مشكلة تشابه المعرف للأعضاء المسجلين الجدد

[حسام يوسف]

السلام عليكم ورحمة الله

مشكلة بدات تظهرلي أنا بشكل شخصي

ومش عارف اذا كان ممكن حد يتفق معايا ولا لأ

بعض الأعضاء الجدد يسجلون بمعرف مشابه جدا لمعرف أعضاء قدامى مسجلين بالفعل

ويحصل لبس

والواحد مش عارف بيتعامل مع مين

مثال

bongeorge

عضو وزميل قديم

جاء بعده الآن وشرفنا بالمنتدي

bongeorgeo

ومرة بعت رسالة للأول

وبعتها غلط للتاني

مثال أخر لتشابه معانى وليس تشابه حروف

هناك زميلنا وأحدث عريس بالمنتدي

ebnsina

وهناك عضو آخر

ابن سيناء

ممكن حد يقوللى

لا

انت مزودها

وركز أنت أحسن عشان خلاص ياللا حسن الختام

بس حبيت أقول رأيي

واحنا عادة فى تسجيل أى اسم جديد لدواء أو مستحضر

بنحط قاعدة عدم التشابه فى حرفين على الأقل مع اى اسم سابق وموجود بالفعل

ولو فيه حل تانى

يبقي ياريت

ولو مش شايفينها مشكلة الا عندي

يبقي حقكم عليه

صباحكم فل :h!!!h:

[doha]

تشابه ابن سيناء مع ابن سينا لفت نظري وتوقعت ان الادارة هتطلب من صاحبه تغييره ..

بس هو تشابه له عذره فابن سينا معروف وابن سيناء مفهومه ..

بس معليش اسمح لي واحد مسمي نفسه bongeorge

يعني واضح انه تعب اوي على ماجاب اسم متفرد .. ضاقت الدنيا بالاسماء خلاص يقوم من حظه يطلع له شبيه ..

بصراحه الاسمين شكل بعض اوي بما يدعوني للتسائل عن معناهما الي يخلي لهم هذا الانتشار برغم الصعوبه النسبية في النطق ..

[حسام يوسف]

التماس كمان من الادارة واحنا عارفين حجم العمل اللى عليهم ومقدرينه

ياريت تسجيل الاسم لو العضو مش عايز يكتب اسمه صريح زي العبدلله

يكتب معرف أو اسم له معني

مثال مع كل الاحترام طبعا

العضو

myusername

وغيره برضة كتير أمثلة

وشكرا للادارة

[عنبو]

موضوع يحتاج الى الاهتمام

وفعلاً بيحصل خلط كبير قووووى عند الناس

[justme]

هي ملهاش غير حل واحد ان التسجيل يبقى على مرحلتين مرحلة الاسم وبعدين الادارة تراجع وبعدين الموافقة

بس المشكلة ان الاسامي العربي اللي بالانجليزي دي هتبقى صعبة فنيا

هو في حل تاني بس رخم

ان الاسامي تتعمل تلقائية يعني العضو يخش يسجل ايميل ويتبعتله معرف تلقائي متاخد من اسم ايميله مثلا او ان يضاف رقم العضوية الى نهاية الاسم وجي ممكن تساعد شوية

[الباشمهندس ياسر]

كنت عاوز اضيف ان تسجيل العضوية يبي بالاسماء الحقيقية

لكن حسيت ان ده يبقي فيه نوع من التقييد ع الناس

و طبعا انا اؤيد دكتور حسام ف اللفتة الكريمة دي

[justme]

هو مشكلة الاسماء الحقيقية ان التشابه وارد متنساش في ناس كتير اسمهم بيبدأ بمحمد مثلا فالعملية ممكن تكون مزعجة

ولكنموضوع الرقم ده اللي فياخر المعرف ممكن يريح

[أسد]

ملاحظة هامة جداً ..

الأسماء عند إختيارها يتم التدقيق عليها ومراجعتها آلياً .. ويتم التأكد آلياً من أنه لا يوجد تشابه .. ولكن كما يعلم الجميع يمكن خداع النظام الآلي بإضافة حرف أو رمز أو رقم .. أو كتابة الاسم بالعربي بدلاً من الإنجليزي والعكس ...

وبعد تلك المرحلة يقوم فريق الإشراف بتفعيل العضويات .. ويتم التدقيق على الإسم .. واستبعاد الأسماء التي ليس لها معنى . واستبعاد الأسماء الغريبة .. والمسيئة .. وحتى أن بعض الأعضاء قد يسجل باسم "الحمد لله" أو "لا إله إلا الله" وبالطبع نمتنع عن تفعيل تلك العضويات ..

