عندى مشكلة عويصة مع بنتى

[president]

قربت اتجنن منها

عمرها 4 سنوات وشهرين

تصدقى ياماما نونا انا كنت فاكر ان أولاد حضرتك مثلا فى اوائل الثلاثينات <_< .

اسم حضرتك كان على طول بيوجه تفكيرى لكريمه مختار فى مسلسل حماده عزو .

احنا قعدنا فى المشكله دى من اول مابنتى راحت المدرسه من السنه اللى فاتت .

هيا عندها اربع سنين وشهر . فعلا كنا بنعانى الأمرين عشان ماتنامشى بعد المدرسه ولو نامت كنا بالليل بنعانى من نفس المشكله بطريقه أفظع

البيت كله كان بيتذنب ماهى لازم تحس ان البيت كله هينام اشمعنى هيا . انا اعمل نفسى نايم فى اودتى ومامتها تنام جنبها عشان تنيمها لدرجة بقت مرات كتير

مامتها تنام عندها وتيجى هيا تنام جنبى . اكتشفنا حاجه غريبه انها حابه انها تنام فى الأوده بتاعتنا مش عارف ليه . لدرجة ان فى ايام لما كنا عايزين ننيمها بدري

نقولها نامى فى اودتنا تبقى مبسوطه وتروح تنام لوحدها ومش محتاجه حد ينيمها وبعد ماتنام ننقلها اودتها . بس ده ماكنش حل .

.بس الحمد لله المشكله اتحلت لوحدها مؤقتا وبالصدفه البحته . مبقاتش تنام لما تيجى من المدرسه ومن غير ضغط وفايقه وبتعمل الواجب بتاعها

احترنا فى سبب التغير المفاجئ واكتشفنا منها انها بتنام فى الباص وهى جايه من المدرسه يعنى تقريبا نص ساعه . ودا بيفوقها لغاية الساعه 9 او 10

وبعد كده بتنام . طبعا المشكله ماتحلتش حل جذرى بس على الأقل البيت بقى هادى من خناقات بالليل مع مامتها عشان موضوع النوم .

اما موضوع انها برده تسيب اودتها وتيجى تنام معنا . كل شويه نوديها اودتها وترجع تانى لغاية ماحنا اللى نزهق وعايزين ننام ونسيبها تنام معانا.

مستنين صدفه تحللنا الموضوع ده .

ربنا يهديهم كلهم

[enjisultan]

خايفة وانه مينفعش تنام من غير ما حد يحضنها

والله يا دكتورة عندىدى نفس المشكلة دا انا حاسة ان انا اللى باشتكى بس عندى مشكلة اصعب

مش بيناموا الضهر ولا كمان بيرضوا يناموا باليل مصفحين

ولو صاحين 100 ساعة لازم انا اللى ادخل انيمهم ما يهونش عليهم يدخلوا كدة زى الشاطرين ويناموا

والارخم ن كدة كمان ان طول الليل باحس انى فى مطاردة اسيبهم بقى وانام فى اوضتى بعد ما انيمهم

الاقى الجوز واحدة نايمة على رجلى والتانية على ايدى

ايدى تنمل اقوم اروح انا م فى اوضتهم

اجى اتقلب وانا نايمة الاقى واحدة برضة فى رجلى وواحدة فى ايدى باصحى الصبح مضروبة بالنار حاسة انى كنت باتمشى طول الليل

دول ازاى يناموا اصلا وكمان ازاى يفضلوا نايمين طول الليل من غير الفسحة اللى بيتفسحوها ورايا دى

[rewsha]

والله الواحد ضحك كتير قوووى على مضوضوع عمو الاحلام ده

بس بجد عمو الاحلام ده ينفع مع العيال الطيبه اه والله

معلش يادامو متزعليش بس عمو الاحلام دى تنفع مع الاطفال لكن اليومين دول مبقاش فيه اطفال

العيال بقت عارفه كل حاااااااااااجه

هو احنا عمرنا عرفنا ان اطفال يجى ليها اكتئاب الا اليومين دول

بصراحه .كلامك كله صح الصح ....مابقاش في اطفال ينضحك عليهم بعمو الاحلام دلوقتي

ده همه اللي هايضحكوا علينا

انا مره باقول لبنتي الصغيره (العصفوره قالت لي انك عملتي كذا وكذا)

لاقيتها بتقول لي (العبي غيرها )....هيه العصفوره بتتكلم يا ماما؟

ولما حاولت اقنعها انه نوع معين من العصافير وانها صاحبتي انا بس وبتحكي لي على اللي بتشوفه .

