مقابلات مقاطعه كيبك سين وجيم بالفرنسيه مع الترجمه للعربيه

[توتا عماد]

المنتدى نور يا دكتور ابو سمرة ،وحمدالله على السلامة ، ياريت متغبيش عننا تانى

نورت يا باشا

[romany beshay]

الف الف حمد الله على السلامة ونورت المنتدى يابو سمرة ياكبير والله المنتدى كان نقصه حاجة.

كلامك عن الكيميائين والله يشجع جدا ويارب فعلنا تكون مقابلتا سهلة كده

انا وظيفتى ككيميائى باللستة وعلى الرغم من انى بعت فى 17/5 الملف و لحد هذة اللحظة لم ياتى لى فيل نمبر او اى شى يدل على انهم استلموا الملف لكن لم سالت فى الشركة اللى بعت منها قالولى انهم استلموه 17/5 .

انا فى انتظار اى اخبار من الاخوة واللى عنه جديد يبلغنا على طول.

[dr abo samra]

المنتدى نور يا دكتور ابو سمرة ،وحمدالله على السلامة ، ياريت متغبيش عننا تانى

نورت يا باشا

منور بوجودك انتى والأخوه

مكنتش اعرف ان عندى كميه اللمبات دى

ربنا يخليكو ويوفقكم جميعا.....وعاشت المنصوره بلد الحبايب وكمان الصعيد عشان خاطر كريم عبده

اقولكم ...وكمان اسكندريه عشان خاطر حبيبنا صيدلى كندى.....و ..... يا جدع

شكرا توتا

[dr abo samra]

ميل ميرسى ...فرند صديقى العزيز,ملك ملوكه(متحرمش منك ولا من ذوقك),رومانى بشاى صديقى القديم(طبعا من عالخاص)

المهم حاليا ...هو ان نتوجه بخالص الدعاء لزملائنا اللى على وش مقابله وخاصه....الرحاله باشا اللى مقابلته يوم 23 اللى جاى(ربنا يوفقك يابو سمير...وانا مستبشر لك خير)

وانت أدها وأدود...اجمد يا بطل انت والرجاله....ربنا يوفقكم

النقطه المهمه جدا بقه....هى ان التوبك زى ما كنت دايما بقول هياخد منحنى تانى وهو انه هيبقى شامل ومليان حاجات كتير غير الغرض اللى انا كنت عامله لحضراتكم من أجله وهيكبر جدا عالفاضى والناس هتتوه...وقد كان

ومن هنا انا ليا وجهه نظر ويا ريت محدش يزعل منى او يفهمنى غلط....بالنسبه لموضوع اللسته..انا شايف انه هادف لكن انا برضه شايف انه اتكرر كتير فياريت نقوله كله مره واحده وكل عضوه ياخد من اللسته كوبى على الكمبيوتر بتاعه...مجرد وجهه نظر,,ونركز فى الدعاء لبعض والاسئله اللى ممكن نتسأل فيها

فانا من هنا اتوجه بتنبيه على الاعضاء جميعا وبخاصه الجدد منهم ...ان كل ما يخص المقابلات وترجمتها ومعلومات كيبك وكندا وبعض الاسئله المتوقعه واجاباتها بالفرنسيه وترجمتها العربيه....ستجدونه كله تقريبا فى اول 19 صفحه او 20 صفحه ...مع شويه معلومات متنطورين...وذلك منعا للتشتيت

شكرا للجميع وربنا يوفقكم ومحدش يزعل

واللى يزعل......هنقوله ايييييييييييييييييييييييه؟

هنقوله معلش

[kareemabdou]

دكتور ابو سمرة السكره

ربنا ما يغيبك تانى

بجد و الله انا بحس بالامان و انت موجود بحس فعلا ان الدنيا لسه بخير

استعد يا ابو سمرة لان عندى اسألة كتيييييييييييييير اوى

[dr abo samra]

وآدى حته كمان عالسريع للحبايب عن السياحه فى كيبك

عشان لو الجلاله أخدت حد وحب يفشر ويهجص ويقول انا بموت فى السياحه ومببطلش لف ولا دوران...وهو عمره ما راح حتى جمصه

