اذهب إلى المحتوى
محاورات المصريين

قصص للأطفال

HanaaOsama

بواسطة HanaaOsama
في الأسرة و الطفل

 مشاركة

Recommended Posts

HanaaOsama عضو جديد

HanaaOsama

بتاريخ:
بتاريخ:

السلام عليكم اولا :

يا ريت يا جماعة لو حد عنده قصص الي بتتحكي للاطفال يكون مشكور لو كتبهالنا

لان الواحد تقريبا ابتدي يجيله زهايمر :lol:

و كل ما بنتي تقولي احكي حدوته مفتكرش غير حكايه الارنب و السلحفة :roseop:

ده غير حدوتين تلاته انا الفتهم يكون فيهم الحاجات الي انا بحب انها تعملها او عايزه اوصلها انها عادات كويسه

و يا ريت لو القصة يكون ليها هدف او مغزي في الأخر

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك
لماضة مصرية جدا عضو جديد

لماضة مصرية جدا

بتاريخ:
بتاريخ:

السلام عليكم و رحمة الله و بركاته

لا انا زعلانة منك

أرنب ايه و سلحلفاة ايه....... ايه يا شيخة.......طب انا لسه مروحة الارنب اللي اشتكالي منك مر الشكوي.... قطعتي نفسه يا مودام.....

و لا الست سلحفاة......بتقول خلاص زهقت من انها تتصور الصورة بتاعت الفينالي و هي بتغيظ في عم الارنوب

فكرتيني بمامتي.....

الساعة 12 اعزائي المشاهدين الحلقة الاولي و الاخيرة من حدوتة ذات الرداء الاحمر (اصل المسلسل حلقة واحدة)....

بس المرة دي للأحفاد (احنا علي ايامي انا و اخويا كان ابو رجل مسلوخة..... و نقار الخشب اللي هيشفطكم تحت الارض... اصل احنا كنا حريقة خالص)

بصي يا احلي ام

انا هفكر معاكي كده في شوية حاجات....... ماشي:

ثانيا: القصة لازم تبقي خيالية.....يعني حاجات بتتكلم و بتطير

ثالثا: ممكن يبقي عندك شخصية محورية واحدة بتدور حواليها كل الاحداث......الا اذا كانت قصة مشهورة (مش عايزين بقي العيال تبوظ التاريخ و تقول الشاطر عمر بدل الله يرحمه الشاطر حسن..... و لا الاميرة النائمة ريان بدل سنووايت...... اللي هي نامت و مقامتش)

رابعا: ايه رايك في قصص الحيوانات اللي ذكرت في القران.... جميلة جدا جدا...... عارفة انا جربتها و كانت هايلة جدا الحمد لله....

خامسا: هي ليه الحدوتة تبقي قبل النوم..... ليه ملايكتي الصغيرين ميبقاش كل يومهم فيه وقت كده ممكن نحدف حدوتة....

عندي ولاد اخويا لما بيتحشروا معايا في المطبخ بضطر اني اخترع حدوتة...

بتكون الحلل فيها بتتكلم..... و الامير فوشار... هينقذ مملكة جلبهار من كمية الغبار اللي هتملي البيت يا حمار (يوه قصدي) يا شطار

سادسا: فيه قصص ممكن نبني عليها... يعني قصة العنكبوت اللي اتذكرت في القران.....

طبعا و احنا نايمين بالليل و العيلين (ولاد اخويا برضه و محدش يهرش في دماغة و يقولي هم مالهومش بيت و لا ايه) المهم العيلين دول كانوا مريحين رجليهم عليا و انا منهمكة في الحكاية... و مؤثرات صوتية..... و صوت الاحصنة....حتي الكفار مثلتهم

المهم العكروت 2 قال للعكروتة 1 هو يعني ايه العنكبوت.....

راحت العكروتة 1 ردت ع العكروت 2 (اوعي حد يتوه مني) بكل ثقة: ايه ده يا عمر دي حاجة كده زي القطة

و ده طبعا لان الكائن الوحيد اللي تعرفه في المملكة الحيوانية كان القطة دونجل اللي ربناها و طفشت (حدش شافاها يا ولاد الحلال)

طبعا انا بعد الاجابة العظيمة دي.....كان اول حاجة عملتها اليوم اللي بعده اني فرجتهم يعني ايه عنكبوت (ايون فيه واحد ساكن ورا باب الحمام كنا عايزين نشيله بس بعد اجابة عكروتة دي منحناه هو و الانجال عقد تمليك)

و بعدها طبعا رجعت حكيت الحدوتة تاني عشان يمسك في ذهنهم الصورة بقي مع الاحداث

سابعا: فيه قصص حلوة اوي بتاعت هانز كريستن آندرسون.....بس لو العكاريت كبار حبتين

ايه ده

يعني محدش قالي اولا فين

أولا

.......

