اختبار انما ايه.. خطييير

[doha]

نظرتك للفأر هي نظرتك لعدوك .. لو بتخاف منه .. لو بتحتقره .. لو بتهاجمه .. كل دي مشاعرك الحقيقية تجاه اعدائك بشكل عام .. شوف انت وصفت الفار بايه في الواقع انت بتوصف عدوك او موقفك منه هو موقفك من اعدائك اجمالا ..

نظرتنا للبحر هي نظرتنا لحياتنا .. الي بيحس انه مجهول ويخوف فده نظرته لحياته وللمستقبل .. إلي بيشوف انه صافي ومريح للاعصاب فده شخص بيتعامل مع الحياه ببساطة وتفاؤل ووضوح .. والي بيشوفه مرة كده ومرة كده فحياته بالنسبة له مرة كده وبرضه مرة كده ..

اللون الابيض بيفكرنا عاده بتوام روحنا .. يعني اكتر شخص بترتاح له وبتحس انك انت وهو واحد هو ده الي بيرتبط في ذهنك غالبا باللون الابيض . طبعا نستثني من كده لو حد مشهور بلبس الابيض وقفز الى ذهننا لما تذكرنا هذا اللون ..

اللون الاحمر هو لون الحب الحقيقي .. لو بيذكرك بشخص ما فالشخص ده مفروض انك بتحبه بجد ..

بكرا بقى اقولكم على الحيوان المفضل حكايته ايه ..

[doha]

رائعة وايه انا اترددت شوية مين اكتبه فى 3 ومين فى 7 ففضلت فى 3 اكتب طبعاً الحكومة وفى سبعة الاولانى والحدق يفهم

فوجئت بالنتيجة مظبوطة بشكل مرعببببببببببببببب وكله كوم وحكاية رقم عشرة دى تناسبك ( اعذرينى يوم زفافك !!!!!!!!!!! )

شكراً على البسمة

ان جيت للحق فالرائعه فعلا الصورة الرمزية بتاعتك .. من زمان وكل ماشوفها لازم اتوقف لتاملها فترة قبل مااتابع .. وبالمناسبة دي اسمح لي لو سألتك هل الصورة دي من رسمك ولا هي صورة عالمية ؟

سامحني على جهلي لو كانت صورة مشهورة وانا معرفهاش اما لو كانت لك فيبقى بجد اكتر ماشاء الله ملكش حل ..

[حسام يوسف]

المرة دي القصة ظبطت تمام أوى معايا يا مدام ضحي

بخصوص الفأر والبحر

بس بخصوص الابيض انا بحترم طيبته وأخلاقه لكن بتضايق من ضعفه

(صديقي عبدالسلام)

وأما عن الأحمر(حسام حسن)

فبحترم رغبته فى الفوز والنصر

لكن برضة بختلف معاه أوقات

مش عارف

بس بجد بشكرك

وفى انتظار اختياري للحيوان واللى كان القرد

وشكلها هتقلب باشتغالة عليه فى المنتدي كله :angry:

[doha]

المرة دي القصة ظبطت تمام أوى معايا يا مدام ضحي

بخصوص الفأر والبحر

بس بخصوص الابيض انا بحترم طيبته وأخلاقه لكن بتضايق من ضعفه

(صديقي عبدالسلام)

وأما عن الأحمر(حسام حسن)

فبحترم رغبته فى الفوز والنصر

لكن برضة بختلف معاه أوقات

مش عارف

بس بجد بشكرك

وفى انتظار اختياري للحيوان واللى كان القرد

وشكلها هتقلب باشتغالة عليه فى المنتدي كله :lol:

مهو مينفعش حسام حسن لان لو اخذت بالك قلت لازم تكون تعرفه ( معرفة شخصية ) يعني انت عارفه وهو كمان عارفك ..

[لماضة مصرية جدا]

بكرا بقى اقولكم على الحيوان المفضل حكايته ايه ..

السلام عليكم و رحمة الله و بركاته

محدش يا ولاد الحلال يقولنا هي استاذة ضحي راحت فين... اصل يا خويا (وش الداكتور شديد) جاوبت انا ع الحيوان الاليف ده و محدش رد عليا (بس حاسة انها ممكن يبقي ليها علاقة بشريك الحياة مثلا)

انا جاوبت الحصان و الدولفين و كفيت و شفيت ووفيت في الاجابة.... و بالنوسبة لاخر مستجدات حديقة الحيوان اليكم ما يلي:

الحصان خلاص صحته بقت مخستكة خالص... و ان شاء الله هنخليه يسرح علي عبرية حنطور

اما الدولفين.... فبيطلب من رابطة السلام الاخضر انها تتدخل فورا.... احسن خلاص مزفزف م البرد و الانتظار

و فيه اخ لينا فاضل برضه كان بيتكلم عن القرود

آدينا مستنين..... يا قوي

:rolleyes: