor

[justme]

اعتقد انك ممكن تشوف السجل بتاع رقم الأي بي والاعضاءهل هو بيسجل الأعضاء اللمختلفين او الأي بي المختلق وبيعد على اساسه

لأن احتما يكون عندي تفسير

[Ambitious]

ليها أكثر من تفسير يا استاذ عادل .. عموما لو العدد ده حقيقى ممكن يكون ترتيب الموقع ارتفع فى جوجل وبالتالى عدد صفحات الموقع اللى بتظهر فى اول نتائج البحث زادت وده بيفرق جامد جدا فى عدد الزيارات .. عشان كده فى ناس كتير بتعتمد على تقنية اسمها SEO(Search Engine Optimization) بهدف زيادة رانك الموقع لدى جوجل وبالتالى زيادة زواره ..

[Alrefaey]

انا لى ملاحظه بسيطة وهى ان عدد زوار النت واعتقد الموقع ايضا فى ديسمبر بيكون من اعلى معدلات السنه نظرا لاسباب متعددة

[raouf]

وليه منأولش ان الموقع بقى بيجذب هدد كبير من الناس ؟ انا مشاراكتى فعلا قليلة ولكنى اتصفح الموقع 3-4 يوميا وابعت اللنك وانصح به دائما كل اصدقائى بفضل الفكر العالى و المواضيع المميزة للاعضاء

[mrs gehad ahmed]

وليه منأولش ان الموقع بقى بيجذب هدد كبير من الناس ؟ انا مشاراكتى فعلا قليلة ولكنى اتصفح الموقع 3-4 يوميا وابعت اللنك وانصح به دائما كل اصدقائى بفضل الفكر العالى و المواضيع المميزة للاعضاء

انا مع الرأي ده

لاني انا شخصيا بنصح بيه لكلللللللللللللل اصدقاشي ومعارفي

لان اسلوب ورقي الحوار ف المحاورات مميز ومختلف خاالص عن اي منتدي تاني

[se_ Elsyed]

أنا كذبت عيني أمبارح وقلت في حاجه غلط ... او صح لما لقيت العدد 1300 زائر

فعلى كل الأحوال انا شخصياً لا تعنيني الأرقام ... لأن صاحب الرسالة يهتم بالكيف وليس الكم ..

وبالتالي لو زيادة العدد بتكون عشان أفكار الناس اللي بتتعب وتكتب توصل للناس وتغير فيهم شيء ... فده في حد ذاته يُلج الصدور ..

والله لا تتصوروا مدى المرارة التي أشعر بها عندما ازور مثلاً منتدى للأفلام او الدراما أو ما الى ذلك واجد عدد الأعضاء المسجلين 50 الف وأكثر

مش عشان ده غلط ..

لأ بالعكس كل واحد حر

لكن عشان هناك دائماً الاهم والمهم

والاهم الان هو ما تمر به بلدنا من مفترق طرق

على سبيل المثال وعشان ما نخرجش عن موضوع الزوار وخلافه

تخيلوا معايا بعد الشر ... - أمشي يا عفريت -

لو

لو ( يارب ما يحصل )

لو مبارك أتجدد له للفترة العشرومية القادمة .. ومجلس الشعب سيطر عليه المنتفعون الدائمون ...

انا شخصياً اروح فيها

إذاً فالتغيير للأفضل دائماً ما يكون في يد النخبة المثقفة اللي اعضاء منتدانا هم جزء مهم منها ...

ومش بس كده

ده المثقفين دول لو كمان ما قدروش يأثروا في اللي حواليهم .. يبقى ستذهب جهودنا أدراج الرياح

[الترجمـان]

انا كدا اتوغووشت...

انا كنت فاكر إن الأتوبيس اللي دخل داه تبعك يا سي سيد ... :sad:

على العموم انا من رأيي تجهز الحاجه زهره لإن الموضوع مايطمنش يا ريس ..

