دعوة إلى تكوين إتحاد ملاك

[أشرف محمد]

مهندس أشرف انا كنت س؟ألت حضرتك سؤال بس ماردتش عليا!

على العموم انا عندى اقتراح ليكم ....ممكن تفكروا فى حتة تانية؟؟؟

ليه مش العاشر من رمضان؟؟؟

لو الاقتراح ده كويس انا ممكن اكمل واقولكم مميزات مدينة العاشر من رمضان لأن انا شايفاها مدينة كويسة جدا.....فلو متقبلين انا ممكن اكتبلكم عنها بالتفصيل

بسم الله الرحمن الرحيم

الأخت الفاضلة / موران

تحية طيبة وبعد

أعتذر كثيراً لحضرتك عن التأخير عن الرد على مشاركتك الكريمة لكثرة الأسئلة التي تم توجيهها لي بخصوص فكرة تكوين إتحاد الملاك سواء الأسئلة التي تم توجيها لي على العام أو تم إرسالها لي على بريدي الخاص و التي وصلت لأكثر من 30 رسالة يومياً منذ أن طرحت الفكرة أضيفي أيضاً إلى بالإضافة إلى ذلك ظروف عملي التي تستهلك أكثر من 12 ساعة يومياً فأرجوا قبول هذا الإعتذار 0

الأخت الكريمة :

للأسف الشديد ليس لي علم عن شركة و طنية التي ذكرتيها في رسالتك السابقة و لكنى أقرأ إعلاناتها كثيراً يوم الجعة في الوسيط 0

بالنسبة لأسماء الشركات المعروفة جيداً في الشروق فسوف أقوم بأرسالها لحضرتك على الخاص 0

بالنسبة لترشيح حضرتك مدينة العاشر من رمضان فبصراحة أنا لم أفكر فيها لعدم وجود مميزات لها مثل المميزات الموجودة في مدينة الشروق و التي سبق أن تناولتها في كثير من مشاركاتي السابقة 0

شكراً مع خالص تحياتي

مهندس / أشرف محمد

[أشرف محمد]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد 000

إقترح أحد الأخوة الأفاضل من خلال البريد الإلكتروني أن تكون طريقة التقسيم كالتالي :-

اعتقد المكان هيكون مرتبط بعدد الناس و الفلوس المطلوبه فيه

بالنسبه لتحديد الشقق أو الاداور ,انصح باستخدام نظام الاسهم يعني السهم بشقه مثلا وتمنه كذا

خالص تحياتي

مهندس / أشرف محمد

[sarmar]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد 000

إقترح أحد الأخوة الأفاضل من خلال البريد الإلكتروني أن تكون طريقة التقسيم كالتالي :-

اعتقد المكان هيكون مرتبط بعدد الناس و الفلوس المطلوبه فيه

بالنسبه لتحديد الشقق أو الاداور ,انصح باستخدام نظام الاسهم يعني السهم بشقه مثلا وتمنه كذا

خالص تحياتي

مهندس / أشرف محمد

ان شاء اللة مافيش اختلاف بس اولا نحصر عدد الاعضاء ونحدد الموقع عائلى ام عمارات وبالتالى نستطيع تقدير قيمة السهم بصورة تقريبية لذا ارجوك يامهندس اشرف قبل البدأ فى اى شىء اعرف ميزانبتك اولا من خلال تحديد عدد الاعضاء ومعرفتهم او انك تعطى هذة المهمة لاحد الاعضاء مننا وهو يحصرهم ويبلغك بيهم وتعرف انت بتشتغل مع من ولمن وتقدر بعد ذلك انك تختار مع هؤلاء الاعضاء اى موقع سوف نرسى علية ونبدأ فى اعمال الجد من عقود وتوكيلات ومستحقات وخلافة وطبعا وضع الشروط الفاصلة لكل منا دون التعدى على حدود الغير

[saidkotb]

أرجوا المشاركة:

الإسم : سعيد قطب

السن : 33 سنة و متزوج و لي طفلتان

الوظيفة : مهندس اتصالات - أعمل بالسعودية

أرغب بالمشاركة وأفضل أن تكون قطعة الأرض مميزة جدا (ناصية - بحري - ..... )، وغير محبذ للقرعة لتخصيص الشقق.

