هو و هي....خناقة عفوية

[لماضة مصرية جدا]

السلام عليكم و رحمة الله و بركاته

معلش انا برضه تااااااااااااااااااااااااااااني

فاكرين مسلسل هو وهي.... احمد ذكي...سعاد جسني (ناقص تقولي ان الطاووس اجمل م الطاوووووووووووووووسة)

مقارنة لطيفة برضه....... عمر طاهر (ليه حاساه هيطب عليا و يقفشني من ياقة الزوكتة..... و يقولي يا بت انتي روحي العبي بعيد)

بصوا انتوا اقروا المقالة.... و لو تحبوا تضيفوا حاجات... بس الاهم انكم تضحكوا ضحكة حلوة كده آآآآآآآآآآآآآآآآآآآد الكون بحاله

أوحش بنت في العالم

> عقل الرجل مصمم بحيث يكون التفكير منصباً علي البحث عن لقمة العيش..

وعقل المرأة مصمم بحيث يكون التفكير منصباً علي البحث عن الرجل «اللي هتاكل منه العيش بتاعه».

> حتي يكون الرجل سعيداً مع زوجته لابد أن يحبها فقط .. وساعتها هيفهمها.

وحتي تكون المرأة سعيدة مع زوجها لابد أن تفهمه فقط.. وساعتها هتحبه.

> يصحو الرجل من نومه بالهيئة نفسها التي نام عليها تقريباً.

ولكن المرأة تتعرض للكثير من التحولات أثناء نومها.

> الرجل يدفع «2 جنيه» في شيء لا يساوي غير جنيه واحد.. لكنه يحتاج إليه.

والمرأة تستطيع أن تشتري «بجنيه» شيئاً يساوي «2 جنيه».. لكنها لاتحتاج إليه.

> في حمام الرجل 8 عناصر فقط هي غالباً فرشة الأسنان والمعجون والصابونة وماكينة الحلاقة، ورغوة وفرشة دقن وفرشة شعر وفوطة كبيرة، «غالباً بيبقي مكتوب عليها موبينيل أو دريم لاند». :aslam:

وفي حمام المرأة أكثر من 342 عنصراً لا يعرف الرجل معظمها.

> عندما يقول الرجل «أنا جاهز للخروج» فهو يعني أنه جاهز فعلاً وبمعني حرفي.

وعندما تقول المرأة «خلاص أنا جاهزة» فهي تعني أنها جاهزة «بس بتدور علي فردة الحلق وبتظبط ماكياجها وبتفضي شنطتها في شنطة تانية.

> الرجل يعشق الإثارة، لذلك المشاهد المفضلة لديه هي التي تبدأ بمطاردة وتنتهي بانفجار.

والمرأة تعشق الأفلام الرومانسية، والمشاهد المفضلة لديها هي التي تبدأ بكلام ناعم وتنتهي بقبلة.

> التليفون بالنسبة للرجل وسيلة لنقل المعلومات، وبالنسبة للمرأة هو وسيلة للتأكد منها.

> رحلة الرجل إلي «الحلاق أو الكوافير» تكون ناجحة عندما ينجح في الوصول بشعره إلي الطول المناسب الذي يليق عليه.

وتكون رحلة المرأة إلي الكوافير ناجحة إذا خرجت من عنده «ما حدش يعرفها».

> في الغرف المغلقة يكون حديث الرجل مع أصدقائه منصباً حول «الفلوس والكورة والستات».. الأولي بيشكوا منها والتانية مابيفهموش حاجة فيها والتالتة بتكون كلها تأليف ( أهه راجل و منكم و كشفكم..... مقولتش حاجة من عندي..... :waf: .

وفي الغرف المغلقة يكون حديث المرأة مع صديقاتها منصباً حول موضوع واحد «الرجل».. وهم يشكون منه وغير قادرين علي فهمه لكنهن صادقات جداً.

> عندما تعجب المرأة برجل (بتبتدي تتكلم معاه)، وعندما يعجب الرجل بامرأة (بيبتدي يسكت معاها).

> يفكر الرجل عادة «في سره» ومع نفسه.

بينما لا تستطيع المرأة أن تفكر بدون أن تتكلم.. «بتفكر LIVE».

> بالنسبة للمرأة.. كل طفل لديها هو FILE في حد ذاته تعرف كل مافيه.. ماذا يحب، ماذا يكره، مخاوفه القهرية، أصدقاءه المقربين، نقاط ضعفه وقوته.. إلخ

وبالنسبة للرجل.. الأطفال هي مخلوقات قصيرة ومزعجة تعيش معه في البيت.

> المرأة غالباً لا تعود إلي الاتصال برجل قطع علاقته بها واختفي.

والرجل وفي خلال ستة أشهر «بالكتير» يعود ليتصل بالمرأة التي قطع علاقته بها في مكالمة بعد منتصف الليل يكون فحواها «عايز أقول لك إنك دمرتي حياتي وإنك شخصية سافلة وأنا باكرهك.. بس مش عارف ليه حاسس إن لسه قدامنا فرصة».

> أجمل راجل في العالم هو الراجل اللي يسيب الست تضحك عليه، وأوحش راجل في العالم اللي الست تسيبه يضحك عليها.

أجمل بنت في العالم مش عارفة قيمتها ...وأوحش بنت في العالم عارفة نفسها كويس قوي.

بس خلاص

فوتكم بضحكة عفوية.... طلع م القلب....و بترقص في عينيا

[رضوي]

لمضمض

منورة

ايه الجمال دة

بجد رائع

كملي .............

[Damo]

والرجل وفي خلال ستة أشهر «بالكتير» يعود ليتصل بالمرأة التي قطع علاقته بها في مكالمة بعد منتصف الليل يكون فحواها «عايز أقول لك إنك دمرتي حياتي وإنك شخصية سافلة وأنا باكرهك.. بس مش عارف ليه حاسس إن لسه قدامنا فرصة».

دي جااااامده اكتر وحدة ضحكتني :wub:

[الباشمهندس ياسر]

بس هما لسه متخانقوش

انا عاوز دم