مقابلات مقاطعه كيبك سين وجيم بالفرنسيه مع الترجمه للعربيه

[الرحالة باشا]

حمدلي عالسلامة ياابوحميد....ومبروك مرة تانيه على تقديم الفيدرال يامان :happy:

وياااارب المديكال والفيزا مايتأخروش عليك...خليك تخلص بأه من بلد الكفيل والعيشه المزيكه اللي عايشنها هنا دي :blink:

وعقبالنا كلنا ان شاء الله واحنا متجمعين هناك على المحبة والخير :blush2: :unsure: :unsure:

عسر حبيب قلبي , تسلم يا حبيب قلبي وعقبال ربنا ما يفك سجنك من اللي ما يتسمي الكفيل و إن شاء الله ناجح بإذن الله

والله يا جماعة تدعوا لدكتور محمد عسر بإن ربنا يسهله ويخلص من كفيلة علي خير ويرجع مصر سالم غانم إن شاء الله

[الرحالة باشا]

الحمد لله وبفضل ربنا ثم بفضل دعواتكم نجحت و أخدت الغالية ال CSQ

أنا الحمد لله كان عندي حسن ظن بالله تعالي بإن ربنا هاينجحني , مش معقولة كل الناس الحلوة دي تدعيلي وفي الأخر ما أنجحشي

أنا بتشكر لكم جداً جداً جداً ولو إن كلمات الشكر لا تكفي أن أرد الدين ليكم

طبعاً أنتم عارفين إن مقابلتي كانت يوم الأربعاء صباحاً في سوريا 23/6

طبعاً إحنا سافرنا لسوريا من يوم الأحد 20/6 بحيث ندي نفسنا كام يوم قبل المقابلة نتعود علي المكان اللي هنام فيه وكمان نداكر لنا يومين قبل المقابلة , أنتم طبعاً عارفين لما الواحد بينزل أجازة مصر , سلامات وزيارات وحركات , كان الواحد مش عارف يذاكر

المهم وصلنا دير إبراهيم الخليل يوم الأحد بعد ما أتأخرت الطيارة بتاعتنا حوالي ساعتين نتيجة عطل فني لدرجة إنهم نزلونا من الطيارة بشنطنا بعد ما دخلنا الطيارة و قعدنا , بصراحة كانت أول القصيدة !!!!!!!!!!!!!

المهم وصلنا بالسلامة وكان في أنتظارنا في المطار السواق حسن

بصراحة كانت الدير نظيفة جداً والغرفة معقولة جداً وطبعاً مفيش تليفزيون ودي الحاجة اللي شجعتنا علي أننا نستغل كل دقيقة في المداكرة , طبعاً كان لازم برده نزور باب توما وسوق الحميدية والمسجد الأموي ونشتري شوية حاجات كدة علي الماشي وكان لازم برده ناكل بوظة من بكداش اللي في الحميدية , راااااااااائع

طبعاً موقع الدير في حي جارامانا , ش الدير

كل شيئ كان حوالينا , بس إحنا فضلنا ناكل في مطعم أسمة النوافير , بصراحة أكله جميل والناس فيه زي كل السوريين ناس مضيافة و كريمة و حبوبة كتييييير

المهم أنا سمعت كلام حبيبي د علاء فارما لما نصحني أروح السفارة قبلها بيوم أحاول أعرف مين اللي بيعمل مقابلات وبالفعل رحت يوم التلات ودخلت السفارة وأتأكدت من ميعاد مقابلتي وإن كل شيئ تمام ولما كنت أسأل عن أسم مستشارين الهجرة كان الكل يقول ما نعرفشي أسمائهم ( طبعاً) , المهم قابلت شاب سوري كان واقف أمن علي البوابة ولما سألته مين اللي بيعمل المقابلات قالي إنهم تلاتة بس مش فاكر الأسماء فقول أستعبطت و أقول له أنا سمعت إن مسيو سيمون ومدام أن موجودين فارد و قالي مظبوط بس التالتة واحدة ست لكن مايعرفشي أسمها

المهم أنا قول طالما فيهم مدام أن ومسيو سيمون يبقي كده قشطة جداً ويارب نقع تحت إيد واحد فيهم ويبعدنا عن الست التالتة اللي مش عارفنها دي

ورجعنا الفندق و أتغدينا وراجعنا المراجعة النهائية بدون ما نسأل بعضنا أنا ومراتي علشان ما نتوترشي لو غلطنا ونسينا حاجة

المهم تاني يوم قمنا من النوم الساعة 6 ونص ونزلنا من الفندق متوجهين للسفارة الساعة 7 ونص ووصلنا الساعة 8 ص

دخلنا علي طول علي بوابة السفارة الكندية و أخدنا إدن دخول لمكتب كيبك وتوجهنا للمكتب

طبعاً بفضل الزيارة اللي عملناها قبل المقابلة بيوم كان الواحد واخد علي المكان وعارفه كويس وده برده بيشيل الرهبة شوية

المهم كلمنا الأستقبال نعرفهم بوصولنا وقالولنا أنتظروا شوية

وإحنا قاعدين كان جبنا راجل وست يبدوا لبنانيين تقريباً كانوا بيتكلموا فرنساوي لبلب لما عقدونا علي الصبح