والمنتدى شكله متحاصر بالله هم احفظنا ومتنكرين :lol:

تم تعديل 13 ديسمبر 2009 بواسطة الترجمـان

[DIA ELDIN]

وليه منأولش ان الموقع بقى بيجذب هدد كبير من الناس ؟ انا مشاراكتى فعلا قليلة ولكنى اتصفح الموقع 3-4 يوميا وابعت اللنك وانصح به دائما كل اصدقائى بفضل الفكر العالى و المواضيع المميزة للاعضاء

انا مع الرأي ده

لاني انا شخصيا بنصح بيه لكلللللللللللللل اصدقاشي ومعارفي

لان اسلوب ورقي الحوار ف المحاورات مميز ومختلف خاالص عن اي منتدي تاني

لي ايضا نفس الرأي واكثر المتصحفين للموقع هم من راغبي الهجرة لكندا حيث ان بة معلومات غزيرة ومفيدة عن هذا الموضوع

[sherifhfm]

ربنا يزيد ويبارك امسكوا الخشب

طبعا ده المتوقع ان كل ماده المنتدى اعضائه وزواره فى زياده انا شخصيا بعد ما عرفت المنتدى ارسلت اللبك بتاعه للكثير من اصدقائى وهم يتابعوه باهتمام الان

يعنى طبيعى لما يكون المنتدى محترم وفيه مساحه كبيره من الحريه فى تناول الموضوعات طبيعى انه يجذب العديد من الناس من مختلف الاتجاهات والاهتمامات وخاصة ان النخبه المثقفة الان فى مصر بدأت تتجه بقوه ناحية الانترنت للتواصل ولتبادل الاخبار ووجهات النظر حيث انها اصبحت من اكثر الطرق شعبية بين النخبه فى مصر وغير مصر

وان شاء الله الى الامام دائما وعقبال ما يبقى عدد الزوار 130000

[أحمد سيف]

أعتقد أنه لو تم فرز هؤلاء الزوار حسب الأبواب التي يقرأون موضوعاتها فيمكن معرفة السبب وراء هذه الزيادة المفاجئة ... أتصور أن باب الهجرة الى كندا هو أحد الأبواب الرئيسية التي تجذب هؤلاء الزوار وخصوصا أن هناك موضوعات جديدة فتحت فيه خلال الأيام الماضية واجتذبت أعدادا هائلة من القراء والمشاركات مثل موضوع الفاضل znaty "بداية ونهاية". هذا هو تفسيري للموضوع.

[sarmar]

لاخوة الكرام اعضاء او زائرين

الاخ العزيز المحترم س السيد

السلام عليكم ورحمة الله وبركاتة

اذا كان عدد الزوار للمنتدى وصل الى رقم 1300 فاننى ارى ان العدد قليل وليس بكثير بل هو عدد متواضع جدا وهذا لاسباب طبيعة هذا المنتدى حيث ان الاخ سى السيد يتفضل علينا ويقول انة احيانا يرى منتديات بها عدد الزوار يتعدى 50 الف زائر

ولكنة اوضح بشىء من الحكمة انة لايعنية الكم بل الذى يعنية هو الكيف

نعم الكيف وليس غيرة حيث ان طبيعة المترددين على هذا المنتدى لهم طبيعة خاصة الا وهى الحكمة او النضج العقلى وللة الحمد انة ليس بيننا كاعضاء من هو غير ذلك وكلنا يبحث هنا عن الفائدة المعنوية او حتى المادية بدون غش او تدليس وليس المقصود بالمادية يعنى النقود فقط بل جميع انواع الفائدة مثل من تخرج بعد الدراسة ويبحث عن فرصة عمل هنا او هناك او من يبحث عن فرصة استثمارية او من يريد الكسب المعنوى بالتعرف بغيرة فى اطار من الاحترام علاوة على اننى ارى هذا المنتدى همزة وصل حقيقية بين الطيور المهاجرة والوطن الحبيب مصر ولااخفى عليكم اننى يوميا منذ ان عرفت هذا المنتدى وانا ادخلة باستمرار واليوم الذى لاادخل فية اشعر ان هناك شيئا مهما قد نسيت ان اعملة

ولن ابالغ اذا قولت ان نسبة الحرية والاخترام الذين يغطون هذا النتدى جعلت منة مكانا جاذبا لمن يحوم حول مايريد منة اما الغير ذلك فلا يجد لة بين جنبات هذا المنتدى مكانا فيبحث عن مبتغاة فى مكان ملىء باللهو والعبث والاعمال الصبيانية

وبهذة المناسبة فاننى اتقدم للسادة مؤسسى هذا المنتدى بكل الشكر والتقدير والاحترام على فكرة تقديم هذا المنتدى وارجو دوام الكحافظة علية واستمرارة ولايقل شكرى ايضا لكل الاخوة الاعضاء والزائرين لكل من يساهم براى او نصح للجميع ومن الجميع فى شتى مجلات الحياة واللة اسال التوفيق للجميع

[doha]

هو عدد الزوار في حد ذاته ( ميخضش ) لان المحاورات تستحق في رايي عدد اضعاف ده بمرات .. بس الي يلفت النظر فعلا ( القفزه ) الي حصلت .. يعني يكون في المتوسط 500 ويقفز بين يوم وليلة لـ 1500 فاكيد ده شيء يدعوا للتساؤل ..

