اذهب إلى المحتوى
محاورات المصريين

مواقف الخطوبة المضحكة.... حبة شقاوة

لماضة مصرية جدا

بواسطة لماضة مصرية جدا
في دعوة للأبتسام

 مشاركة

Recommended Posts

لماضة مصرية جدا عضو جديد

لماضة مصرية جدا

بتاريخ:
بتاريخ:

السلام عليكم و رحمة الله و بركاته

حبايبي الحلوين

لقيت حبة مواقف خفة مووووووووووووووووت....... و طبعا بقلم عمر طاهر

هاتوا الفوشار....

اتربعوا في الكورسي...

ريحوا المجانص....

خلي الموبايل في ايدك... عشان انا عارفة انك (يا كابتن) و انتي يا كابتونة... هتتصلوا بالضحية بتاعتكو بعد المقال

استعنا ع الشقا بالله

يا قوي

آن آن آآآآآآآآآآآآآآآآآآآآآآآآآآآآآآآآآآآآآآآآىىن..........تش

مواقف الخطوبة المحرجة

خدعوك فقالوا: «الخطوبة فترة تعارف».. فمعرفة أي شخص علي حقيقته تحتاج لحياة حقيقية قائمة بالفعل ووقت طويل والكثير من المواقف المشتركة.

الخطوبة هي الفترة التي يقضيها كيس الخضراوات المجمدة مع كيس اللحم المجمد بعد خروجهما من الفريزر حتي يذوب الثلج، ويبدأ الاندماج الحقيقي عندما يصبحان في إناء واحد مع «حبة» ملح وفلفل علي نار هادئة.

أهم ما في فترة الخطوبة هو كمّ المواقف المشتركة التي تجمعك بالطرف الآخر، والتي تعطيك صورة تقريبية للطريقة التي يفكر بها، وأسوأ ما في الفترة نفسها قدر من المراهقة العاطفية التي تفرض علي الطرفين سلوكًا يقوم علي الحساسية المفرطة والتفكير العدواني.

الحساسية المفرطة سببها حرص الطرفين كل فترة علي اختبار قوة الحب الذي يجمعهما، لذلك تنشب مشاحنات يومية حول شئون تافهة تحت شعار الكرامة، وكان المفروض واللي يصح واللي ما يصحش، وفي حقيقة الأمر يود كل طرف أن يعرف مدي قوة الحب الذي يجمعه بالطرف الآخر ومدي قدرة هذا الحب علي تحمل المشاحنات والتفهم.

التفكير العدواني راجع لمحاولة كل طرف أن يعرف كيف يفكر الطرف الآخر، وهو في ذلك يفترض الأسوأ دومًا خوفًا علي حياته من أي صدمات أو مفاجآت.. «ما اتصلش.. يعني أنا مش في باله؟!».. «إنت ماقلتش كده.. يعني أنا كداب؟!».

فقط المواقف الكوميدية هي التي تجعل لأيام الخطوبة طعمًا وتفتح مساحة للمزيد من الحب والتفاهم والاندماج، خصوصا عندما تكون الكوميديا ناتجة عن مواقف محرجة.

والآن.. هل تعرف ما أكثر المواقف إحراجًا خلال فترة الخطوبة؟!

> تقف أنت وخطيبتك في مكان عام ويلفت نظرك أحد الأشخاص بمظهره الكوميدي وتبدأ في فاصل من التريقة بعد أن تلفت نظرها إليه وما إن يقترب منكما حتي تصيح «خالو ماجد..».

> تجلس مع خطيبتك في مكان عام وإلي جواركما منضدة عليها سيدة تضحك كل قليل بصوت عال يميل إلي الخلاعة.. وكلما اقتربت وخطيبتك من لحظة رومانسية تُطلق هذه السيدة ضحكتها المدوية.

> عندما تدعوها للعشاء وتكتشف أنك نسيت محفظتك والأسوأ ألا يكون مع خطيبتك أي نقود، والأسوأ أن يتكرر معك هذا الموقف.