المهم قبل معادنا اللي كان 8 ونص لاقيناهم بينادوا علينا الساعة 8 وعشر دقائق تقريباً وقالولنا أتفضلوا علي غرفة رقم 2

طبعاً و أحنا قاعدين في الأستقبال شوفنا غرفتين بباب خشب وشباك زجاج شوفنا من خلاله الفاصل الزجاجي اللي بين مكتب المستشار والكرسيين اللي بنقعد عليهم

المهم دخلنا و أول ما شوفنا المستشارة الناحية التانية قولنا بنجور مدام مع أبتسامة لطيفة وجلسنا قدامها وبدأت تعرفنا بنفسها ( المفاجأة ) أنها الست التالتة

مين حضرتك يا ست الحاجة , طلعت أسمها مدام كرستيان

وصدق اللي قال إن اللي تخاف منه مفيش أحسن منه , المدام طلعت محترمة جداً ومتعاونة جداً جداً

بدأت تعرفنا بنفسها وكانت في لوحة بأسمها علي الشباك شاورت عليها

وقالتلي هناقش طلبكم للهجرة لكيبك

و أول حاجة طلبتها العقد المالي اللي أخدناه من شباك الأستقبال لما زورنا المكتب اليوم السابق وقالولنا أملوه هاتوه معاكم في المقابلة بكرة

ثم بدأت تطلب الباسبورات , ولما قولنالها إننا غيرنا الباسبورات علشان نفصل الأولاد وكمان كان فاضل عليهم أقل من سنة

لما قولنالها كده فطلبت مننا صور للباسبورات الجديدة والحمد لله كانت جاهزة معانا أصل أخوكم كان عامل حساب كل الحركات دي لكن للأسف ما عدا حاجة واحدة كادت أن تدمر المقابلة تدميرا لكن ربنا ستر ( نجيلها بعدين )

المهم طلبت شهادة الميلاد , ثم كارنية النقابة وكمان أديتها مع الكارنية شهادة من النقابة العامة للطب البيطري بالقاهرة بتشهد فيها ببيانات تسجيلي في النقابة وكانت موثقة من الخارجية ومترجمها كمان

المهم نيجي بقه لأول صدمة ليا في المقابلة ( خد بالك يا هرفي علشان أنت بيطري زي فاركز معايا كويس )

مدام كرستيان طلبت شهادة الكلية بيان الدرجات ولما أديتها الشهادات اللي طلعتها من الكلية بالأنجليزي زي ما كلوا بيعمل , لقيت المدام برقت و أعترضت وقالتي نووووووووووو

دي مش شهادة الدبلومة بتاعة الطب البيطري دي شهادة مؤقته ومكتوب فيها أنك خلصت تدريب عملي وكده , أنتي بتقولي إيه يا حاجة يا دي المصيبة , الحاجة كريستيان مش عارفة شهادة التخرج المؤقتة اللي بنعملها في الكلية , وحاولت أشرحلها و أفهمها لكم مخها كان رافض يقتنع واللي كانت ماسكة فيه إنها شهادة مؤقتة وفيها كلمة تدريب عملي

يعني بالعربي كده بالنسبة ليها مفيش شهادة مظبوطة بالمؤهل

أنا لطمت وقلت أنا كده أترفضت , أقنعها إزاي دي بس يارب

المهم أنا برده كنت واخد شوية ورق أحتياطي معايا ومن ضمنهم الشهادة الكرتون وكنت موثقها من الخارجية لكن مش مترجمها ولا حتي صورة منها

المهم رحت مطلعلها الشهادة الكرتون وقلتلها إن دي الشهادة الدائمة و ما بتطلعشي غير مرة واحدة في العمر وبعد التخرج يجي بخمس سنين كده ولا حاجة

المهم أول ماشافتها قالتلي هي دي الدبلومة وهي دي الشهادة المظبوطة لأن التانية دي ماتنفعشي في كيبك وهي دي اللي لازم تاخدها معاك كيبك

المهم طلبت منها نسخها مترجمة قولتلها مش معايا , يادي الواقعة الهباب راحت قايمه تصورها عندها في السكرتارية ورجعت تاني طبعاً كنا أحنا بنسترد أنفسنا اللي أتقطعت من المفاجئة العجيبة دي , لكن الحمد لله ربنا ستر

المهم رجعت تاني وبدأت تطلب باقي الورق وكل شوية تكتب علي الكومبيوتر وتكتب الدرجات في ورقة خارجية زي الجدول كده وقدام كل خانة زي المؤهل العمر وكدة تكتب الدرجة

المهم ما صدقنا خرجنا من المطب الأولاني , إلا ورححنا وقعين في مطب غيرة , إيه بقه ؟

لما طلبت شهادات الخبرة الأصول أديتهالها ورجعتها كلها ليا ماعدا الجواب الأخير اللي جبته من الهباب الكفيل واللي بيقول إني مازلت علي رأس العمل حتي شهر 6 ده لأن أخر جواب جبته كان في 5/ 2009 والجواب الجديد كده هايضيف سنة خبرة جديدة كمان

