# أسئلة مخيفة جدا...وأفكار محيرة ...ممكن أجد لها إجابة #

[esocial]

طيب البيضة ولا الفرخة

؟؟؟؟؟؟؟؟؟؟؟؟

[أحمد سيف]

(( لو خيرت ...وطبعا ده افتراض ...يعني لو حصل بعد أن تم حسابنا ... ووجدنا ( نتيجة الحساب ) اننا نستحق مثلا 100 سنة في النار ومن ثم ندخل الجنة بعد قضاء هذه المدة...وطبعا 100 سنة لا نعرف هل خي مثل سنين الدنيا اما غير ذلك ،وهذه ليست القضية ...المهم لو خيرنا 100 سنة في النار لتكفير الذنوب وبعدها خلود في الجنة ....وكان هذا هو الخيار الأول أما الخيار الأخر هو

-- الموت بعد الحساب والتلاشي إلا مالانهاية ....!!! ياترى اختيارنا هيكون ايه )))

شوف يا أبو ريم ... رياضيا ومنطقيا لازم تختار الخيار الأول ... لأنه مهما كان النعيم الذي نحصل عليه في الجنه صغيرا فإننا عندما نضربه في مالانهاية نحصل على مالانهاية ... ومهما كان العذاب الذي نحصل عليه في النار كبيرا فإننا حين نضربه في رقم محدد (100) نحصل في النهاية على رقم متناهي ... اللانهاية أكبر من اي رقم متناهي فتكون المحصلة في النهاية موجبة ... بينما المحصلة في الخيار الثاني صفر

لكن هناك ملاحظتين (على الأقل) على هذه الطريقة ... أولا قيمة الزمن، يعني هل العذاب اللحظي يعادل متعه مستقبلية مكافئة له ... ثانيها قيمة العذاب والمتعة لكل فرد مختلفة أو ما يسمى Utility theory وبالتالي فإن الخيار يمكن أن يكون مختلفا بالنسبة لأشخاص مختلفين تحت نفس الظروف

[Abu Reem]

طيب البيضة ولا الفرخة

؟؟؟؟؟؟؟؟؟؟؟؟

ماتستعجلش بس يا esocial ، ماهو أنا علشان مش كل واحد يتكلم من منظور ديانته قلت خلي الدين مؤقتا جانبا ، لأن احنا بنتكلم

عن عالم كبير من أول سيدنا آدم إلى قيام الساعة ...وهناك مليارات لا يعرفون..ما جاء به رسولنا عليه الصلاة والسلام

وممكن ده يخلي ناس تطرح تساؤلات وتقول مثلاً......لماذا لا يكون...ما جاء في القرآن او السنة....غير حقيقي....وندخل في دوامة وتساؤلات متشعبة لن تنتهي...

لذلك خلينا يا سيدي نفكر كده على الفطرة المجردة ...وبعد كده يمكن ..نصل الى ...قناعة...وقد تكون هذه القناعة..اما متفقة مع الأديان او لا تتفق .....

المهم أن نصبر في الحوار ولا نتعصب ولا نتحيز.......فالموضوع كما قلت ...أفكار وخيالات..قد تكون لا منطقية.....

[عاشق الترحال]

الظاهر اننا نسينا ( يا أهل الجنه خلود بلا موت , ويا أهل النارخلود بلا موت )

وأن من أقل الناس عذاب يوم القبامه رجل يؤتى بجمره من نار توضع تحت قدمه فيفور الدم من دماغه

الكلام ده بيفكرني لما نزلت آيه ( عليها تسعة عشر ) والمقصود بيها الملائكه اللي على ابواب جهنم

فقام واحد من الكفار وأظن أنه أبوجهل أو أبو لهب ضحك وقال لأتباعه طالما هما 19 احنا مش هنقدر نضربهم ونقتلهم ونخرج منها ولا ايه ؟؟!!

