طبق اليوم !!!

[حشيش]

الواحد بطنه نشفت من أكل المطاعم وسندوتشات الهمبورجر والكنتاكى والبطاطس المحمرة :blink: :blink: :blink:...نداء إستغاثة إلى كل العضوات بالمنتدى ksh:: ksh:: ksh::...أرجوالمساعدة بوصفة سهلة أقدر أعملها فى البيت من غير مشاكل ولكم عند الله الأجر والثواب :blink: :blink: :blink:

ملحوظة هامة: العازبات يمتنعن (الحكاية مش ناقصة عك يعنى) mfb: mfb: mfb:

[achnaton]

الظاهر إنك مش حا تجيبها البر .. يا حشيش .. اعظم طباخى العالم " شيفات " " رجاله يعنى .. خليك كده ورا الحريمات .. والعضوات والآخر حتآكل بيض مسلوق ..دا حتى الحكومة او مجلس النوام .. لما بيحبوا يطبخوا طبخه من إياها .. بيعتمدوا تماما على الأعضاء مش العضوات .. أمال فين الإنتماء ؟؟

fsh:: :blink: :blink: :blink:

تم تعديل 23 يناير 2004 بواسطة achnaton

[Lighthouse]

:lol: ngh: ngh:

طيب ياحشيش

انا قلت ادخل انقذ اخويا حشيش بأكله ترم عضمه وتبره في الجو البارد ده

الاقيك بتقول كده :angry:

خلاص

يمتنعن يمتنعن

شوف بقى مين ح يوصف لك اكله تبر نفسك بيها :D

لايت هاوس عامر :D

من امام مطبخ المحاورات

[الأفوكاتو]

عزيزى أغلى كيف

أكنب لنا ما هى الأطعمة التى تفضلها, و سوف أوافيك بوصفات سهلة, و صحية.

بمعنى,

هل تحب الأسماك؟

أم اللحوم؟

أم السلطات؟

أم النشويات ؟ مثل الماكرونة و البطاطس و الأرز؟

أم الحلويات؟

منتظر طلباتك, بعد إذن الأخت لاايت هوس التى أعلنت مقاطعة سلبية لأعداء الحركة النسائية

[achnaton]

عزيزى أغلى كيف

أكنب لنا ما هى الأطعمة التى تفضلها, و سوف أوافيك بوصفات سهلة, و صحية.

بمعنى,

هل تحب الأسماك؟

أم اللحوم؟

أم السلطات؟

أم النشويات ؟ مثل الماكرونة و البطاطس و الأرز؟

أم الحلويات؟

منتظر طلباتك, بعد إذن الأخت لاايت هوس التى أعلنت مقاطعة سلبية لأعداء الحركة النسائية

ولا يهمك يا حشيش .. آدى أنت شايف أخونا أفوكاتو المنتدى " نفسه " معاك .. وطبعا أنت كنت فى لندن عايش زى ما بتقول على الهامبورج .. والسندوتشات .. لأ ياعم حنجيب لك كام وصفه أنجليزى والمانى وبلاش الهولندى .. عشان إنت عارف السمن الهولندى مينفعش مع الكوارع العجالى بالصلصة البيضا .. آهى دى وصفه من جدتى " صبوحه ".. كانت بتعملها لجدى ينصطل .. ولا على إيه .. أنت كدة أو كده جاهز .. نجيب الوصفة الألمانية للأطباق اللى هية .. [/ http://http://alacarte.de/welcome/rezepte/...bsschnitzel.jpg

http://alacarte.de/welcome/rezepte/go/wint...bsschnitzel.jpg

مع احترامنا الشديد قوى لسيدات المنتدى .. وآنساته طبعا ..

ngh: ngh: :angry: :lol:

تم تعديل 23 يناير 2004 بواسطة achnaton

[فــيــروز]

سبيط و سمك بربونى :D

طبعا ماحدش يامل انى ممكن اقول وصفات !! :angry:

الحقيقه جيت احنس اخونا حشيش ngh:

النهارده اكلت الاكل ده فى اسكندريه فى محل اسمه حسنى "جزيرة الملك" :lol:

ده غير طبعا الارز و السلطات و الشاى ابو نعناع ngh:

يا سلاااااااااااااااام .. لذيذه بشكل

[se_ Elsyed]

عليك يا شيشو وعلى كباب الحله ..

الأكله سهله خالص وأبسط من شكة الدبوس ..

إنت تروح عند المعلم عكوة الجزار وتجيب كيلو لحم بقري وتخليه يقطعه مكعبات وقوله علشان كباب الحله .

وبعدين تجيب الحله وتحط حتت سمنه او إذا كنت بتستخدم زيت نباتي ما يضرش برضوا

وتقطع بصلاية وفص توم وقرنين فلفل أخضر وطمطماية وتضيف التوابل اللي إنت عايزها ..