المهم لما مارجعتهوش وراحت كاتبة عليه تاريخ بدأ الخبرة والنهاية قولتلها هو حضرتك هاتخدي الخطاب قالتي أيوه , قولتلها بس أنا لازم أخدة علشان أحطه في ملف الفيدرال لو أتقبلت النهاردة قالتلي بس أنا لازم أخده فارحت ساكت ومبلم كأني مصدوم مش عارف هاعمل إيه , طبعاً ده كان خطأ كبير مني لكن مش في حق المستشارة ولا المقابلة لكن جل من لايسهو مع أني كنت مجهز حاجات كتير أخدها معايا زي الشهادة الكرتون حتي كارنيه الكلية و أنا في دفعة البكالوريوس لكن أهوه دي اللي حصل ولو كانت قفلت كنت هاديهولها بس ده كان هايأخر تقديمي للفيدرال لحد ما أجيب واحدة تانية من الهباب الكفيل لكن مش مشكلة المهم المستشارة تكون راضية , لكن ربك لما يريد ييسر لعبيده بتلاقي كل الأمور أتحلت بمنتهي اليسر

كل اللي عملته المستشارة إنها قامت تصورها و أدتني الأصل و أكتفت بالصورة بعد ما ختمتها بالختم بتاعها بس طبعاً بعد ما زغرتلي بعينيها مع أبتسامة بسيطة كده كأنها مفروسة علشان كل شوية تقوم تصور ورق

لكن ده خلاها تضيع وقت كتير في الخروج للتصوير وترجع تاني لما خلاها جت علي الأسئلة المهمة بتاعة إيه اللي تعرفوه عن كيبك وقيم المجتمع الكيبكي لكن كانت في اللحظة دي مش باصة ليا ولا لمراتي فقولتلها السؤال ليا ولا لمراتي فقالتلي ليكم أنت الأتنين

فراحت مراتي سابقاني وبدأت ترص شوية في القيم لكن عاوز أقول لكم إن طبعاً من رهبة المقابلة اللي كانت فيها مراتي كانت الأجابات واحد علي عشرة من اللي نعرفة ولما قربت مراتي تخلص اللي فاكراه قولت أكمل أنا , لاقيت المستشارة راحت ناقلة علي السؤال التاني لمراتي وقالتلها وإيه اللي شدكم لكيبك وبدأت مراتي ترص شوية عنواين للكلام اللي حافظينه زي علشان نظام الصحة ونظام التعليم وكيبك ديموقراطية , والله يا جماعة مجرد عناوين

طبعاً السبب الرئيسي اللي خلاها مستعجلة في الأسئلة وكأنها مجرد أسئلة جبر خواطر التأخير اللي حصل علشان تصور الورق لكن عسي ان تكرهوا شيئاً وهو خير لكم

لكن طبعاً لو كان في وقت كنا أتهرسنا في الرد , لكن الحمد لله إحنا كنا مذاكرين كويس وكنا جاهزين للرد بالتفصيل

المهم قالت لمراتي وليه عاوزة تسيبي السعودية , فقالت لها الإجابة المشهورة بإننا ضحايا التمييز العنصري الجنسي في السعودية و إننا لا نستطيع العمل لأن العمل مصرح به فقط لزوجي وكمان ما أقدرشي أسافر لوحدي أو أخرج لوحدي وكمان بقه الحته اللي ظبطت الليلة كلها إنها يا حرام ما تقدرشي تسوق عربية في السعودية , راحت المستشارة مبرقة وقالتلها معقولة مش ممكن و أستغربت جداً ومراتي صعبت عليها جداً , و أنا اللي رايح جاي وطافح الكوتة في الشغل هناك ولا في دماغها

المهم قولتلها إنها كمان علشان تروح السوبر ماركت أو تخرج لازم تخرج معايا فقط ( ماهو أنا لازم أستغل الفرصة و أسوق فيها ههههههه )

المهم سألت مراتي عن العمل و إنها كده ما أشتغلتشي خالص , فقالت مراتي لأ أنا أشتغلت في مصر في الحكومة قبل السفر للسعودية لكن في السعودية أنا ربة منزل (fame de foyer) و أدي شهادة الخبرة , وتدخلت وقولتها بس هيا دلوقتي في أجازة علشان معايا في السعودية , راحت رده وقالتلي نوووووووووو هي بتعمل في المنزل تربي تلات أطفال وبدون راتب طبعاً وهي بتبتسم و أنا أرد عليه و أنا بضحك و أشاور لها بحركة مية مية وقاعدنا نضحك أنا ومراتي وهي كمان ( باين الست دي متحيزة للستات جداً هههههه ) شوفتوا إزاي الرجالة مظلومين في كيبك , إحنا نشتغل ونطفح الكوتة في الشغل والستات تقعد في البيت مرتاحة وفي الأخر تقولك تاعبنة في شغل البيت يا حرام وتربية الأولاد , ظلم كبير والله , إحنا لازم نطالب بحقوقنا من الستات علي فكرة يا جماعة , ماهو ماينفعشي الظلم ده بصراحة ههههههههه

المهم سأتني عارف عن المعادلة بتاعتك إزاي في كيبك قولتلها أيوه و أدي الأيميل بتاع الأوردر فقالتلي لأنك لازم تعملها علشان تشتغل طبيب بيطري في كيبك ودي مهنة مطلوبة هناك قولتلها عارف و أدي الأثبات من موقع employ quebec إن الطب البيطري من المهن الأكثر طلبا في كيبك وكمان أدي أوفرات عمل طبيب بيطري هناك , فقالتلي بس الأفرات دي مش هاتنفعك إلا لما تعمل المعادلة , فقولتلها ما هو أنا هاستغل خبرتي كمندوب مبيعات و أشتغل كده لحد لما أعمل المعادلة فأعترضت جداً , ليه ؟ هاقول لكم , خدبالك يا هرفي علشان أنت بيطري زي

