مقابلات مقاطعه كيبك سين وجيم بالفرنسيه مع الترجمه للعربيه

[Rock]

خالص شكري لجميع الاصدقاء

malekmalooka , matys ,rock,mostafa maher,romany beshay, AQlaa french,mohamed Allaam, pharm,dr. gege, bermawy,محمد كيبك,أغابي,توتا عماد,هيرفي,محتاجة مساعدة, حبيب قلبي د/ محمد عسر , الصديق المخلص د /علاء فارما, أستاذنا الكبير الكبو د/ أبو سمرة,الأمين الشنقيطي, أ. مازن أطرش و أهل سوريا الكرام قوي والطيبين قوي وش السعد عليا ,صيدلي كندي,وليد نور

أشكركم من كل قلبي وجزاكم الله خيراً جميعاً

الففف الف مبروك يا باشا ,بجد فرحتلك كتييييير من قلبي ..انتم السابقون و ان شاء اللة نكون الاحقون :unsure:

و شكراااااا جزيلا علي الشرح الوافي للمقابلة

[مازن أطرش]

الف مبروك مرة تانية اخي العزيز رحالة باشا :sad: ..والحمدلله على وصولك بالسلامة wst:: ...وبجد تجهيزك لورق الملف الفيدرال ضربة معلم . :unsure: ..وبتعبر عن ثقة عالية وطلعت بمحلها .. :blink: ..بتمنى تخش توبيك دليل القادمين لسوريا وتحطلنا ملاحظاتك :sad: ..عشان الكل يستفيد منها ,,لأنو اللي بره بيشوف احسن من اللي جوه :ninja:

تم تعديل 24 يونيو 2010 بواسطة مازن أطرش

[dr abo samra]

سؤال كده يابو حميد..

هى البوظه اللى شربتها كانت بكام؟

وبعدين هى بتلطش ولا بتعمل دماغ وبتخليك تبرق :unsure: ..ولا بتخليك تروح بعيييييييييييد؟

انتو فاضحنا عند مازن ليه كده :ninja: كل ما حد يروح يقول اكل سوريا يجنن..انتو كنتم جعانين فى مصر ولا ايه يا ولاد؟؟؟؟...على فكره اخويا برضه قال كده لما راح سوريا :blink:

انا شاكك ان المدام اكلت منها(البوظه يعنى)...بدليل انها قالتلها انها سابع او تامن فى اللغه :sad:

هل يا ترى حكايه انكم تعملو بروفات كتير اوى مع بعض اثمرت؟....وهل لما تحفظ اللى مذاكره كويس اوى بيخليك طليق وبيبينك متمكن وضليع فى اللغه حتى لو كنت مستوى ثانى زى المدام..

هل النصيحه دى طلعت فى محلها؟...لو تمام قول للناس انها تذاكر مع بعضها وتكرر اللى حفظته حتى تصل الى مرحله ما بعد الملل..ولو العكس قولهم يذاكرو وخلاص ويبعدو عن الملل..

عودا حميدا يابو حميد...ولو شايف ان فيه حاجه معينه لم تذكر فى التوبك واتفاجئت بها ...قلها للناس.

الف بركه يا زعييييييييييييييييم..وعقبال الباقيين

[مازن أطرش]

ولسه يا عزيزي دكتور ابو سمرة .لما ربنا حيجمعنا بكندا بإذنه تعالى :unsure: wst:: ..حندوقك الأكل الحلبي البيتوتي :ninja: ..كبب ومحاشي . :blink: .ووقتها حتترجاني وقتها اني الاقيك عروسة من عندنا بحلب :sad: ..بس ولات مندم يوم لا ينفع الندم ..منين حجبلك حلبية بمونتريال وبتعرف تطبخ حلبي :sad: ..

[dr abo samra]

انا عارفة ان الورد بتاعى يا د/ ابو سمرة بيجبلك حساسية :blink:

دوووول - بس كدا خلاص - على راى شعبولة عبد الرحيم واييييييييييه :sad:

اغابي

:unsure:

بنت حلال والله يا اغابى...ربنا يجعل ايامك انتى وكل المشاهدين ورد

اشكرك على المعلومه بتاعه الحساسيه دى...لان اخوكى اللى هو انا على غير العاده بيعطس بقاله اسبوعين تقريبا wst::

وانا اقول يا واد يا كبو ايه العطس اللى عمال على بطال ده؟...لا وايه فى الصيف :sad:

