عمارة مدينة نصر

[Salwa]

اللى يسرق رغيف ...يتسجن.

واللى يسرق مليار دولار...يتعمل له الف حساب ...ويحافظوا عليه علشان يسدد خمسهم ..ويعفى من الباقى رأفة بحاله .

بلد ...العدل فيها ..مهزوز......منتظرين ايه ؟؟

تعالوا ..نفنط اللى حصل ...حبة حبة ...

الكل مسئول ...

المهندس والمقاول وصاحب المال والحى ...واصحاب المحلات ...والأمن الصناعى ..

والمحافظة .................حاتحاسبوا مين ؟؟؟

ده كله متلخبط....كارثة الطائرات ...لسة امبارح منعوا طائرة مصرية // تانى // من انها تقلع من مطار شارل ديجول ..اير باص ..بسبب عيب ../ معرفش ايه ؟/

القطارات ........اعتقد بعد مهزلة القطار وقالك السبب ...الراجل الغلبان اللى كان عاوز يعمل له كباية شاى على بوتاجاز صغير معاه ..!!! ؟؟؟.

البلاليع المفتوحة ...فاكرين زمان فى اسكندرية فى اوائل السبعينات ..لما كان صحفى ماشى مع زوجته ووقعت فى بلاعة مفتوحة ...واختفت ...وفضلوا يبحثوا على الجثة ايام ../ معرفش

لاقوها والا لأ ؟/...والرجل مسكين كان حايتجنن ؟؟

وغيره وغيره وغيره .......

واحنا نصرخ ونقول .........

لكنه ...صراخ الصمت .....ليسمعه ناس بلا آذان .

رحماك ربى .

لعنة الله عليهم .....كل الحروف الأبجدية ..ليس بها احرف تعبر عن مدى استيائى وقهرى ..

اما مأساة العلاج فى مصر ......فهذه ثالثة الأثافى ..

لك الله يابلدى ...

بالتأكيد...غدا سوف تشرق شمس.

[Farida]

انا بصراحه جالى اكتئاب مافيش فايده رغم الفضائيات و الدنيا كلها اتفرجت على الضحايا و على خيبتنا و الكل عرف ان العماره طالع لها قرار ازاله من عشر سنين و رغم كده المحافظ و قيادات الحى كانوا ماشيين فى الجنازة مع ان لازم يكون فيه عقاب رادع لكن هو حد كان اتعاقب قبل كده فى حوادث القطار و لا العبارات اللى غرقت و لا العماير اللو وقعت لما حايتعاقب دلوقتى كلهم ماسكين لبعض بلاوى و كله حايفضل زى ما هو و اللوم يبقى على الساكن وعلى الإنسان العادى ...... النهارده فى تصريح لوزير التعليم اللى بوظ التعليم الله ينتقم منه بيلقى اللوم على الأسرة فى انهيار التعليم ......

ياجماعه مافيش فايده احنا بننفخ فى قربه مقطوعه ...... كلنا ملومين و كلنا مسئولين علشان ساكتين بس ممكن نعمل ايه .....لك الله يامصر

[Lighthouse]

منذ أن رايت العمارة وقد اصبحت كوم تراب وعندي حالة اكتئاب واتخيل منظر سكانها بعد ان ضاع شقى عمرهم تحت الانقاض والمساكين من رجال الاطفاء والانقاذ الذين دفنوا تحت الانقاض وهم يؤدون واجبهم . واتخيل منظر السادة الوزراء والمحافظ وهم يتحدثون امام كاميرات الفضائيات واشعر باني اريد ان اصفعهم جميعا :rolleyes:

[arabawy]

؟/

القطارات ........اعتقد بعد مهزلة القطار وقالك السبب ...الراجل الغلبان اللى كان عاوز يعمل له كباية شاى على بوتاجاز صغير معاه ..!!! ؟؟؟.

.

متفكرنيش بالقطارات.. ساعة تدمير قطار الصعيد كان الدميري في كندا ولما عرف بحريق القطار ماذ قال ؟ قال لما ارجع مصر حركب مرايات في شباك كل سواق حتي يري جميع عربات القطار من خلفة بس محدش قدر قيمة الفكرة العبقرية وتم تسريحة

[مصرى]

ربنا يتولاهم برحمته ...// شرفاء مصر //..الأحياء منهم والأموات .

لك الله يامصر.

سلامى.

.. الأحياء أكثر إحتياجاً لهذا الدعاء

[moody00x]

وأكاد ابكى حزنا الى ما وصلنا اليه فى مصرنا المحروسة .. خاصة وانا أتابع الأخبار فى قناة مصر الضائية .. ومجموعة من ضباط الشرطة وأخرى من شباب مصر المجندين راجوا ضحية الواجب .. حينما استدعوا ضمائرهم واستعانوا بها فى تأدية عملهم .. ينعيهم رئيس وزارة الخراب صباحا ويتباكى عليهم .. وعلى المشردين من الأسر الذين باتو ليلتهم فى جامع مجاور .. صارخين مولولين ..