المهم هي أعترضت علشان كانت عاوزاني أبحث عن عروض عمل في مهنتي مثل مساعد بيطري assistant veterinaire ou soins veterinaire وقالتلي أني لازم أبحث عن عمل زي كده قريب من مجالي علشان أكون جاهز بالخبرة لما أخلص المعادلة زكمان قالتلي إحنا مش عاوزين حد من بره كيبك يشتغل مندوب دعاية أو مندوب مبيعات أو كبائع في كيبك لأن في كتيير هناك ممكن يشتغلوها , إحنا عاوزين بيطريين , خدوا بالكم يا جماعة من الحتة دي كويس جداً

المهم أنا كان معايا برده عرض عمل مثل aid et soins veterinaire ووريتهولها قالتلي تمام بس ده عرض عمل واحد لازم يمون كل اللي بتبحث عنه يكون كده مش مندوب مبيعات

قولتلها تمام وكمان مرتبات البيطري في كيبك سيتي أعلي من مونتريال علشان كده هاسيب مونتريال بعد المعادلة و أروح كيبك سيتي, فقالتلي وليه مونتريال من أصله قولتلها علشان فرص العمل ومالها كيبك سيتي أنا من رأيي تنزل علطول علي كيبك سيتي وتشتغل في مجال عملك هناك علطول علشان تكون جاهز لما تخلص المعادلة وبيني وبينكم أنا كنت ها أعمل كده بس أنا قررت ده بعد ما أرسلت الأبليكيشن وكنت كاتب فيه زي معظم الناس مونتريال لكن بعد ما عرفت أن مرتبات البيكري في كيبك سيتي أعلي قررت إنها تكون وجهتي بس مارضيتشي أقول إني غيرت رأيي لاحسن يبان إني ما كنتش جاهز تمام لما بعت الأبليكيشن

المهم كتبت شوية صغيرين علي الكومبيوتر وقالت لنا أحلي خبر أنتم تم أختياركم vous etes selectionne (بالأكسون)

و أدتنا ورقة بيها موقع وزارة الهجرة لكورس فرنش مجاني أون لاين وقالتلنا أستخدموه علشان تحسنوا من لغتكم الفرنسية و أديتنا كتاب أبروندر لو كيبك وكمان بروشور عن الفالير

نسيت أقول لكم إنها كانت مبسوطة من اللغة بتاعتنا وقالتلي أن مستوايا بين السادس أو السابع و أنا كنت كاتب السادس في الابليكيشن وكمان جايب شهادة TEF بس مستوي ال comprehension orale كان A2 وال expression orale كان B1 وكمان لأن مراتي كانت حافظة نفس الكلام اللي بيقوله أبو سمرة ربنا يخليه علي التوبيك وكانت مراتي بتقوله بسرعة فبان عليها إنها بتتكلم فرنساوي كويس و لأني كنت قلقان من مراتي في الفرنساوي لاحسن ما توصلش لمستوي كويس في الفرينش لما كنا بنقدم الأبليكيشن فقلت خلينا في المضمون ونكتب مستواها التاني , لكن نتيجة طلاقتها في ألقاء الإجابات اللي حافظنها المستشارة قالت لها أنت كاتبة ليه مستوي تاني أنتي مستواكي أعلي من كده أنت ممكن سادس أو سابع و حتي تامن ودي كانت مفاجئة بصراحة ليا لأن لو هي أديتنا درجات علي المستوي ده من اللغة يبقي إحنا كده مش محتاجين درجات دافعية منها لأن بكده نبقي جيبنا الدرجة كاملة حسب ما أنا حاسب درجاتنا لما قدمت الملف حسب النظام القديم

و أنا شوفتها بتديني 10 درجات في اللغة

المهم جات تطبع الغالية ال CSQ فقالتلي إن السيستم عطلان وسألتني أنت مسافر أمتي فقولتلها الساعة 5 و لازم أكون في المطار الساعة 3 فقولتلها أنا ممكن أجيلك بعد شوية يكون أتصلح فقالتلي أوكيه تعالي بعد الغدا , وقد كان

ورحت الساعة 1 و أخدت ال CSQ ورجعت مصر بالسلامة يوم الأربعاء

ولأني كنت عشمان في ؤبنا خير إنه ينجحنا فكنت مجهز ورق الفيدرال المطلوب ورحت النهاردة الخميس للسفارة وقدمت الملف و أخدت رقم الملف لكن قالتلي هانراجع الورق ولو في شيئ ناقص هانبعتلك ترسلة بالبريد السريع

والحمد لله , بفضل الله سبحانة وتعالي ثم بفضل دعواتكم ودعوات أصدقاء مخلصين بأعتبرهم أكتر من الأخوات نجحنا وعديت الأمور علي خير بعد المطبات الرهيبة اللي مرينا بيها

المهم : دروس مستفادة من المقابلة :.