عن نفسي خمنت يكون باب الهجره لكندا له علاقه بالموضوع ممكن في مقابلات قريب او امتحان او ماشابه والناس بتدور على اي معلومه عنها .. على كل حال رحت لموقع اليكسا اشوف ياترى الكثافة جايه منين ففوجئت بان ماقاله الاستاذ الفاضل عادل صحيح تماما .. اليكسا نفسه بيقول ان مابين امبارح والي قبله زادت الزيارات ماشاء الله بمعدل 50 %

http://traffic.alexa.com/graph?&w=400&...ntalks.org&

من المعلومات الي بيقولها اليكسا ان الجوجل هو اكبر موجه للموقع .. تحديدا جوجل مصر يليه عدد من المواقع بيجي منهم الزوار لكن الجوجل سبقهم بنسبة كبيرة

41.34% google.com.eg

# 14.41% google.com

# 6.99% yahoo.com

# 3.78% google.com.sa

# 3.06% masrawy.com

المفاجأة بقى الي يمكن تزعل شويه هو كلمات البحث الي بتقود للموقع .. اشهر كلمات البحث لهذا الشهر هي التالي على الترتيب وفي فارق كبير اوي مابين اول كلمتين ومابعدهما ..

* نكت مصرية

* تردد مودرن سبورت

* زهقان

* محاورات المصريين

*

* قاموس انجليزي عربي

* هرم سيتى

* سعر الدولار

* ccie

* تكييف

معنى كده ان اكتر الي بيتعرف على المحاورات بيكون جاي يدور على نكت مصرية .. اليكسا الي بيقول كده .. يجوز يكون موضوع(( اضحك . . اضحك .. اضحك )) ..الي موجود في المحاورات بقاله فترة هو سبب كثرة الزوار ؟ يارب ميكونش كده ..

على العموم دي احصائية بترتيب اولوية موقع المحاورات او الرانك بتاعه بالنسبة للدول المختلفة ..

* 613 Egypt Flag Egypt

* 669 Kuwait Flag Kuwait

* 1,584 United Arab Emirates Flag United Arab Emirates

* 2,570 Jordan Flag Jordan

* 2,714 Saudi Arabia Flag Saudi Arabia

* 2,967 Iraq Flag Iraq

* 4,184 Qatar Flag Qatar

* 4,617 Syrian Arab Republic Flag Syrian Arab Republic

* 6,995 Algeria Flag Algeria

* 9,131 Tunisia Flag Tunisia

وده توزيع الزوار بالنسبة للدول الي جايين منها

* 56.1% Egypt

* 13.5% Saudi Arabia

* 8.1% Kuwait

* 4.7% United Arab Emirates

* 3.2% Iraq

* 2.4% Algeria

* 1.4% Syrian Arab Republic

* 1.3% Qatar

* 1.0% Jordan

* 0.5% Tunisia

* 7.7% OTHER

واخيرا ده رابط موقع اليكسا للي عاوز يبحث اكثر في الاحصائيات في محاولة لحل هذا ( اللغز )

http://www.alexa.com/siteinfo/egyptiantalks.org

عن نفسي بعد البحث لم ازدد الا حيرة .. مش هينفع غير نتابع الزيارات لكل موضوع على حده عشان نعرف التسريب ده جاي منين .. وان كنت اميل الى الاخذ بالراي من ان اجازة الكريسماس وماشابه لها علاقه بزياده عدد الزوار على اساس ان الناس عندها وقت تدخل النت دلوقت اكتر من غيره .. الله اعلم

وربنا يزيد ويبارك ويفضل العدد في زياده دائما ..

[مصري أصيل]

أنا عندي تفسير و أظن أنه صحيح بنسبة كبيرة و هو إن المنتدي منذ فتره لا يقوم بتفعيل خاصية ( تذكرني ؟ ) و التي تتيح للعضو دخول المنتدي تلقائي و بدون تسجيل إسم العضوية و الرقم السري كل مره يدخل فيها للمنتدي و هذه الخاصية غير مفعله حالياً و هذا لأنني أدخل المنتدي من جهازين و الجهازين بهم نفس المشكله أي أن المشكله في المنتدي و ليست في الجهاز و قد فكرت أكثر من مره مراسلة الإداره لكي يتم تلافي هذه المشكله و المتمثلة في حتمية تسجيل الدخول بالإسم و الرقم السري في كل مره يريد العضو أن يضع رد أو يستخدم أي خاصية من خواص المنتدي الغير مسموح بها للزوار.

