تجاره بأحلام البسطاء

[عاشق الترحال]

إلى متى سيبقى مسموح لهؤلاء بالتلاعب بأحلام البسطاء ؟

لم تعد هذه التجاره قاصره على البرامج ومن سيربح التليفزيون قصدي المليون ووزنك دهب والكلام ده بل لقد إنتشرت في السنوات القليله الماضيه العديد من القنوات الفضائيه المتخصصه فى هذه التجاره القذره والتي تحمل نفس الطابع المستفز من

المزيعات ( المايعه ) التي لا تكف عن الرقص والإستظراف والنصب على المشاهد لإيهامه بأنه بمكالمه واحده وإجابته على السؤال يحقق حلم الثراء ويربح الآلاف من الدولارات !!!!

السؤال لا يتعدى أن نطلق عليه إسم هايف مثل ( حاجه من بره خضرا ومن جوه حمره ومفتاحها حديد )واللي بيخلي المشاهد يتجنن ويكثف من إتصالاته أن أحد أتباع هذه المحطات يقوم بالإتصال على البرنامج ويجيب بإجابات خاطئه فيجعل المشاهد يقول في نفسه ياه كأنه مش عارفه يجيب على السؤال الهايف ده

لازم أتصل وصاحبنا يتصل ويدخلوه عالكنترول ويسمع رساله طويله كل الغرض منها إطالة مدة الإتصال لإستنزاف أموال من هذا المسكين وبعد ذلك يخبروه أن إسمه قد تم تسجيله على الكمبيوتر وفي أقر ب فرصه سيتم إختيار الأسماء التي تدخل على الهواء للإجابه على الأسئله !!!!!

وإبقي قابلني ( على رأي الفاضله روبي )

من هذه القنوات على سبيل المثال لا الحصر سهم , سترايك , الإماره

أحذركم من هؤلاء النصابين

وفيه كمان مجموعات بترسل رسائل على الإيميلات والموبايلات تقولك مبروك أنت كسبت سياره هامر أو شيك بمبلغ مليون دولار أو أو المهم وتقولك إتصل بالرقم ده علشان تدخل بياناتك وتستلم الجائزه أو أدخل بياناتك ورقم حسابك وحول لنا مبلغ معين المبلغ ده عباره عن مصاريف إداريه ومصاريف التحويل على الحساب .

وحصل معايا النوع ده عالإيميل واتصل الشخص عليا بعد ما بعت له رقم التليفون بتاعي علشان يكلمني وأتأكد من صحة الموضوع وقالي محتاجين تحول لنا مبلغ علشان قيمة المصاريف الإداريه والتحويلات وكده .

قلت له مش المبلغ 1000000 دولار أنا عاوزك تخصم منه 100000 دولار تاخد منها قيمه المصاريف والباقي هديه مني لك.

ومن ساعتها ماش فتش وش المعلم :h!!!h: وأكتر من مره استلمت رسايل عالموبايل تقول مبروك ربحت سياره هامر وشيك بمبلغ مش عارف كام بس بنفض ومعتش بهتم معاهم.

ومره دخل رجل سعودي مكتب من مكاتب التحويلات ( western unino ) وكان عاوز يحول لهم مبلغ كبير والموظف اللي هناك ربنا يكرمه قعد يقنع فيه انهم نصابين ودخلت فى الحوار وأقنعنا الراجل بالعافيه أنهم نصابين وإقتنع ومشى في النهايه.

أنا حبيت أتكلم عن الموضوع ده علشان نحذر بعض من هؤلاء المحتالين ومحدش يقع في المصائد والفخوخ ( جمع فخ ) بتاعتهم وشكرا

وكل عام وأنتم بخير

[myusername]

السلام عليكم,

مع احترامى الشديد... بس هو لسه فيه ناس ساذجة بتصدق الافلام الحمضانة دى؟

عموما.. الفقر و الجهل ممكن يعملوا اكتر من كده.

[عاشق الترحال]

مع احترامى الشديد... بس هو لسه فيه ناس ساذجة بتصدق الافلام الحمضانة دى؟

كتتتتتتتتتتتتتتتتتتتتتتتتتتتتتتتتتتتتتتتتير

والدليل أن البرامج والقنوات دي في إزدياد يعني العمليه رايجه ومربحه أوي لهم

مش كده ولا أيه ؟؟؟