1) ترجموا الشهادة الكرتون وخدوها معاكم المقابلة يمكن يقابلكم مستتشار هجرة مخه شمال وما يعترفشي إلا بيها

2) أعملوا عروض عمل في نفس مجال المهنة فقط كا مساعدين علشان يبان مدي رغبتك في العمل في مجالك ومدي أنك فاهم مظبوط هاتعمل إيه

3) خدوا الأصول مترجمة وكمان ترجموا صور منها

4) خدوا صور من كل المستندات والباسبورات لعل وعسي تنطلب منكم

5) خدوا نسخة حديثة من الأبليكيشن لو كان عدي علي تقديم الأبليكيشن الأولاني أكتر من 6 شهور لأن مكتب سوريا طلب مني كده لما بعتلي خطاب المقابلة بالرغم إني عرضته علي مدام كريستيان وقالتلي مش عاوزاه

6) مانسوش تاخدوا ورق العقد المالي من الأستقبال لما تروحوا المقابلة لأنها أول حاجة أنطلبت مني

7) روحوا مكان المقابلة قبلها بيوم علشان تتعودا عليه ويمكن بامرة تعرفوا مين اللي بيعمل المقابلات ويمكن تقابلوا حد عامل مقابلة ويقول لكم إيه الأسئلة اللي بتتسأل

8) أخيراً وده الأهم : أحسنوا الظن بالله أنكم ناجحين علشان تنجحوا بالفعل

و أخيراً دعواتي لكل الأخوة والأخوات اللي عندهم مقابلات بالنجاح وتحقيق حلمهم

وخالص خالص خالص شكري لكل الأصدقاء الطيبين اللي دعوا لي بالنجاح وربنا يقدرنا ونرد جميلكم الكبير ده علينا

أي أستفسار تحت أمركم

الف مليووووووووووووووووووووووووووووووووون مبروووووووووووووووووووك للرحاله باشا

يااااه

انا لسه فاكر لما الرحاله كان بيسأل على حاجه فى الابلكيشن و فايزر على ما اذكر وقتها قاله انت اول ما يشفوك بالشنطه على ضهرك هيقبلوك على طوول

ربنا يكملك المشوار على خير يا رحاله

الميديكال والفيزا

كده تقريبا كل الناس اللى كانت مقدمه معايا الحمد لله نجحت و ينضم الرحاله باشا لبيو باشا و الدكتور حسام يوسف و فايزر و مونتريال الكس و غيرهم

على خير يارب ان شاء الله وادعولى احصلكم

سؤالى للرحاله باشا , حد سألك على شهاده التأمينات ؟؟

انا الحمد لله لسه ممتحن الديلف بى ان و مستوى الفرنساوى بقى كويس

وعاوز اقدم تانى , بس قلقان من شهاده التأمينات

بأذن الله على شهر اكتوبر اللى جاى هيكون معايا 4 سنين خبره

3 سنين بتأمينات من شغل حكومى و سفر للسعوديه

وسنه انتقلت فيها فى مصر ما بين صيدليتين كل واحده تقريبا 6 شهور ودى من غير تأمينات لان المقده كانت اقل من انهم يأمنوا عليا

محتار بصراحه

1- اقدم اول ما اكمل ال 4 سنين خبره بشهاده تأمينات ل 3 سنين وسنه من غير تأمينات واخد الريسك

2- اقدم بخبره 3 سنين بس فى التأمينات و السنه اللى غير من تأمينات مجبش سيرتها - مع ان كنت مقدم قبل كده وبعتها فى الملف القديم

3- استنى لما اكمل ال 4 سنين خبره بالتأمينات يعنى استنى سنه ونص من دلوقتى

محتاااااااااااااااااااار !!

الله يبارك فيك يا سفاري باشا وعقبالك إن شاء الله و أنا واثق إنك ناجح بإذن الله

بالنسبة سؤالك : لو أنت حاسب درجاتك كويس وشضايف إن 3 سنين خبرة تعديك أتوكل علي الله وقدم ومستوي بي 1 مستوي هايل ما شاء الله

في أقتراح كمان : لو عاوز السنة الرابعة من التأمينات ممكن تتكلم مع الصيدليات اللي أشتغلت معاها وتتفق مع الدكتور إنك هاتدفع فلوس التأمينات بس يأمن هو عليك في الفترة اللي أشتغلت عنده فيها وتقوله إنك محتاجها ( دي أسمها بتشتري الفترات التأمينية اللي ساقطة عندك , معروفة في التأمينات ) بس أشتريها بإسم الصيدلية علشان تبقي الخبرة مثبتة وبكده تجمع كمان سنة كاملة

لكن تستني دي أنا ما بحبذهاش وخصوصاً إن مستواك كويس في اللغة

ربنا معاك يا باشا

[الرحالة باشا]

الف مبروك للرحالة باشا على النجاح والحصول على سى اس كيو

انا كمان نزلت فى فندق الخليل وهو فندق نظيف جداااااا وممتاز وهادى كنت حاسس انى انا قاعد لوحدى دير راهبات بقا قمة فى الهدؤ

دا غير ان حواليه كل الخدمات اللى ممكن تتخيلها من اكل لسوق للاتصالات لنت كافيه لمكوجى كله كله وقريب جدا من السفارة فقط 20 دقيقة

بالنسبة لسى فى انا عامل سى فى كندى باللغة الفرنسية مختلف تمام عن سى فيهات اللى احنا متعودين عليها

