مقابلات مقاطعه كيبك سين وجيم بالفرنسيه مع الترجمه للعربيه

[Morial]

:lol: :o bv:- ملياااااار مبروووووك ياأختنا الغالية على قلوبنا جميعا منال شوقي احنا كنا واللهي مطمنين انك ناجحه ناجحه بفضل ربنا سبحانه وتعالى قبل اي حاجه تانيه وعشان انتي تعبتي وعملتي اللي عليكي وانتي تستاهلي كل خير...وماتتصوريش احنا فرحانين اد ايه بالفرحة الجميلة بتاعتك دي :wub:

ربنا يرجعك بمليووون سلامة من الاراضي السورية الشقيقة الحبيبة وش الخير على كل العرب وماتنسيش عاوزين نحلي فمنا بحلو الشام بنجاحك الجميل دا ;)

وربنا يتمملك الفرحة على خير بالفيزا واللاندينج بعون الله :ninja: :blink: wst::

ميرسي كتير يا باشا ربنا يتمملك المقابلة علي خير ونفرح بيك عن قريب يا عريس

[Morial]

بحبـــــــــــــــــــــــــــــــــــــكم جدا يا اصحابي واخواتي وحبايبي

انا نجحت ببركة دعاكم ووقفكم جنبي

انا عايزة اشكركم واحد واحد

اخواتي الافاضل د/علاء فارما ود/ابوسمرة السكرة ود /عصر ربنا ينجحه ويباركله في زواجه المنتظر واخويا محمد كيبيك ربنا يبعتله مستشار ابن حلال واخويا علاء فرنش بالنجاح بأذن الله واخويا رحالة باشا ربنا يطمنا عليك وتنجح بتفوق واخويا فارم اللي وصي عليا السواق الشهم كتر خيره واخويا ماي يوزر نيم اللي تعب معايا كتير اوي ربنا يوفقه في الابديت بتاعه

واخويا وليد نور كلامك شجعني جدا وخويا صيدلي كندي ميرسي علي دعواتك واخي مازن اطرش شفت بقي سوريا وشها حلو عليا اذاي ? واخواتي الفضليات اغابي حبيبتي وتوتا بالنجاح والتوفيق يا قمر واريني يارب تاخدي الشهادة بتاعة السنتر في اقرب وقت

وحبيبتي دامو وشيكو وفتفوته ولماضة ومصرية متغربة

ربنا يبارك فيكم جميعا انا متأكدة انكم دعيتولي ودعواتكم دي ثبتتني ووفقتني

انا مأكلتش من امبارح العصر لأني كنت خايفة ونفسي مسدودة عن الاكل ودلوقتي مش عايزة اكل لأني شبعت من الفرحة

ودموعي نزلت اول ما قلتلي

vous etes accepte

هحكيلكم المقابلة في اسرع وقت ممكن بس ادوني فرصة لأني لسه راجعة

بـــــــــــــــــــحبــــــــــــــــــــــــــــــــــــكم

الف الف الف مبروك يا منال وربنا يتمملك الامور على خير لغاية التاشيرة

وعقبال الجميع

انا على الميشن الجاى ان شاء الله ( دعواتكم )

يا ترى مين معايا فى نفس الميعاد الميشن الجاى واللى فى الانتظار حاليا

ربنا يوفق الجميع يارب ويفرحناااااااااا جميعااااااااا

اخوكم محمد

شكرا اخي العزيز محمد وعقبالك يا رب

[صيدلى كندى]

10000000000000000000000 مبرووك يا منال شوقى وصحيح ربنا ما بيضيعش تعب حد تعب زيك بجد ..ربنا يرجعك بالسلامة وعقبال الفيزا واللاندينج كمان يا رب ليكى ولكل اللى مستنينهم وما تنسيش تحكيلنا التفاصيل علشان فى طابوور طويل مستنى الحكاية ومستنى معاد مقابلة بردة ..ألف مبرروك :lol:

[Morial]

مبروووووووووووك

لولولولولولولي :lol:

الف شكر ليك مصطفي باشا ويارب اباركلك في اقرب وقت وازغرتلك كمان

[Morial]

10000000000000000000000 مبرووك يا منال شوقى وصحيح ربنا ما بيضيعش تعب حد تعب زيك بجد ..ربنا يرجعك بالسلامة وعقبال الفيزا واللاندينج كمان يا رب ليكى ولكل اللى مستنينهم وما تنسيش تحكيلنا التفاصيل علشان فى طابوور طويل مستنى الحكاية ومستنى معاد مقابلة بردة ..ألف مبرروك :lol:

ميرسي اخي العزيز صيدلي كندي ويا رب تبقي كندي بحق وحقيق

وعايزة اقولكم ما تقلقوش وخلوا ثقتكم في ربنا كبيرة لأن ربنا بيدي كل واحد علي أد تعبه

واللي تعب هيلاقي

بس ماتتعبوش زيادة عن اللزوم

علشان ما تتفرسوش زيي

يعني انا دلوقتي متغاظه من الدح والمذاكرة اللي ذاكرتها

ده انا رايحة وحافظه عن كيبيك اللي ما كونتش ممكن اعرفه لو انا عايشة سنة في كيبيك نفسها

وبسمعه ذي ما قال الكتاب

وفي الاخر كل اللي هاممهم يشوفوا اشهادات وكام سؤال تافهين

يا خسارة الجغرافيا والاقتصاد والتاريخ والقيم والعلم والمناطق الادارية وسوق العمل والموارد الطبيعية والثروة المعدنية

ده انا كنت رايحة ومتضايقة من نفسي اني مش حافظة النشيد الوطني اللي كنت حافظاه ونسيته

عارفين

وانا ماشية بقولها تهانئي لكي يا سيدتي بمناسبة عيد الوطنية في كيبيك

والمفاجأة انها طلعت ما تعرفوش او مش فاكراه

وقالتلي اعذريني الاعياد عندنا كتير

قولتلها ربنا يجعل ايامك كلها اعياد ياحاجة وفتك بعافية وخدت حبيبتي في ايدي وجريت علشان ارقص في الشارع لا تقول ايه المهبوله اللي انا وافقت عليها دي

علي فكرة انا قولتلها فعلا انا عايزة ارقص من الفرحة وهي ضحكت

تم تعديل 24 مايو 2010 بواسطة Morial

[kareemabdou]

الف الف مبروووووووووووووووووووووووووووووك يا منال الحمدلله ربنا نصرك

و عقبالنا يارب :lol: :o bv:- :ninja: :blink:

[الرحالة باشا]

الف مبرووووووووك يا أخت منال وربنا يوفقك في الخطوات الباقية ويتمم لكي علي خير , علي فكرة أنا دعيت ليكي في صلاة الظهر بين الأذان والإقامة لأن دي فترة إجابة للدعاء , وكمان زوجتي دعيت ليكي

ربنا يكرمك , شدي حيلك وكلي كويس ويلا أحكي المقابلة

تحياتي وتمنياتي بالحصول علي الفيزا

[محتاجه مساعده]

الف الف الف مبروك اخت منال تستاهلي كل خير يارب ودعينالك كلنه وربنا يوفقك في خطواتك الجايه ويسهلك امورك ياعسل ..

متنسيش تحكيلنه المقابله بالتفصيل ...نسيت اسالك انت صيدله كمان وله طبيبه؟

انا دعيتلك اليوم الفجر وحتى لاخي الرحاله باشا وربنا معه كل حد اجتهد والله لايضيع اجرا من احسن عملا ..

واقول الرحاله باشا انشاء الله منصور وناجح شيل القلق وخليهه على الله انت قدها يا اخي الكريم..موفق بعون الله ..

وانشاء الله انقولك مبروك باسرع وقت يارب ..

تم تعديل 24 مايو 2010 بواسطة محتاجه مساعده

[erene]

الف الف الف مليون مبروك يا منال وعقبال الميديكال والفيزا وعقبال ما تنورى موريال قريب

انتى انسانة طيبة وتعبتى كتير وتستاهلى كل خير

ترجعى بالسلامة لمصر وتنوريها

[مازن أطرش]

