الديب فريزر

[المهندسه]

السلام عليكم يا اخوانى

عاوزه اشترى ديب فريزر اشتريه منين فى الرياض و ايه افضل الانواع و الاسعار لو تكرمتم مع العلم انا عاوزه اصغر واحد كفايه .ياريت لو حد يقدر يفيدنى يقولى لانى خايفه اروح الحراج اجيبه مستعمل و يطلع فى مشاكل اصلى مش هقدر احكم عليه فى ساعتها و يبقى الواحد ادبس و ارجع اشترى الجديد .

شكرا لكم

[بندق أفندى]

مع انى ما عنديش خبرة فى الديبات .. انما ينصح بديب فريزر رأسى

فيه ألاسكا وفيه أوشن وفيه توشيبا وفيه ال جى وفيه سامسونج وفيه ويرلبول وفيه كلفينيتور .. متوفر كل الأنواع دى فى اكسترا او اى هيبر ماركت جامد او ساسكو

[doha]

كان عندي كتاب اكثر من رائع عن تجميد الطعام في الديب فريزر وكان فيه معلومات قيمه جدا بالخصوص ده ..

من الحاجات الي فكراها منه نصيحه مكتوبه في اوله انك تشتري اكبر ديب فريزر تقدري عليه لان الفرق في السعر مابين الاحجام يكاد لايذكر مقارنة مع فرق الامكانيات ..

وقالوا كمان ان الرأسي ( الادراج ) الي يشبه الثلاجه العاديه احسن من الافقي ( الي زي بتاع المحلات وبيكون زي صندوق كده ) .. وطبعا كل مازادت ادراج الفريزر كل ماكانت سعته اكبر . .

بالنسبة لتشتريه منين ممكن من اكسترا ممكن من الشتاء والصيف ممكن الكيتروا .. مش هقدر ارشح لك مكان اكثر من الثاني لاني بصراحه مسالتش قبل كده على ديب فريزر فمش عارفه الاسعار او المميزات شكلها ايه في كل دول .. بس هم عامه دول افضل محلات من ناحية السعر ..

بالنسبة للحراج اصرفي نظر في الثلاجات بالذات عن المستعمل ..

و متشتريش حاجه تقفيل محلي حتى لو كانت ماركه مشهورة .. اشتريها تقفيل بلادها افضل ..

واخيرا .. متعمليش حسابك تشتريه عشان ( تنزليه مصر ) الي هتجيبيه استهلكيه هنا فقط لان مش اقتصادي ابدا تجيبي ثلاجه او ديب فريزر من هنا ..

[المهندسه]

السلام عليكم

شكرا جدا بندق افندى لردك و دى فرصه كويسه اعبرلك عن اعجابى جدا بأكلاتك الجاااامده و نشاطك الواضح فى المنتدى و خاصه قسم المطبخ.

وشكرا لك ياضحى توضيح الامور لى من ناحيه الشراء من الحراج انا فعلا كنت متردده و شكرا للرد ده مش غريبه عليكى انتى من الاعضاء الاكثر نشاطا و ايجابيه.

[بندق أفندى]

السلام عليكم

شكرا جدا بندق افندى لردك و دى فرصه كويسه اعبرلك عن اعجابى جدا بأكلاتك الجاااامده و نشاطك الواضح فى المنتدى و خاصه قسم المطبخ.

وشكرا لك ياضحى توضيح الامور لى من ناحيه الشراء من الحراج انا فعلا كنت متردده و شكرا للرد ده مش غريبه عليكى انتى من الاعضاء الاكثر نشاطا و ايجابيه.

هو بس فيه حاجة عاوز أضيفها ... ممكن يكون اقتصادى انى اشترى وبعدين انزله مصر .. لو حسبنا انى هأشترى واحد مش غالى وليكن ب 1000 ريال وعند بيعه هأبيعه ب 300 ريال مثلا .. لكن لو اشتريت واحد قيم فى حدود 1600 ريال ..ويستاهل انزله مصر ساعتها هتكون تكاليف نقله والجمرك (اللى بينخفض جدا على المستعمل) هى قميته اللى بأشتريها بيها .. كده بقت حسبة اقتصادية .. خصوصا انه يمكن شحنه برا .. تكلفة الشحن والجمارك فى حدود من 700 الى 1000 ريال

[doha]

السلام عليكم

شكرا جدا بندق افندى لردك و دى فرصه كويسه اعبرلك عن اعجابى جدا بأكلاتك الجاااامده و نشاطك الواضح فى المنتدى و خاصه قسم المطبخ.

وشكرا لك ياضحى توضيح الامور لى من ناحيه الشراء من الحراج انا فعلا كنت متردده و شكرا للرد ده مش غريبه عليكى انتى من الاعضاء الاكثر نشاطا و ايجابيه.

هو بس فيه حاجة عاوز أضيفها ... ممكن يكون اقتصادى انى اشترى وبعدين انزله مصر .. لو حسبنا انى هأشترى واحد مش غالى وليكن ب 1000 ريال وعند بيعه هأبيعه ب 300 ريال مثلا .. لكن لو اشتريت واحد قيم فى حدود 1600 ريال ..ويستاهل انزله مصر ساعتها هتكون تكاليف نقله والجمرك (اللى بينخفض جدا على المستعمل) هى قميته اللى بأشتريها بيها .. كده بقت حسبة اقتصادية .. خصوصا انه يمكن شحنه برا .. تكلفة الشحن والجمارك فى حدود من 700 الى 1000 ريال

كلام مظبوط بس اجمالا اي جهاز كهربائي ( معمر ) عمره الافتراضي في حدود عشر سنوات .. ايوه في اجهزه بتقعد كتير وممكن تعدي عشرين سنة شغاله لكن الغالبية بعد العشر سنوات خلاص بتكثر مشاكلها ده ان فضلت شغاله من اساسه ..

فلو اضفنا لكل ده ان مصر بتنتج ثلاجات كويس هتكتشف ان الجهاز المستعمل الي نزلته من هنا وقف عليك باكتر من ثلاجه جديده محلية الصنع في مصر كنت هتشتريها وانت مرتاح ولا شيل ولا حط والاهم عليها ضمان وصيانة متوافرة في اي وقت ..

ده رايي الي كونته بعد سنين طويلة كنا بنجيب فيها اجهزه من هنا ونوديها مصر وندفع قد تمنها اربع خمس مرات سواء ثلاجه او بوتاجاز او تلفزيون او اي حاجه تخطر في بالك لنكتشف انها بتتصنع في مصر ببلاش مقارنة بما دفعناه والاهم عليها ضمان وصيانه وفي النهايه كله بعد سنين هيبوظ ويترمي وتضطر تشتري غيره ..

[المهندسه]

السلام عليكم

انا هنزل اشوف الاسعار و اقولكم و نبقى نحسبها سوا و على العموم انا عاوزاه هنا لان جوزى مش بياكل اكل بايت فى الثلاجه و كمان بيحب النواشف و مش بياكل خضار بأستثناء ملوخيه و اميه فعوزة اخزن كميه منهم و من الكفته مثلا عصائر ..الخ اقترحوا عليا... انتوا برده بينى و بينكم هنزل مصر الشهر الجاى و هجيب معايا كميه من اللحمه بدل الكاوتش البناكله هنا و بط و خلافه بلاش اشوقكوا بقه. وكمان احتمال اشتغل فعاوزة اجهز اكلات مسبقه ولان بنتى هتدخل المدرسه هنا فمبدئيا هقعد 5-6 سنين هيكون الديب فريزر قدم و استخسر ادفع عليه فلوس انزله مصر!!!!

شكرا لكم