مبروك مرة اخرى وتابع يا رحالة وشوف نفسك هتدخل ان بروسيس امتى وادعى ربنا يبعتلنا الميديكال بقاااااااااااااااااااااااااااااا :happy:

تسلم يا دكتور ربنا يخليك , إحنا علي خطاك نسير يا ريس

يارب الميدكال يجي بسرعة بقه لحسن أنا مستني بقالي كتير حوالي يومين , يااااااااااااااااااه إيه الملل ده :blush2:

[dr alaa pharma]

:happy:الف مبروك حبيب قلبى و صديقى المخلص .........الرحاله باشا

معلش متأخرة ........اصل ماكنتش اعرف

و الميديكال اتأخر عليك كده ليه ........اتصل بالسفارة ضرورى

[صيدلى كندى]

ألف مبروووووووووووك يا رحالة باشا ..والله تمام وحسستنا ان الموضوع بعد توفيق ربنا وشوية مجهود ممكن ببساطة ناخد الغالية .. ..مبروووووووووك تانى وعقبال الميديكال يا رب بسرعة ..اصل يومين تأخييير حاجة تقلق ههههههههههه :happy:

[الرحالة باشا]

بالنسبة لشهادة البنك : المستشارة ماطلبتهاش مني ولا سألتني عنها خالص

[الرحالة باشا]

بالنسبة لل CV أنا مش فاكر مكانها فين علي السيت بس عملت نسخة من مثال لل سي في اللي نزلتها علي الكومبيوتر بتاعي وهانزلها هنا لحد لما أوصل لمكانها , طبعاً هما علي صفحتين ودي من ضمن شروط ال CV

أتفضلوا :

John A. Noname

C/- 51-80 Forest Main Road

Willowdale, Ontario

Phone: (416) 483-281-681

E-mail: john@yahoo.com

CAREER GOAL

Seeking a challenging position requiring demonstrated skills in leadership, planning and communication, thus utilizing interpersonal skills with my experience, educational qualifications and technical knowledge.

PROFILE SUMMARY

· Six years experience in Financial Analysis & Planning.

· Three years solid experience in Marketing.

· Strong interpersonal, analytical and organizational skills.

· Exposure to plant operations, production planning and management.

· Leadership skills evident in motivating others and building team spirit.

· Computer proficiency in multi-software packages, such as MS DOS, Ms Word, Oracle.

ACADEMIC CREDENTIALS

· Master of Business Administration, Institute of Business Administration, London (1990).

Major: Marketing.

· Bachelor of Commerce, University of Amsterdam, Amsterdam (1988).

WORK EXPERIENCE

June 1997 – present Technical Manager

Hartman Manufacturing Ltd, Utrecht, the Netherlands.

Manage the complete operation of a 220 work force, Tea manufacturing factory.

Supervise junior managers and production staff. Control raw material warehouse and packaging house.

Duties & achievements;

· Prepared Tea Manufacturing Strategy which covers development projects

· Proposed and implemented a 5-lane Sachet packing machine to improve productivity.

· Identified wastage points and suggested improvements.

· Developed a smaller vacuum pump for packing machines.

· Managed human resource matters, including the interviewing of new personnel.

· Handled general administrative matters and managed the in-house stock management system.

January 1996 – June 1997 Assistant Manager; Marketing

July 1991 – December 1995 Financial Analyst; Corporate Planning

Johnson Industries, London England.

Managed the marketing programme for the leading manufacturer of commercial detergents in the United Kingdom, with an annual turnover of GPB200 million (CND$350 million).

Marketing

· Responsible for reporting to executive/senior management marketing trends relating to sales and developing costs thus developing programs and schemes to enhance sales flexibility to meet targeted requirements.

· Successfully developed and implemented various marketing schemes and sales targeted assessments programs.

· Provided management with relevant marketing information used in strategic planning, product and new market analysis.

· Managed various primary and secondary research studies and data request from inception through analysis to recommendations.

· Quantified market information, market size, market share and channel share.

· Established marketing objectives and strategies, integrating all advertising, point of scale (POS) and promotional plans.

Financial Analyst

· Involved in the preparation of quarter/midyear/annual business plans based on the financial data compiled through market surveys and analysis.

· Controlled physical assets, capital spending through appropriation request control and tracking physical inventory and asset record reconciliation, asset tagging and disposition control.

· Developed monthly operating forecasts and detailed analysis of actual versus forecasts/budgets for reviews by the management.

· Directed operating management in cost reduction/containment actions to meet budget objectives.

· Represented finance department on corporate task force that created/implemented new systems.

·

COMPUTER EXPERIENCE

Operating system: DOS, Novell Network, Windows, Windows 98 and Windows NT.

Software; Kerridge Car System, TSD Auto Sales, Microsoft Office, Microsoft Access, Microsoft Publisher, Win Project, Intergraph Imagineer, Quattro Pro, Dbase, IV, Datahost and Carahost.

