مش عاوز أرجع مصر عشان.....

[قطرة ندى]

يا ترى كل الناس اللى فى الغربة سافرت ومش عايزة ترجع ليه.. تعالوا نفكر مع بعض

انت يعنى لما تلاقى ان مافيش حاجة بتزعجك كل يوم لما تنزل الصبح تروح الشغل او الجامعة ..ابسط حاجة مافيش سيارة ترش عليك ميا وهيا معدية .. لو عندك سيارة يبقى هتسوق بنضافة من غير فوضى وزحمة ولخبطة... لو خبطت فى حد مش هتسمع كلمة وحشة ... مش هتتعرض لخناقات كل يوم وصوت عالى ... مش هتسمع كلام وحش وألفاظ نابية فى الشارع وولادك يسألوك يعنى ايه كذا وتتحرج ترد عليهم ....مش هتلاقى تدخلات من الأهل وخاصة الجيل اللى سبقك فى كل صغيرة وكبيرة من أمور حياتك...ليه عملت كذا ليه معملتش..ازاي سايب مراتك تعمل كذا وكذا ... أما اذا عندك مشكلة روتينية فمحتاج واسطة او محتاج..أو رشوة لا سمح الله....وكمان مش هتلاقى سواق الباص بتاع مدرسة ابنك عاوز فلوس من غير سبب والا هيمشى جنب بيتكم من غير ما يقف..ومش هتلاقى مدرسة ابنك عايزة هدية عيد الام والا...انت حر..كل واحد ينام على الجنب اللى يريحه...ويجعله عاااامر

أما لو كنتى ست مش هتلاقى جارة تنشر غسيلها فوقك ولا جارة تحط عجل ولادها فى مدخل بيتك...ولا صوت اغانى وموسيقى وهيصة يقلق راحتك نص الليل ويصحيك من نومك......ولو الصبح فكرتى تركبى مواصلات عامة فهتلاقى برده نفس الهيصة والاغانى اللى معرفتيش تنامى منها بالليل..

اما اذا عشت برة فممكن تلاقى حاجات تانية بس مافيهاش صوت عالى

هتلاقى فاتورة تليفون ترفع ضغط دمك.. هتلاقى منافسة شرسة فى الشغل تخلى وزنك ينزل وجسمك يبقى سامبتيك... هتلاقى فاتورة مخالفات تخليك تشد فى شعرك...أما وانت راجع من السفر كل أجازة فهتلف حوالين نفسك وعينك هتطلع لحد ما تعرف هتجيب هدية ايه لكل واحد من قرايبك وبعدين هتنزل مصر وهتسمع تعليقات كتير زى مثلا...هى دى هدية اللى هو جايبها هو بيجيب لنفسه وولاده كدا؟؟ أما لو كانت الهدية حلوة بجد وصعب ان حد ينكر ده فممكن تسمع..هو هيذلنا بالهدية بتاعتوا؟طبعا فيه ناس طيبة هتاخد هديتك وهيشكرك حتى لو مش لازماه ودا مش مجال حديثنا هنا..

أما بالنسبة لكى فهتلاقى وحدة بعد ما جوزك يروح الشغل تخلى شعرك منفوش وهدومك مبهدلة(هتروحى كوافير لمين؟ عشان المسكين اللى راجع من الشغل مابيشوفش قدامه من التعب؟ولا عشان المعازيم وصحباتك اللى مابيجوش ابدا وبيستسهلوا يبعتوا مسج بالموبايل كل عيد! والوحدة هتخليكى برده عايزة تعملي اى حاجة مش عارفة هى ايه ومش متوفر قدامك غير الأكل فهتاكلى طول النهار من الغيظ والنتيجة مش هتشوفيها لانك قاعدة لواحدك .. بس اللى هيشوفها قرايبك لما ترجعى مصر

تم تعديل 20 ديسمبر 2009 بواسطة قطرة ندى

[Melhakim]

يا ترى كل الناس اللى فى الغربة سافرت ومش عايزة ترجع ليه.. تعالوا نفكر مع بعض

/size]

مش كل الناس على فكره مش عايزة ترجع مصر

انا اول واحد عايز ارجع مصر انهارده قبل بكره ومهما شفت من رفاهية هنا او راحه فى مستوى المعيشة برضه عايز ارجع مصر

والسلبيات اللى تفضلتى وذكرتيها دى موجوده فى كل مكان مش موجوده فى مصر بس

ممكن تكونى ماشية بعربيتك وتخبطى حد بعربيتك او حد يخبطك وهتلاقيه بينزل يتخانق ويشتم واحتمال يضرب كمان

وممكن برضه تكونى ماشية فى الشارع وتلاقى شاب ظريف رش عليكى ميه بعربيته

واعتقد ان حضرتاك قاعده فى دولة خليجية مش اوروبية يعنى الى حد ما المجتمع متقارب فى حاجات كتير مش اللى هيا جنه بالمقارنه بمصر

[التونسى]

غربه من غير ناس ما تنداس .. وصلت :lol:

[magedo]

و الله يا اخت قطره انا رأيى ان كل حاجه ليها مميزات و عيوب لكن بصراحه بلاقى نفسى غصب عنى عاوز اقعد فى الغربه و الله مش عشان الفلوس بس لكن اسلوب الحياه نفسه حاجه تانيه خالص ناس كلها محترمه لدرجة انى ساعات ببقى هاتشل من كتر الاحترام بتاع الناس هنا فى دبى

انا لما رجعت مصر الاجازه اللى فاتت بجد قعدت فتره على ما عرفت اتعود اعامل الناس تانى فى مصر

الواحد نازل فرحان بنفسه بقى و قال اعامل الناس باحترام زى ما شفت هنا و طبعا شفت ردود على الاحترام ده بس الحمد لله متعدتش الغلط باللسان من سواق التاكسى او الميكروباص او واحد واقف فى السوبر ماركت و حاولت على قد ما اقدر امسك اعصابى

ملحوظه: انا مش بقول ان الناس كلها فى مصر مش كويسه العكس فيه ناس كويسه جدا بس انا شايف سبب الاختلاف الاساسى هو النظام و ان كل واحد عارف انه لو غلط هايتعاقب و ان مفيش حد هاياخد اكتر من حقه الواحد يقف فى طابور اى حاجه هنا ممكن ساعه مش مشكله لانى عارف ان مفيش حد هايييجى بكل بساطه و يتعدانى

ممكن الناس تقول ان ده حاجات بسيطه بس انا عن نفسى بتفرق معايا جدا

بس برده رجوعى لمصر بيوفرلى انى اقعد مع اهلى و اصحابى و ده ميزه طبعا جامده جدا

شكلى كده راجع مصر خلاص و هاتفنش بعد سنه و نص شغل فى دبى بس اكيد ان شاء الله احاول ارجع تانى بس لما الدنيا تفتح شويه تانى او يمكن استريح فى مصر و اكمل

[رعد]

السلام عليكم اخواني

احب اقول لحضراتكم ان انا بقالي حوالي 5 سنين متغرب وزمايلي اللي في مصر مش فارقين عني حاجة لاننا هنا في وضع ومصاريف اعلي بكتير من مصر وعلي فكرة فية ناس في مصر بتاخد اكتر من ناس هنا في نفس الكاريير ونفس الدفعة دا طبعا غير ميزة معاملة المدير الفاهم اللي مش يهمة رضا الكفيف الغبي اللي من الصعب ترويضة او استئناسة ناهيك عن نظرة الكبر والاستعلاء والغرطسة ونظام العبودية اللي لو عاوز تشتري عربية لازم تستاذن ولو عاوز تبيع لازم تستاذن تطلع رخصة بردوا تتجوز لازم تستاذن تجيب مراتك بردوا لازم الاذن ....

دا مرة معنا فني مصري طلب اجازة عشان يحضر فرح ابنة رد علية ابن الكفيل بكل برود انت ازاي تحدد المعاد كدة من نفسك مش كان لازم تستاذن الاول مننا؟؟

واللهي دة حصل عندنا.............

[وافدة هنا و عاملة بالخارج]

أعتقد إنه في فرق كبير بين مش عايز يرجع و مش قادر يرجعو هنا مربط الفرس

وهو اتخاذ القرار بالعودة و هو أصعب بكثير باتحاذ القرار بالهجرة

و سأضرب لكم نماذج كتير كلها عايزة ترجع لكن خايفة ترجع و مش قادرة ترجع

شاب زي الفل خرج و ترك وراه قلوب معلقة بامال و احلام و جه هنا و جود الامر كما نري

كيف يعود بخيبة الأمل

و غيره

مثلا أسرة و أولاد في مدارس و خوف من نظام تعليم متغير يخليه مش قادر يرجع

و كل يوم نتربط بخيوط جديدة تحبسنا بالغربة

خيط التعليم

نبي الارض طيب لما نشطب الارض

طيب لما نجوز البت

طب نستني لما الواد يتحرج و نجيبه يشتغل و يبقى حتى لو رجع ابنه اتغرب و تبقى غربه دائما

الله المستعان

[mromar]

والله حرام عليكو يامحاوراتية كل شوية تفتحو موضوع يقلب المواجع على الواحد مع أن الأمور المصيرية اللي زي دي متهيألي أن الواحد بيبقى محددها بحسب ظروفه

على العموم.. بالنسبة ليا أنا شخصيا شايف أن الموضوع كله ماشي بحكمة ربنا يعني بيعوض ده في ده يعني مصر بالرغم أن فيها سلبيات لا تحتمل وتقريبا الأخوة مش مقصرين في توضيحها بس بردو في إيجابيات رائعة كثيرة هختزلها كلها في كلمة "البركة" فعلا بلدنا فيها بركة محدش مقدرها يكفي أنك ممكن تأكل فيها وتشبع فقط بـ15 قرش رغيف وطعميتين وأظن المبلغ ده لا يذكر في ميزان النقد العالمي ، يعني ياجماعة أنا شايف أنه كله محصل بعضه اللي عاوز الراحة والنظافة في الغربة ربنا يوفقه واللي عاوز البركة والصحبة والأهل وراحة باله ربنا برده يكرمه وأحنا طبعا بنحدد الواجهة بتعتنا بتقدير ظروفنا بعد استخارة الله وربنا يكرم الجميع

[أبو العز]

والله انا الموضوع بالنسبة لى مختلف انا اساسا غلطت انى سافرت كنت فى وظيفىة مرموقة براتب خيالى صحيح انا هنا دخلى ممتاز ولكن للأسف مافيش ترقيات لان وصلت للحد الاعلى المسموح به للاجانب والوظائف القيادية قاصرة على أهل البلد وده حقهم

انا نفسى ارجع مصر اشتغل فى مجال البترول تخصصى (مافيش واسطة) مش مهم الدخل المهم وظيفة تناسب خبرتى ومؤهلاتى (وظيفة قيادية)

زملائى فى العمل السابق فى مصر اللى ماسافروش رواتبهم حاليا تجاوزت الخمسين ألف والسبعين ألف فى الشهر فى مصر يمكن ماتصدقوش بس انا كنت فى شركة استثمارية كبرى والرواتب دى عادية لان ارباحها عالية والشركة لازالت تعمل فى مصر وفى نمو مستمر ياريت يرضوا يرجعونى تانى .

المشكلة هنا انا مجالات الترقى والتدريب مقفولة ولن أكبر فى عملى اكثر من ذلك يعنى بلا طموح نفسى ارجع مصر تانى .

ادعوا لى او شوفوا لى واسطة جامدة

:angry:

[Melhakim]

الاخت صاحبة الموضوع سابت الموضوع ومش بترد لعل المانع خير ؟

[قطرة ندى]

الاخت صاحبة الموضوع سابت الموضوع ومش بترد لعل المانع خير ؟

لا والله مافيش

أنا عملت الموضوع أساسا جس نبض يعنى حبيت أتفرج على ردود الناس واستنيت عشان أشوف هو فيه امكانية يبدأوا يردوا على بعض لكن محبيتش أدخل فى حوار ساخن لأنى أنانفسىى مش مقتنعة مية فى المية من الكلام اللى كاتباه حبيت أعرف آراء الناس

وبشكر الجميع على المشاركة الطيبة

[the consultant]

والله انا شايف ان الموضوع نسبي من الاخر , يعني لو واحد متظبط في غربته ايه اللي حيرجعه مصر بس , و اقصد بمتظبط الاتي

1: كفيله مش معقد

2: مراته و عياله معاه و مستقرين في مدارسهم و زي الفل

3: مرتبه كويس بمعنى ضعف مرتبة في مصر او اكثر

4: هو شخصيا مش بتاع مشاكل ( بس عنده كرامة, عشان ماتفهموش غلط)

5: يقدر يشوف اهله سواء يعملهم زيارة او ينزل مرتين في السنة (اجازته و في العيد مثلا)

لو توافر 3 على الاقل من الشروط المذكورة عاليه مفيش عائل يقول انا عايز ارجع مصر. ولا انا بتكلم غلط.

[وافدة هنا و عاملة بالخارج]

:

كفيله مش معقد

2: مراته و عياله معاه و مستقرين في مدارسهم و زي الفل

3: مرتبه كويس بمعنى ضعف مرتبة في مصر او اكثر

4: هو شخصيا مش بتاع مشاكل ( بس عنده كرامة, عشان ماتفهموش غلط)

5: يقدر يشوف اهله سواء يعملهم زيارة او ينزل مرتين في السنة (اجازته و في العيد مثلا)

لو توافر 3 على الاقل من الشروط المذكورة عاليه مفيش عائل يقول انا عايز ارجع مصر. ولا انا بتكلم غلط.

لا يا أخي الكلام مش غلط أبدا بس الكلام ناقص

الحياة مش اكلة حلوة و فرشة طرية و قرشين مريحينا

و العائلة مش الزوجة و الأولاد بس

العيلة خال و عم و يمكن جار و لمة

يرجع مصر علشان يلاقى حد يشاركه لم يفرح و يبكي لما يحزن

يرجع مصر علشان ميحسش أنه غريب

يرجع مصر علشان ولاده يعرفوا يعني ايه صلة رحم و يأخدو عدية في العيد و يروحوا البيت الكبير

يرجع مصر علشان هو مصري و طول ما هو بره مصر لازم يرجع مصر لانه مش لأجي سياسي و لا مهجر

علشان لما حد يكلمك تقوله بعين قويه أنا في بلدي ده بلدنا (كلمة بتسمعها هنا كتير ) بتقول حقهم

يرجع مصر علشان الحنين

يمكن كلامي البعض يقول عليه خايب و ميأكلش عيش

لكن إنسان بلا قلب و لا ذكريات هو آلة مبرمجة تعمل بالشحن

[غريب الخبر]

يا ترى كل الناس اللى فى الغربة سافرت ومش عايزة ترجع ليه.. تعالوا نفكر مع بعض

انت يعنى لما تلاقى ان مافيش حاجة بتزعجك كل يوم لما تنزل الصبح تروح الشغل او الجامعة ..ابسط حاجة مافيش سيارة ترش عليك ميا وهيا معدية .. لو عندك سيارة يبقى هتسوق بنضافة من غير فوضى وزحمة ولخبطة... لو خبطت فى حد مش هتسمع كلمة وحشة ... مش هتتعرض لخناقات كل يوم وصوت عالى ... مش هتسمع كلام وحش وألفاظ نابية فى الشارع وولادك يسألوك يعنى ايه كذا وتتحرج ترد عليهم ....مش هتلاقى تدخلات من الأهل وخاصة الجيل اللى سبقك فى كل صغيرة وكبيرة من أمور حياتك...ليه عملت كذا ليه معملتش..ازاي سايب مراتك تعمل كذا وكذا ... أما اذا عندك مشكلة روتينية فمحتاج واسطة او محتاج..أو رشوة لا سمح الله....وكمان مش هتلاقى سواق الباص بتاع مدرسة ابنك عاوز فلوس من غير سبب والا هيمشى جنب بيتكم من غير ما يقف..ومش هتلاقى مدرسة ابنك عايزة هدية عيد الام والا...انت حر..كل واحد ينام على الجنب اللى يريحه...ويجعله عاااامر

أما لو كنتى ست مش هتلاقى جارة تنشر غسيلها فوقك ولا جارة تحط عجل ولادها فى مدخل بيتك...ولا صوت اغانى وموسيقى وهيصة يقلق راحتك نص الليل ويصحيك من نومك......ولو الصبح فكرتى تركبى مواصلات عامة فهتلاقى برده نفس الهيصة والاغانى اللى معرفتيش تنامى منها بالليل..

اما اذا عشت برة فممكن تلاقى حاجات تانية بس مافيهاش صوت عالى

هتلاقى فاتورة تليفون ترفع ضغط دمك.. هتلاقى منافسة شرسة فى الشغل تخلى وزنك ينزل وجسمك يبقى سامبتيك... هتلاقى فاتورة مخالفات تخليك تشد فى شعرك...أما وانت راجع من السفر كل أجازة فهتلف حوالين نفسك وعينك هتطلع لحد ما تعرف هتجيب هدية ايه لكل واحد من قرايبك وبعدين هتنزل مصر وهتسمع تعليقات كتير زى مثلا...هى دى هدية اللى هو جايبها هو بيجيب لنفسه وولاده كدا؟؟ أما لو كانت الهدية حلوة بجد وصعب ان حد ينكر ده فممكن تسمع..هو هيذلنا بالهدية بتاعتوا؟طبعا فيه ناس طيبة هتاخد هديتك وهيشكرك حتى لو مش لازماه ودا مش مجال حديثنا هنا..

أما بالنسبة لكى فهتلاقى وحدة بعد ما جوزك يروح الشغل تخلى شعرك منفوش وهدومك مبهدلة(هتروحى كوافير لمين؟ عشان المسكين اللى راجع من الشغل مابيشوفش قدامه من التعب؟ولا عشان المعازيم وصحباتك اللى مابيجوش ابدا وبيستسهلوا يبعتوا مسج بالموبايل كل عيد! والوحدة هتخليكى برده عايزة تعملي اى حاجة مش عارفة هى ايه ومش متوفر قدامك غير الأكل فهتاكلى طول النهار من الغيظ والنتيجة مش هتشوفيها لانك قاعدة لواحدك .. بس اللى هيشوفها قرايبك لما ترجعى مصر

طيب وبعدين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ما احنا راجعين راجعين . اجلا ام عاجلا . هو مين فينا فكر فى يوم من الايام انه لما يموت يدفن بره بلده . يعنى كلها عملية وقت شهور اوسنين وبردو بنرجع تانى .

اهم حاجة هو هو اختيار الوقت المناسب للعودة وكل واحد حسب ظروفه .

وخلى بالك يا قطرة ندى . مفيش حاجة ببلاش يعنى دايما فيه مقابل واللى احنا بنسميه ضريبة الغربة .

واياكى انك تمشى على قاعدة : (الفقر في الوطن غربة والغنى في الغربة وطن) . لانها من رايى غير صحيحة .

احسبيها بقى مع نفسك وابقى عرفينا النتيجة .

[herohero]

ما اظنش ان الوضع حاليا فيه الكثير من الدفء الاسري يعني لايتعدى مستوى العيلة الصغيرة اما العيلة الكبيرة فصعب نظرا لمشاغل الحياة وعن احساس ان الواحد ف بلده الاحساس بيجيب الم لما الواحد بيلاقي حقه بيضيع ف بلده ومش بيضيع بره وياترى شعورك ايه ف لجنة بتفتش ف مصر ع الرخص وف اي بلد تاني بره مصر غلاسة امناء الشرطة اللي الواحد فعلا بيفتقدها الاخوة اللي بيمشوا ع الدائري والمحور عارفين اي نوع من غلاسة امناء الشرطة اعني وكمان الاخوة سواقين الميكروباص وكمان كلمة انت مش عارف بتكلم مين مفتقدها قوي كل الاشياء ده بتخليني احن للرجوع لمصر لاني مفتقد سماعها بصراحه مش عارف هل طبيعي الواحد يشتاق ولا لها

[قطرة ندى]

ما اظنش ان الوضع حاليا فيه الكثير من الدفء الاسري يعني لايتعدى مستوى العيلة الصغيرة اما العيلة الكبيرة فصعب نظرا لمشاغل الحياة وعن احساس ان الواحد ف بلده الاحساس بيجيب الم لما الواحد بيلاقي حقه بيضيع ف بلده ومش بيضيع بره وياترى شعورك ايه ف لجنة بتفتش ف مصر ع الرخص وف اي بلد تاني بره مصر غلاسة امناء الشرطة اللي الواحد فعلا بيفتقدها الاخوة اللي بيمشوا ع الدائري والمحور عارفين اي نوع من غلاسة امناء الشرطة اعني وكمان الاخوة سواقين الميكروباص وكمان كلمة انت مش عارف بتكلم مين مفتقدها قوي كل الاشياء ده بتخليني احن للرجوع لمصر لاني مفتقد سماعها بصراحه مش عارف هل طبيعي الواحد يشتاق ولا لها

ههههههههههه عجيب والله وسواق التاكسى والميكروباس كمان

انت مفتقد تشوف ضرب عالقفى هههه

[أبو العز]

:

كفيله مش معقد

2: مراته و عياله معاه و مستقرين في مدارسهم و زي الفل

3: مرتبه كويس بمعنى ضعف مرتبة في مصر او اكثر

4: هو شخصيا مش بتاع مشاكل ( بس عنده كرامة, عشان ماتفهموش غلط)

5: يقدر يشوف اهله سواء يعملهم زيارة او ينزل مرتين في السنة (اجازته و في العيد مثلا)

لو توافر 3 على الاقل من الشروط المذكورة عاليه مفيش عائل يقول انا عايز ارجع مصر. ولا انا بتكلم غلط.

لا يا أخي الكلام مش غلط أبدا بس الكلام ناقص

الحياة مش اكلة حلوة و فرشة طرية و قرشين مريحينا

و العائلة مش الزوجة و الأولاد بس

العيلة خال و عم و يمكن جار و لمة

يرجع مصر علشان يلاقى حد يشاركه لم يفرح و يبكي لما يحزن

يرجع مصر علشان ميحسش أنه غريب

يرجع مصر علشان ولاده يعرفوا يعني ايه صلة رحم و يأخدو عدية في العيد و يروحوا البيت الكبير

يرجع مصر علشان هو مصري و طول ما هو بره مصر لازم يرجع مصر لانه مش لأجي سياسي و لا مهجر

علشان لما حد يكلمك تقوله بعين قويه أنا في بلدي ده بلدنا (كلمة بتسمعها هنا كتير ) بتقول حقهم

يرجع مصر علشان الحنين

يمكن كلامي البعض يقول عليه خايب و ميأكلش عيش

لكن إنسان بلا قلب و لا ذكريات هو آلة مبرمجة تعمل بالشحن

كلام سليم 100% وبغض النظر عن كل السلبيات اللى فى مصر لكن الانسان محتاج حد يفرح لفرحه ويحزن لحزنه وذلك عن تجربة شخصية

انا شعرت بالموضوع ده بعد 10 سنين غربه وماكنش فى دماغى الرجوع نهائى لمصر لكن فى اجازة السنة دى فى مصر سائق ميكروباص مستهتر يسير بسرعة جنونية صدمنى بالسيارة من الخلف وتسبب فى وفاة ابنى الاكبر ، ولقيت ناس كتير جدا فى مصر وقفت جنبى وناس لم ازورهم او اكلمهم من سنوات ورغم كده الكل كان جنبى فى لحظة .

ودلوقتى كرهت الغربة واتمنى ارجع مصر لانى اكتشفت ان حساباتى كانت غلط ، هى فكرة السفر اساسها الهروب من مشاكل مصر وعمل قرشين للزمن ولكن دفء الاسرة والاصدقاء لايعوض بملايين الدنيا انتبهوا واحسبوها صح

[قطرة ندى]

يا ترى كل الناس اللى فى الغربة سافرت ومش عايزة ترجع ليه.. تعالوا نفكر مع بعض

انت يعنى لما تلاقى ان مافيش حاجة بتزعجك كل يوم لما تنزل الصبح تروح الشغل او الجامعة ..ابسط حاجة مافيش سيارة ترش عليك ميا وهيا معدية .. لو عندك سيارة يبقى هتسوق بنضافة من غير فوضى وزحمة ولخبطة... لو خبطت فى حد مش هتسمع كلمة وحشة ... مش هتتعرض لخناقات كل يوم وصوت عالى ... مش هتسمع كلام وحش وألفاظ نابية فى الشارع وولادك يسألوك يعنى ايه كذا وتتحرج ترد عليهم ....مش هتلاقى تدخلات من الأهل وخاصة الجيل اللى سبقك فى كل صغيرة وكبيرة من أمور حياتك...ليه عملت كذا ليه معملتش..ازاي سايب مراتك تعمل كذا وكذا ... أما اذا عندك مشكلة روتينية فمحتاج واسطة او محتاج..أو رشوة لا سمح الله....وكمان مش هتلاقى سواق الباص بتاع مدرسة ابنك عاوز فلوس من غير سبب والا هيمشى جنب بيتكم من غير ما يقف..ومش هتلاقى مدرسة ابنك عايزة هدية عيد الام والا...انت حر..كل واحد ينام على الجنب اللى يريحه...ويجعله عاااامر

أما لو كنتى ست مش هتلاقى جارة تنشر غسيلها فوقك ولا جارة تحط عجل ولادها فى مدخل بيتك...ولا صوت اغانى وموسيقى وهيصة يقلق راحتك نص الليل ويصحيك من نومك......ولو الصبح فكرتى تركبى مواصلات عامة فهتلاقى برده نفس الهيصة والاغانى اللى معرفتيش تنامى منها بالليل..

اما اذا عشت برة فممكن تلاقى حاجات تانية بس مافيهاش صوت عالى

هتلاقى فاتورة تليفون ترفع ضغط دمك.. هتلاقى منافسة شرسة فى الشغل تخلى وزنك ينزل وجسمك يبقى سامبتيك... هتلاقى فاتورة مخالفات تخليك تشد فى شعرك...أما وانت راجع من السفر كل أجازة فهتلف حوالين نفسك وعينك هتطلع لحد ما تعرف هتجيب هدية ايه لكل واحد من قرايبك وبعدين هتنزل مصر وهتسمع تعليقات كتير زى مثلا...هى دى هدية اللى هو جايبها هو بيجيب لنفسه وولاده كدا؟؟ أما لو كانت الهدية حلوة بجد وصعب ان حد ينكر ده فممكن تسمع..هو هيذلنا بالهدية بتاعتوا؟طبعا فيه ناس طيبة هتاخد هديتك وهيشكرك حتى لو مش لازماه ودا مش مجال حديثنا هنا..

أما بالنسبة لكى فهتلاقى وحدة بعد ما جوزك يروح الشغل تخلى شعرك منفوش وهدومك مبهدلة(هتروحى كوافير لمين؟ عشان المسكين اللى راجع من الشغل مابيشوفش قدامه من التعب؟ولا عشان المعازيم وصحباتك اللى مابيجوش ابدا وبيستسهلوا يبعتوا مسج بالموبايل كل عيد! والوحدة هتخليكى برده عايزة تعملي اى حاجة مش عارفة هى ايه ومش متوفر قدامك غير الأكل فهتاكلى طول النهار من الغيظ والنتيجة مش هتشوفيها لانك قاعدة لواحدك .. بس اللى هيشوفها قرايبك لما ترجعى مصر

طيب وبعدين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ما احنا راجعين راجعين . اجلا ام عاجلا . هو مين فينا فكر فى يوم من الايام انه لما يموت يدفن بره بلده . يعنى كلها عملية وقت شهور اوسنين وبردو بنرجع تانى .

اهم حاجة هو هو اختيار الوقت المناسب للعودة وكل واحد حسب ظروفه .

وخلى بالك يا قطرة ندى . مفيش حاجة ببلاش يعنى دايما فيه مقابل واللى احنا بنسميه ضريبة الغربة .

واياكى انك تمشى على قاعدة : (الفقر في الوطن غربة والغنى في الغربة وطن) . لانها من رايى غير صحيحة :blush2: .

احسبيها بقى مع نفسك وابقى عرفينا النتيجة .

والله كل اللى حارقنى الزمن اللى معشتوش مع اخواتى ...لما رجعت لقيتهم كبروا...ازاى السنين دى فاتت من غير ما احس بيهم ويحسوا بيا...امتى هقعد معاهم؟

[mromar]

والله ياجماعة كلامكم كله رائع ومبقتش عارف أقتبس من فين ولا من فين بس في الآخر هي كلمة واحد من وجهت نظري

مصر تكسب

أيوة برغم النظافة والنظام والاحترام اللي أحنا مش لاقيينه فيها بس أحنا في الأول والآخر بشر ولينا أحاسيس وأحاسيسنا دي لاتعمل إلا في مصر، ونصيحتي كما سمعتها من أحد المشاركات في موضوع آخر بالمحاورات "أعرف هدفك من الغربة وأخطفه وأجري قبل ما تسرقك"

[HanaaOsama]

والله انا الموضوع بالنسبة لى مختلف انا اساسا غلطت انى سافرت كنت فى وظيفىة مرموقة براتب خيالى صحيح انا هنا دخلى ممتاز ولكن للأسف مافيش ترقيات لان وصلت للحد الاعلى المسموح به للاجانب والوظائف القيادية قاصرة على أهل البلد وده حقهم

انا نفسى ارجع مصر اشتغل فى مجال البترول تخصصى (مافيش واسطة) مش مهم الدخل المهم وظيفة تناسب خبرتى ومؤهلاتى (وظيفة قيادية)

زملائى فى العمل السابق فى مصر اللى ماسافروش رواتبهم حاليا تجاوزت الخمسين ألف والسبعين ألف فى الشهر فى مصر يمكن ماتصدقوش بس انا كنت فى شركة استثمارية كبرى والرواتب دى عادية لان ارباحها عالية والشركة لازالت تعمل فى مصر وفى نمو مستمر ياريت يرضوا يرجعونى تانى .

المشكلة هنا انا مجالات الترقى والتدريب مقفولة ولن أكبر فى عملى اكثر من ذلك يعنى بلا طموح نفسى ارجع مصر تانى .

ادعوا لى او شوفوا لى واسطة جامدة

:happy:

اسمحلي حضرتك في سؤال بسيط

حضرتك لما فكرت تسافر فكرت تسافر عشان ايه ؟

[HanaaOsama]

انا شعرت بالموضوع ده بعد 10 سنين غربه وماكنش فى دماغى الرجوع نهائى لمصر

لكن فى اجازة السنة دى فى مصر سائق ميكروباص مستهتر يسير بسرعة جنونية صدمنى بالسيارة من الخلف وتسبب فى وفاة ابنى الاكبر ، ولقيت ناس كتير جدا فى مصر وقفت جنبى وناس لم ازورهم او اكلمهم من سنوات ورغم كده الكل كان جنبى فى لحظة .

البقاء لله

تم تعديل 24 ديسمبر 2009 بواسطة HanaaOsama