طبعا بهذر معاكم

المهم هنقول عن السياحه فى كيبك التالى

Tourisme au Québec(السياحه فى كيبك)

la richesse historique ,géographique,la beauté de ses paysage,le charme du vieux Québec ,et ses nombreux festivals,font du Québec une destination

internationale de plus en plus rechercheé

الثراء التاريخى والجغرافى وروعه مناظرها الطبيعىه وجازبيه كيبك القديمه واحتفالاتها المتعدده....جعلت من كيبك واحده من اكثر الوجهات المرغوبه على مستوى العالم

la ville de Québec est la seule ville fortifiée au nord du mexique

كيبك تعتبر المدينه الوحيده المدعمه اقتصاديا وعسكريا وفى كل شئ فى شمال المكسيك

وشكرا لتانى مره كريم وانا تحت امرك انت والزملاء كلهم

[kareemabdou]

دكتور ابو سمرة انا فى سؤال محيرنى هما بيختارو الملف على اى اساس شهادات و لا عن شغلك

يعنى انا ليسانس ادب انجليزى و بشتغل فى مطعم يعنى شهادتى مختلفه عن مهنتى و مع زلك بيطلوبو شهادة خبرة

بجد السؤال ده محيرنى المفروض ان مهنتى تتصنف على اى اساس

السؤال التانى

هو بيندرج تحت سؤال لمازا اخترت كيبيك انا عايز نقطة او نقطتين ليه انا اخترت كيبيك خاصة بشغلى بس عايز حاجة

مش عادية عايز معلومة سبيشيال بجد زى المعلومة بتاعة الصيادلة اللى هيا كيبيك يوجد فيها 6 من اصل 7 مراكز للصيادلة تقريبا حاجة كده

انا بجد دورت كتير على النت عن معلومة زى كده بس فشلت دورت بالانجليزى و الفرنساوى بس بردو مفيش فايدة

ياريت لو تساعدنى فيه خد و قتك فى الاجابة على سؤالى انا مش مستعجل

[midomansour]

دكتور ابو سمرة انا فى سؤال محيرنى هما بيختارو الملف على اى اساس شهادات و لا عن شغلك

يعنى انا ليسانس ادب انجليزى و بشتغل فى مطعم يعنى شهادتى مختلفه عن مهنتى و مع زلك بيطلوبو شهادة خبرة

بجد السؤال ده محيرنى المفروض ان مهنتى تتصنف على اى اساس

السؤال التانى

هو بيندرج تحت سؤال لمازا اخترت كيبيك انا عايز نقطة او نقطتين ليه انا اخترت كيبيك خاصة بشغلى بس عايز حاجة

مش عادية عايز معلومة سبيشيال بجد زى المعلومة بتاعة الصيادلة اللى هيا كيبيك يوجد فيها 6 من اصل 7 مراكز للصيادلة تقريبا حاجة كده

انا بجد دورت كتير على النت عن معلومة زى كده بس فشلت دورت بالانجليزى و الفرنساوى بس بردو مفيش فايدة

ياريت لو تساعدنى فيه خد و قتك فى الاجابة على سؤالى انا مش مستعجل

ممكن اجاوبك علي السؤال الثاني

وانت بتتكلم عن كيبيك ماتجيبش سيره غيرها يعني زي ما واحد قال زمان كيبيك هي امي ونيلها هوه دمي

لماذا كيبيك

1- مستوي معيشه مرتفع

2- ناسها لطاف جيدا

3- مفيش تفرقه عنصريه ولا تفرقه دينيه

4- مدينه امريكيه ذات طابع اوروبي

5- درست اللغه الانجليزيه ولكني معجب اكتر بالفرنسيه لانها اساس الانجليزيه

6- شغلي هناك موجود وهطور نفسي بسرعه والمجتمع الكيبيكي بيشجع علي التأقلم والتطور بسرعه

خللي بقي ابو سمره يترجملك وعوده حميده ياااااااااااااااااااااا سمره

[matyos]