ويؤتى يأنعم أهل الأرض فيغمس غمسه فى النار ثم يسأل , هل وجدت نعيم فى الدنيا فيقول لا وربي ما تنعمت

ويؤتى بأشقى أهل الدنيا فيغمس غمسه فى الجنه ثم يسأل , هل وجدت شقاء فى الدنيا فيقول لا وربي مات شقيت

كلاهما ينسى ما كان فبه وذلك إما بسبب نعيم الجنه وعذاب النار

تم تعديل 15 ديسمبر 2009 بواسطة عاشق الترحال

[أبو محمد]

أنا حاجاوب اهو .. بس بعد ما أراجع قانون عدم فناء الطاقة "الطاقة لاتفنى ولا تستحدث ولا تخلق من العدم"

أنا كده ماشى صح يابو ريم ولا خرَّمت :lol:

[أبو محمد]

آه .. افتكرت .. "....... ولكن يمكن تحويلها من صورة إلى أخرى" :lol:

[Abu Reem]

أنا حاجاوب اهو .. بس بعد ما أراجع قانون عدم فناء الطاقة "الطاقة لاتفنى ولا تستحدث ولا تخلق من العدم"

أنا كده ماشى صح يابو ريم ولا خرَّمت :lol:

طاقة lmo: ....آه خدتها زمان ... بس انت ناوي تبدأ من أيام الطاقة :P

طيب ما تجاوب على السؤال الثاني علشان ده اجباري والأول اختياري :lol:

[justme]

اولا ابدأ باسم الله

بص يا عم ابو ريم

الله يكرمك

انت فتحت موضوع شائك ومدداخل الشيطان فيه كتير قوي بس يمكن برضه يكون فيه طريق لتثبيت القلب على طريق الهدى ولكن المشكلة اننا قد نخسر في هذا الموضوع عقيدتنا اذا ما كان القلب ضعيف

انا مش لاقي حد عايز يرد وبصراحة يمكن ما اكونش مؤهل للرد ولكن ساجتهد لعل الله ييسر هذا الأمر

اولا تنحية الدين ليست بموضوع منطقي

لماذا

سأقول لك لماذا

ولكن دعني ابدأ بإجابة سؤال

هذا صحيح دعني اذن نرجع الى البداية

طب لو كنا جينا صدفة ليه مفيش معانا مخلوقات بانواع كتيرة متطورة غيرنا يعني كنا ممكن شوفنا قرود تطورت لتبقى شبه البشر زينا او على درجة من الذكاء سواء في البحر او في البر ولكن لا لا لا

او كنا تطورنا واصبحنا نطير مثلا

ان ما يحير العلماء نظام الجسم البشري المعقد المتطور الذي نعجز امامه سوى ان نقول سبحان المبدع

مش معقول نبقى لوحدنا صدفة في هذا الكوكب الضخم مع كل تقنياتنا الحديثة التي فخرنا بها

لم نستطع ان نجد حياة عاقلة غيرنا طب ليه

اذا نظرنا الى تركيب الخلية ستجدها عالم متطور يعمل بنظام ضمن ملايين الخلايا التي تكون جسدنا

ما الذي يدفعها للعمل بهذا النظام البديع الذي اقل خلل فيه معناه نهاية الحياة

يبقى لازم نؤمن ان فيه سبب وراء هذه المخلوقات الذكية التي قفزت في سلم التطور العلمي خلال بضعة الاف من السنين التي في عمر الارض لا تعني شيء

يعني احنا اتحطينا هنا

سيبك من نظرية اننا جئنا بالصدفة لان الصدفة اذا حدثت قد تتكرر على مر هذا الزمن

يعني في عدة ملايين من السنين حضارة عاقلة واحدة

احصائيا تكاد تكون مستحيلة

يبقى فيه حد وراها

طيب نشوف حاجة تانية

اذا كنت فاني وجدت من لا شيء إلى لا شيء طيب ما الذي جعلني موجودا اصلا ولماذا لم نستطيع اكتشاف تلك القوة الخفية التي اذا تركت الجسد لم تكن ابدا اي تقنية حتى الأن لتعيده