ربنا يكرمك ويتفتح ملفك ويتقبل وتسافرى ..وتاكلى فى سوريا بوظه :sad: wst:: زى احمد سمير

اطيب الامنيات بالتوفيق والقبول :ninja:

تم تعديل 24 يونيو 2010 بواسطة dr abo samra

[dr abo samra]

ولسه يا عزيزي دكتور ابو سمرة .لما ربنا حيجمعنا بكندا بإذنه تعالى :unsure: wst:: ..حندوقك الأكل الحلبي البيتوتي :ninja: ..كبب ومحاشي . wst:: .ووقتها حتترجاني وقتها اني الاقيك عروسة من عندنا بحلب :sad: ..بس ولات مندم يوم لا ينفع الندم ..منين حجبلك حلبية بمونتريال وبتعرف تطبخ حلبي :sad: ..

يا عم مازن متنقش ...القوانين عماله تتغير اهيه كل يوم...يعنى اكيد هيقولو عاوزين نساء من حلب بيطبخو كويس :blink: :sad:

وخاصه انهم عمالين ياكلو من عندكم بقالهم سنين....يعنى سيمون وان وكريستين وباولو وايدى مش هيغيرو الدنيا يعنى؟؟؟

وربى ما هعتقك ولا هعتق اكلكم يا عم مازن....انا معاشركم فى السعوديه يبنى..

نفسكم فى الاكل يجنن...ويجعل بيوتكم عمار

[matyos]

الف مبروك رحالة باشا على اغلى csq

انا كان عندى شوية اسئلة

انا لازم اترجم كل الورق اللى معايا للفرنساوى بجانب الورق المترجم اللى بعتة مع الملف

انا زوجتى معاها الشهادة المؤقتة هل لازم اطلع الكرتون

وهل سألت الزوجة كتير لان عندى المدام ضعيفة فى الفرنساوى و كاتبلها التانى

بالنسبة لشهادة الخبرة و التامين اجيب اتنين جداد لان الى انا بعتهم بعتهم من شهر 10/2009 ولا ممكن تمشى الشهادات القديمة

بالنسبة لعروض الشغل هل لازم الاقيها لان انا تخصصى قليل والحقيقة مش لاقى له عروض شغل او معادلة كل اللى لاقيته دراسة فى جامعة خاصة وبعتولى ميل ازاى اقدم فى الجامعة

وهل كانوا بيتكلموا بسرعة ولا بمعدل تقدر تفهم هم بيقولوا ايه لان مشكلتى فى الفرنساوى هى السرعة فى نطقهم للكلمات

واخيرا الف مبروك على csq

[توتا عماد]

الف مبروك يا رحالة وحمدالله على السلامة وعقبال الفيزا

عندى سؤال هو قيم المجتمع الكيبكى ده اللى بيكون موجود فى اخر ورقة فى الابليكشن

[توتا عماد]

الف مبروك يا رحالة وحمدالله على السلامة وعقبال الفيزا

عندى سؤال هو قيم المجتمع الكيبكى ده اللى بيكون موجود فى اخر ورقة فى الابليكشن

هيا ما سالتش يا رحالة اى اسئلة انجليزى ولا ايه؟

[الرحالة باشا]

الف مبروك مرة تانية اخي العزيز رحالة باشا :sad: ..والحمدلله على وصولك بالسلامة wst:: ...وبجد تجهيزك لورق الملف الفيدرال ضربة معلم . :unsure: ..وبتعبر عن ثقة عالية وطلعت بمحلها .. :blink: ..بتمنى تخش توبيك دليل القادمين لسوريا وتحطلنا ملاحظاتك :sad: ..عشان الكل يستفيد منها ,,لأنو اللي بره بيشوف احسن من اللي جوه :ninja:

الله يبارك فيك يا أ. مازن و إن شاء الله بتواجد بالتوبيك قريب لكن بشكل عام سوريا من أجمل بلاد الله وشعبها ما شاء الله طيبين جداً و أهم حاجة شوفتها ولمستها الأمان العالي جداً اللي لايمكن تشوفه في مصر يعني لما سواق التاكسي يترك التاكسي بتاعه مفتوح في الشارع ويطلع معايا لحد الغرفة في فندق الدير و أقوله كده ممكن تتسرق يرد عليا ويقول لي ما تخاف ولاشيئ وفعلاً ننزل تاني للسيارة نلاقيها زي ما هيه ولاشيئ جري فيها , يبقي إيه الأمان ده والله لو عمل كده في مصر كان نزل مالاقاهاش ولاقي ماكنها كارت تحية من الحرامي يشكره علي حسن تعاونة

ربنا يديم عليكم النعم دي كلها يا باشا

[الرحالة باشا]

سؤال كده يابو حميد..