وآدى حته كمان عالسريع للحبايب عن السياحه فى كيبك

عشان لو الجلاله أخدت حد وحب يفشر ويهجص ويقول انا بموت فى السياحه ومببطلش لف ولا دوران...وهو عمره ما راح حتى جمصه :lol:

طبعا بهذر معاكم

المهم هنقول عن السياحه فى كيبك التالى

Tourisme au Québec(السياحه فى كيبك)

la richesse historique ,géographique,la beauté de ses paysage,le charme du vieux Québec ,et ses nombreux festivals,font du Québec une destination

internationale de plus en plus rechercheé

الثراء التاريخى والجغرافى وروعه مناظرها الطبيعىه وجازبيه كيبك القديمه واحتفالاتها المتعدده....جعلت من كيبك واحده من اكثر الوجهات المرغوبه على مستوى العالم

la ville de Québec est la seule ville fortifiée au nord du mexique

كيبك تعتبر المدينه الوحيده المدعمه اقتصاديا وعسكريا وفى كل شئ فى شمال المكسيك

وشكرا لتانى مره كريم وانا تحت امرك انت والزملاء كلهم

نورت المنتدي يا باشا وحياتك متغبش علينا لانك الاب الروحى و الكيبكاوى بتاعنا

وزى مأنت قلت المنتدى ده للاسئله اللى ممكن تقابلنا وصدقونى فعلا اللى يذاكر الاسئله اللى فى اول 20 صفحه

مش ايحتاج حاجه مع التوقعات الجديده للعلامه ابو سمره

[malekmalooka]

لو سمحتم يا جماعه عندي شويه اسئله محتاجه مساعده فبهم

1 connaissaz vous les droit et les obligation au quebec هو السؤال ده اجابته ايه قيم المجتمع الكيبيكي؟؟

2 pourquoi avez vous choisi la ville de montreal انا صيدلانيه مش عارفه الاجابه المروض يبقى ليها علاقه بمجالي ولا ايه

3 avez vous connaissance du systeme politique de canada

[dr asar pharma]

منور بيتك ومطرحك ياسمسم سماره ياسكره :lol:

ايوا كدا ياراجل خلي الروح ترد تاني في التوبيك الجميل دا....وعلى رأي البرنس كريم باشا اخواتك هنا بيحسوا بالامان والاطمئنان وانت حواليهم وبترفع من روحهم المعنوية كدا

ربنا يكرمك ياابوسمرة ياغالي ويجازيك كل خير عننا اجمعين...ونسمع عنك اخبار حلوه كدا عن قريب بوصول الفيزا وقضاء رحلة لاندينج ممتعة يابوس.

طمني ياكبير اخونا الغالي محمد ابوسمرة وصل مونتريال بالسلامة ولا لسه...اتمنى له التوفيق وبداية حياة كريمة وسعيدة له ولاسرته الكريمة باذن الله.

:roseop:

[malekmalooka]

دكتور ابو سمرة انا فى سؤال محيرنى هما بيختارو الملف على اى اساس شهادات و لا عن شغلك

يعنى انا ليسانس ادب انجليزى و بشتغل فى مطعم يعنى شهادتى مختلفه عن مهنتى و مع زلك بيطلوبو شهادة خبرة

بجد السؤال ده محيرنى المفروض ان مهنتى تتصنف على اى اساس

السؤال التانى

هو بيندرج تحت سؤال لمازا اخترت كيبيك انا عايز نقطة او نقطتين ليه انا اخترت كيبيك خاصة بشغلى بس عايز حاجة

مش عادية عايز معلومة سبيشيال بجد زى المعلومة بتاعة الصيادلة اللى هيا كيبيك يوجد فيها 6 من اصل 7 مراكز للصيادلة تقريبا حاجة كده

انا بجد دورت كتير على النت عن معلومة زى كده بس فشلت دورت بالانجليزى و الفرنساوى بس بردو مفيش فايدة

ياريت لو تساعدنى فيه خد و قتك فى الاجابة على سؤالى انا مش مستعجل

اعتقد ممكن السايت ده ينفع حضرتك اعمل بحث عن وظبفتك وهو بيبقى فيه كل المعلومات التي تخص سوق العمل في كيبيك لكل المجالات