لاقيت بنتي بتبص لي بصه مش ولابد .وبتقول لي .....طب وريني العصفوره بتاعتك دي

بصراحه بقيت في نص هدومي ومش عارفه ارد اقول لها ايه

بس عموما ....

حاولي تخليها ماتنامش العصر باي طريقه من الطرق والكلام ده لمدة يومين اتنين .وبعد كده هاتتظبط لوحدها

بس انت اصبري عليها يومين اتنين

ولو نجحتي انك تنيميها بدري ...يبقى كده مشكلة انها تنام في غرفتها اتحلت بانك تنامي جنبها الاول وبعد كده تروحي الاوضه بتاعتك

ولو صحيت في منتصف الليل

ارجعي تاني معاها في غرفتها

الموضوع هايتعبك شويه ....بس لازم ....انت هاتتعبي في الاول لكن بعد كده هاترتاحي

انا عن نفسي حاطه تلفزيون في غرفة البنات عندي باشغله على كارتون لما يجو ينامو علشان يبقوا مرتبطين بغرفتهم في موضوع النوم

[mama nona]

ألاخت الفاضله

طبعا أنا عتدي نصائح كتير لكن أكيد الامهات الي هنا هيكونوا أقدر مني في توصيلها ,, لكن النصيحه الاهم من وجهة نظري و عن تجربه ,,, أياك ثم أياك من أستخدام الضرب مع أطفالك , أنا عارف ان ده موضع صعب علينا كلنا لاننا أتربانا كده ,, لكن يمكن أهلنا مكنش عندهم الوعي أو العلم المتوفر لينا ,, أنا عندي 3 أطفال و دائما الطفل الاول بيكون معمل تجارب للتربيه و هو الي بيأخذ كل البهدله لاننا مكناش عارفين نتعامل معاه اذاي ,, لكن أخواته الوضع بيختلف معاهم ,, و أنا كنت علي خلاف دائم مع زوجتي بسبب ضربها المستمر للبنت علي كل غلطه أو عياط و خصوصا أن البنت عندها أفراط حركي و ذكيه جدا ,, و اليوم عندها تسع سنين ,,, لا تخاف نهائي من أي عقاب لانها مرت بالاسوء ,, علي خلاف أخواتها الي لم يتعرضوا لعقاب الضرب نهائيا ,, مجرد كلمة عازهل منك يبكي ,,

لذلك أشدد في النصيحه أياك و الضرب أو العصبيه الشديده ,, و يفضل دائما ممارسه هواية التمثيل مع الاطفال لمصلحتك و مصلحتهم ,, يعني تمثلي أنك زعلانه غضباه جدا ,, بتبكي ,, لكن حاسبي لتقلبي جداااااااااااا

و الله الموفق

شكرك لحضرتك يا اكسيلانس

عارفة كويس انه الضرب غلط بس الواحد لما بيتنرفز وخلاص معتش لاقى طريقة يعمل ايه ؟

اختى جربت الضرب من بدرى والوقتى ولادها معدوش بيهتمو لاى عقاب هى هتعمله مهما كان .

ادينى بحاول اضحك شوية وامثل شوية واضرب شوية لغاية ما يكبرو ويعرفو الصح من الغلط

[mama nona]

قربت اتجنن منها

عمرها 4 سنوات وشهرين

تصدقى ياماما نونا انا كنت فاكر ان أولاد حضرتك مثلا فى اوائل الثلاثينات tot:: .

اسم حضرتك كان على طول بيوجه تفكيرى لكريمه مختار فى مسلسل حماده عزو .

احنا قعدنا فى المشكله دى من اول مابنتى راحت المدرسه من السنه اللى فاتت .