هى البوظه اللى شربتها كانت بكام؟

وبعدين هى بتلطش ولا بتعمل دماغ وبتخليك تبرق :unsure: ..ولا بتخليك تروح بعيييييييييييد؟

انتو فاضحنا عند مازن ليه كده :ninja: كل ما حد يروح يقول اكل سوريا يجنن..انتو كنتم جعانين فى مصر ولا ايه يا ولاد؟؟؟؟...على فكره اخويا برضه قال كده لما راح سوريا :blink:

انا شاكك ان المدام اكلت منها(البوظه يعنى)...بدليل انها قالتلها انها سابع او تامن فى اللغه :sad:

هل يا ترى حكايه انكم تعملو بروفات كتير اوى مع بعض اثمرت؟....وهل لما تحفظ اللى مذاكره كويس اوى بيخليك طليق وبيبينك متمكن وضليع فى اللغه حتى لو كنت مستوى ثانى زى المدام..

هل النصيحه دى طلعت فى محلها؟...لو تمام قول للناس انها تذاكر مع بعضها وتكرر اللى حفظته حتى تصل الى مرحله ما بعد الملل..ولو العكس قولهم يذاكرو وخلاص ويبعدو عن الملل..

عودا حميدا يابو حميد...ولو شايف ان فيه حاجه معينه لم تذكر فى التوبك واتفاجئت بها ...قلها للناس.

الف بركه يا زعييييييييييييييييم..وعقبال الباقيين

البوظة يا باشا كانت ب 25 ليرة تقريباً علي ما أتذكر ده في حالت إن بتسأل بجد مش بتهزر زي عادتك wst::

طبعاً يا جماعة للي مش عارف أحب أوضح له إن البوظة يعني الأيس كريم , طبعاً الكبو عارف الكلام ده كويس

كبعاً يا كبو والله أنا بقول زيك كده أنا شاكك إن مدام أن كانت مش في وعيها لما قالت إن زوجتي مستوي سادس أو سابع لكن أعذرها ماهي ماتعرفهاش هي كل اللي عرفته إن زوجتي رصت لها شوية جمل متنقية علي الفرازة ومترتبة وفي الجون ولمست الوتر الحساس لكن والله لو كانت جابت سؤال من بره المنهج لكانت قالت ده أنتي مستوي تاني مع الرأفة لكن هانقول إيه ( ربك لما بيأتي بيخل الأعمي ساعاتي وعجبي :sad: wst:: :sad: )

طبعاً البروفات علي المقابلة مهمة جداً جداً جداً لأن بتخلي الواحد يقول الكلام من غير جهد من كتر ماحفظة

كما إن حفظ الكلام اللي كتبته يا كبو عن الأسئلة المتوقعة بيخليك بتقوله بطلاقة رهيبة بتوحي للمستشار إنك ضليع في اللغة وكمان بتخليك بالفعل حافظ جمل متركبة مع بعض كويس تخليك تستغلها في ردود تانية لأسئلة أخري , يعني أنا مراتي كانت بتنسي من الرهبة في المقابلة تركيب الجملة اللي مكتوبة في الورق بتاعنا فكانت بتستعين بطريقة تلقائية بجمل أخري من اللي عارفاها , يعني العملية مش قرأن لازم تقول اللي أتكتب في المنتدي عن رد علي سؤال معين لكن لما تلاقي واحد جايبلك جمل متركبة صح وقواعدها صح وأنت تحفظها كتير تلاقيها بتطلع من لسانك من غير ما تحس المهم أنك تعرف إيه الأفكار اللي في الردود علي الأسئلة وإيه الجوانب الأساسية في الردود علي الأسئلة اللي لازم تعرفها وهي دي اللي تحفظها

فاطبعاً النصيحة في محلها جداً و أن بكررها وبقولها ( لازم تحفظوا كويس جداً الأجوبة علي الأسئلة المتوقعة وتكرروها كتير لأنها مهمة جداً جداً ) وبقول كده عن تجربة مش رأي فقط وخلاص

تسلم يا كبوووووووووووووووو

[محتاجه مساعده]

الف الف مبروك مره ثانيه على النجاح في الحصول على CSQ وعقبال الانتهاء من مرحلة الفديرال والاستقرار في كندا .. :unsure:

طبعاً موقع الدير في حي جارامانا , ش الدير

اي ده دير ابراهيم الخليل في جرمانا ..انا ليه صديقتي تشتغل في جمعيه خيريه تابعه للدير كصيدلانيه اي الصدف دي اما روح اتأكد منها ممكن اكون غلطانه ..