[malekmalooka]

انا اسفه نسيت اكتب السايت

http://imt.emploiquebec.net/mtg/inter/nonc...RAN&Porte=1

تم تعديل 11 يونيو 2010 بواسطة malekmalooka

[harveyhanna]

يا جماعة ايه اخبار دكتور ابو سمرة

مفيش اخبار عنه ولا ايه

؟؟؟؟؟؟؟؟

ياريت حد يطمنا

اغابي

:lol:

انا عارفه يختى :lol:

حاجه تجنن ...من ساعه ما راح وهو لا حس ولا خبر

شكرا الزميله العزيزه اغابى على السؤال...ربنا يوفقك ويوفق اختك بتاعه كيبك...يا بتاعه الفيدرال :lol:

متحرمش من سؤالك...انتى وملك ملوكه والعزيزه محتاجه مساعده...والعزيز د/عبد الرحمن(صيدلى كندى)...والمقربين جدا الى قلبى د/عصر فارما...د/علاء فارما...د/رحاله باشا..العزيز استروفى...د/خالد الحضرى...وشكر خاص للحبيب كريم عبده...والعزيزه منال شوقى...والمحترم فارم والمسيو....المعلم الكبير ليوناردو دافنشى....واللى نسيته ميزعلش...لاننا كتييير وكلنا حبايب وجل من لا يسهو

آسف على الاختفاء ...وتحت امركم

ربنا يوفقكم جميعا

:roseop:

الورد ده يا ريت تحطوه فى ميه بسكر عشان ميدبلش :lol: ....انتى فين يا محتاااااااااااجه يا اختنا الورد

حمد لله على السلامة يا دكتور و بلاش تغيب عننا تانى علشان اعتمادى الاساسى على المعلومات اللى موجودة هنا اللى انت طبعا مصدرها الاول

و انشا الله نبارك للرحالة باشا قريب

تم تعديل 11 يونيو 2010 بواسطة harveyhanna

[dr abo samra]

لو سمحتم يا جماعه عندي شويه اسئله محتاجه مساعده فبهم

1 connaissaz vous les droit et les obligation au quebec هو السؤال ده اجابته ايه قيم المجتمع الكيبيكي؟؟

2 pourquoi avez vous choisi la ville de montreal انا صيدلانيه مش عارفه الاجابه المروض يبقى ليها علاقه بمجالي ولا ايه

3 avez vous connaissance du systeme politique de canada

قبل اى حاجه ولا محتاجه...عايز اسمع سلام كبير أوى للبرنس د/ميدو منصور....وأرجع واقول لماتيوس انت فين يا عسل من زماااااااااااااااااااااان؟

وكمان هيرفى هقوله انت فين يا معلم ..وأخبار الدرجه بتاعه الفرنساوى بتاعه ثانوى ايه؟ :lol:

بالنسبه لكريم عبده...سؤالك انا جاوبته كتييييييييييييير يا كاريمبو بس هخلص ملك وااقولهولك تانى بالتفصيل

شوفى يا ست ملك

بالنسبه لأسئلتك 1)السؤال الاول هو فعلا اجابته داخل قيم المجتمع الكيبكى

ودى انا قلتها فى ص 6...معنى السؤال هو ايه حقوقك وواجباتك فى كيبك

هتقولى بالفرنساوى طبعا التالى

1)النظام السياسى فى كيبك نظام ديموقراطى ومبنى على الحريه والمساواه ومشاركه الافراد فى الجمعيات والاحزاب السياسيه(ودى حقوق لكى)

وكمان كل المواطنين سواء اصليين او مهاجرين لهم كامل الحريه فى اختيار مرشحيهم فى كل الهيئات الحكوميه

2)احنا قلنا كمان ان فيه معاهده كيبك للحقوق والواجبات...واللى بتحفظ لكل فرد الحق فى المساواه وحظر العنصريه بكافه اشكالها...وكمان بتكفل ليكى الحق القضائى والسياسى والاقتصادى والاجتماعى