بل وأكثر من ذلك فإنه هناك بعض الأعضاء التي يمر تفعيل عضويتهم بدون الإلتفات إلى أن هناك تشابه أو شئ غريب في المعرف .. فيتم تعديل الإسم بعد ذلك. ومخاطبة العضو

ولكن كما تعلمون .. أنه يصعب على فريق الإشراف أن يدقق على أن هذا الإسم متكرر خاصة وأنه لدينا آلاف العضويات .. وبالتالي .. نلتمس العذر في حدوث بعض التشابه أو لنقل التقارب في الأسماء ..

وسنناقش الأمر مع باقي فريق الإشراف لإيجاد آلية لإبداء الملاحظات على الأسماء المتشابهة ..

[حسام يوسف]

ملاحظة هامة جداً ..

الأسماء عند إختيارها يتم التدقيق عليها ومراجعتها آلياً .. ويتم التأكد آلياً من أنه لا يوجد تشابه .. ولكن كما يعلم الجميع يمكن خداع النظام الآلي بإضافة حرف أو رمز أو رقم .. أو كتابة الاسم بالعربي بدلاً من الإنجليزي والعكس ...

وبعد تلك المرحلة يقوم فريق الإشراف بتفعيل العضويات .. ويتم التدقيق على الإسم .. واستبعاد الأسماء التي ليس لها معنى . واستبعاد الأسماء الغريبة .. والمسيئة .. وحتى أن بعض الأعضاء قد يسجل باسم "الحمد لله" أو "لا إله إلا الله" وبالطبع نمتنع عن تفعيل تلك العضويات ..

بل وأكثر من ذلك فإنه هناك بعض الأعضاء التي يمر تفعيل عضويتهم بدون الإلتفات إلى أن هناك تشابه أو شئ غريب في المعرف .. فيتم تعديل الإسم بعد ذلك. ومخاطبة العضو

ولكن كما تعلمون .. أنه يصعب على فريق الإشراف أن يدقق على أن هذا الإسم متكرر خاصة وأنه لدينا آلاف العضويات .. وبالتالي .. نلتمس العذر في حدوث بعض التشابه أو لنقل التقارب في الأسماء ..

وسنناقش الأمر مع باقي فريق الإشراف لإيجاد آلية لإبداء الملاحظات على الأسماء المتشابهة ..

هية بالفعل مسئولية جديدة على فريق الاشراف يا عزيزي أسد

اللى هيتابع المشاركات ولا الاسماء الجديدة

واللى لازم يكون فاكر وحاطط فى دماغه الاسماء الموجودة لأعضاء بالفعل

لذا أقترح استخدام خاصية التقرير كما نستخدمها فى المشاركات

أن نستخدمها كأعضاء للتنبيه على تشابه اسم العضو الجديد مع عضو موجود بالفعل

ده مجرد اقتراح

وربنا معاكم ويعينكم :lol:

تم تعديل 20 ديسمبر 2009 بواسطة حسام يوسف

[rewsha]

هو في حل تاني بس رخم

ان الاسامي تتعمل تلقائية يعني العضو يخش يسجل ايميل ويتبعتله معرف تلقائي متاخد من اسم ايميله مثلا او ان يضاف رقم العضوية الى نهاية الاسم وجي ممكن تساعد شوية

معلش ..انا شايفه الموضوع ده مش حلو بالمره .

هوه كل واحد يختار اسمه براحته .لكن مع مراعاة عدم التشابه بينه وبين حد تاني او ان اسمه يكون غريب لدرجة ان الواحد علشان يخاطبه بيه بيبقى صعب قوي انه يعيد كتابة الاسم

وبصراحه انا مره حصلت معايا من 3 شهور كده .لاحظت في قائمة الاسماء اللي في الصفحة الرئيسيه اسم عضوين مش هاقول شبه بعض او الاسم ده يختلف عن ده بنقطه وله حاجه

لاْ لاْ ده الاسم كان متكرر قدامي مرتين .وكان اسم بالعربي .لدرجه ان افتكرت ان في غلط في القايمه .لكن الفضول قتلني

ودخلت على ملف الاسم الاول وملف الاسم التاني ولاقيتهم غير بعض

واتاْكدت انهم اتنين مش واحد

بصراحه بعت رساله للاداره باقول لهم خدوا بالكم في اسم واحد هوه نفسه بالظبط لكن لعضوين واحد مسجل من سنتين والتاني من يوم واحد بس (نسيت اقول لكم ان الاسم ده هوه نفسه اسم ابن اختي بالظبط علشان كده لفت نظري بصراحه) :blink:

المهم

لقيت الاداره عملت اللازم وبعتوا لي رساله بيشكروني على الملاحظه دي

فممكن اللي ياخد باله من حاجه زي دي .....يساعد الاداره ويبعت لها ..واهو نخفف شويه من عليهم wst::

[حسام يوسف]

آخر الأعضاء المسجلين باسم kokowawa

وأعتقد أن هناك عضوا زميلا باسم مشابه او مقارب لهذا المعنى