طبعا بالنسبه لشهادة الكرتون انا عندي ماضي معاهه لحد معرفت انها الشهاده المعترف بيهه..

طبعا اول متخرجت في 2008 رحت اكمل واصدق اوراقي ..وبالمره قلت اجيب الشهاده بتاع الكرتون الي تنحط على الحايط ( الحيطه) عشان الوالد والوالده يفرحو بيهه

يعني من مبدا الفرحه وعلقهه على الحيط..وبس

بعد ممر الوقت حصلت على فرصه شغل في شركة ادويه جايه جديد من اليونان فرحت للمقابله وكنت مجمعه كل اوراقي

وشهادة التخرج الي هي ورق بالانجليزي وورقه بالعربي وسيلبص الدرجات ..ومرتبين وكاملين ومختومين من الجامعه ..وحتى من الخارجيه مع اني في نفس البلد

بس كنت ختماهه عشان لو احصل على اي فرصه للخروج بره الهم الي انا عايشه في المهم..رحت وقدمتهم فبصلي المدير وقالي

اي دول قلتولو الشهاده حضرتك .راح اقيلي دول مؤقتين فين الشهاده الدايمه الكرتون ..اقلتلو هي بتاع الحيط دي هي الاصليه اقلي ايون ..اقلتولو طيب ربع ساعه بس اروح اجيبهه

من عند الحيطه بتاع البيت وجيلك ..وفعلا رحت وجبتهه وكانت مختومه ايضا لاني احب اللون الاخضر والازرق لما ينطمغو على الورق ( حب منذ الطفوله)

المهم بعدهه قلي تمام كده كويس ..

اشتغلت يومين وتقرفت وسبت الشغل ..مش ده موضعنا..

موضوعنا هو الف الف مبروك مره تانيه..

وسؤال لرحاله باشا ..هيه مسألتش اي حاجه تانيه غير على الاوراق وقيم كيبك وليه عايزين تسيبو السعوديه..

ومفيش اسئله بالانجليزي ؟؟؟؟

ودول 4 وردات للورده اخويه دكتور ابو سمره عشان الحساسية .. :sad:

:ninja: :blink: :sad: wst::

[الرحالة باشا]

الف مبروك لحضرتك يا رحاله باشا والله حضرتك خليتنا كلنا نتفائل واستفدنا معلومات كتير من مقابله حضرتك حاجات كانت مش هنفكر فيها خالص ربنا يكرمك وعقبال الفيزا قريبا ان شاء الله

الله يخليكي يا malekmalooka أهو كده أنت أكدتيلي أني قدرت لحد ما أفيد جزء منكم بسرد مقابلتي وبكده أكون حاولت أرد جزء صغير قوي من الدين اللي عليا ليكم وللمنتدي الجميل ده وكمان إن شاء الله ثواب من الله

شكراً ليكي

[myusername]

السلام عليكم..

ألف مبروك للرحالة باشا, و مبروك مرة تانية للتقديم عالفيدرال... و حمدالله على سلامة رجوعك لمصر.

بالمناسبة.. انا و زوجتى حصلنا عالسى اس كيو... و الحمدلله نفدت من المقابلة لانى ضعيف فى الفرنساوى و كنت خايف منه.

بالتوفيق مرة تانية.. و ان شاء الله ربنا يوفقك فى حياتك فى كيبيك.

[الرحالة باشا]

الف مبروك رحالة باشا على اغلى csq

انا كان عندى شوية اسئلة

انا لازم اترجم كل الورق اللى معايا للفرنساوى بجانب الورق المترجم اللى بعتة مع الملف

انا زوجتى معاها الشهادة المؤقتة هل لازم اطلع الكرتون

وهل سألت الزوجة كتير لان عندى المدام ضعيفة فى الفرنساوى و كاتبلها التانى

بالنسبة لشهادة الخبرة و التامين اجيب اتنين جداد لان الى انا بعتهم بعتهم من شهر 10/2009 ولا ممكن تمشى الشهادات القديمة

بالنسبة لعروض الشغل هل لازم الاقيها لان انا تخصصى قليل والحقيقة مش لاقى له عروض شغل او معادلة كل اللى لاقيته دراسة فى جامعة خاصة وبعتولى ميل ازاى اقدم فى الجامعة

