مقابلات مقاطعه كيبك سين وجيم بالفرنسيه مع الترجمه للعربيه

[kareemabdou]

انا مقدم فى شهر 12/2009

[Pharm]

يا جماعه العملية مش عملية سوربا سهلة ولا صعبة الناس اللى بتمتحن هناك هى نفسها اللى بتعمل الامتحانات هنا فى القاهرة

انت لو كويس ونقطك كويس هتعدى وهو بيحاول يساعك انك تعدى خصوصا لو متجوز ومخلف لكن بيركزوا قوى على السينجل

انا هقوالكم على المقابلة وايه اللى حصل فيها بالضبط

[dr gege]

طيب واية اخبارك بعتوللك اي حاجة او اتصلت بيهم وقالولك اي حاجة

[مازن أطرش]

الف مليون مبروك يا فارمهم...يالله بقا احكي تفاصيل المقابلة ...احسن ما احكي انا ..بجد تشرفت بمعرفتك ..ورب صدفة خير من الف ميعاد..ولقاءنا الثاني بمونتريال بإذن الله ..بس عجل بملف الفيدرال ,,وماتنساش ولا تفصيلة ..يالله بقا اتكلم ..واحنا بنسمع ..

[dr gege]

حمداللة علي السلامة يا مشرفنا جوة مصر وبراها

[توتا عماد]

حمدالله على سلامك يا فارم

انت فين احنا مستنيين التفاصيل كلها علشان نستفاد

[Pharm]

كانت رحلة طيرانى مرهقة جداااااااااااااااا ومتعبه وكمان الاخ حبيب لم ينتظرنى فى المطار واتجهت الى الفندق بعد ما تم استغلالى من سواقين بتوع تاكسى

روحت على الفندق حسب الورقة عطهانى الاخ محمد كيبيك ربنا يوفقه لقيت كمان حبيب مش حاجز لى فى الفندق وساعتها اتخنقت وانا كنت تعبان وعاوز انام باى شكل

للاسف الوقت كان متاخر طبعا بتاع الفندق قالى اسف روحت فندق تانى قالى برضو اسف لفيت واحد بيقول بتاع الفندق هاتها انا اشوفله فندق الراجل كان سكران طينة

وريحة الخمر زفت مش عارف اكلمه المهم للف بيا وفى الاخر لقيت فندق الساعه 4 الفجر بعد ما تعبت وكنت قلقان جدااااا :)

كل دا طبعا بسب حبيب كان يوم اسود يوم ما اتصلت بيه دا كمان غير ان الراجل بتاع الفندق اتثل بيه وقاله المصرى جيه وانت مش حاجزله قالوا انا ماليش دعوة انا فى البيت قالوا طيب تعالى الشاب تعبان قاله انا اسف ( شخصية ابن تيت ) :ninja: اياك اسمع من حد يقولى اسمه قدامى تانى وعلى فكرة اسعاره غالية جداااااااااا انا عرفت واحد بياخد اقل نصف التمن وبعملك مشاوير زيادة كمان يعنى يجيبك من المطار ويوديك المقابلة ويرجعك من المقابلة وكمان يرجعك المطار ب1100 ليرة بس مش حبيب 2000 ليرة وشخصية بنت تتتتتتتتتتتتتتتت دى نمرة الراجل الجديد اسمه سعد ودى نمرته 0966859553 طبعا بعد ما تحطوا مفتاح شوريا

مصدقت نمت شوية وقمت بالظبط فى ميعاد مقابلتى روحت السفارة حسبت المسافة كام من الفندق لهناك عشان اعمل حسابى ودخلت سالت الست اللى جوا عن اسمى قالتى بكرة (كله فرنساوى ساعدنى اكسر الرهبة شوية للمقابلة وللمكان)

المهم اتفقت مع سواق الجديد جيه اخدنى المقابلة ونزلت كان كل ناس هنا ايرانيين كنت انا المصرى بس المهم اثنا ما انا قاعد دخلت واحد بتسال ومستغربة انها عملت مقابلة ونجحت من شهرين ولسه مسافرتش هههههههههههههههههههه عاوز امسكها اديها قلمين وقولها لسه فيه طبى ناس بتعفن فيه منك لله ياشيخة شلتينى وانا عندى مقابلة