> تقود سيارتك وإلي جوارك خطيبتك وتصيح فجأة «بُص أوضة الليفينج اللي في الفاترينة دي».. وتلتفت لثوان فتصطدم بالسيارة التي أمامك فينزل قائدها فاتحاً صوته في وجهك، وأنت تُنقّل النظر بينه وبين وجه خطيبتك.

> عندما تتأخر عن موعد رجوعك بخطيبتك إلي منزلها فتجد الأب في انتظارك، تصافحه وقبل انصرافك يقول لك «عايزك دقيقة».. وحواره معك في هذه الدقيقة سيكون غالباً حول فكرة: «وناويين علي إمتي إن شاء الله».

> عندما تكتشف أن خطيبتك لا تهاجمها آلام الضروس إلا عندما تكونان بمفردكما.

> عندما تسألك خطيبتك عن أجمل ما فيها فتمعن في البحث عن إجابة رومانسية وتقول لها «لون عينيكي» فترد عليك بنصف ابتسامة «بس دول لينسيز».

> عندما تتفق مع خطيبتك علي حضور حفل زفاف أحد أصدقائك فترتدي ألمع وأروش فساتينها وعلي باب القاعة تكتشف أن الفرح إسلامي.

> عندما تكتشف أن أسعار الأجهزة وقطع الأثاث التي اتفقت مع أهل خطيبتك علي شرائها ليست كما كنت تتخيل أو تعرف نتيجة قلة خبرتك، ويكون عادياً أن تسمع جملة مثل «هو فيه حاجة دلوقتي بألف جنيه».

> تذهب مع خطيبتك إلي كبابجي شهير ويقدم لكما القائمة وفيها أسماء لقطع اللحوم (موزة، نيفا، مخاصي، طحال... إلخ) وتسألك خطيبتك: يعني إيه مخاصي؟!

> عندما تحاول أن تختلس نظرة إلي فتاة جميلة في مكان عام وتضبطك خطيبتك وتواجهك بسؤال بسيط «بتبص علي إيه؟!».

> عندما تتصل بك علي موبايلك صديقة قديمة كنت قد أنهيت علاقتك بها وعادت للظهور وتتصل بك عدة مرات وأنت جالس مع خطيبتك وترفض الرد عليها.. المحرج أن تسألك خطيبتك «ما بتردش ليه؟!» والأشد إحراجاً أن تخطف خطيبتك الموبايل لترد هي بنفسها.

> تغلق تليفونك لتجنب مثل هذه المكالمات وتفتحه فتجد خطيبتك تتصل بك وتسألك وهي متوترة «قافل موبايلك ليه؟!».

> تجلس مع خطيبتك في مكان عام ثم تضحك فجأة وتقول لك بصوت عال «الراجل التخين اللي هناك دا وقّع الأكل»، فتلتفت فتجده ينظر إليكما أنتما - تحديداً - شذرا

> لمّا تكون قاعد مع حماتك وخطيبتك داخلة عليكو بالشاي، وهي بتصب لك الشاي يقع عليك ويغرقك - لحد هنا عادي - المحرج لما حماتك تقعد تشد فيك وهي بتقول لك «اقلع البنطلون.. اقلع البنطلون».

> لما تكتشف خطيبتك أنك مسجلها علي الموبايل باسم «Elmozza».

> لما تلاقي الجو في الشارع مناسب بعد سهرة رومانسية وإنت وخطيبتك في العربية وخلاص ها تروّحها.. وتطلب معاك «قبلة علي السريع»، وأثناء انهماكك في القبلة تري 2 أمناء شرطة واقفين لك بره العربية ومستنيينك لمّا تخلّص.