الف مبروك يا اخت منال :ninja: ..والحمدلله انو سوريا وشها حلو عليكي ويارب كل اللي ييجي ينجح .. :o ..بجد انا دعيلتلك اليوم بصلاة الظهر وافتكرتك اثناء الصلاة ودعيلتك ..يالله بقا خشي برجلك اليمين بطابور الميدكال ..وانصحك بعد ماتفرحيلك يومين انك تنسي قصة كندا .. bv:- .عشان متقعيش بدوامة الانتظار :wub: ..وتابعي حياتك طبيعي .. :lol: وييجي الميدكال وقت اللي يأذن فيه ربنا ..وحطي ببالك انو الميدكال جايلك بعد سنة ...ويارب تجيك الفيزا بالصيف الجاي ..المهم بأسرع وقت تحضري ملف الفيدرال ...وخدي بالك ...ماتنسيش ولا لحظة من حياتك من سن 18 ولحد دلوقتي الا وتذكريها ..وإذا في حاجة بالمقابلة اتسألت عنها بالتفصيل وحسيتي الممتحنة ماقتنعتش بيها كتير ..يبقى توضحيها بشكل مفصل بملف الفيدرال لأن الممتحنة حتكون حطت جنبها اشارة استفهام ..عشان يسألوكي عنها ;) .بس ان شاء الله وزي ماهو باين انو اختصاصك مطلوب . wst:: .لذلك ما اظنش يتللكولك كتير بس المهم استعجالك بتقديم ملف الفيدرال ميخلكيش تفقدي تركيزي .ظبطي ملفك تمام ..وانتي عارفة كلو صور ينفع ..ماعدا الفيش لازم اوريجينال وكلو يترجم ..وبالتوفيق بمشوار الميدكال :blink:

تم تعديل 24 مايو 2010 بواسطة مازن أطرش

[محمد كيبيك]

:lol:الف مبروك ليكى يا منال او ام محمد انا عارف انت تعبتى اد اية وصدقينى يا منال انا كنت بدعيلك من يوم الجمعة اللى فات يوم ما سافرت لحد النهاردة انا لسة جاى من مشوار بعد ما رجعت البيت اول حاجة عملتها ان فتحت الكمبيوتر قبل ما اشرب بق مية علشان اطمن عليكى والحمد للة انى اطمنت الف مبروك وباذن نجاحك يكون وش السعد على الرحالة باشا وعلى الباقى باذن اللة

[الرحالة باشا]

الف الف الف مبروك اخت منال تستاهلي كل خير يارب ودعينالك كلنه وربنا يوفقك في خطواتك الجايه ويسهلك امورك ياعسل ..

متنسيش تحكيلنه المقابله بالتفصيل ...نسيت اسالك انت صيدله كمان وله طبيبه؟

انا دعيتلك اليوم الفجر وحتى لاخي الرحاله باشا وربنا معه كل حد اجتهد والله لايضيع اجرا من احسن عملا ..

واقول الرحاله باشا انشاء الله منصور وناجح شيل القلق وخليهه على الله انت قدها يا اخي الكريم..موفق بعون الله ..

وانشاء الله انقولك مبروك باسرع وقت يارب ..

الله يخليكي يا أخت محتاجة وربنا يسمع منك إن شاء الله ونكون جميعاً من الناجحين ونوفق في كيبك إن شاء الله

لا تنسونا يا شباب يوم 23/6 الساعة 8:30 صباحاً بسفارة كيبك في سوريا , الناس اللي بتذاكر كويس هاتفتكر مقابلتي باليوم اللي قبل العيد الوطني لكيبك , يعني يا إما أعيد مع كيبك يا إما ؟؟؟؟؟؟؟؟؟؟؟

يعني عندكم شهر بس , يادوبك تلحقوا تدعولي دعوتين

[Morial]

انا مش عارفة اقول اية علي مشاعركم الطيبة تجاهي

والله العظيم انا بحبكم جدا وكأنكم اخواتي وبتمني لكم الخير من كل قلبي

ودعواتكم دي هي اللي خلت المقابلة بتاعتي سهلة لدرجة تغيظ فعلا

يعني لما عشرة او خمستاشر شخص يدعولي في نفس الوقت

والله ده كتير علياوفرحتي بالنجاح مش اكتر من فرحتي بطيبتكم واهتمامكم بيا

ربنا يوفقكم جميعا لما يحب ويرضي

خلاص بقي اسكتوا احسن هعيط

اخي العزيز رحالة باشا اشكري زوجتك الفاضلة شكر خاص علي دعواتها ليا رغم انها ماتعرفنيش

وانا شفت اسم الممتحنة اللي مضت بيه الورق اسمها مدام أن

وهي ست سكرة والله وفاهمة كل حاجة يمكن من غير الواحد ما ينطق يا دوبك انا كنت انطق اول كلمة في اجابة سؤال 3 صفحات الاقيها بتهز راسها ومبسوطة

دي حتي عارفة الحياة في السعودية

انا هحكيلكم المقابلة علشان عارفة انكم مستنينها علي نار ذي انا ما كنت بستني اسمع مقابلات اللي خلصوا قبلي