و أظن أن الكثير من الأعضاء يكتفي بأن يكون زائر حتي يضطر الي تسجيل دخول عندما يحتاج اليه و من هنا ظهر هذا العدد من الزوار الذي هو في حقيقة الأمر عدد كبير منهم هم بالفعل أعضاء في المنتدي و الدليل أن ليلة أمس عندما دخلت المنتدي كان عدد الزوار يتعدي 1500 زائر و عدد الأعضاء 15 فهل هذا معقول ؟؟؟

أنا لا أقول أنه ليس هناك زوار و لكن بالتأكيد لن يكون بهذا العدد بالنسبة لعدد الأعضاء و ربما تكون هذه المشكله عندي وحدي الله أعلم و لكن إن كانت هذه المشكله عند الجميع فأعتقد أن السبب الذي ذكرته صحيح

و بهذه المناسبة أتمني تفعيل خاصية ( تذكرني ؟ ) لكي لا يضطر كل عضو تسجيل الدخول في كل مره يدخل فيها المنتدي . و شكراً

[doha]

آخر حاجة توصلت لها بخصوص الموضوع ده ان ملوش علاقه بمحتويات المحاورات بشكل مباشر وانما الزوار انفسهم الي جد عندهم جديد ..

من موقع اليكسا :

التغير في عدد الزوار الي قدموا للموقع من محركات البحث كالتالي :

Yesterday 52.2 +12% 1d period

7 day 49.3 -12% 1w period

1 month 47.3 +6% 1m period

3 month 44.7 -9% 3m period

بينما التغير في الوقت الي بيقضيه الزوار في الموقع كان كالتالي :

Yesterday 285.2 +160% 1d period

7 day 286.8 +5% 1w period

1 month 326.5 -19% 1m period

3 month 353.3 +5% 3m period

يعني 160 في المية زياده في متوسط المده الي بتقضى على الموقع اعتقد تعني شيء بكل تاكيد .. فاذا اضفناها ان الناس دي مش داخله بالصدفة عن طريق محركات البحث لان النسبة بتاعت الحالة دي لم تزد عن 12 في المية يبقى الزوار دخلوا عن عمد للمحاورات لقضاء وقت الفراغ الي حصلوا عليه على مايبدوا فجأه وتصفحوا معظم الصفحات مفيش تركيز في موضوع معين او قسم بذاته ..

كويس ده يعكس على فكره مدى الثقة الي بتتمتع بيها المحاورات عند الزوار دول بحيث ان مجرد ماتوافر الوقت قرروا يقضوه في تصفح الموقع ..

اعتقد والله اعلم ان ده هو السبب للزياده المفاجئة .. العطل والاعياد ..

[honest reader]

معلوماتى إن إحصائيات Alexa تنصب فقط على بيانات هؤلاء الذين قاموا بتثبيت alexa tool bar ... هل هذا صحيح ؟

أنا لم أثبت alexa tool bar و بالتالى لم يتم أخذى فى الإعتبار فى إحصائيات Alexa

ما مدى إنتشار إستخدام alexa tool bar

[Diab]

بسيطة يا جماعة -_-

مواضيعي ومشاركاتي المميزة وارائي الثاقبة هي سبب العدد المهول للزائرين :lol: يوميا للاستفادة من خبراتي الحياتية وال اسمها ايه دي المعلوماتية

اتوقع بتتاعف عدد الزوار لاني نازل بكل تقلي اليومين اللي جايين

دياب

بتاع مواضيع زوارها كتير :lol:

[doha]

معلوماتى إن إحصائيات Alexa تنصب فقط على بيانات هؤلاء الذين قاموا بتثبيت alexa tool bar ... هل هذا صحيح ؟

أنا لم أثبت alexa tool bar و بالتالى لم يتم أخذى فى الإعتبار فى إحصائيات Alexa

ما مدى إنتشار إستخدام alexa tool bar

صحيح بس هي عينة احصائية ممثلة ..

خاصة والنتائج طالعه بالنسبة المؤية مش بالرقم ..