هيا عندها اربع سنين وشهر . فعلا كنا بنعانى الأمرين عشان ماتنامشى بعد المدرسه ولو نامت كنا بالليل بنعانى من نفس المشكله بطريقه أفظع

البيت كله كان بيتذنب ماهى لازم تحس ان البيت كله هينام اشمعنى هيا . انا اعمل نفسى نايم فى اودتى ومامتها تنام جنبها عشان تنيمها لدرجة بقت مرات كتير

مامتها تنام عندها وتيجى هيا تنام جنبى . اكتشفنا حاجه غريبه انها حابه انها تنام فى الأوده بتاعتنا مش عارف ليه . لدرجة ان فى ايام لما كنا عايزين ننيمها بدري

نقولها نامى فى اودتنا تبقى مبسوطه وتروح تنام لوحدها ومش محتاجه حد ينيمها وبعد ماتنام ننقلها اودتها . بس ده ماكنش حل .

.بس الحمد لله المشكله اتحلت لوحدها مؤقتا وبالصدفه البحته . مبقاتش تنام لما تيجى من المدرسه ومن غير ضغط وفايقه وبتعمل الواجب بتاعها

احترنا فى سبب التغير المفاجئ واكتشفنا منها انها بتنام فى الباص وهى جايه من المدرسه يعنى تقريبا نص ساعه . ودا بيفوقها لغاية الساعه 9 او 10

وبعد كده بتنام . طبعا المشكله ماتحلتش حل جذرى بس على الأقل البيت بقى هادى من خناقات بالليل مع مامتها عشان موضوع النوم .

اما موضوع انها برده تسيب اودتها وتيجى تنام معنا . كل شويه نوديها اودتها وترجع تانى لغاية ماحنا اللى نزهق وعايزين ننام ونسيبها تنام معانا.

مستنين صدفه تحللنا الموضوع ده .

ربنا يهديهم كلهم

يااااه دنا كده المفروض اكون اديت الخدمة وطلعت معاش من زماااااااااااااااااااااااان اوى

شكرا لمرور حضرتك

ال تعبنى بقى فالموضوع هو خناقات بليل دى

انا تقريبا كل يوم بليل ببكى من ولادى

واسأل زوجى هو كل ال عندهم اطفال بيحصلهم كده ؟

ربنا يبارك فى ولاد حضرتك ويهديهم لك ومعاهم كل اطفال المسلمين

[mama nona]

خايفة وانه مينفعش تنام من غير ما حد يحضنها

والله يا دكتورة عندىدى نفس المشكلة دا انا حاسة ان انا اللى باشتكى بس عندى مشكلة اصعب

مش بيناموا الضهر ولا كمان بيرضوا يناموا باليل مصفحين

ولو صاحين 100 ساعة لازم انا اللى ادخل انيمهم ما يهونش عليهم يدخلوا كدة زى الشاطرين ويناموا

والارخم ن كدة كمان ان طول الليل باحس انى فى مطاردة اسيبهم بقى وانام فى اوضتى بعد ما انيمهم

الاقى الجوز واحدة نايمة على رجلى والتانية على ايدى

ايدى تنمل اقوم اروح انا م فى اوضتهم

اجى اتقلب وانا نايمة الاقى واحدة برضة فى رجلى وواحدة فى ايدى باصحى الصبح مضروبة بالنار حاسة انى كنت باتمشى طول الليل

دول ازاى يناموا اصلا وكمان ازاى يفضلوا نايمين طول الليل من غير الفسحة اللى بيتفسحوها ورايا دى

المشكلة الواحد بيفضل يلف طول النهار وطول الليل كمان ورا ولاده

ال مضايقنى اكتر انه عندى امتحانات كمان شهرين واتأخرت كتير فالمذاكرة وكل ما انوى اذاكر معرفش من ولادى

وابنى بقى غاوى شخابيط فالكتب بتاعى لما بيجلى انهيار عصبى كل يوم

شكرا لمرورك

[mama nona]

والله الواحد ضحك كتير قوووى على مضوضوع عمو الاحلام ده

بس بجد عمو الاحلام ده ينفع مع العيال الطيبه اه والله

انا عندى العيال فى العيله حااااااااااااااجه صعبه بجد انا معرفش ايه ده

بس بجد انا عندى طريقه بوصل ليها للى انا عاوزه بسهوله جداً

دائماً العيل المفتح بيكون غيرو جداً طبعاً انا بلعب على الوتر ده وبذكاء كمان

يعنى بعمل حوار انا ومامته مثلاً وهو بيكون قاعد وبطعاً بدون ما نقول نلاقيه بيقول انا عاوز اعمل كذا وكذا