وهل كانوا بيتكلموا بسرعة ولا بمعدل تقدر تفهم هم بيقولوا ايه لان مشكلتى فى الفرنساوى هى السرعة فى نطقهم للكلمات

واخيرا الف مبروك على csq

أولاً الله يبارك فيك يا ماتيوس وعقبالك إن شاء الله

بالنسبة للترجمة أنا عاوز أقول إن لما يكون معاك جميع مستنداتك و أوراقك الشخصية المتصلة بمهنتك وحالتك الأجتماعية وخبراتك في العمل ومترجمة يكون أفضل , لعل وعسي تتزنق في المقابلة فتكون جاهز و أظن موقف الشهادة الكرتون بيأكد ده

بالنسبة للشهادة التأمينات مفيهاش حاجة جديدة علشان تجيبها من تاني إلا لو في فترة بين لما بعت ورقك وبين المقابلة تكون تلزمك في المقابلة أو هاتضيف لك نقط مثل إن تكون شهادات الخبرة اللي أرسلتها مع ملفك لكيبك في الأول مثلاً نقول 3 سنوات فقط لكن علي لما جاتلك المقابلة عديت عليك كمان سنة فبقيت الخبرة عندك 4 سنوات ودي هاتاخد عليها الدرجة كاملة يبقي في الحالة دي لازم تجيب شهادة خبرة جديدة علشان تضيف الفترة دي وتاخد درجاتها غير كده يبقي مش هاتفرق في الدرجات لكن أنا قلت شهادة الخبرة جديدة ليه لأن أنا في السعودية وجواب الكفيل بإني علي رأس العمل بيبين إني مازلت شغال في نفس المكان ومش هاقدر أجيب شهادة الخبرة اللي بناخدها لما نترك العمل نهائياً لأني مازلت علي رأس العمل

بالنسبة لعروض العمل , كل لما تبقي في تخصص قريب لتخصصك كل ما يكون أفضل ده في حالت لما يكون تركيبة دماغ المستشار زي اللي أنا قابلتها , لكن ناس تانية لما جابت عروض عمل بأعمال أخري صغيرة أعتبوا إن الواحد كده يبقي بيعرف يدور علي شغل وعارف إيه المواقع وعنده الدافعية للعمل والتأقلم والأنماج في المجتمع الكيبكي

بالنسبة لسرعة الكلام فامتخافشي الكلام كان معقول جداً وتركيب الجمل بسيط ومش مكلكع وكمان المستشار بيفضل يوضحلك مقصده من السؤال بطريقة أسهل فأسهل لحد مايوصل لمستواك في اللغة , أمال هوه هايقيم مستواك إزاي ؟ لكن أنا شايف إن الست كانت بتتكلم معايا عادي بدون ما تحاول إنها تتك علي الحروف مثلاً علشان تبين الكلام , لأ عادي جداً ومع ذلك الكلام واضح ومفيش لهجة كيبكواه ولا حاجة الفرنساوي اللي نعرفة بتاع فرنسا العادي

تحت أمرك يا باشا , ربنا يكرمك ويوفقك

[الرحالة باشا]

الف مبروك يا رحالة وحمدالله على السلامة وعقبال الفيزا

عندى سؤال هو قيم المجتمع الكيبكى ده اللى بيكون موجود فى اخر ورقة فى الابليكشن

أولاً الله يبارك فيكي وعقبالك إن شاء الله ومتشكر جداً علي الدعاء

قيم المجتمع الكيبكي مذكورة فعلاً في الأبليكيشن وبتمضي عليها بالموافقة لكن دي جزء منها أو تقدري تقولي القيم بشكل عام إنما التفصيل لقيم كيبك ما أقدرشي أتخطي حدودي و الكبو موجود معانا هوه الي لازم يرد وأنا لازم أنسحب

[الرحالة باشا]

الف مبروك يا رحالة وحمدالله على السلامة وعقبال الفيزا

عندى سؤال هو قيم المجتمع الكيبكى ده اللى بيكون موجود فى اخر ورقة فى الابليكشن

هيا ما سالتش يا رحالة اى اسئلة انجليزى ولا ايه؟

أنا أسف جداً يا جماعة أني ما أتكلمتش عن الانجليزي , أنا مش عارف إزاي تاهت عن بالي الحتة دي

