مقابلات مقاطعه كيبك سين وجيم بالفرنسيه مع الترجمه للعربيه

[romany beshay]

"5"]الف الف مبروك للدكتور/علاء فارما على ال csq وعقبال الباقى

حمد الله على السلامة لدكتورنا ابو سمرة مصر نورت

هانت يا ايرينى كلها كام خطوة بسيطة وربنا يكملهالك على خير

:lol: wst:: :lol: :D :) :)

[kareemabdou]

dr alaa pharma

هو طلب منك شهادة بموستواك و لا لأ ؟؟؟؟

[محمد كيبيك]

الف مبروك د erene اذا كان على المستويين المطلوبين اكيد انتى احسن من غيرك يا ريت تحكيلنا عن مقابلتك

[dr alaa pharma]

الاخ كريم عبده

الحمد لله ما طلبش منى اى شهاده

و لكنه قالنا ان الفرنسيه مش هتنفع هناك ..............قلتله انا عارف كده

لان الفرنسيه مهمه لتسهيل التاقلم مع المجتمع الكيبيكى و تسهل الاتصال مع الكيبيكين ومهمه لايجاد عمل

وفرنسيتى ضعيفه لان فى السعوديه ليس لدى الوقت لذلك ......قالى انا عارف ان فى السعوديه تشتغل وتنام بس

.......و قلتله انا عملى فى جده و ساحاول ايجاد الوقت لتعلم الفرنسيه فى مراكز تعليم الفرنسيه ( عجبته الحته دى ) و قلتله كمان ان انا عندى تليفزيون فى الصيدليه و باسمع tv5 دايما

[الرحالة باشا]

يا جماعة مستشار الهجرة لما بيقابلك ويقتنع بيك ويديك كل درجات التكيف ويقيم مستواك في الفرنساوي ويلاقيك لسه محتاج درجات فبيقولك حسن درجاتك بإنك ترفع في مستوي اللغة شوية لأن دي الحاجة الوحيدة اللي قابلة للتحسين ولرفع الدرجات لانه ببساطة مش هاتغير من شهادتك ولا هاتكتبلك طفلين في الأبليكيشن زيادة ولا ماجيستير ولا دكتوراة علشان تاخد بيهم درجات زيادة

يبقي الحل الوحيد إيه ؟ إنك تحسن من درجاتك بالفرنساوي

ويبقي المستشار كويس ومتعاون لما يقولك هاتلك شهادة بالمستويين دول وتعالي خد ال CSQ , احسن مايكون غلس ويقولك روح بيتكم يا شاطر إنت ساقط ومش نافع ولغتك الفرنساوي مش نافعة

علشان كده أنا شايف إن مسيو سيمون ده ميه ميه

تحياتي

[Pharm]

مبروك يا اخت ايرينى وشدى حيلك وركزى شوية وهتجيبى ان شاء الله المستويين مش مشكلة

وفعلا يا اخوى رحال باشا كلامك حقيقى ان الحاجة الوحيدة اللى تقدر تديك درجات هى اللغة والراجل بكدا بيكون متعاون جدااا لانه شايف درجاتك مش مكمله (لدرجة دى محتاجين ناس )

انا واحد صاحبى كان تمام فى كل حاجة ومستشارة الهجرة قالتله ناقصينك درجتين الولد قالها معاى شهادة ICDL تصدقوا انها عطيته عليهم درجتين ونجحته يا جماعة والله ناس كويسين انا يمكن كنت خايف من المقابلة السريعه بس انا هاعمل اللى عليه وناس هناك متعاونين جداااا دا الحمد لله انهم اجانب عارفين لو كانوا مصريين هما اللى بيمتحنوا كانوا هيكتبوا على باب السفارة لم يهاجر احد ههههههههههههههه زاى نتيجة الامتحانات

والف مبروك تانى يا ارينى واعرفى ان كل شى تحت سماء ليه ميعاد ومبروك يا عصر فارما وعقبال للاندنج يارب

[mohamed atef]

hi

[erene]

اولا انا باشكركم جدا

ثانيا انا مقابلتى الساعة 2.30 الظهر وكنت متوقعة هيطلب مقابلتنا قبل الميعاد ذهبنا الساعة 1.30 ولكن موظف السفارةرفض يدخلنا السفارةوقال قبل المقابلة بربع ساعة فقط مشينا شوية ورجعنا الساعة 2.10ودخلنا السفارة اخدوا الموبيلات والحاجات دى ودخلنا قبل ما نقعد نزل مسيو سيمون شاور لنا ومشينا وراة لغاية مكتبة تقريبا كانت المقابلة قريبة من مقابلة الدكتور علاء