انا رحت بدري ساعة الا تلت وكانت مدام ان خارجة تاخد البوز بتاع الديجونيه هي ومسيو سيمون وكان فيه واحد ايراني واخته في منتهي للظرف والطيبة والذكاء

وقعدوا يدردشوا معايا

وبعدين خرجت مدام ان هي ومسيو سيمون علشان البوز وابتسمت لنا مدام ان وقالت بنجور

معرفش ايه اللي خلاني ماردش عليها وتجاهلتها

شوية والبنت الايرانية قالتلي هما دول اللي بيعملوا المقابلة

قلت بس بداية غير مبشرة انا بقول بنجور لطوب الارض واجي علي دي واخرس

رجعم بعد نص ساعة والمرة دي هي قالت بنجور ببرود لكن انا رديت بنجور فاااااخمة وبضمير المرة دي

واتمنيت ادخل لسيمون لأن الولد الايراني هو اللي قاللي ده مسيو سيمون

il est tres gentil

ده كلام الايراني وانا فعلا كنت سامعة ان الراجل ده زوق جدا

لكن ربنا بعتني للاذوق منه

مدام ان

طلعت ندهت عليا

ونطقت اسمي غلط اتلفتت حواليا شاورتلي وقالتلي ايوة انتي روحت واخدة شنطة السفارة اللي كان د ابو سمرة قال عليها واشتريتها من الفجالة بخمسين جنية بعد ما كان بيقول ب 75

قالت الكلمتين المعروفين احنا هنناقش ملفك ونشوف شهاداتك واختبر مستواكي في اللغة ومدي معرفتك بكيبيك

قولتلها داكوغ مدام

طلبت جوازات السفر اديتهالها صاروخ طلبت اصول الشهادات الجامعية

طلعتها هوا وانا بقولها وي مدام ولا عسكري في الجهادية حتي هي ابتسمت من طريقتي اللي متفرقش كتير عن جندي في ارض المعركة بيقدم التحية للقائد بتاعه

ووالله شفت نظرة اعجاب في عنيها

سألتني وقالت انتي درستي في كلية التمريض وفي كلية الاداب ليه ؟

يعني ليه في كليتين

قولتلها انا بحب التمريض كعمل وبلاقي نفسي فيه كوظيفة

ولكن علي المستوي الشخصي فأنا بعشق الادب وخاصة الشعر فدراستي في كلية الاداب قسم اللغة العربية كانت كهواية وشيء محبب الي نفسي لكون القراءة والاتدب هوايتي المفضلة

قالتلي طيب انت كنتي في السعودية شغل وللا سياحة

كنت عايزة اقولها انتي بتهرجي ؟

هي السعودية فيها سياحة وبعدين دول 3 سنين ونص

انما لميت الدور وقلتلها انا كنت بشتغل هناك لمدة 3 سنين ونص لكن استقلت لأنهم رفضوا يدوني اجازة علشان احضر المقابلة ويظهر الجملة دي هي اللي قلبت الموازيين ولقيتها بعدهل في قمة البشاشة والظرف معايا الا في موقفين قلبت فيها علي الوش التاني هبقي اقولكم عليهم بس علي مين انا رديت بقلب ميت وانا مبتسمة هي اقتنعت ورجعت هادية تاني استراحة قصيرة اخرج من النت كافية واروح اشتري ايس كريم من اللي علي الناصية وارجع

[dr abo samra]

ايوه يعنى افهم من كده ان المقابله كانت تقليديه؟

ولا مدام آن كانت بتغيرها لما عرفت ان المصريين حافظين كلمتين وبيقولوهم فى كل المناسبات wst::

معلش يا منال احنا بنهدى النفوس يعنى خلى الناس تطلع وتولعها والمتخفى يظهر كده ويبان bv:-

على فكره يا شباب ....آن دى من الاخر مبتسقطش حد...الا اللى عاوز يسقط

مبروك يا منال...ومتنسيش انا بهدى النفوس :blink:

عودا حميدا...لسرد المقابله وللوطن باذن الله

[dr abo samra]

ابو سمير يا عسل ...سؤالك ان شاء الله هجاوبهولك عالعام بس افضى شويه وافوقلك

وعلى فكره انا ذكرته قبل كده قدام...وملهوش علاقه بطبيعه مهنتك...واجابته بتبقى عامه

تحياتى لحد مرجعلك

[myusername]