كان قدمنا اوضتين واحد فيها راجل واحدة فيها ست طلع اللى مع ست ضارب بوزه شبرين انا بقا قولت يارب متنادى على (مع انى كان نفسى اعمل المقابلة مع ست بس زاى ما انتوا عارفين مش لازم الواحد يحقق كل احلامه) شوية وجت نادت على الايرانى اللى جنبى قولت احسن رايحتينى عشان كانوا قاعد يتكلم هو والايرانى تانى وانا قاعد مركب دش مش فاهم حاجة

شويتين ولقيت الباب اللى ورانا فتح وحد نادى على (غير البابين بتو7ع المقابلات ) استغربت قوى وقولت شكلهم هيقولى انت ايه اللى جايبك ياد

دخلت سلم على وعرفنى على نفسه وبدا فى الكلام بسرعه متناهية لا تتخيلوها (الراجل كان حاسس انى انا فرنساوى اصلا ) المهم هو اتكلم بسرعه كلمته بنفس السرعه المهم الاسئلة كانت كالاتى

انت هنا فى شوريا من امتى ؟

قولتله من ليلة امبارح السودا

ساكن فين فى سوريا ؟

يعنى هاكون ساكن عند خالتى اكيد فى فندق

ايه رايك فى السوريين وسوريا ؟

قولتله لا يختلفوا كثيرا عن المصريين ودودين ومتعاونين

قالى باسبورك؟

اتفضل

انت مواليد كام ؟

من زمان

اتولدت فين ؟

فى مصر

انت سافرت من قبل ؟

اه كنت بعمل تدريب وعلى طول حدفته بشهادة ندريب

شهادة تخرج بتاعتك؟

اتفضل

فسم ايه ؟

سنة كام ؟

تقديرك؟ بيان درجاتك ؟ درست لمدة كام سنة ؟ اقدر تقولى درست فيهم ايه ؟

طبعا جاوبت كل الاسئلة وقدمت بيان الدرجات وشرحتله شوية مواد

طالعلى بتاع معاه وقالى تقدر تحددلى المواد المركبة للمادة دى وازاى تقدر تحللها ؟

طعا قولتله على طريقة جرافيوماتريك وتانية كروموتوجرافى واحدة ثالتة بالاشعه (كانت مادة صلبة )

بعدها قالى انت اتعلمت الفرنساوى فين ياد ؟

قولتله اصحابى واخدت كورسات وقرايت كتب واتفرجت على افلام وسمعت اغانى وعجبه قوى لما قولتله ان اللغة الفرنسية مهمة جداا ومن عوامل نجاح مشروعى للهجرة

راح خابطنى و قالى طيب كويس انك اتعلمت فرنساوى فى الثانوية وكمان بعد الجامعه طيب خلال الجامعه يا كتكوت كنت بتعمل ايه وانت دراستك كلها انجليزى ؟

قولتله هو مكانش فيه وقت بس كنت بتكلم مع اصحابى الفرانكفون ومواقع الفرنسية وبحاول اتفرج على افلام فرنساوى اغلب الوقت (اكيد ربنا هيسامحنى تفتكروا )

قالى ازاى يا مسيو انت كاتب المستوى السابع فى الفرنساوى انت المستوى 12 وعلملى على 12 فرحنى قوىىىىىىىىىى(كان ماسك ورق الابليكشن)

قالى طيب يا عم الحلو انت قدمت ازاى على شركتك الاولى ؟ وبتعمل فيها ايه ؟ وكام عامل معاك فى الشركة ؟ وبتصنعوا ايه وتخصوصكم فيه منه فى مصر تانى غيركم ؟

طبعا جاوبته وشرحتله بالتفصيل

قالى طيب تركتها ليها ؟

قولتلها على عيوب شركات المصرية كلها اللى تتخيلوها

قالى طيب حاول تشرحل الهيكل التنظيمى للشركة ؟

قولتلها

قالى عملت كام انترفيو عشان تتقابل فى شركة ؟

قالى ازاى عرفت شركة تانية وقدمتلها ازاى ؟

قولتله النت وان انا عندى علاقات عامة كتيرررر سوا فى المجال العملى او الشخصى

قالى ايه مميزات الشركة الجديدة ؟

قولتله بترفع من كفاءة بالتدريبات وكمان شركة انترناشيونال ودا بيدينى فرصة كويسة فى مجالى وكمان فى سوق العمل طبعا ورميت شهادات الخبرة