يمكنك عزيزتي الام زيارة الموقع التالي و سيبك م الرغي بتاع البت لمضمض ده

http://www.kids.jo/main/StoryCat.aspx

و توتة توتة خلصت الحدوتة

حلوة و لا ملتوتة

يبقي عليك حدوتة

آه صحيح فكرتي تجربي حكايات ابلة فضيلة.......دي حكااااااااااااااية تانية خااااااااااااالص

فوتك بعافية

خخخخخخخخخخخخخخخخخخخخ

رابط هذا التعليق
شارك
justme عضو جديد

justme

بتاريخ:
بتاريخ:

معلش بقى

ايه القصص الغلبانة دي

فين ايام زمان

ابورجل مسلوخة

وامنا الغولة

والسلعوة (مش عارف معدتش بسمع عنها)

دي القصص اللي تتطلع رجالة

المهم

نييجي للجد

قبل كل شيء اقتراحاتك يا اخت لماضة جميلة وبجد تفكيرك منظم

اول حاجة

عمر اطفال سعادتك ايه

لأن حسب المرحلة العمرية للطفل بتكون القصة

يعني في مراحل نمو الطفل المختلفة قدراته بتطور يعني اللي عنده 5 غير اللي عنده 3

ويعدين

يفضل ان القصص دي تكون مكتوبة مش تتحكي وعينه تكون معاكي في الكتاب علشان يقدر معنى كلمة كتاب ويحب القراءة

والأطفال في مرحلة منا قبل المدرسة بيقدروا يتعرفوا على كلمات معينة محببة

دي بيسموها مرحلة

logographic

فحاجة زي كده بتعلمهم يعرفوا شكل الحروف وبتساعدهم اما يخشوا المدرسة

ممكن كمان تعليميهم اكتر من لغة عن طريق القصص دي

المهم انا ان شاء الله عندي كام حاجة هدورك عليهم واحطهم في مداخلة تانية

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
HanaaOsama عضو جديد

HanaaOsama

بتاريخ:
  • كاتب الموضوع
بتاريخ:
السلام عليكم و رحمة الله و بركاته

لا انا زعلانة منك

أرنب ايه و سلحلفاة ايه....... ايه يا شيخة.......طب انا لسه مروحة الارنب اللي اشتكالي منك مر الشكوي.... قطعتي نفسه يا مودام.....

و لا الست سلحفاة......بتقول خلاص زهقت من انها تتصور الصورة بتاعت الفينالي و هي بتغيظ في عم الارنوب

فكرتيني بمامتي.....

يااااااه دانا الظاهر عليا طلعت قديمه اوي :lol:

بس بجد يا اخت لماضة مداخلاتك في جميع المواضيع بتعجني و تضحكني اوي عشان بس تعرفي اني متبعاكي :lol:

عندي ولاد اخويا لما بيتحشروا معايا في المطبخ بضطر اني اخترع حدوتة...

بتكون الحلل فيها بتتكلم..... و الامير فوشار... هينقذ مملكة جلبهار من كمية الغبار اللي هتملي البيت يا حمار (يوه قصدي) يا شطار

اصل دي قدرات يا اخت لماضة انا هاطبخ ولا هألف -_-

يمكنك عزيزتي الام زيارة الموقع التالي و سيبك م الرغي بتاع البت لمضمض ده

http://www.kids.jo/main/StoryCat.aspx

شكرا بجد جميل اوي

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك
HanaaOsama عضو جديد

HanaaOsama

بتاريخ:
  • كاتب الموضوع
بتاريخ:
اشكرك للتفاعل

اول حاجة

عمر اطفال سعادتك ايه

لأن حسب المرحلة العمرية للطفل بتكون القصة

يعني في مراحل نمو الطفل المختلفة قدراته بتطور يعني اللي عنده 5 غير اللي عنده 3

ويعدين

عمرهم 3 سنين و 6 شهور " بنات "

يفضل ان القصص دي تكون مكتوبة مش تتحكي وعينه تكون معاكي في الكتاب علشان يقدر معنى كلمة كتاب ويحب القراءة

والأطفال في مرحلة منا قبل المدرسة بيقدروا يتعرفوا على كلمات معينة محببة

دي بيسموها مرحلة

logographic

فحاجة زي كده بتعلمهم يعرفوا شكل الحروف وبتساعدهم اما يخشوا المدرسة

ممكن كمان تعليميهم اكتر من لغة عن طريق القصص دي

ممكن المكتوبة ديه تكون في وقت غير وقت النوم لان قبل النوم بنطفي النور و نحكي بقي :lol:

المهم انا ان شاء الله عندي كام حاجة هدورك عليهم واحطهم في مداخلة تانية

يا ريت منتظرين حضرتك

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك
HanaaOsama عضو جديد

HanaaOsama

بتاريخ:
  • كاتب الموضوع
بتاريخ:

بالمناسبة يا اخت لماضه و لكل من له معرفة في هذا الموضوع

واضح ان ليكي خبره في مواقع الاطفال انا عايزه موقع انزل منه سور للقرأن الكريم بحيث تكون :-

- سور قصيره

- بصوت اطفال

- و يا ريت تكون بتكرر في نفس المقطع لتسهيل الحفظ

صعبه مش كدا :lol: ( و بالمره يكون معاهم رجل حمامة سودا و جناح كتكوت احمر ) :blink:

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك
HanaaOsama عضو جديد

HanaaOsama

بتاريخ:
  • كاتب الموضوع
بتاريخ:

ايه ده هو مفيش حد عنده قصص ولا ايه ولا الناس بطلت تحكي :blush2:

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك
justme عضو جديد

justme

بتاريخ:
بتاريخ:

اعذريني فانا مشغول في الامتحانات ىمنذ فترة ساضع ان شاء الله ما اجده مناسبا قريبا

بعد الامتحانات

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة صباح الخير] مبادرات الصحة للأطفال
      عرض الصفحة

      بواسطة News Bot
      كُتب

    • News Bot
      0
      [مجلة رزو اليوسف] المتحدة تطلق مشروعات جديدة لنشر الفنون والاهتمام بالطفل: «نبتة» للأطفال.. والسينما من حق الشعب
      تستمر المتحدة للخدمات الإعلامية فى تغيير المحتوى الترفيهى والارتقاء به فى مختلف المجالات الإعلامية والفنيةعرض المقال كاملاً

      بواسطة News Bot
      كُتب

    • News Bot
      0
      CNN :ميشيل أوباما تتعاون مع "نتفليكس" لإطلاق برنامج طبخ للأطفال
      نيويورك، الولايات الأمريكية المتحدة (CNN) – ستظهر السيدة الأولى السابقة، ميشيل أوباما، في برنامج طبخ يتمحور حول الأطفال على منصة بث البرامج "نتفليكس". بالإضافة إلى ظهورها في البرنامج، ستكون أوباما أيضاً منتجة تنفيذية في برنامج "Waffles + Mochi"، والذي سيكون متاحاً للبث ابتداءً من 16 مارس/ آذار. ويضم البرنامج الموجه لجمهور أصغر سناً، دميتين تحملان اسم "وافلز" و"موتشي"، بينما ستظهر أوباما في البرنامج على أنها مالكة متجر "سوبرماركت"، حيث سيتتبع البرنامج رحلة الثنائي وهما... View the full a

      بواسطة News Bot
      كُتب

    • Salwa
      20
      احذروا هذا الدواء ..ممنوع للأطفال .
      احذروا هذا الدواء .. primperan .. دواء ضد الاستفراغ .. هو دواء موجود فى كل انحاء العالم ..ويستعمل بكثرة فى مصر ..وفى اى مكان . انا مثلا..واحدة من الناس اللى سبق لى واعطيته لأطفالى عندما كانوا صغارا . المفاجأة ....بالنسبة لى على الأقل....علمت بالصدفة انه لازال يتم بيعه فى مصر ....وفى السعودية . انه يسبب الصرع ....( بالطبع خصوصا اذا استعمل بطريقة متكررة ).ويؤثر على اعصاب المخ. ف اوروبا تم منعه تمامااااا......الآن . للأسف الشديد لم اكن اعلم انه لم يمنع هناك والا كنت حذرتكم من وقت طويل .

      بواسطة Salwa
      كُتب

    • Simba
      119
      أغانى للأطفال الحلوين..من فرقة فنون المحاوراتيين
      بما أنكم أساتذة مواضيع التواصل الفني وعندكم كام مغارة كده بتجيبوا منها الكنوز اثارني قوي موضوع اسمه أنا من البلد دي والكلام عن سينما الأطفال وماما عفاف والبرامج اللي كانت تبيجي في الايام دي ... ياتري حد فيكم يقدر يتحفنا بالحاجات دي هنا طبعا برضه ما يمنعش اني اعتب عليكم توقف موضوع الكنوز الفنية النادرة بالشكل ده

      بواسطة Simba
      كُتب

×
×
  • أضف...