لوحده يعنى

ممكن تجربى الموضوع ده بس فى الاول جربى فكرة عمو الاحلام بس على ما اعتقد مش هتنفع مع اطفال اليومين دول

وخدى باااااااااااالك العيال بتسأل فى كل حاجه يعنى هتلاقى اسئله عن عمو الاحلام ملهاش نهايه

معلش يادامو متزعليش بس عمو الاحلام دى تنفع مع الاطفال لكن اليومين دول مبقاش فيه اطفال

العيال بقت عارفه كل حاااااااااااجه

هو احنا عمرنا عرفنا ان اطفال يجى ليها اكتئاب الا اليومين دول

اهلا بالحاج عنبى

انت كده جبت الخلاصة

معتش فيه حاجة اصلا اسمها اطفال

وصدق المثل ال قال (ال مربوهوش اهله ....تربية الايام والليالى وعياله )

[om marawan]

يا جماعة هو عمو الاحلام مش هيفيد فى ان الاولاد يناموا

لكن ممكن انه يستغل فى مساعدتهم على التخيل

يعنى مثلا قصة مطولة على حلقات كده

طبعا هو عارف انه خيال وتأليف لكن الفكرة هتفيد فى تنمية الميول الابداعية فى الأطفال

والموقف او القصة اللى حكيتها دامو تشبه القصة الأشهر عن مصنع الشيكولاتة اللى عملها فيلم جونى ديب

يعنى هى حاجة زى حدوتة لكن زى ماقلت على حلقات

ولانها حدوتة بسيطة فممكن الطفل يشارك فيها ويألف معانا شخصيات

نقدر نقول انها زى بابا نويل مثلا ولكن بتصرف wst::

طبعا هو الطفل عارف انه هزار لكنه ممتع ومفيد

ومش مفروض خااااااالص انه يعتقد انه جد لانه هيفهم مع الوقت انه مش حقيقى وهيتخيل اننا كدبنا عليه

لكن ممكن كل يوم نحكى عمو ( اى اسم ) فى مصنع الشيكولاتة

وعلى الاساس ده لو اتصرفنا صح ماما ( مش عمو ) هتجيبلنا شيكولاتة

او عمو فى جزيرة اللبن والبسكوت وهكذا

وتتطور الشخصية حسب سن الطفل

يعنى عمو راح الصين ونحكى عن الصين وهكذا

والحقيقة احنا هنكون برضه شغلنا تفكير الطفل عن انه يفكر يفضل صاحى

طبعا كل ده لفترة او بالتبادل مع قصص تانية عشان يكون فيه تنويع فى الشخصيات والقصص

معلش يا ماما نونا ياصغيورة ( مش قد كريمة مختار طبعا ) اسفة على انى خرجت عن الموضوع

لكن الفكرة عجبتنى وممكن نطبقها بشكل مافيهوش كذب ولا تقليل طبعا من ادراكهم ولكن فيه ابداع يناسب سن الاطفال وعقلياتهم كل حسب سنه وميوله

يعنى انا اوقات اعمل ايدى زى منقار البطة واعتبرها شخصية بتكلم ابنى وبتعلب معاه والاطفال كلهم بيحبوا كده جدااا

وفيه كمان فى edufun شخصيات بتتلبس فى الايد وتحكى بيهم الحواديت ممكن واحدة منهم تكون عمو اسماعيل ياسين فى الصين ده

بالنسبة لموضوع النوم

حضرتك حاولى فى الطرق اللى قالوها الزملاء ولكن اهم حاجة بتكرار رتيييييب وبنفس الترتيب

يعنى الطفل بيفضل يمتحن قدرتك على الزهق والرجوع للنظام القديم فترة طويلة

وكل ماهيحاول ويلاقى نفس السيستم الجديد مع الوقت هيبتدى يزهق ويعرف انه مافيش تغيير

معلش ربنا يعينك ويجازيك خير على تعبك معاها :blush2:

تم تعديل 16 ديسمبر 2009 بواسطة om marawan

[لماضة مصرية جدا]