سألنى البسبورات فى الاول عنوان السكن فى البسبور المحافظة اللى انا ساكنة فيها اسمها اية اين تقع المسافة منها للقاهرة كام كيلو وكام ساعة والتذكرة بكام جيتو القاهرة باية نازلين فى فندق والا عند اصحابكم

لية كيبيك لية عايزين تهاجروا اين تعلمتى الفرنسية اشتغلتى اية بعد ما خلصتى دراستك مرتبك كام

طلب شهادة المؤهل والاربع سنوات واعطانى الاصل النجليزى

سأل جوزى عن شغلة وشهادات الخبرة والاماكن اللى اشتغل فيها والمؤهل كمان

وبعد كدة سألنى اتعلمتى الانجليزى فين

وفى النهاية قال انتى عندك اختيارين اما اقفل الملف او تجيبى شهادة من المركز الثقافى بالمستوى السابع

تقريبا درجاتى ما كملتش طبع ورقة بالكلام دة وعناوين السنتر واعطاهانى

وبعد كدة كان المكتب بتاع المحامى اعطانى الاقرار المالى ومضيت علية واخدتة معايا اخدة منى مسيو سيمون قال لنا لازم تحسنوا الفرنساوى

اثناء المقابلة قدمت ملفات انا طبعتها من النت مثل كيبيك ,مونتريال ,المعادلة ,عروض العمل واى شى اخر كان يسألنى المحامى اللى قالك تعملى كدة كنت اقولة لا انا اللى بحثت و مساعدة صديقة

ودة اللى حصل بالفعل

خرجنا من المكتب وهو قدمنا الى الباب اللى قبل صالة الانتظار

ادعوا لنا ربنا يكمل ونأخد الغالية وشكرا

[erene]

من فضلكم انا كنت عايزة اذاكر الفترة دى مع مستر فى محافظتى حتى تنتهى امتحانات اولادى فى شهر مايو علشان ما اضيعش وقت وكمان ما انساش الفرنسية

تنصحونى بكتاب اية يوصلنى المستوى السابع وكمان اتعامل ازاى مع السنتر وشكرا

[dr gege]

ياجماعة اخيرا وصلني رقم الفايل ياة بعد معاناة 5 شهور

[dr alaa pharma]

الف مبروك dr gege الفايل نامبر و عقبال ال csq

[erene]

الف الف مبروك يا دكتورة جى جى وان شاء اللة تكون مقابلتك قريب ونأخد الcsqمع بعض مبروووووووك

[Pharm]

بص يا اخت ارينى انت لازمى تركزى فى الفرنساوى جامد او تروحى تدرسى فى سنتر لو حضرتك كنت بتدرسى فيه من قبل لو مكنتيش بتدرسى يبقا تاخدى عند مسيو كويس يكون قريب من بيتك بس مكثف وتعتبرى نفسك فى امتحانات زاى الاولاد :lol: يعنى تشدى حيلك جداااا

مبروك يا دكتورة جيجيى على الفايل نمبر انا كان نفسى ياخدونى واحدة واحدة زاى ناس كدا فايل نمبر وبعدين مقابلة والحاجات دى مش على طول مقابلة :lol: ويارب كلنا انخد سى اس كيو مع بعض وادعولى يا جماعة كتيرررررر

[myusername]

ياجماعة اخيرا وصلني رقم الفايل ياة بعد معاناة 5 شهور

ده احلى خبر سمعته النهاردة :blush2: .

ان شاء الله يتحدد المعاد بسرعة... فات الكتير ما باقى الا القليل. :blush2:

تم تعديل 24 مارس 2010 بواسطة myusername

[محمد كيبيك]

:blush2:الف مبروك dr gege النهاردة نباركلك على الفايل نمبر السنة اللى جاية زى النهاردة نباركلك على سلامة الوصول لكيبيك

[kareemabdou]

ياجماعة اخيرا وصلني رقم الفايل ياة بعد معاناة 5 شهور

الف الف مبروووووووووووووووك يا مدام جى جى

على فكرة يا جماعة مدام جىجى زميلة الكفاح فى الحصول على الفايل نمبر

[بيبو كندا]

يا جماعه ما فيش اخبار عن مواعيد جديدة للانترفيوهات اليومين دوووووووووووووووووووووول

من اخر سبتمبر و الدنيا واقفة تماما يعنى اللى مقدم من نصف سبتمبر ما جالهمش مواعيد لسه