بل نحن الأن نعجز ان نعكس اثر الشيخوخة لنعيد الشباب مثلا

اذن هذه الدورة التي نمر بها تقريبا محكمة طب ليه

لأن كل منا له وقته وهذا شيء محسوب مسبقا

وبعدين هذه الهندسة والنظام العجيب ليس وليد الصدفة لأن القوانين مترابطة بشكل غير طبيعي يعني نظام حد حاطه مجاش كده

ولا ايه

عموما في الأخر

هقولك نروح للدين

لأن كل ما لدينا

عاجز عن التفسير

احنا اتحطينا هنا

مفيش دليل علمي واحد بيقول اننا جئنا من تطور وانما ظهرنا فجأة

وقد جاءت في الدين غيبيات تحققت بعد اكتر من الف سنة

طيب قوللي باله عليك واحد طلع آية واحدة غلط

يمكن تفسيرها غلط لكن بعدين حد بيفهمها صح

وارجع الى معجزات القرأن وما كان مستحيل ان يتنبأ به احد بدقة

حتى لو كان تقنيا متفوقا

هموما ده مؤقتا وما جال بخاطري وارجو من الله ان اكون موفقا في تحريك الاتجاه الصحيح

وارجع اقول الموضوع خطير وسيفتح باب خطير

وانا فيه كتاب قيم احب انك تقرأه لأبن القيم

اسمه اغاثة اللهفان من مصايد الشيطان وستتعجب لحيل الشيطان الكثيرة

تم تعديل 15 ديسمبر 2009 بواسطة justme

[جيمي]

[font="Arial

ولكن لو لم يكن القرآن تعرض لهذا الأمر ..فهل لنا أن نصدق أو نتخيل هذا بعقلنا ..ما فائدة أن كان لي وجود قبل الحياة ولكني لا أتذكرها

ولا أشعر بها...إذن ما فائدتها....هل لها فائدة......font]

ياريت حد فعلا يجاوب على السؤال ده وخصوصاا ... حسب اعتقادي ... ان الحياة الاولي او ما يطلق عليها عالم الذر .. ستكون حجه على المشركين ... كما جاء فى الايه الكريمه ( وَإِذْ أَخَذَ رَبُّكَ مِنْ بَنِي آدَمَ مِنْ ظُهُورِهِمْ ذُرِّيَّتَهُمْ وَأَشْهَدَهُمْ عَلَى أَنفُسِهِمْ أَلَسْتُ بِرَبِّكُمْ قَالُوا بَلَى شَهِدْنَا أَنْ تَقُولُوا يَوْمَ الْقِيَامَةِ إِنَّا كُنَّا عَنْ هَذَا غَافِلِينَ )

[safaalabana]

وأرجو أن تشاركوني التفكير في الإجابة او على الأقل في تبادل الخواطر حول هذه الأسئلة دون خوف أو تردد أيا كنت مسلم أو مسيحي أو يهودي ، سني أو شيعي أو درزي أو كردي ، أو وهابي أو بهائي أو علماني أو حتى أٍي شيء أخر

ويما أن بعض هذه الاسئلة قد تكون غريبة أو عجيبة او خيالية فلا أريد أن يظن أي أحد أن طرحي لهذه التساؤلات معناها عدم إيمان أو نقص دين بل كل ما في الأمر أنني أحب أن اسمع وجهة نظركم أو أراؤكم او معلوماتكم عن هذه الأسئلة أو القضايا التي قد يخشى الكثير الاقتراب منها لذلك فلنكن هنا اكثر شجاعة وموضوعية ونطرح ما بداخلنا ببساطة.

الأسئلة كثير ولكن خلونا نسخن بسؤالين كده على الماشي

س/ عمرك فكرت أنك ممكن تموت وتتلاشى وترجع كما كنت قبل ان توجد في الكون بمعنى ان موتك ليس بعده شيء....هل حد فاكر كيف كان قبل أن يوجد....لا شيء ...عدم ...لا ذاكرة لا مستقبل ولا تفكير ولا أهداف .....فقط ...لا شيء ...