PROFESSIONAL DEVELOPMENT

· Attended seminar dealing with IR problems at work

· Participated in World class manufacturing workshop

PROFESSIONAL AFFILIATIONS

· Member of Institute of Management London

· Alumni of International Program USDA- Graduate School

LANGUAGES

· Dutch Mother tongue

· English Fluent

· French Conversational

· German Basic

REFERENCES

1. Name

Position

Management of Hartman Manufacturing Ltd

Address

Phone

Email

2. Name

Position

Management of Johnson Industries

Waterway

Address

Phone

Email

[الرحالة باشا]

أنا حملت أمثلة ال CV اللي عندي علي الرابيدشير و أدي الروابط

http://BLOCKED2/files/403072091/cv1.rar.html

http://BLOCKED2/files/403072096/cv2.rar.html

http://BLOCKED2/files/403072097/cv3.rar.html

http://BLOCKED2/files/403072098/cv4.rar.html

[harveyhanna]

شكرا يا رحالة باشا على شرح المقابلة

وشكرا على نصايحك الغالية انا بجد استفد منها انا كنت قلقان من الاسئلة اللى ممكن اتسالها بالانجليزى

يا ريت تديدلنا مثال لل cv بالفرنساوى علشان نعمل زية انا اول مرة اسمع انة مطلوب و كمان مابعتوش مع الملف بتاعى و اول لما شفت ردك وانة اطلب منك فى المقابلة دورت كتير على النت بس مش لاقى حاجة تفيدنى كتير

كمان بالنسبة للابليكشن لازم املا واحد تانى جديد ؟

و الف مبروك و عقبال الفيزا و احست حاجة عملتها انك قدمت الفيدرال بسرعة

[harveyhanna]

شكرا يا رحالة باشا على cv معلش انا شفتهم بعد لما كتبت الرد

[الرحالة باشا]

:blink: الف مبروك حبيب قلبى و صديقى المخلص .........الرحاله باشا

معلش متأخرة ........اصل ماكنتش اعرف

و الميديكال اتأخر عليك كده ليه ........اتصل بالسفارة ضرورى

ماكنتش تعرف !!!!!!!!!, ده أنت عرفت قبلي أنا شخصياً :sad:

يا جماعة أنا عاوز أقول لكم حاجة علشان تعرفوا قد إيه المنتدي ده جميل وفيه ناس أجمل , الدكتور علاء كان معايا لحظة بلحظة في سوريا ومن قبل سوريا و أنا في مصر لأ ومش كده وبس وكمان هو السبب بعد ربنا سبحانة وتعالي أني أعرف أقدم للفيدرال تاني يوم المقابلة لأنه عمل ليا أكبر خدمة ساعدتني أني أكمل ورقي و أنا في السعودية قبل ما أنزل مصر , بصراحة راجل راجل راجل , وعمل معايا اللي ما يعملهوش أخ وعلي رأي الحكمة اللي بتقول ( رب أخ لم تلده أم )

بس يا باشا ينفع كده ما تقوليش نمرة السفارة , تسبني كده والقلق عمال ياكل في دماغي :wub:

[الرحالة باشا]

شكرا يا رحالة باشا على شرح المقابلة

وشكرا على نصايحك الغالية انا بجد استفد منها انا كنت قلقان من الاسئلة اللى ممكن اتسالها بالانجليزى

يا ريت تديدلنا مثال لل cv بالفرنساوى علشان نعمل زية انا اول مرة اسمع انة مطلوب و كمان مابعتوش مع الملف بتاعى و اول لما شفت ردك وانة اطلب منك فى المقابلة دورت كتير على النت بس مش لاقى حاجة تفيدنى كتير

كمان بالنسبة للابليكشن لازم املا واحد تانى جديد ؟

و الف مبروك و عقبال الفيزا و احست حاجة عملتها انك قدمت الفيدرال بسرعة

شوف يا هيرفي باشا بالنسبة للأبليكيشن الجديد , لما مكتب سوريا بعت ليا جواب المقابلة وكام ورقة معاه كده كان من ضمنها أن لو عدي علي الأبليكيشن اللي قدمته في ملفي أكثر من 6 أشهر يبقي لازم أجيب واحد جديد , وبالفعل عملت كده , وأنا في المقابلة قلت للمستشارة عليه لكنها قالتلي مش عايزاه

[اغابي]

أن لو عدي علي الأبليكيشن اللي قدمته في ملفي أكثر من 6 أشهر يبقي لازم أجيب واحد جديد ,

مش فاهمة يعنى تعمل ابليكيشن جديد خالص طب ليه ؟؟ ما المعلومات هى نفسها اللى حتتكتب

؟؟؟؟؟؟؟؟؟؟؟؟؟؟

ممكن توضيح يا دكتور - ايه الفرق بين الابليكيشن الجديد والقديم ؟

اغابي

[اغابي]

2) أعملوا عروض عمل في نفس مجال المهنة فقط كا مساعدين علشان يبان مدي رغبتك في العمل في مجالك ومدي أنك فاهم مظبوط هاتعمل إيه

مش فاهمة كدا من غير معادلة ولا اى حاجة ؟؟

ازاى يعنى اقدم طب فيه مثلا لينك ادوى على وظايف عادى . . ارجوك وضحلى النقطة دى ضرورى

اغابي

[joo]

الف مليون مبروك يا رحالة ربنا يكمللك على خير

[joo]

2) أعملوا عروض عمل في نفس مجال المهنة فقط كا مساعدين علشان يبان مدي رغبتك في العمل في مجالك ومدي أنك فاهم مظبوط هاتعمل إيه

مش فاهمة كدا من غير معادلة ولا اى حاجة ؟؟

ازاى يعنى اقدم طب فيه مثلا لينك ادوى على وظايف عادى . . ارجوك وضحلى النقطة دى ضرورى