قالى بتعمل ايه فى الشركة دى ؟

قالى انت تعرف ايه عن الحالة الاقتصادية لكيبيك ؟ وكيبيك تمثلك ايه ؟

قولتله كل الا الاقتصاد وركزت شوية على التقدم العلمى لانه يخصنى :lol: والسياحة والصناعات كلها وترتيبها الاقتصادى كلمته عن كتاب ابراند لكيبيك واهميته ليا والمعلومات اللى قدمهالى

قالىطيب كويس انت خبرتك كويسة وكمان خريجة جامعه معروفة فى مصر وكمان شغالة فى شركات كويسة بس للاسف مسو انت مجهول هناك فى سوق العمل ومحدش يعرفك ويفضلوا خريجين جامعات تانية اللى هناك؟؟؟

طبعا بيستفزنى على طول طلعتله ورق المعادلة وشرحتله المعادلة انبسط قوى

قالى طيب كويس يا مسو بس انا ايه اللى يخلينى اقبلك ؟؟؟؟

يالهوى بعد ما طلعت عينى تقولى ايه اللى يخلينى اقبلك

قولتله اكيد لانى هشارك ايجابيا فى نمو وتقدم الاقتصاد فى كيبيك وهاكون مواطن كندى كويس (يارب) وكمان سوق العمل طالبنى هناك

قالى تمام وكمان يا مسيو انت متكلم كويس جدااااااا(فرح قلبى )

قالى مبروك انت اتقبلت وقالى انت بتعرف تتكلم عربى ؟؟

استغربت قوى على سوال قولتهله اكيد وراح قالى مبروك بالعربى ههههههههههههههههههههههههه

وانا خارج سلم على وادينى كتاب براند لكيبيك وكمان شرحلى اقدم ازاى فيدرال وقالى تروح فى صيف يكون افضل

على فكرة مدة المقابلة ساعه سرعة الكلام كان بيتكلم معاى سريع جدا بلكنة كيبكواز وانا الحمد لله كنت فاهمه وكلمته بنفس الاسلوب (بس فيه ناس بتقول لو هو لاحظ انك مش فاهمه بيحاول يبطى للك الرتم )

وعقبال كل ناس وربنا يوفقنا جميعا وادعولى ربنا يتمم على خير

تم تعديل 13 مايو 2010 بواسطة Pharm

[friend]

ربنا يوفقك ان شاء الله يا فارم ويكملك علي خير

والف الف مبروك

وعقبالنا جميعا ان شاء الله

دعواتك

تم تعديل 13 مايو 2010 بواسطة friend

[Pharm]

ربنا يخليك يا ابو حمودى انا اللى اتشرفت بحضرتك كتير و نتقابل فى موريال عن قريب

وانا ياجماعه حكيت كل اللى الاسئلة بس انا اتكلمت كتير جدااااا فى مجال العمل وعن كيبيك وعن المعادلة وعن حصول على المعلومات دى حصلت عليها ازاى

وربنا يوفق الجميع وادعولى ربنا يكرمنى وانا شوفت حاجات كتير فى سوريا لو تحبوا اكلمكم عنها بالصور كمان دا طبعا بعد اذن المشرفين لو سمحولى هنزلكم الصور بالوصف كمان

[myusername]

الف مبروك لفارم.. و عقبال الفيزا ان شاء الله... و يا ريت تقول لى اسم اللى امتحن معاك علشان اقوله لمنال, يمكن يكون هو اللى هيمتحنها.

ادعوا لمنال يا جماعة علشان مقابلتها قربت.. و النهاردة عندها دور برد جامد و ماعرفتش تذاكر :ninja:

ادعوا لها تخف علشان تعرف تذاكر, و تنجح فى المقابلة ان شاء الله...