فى حد هنا يعرف حد جاله ميعاد انترفيو مقدم بعد الميعاد ده ؟؟؟

حد يفيدنا اصلى انا من الناس اللى على فوهه البركاااااااااااااااااان يعنى فاضلى زلطة و يبقى عندى مقابلى

اللى عنده معلومة يطمنى

[dr abo samra]

مليون مبروووووووك يا ايرين...وبالنسبه لموضوع الشهاده انا شايف انك فى التمام

مفيش داعى للقلق انااعرف ناس كانو بطيخ فى اللغه ودخلو تحديد مستوى واخدو خامس

يعنى من الاخر العمليه كلها 3 شهور وتبقى فى التمام وانتى معاكى سنه يعنى مفيش اى داعى للقلق

الف مبروك وعقبال الميديكال

العزيزه د/جيجى مليون مبروك فتح الملف...وشدى حيلك وعقبال ما تنجحى وترفعى ايدك(والناجح يرفع ايده)

وقبل كل ده بعد اذنكم ....احب ابارك لاخويا العزيز محمد ابو سمره(شقيقى) بمناسبه حصوله على الفيزا...عقبالكم جميعا

وتحت امر الجميع ...ماعدا بتوع الوطنى :WelEgTks: فى اى استفسار

ربنا يوفقكم يا وحوش

[dr abo samra]

امبارح بالضبط الساعه 11 ونص د/محمد رمضان دخل على مسيو سيمون

طبعا سيمون اخده من ايده وطلع بيه عالسلم وكل ما يمشى شويه يفتح باب برقم سرى لحد ما وصلو للمكتب

طبعا محمد غلباوى وكل شويه يقوله ما شاء الله ووسائل الامان عندكم عاليه جدا...طبعا التانى او التانيين مبيعرفوش يحرجو حد

راح ضاحكله وقاله اه انت واخد بالك يا مسيو محمد

المهم دخلو المقابله وراح قايله يا عم محمد انا اللى هعملك المقابله وهقيم ملفك وفى الاخر هناك احتمالات للقرار

طبعا محمد مذاكر كويس جدا(حوالى 3 شهور فرنساوى واعداد وشكرا :WelEgTks: )فراح مسحوب من لسانه وقاله ايوه انا عارف انهم احتمالين

نجاح او رفض...طبعا الراجل محترم جدا وخدوم جدا فراح قايله لا فيه احتمال تالت...محمد برق وقاله يعنى ايه...فقاله ممكن ااجلك شويه ولو حسيت انى محتاج منك حاجه تانيه يعنى ممكن احتاج تاكيد ورقه او شهاده لغه او اى حاجه وبالتالى هأجلك

طبعا محمد رمضان قاله انت تؤمر يا كبويالله نبدأ؟

يالله نبدأ

فقاله.....هقولكم قاله ايه بعد الفاصل....بس بعد ما اسمع منكم كلمه سلامو عليكم

[الرحالة باشا]

امبارح بالضبط الساعه 11 ونص د/محمد رمضان دخل على مسيو سيمون

طبعا سيمون اخده من ايده وطلع بيه عالسلم وكل ما يمشى شويه يفتح باب برقم سرى لحد ما وصلو للمكتب

طبعا محمد غلباوى وكل شويه يقوله ما شاء الله ووسائل الامان عندكم عاليه جدا...طبعا التانى او التانيين مبيعرفوش يحرجو حد

راح ضاحكله وقاله اه انت واخد بالك يا مسيو محمد

المهم دخلو المقابله وراح قايله يا عم محمد انا اللى هعملك المقابله وهقيم ملفك وفى الاخر هناك احتمالات للقرار

طبعا محمد مذاكر كويس جدا(حوالى 3 شهور فرنساوى واعداد وشكرا :lol: )فراح مسحوب من لسانه وقاله ايوه انا عارف انهم احتمالين

نجاح او رفض...طبعا الراجل محترم جدا وخدوم جدا فراح قايله لا فيه احتمال تالت...محمد برق وقاله يعنى ايه...فقاله ممكن ااجلك شويه ولو حسيت انى محتاج منك حاجه تانيه يعنى ممكن احتاج تاكيد ورقه او شهاده لغه او اى حاجه وبالتالى هأجلك

طبعا محمد رمضان قاله انت تؤمر يا كبويالله نبدأ؟

يالله نبدأ

فقاله.....هقولكم قاله ايه بعد الفاصل....بس بعد ما اسمع منكم كلمه سلامو عليكم

أس أس السلامو عليكووووووووووووووو

أي خدعة يا كبووووووووووووووو