يعني نفس الاشخاص كان عندهم التولبار ومع ذلك مكانوش بيزوروا المحاورات وفجأه زادت الزيارات خمسين في المية فاكيد ده شيء يدعوا للتساؤل ..

على كل حال في آخر كل صفحه هتلاقي لينك لموقع ( رتب ) تقدر تدخل عليه وده ملوش علاقه بالتولبار ولا غيره واعتقد هو برضه رصد التغير الي حصل في عدد الزوار ..

http://www.ratteb.com/egyptiantalks.org

[myusername]

صحيح بس هي عينة احصائية ممثلة ..

خاصة والنتائج طالعه بالنسبة المؤية مش بالرقم ..

يعني نفس الاشخاص كان عندهم التولبار ومع ذلك مكانوش بيزوروا المحاورات وفجأه زادت الزيارات خمسين في المية فاكيد ده شيء يدعوا للتساؤل ..

على كل حال في آخر كل صفحه هتلاقي لينك لموقع ( رتب ) تقدر تدخل عليه وده ملوش علاقه بالتولبار ولا غيره واعتقد هو برضه رصد التغير الي حصل في عدد الزوار ..

http://www.ratteb.com/egyptiantalks.org

السلام عليكم,

لو كان سؤال حضرتك... هو ليه حصل الزيادة دى فجأة, فأعتقد ان الاحصائيات بتاخد وقت عقبال ما يتعملها computing لانهم بيستخدموا معادلات للموضوع ده.

يعنى الفكرة كلها انها بتاخد وقت عشان يتعمل تحديث للاحصائيات... عشان كده الارقام بتتغير فجأة.. فقط لا غير.

زى ما كان بيحصل زمان حاجة اسمها google dance و لكن دلوقتى بدأوا يحدثوا الداتا بشكل اسرع عن زمان.

اما عن سبب زيادة الزوار للموقع نفسه.. لان الموقع بيتعمل بحث عليه كتير باسمه, عشان كده الرانكنج بتاعه بدأ يطلع فى محركات البحث... و كمان فيه منتديات تانية عاملة لينك للمنتدى هنا... و انا عن نفسى عرفت عن المنتدى ده عن طريق منتدى تانى.

انا تعمقت شوية فى موضوع ازاى جووجل بتحسب الرانكنج... و المعادلات اللى بيستخدموها - بعض المعادلات سرية جدا حتى لا يساء استخدام الرانكنج - و كل اللى حصل ان الرانكنج بتاع الموقع طلع فى جووجل شوية... فبالتالى ده أثر على عدد الزوار المحتملين.

الموضوع مش سر يعنى ولا حاجة يا جماعة... و ممكن تستخدموا google analytics عشان تعرفوا عدد الزوار بالظبط للموقع.

والله اعلم.

تم تعديل 15 ديسمبر 2009 بواسطة myusername

[somayasaleh]

هو اكتر من سبب مش سبب وواحد

محرك بحث جوجل.....انا شخصيا عرفت المنتدي عن طريقه

الاعضاء المحترمين والمثقفين اللي بيردوا بمنتهي الذوق والحيادية

الفكر المعتدل الغير متطرف اللي بيجذب كل الناس من كل الثقافات والاديان والاعراق المختلفة

رغبة الناس في التغيير ومحاولتهم للتغييير....ولو بالقول والفكر فقط

الناس اللي بتبعت اللنك لاصدقاءهم.... وطبعا الاعضاء المميزين اصدقاءهم زيهم مميزين ومحترمين ومثقفين

فترة الاجازات والشتاء جعلت الناس وخاصة المغتربين يدورا علي اي متنفس محترم يقضوا فيه اوقاتهم

اهم حاجة في وجهة نظري.....روح التعاون والمحبة اللي بين الاعضاء هي السبب المباشر في زيادة عدد الزوار

ممكن كمان يكون فيه مشكلة تقنية للدخول....وده انا واجهتها بنفسي من خارج مصر .....مرات كتير مش بعرف ادخل علي المنتدي....والمشكلة ده اتحلت

وسبب مهم جدا.....فلترة الاعضاء الغير ملتزمين بالقوانين. من قبل الادارة طبعا.......ده بيجذب الاعداد الكتيرة ده

.بمعني ان الادارة مشكورة بتقوم بدور كبير في المحافظة علي رقي المكان والمحافظة علي الاعضاء من اي اساءات او تجاوزات من الاخرين

يعني بالعربي كده....مكان محترم وحيادي والكل بيساعد لوجه الله.....لازم الاعداد تزيد......وربنا يزيد ويبارك