3)مجتمع كيبك بيفضل حل الصراعات بالتفاوض والتعبيرات العنيفه بكافه اشكالها مرفوضه

4)كل الكيبيكيين مهاجرين او اصليين لهم (الحق) فى اختيار نمط حياتهم وقيمهم وارائهم وديانتهم.....والكل عليه مسؤليه(واجبات)احترام كل القوانين حتى التى تبدو متعارضه مع دينهم وقيمهم الشخصيه

5)الرجل والمرأه.........هييييييييييييييصه(يالله افرحى يا ملك انتى وتوتا ومنال شوقى ومحتاجه)......متساويين فى الحقوق والواجبات وعليهم نفس المسؤليات فى الحياه الخاصه والعامه...يعنى لو قالك كبايه شايه.....انتى عارفه الباقى

6)دى بقه مهمه جدا يا شباب....القانون بيجبر الوالدين على توفير الرعايه والامان للاطفال فى فتره الحضانه...وأى استخدام للعنف تجاه الطفل او الرفيق لن يتم التهاون فيه ابدا...يعنى بالبلدى كده لو قولتيله قوم يا واد اعمل الواجب ..او روح هات باكو شاى من على اول الشارع...يبقي يومكم ازرق..وممكن يلبسكو الكلبشات

يالله كله يشرب....مش عاوزين تهاجروا؟.....بالشفا

7)فى الحياه العامه عشان تقضى مصلحه...تحطى قدام عنيكى كده مبدأ اللى يجى الاول هيمشى الاول...وده مبدا بيحترموه جدااااااااااااااا

يعنى مفيش حاجه اسمها والنبى يا ام فارق هاتيلى معاكى بربع جنيه...اصل الراجل اتأخر على الشغل... .أنا طبعا مقصدكيش يا ملك...انتى عارفه انى بهذر عشان اوضح...اوعى تزعلى

ده السؤال الاول

السؤال التانى

علاقه موريال بسؤالك...هو لو سألهالك يبقى مش هيسال ليه كيبك؟لان الاجابه بصفه عامه واحده

لانك زى منتى عارفه ان موريال مدينه من مدن كيبك

لكن ميزتها...ان فرص العمل فيها اكتر....وحجمها كبير وبالتالى فيها رواج اقتصادى كبير وده ممكن ينعكس على فرصتك فى العمل زى مثلا هتلاقى هناك صيدليات اكتر من كيبك بكتييييييييييييير

والتجمعات السكانيه فيها اكتر وده بيعطى فرصه على التعرف على ثقافات كتير مختلفه ومنظمه وفيها مصالح حكوميه كتير..

السؤال التالت

هتلاقيه فى اول التوبك بس مش فاكر الصفحه لما قلت عن الاحزاب السياسيه فى كندا ولما قلت اسم رئيس وزراء كندا

وعن ان الملكه اليزابيس هى المسؤله عن الحكم ولهل ممثله هناك كحاكم عام

[dr abo samra]

دكتور ابو سمرة انا فى سؤال محيرنى هما بيختارو الملف على اى اساس شهادات و لا عن شغلك

يعنى انا ليسانس ادب انجليزى و بشتغل فى مطعم يعنى شهادتى مختلفه عن مهنتى و مع زلك بيطلوبو شهادة خبرة

بجد السؤال ده محيرنى المفروض ان مهنتى تتصنف على اى اساس

السؤال التانى

هو بيندرج تحت سؤال لمازا اخترت كيبيك انا عايز نقطة او نقطتين ليه انا اخترت كيبيك خاصة بشغلى بس عايز حاجة

مش عادية عايز معلومة سبيشيال بجد زى المعلومة بتاعة الصيادلة اللى هيا كيبيك يوجد فيها 6 من اصل 7 مراكز للصيادلة تقريبا حاجة كده

انا بجد دورت كتير على النت عن معلومة زى كده بس فشلت دورت بالانجليزى و الفرنساوى بس بردو مفيش فايدة

ياريت لو تساعدنى فيه خد و قتك فى الاجابة على سؤالى انا مش مستعجل

شوف يا كريم...الشق الاول...انت بتاخد درجه التعليم عالشهاده...وقضى الامر

وبتاخد درجه الخبره على الخبره ...وايضا قضى الامر

وانا قلت قبل كده ان لى واحد صاحبى كان طبيب وعمل بسبور مندوب وطلع بيه عالسعوديه اشتغل مندوب سماعات للى مش بيسمعو كويس