[sarmar]

اول خطوة تكوين الاتحاد وفتح باب العضوية لفترة محددة ولتكن اسبوع او اكثر او اقل بشرط الجدية والتزام جميع الاعضاء بمسؤليتهم المادية والمعنوية

فى نفس الوقت يكون المهندس اشرف اى بعد اسبوع مثلا قد قرر عرض الاراضى المتاحة وتنطبق عليها الشروط والمواصفات المطلوبة يتم العرض على اعضاء الاتحاد والاقتراع على ارض بناء على عدد الاعضاء سيتم الاختيار وممكن انها تكون اكثر من قطعة يتم اختيارهم

فى خلال 10 أيام بعد الاختيار يعرض علينا المهندس اشرف التصاميم المبدأية للشققواعطاء مهلة اسبوع للاعضاء للتشاور وبعد ذلك يتم عمل اقتراع على التصميم وتو زيعها على الاعضاء وتحديد شقة كل عضو ( طريقة التوزيع اننا نراعى فى التصميم مثلا وضع مزايا للشقق التى لاتطل على ناصية كان تزداد مساحة شىء معين مثلا بحيث ان يتساوى الجميع فى الحقوق والواجبات

يتم تحديد موازنة تقديرية للمشروع على ان تسدد على دفعات طبقا لخطة العمل من المهندس اشرف وتوضيح كيف يتم السداد بالطريقة القانونية او كما يتفق الاعضاء فى لائحتهم

يؤخذ فى الحسبان تخارج احد الاعضاء لسبب عدم الاستطاعة لظروف خارجة عن ارادتة او الوفاة او لاى سبب اخر وذلك يتم باحد الطرق المتبعة فى مثل هذة الامور

مشوارنا طويل وجميل واى مشوار مهما طال بيبدأ بخطوة تتلوها خطوات المهم اننا نبدأ صح ادعو لاخوكم المهندس اشرف ان ربنا يعينة

[isa]

اقتراح بسيط

اذا كان عدد الاعضاء اكثر من اربعة فيمكن اختيار اكثر من مبني وكل اربعة يشتركون فيها بمركز مالي مستقل

لانه بصراحة كل عضور له دور مناسبا جدا ، لانني بصراحة لاحب الشقق التى اقل 100 م.

وشكرا

[أشرف محمد]

بسم الله الرحمن الرحيم

الأخ الفاضل / sarmar

الأحوة الكرام / أعضاء المنتدى

تحية طيبة وبعد 000

1- بدأت اليوم أبحث عن عروض أسعار للأراضي المعروضة للبيع سواء كانت في مناطق الإسكان العائلي أو مناطق العمارات لعرضها على الجميع و أرجوا من الأخوة الأفاضل الراغبين في الإشتراك مساعدتي أيضاً في هذه النقطة للإتصال بمكاتب التسويق العقاري لعرض المزيد من العروض 0

2- حتى يكون حكمنا على الأمور بطريقة صحيحة وخاصة المقيمين بالخارج فقد فكرت تصوير مناطق الإسكان العائلي و الوحدات السكنية من الداخل تصوير بالفيديو و كذلك مناطق العمارات لأعرضها عليكم عرضاً حياً لتضح الصورة للجميع بطريقة أفضل بكثير من الإختيار العشوائي وذلك يوم السبت القادم بإذن الله 0

3- أرجوا من الأخوة الكرام الراغبين في الإشتراك سرعة تسجيل بياناتهم و تسجيل إقتراحاتهم بالنسبة لطريقة التخصيص مع تأجيل موضوع إختيار المنطقة حتى يتم عرض الفيديو ثم ننتقل بعد ذلك إلى الخطوات التالية طبقاً لرؤيتي للمشروع كالتالي :-