ثم أفاجأ به فى المساء يحضر مع وزرائه حفلا غنائيا فى الأسكندية .. قمة قلة الذوق والتبلد فمعظم هؤلاء الشهداء لم يدفن بعد .. والغم والحزن يلف أسرهم واقاربهم واصدقائم بل وكثيرين من ابناء الشعب .. حتى مديرهم اللواء لم يستطع حبس دموعه .. وفى هذا الجو الأسود الحزين تحتفل الوزارة فى الأسكندرية بأغانى سيد درويش ؟؟!!!

يا أيها الخجل .. أين حمرتك .. ؟؟ قد يقال انه حفل سبق إعدادة وتجمع زواره ولم يكن فى الأمكان تأجيله .. !!!! ولكن الجليطة وقلة الذوق أمام دماء هؤلاء الشهداء من موظفى الدولة الأشراف وحراسها كانو سيتوارو خجلا .. ويطلبون من رائد إعلام الريالة تسجيل الحفل وعدم إذاعته على الهواء .. وإذ لم تستحى فأفعل ما شئت .. وردها الله لكم فى القريب العاجل فى مآساة لكم ..

وبس كده .. الواحد يرتاح شويه لما يفضفض ..

أخناتون المنيا

الفاضل اخناتون قال كل الكلام

[se_ Elsyed]

لا تعليق

[Cleo]

والدتى بتحكيلى امبارح و هى بتغلى...

كانت قاعدة تتفرج على متابعة الحادث على إحدى القنوات المحلية...

وبعد الإعلان عن وفاة 14 مواطن من الكادحين أثناء تأدية مهمتهم الشريفة فى إنقاذ سكان العمارة و إطفاء الحريق... (مأساة بكل المقاييس)

فجأة..

انقطع الإرسال و ظهرت مذيعة لطيفة... ظريفة..... خفيفة... بتحط رووووووووووووووووووج... لتعلن الانتقال لنقل "احتفالات" السيد الرئيس "بافتتاح مسرح" سيد درويش فى الاسكندرية...!!!!

بالذمة لو كان شيراك أو شرودر أو أى حد محترم فى زيارة رسمية لبلد آخر و وصلته مثل هذه الأنباء من بلاده، ألم يكن ليقطع الزيارة الرسمية ليتابع الموقف فى بلاده و يظهر التضامن مع شعب بلده و قليل إما شارك فى تشييع الجنازة؟؟؟

إحنا فى وادى يا رب و الحكومة فى واد....

اللهم لا تسلط علينا من لا يخافك ولا يرحمنا... (أكتر من كدة...)

[se_ Elsyed]

جريدة الاخبار 29/1

ترقية الضباط والمجندين شهداء عمارة مدينة نصر

قرر الرئيس حسني مبارك ترقية الضباط الذين استشهدوا في حادث انهيار عمارة مدينة نصر الي الرتب الاعلي لكل منهم تقديرا لما قدموه من تضحيات اثناء ادائهم لواجبهم وذلك اعتبارا من 25 يناير 2004 ونص القرار علي ان يرقي الي رتبة العميد استثنائيا اسم العقيد عبدالفتاح ابراهيم محمد سالم بدر الضابط بالادارة العامة للدفاع المدني بمديرية امن القاهرة. والي رتبة العقيد استثنائيا اسم المقدم ابراهيم السيد عبدالعزيز ابراهيم الضابط بالادارة العامة للدفاع المدني بمديرية امن القاهرة. والي رتبة المقدم استثنائيا اسم الرائد عامر عبدالرحيم محمد يوسف عميرة الضابط بالادارة العامة للدفاع المدني بمديرية امن القاهرة. ويرقي الي رتبة الرائد استثنائيا اسم النقيب محمد ناجي يحيي الجابي الضابط بالادارة العامة للدفاع المدني بمديرية امن القاهرة. وصرح صفوت الشريف وزير الاعلام الامين العام للحزب الوطني الديمقراطي بان وزير الداخلية حبيب العادلي اصدر قرارا بترقية الافراد والمجندين الذين استشهدوا في حادث العمارة الي الدرجات الاعلي.

القرار ده بيفكرني بمسرحية " عطية الإرهابية "

فحسين الشربيني كان طالع بدور ظابط أمن دول

وأحمد ادم كان مجند عادي من اللي بيرموهم في الصفوف الامامية

وفي أثناء مهاجمتهم لوكر للإرهابيين الظابط قال للمجند ... يالله إهجم وماتخافش يابني وأطمئن لو مت الدولة هاتديلك شقة محترمة في العاشر من رمضان ... ففرح جداً وهجم على الوكر .. ولكنه رجع تاني يسأله " أكيد يافندم في العاشر من رمضان ؟ " قال له عيب ده وعد مني ... يالله إتكل عالله ....