السلام عليكم و رحمة الله و بركاته

حبايبي الحلوين

و الله كنت مستمتعة جدا بافكاركم و اقتراحاتكم اللي فعلا بتخلي الواحد يمخمخ كده

هو واضح ان كل اللي عندهم اطفال (ربنا يبارك فيهم و يدلعوا......بس بلاش أوي كده) عندهم نفس المشكلة

انا عندي ولاد اخويا كانوا يبتدوا الصهللة ع الساعة 1 و العيال الصراحة عفاريت لعب و تنطيط و الحقيقة انا اللي كنت بسخن فيهم و ننزل المرتبة ع الأرض و المخدات و نقعد نعمل خيم و حاجات

المهم طبعا هو باباهم كان مسافر اثناء فقرة اليوم المفتوح اللي انا كنت ببوظهم فيها..... و عشان كده لما رجع ابتدي يدربهم علي موضوع النوم بدري و الاهم النوم كل واحد في سريره

النوم بدري .......لازم العيال متنمش الضهر خالص.... حتي لو جم ع المغربية كده و ابتدوا يسقطوا..... اعملوا اي حاجة و فوقوهم

النوم بقي في السرير لوحدهم

1- مامتهم اخدتهم و قالتلهم احنا هنزوق الاوضة و اختاروا انتوا براحتكم..... العيال طبعا ما اخدتش خوانة و نزلت بقي حتتك بتتك في الذواق

2- لما جه معاد النوم.... بدل مامتهم ما تنام جنبهم حطيتهم في السرير ..... و حطت كورسي جنب السرير و مسكت ايديهم

2- اليوم اللي بعده.... الكورسي يتحرك 5 سم..... و لان طبعا ايديهم قصيرة بطلنا مسك الايدين.... عشان متدلدلش بقي و توجعهم

3- طبعا ممكن يقوموا بالليل و يجوا في زيارة مفاجئة لغرفة الاب و الام.... طبعا الاب هيكمل نوم عادي جدا..... تقوم الام و تودي العيل الرخم السرير و برضه تقعد ع الكرسي

و متنمش جنبه ع السرير بوتاتا

4- يفضل الكرسي يبعد.... كل يوم ازيد م اليوم اللي قبله

5- طبعا كل يوم يعدي ع الطفل ينام فيها لوحده و ميزورش الغاليين ف الاوضة التانية..... يبقي فيه جايزة..... و يا سلام بقي لو احنا قاعدين في وسط العيلة و نحكي آد ايه الواد عمورة بقي شطورة..... و كل الناس تباركله و تهنيه كأنه راجع م الحجاز

بصوا هي الطريقة دي نفعت مع ولاد اخويا الحمد لله

بس بقوا يناموا بدري.... و في اوضتهم

و انا فرشت المرتبة ع الارض و المخدات و ملقتش حد يلعب معايا......معلش الصيف جاي و اهريهم لعب

فوتكم بعافية

[mama nona]

على فكرة بقى اختراع عمو الاحلام طلع هايل جدا

بس الصعوبات ال قابلتنى

اول حاجة نوع الشيكولاته ال حطها تحت المخدة مش بتحبها ولازم تعرف رقم تليفونه علشان تتصل عليه وتقوله غير النوع

وكمان علشان لما تعمل حاجة غلط تعتذر له و لون لبسه وبيعيش فين وازاى بيعرف يدخل بيعرف يدخل بيتنا والباب مقفول

وكمان عنوان بيتهم علشان نبقى نعدى عليه نزوره

وشكله اي

بجد جربوه البنت كانت طايرة من الفرح لما مدت ايديها تحت المخدة ولقت فيه حاجة فعلا

ده طبعا لانها تممت تحت المخدة قبل ما تنام انه مفيش حاجة

ومن فرحتها صحت باباها من النوم علشان توريله الهدية بتاعة عمو الاحلام

وكمان راحت الحضانه تحكى لهم عليه

بالنسبة للنوم الضهر انا منعتها وفعلا جت للساعة 8 وبقت تنام على نفسها بس صحبت تانى بعد نص ساعة

وفضلت صاحية لنص الليل مش عارفة تنام

هحاول ارتب الوقت واحدة واحدة معاها ان شاء الله

وشكرا على مروركم جميعا ونصائحكم المفيدة

وياريت نخلى التوبك ده على كل مشاكل الاطفال ال بنواجهها يوميا واهو الكل يستفيد ان شاء الله

سلام