بس خلاص

فوتكم بفكرة شقية

رابط هذا التعليق
شارك
justme عضو جديد

justme

بتاريخ:
بتاريخ:

طيب خدو دول من عندي

لما تروح تخطب واحدة وتلاقي اخوها يعرفك من زمان واخر حاجة كانت بتفكركوا ببعض خناقة ضربتوا فيها بعض

لما تكون خاطب واتفسخت خطوبتك وبعدين لما تخطب تاني يوم الخطوبة تلاقي خطيبتك السابقة طلعت صاحبة خطيبتك الأنتيم

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
رضوي عضو جديد

رضوي

بتاريخ:
بتاريخ:
لما تروح تخطب واحدة وتلاقي اخوها يعرفك من زمان واخر حاجة كانت بتفكركوا ببعض خناقة ضربتوا فيها بعض

لما تكون خاطب واتفسخت خطوبتك وبعدين لما تخطب تاني يوم الخطوبة تلاقي خطيبتك السابقة طلعت صاحبة خطيبتك الأنتيم

ايه دة

حظ جامد قوي

بجد مش قادرة اتخيل الموقفين

وخاصة الموقف الأول

اول لما تشوفه تفتكر الخناقة بس مين اللي ضرب مين ( اصلها تفرق )

بس في الموقف التاني ازاي صاحبتها الانتيم وماتعرفش

البنات بيحكوا لبعض علي الحاجات دي بتفاصيلها

الا اذاكنت حضرتك الوحيد اللي ماتعرفش

بس ربنا يعوضك خير ان شاء الله

تحياتي

اللهم إرزقني بفرحة ... تجعلني أسجد لك باكية .

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
بتاريخ:

و يا سلام بقي

لما ربنا يكرمك و تخطب و يطلع لها اخ غبي ... بيخليك تكره نفسك و تكره عروستك من تحت راسه

و تكره ان الغبي ده هيبقي خال ولادك .. و تيجي تبص ع الاسباب ... ولا بلاش احسن

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
رضوي عضو جديد

رضوي

بتاريخ:
بتاريخ:

طب انا احكيلكم علي موقف حصل مع حد قريبي

وكان خاطب واحدة معرفة والدته وبعدين أثناء الخطوبة سألته انت حبيت قبل كدة قالها أه ( طيب اوي ) قالتله كان اسمها ايه قالها ياسمين .........وطبعاً قالتله مايفرقش معايا والمهم دلوقتي والحاجات دي

ومرت الايام وفي ذات يوم كانوا بيتكلموا عادي كدة في اسماء الاولاد ( ان شاء الله )

فقالها لو جبنا بنت نفسي اسميها ياسمين

وراحت صحبيتنا اتقلبت 180 درجة

طبعاً انت لسة بتحبها

ماهو الحب الأول عمرة مايتنسي

واتفركشت الحكاية

ههههههههههههههههههههههه

مع اني والله نبهته قلتله يابني ماينفعش

اصل الباشا يبقي أخويا

ربنا يستر لا يكون عضو في المنتدي وداخل باسم حركي

حتعلق واضرب ضرب

اللهم إرزقني بفرحة ... تجعلني أسجد لك باكية .

رابط هذا التعليق
شارك
justme عضو جديد

justme

بتاريخ:
بتاريخ:

هما الاتنين محصلوش ليا ولله الحمد

بس الاول جه على بالي وانا بقرأ الموضوع

اما التاني فده حصل فعلا مع واحد بس صديق لواحد زميلي وده انا مجيش فيه حاجة في مواضيع الجواز

وده خطب واحدة من محافظة تانية بس بالصدفة طلعت صاحبة صاحبة خطيبته الاول واتعرفت على خطيبته السابقة بعد ما خطبها وكتب الكتاب ولما عرفت فسخت الخطوبة مع ان الغلطان كان ابو خطيبته

دي قصة طويلة لو عايزين احكيها في مكانها في موضوع عايزة اتجوز

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
justme عضو جديد

justme

بتاريخ:
بتاريخ:

بمناسبة الاسامي دي

انا لما خطبت تاني مرة بقيت كل ماجي اتكلم مع خطيبتي ابقى عمال افتكر اسم خطيبتي القديمة وابقى قاعد خايف اغلط واندهها باسمها

تخيلوا بقى اذا الموقف ده حصل واتكرر

هتبقى مصيبة

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...