تم تعديل 13 مايو 2010 بواسطة myusername

[harveyhanna]

يا جماعة اللى مقدم من شهر 9/2009 الى.......... مين علشان نتابع مع بعض لو فى اخبار جديدة :ninja:

مفيش اخبارجديدة عن ميشن شهر 9 اللى فى مصر

ايوة يا توتا

انا مقدم من شهر 11 ولسة على الويتنج برضة

هو الميشن الجاى حيبدا خلاص اكيد فى شهر 9 ولا فى مقابلات قبل كدا

وبعدين هو كلة حيكون فى القاهرة ولا فى حيكون فى سوريا

انا مقدم معاكم فى شهر 11 برضة و معاى اتنين من زمايلى

[صيدلى كندى]

ألف مبرووك يا فارم وعقبال الفيدرال والفيزا ان اشاء الله .....لكن عندى كام سؤال ..1-ليه الsingle بتكون مقابلته اصعب من المتجوز وازاى؟؟؟؟2-السؤال العمى اللى سأله لتحليل المادة فهل معنى كده انه هيسأل كل واحد فى مجاله وسورى هو انته مجالك ايه؟؟؟؟؟3- تنصح الواحد يعمل خطة مذاكرة ازاى للفرنساوى عشان يبقى تمام ؟؟؟؟؟والف مبررروك تانى يا فارم

[mostafamaher]

مبروك يافرما بس بصراحه الانترفيو كانت سهله لغايه مخدت ال 12 بوينت

انما بعدها غير متوقعه تمامااااااااااا

دا كمان بيسئل اسئله علميه :( اتقعدت اوي كدا

[alaafrench m]

انا مقدم يوم 20يناير2010

والفايل نمبريوم 5مارس 2010

[توتا عماد]

بعد اذنك يا فارم هو الميل اللى انت بتبعتوا للمعادلة بتقولهم ايه ’ وهما بيبعتوا ورق زى ايه اللى انت بتقدموا معاك فى الانترفيو

هو انت يتشتغل ايه

[توتا عماد]

بعد اذنك يا فارم هو الميل اللى انت بتبعتوا للمعادلة بتقولهم ايه ’ وهما بيبعتوا ورق زى ايه اللى انت بتقدموا معاك فى الانترفيو

هو انت يتشتغل ايه

انت عملت اعداد فين

وكمان ايه طبيعة شغلك ؟

[moheltohamy]

انا شوفت حاجات كتير فى سوريا لو تحبوا اكلمكم عنها بالصور كمان دا طبعا بعد اذن المشرفين لو سمحولى هنزلكم الصور بالوصف كمان

ما تتفضل يا باشا... حد قال لك إن المشرفين عمرهم هيرفضوا أي حاجة للمصلحة العامة؟

وشكراً ليك مقدماً :blush2:

[malekmalooka]

يا جماعة اللى مقدم من شهر 9/2009 الى.......... مين علشان نتابع مع بعض لو فى اخبار جديدة :blush2:

مفيش اخبارجديدة عن ميشن شهر 9 اللى فى مصر

ايوة يا توتا

انا مقدم من شهر 11 ولسة على الويتنج برضة

هو الميشن الجاى حيبدا خلاص اكيد فى شهر 9 ولا فى مقابلات قبل كدا

وبعدين هو كلة حيكون فى القاهرة ولا فى حيكون فى سوريا

انا مقدم معاكم فى شهر 11 برضة و معاى اتنين من زمايلى

انا مقدمة معاكم في شهر 9 وقالولي في السفارة ان الانترفيو هيكون في القاهرة في شهر 8 او 9 ان شاء الله

[الرحالة باشا]

الف مبروك يا فارم مرة تانية وعقبال الميديكال والفيزا

بس يا جميل أنت ما قلتش أسم المستشار وعمره

وإيه حكاية اللغة الكيبكوا اللي كان بيكلمك بيها دي , يعني كان في فرق كبير في اللكنة ولا كانت لكنته واضحة وقريبة من لكنة فرنسا لأن أول مرة بصراحة حد يقول حكاية إن الممتحن بيتكلم بلكنة كيبكوا دي

وياريت تقول لنا أنت نزلت في أي فندق وسعره إيه وجودته إزاي علشان تكمل الأستفادة

أما بالنسبة لحكاية الصور : أنزل علي طول يا باشا بيها ماتستناش معاك جرين كارد مصري مش أمركاني لموأخذة :lol:

[kemo]

الف مبروك اخ فارم ومعلوماتك الشيقه بس انا كنت عايز اعرف يعنى ايه شرحلك تقدم فيدرال وانت المفروض تسافر على طول ولا لسه فى حاجه تانيه الف مبروك ليك باشا