المرحلة الأولى تسجيل الرغبات و التعارف عن طريق المنتدى وهي التي تتم الآن 0

المرحلة الثانية :- و تشمل التعارف الحقيقي 0

المرحلة الثالثة :- الإتفاق على كل جوانب الموضوع ( كل كبيرة وصغيرة ) 0

المرحلة الرابعة و تشمل توثيق ما تم الإتفاق عليه و البدأ في الخطوات التنفيذية لتكوين الإتحاد و إشهاره رسمياً عن طريق محامي 0

المرحلة الخامسة : وتشمل البدأ في البحث النهائي عن الأرض المناسبة 0

المرحلة السادسة : تكليف إحدى المكاتب الهندسية لتتولى عملية التصميم و التنفيذ لأنني لا أستطيع القيام بهذه المرحلة نظراً لأني أعمل مهندس مراقب جودة أعمال في أكبر شركة مقاولات في الشرق الأوسط و بالتالي غير مسموح لي القيام بأي عمل خارجي خاص0

وفقنا الله لما فيه الخير لنا جميعاً 0

خالص تحياتي و ألقاكم غداً بإذن الله

مهندس / أشرف محمد

تم تعديل 23 ديسمبر 2009 بواسطة أشرف محمد

[أشرف محمد]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد 000

وصلتني رسائل كثير تطلب مني رقم تليفوني المحمول و لكنى لم أتمكن من إرساله لهم نظراً لوجود خطأ في خاصية إستقبال الرسائل لديهم و بالتالي أرجوا إرسال عنوان البريد الإلكتروني الخاص بهم حتى أتمكن من إرسال رقم هاتفي المحمول عليه 0

مع خالص تحياتي

مهندس / أشرف محمد

[موران]

لماذا العاشر من رمضان؟؟؟

1-سعر الارض أقل

2-مدينة متكاملة الخدمات و المرافق، نادرا ما تنقطع فيها الكهرباء او الماء

3-نسبة خضرة و تشجير عالية

4-نظافة الشوارع و الدينة ممتازة و عمال النظافة شغاليين على طول ده غير صناديق الخاصة بجمع القمامة المتوافرة فى كل منطقة بما يكفى احتياجات هذه المنطقة

5-بها خدمات ممتازة وهى فى متناول الجميع و بأسعار جيدة فيوجد المول التجارى و محلات بيع الملابس بأسعار منخفضة و السوبر ماركت بالاضافة طبعا الى محلات بيع الخضار و الفاكهة و السوق الخاص بكل مجاورة و المخابز وكل هذا متوفر و بأسعار معقولة و ليس مغالى فيها، كما يوجد بها العديد من المطاعم مثل مؤمن، كوك دور، كنتاكى ، بيتزا هت، وودز ومطعم البلتاجى للمأكولات البحرية و على فكرة هو خمس نجوم، ايضا يوجد بها العديد من الصيدليات بدل الواحد عشرة أشهرهم العزبى و صيدلية البو

ايضا يوجد النادى وهو نادى الرواد وبأشتراك جيد عشرون الف جنيه-(بالمقارنة بالنوادى اللخرى و خاصة نادى هليوبلس فى مدينة الشروق الذى يبلغ الاشتراك فيه عشرون الف دولار ولا ادرى لماذا- والنادى مساحته كبيرة وجارى تطويره و اضافة مساحة اخرى له

ايضا توجد الجامعة و هى جامعة العاشر وفيها تخصص الادارة و الحاسب و الهندسة و الهندسة فيها مستواها عالى جدا

6- المدينة لها مستقبل فى الاستثمار خاصة عند انشاء مترو الانفاق هذا بالاضافة الى سهولة مواصلاتها من ميكروباصات و اتوبيسات شغالة ليل و نهار.....