وسألته سابرينا انت ليه مش اشتغلت طبيب فى السعوديه...وليه غيرت البسبور

قالها العقد كان كويس فغيرت المهنه فى البسبور واشتغلت مندوب وادينى اكتسبت خبره جديده وكمان حسنت وضعى المادى..قالتله ممتاز وانشكحت منه جدا ونجح بجداره

يعنى لو انت اداب انجليزى وشغال فى مطعم...هتقولها ببساطه..المهنه دى فرص عملها فى مصر اصبحت ضعيفه لان فيه عدد كبير بيتخرج كل سنه

ومنهم ناس كتير اكبر منى ولسه مشتغلوش..وانا حبيت اشتغل بسرعه فدورت على حاجه بحبها (الطهى يعنى) واشتغلت فيها...والحمد لله ناجح فيها

اما حكايه ان مهنتك دى متظبطه هناك...اكدب عليك لو قلتلك انى اعرف مثلا سلسله مطاعم شهيره هناك...أو ان كندا مشهوره بأكله معينه

يعنى مكنتش عارف تلعب كوره يا كريم...كنا قلنا ابو تريكه الكندى صحبك :lol:

وعامه لو وصلت لحاجه فى الصميم عن النقطه دى هظبطك

ربنا يوفقك

[malekmalooka]

لو سمحتم يا جماعه عندي شويه اسئله محتاجه مساعده فبهم

1 connaissaz vous les droit et les obligation au quebec هو السؤال ده اجابته ايه قيم المجتمع الكيبيكي؟؟

2 pourquoi avez vous choisi la ville de montreal انا صيدلانيه مش عارفه الاجابه المروض يبقى ليها علاقه بمجالي ولا ايه

3 avez vous connaissance du systeme politique de canada

قبل اى حاجه ولا محتاجه...عايز اسمع سلام كبير أوى للبرنس د/ميدو منصور....وأرجع واقول لماتيوس انت فين يا عسل من زماااااااااااااااااااااان؟

وكمان هيرفى هقوله انت فين يا معلم ..وأخبار الدرجه بتاعه الفرنساوى بتاعه ثانوى ايه؟ :lol:

بالنسبه لكريم عبده...سؤالك انا جاوبته كتييييييييييييير يا كاريمبو بس هخلص ملك وااقولهولك تانى بالتفصيل

شوفى يا ست ملك

بالنسبه لأسئلتك 1)السؤال الاول هو فعلا اجابته داخل قيم المجتمع الكيبكى

ودى انا قلتها فى ص 6...معنى السؤال هو ايه حقوقك وواجباتك فى كيبك

هتقولى بالفرنساوى طبعا التالى

1)النظام السياسى فى كيبك نظام ديموقراطى ومبنى على الحريه والمساواه ومشاركه الافراد فى الجمعيات والاحزاب السياسيه(ودى حقوق لكى)

وكمان كل المواطنين سواء اصليين او مهاجرين لهم كامل الحريه فى اختيار مرشحيهم فى كل الهيئات الحكوميه

2)احنا قلنا كمان ان فيه معاهده كيبك للحقوق والواجبات...واللى بتحفظ لكل فرد الحق فى المساواه وحظر العنصريه بكافه اشكالها...وكمان بتكفل ليكى الحق القضائى والسياسى والاقتصادى والاجتماعى

3)مجتمع كيبك بيفضل حل الصراعات بالتفاوض والتعبيرات العنيفه بكافه اشكالها مرفوضه

4)كل الكيبيكيين مهاجرين او اصليين لهم (الحق) فى اختيار نمط حياتهم وقيمهم وارائهم وديانتهم.....والكل عليه مسؤليه(واجبات)احترام كل القوانين حتى التى تبدو متعارضه مع دينهم وقيمهم الشخصيه