اغابي

يا اغابى دى مجرد حاجات شكلية بس مهمة علشان بثبتى انك جادة فى البحث عن وظيفة وعمل المعادلة مش اكتر

[اغابي]

2) أعملوا عروض عمل في نفس مجال المهنة فقط كا مساعدين علشان يبان مدي رغبتك في العمل في مجالك ومدي أنك فاهم مظبوط هاتعمل إيه

مش فاهمة كدا من غير معادلة ولا اى حاجة ؟؟

ازاى يعنى اقدم طب فيه مثلا لينك ادوى على وظايف عادى . . ارجوك وضحلى النقطة دى ضرورى

اغابي

يا اغابى دى مجرد حاجات شكلية بس مهمة علشان بثبتى انك جادة فى البحث عن وظيفة وعمل المعادلة مش اكتر

بنسوارر اوى جدا خالص - يا جو و

برضوه مش فاهمة جزئية ( أعملوا عروض عمل في نفس مجال المهنة كا مساعدين علشان يبان مدي رغبتك في العمل في مجالك ومدي أنك فاهم مظبوط هاتعمل إيه ) حتى لو صورى ازاى اعملها وضح يعنى ازاى الفورمة مجرد اطبع ورقة زى السي في احتفظ بيها بالملف ولا ايههههههه ايه ؟؟؟؟؟ ولو عندك تفسير اوضح الله يخليك يا جوو . . . بلاش ردودك المختصرة دى بتنقطتنى

اشرحلى واحدة واحدة - بليزززز

اغابي

:blink:

[romany beshay]

سلام للجميع

النهاردة جالى جواب بتحديد المقابلة

يوم 25/8 الساعة 8:30 فى سوريا

والجواب مبعوت من يوم 14/6 ولسة واصل النهاردة بعد 15 يوم (البريد المصرى)

المشكلة انا مش عارف ليه فى سوريا ومش فى مصر مع العلم ان ميشن مصر يبتدى 29/8 ودى حاجة هتجننى وكمان ليه اتبعتلى جواب مش ايميل

الظرف عبارة عن 6 ورقات بالفرنساوى وفيه الفيل نمبر وميعاد ومكان المقابلة (اتنين فى واحد)

وورقة تاكيد لميعاد المقابلة اما بالقبول او الرفض لو كان هناك سبب قهرى مع ذكر السبب ويجب ان يكون الرد خلال 30 يوم من تاريخ ارسال جواب المقابلة والا يتم رفض الطلب

وباقى الورق عبارة عن الاوراق المطلوبة تكون معاك ومين الاشخاص اللى مفروض تحضر الانترفيو وهل انت تحتاج مترجم ام لا

انا بصراحة محتار مش عارف ااجل المقابلة ولا اتكل على الله وادخل المقابلة لانى مش مستعد للسفر سوريا خالص دلوقتى وظروف الشغل وطفلى الصغير كلها مشاكل

[malekmalooka]

سلام للجميع

النهاردة جالى جواب بتحديد المقابلة

يوم 25/8 الساعة 8:30 فى سوريا

والجواب مبعوت من يوم 14/6 ولسة واصل النهاردة بعد 15 يوم (البريد المصرى)

المشكلة انا مش عارف ليه فى سوريا ومش فى مصر مع العلم ان ميشن مصر يبتدى 29/8 ودى حاجة هتجننى وكمان ليه اتبعتلى جواب مش ايميل

الظرف عبارة عن 6 ورقات بالفرنساوى وفيه الفيل نمبر وميعاد ومكان المقابلة (اتنين فى واحد)

وورقة تاكيد لميعاد المقابلة اما بالقبول او الرفض لو كان هناك سبب قهرى مع ذكر السبب ويجب ان يكون الرد خلال 30 يوم من تاريخ ارسال جواب المقابلة والا يتم رفض الطلب

وباقى الورق عبارة عن الاوراق المطلوبة تكون معاك ومين الاشخاص اللى مفروض تحضر الانترفيو وهل انت تحتاج مترجم ام لا

انا بصراحة محتار مش عارف ااجل المقابلة ولا اتكل على الله وادخل المقابلة لانى مش مستعد للسفر سوريا خالص دلوقتى وظروف الشغل وطفلى الصغير كلها مشاكل

مبروك لحضرتك و عقبالنا جميعا متتضايقش يمكن يكون ليك خير هناك وبعدين بيقولوا سوريا وشها حلو على كل الناس

هو حضرتك كنت بعتت امتى وحضرتك في الليست ولا لأ لاني اعرف حد في الليست و جاله الانترفيو في سوريا

[romany beshay]

شكرا يا ملك ملوكة

انا فعلا فى اللستة

انا كيميائى

وبعت من 15/5 واستلموا الملف 17/5 ومن سا عتها دى اول حاجة توصلنى منهم بالمقابلة على طول

واللى حضرتك بتقولى مقابلته فى سوريا بيشتغل ايه ومقابلته يوم كام؟

(على فكرة مبيردوش على الايميلات خالص انا هرتهم ايميلات من ساعة ما بعت ولا حس ولا خبر وفى الاخر بيبعتوا بالبريد المصرى

انا محتار اعمل ايه حد يفيدنى