فعلاً هي سألتني بالأنجليزي سؤال واحد وقالت لي ( هل أستخدم الأنجليزية في عملي في السعودية ) و أنا جاوبت إجابة بسيطة بإن طبعاً بستخدمها لأن في السعودية جنسيات كتير زي الهنود والبنجالة ودول بيتكلموا إما العربي لو كانوا عمال و أما الانجليزي للمتعلمين منهم زي الأطباء والصيادلة

وطبعاً زي كل الناس لما بتقلبي في الكلام من الفرنساوي للأنجليزي بتلاقي الكلام بيطلع ميكس من الأنجليزي وبعد الكلمات الفرنساوي وعادي هما عارفين الحكاية دي كويس

[dr abo samra]

حكايه الشهاده الكبيره دى اللى زى دلفه الباب...ملهاش اى لازمه. أنا لما قالى بيان الدرجات طلعتهاله وقولتله معايا دى كمان...ولسه هفكها وافتح يا معلم..اصلها كانت مجوز وعامله زى السجاده :D ...لقيته اندهش وقاللى نو نو نو مش عايزها :lol: ..وكأنه ياواد يابو سمير كان عارف وشايفها من الناس اللى قبلى...وحسيت انه عاوز يبوس رجلى عشان مطلعهاش...اصلها بصراحه لو كانت اتفتحت كنت هاخد نص ساعه عشان المها..ومكنش هيشوفنى لانها كانت هتغطى الزجاج اللى بينى وبينه :lol:

المهم زى ما طلعتها رجعتها فى ساعتها

خدوها معاكم متوثقه ومترجمه عشان لو طلبوها... كل اللى اعرفهم وامتحنوا منطلبتش منهم خااااااااااااااالص

وهى لا مطلوبه ولا نيله...واللى مطلوب بيان الدرجات فقط. وكمان ملهاش علاقه بالفيدرال...وهى لو شاكه انها مطلوبه اوى..كانت اجلتلك السى اس كيو لغايه متجيبها يابو حميد...صحححححححححححح؟ولا انا غلطان

والأخت شكلها يا واد يابو حميد كانت ضاربه بوظه..أو لسه نوفى فى الليله..

حظك يا معلم

الف بركه وشكرا لاختنا الورده/محتاجه على كميه الحساسيه اللى اهدتها ليا :lol:

وبالنسبه للفالور ياتوتا دى موجوده فى الاول مشروحه تمام وزى الفل ومترتبه وهتعجبك جدا...ومش هينفع ان كل شويه نجيب من الاول ونحط هنا...صح يا توتا يا بلديات؟

معلش بقه اتعبى شويه وارجعى ورا عشان تحسى بقيمه السى اس كيو التى لا اشك فى انك ستحصلين عليها..ابدا

فتكو بعافيه

تم تعديل 25 يونيو 2010 بواسطة dr abo samra

[الرحالة باشا]

السلام عليكم..

ألف مبروك للرحالة باشا, و مبروك مرة تانية للتقديم عالفيدرال... و حمدالله على سلامة رجوعك لمصر.

بالمناسبة.. انا و زوجتى حصلنا عالسى اس كيو... و الحمدلله نفدت من المقابلة لانى ضعيف فى الفرنساوى و كنت خايف منه.

بالتوفيق مرة تانية.. و ان شاء الله ربنا يوفقك فى حياتك فى كيبيك.

الله يبارك فيك و ألف مبروك وبالتوفيق إن شاء الله

[الرحالة باشا]

حكايه الشهاده الكبيره دى اللى زى دلفه الباب...ملهاش اى لازمه. أنا لما قالى بيان الدرجات طلعتهاله وقولتله معايا دى

وهى لا مطلوبه ولا نيله...واللى مطلوب بيان الدرجات فقط. وكمان ملهاش علاقه بالفيدرال...وهى لو شاكه انها مطلوبه اوى..كانت اجلتلك السى اس كيو لغايه متجيبها يابو حميد...صحححححححححححح؟ولا انا غلطان

والأخت شكلها يا واد يابو حميد كانت ضاربه بوظه..أو لسه نوفى فى الليله

طبعاً صح ومليون صح , أنا فعلاً توقعت إنها هاتديني خطاب بنية الرفض لحد لما أجيب الشهادة الكرتون مترجمة , لكن علشان ربنا كريم و كانت إرادة ربنا إني أخد السي أس كيو علطول ربنا هاداها وقبلتها

وعلي فكرة هي قالت أنا هاخدها منك النهاردة كده لكن لما تروح كيبك , الشهادة الكرتون هي المعترف بيها هناك