7-المدينة على بعد ساعة الا ربع من مصر الجديدة و ربع الى ثلث ساعة من الشروق و ربع ساعة من المركز الطبى العالمى و حوالى 40 دقيقة من الطريق الدائرى

المنطقة بشكل عام هادئة الا منطقة مركز المدينة و هى الاردنية مزدحمة ولكن يو جد منطقة الفيلات و منطقة العمارات و منطقة اسكان الشباب يعنى تنوع....بصراحة فيها فيلات تحفة

لو حد مهتم ممكن اكمل مميزاتها

[وطني حر]

و كل شئ يهون من اجل عيون الموقع الجيد لان من وجهة نظرى المتواضعة ان تكلفة البناء واحدة لارض فى قرية و ارض فى الزمالك

الفرق فى قيمة الارض الذى ينتج شقق باسعار عالية

اولا انا مع هذا الرأي

ثانيا . لا اري الاستعجال ببدا الفكره فالامر يحتاج الي تروي من الاعضاء المشاركين . ونخلي كل عضو يفكر ويفكر ونحاول نسال ونستفيد من تجارب الاخرين . في تنفيذ الفكره والتعامل مع الصعوبات وكيفيه تلافيها . . لكن القرار يكون بعد شهر .او شهرين . عشان نكون اتخذنا قرارنا بتاني ورويه . وكل واحد فينا سال .واستشار . وبردو ممكن نضم الينا اعضاء اخرين .

ثالثا . بالنسبه للتوزيع . انا لا احبذ القرعه فهي توقع ظلم بدون مبرر . فقد اكون ان او انت من وقع في هذا الظلم بدون مبرر . صعب القبول بالقرعــه . فيه اجحاف لا يمكنني اقبله او اسمح لجاري ان يكون ضحيه القرعــه .

فيكون التوزيع بالاسعار الحاليه بالسوق تسعر الوحدات حسب سعر السوق . ولو فيه شقه متميزه لاي سبب او عليها اقابل من اكثر من عضو بالثمن المعلن ممكن نعمل عليها مزاد بين أعضاء الاتحاد واللي يرسو عليه المزاد هو الي يدفع فرق التكلفه .. . واعتقد بالسهوله التعامل مع الفروقات محاسبيا .

الموقع الموقع الموقع .

ارشح الياسمين النرجس ومجاوراتها . والاحياء قرب الجامعه الامريكيه .

تم تعديل 24 ديسمبر 2009 بواسطة وطني حر

[blackdiamond]

السلام عليكم مهندس أشرف

أمتلك قطعة أرض في الاسكان العائلي في مدينة الشروق المجاورة السابعه

قطعة رقم 877 نسبة التميز 10 % ولدي التصاميم الخاصة بها النموذج العاشر (أ)

اذا كان ممكن اشارك بقطعة الارض كيف ستكون المشاركه

ولك جزيل الشكر

[أشرف محمد]

و كل شئ يهون من اجل عيون الموقع الجيد لان من وجهة نظرى المتواضعة ان تكلفة البناء واحدة لارض فى قرية و ارض فى الزمالك

الفرق فى قيمة الارض الذى ينتج شقق باسعار عالية

اولا انا مع هذا الرأي

ثانيا . لا اري الاستعجال ببدا الفكره فالامر يحتاج الي تروي من الاعضاء المشاركين . ونخلي كل عضو يفكر ويفكر ونحاول نسال ونستفيد من تجارب الاخرين . في تنفيذ الفكره والتعامل مع الصعوبات وكيفيه تلافيها . . لكن القرار يكون بعد شهر .او شهرين . عشان نكون اتخذنا قرارنا بتاني ورويه . وكل واحد فينا سال .واستشار . وبردو ممكن نضم الينا اعضاء اخرين .

ثالثا . بالنسبه للتوزيع . انا لا احبذ القرعه فهي توقع ظلم بدون مبرر . فقد اكون ان او انت من وقع في هذا الظلم بدون مبرر . صعب القبول بالقرعــه . فيه اجحاف لا يمكنني اقبله او اسمح لجاري ان يكون ضحيه القرعــه .

فيكون التوزيع بالاسعار الحاليه بالسوق تسعر الوحدات حسب سعر السوق . ولو فيه شقه متميزه لاي سبب او عليها اقابل من اكثر من عضو بالثمن المعلن ممكن نعمل عليها مزاد بين أعضاء الاتحاد واللي يرسو عليه المزاد هو الي يدفع فرق التكلفه .. . واعتقد بالسهوله التعامل مع الفروقات محاسبيا .