5)الرجل والمرأه.........هييييييييييييييصه(يالله افرحى يا ملك انتى وتوتا ومنال شوقى ومحتاجه)......متساويين فى الحقوق والواجبات وعليهم نفس المسؤليات فى الحياه الخاصه والعامه...يعنى لو قالك كبايه شايه.....انتى عارفه الباقى

6)دى بقه مهمه جدا يا شباب....القانون بيجبر الوالدين على توفير الرعايه والامان للاطفال فى فتره الحضانه...وأى استخدام للعنف تجاه الطفل او الرفيق لن يتم التهاون فيه ابدا...يعنى بالبلدى كده لو قولتيله قوم يا واد اعمل الواجب ..او روح هات باكو شاى من على اول الشارع...يبقي يومكم ازرق..وممكن يلبسكو الكلبشات

يالله كله يشرب....مش عاوزين تهاجروا؟.....بالشفا

7)فى الحياه العامه عشان تقضى مصلحه...تحطى قدام عنيكى كده مبدأ اللى يجى الاول هيمشى الاول...وده مبدا بيحترموه جدااااااااااااااا

يعنى مفيش حاجه اسمها والنبى يا ام فارق هاتيلى معاكى بربع جنيه...اصل الراجل اتأخر على الشغل... .أنا طبعا مقصدكيش يا ملك...انتى عارفه انى بهذر عشان اوضح...اوعى تزعلى

ده السؤال الاول

السؤال التانى

علاقه موريال بسؤالك...هو لو سألهالك يبقى مش هيسال ليه كيبك؟لان الاجابه بصفه عامه واحده

لانك زى منتى عارفه ان موريال مدينه من مدن كيبك

لكن ميزتها...ان فرص العمل فيها اكتر....وحجمها كبير وبالتالى فيها رواج اقتصادى كبير وده ممكن ينعكس على فرصتك فى العمل زى مثلا هتلاقى هناك صيدليات اكتر من كيبك بكتييييييييييييير

والتجمعات السكانيه فيها اكتر وده بيعطى فرصه على التعرف على ثقافات كتير مختلفه ومنظمه وفيها مصالح حكوميه كتير..

السؤال التالت

هتلاقيه فى اول التوبك بس مش فاكر الصفحه لما قلت عن الاحزاب السياسيه فى كندا ولما قلت اسم رئيس وزراء كندا

وعن ان الملكه اليزابيس هى المسؤله عن الحكم ولهل ممثله هناك كحاكم عام

الف شكر يا دكتور ابو سمره انا ان شاء الله هقرا التوبيك من الاول تاني

[محتاجه مساعده]

واخيرا نورتنه يا اخونه الورد ابو سمره ..كيفك انشاء الله بخير وانشاء الله امورتك كلهه تمام ..

انا صارلي فتره مقطوعه عن العالم عشان قاعده ادرس الهندي على قولتك ..

كيف اخواني انشاء الله كلكم بخير ..لاحظت شي من قريت الردود انكم مستعجلين ياورود الصبر حلو وكولشي بيد الله..بالتوفيق للكل ولاتنسون مذاكرة الفرنسي ..تحياتي لمصر العربيه من شمالهه لجنوبهه ومن شرقهه لغربهه ...

سؤال لاخويه العزيز ابو سمره انت سافرت كندا وله لسه؟؟ ولو سافرت احكيلنه شويه عنهه من ارض الواقع..

[محتاجه مساعده]

بصراحه بصراحه ماعرف لو ما توبك دكتورنه الورد ابو سمره والمعلومات الي بيه كنه حنروح فين؟

اشكرك بجد يا اخويه على مساعداتك اللامنهيه والله يوفقك بكل خطوه بحياتك...

[Leonardo da vinci]

السلام عليكم و رحمه الله وبركاته

عودا حميد يا دكتور و ربنا يسهل للناس اللي عندها المقابله و يهونها علي الناس الي مستنيه الطبي زي حالتنا. ومع ذلك لو في سؤال ولا حاجه علي طول الواحد هيسألهولك !!! امل يعني اسأل مين ؟؟؟؟؟؟؟

طبعا التوبيك رجع تاني ينور,,,, مستنين ابدعاتك و صوالاتك و جوالاتك ,,,, بالتوفيق يا دكتور