الحمدلله يا منال ان اللى امتحنتك مابتسقطش حد.... ده فضل من ربنا... و خلينا نسيب الفزلكة لاصحابها wst:: شفتى بقى مين المستفز؟

و انا قلت لك قبل كده سيبك من القيم و التاريخ و الجغرافيا و الكلام المتخلف ده.. بس انتى اللى مسمعتيش كلامى

تم تعديل 24 مايو 2010 بواسطة myusername

[Morial]

هي لو كانت فاضيالها يومين تلاتة تقعد تسمعني انا مكونتش اتأخرت

انما يظهر هي كانت عايزة تشوف اصول الشهادات وشكرا علي كدة

وان كنت حسيت انها سألتني كام سؤال تافهين علي مضض بس علشان تحلل تمن التذكرة اللي انا دفعته لسوريا رايح جاي

والود ودها كانت قالتلي هاتي الشهادات واقعدي استنيني برة لما اكتبلك الورقة اللي انتي جاية عشانها wst::

[myusername]

هي لو كانت فاضيالها يومين تلاتة تقعد تسمعني انا مكونتش اتأخرت

انما يظهر هي كانت عايزة تشوف اصول الشهادات وشكرا علي كدة

وان كنت حسيت انها سألتني كام سؤال تافهين علي مضض بس علشان تحلل تمن التذكرة اللي انا دفعته لسوريا رايح جاي

والود ودها كانت قالتلي هاتي الشهادات واقعدي استنيني برة لما اكتبلك الورقة اللي انتي جاية عشانها wst::

ده فضل و كرم من ربنا...

هو احنا عايزينها تسألك.. ولا عايزينها تديكى السى اس كيو وخلاص؟ زى ما قلت لك.. سيبك من الكلام اللى مابيجيبش همه..

معلش... دايما هتلاقى واحد امعة يطلع يتكلم علشان يبوز علينا فرحتنا و خلاص...

كل واحد عايز يطلع يعمل نفسه كبير عالباقيين... محسسنى انه مأمور قسم كيبيك

تم تعديل 24 مايو 2010 بواسطة myusername

[مازن أطرش]

والله انا بعتقد سهولة او صعوبة المقابلة تتوقف على معطيات طالب الهجرة .. wst:: .يعني الممتحن عندو انطباع اولي وفقا لمعطيات طالب الهجرة ...يعني الظاهر تخصصك المطلوب يا اخت منال و الشهادتين الل معاكي ...وجرأتك بالتقديم على الهجرة لوحدك رغم كونك ست بمجتمع شرقي (وده يعتبر متوافقا مع قيم المجتمع الكندي ..) كل ده خلى المقابلة روتينية ..وتحصيل حاصل ..والعكس صحيح يعني في ناس بيكون الانطباع الأولي للمتحن انهم راسبين الا اذا ابدوا مقدرات كبيرة باللغة ومعرفة كبيرة بالمجتمع الكندي ) ..بس طبعا كل واحد يعمل bv:- اللي عليه عشان مايسبش للقضا حجة .. :blink:

تم تعديل 24 مايو 2010 بواسطة مازن أطرش

[Morial]

والله فعلا ده فضل ونعمة من ربنا

وبركة دعاكم ليا ويظهر انكم دعيتولي بضمير قوي وناس كتير معرفهمش والله ودعولي ذي زوجة اخي رحالة باشا ووالدة احمد بهاء في كندا

ووالدة ماي يوزر نيم ربنا يباركلهم ويكتبلهم كل دعوة خير دعولي بيها

بس مش كنتم تقولولي ان سركم باتع كدة كان الواحد كبر الجمجمة وريح شوية

ده كنت بسهر اذاكر لبعد الفجر وقبل ما اسافر سوريا بابا قالي انتي ناجحة يا منال وانا متأكد وبكرة تشوفي

قولتله انت بتقول كدة علشان تطمني

قالي لا والله يا بنتي ده انا بصحي اصلي الفجر بلاقيكي لسه قاعدة تذاكري

معقول كل المذاكرة دي ومتنجحيش ده ربنا مبيضيعش تعب حد طالما في الخير

انا ذاكرت وبمعني ادق انا انتحرت في مذاكرة الفرنساوي

انا حافظة 2500 كلمة وبسمعهم لنفسي بالكتابة

وكون ربنا يكرمني بواحدة سكر ذي مدام ان فده فضل ونعمة من ربنا

وعلشان ربنا عارف

مفيش حاجة تكتر عليه