ألا يخيفك هذا التفكير ....؟؟؟؟؟؟؟؟؟؟

معلش قبل الاجابة وقبل ان تقولوا لا حول ولا قوة إلا بالله.... ابو ريم اتجنن.... :P المسالة ليس لها علاقة بما هو موجود في الكتب السماوية فأكيد في الاديان أو في العقائد تفسير لما سيحدث بعد الموت ....ولكن بما أن الناس جميعا مختلفين في العقائد المتعددة ...فخلينا مثلا نبدأ بالنقاش بإفتراض أن كل ما وصلنا من كتب سماوية ليس صحيحا وأننا خدعنا على مر الزمن؟؟؟

أوعي حد يضرب :lol: مش قلت لكم نتكلم بتجرد ، ونبعد في البداية عن التفسيرات من منظور ديني

ربنا يستر أيه رأيكم أكمل ولا بلاش

الاخ الفاضل ابو ريم....هون على نفسك يا اخى الكريم فقد دكر الحبيب صلى الله عليه وسلم ان الشيطان ياتى للانسان ويقول له من خلقك  فيقول الانسان خلقنى الله ثم يقول الشيطان من خلق الكون فيقول الانسان خلقه الله فيقول له ابليس ادا ومن خلق الله وسالنا رسولنا الكريم ان نستعيدبالله من تللك الوساوس

قد تقول لى ولمادا بدأتى مناقشتك بالدين باقوال الرسول صلى الله عليه وسلم واقول لك يا اخى الكريم ... لانى اصدقه عن اقتناع وحب واعلم انه ما ينطق عن الهوى

وان اشفق عليك ان تناقش سؤالك هدا بعيدا عن الدين وكأنك تلقى بنفسك فى بحر امواجه عالييه .. تاركا زورق النجاه ..وانت يا انسان ايها الضعيف زاهب هناك لتبحث عن الحقيقه ...

ولتستريح عن نفسى خطر ببالى سؤالك وتدكرت ..انى فى سنتى الاولى فى كلية الطب اثناء التشريح رأيت الكلي وادا بى اسال المعيد اهدا هو حجمها الطبيعى ام انها صغيره لانها كلي مريضه فقال لا هدا هو حجمها ...ولكنها تبدو صغيره اصغر من حجم كفى وهى تقوم بهدا العمل الرائع وانتم تعلمون حجم جهاز الغسيل الكلوى ....وجدتنى اقول سبحان الخالق وحين درست الخليه التى ترى بالميكروسكوب وكانها مصنع كبير ومعقد يعمل بكل زكاء واتقان ...مره اخرى قلت سبحان الله ...وحين علمت ان الرسول الامى سوئل عن متى يتحد جنس الجنين وقال فى الليله الاربعين من خلق النطفه وان عالما كنديا اسلم هدا العالم اسلم بسبب هدا الحديث لانه عالم embryologyوهو علم الاجنه هو تابع النطفه دارسا لها بالميكروسكوب وظهرت كل الكروموزومات الا الكروموزوم المسئول عن نوع اجنين ظهر فى الليله الاربعين ... مره اخرى هتفت صدق رسول الله وصدق الله العظيم الخالق ا ... ارى يا اخى الفاضل انك قد تكون اكثر منى ايمانا واكثر علما ولكنها كلمات اردت اشاركم اياها .. ادعو الله ان يثبت قلوبنا على دينه .

[Abu Reem]

أهلا بأخي الغالي justme

طب لو كنا جينا صدفة ليه مفيش معانا مخلوقات بانواع كتيرة متطورة غيرنا يعني كنا ممكن شوفنا قرود تطورت لتبقى شبه البشر زينا او على درجة من الذكاء سواء في البحر او في البر ولكن لا لا لا

أنا طبعا لم أقل مطلقا أننا أتينا صدفة ولم أتطرق لموضوع الصدفة ، ولكن فقط تخيلت أنه بعد الموت هل ممكن البعض مثلا وليس الكل ينتهي ويفنى ...الى العدم ..يعني لا جنة ولا نار ،

يعني علشان نخفف المسألة فقط نقول هل يمكن حدوث ذلك لأسباب مثلا لم يخبرنا بها الله ...أقصد أن يكون مصير بعض الناس ..موت وفناء نهائي بلا جنة ولا نار....