وترمي كل ده مع اللحمة في الحله وتحط نص كوباية ميه ..

ولو عايز تضيف طع جديد للحمة ممكن تقطع بطاطسيتين مكعبات صغيرة معاهم ... ده في حالة أنك عايز الاكلة دي تكفيك 3 أيام ...

وتسيبهم نص ساعة على النار ...

وسلامتك وتعيش

ملحوظة : لازم تحبس بكوباية شاي تقيل بعد اليخن ده .

مع تحيات " مطبخ سي السيد "

أما أنا شمتان شماته في لايت هاوس وفيروز وهما متذنبين على باب التوبيك ومكتفيين بالشم فقط ولايت الغلبانة ياعيني جايبه رغيف بلدي وعماله تغمس ريحة كباب الحلة المفحفحة ....

وفيروز واقعة في الأرض تتلوى جوعاً ونفسها في جوز كوارع من بتوع عم أخناتون .. بس ده بعينها ولا بؤ مرقة حتى .... لأ وزيادة في التعذيب أنه تصادف أن تكون هي مشرفة هذا الباب ومحرم عليها تمسك الأكره حتى ....

ده ولسه التقيل جاي لما عمنا الأفوكاتو يرمي بثقلة ويقولنا على وصفاته من مطابخ العالم ..... ولا مدام سلوى لما تتحفنا بوصف البيكاته بالشامبنيون اللي حشيش بيحبها - ولا عمره سمع عنها أساساً .. دي معلوماته كلها تنحصر في الطعمية والبصارة ومشتقاتهم -

انا حاسس ان التوبيك ده هايقلب ريحة المنتدى كله ... فين الشفاط يا دكتور محبط ؟!!

قرأت لك اليوم

العازبات يمتنعن

ودي بتفكرني بمقولة جدتي الحاجة بخاطرها الله يرحمها " ضل راجل ولا ضل حيطه "

[afiona]

العجة:

تجيب أى عدد من البيض وشوية طماطم وبقدونس و متبلات وتحط شوية سمنة فى طاسة وبعدين الخضار وبعدين تكسر عليه البيض وتسيبه شوية بدون ملاحظة وممكن تقلبه مرة أو إتنين لو بتحب البيض مستوى مش نى .......بالهنا أند شفا..

إلى اللقاء مع أكلة قادمة....

[حشيش]

عمى العزيز أخناتون

أنا عارف إن أعظم طهاة العالم من الرجال وإن الحريم إيدك منهم والأرض...لكن فى المنتدى هنا ما قدمناش غيرهم...وبعدين كوارع إيه ياعمى...ده أنا والمقاطيع أصحابى هنا إيدك منا والأرض فى موضوع الطبيخ ده...تقوم تقولى كوارع mc: mc: mc:

عزيزتى لايت هاوس

إنتى ماصدقتى وعملتى فيها زعلانة علشان ما تتكشفيش...إن كان عندك شيئاً فأخرجيه لنا...ياحلو بانت لبتك من بعد ما وقعت قشرتك mfb: mfb: mfb:

عمى الغالى الأفوكاتو

أنا وقعت من السما وإنته اتلقيتنى...أنا بحب كل الأصناف اللى إنته قلت عليها...رحماك من هذا العذاب بطنى من أكل السوق داب...علشان ما تقلش عليك خلينا فى النشويات واللحوم والسلطات....

أختنا العزيزة فيروز (الست المسرفة rs: stnd:: stnd:: )

إنتى طلعتى زى حالاتنا يعنى...بتاكلى بره...ربنا ما يحكمك على رجاله :unsure:

أخى ورفيق الكفاح سى السيد

ما نتحرمش من وصفاتك الحلوة...سيتم تنفيذ الوصفة المذكورة يوم الجمعة القادم إن شاء الله فى حضور كوكبة من الصيع أصحابى وإما أن ندعو لك أو عليك...وتذكر أن فى يوم الجمعة ساعة ما وافقها عبد مؤمن يدعو فيها إلا إستجاب الله له...يعنى ليلتك زرقه :lol: :lol: smk:

أخى العزيزالريس أفيونه

ياعم بقولك بطنى نشفت تقولى بيض...صحيح إن لم تستحى فأفعل ما شئت mfb: mfb: mfb:

[se_ Elsyed]

وتذكر أن فى يوم الجمعة ساعة ما وافقها عبد مؤمن يدعو فيها إلا إستجاب الله له...يعنى ليلتك زرقه  :unsure:  :lol:  :lol:

صحيح يا ولاد خير تطبخ شر تلقى ..

على العموم يا حشيش يا شرير انا عامل حسابي وحاطط خطه مضادة .. وبإذن الله الجمعة الجاية هأكون في المدينة المنورة في رحاب سيدنا النبي ....

[فــيــروز]

باب مين يا س.س. ده اللى مش هاعرف امسك اكرته !!

يابنى ده الباب و الشباك و العقب وكل حاجه تحت السيطره "حتى الآن طبعا"

وانا لولا الاخوه و الخضار اللى احنا الاتنين مشتركين فيه كان بقالى تصرف تانى معاك يا بتاع الحواوشى انت

بقى بعد كل الهيصه و الدخنه اللى انت عاملها على الباب ادخل الاقى كباب حله !! هئ .. هو ده اللى طلع من ايدك يا فالح !! ده احنا طلبنا المطافى عشان تيجى تنقذ الباب من اعمالك المطبخيه الخطره !! وقررنا ان مهامك المطبخيه تقتصر على شرا الخضار "عارف طبعا ليه ولا عاوز اقول لك يا اخضر؟"

اخونا العائد حشيش

الحقيقه يا حشيش اتعزمت فى اسكندريه على اكلة سمك معتبره خرجت منها فاقده الوعى وفى حالة تناحه فظييييييييييعه حتى بعد شرب الشاى ابو نعناع عقبال عندك .. وبعدين انت قلت العازبات يمتنعن وانا باسمع الكلام .. بس قلت اديكو فكره عن الاكل الطعم اللى اكلته ..

[Lighthouse]

عزيزتى لايت هاوس

إنتى ماصدقتى وعملتى فيها زعلانة علشان ما تتكشفيش...إن كان عندك شيئاً فأخرجيه لنا...ياحلو بانت لبتك من بعد ما وقعت قشرتك  :unsure:  :lol:  :lol:

   

مش انت اللى قلت العازبات يمتنعن

يعني عايزني القح جتتي واعرض اكلاتي بالعافية وانت محدد شروط شغل الوظيفة

ولا تقولي لبيتك ولا فستقتك

انت اللى قلت

وانا ملتزمة بشروطك ومش ح اعرض خدماتي ووصفاتي العبقرية

خليهم ينفعوك ياعم حشيش

قال حواوشي وكباب حلة قال

والتاني داخل يقول بيض

ههههههههههه

بجد بجد

فعلا طباخين عتاولة

smk: rs: stnd::

[paradise1]

ايه رايك فى طبق حمام محشى بالفريك ومعمول على شوربته ملوخية وشوية رز وطبعا السلطة وجميع المقبلات

ولا اقولك ايه رايك يدل الحمام تعمل ملوخية بالارانب طبعا تحفة

انا جعت خالص

على فكرة ممكن تريح نفسك وتروح عند قدورة او جندوفلى وتاكل اكلة سمك محصلتش وهترم عضمك ;)

ومتنساش ال ;)

وابقى ادعيللى

[se_ Elsyed]

ايه رايك فى طبق حمام محشى بالفريك ومعمول على شوربته ملوخية وشوية رز وطبعا السلطة وجميع المقبلات

ولا اقولك ايه رايك يدل الحمام تعمل ملوخية بالارانب طبعا تحفة

انا جعت خالص

على فكرة ممكن تريح نفسك وتروح عند قدورة او جندوفلى وتاكل اكلة سمك محصلتش وهترم عضمك  ;) 

ومتنساش ال ;)

وابقى ادعيللى

يا مدام جنه ، الرجل بيقول انه عزابي ... وحضرتك تقوليله حمام بالفريك وملوخية بالأرانب .. ده انت دبحتينا احنا مش هو ...

وكمان الرجل عايش في البحرين .. هو هناك فيه قدوره .. وإسمه إيه التاني ده منتوفلي ؟

معليش يا حشيش انا حاسس بيك وزمانك فرفرت بعد الوصفة القاتلة اللي قالتها الست برديس .....

إنزل بقى إشتريلك علبة بلوبيف وعدي يا ليلة .

[achnaton]

يا مدام جنه ، الرجل بيقول انه عزابي ... وحضرتك تقوليله حمام بالفريك وملوخية بالأرانب .. ده انت دبحتينا احنا مش هو ...

وكمان الرجل عايش في البحرين .. هو هناك فيه قدوره .. وإسمه إيه التاني ده منتوفلي ؟

معليش يا حشيش انا حاسس بيك وزمانك فرفرت بعد الوصفة القاتلة اللي قالتها الست برديس .....

إنزل بقى إشتريلك علبة بلوبيف وعدي يا ليلة .

***************************************

يالله ياعم حشبش .. إبسط .. عمك عادل ابو زيد عملك طبق كوسه محترم ..{ رغم اننا فى المنتدى ما نعرفش الكوسة } مش يرم عضمك أنت لواحدك .. ولكن عضمنا كلنا .. وفتح لك مطبخ المطبخاوى على مصراعيه .. ولا الحوجة ل " بولييف س.س. ولا " عجة " افيونه " .. خش أنت على التوبك ده .. وولع النار .. واتسلطن ..وادعى لعمك عادل ابو زيد

;) ;) ;)

تم تعديل 25 يناير 2004 بواسطة achnaton