الموقع الموقع الموقع .

ارشح الياسمين النرجس ومجاوراتها . والاحياء قرب الجامعه الامريكيه .

بسم الله الرحمن الرحيم

الأخ الكريم / وطني حر

تحية طيبة وبعد 000

1- لا يوجد نهائياً أي إستعجال في تنفيذ الموضوع فالموضوع ليس سهل و لابد من دراستة من جميع جوانبه بتأني حتى لاتظهر أي إختلاف في وجهات النظر أثناء التنفيذ فيحدث ما لا يحمد عقباه0

2- إختيار الموقع يرتبط بالإمكانيات المالية المتاحة فعندما طرحت فكرة الإسكان العائلي بالشروق طرحته على أساس أن سعر متر الأرض لن يتجاوز بأي حال من الأحوال 950 جنيه بينما المناطق التي أشرت إليها حضرتك ستجد أن سعر المتر يتضاعف كثيراً عن الرقم المذكور و بالتالي ستكون التكلفة أعلى و تتعدى حدود الإمكانيات المتاحة 0

3- موضوع القرعة في التخصيص موضوع رأي شخصي فقط يمكن الأخذ به أو تجاهله و لهذا فإن الموضوع مازل تحت التشاور و الدراسة بيننا وذلك للوصول إلى أفضل إقتراح يرضي الجميع 0

تقبل تحياتي

مهندس / أشرف محمد

تم تعديل 24 ديسمبر 2009 بواسطة أشرف محمد

[أشرف محمد]

السلام عليكم مهندس أشرف

أمتلك قطعة أرض في الاسكان العائلي في مدينة الشروق المجاورة السابعه

قطعة رقم 877 نسبة التميز 10 % ولدي التصاميم الخاصة بها النموذج العاشر (أ)

اذا كان ممكن اشارك بقطعة الارض كيف ستكون المشاركه

ولك جزيل الشكر

بسم الله الرحمن الرحيم

الأخ الكريم / blackdiamond

تحية طيبة و بعد 000

ممكن بالطبع مشاركة حضرتك بقطعة الأرض في حالة أن تتوافر الشروط التالية :-

1- موافقة الأعضاء على الأرض من حيث الموقع و السعر 0

2- أن تكون بها مهلة للبناء مناسبة لنا 0

3- أن تكون الأرض تخصيص قديم وليست قرعة 0

4- أن تكون أنت المالك الأصلي لها في الجهاز

في هذه الحالة سيتم تقييم الأرض بسعر السوق و تقسيمها على أربعة أفراد و تدخل حضرتك مساهم عادي مثل باقي الأفراد بتحمل ربع تكلفة البناء 0

خالص تحياتي

مهندس / أشرف محمد

[ziad]

أنا هديكم عصاره تعب الاخرين ببلاش كده وأهو كله عشان اخواتنا اللي هنا في الموقع

اولا شكر كبير جدا لأشرف محمد ,الرجل فكر و بدأ و بيحاول يوصل لافضل الحلول

ثانيا انصح باستخدام طريقه السهم ,هشرح يعني إيه و هقول الاسباب وحكيلكو قصه واقعيه حصلت بين اخوات عشان ترتاحو

إيه السهم ده

السهم ده هو الوحده ,يعني لو هتبنو عماره 4 شقق يبقي السهم يساوي شقه ,لو 8 يبقي السهم يساوي شقه

أو ممكن يكون السهم يساوي دور هتبنو 4 أدوار يبقي الدور سهم وهكذا

العماره فرضا هتكون 8 أسهم ,تمن التكلفه توزع علي الأسهم مع مراعاه إن لما يكون فيه تميز يتم دفع تمنه

يعني شقه ارضي عيبها إنها ارضي بس ميزتها الجنينه ملكيه خاصه ,يتم حساب التميز بكذا ويضاف علي القيمه