_---------------------

,هناك جملة عجبتني في كلامك وهي

بس يمكن برضه يكون فيه طريق لتثبيت القلب على طريق الهدى

[أبو محمد]

(( لو خيرت ...وطبعا ده افتراض ...يعني لو حصل بعد أن تم حسابنا ... ووجدنا ( نتيجة الحساب ) اننا نستحق مثلا 100 سنة في النار ومن ثم ندخل الجنة بعد قضاء هذه المدة...وطبعا 100 سنة لا نعرف هل خي مثل سنين الدنيا اما غير ذلك ،وهذه ليست القضية ...المهم لو خيرنا 100 سنة في النار لتكفير الذنوب وبعدها خلود في الجنة ....وكان هذا هو الخيار الأول أما الخيار الأخر هو

-- الموت بعد الحساب والتلاشي إلا مالانهاية ....!!! ياترى اختيارنا هيكون ايه )))

- أرجو التفكير جيدا قبل الاجابة على السؤال الثاني ..ف 100 سنة في النار ليل نهار صباح مساء مسألة رهيبة ..واللي مش متخيل عنده أقرب مكواة ملابس ..يفتحها شوية ويقربها من وجهه ويحاول كده ..ولا بلاش ....ههه 100 سنة نار وبعدين خلود في الجنة ولا حكم بالموت السريع والتلاشي الى الابد ...يعني لا جنة ولا نار .....وده مجرد افتراض ..بس عاوز اعرف أجاباتكم

لا لا لا يابو ريم .. كده مش عدل ابدا .. إنت قلت فى الأول نترك الاجابة القائمة على الأديان السماوية .. وفجأة نلاقيك بتشطب الحوار بعد ما خليتنى أرجع حوالى 50 سنة للخلف عندما فكرت فى سؤال مثل سؤالك ....

أنا كنت باحب مادة الطبيعة "الفيزياء" .. ومادة الميكانيكا .. كنت باحبهم جدا فى ثانوى .. وقريت نظرية النسبية قبل ما ناخدها .. وعرفت قوانين الطاقة التى لاتفنى ولا تُستحدث ولا تُخلق من العدم ولكن يمكن تحويلها من صورة إلى أخرى .. يعنى الطاقة الحرارية نحولها لطاقة كهربية والطاقة الكهربية نحولها إلى طاقة حركة أو طاقة ضوئية أو حرارية وهكذا ...

وقريت زمااااااااااااااان إن هناك أبحاث لتجميع الطاقة .. يعنى لو قلنا ان الطاقة الصوتية لم تتلاشى سيقى ممكن لو جمعنا الطاقة الصوتية دى (إن لم تكن تحولت إلى صورة أخرى من صور الطاقة) .. مثلا ممكن نرجع صوت أى واحد سواء الواحد ده كان حى أو ميت .. لأن صوته طاقة .. والطاقة دى لا تفنى ......

ما علينا

أنا كنت بافكر - وقتها - إن الإنسان ده عبارة عن طاقة فى صور مختلفة .. ومعنى موته إن طاقة حركته وطاقة تفكيره وطاقة صوته حتى مادته التى تكوّن عامل من عوامل طاقته قد تحولت إلى شكل آخر من أشكال الطاقة (أو مجموع طاقات) وممكن جدا إنها تكون إنسان تانى أو طير أو حيوان أو سمكة أو حتى حشرة .. وكنت قريت عن تناسخ الأرواح .. وكنت بقول إن روحى دى كانت روح حد تانى وحلت فى جسدى وبالتالى ممكن روحى تحل فى جسد تانى وتبقى انسان تانى .. وده ممكن يفسر إن ساعات نقابل ناس يتهيألنا إننا شفناهم .. وساعات نمر بموقف يتهيألنا إننا مرينا بنفس الموقف فى وقت ما