شقه بحري علوي اخر دور ومفيش جيران فوقك ,هتدفع أكتر

طيب ليه السهم يا عم زياد منخلينا في القرعه

القرعه هتسبب حساسيات كتيره قوي قوي قوي ,إزاي يعني يا جدعان واحد واخد افضل شقه في العماره يدفع زيه زي بقي الناس اللي واخدين الشقق المتوسطه و الشقق اللي ليها مشاكل ,هل ترضي علي نفسك تكون دافع زيك زي اللي واخد افضل شقه وأنت قاعد في اقل شقه ,حزازيات وقلق وممكن ناس تنفسن ,انما كل واحد ومقدرته ,ولله يا جماعه الشقه ديه أفضل شقه موجوده سهمها أعلي ,وتمنها هيكون أكتر ,طيب نفترض إن فيه كذا عضو عايز نفس الوحده ,سهله جدا ,يتعمل مزاد علني هنا بينهم ويكون الزياده عن تمن تكلفه بناء الشقه يضاف للتكلفه العامه بالسالب ,يعني هيقلل تم البناء علي الكل حتي للشخص اللي دفع أكتر في الشقه اللوز ديه في المزاد ,وبكده محدش هيشيل من حد ,كل واحد هياخد علي قده ومحدش هيقول أنا القرعه ظلمتني ,انتو اتفقتو عليَّ ,أنا اتظلمت ,كله واخد نصيبه علي قد مقدرته

نيجي بقي لقصه الاخوين

دول اخين واحد مهندس والتاني طبيب شغالين في السعوديه

أنا اعرفهم شخصيا عملو اتحاد الملك دا بينهم

اتفقو علي إن توزيع الشقق هيكون بالنص

وبعد ما خلصو اتخانقوا و زعلو مع بعد عشان ده عايز الشقه ديه والتاني شايف إنها من نصيبه

مكانوش متفقين علي كيفيه توزيع الأدوار والشقق

العماره خلصانه علي المحاره في التجمع الخامس من 3 سنين ,مش بيكلمو بعض بقالهم 3 سنين

محدش فيهم ناوي يدفع مليم عشان عدم الثقه والاحساس بالظلم ,التنين نفسنو علي بعد

نزلت أنا في السنه اللي فاتت في العيد الصغير كلمت الاتنين اسلم وده اشتكي وده اشتكي

مكنتش عارف أعمل إيه

سألت شيخي و مربي في مصر

زعل جدا وقالي هي الناس خلاص بقت جهله كده

هو مش ربنا في القرآن عَمر إذا كنت هتشارك اكتب وهات شهود ,قلتله يا شيخ العشم,قالي عشم إيه بقولك ربنا أمر تقولي عشم وبعدين أدي يا سيدي العشم بتاعكم ,شوف ودكم فين ,قطيعه رحم ,طبعا كنت واقف مبلول ,الأيه واضحه والامر واضح والشباب متعلم ومتدينين

المهم قلتله شور عليَّ

يومين كده وكلمني

قالي هات نمر الاخين

اتصل بيهم ,دلوقتي العماره شبه خلصت والاخين حجو مع بعد من كام اسبوع

الراجل قالهم الحل بتاع الأسهم ده

قالهم أنا صاحب العماره وعايز أبيع الشقق ديه ,اتفضلو قولو كل واحد عايز يدفع كام ,الاخ المهندس كان بيحوش عشان يشتري نصيب اخوه فكان معاه فلوس ,انما الاخ الطبيب كان خلاص دفع فلوس في شقه تانيه في الساحل ومكنش معاه سيوله

الاخ المهندس دفع أكتر اخد الاماكن الافضل لكن,الخ الطبيب ارتاح نفسيا وماديا ,اولا هو كده عارف انه مش مظلوم ,اخويا معاه فلوس واشتري بالغالي حلال عليه البحري و الناصيه كمان وأنا دفعت اقل لأن الفلوس الزياده عن تم التكلفه اللي دفعها اخوه قللت التكلفه الاجماليه