شفت بقى أنا كان دماغى متمخول ازاى ؟

أنا مش حاجاوب السؤال التانى قبل ما تقول لى : برضه السؤال التانى ده مطلوب نجاوب عليه دون الرجوع إلى عقيدتنا .. أم أن هذا الشرط كان يتعلق بالسؤال الأول فقط ؟

[justme]

هو موضوع الصدفة ده ميتردش عليه غير بالقرأن

"افحسبتم انما خلقناكم عبثا وانم اينا لا تجعون"

العقيدة تبنى بالتدريج

اذا امنا بوجود الله أولا

وبأنه هو الخالق وان الاسلام حق والقرأن صدق فلابد من اعماله

وعموما ليس لدي اجابة غير اني متأكد انني جئت لهدف

وطالما اني أثرت في الناس وتأثرت فلابد لي من حساب

وإلا انتفى العدل للناس الذين ظلمتهم

او لي ممن ظلموني ولكن مغفرة الله اقرب ان شاء الله

فإذا انتفى العدل في هذا الشيء يعني انتفى وجود ناموس للكون

وهذا اختلال يحكم على المنظومة بالفشل اتمنى ان اكون اجبتك

وده برضه اجابة السؤال الثاني لأن المجرم اذا حكم عليه لا يخير والكافر هيقول ياليتني كنت ترابا لأن في ده رحمة له من العذاب

ومعنى سؤالك التاني اني امنت بالدين وده معناه اني هاخده كله ومكنش في حاجة اسمها اختيارات في الحساب

وبعدين رحمة ربنا اوسع مننا

فالواحد يكون متفاءل برحمة الله

وارجو ان ينالنا رحمته وهدايته في الدنيا والأخرة

تم تعديل 15 ديسمبر 2009 بواسطة justme

[ذهبية]

مش عارفة لية يا ابو ريم و انا بقرأ السؤال التانى اللى هو مية سنة فى النار و بعدها جنة خالدة

تذكرت الحمل و الولادة ازاى الام بتكون عارفة ومجربة الحمل قد اية متعب و الطلق بتاع الولادة رهيب وبرضة بتخلف تانى

و بتستحمل التعب و الالم علشان تبص فى وش ابنها و تلاقى حد يقول لها يا ماما

مش عارفة لية فكرة الجنين جوة بطن الام وطريقة نموة وخروجة لاول مرة فى هذا الكون الصرخة المصاحبة لنزولة لاعلان وجود فرد جديد

على كوكب الارض شدتنى و بافكر فيها طول ما انا بقرا تاملاتك وتسؤلاتك

ولية الانسان اول حاجة بيعملها و هو بيستقبل الكون انة يصرخ

وحسيت ان زى ما الحاجة بتبدا بتاخد دورتها و ترجع تانى زى ما جت زى الجنين والطفل و الشاب و العجوز و لو تتبعنا ان الانسان بيبدا

معتمد على غيرة الام و لما بيكبر بيحتاج برضة بعتمد على غيرة فى العجز

اللى بيحرنى جدا اننا كلنا بنمر بمواقف كتيرة فجاة نقول انا شوفت المشهد دة قبل كدة

واللى بيحرنى اكتر الاحلام لية لما ساعات بيجى لنا فى الحلم اشياء بتتوقع لنا المستقبل و بتحذرنا منها او العكس

مع ان الغيب عن الله

[tantrum]

هو موضوع الصدفة ده ميتردش عليه غير بالقرأن

"افحسبتم أنما خلقناكم عبثا وأنكم الينا لا ترجعون"

العقيدة تبنى بالتدريج

اذا امنا بوجود الله أولا

وبأنه هو الخالق وان الاسلام حق والقرأن صدق فلابد من اعماله

وعموما ليس لدي اجابة غير اني متأكد انني جئت لهدف

وطالما اني أثرت في الناس وتأثرت فلابد لي من حساب

وإلا انتفى العدل للناس الذين ظلمتهم

او لي ممن ظلموني ولكن مغفرة الله اقرب ان شاء الله

فإذا انتفى العدل في هذا الشيء يعني انتفى وجود ناموس للكون

وهذا اختلال يحكم على المنظومة بالفشل اتمنى ان اكون اجبتك

وده برضه اجابة السؤال الثاني لأن المجرم اذا حكم عليه لا يخير والكافر هيقول ياليتني كنت ترابا لأن في ده رحمة له من العذاب

ومعنى سؤالك التاني اني امنت بالدين وده معناه اني هاخده كله ومكنش في حاجة اسمها اختيارات في الحساب

وبعدين رحمة ربنا اوسع مننا

فالواحد يكون متفاءل برحمة الله

وارجو ان ينالنا رحمته وهدايته في الدنيا والأخرة

الكلام ده جميل جدا و الله يا Just Me و كنت أريد أن أرد بمثله.

و أنا سأؤجل رأيى لحين بدء مناقشة الأمور من الناحية الدينية لأنى لا أرى أى سبيل أخر لمناقشتها سواه...لأنه بدون ذلك ربما يجرنا الحديث لمناطق قد لا تكون مستحبة شرعيا بل مكروهه بل ربما أكثر بكثير مثل الحديث عن الروح و ماهيتها و تناسخ الأرواح و أمور أخرى.

و الفت نظر الزملاء لمراجعة أقوال العلماء فى حكم القول بتناسخ الأرواح قبل إستسهال الكلام عنها.

تم تعديل 15 ديسمبر 2009 بواسطة tantrum

[أبو محمد]

و أنا سأؤجل رأيى لحين بدء مناقشة الأمور من الناحية الدينية لأنى لا أرى أى سبيل أخر لمناقشتها سواه...لأنه بدون ذلك ربما يجرنا الحديث لمناطق قد لا تكون مستحبة شرعيا بل مكروهه بل ربما أكثر بكثير مثل الحديث عن الروح و ماهيتها و تناسخ الأرواح و أمور أخرى.

و الفت نظر الزملاء لمراجعة أقوال العلماء فى حكم القول بتناسخ الأرواح قبل إستسهال الكلام عنهم.

للدرجة دى ؟؟!!

شكرا لك .. الآن أرى الصورة أوضح

[tantrum]

للدرجة دى ؟؟!!

شكرا لك .. الآن أرى الصورة أوضح

عفوا يا أبو محمد

أنا مش فاهم قصدك

أن كنت تعتقد أنى أقصدك بكلامى فلا و الله لأنك قلت أنه كان تفكيرك سابقا و ووصفت ذلك الفكر بأنه كان متمخول.

أنا لم أقصدك أنت يا سيدى الفاضل.

[ozoozo]

-ببساطه هل تعرف نظريا انه يمكن استنساخ اي شخص متوفي من مليون سنه لو وفرت شفرته الجينيه في حاله معينه

طيب الشفره الجينيه هالاقيها متوفره فيين؟؟؟

في اي خليه

طيب كل الناس يتبقي منهم عجب الذنب

طيب لو الواحد مات محروق اوفي البحر او انفجار اكيد هاتفضل اي خليه منه

مش عايز الخليه كلها انا عايز نواه الخليه

لا لا مش النواه كلها انا عايز جزء بروتيني صغير اللي هو

DNA

وده القالب اللي هابني عليه الشخص الجديد

هايكون خليه ثم اتنين ثم اربعه الي ان يصير جنين

اذن البعث ممكن نظريا وبواسطه الانسان

كده بفرض اني ملحد وفكرت بعيد عن الدين

طيب اعمل ايه لو عرفت ان في حديث-لا اعلم مدي صحته

انه للتحضير لعمليه البعث سينزل مطر من السماء اربعين سنه للمساعده في البعث

اي ان البعث ستكون عمليه معقده

وليس كما يتصورها البعض انها ستتم في لحظه واحده دون تحضير

اذن حتي لو استبعدت التحليل الديني واستخدمت التحليل العلمي فقط

سيقودني في الاخر للنتيجه الدينيه

ولكني افهم وجهه نظرك انت تعرض افكار من نوعيه ماذا لو؟

تم تعديل 15 ديسمبر 2009 بواسطة ozoozo

[justme]

هو انا عايز اقول نقطة مهمة

ماذا لو

ان لو تفتح عمل الشيطان

واستخدامها هنا للشك اكتر من الإيمان وانا ضد ده

انا معا ابو ريم في حقه في البحث عن اجابة

ولكن بهدف تثبيت العقيدة وليس زعزة الإيمان

وعلشان ده الأيات اللي كانت بتنزل في الأول كانت في العقيدة اساسا

لأن المهم العقيدة

وربنا هيحاسبنا في الأساس على لا إله إلا الله

يعني العقيدة برضه

بالنسبة لموضوع العملية معقدة لأ هي مش معقدة

بس ربنا خلق نظام

وعلشان العدل لازم يستمر ودي صفة من صفاته جل وعلى

يبقى لازم انه يورينا عظمة ابداعه فينا بأنا يرجعنا من نفس اصلنا وبمكن ده والله اعلم هيكون رد على الكافرين وسؤالهم

أئذا متنا وكنا ترابا وعظاما أئنا لمبعوثون

وهو اذا اراد بكلمة نرجع كلنا لكن زي ما قلنا ربنا مش محتاج يبرهن قدرته وكمان يبرهن عجز الناس اللي بتدعي القدرة على البعث

كمان الزمن ملوش معنى لأن الزمن ده حاجة بتمر علينا احنا

وادراك الزمن مختلف

تخيل انت في اختبار الزمن المحدد ده علشان تاخد فرصتك تحل ولذلك بتبقى بتحسبه بالثانية لكن المراقب مش فارقة معاه لأنو برا الاختبار لكن لازم يحكمك فيعد عليك

وكمان انا حابب اضيف حاجة قبل ما انام

لابد لحل مشكلة من توافر معطيات مناسبة

وتكون فاهم القاعدة علشان توصل بالبرهان للحل

وده للأسف مش دايما عندنا

يعني ممكن يكون تفسيري غلط

ولكن ده على قد علمي القليل ولذلك لا يعلم تأويله إلا الله

وعلشان كده

احنا ممكن نتبع قاعدة

اذا كان كل ما عرفناه ثبت صحته من مصدر واحد

يبقى في الغالب اللي منعرفلوش تفسير من المصدر ده برضه صح

لأنك معندكش دليل ضده

وملقيتش غلطة لغاية دلوقتي او تناقض او من هو اصح

يبقى مينفعش ادور بره على تفسير

[أحمد سيف]

اذا امنا بوجود الله أولا

وبأنه هو الخالق وان الاسلام حق والقرأن صدق فلابد من اعماله

على فكره مسألة وجود الله ومسألة أن الإسلام حق والقرآن صدق وكلاهما من عند الله مسألتين مختلفتين ... وإثبات الأولى لا تؤدي تلقائيا الى الثانية

الموضوع الأساسي الذي كنا نناقشه مع صاحبنا الملحد هو هل القرآن هو فعلا من عند الله ... وهل الإسلام (وباقي الأديان السماوية) فعلا هي فعلا أديان من عند الله ... هو كان يقول لا ويسوق أدلة (أو شبهات سمّها ما شئت :lol: ) على ذلك وكنا جميعا نحاول الرد عليه ... هو كان مؤمن بوجود صورة معينة من القوة العظمى في الكون ولكنه يعتقد أن اليهودية والمسيحية والإسلام جميعها أديان اختلقها البشر وجميع الكتب السماوية كتبها البشر لتحقيق أهداف معينة.

نحن تعودنا ربط وجود الله بصحّة الإسلام والقرآن ولكن الأمر ليس بهذه البساطة. مجرد ملاحظة.