أنا علي الاقل للمدي القصير مش هعرف اشارككم في المشروع لظروف شخصيه بس ممكن أشارك برأي وأي خبرات تكون عندي

تم تعديل 24 ديسمبر 2009 بواسطة ziad

[أشرف محمد]

بسم الله الرحمن الرحيم

أخي الفاضل / زياد

تحية طيبة وبعد

شكراً على رد حضرتك ولهذا عندما طرحت فكرة الإسكان العائلي كان الهدف منه أن أقلل بقدر اللإمكان من التعرض لمشكلة التقسيم التي لا تظهر إلا في الدور الأرضي و قد عالجتها من وجه نظري كما شرحت سابقاً 0

أما تنفيذ الفكرة في العمارات فسيزيد من المشاكل كما شرحت حضرتك و عموماً الأمر متروك للجميع للتحاور فيه

خالص تحياتي

مهندس / أشرف محمد

تم تعديل 24 ديسمبر 2009 بواسطة أشرف محمد

[sarmar]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد 000

وصلتني رسائل كثير تطلب مني رقم تليفوني المحمول و لكنى لم أتمكن من إرساله لهم نظراً لوجود خطأ في خاصية إستقبال الرسائل لديهم و بالتالي أرجوا إرسال عنوان البريد الإلكتروني الخاص بهم حتى أتمكن من إرسال رقم هاتفي المحمول عليه 0

مع خالص تحياتي

مهندس / أشرف محمد

مجدى علام رضوان واميلى هو majedmsm_111@yahoo.com

جوالى 09660503215650

[عطر الجنة]

بسم الله الرحمن الرحيم

أخي الفاضل / زياد

تحية طيبة وبعد

شكراً على رد حضرتك ولهذا عندما طرحت فكرة الإسكان العائلي كان الهدف منه أن أقلل بقدر اللإمكان من التعرض لمشكلة التقسيم التي لا تظهر إلا في الدور الأرضي و قد عالجتها من وجه نظري كما شرحت سابقاً 0

أما تنفيذ الفكرة في العمارات فسيزيد من المشاكل كما شرحت حضرتك و عموماً الأمر متروك للجميع للتحاور فيه

خالص تحياتي

مهندس / أشرف محمد

السلام عليكم و رحمة الله و بركاته

اخى الكريم / اشرف

حضرتك لمحت الى ان متر الارض فى العائلى ب 950 جنيه وده ستجده فى اراضى التخصيص المنتهية المدة

و كمان فى اراضى تخصيص الفيلات فهو يصل الى 850 جنيه كمان و حتلاقى الناس اصحاب الارض بتقول ان ممكن تقديم طلب فى الجهاز لمد المهلة حقول اوكيه لكن مد المهلة لايزيد عن شهرين

و شهرين غير كافيين لاقامة حتى بدروم و ارضى لان فى اجراءات حفر و ما الى ذلك عند وجود الرخصة

ده اولا

ثانيا الدراسة المتأنية التى اشار ليها الاعضاء و قلتم انها شهرين ستدخلكم فى شهر مارس وهو بدء ارتفاع تمن الاراضى بشكل كبيييييييييييييير

اه هى كل يوم بترتفع لكن بنسبة قليلة

و المفروض ان مع اتحاد الملاك تكون المهلة كبيرة عشان مرحلة جمع المال من الاعضاء بتاخد وقت

و هنا المهلة يجب الا تقل عن سنة و نصف

و اكبر مهلة فى الشروق كلها لاراضى التخصيص لا تزيد عن سنتين

و اللى يقولكم غير كده يبقى ..... مش عوزه اقول

و الاراضى التخصيص اللى مهلتها سنتين سعرها عالى سواء عائلى ام عمارات

ده تانى امر

بعد كده نيجى للتصميم الداخلى للشقق فدى محلولة اوى اعملوا الاسقف فلات سلاب

وده حيخلى كل عضو يعمل التقسيم الداخلى لشقته كما يحلو له و حيكون الثابت عنده وصلات الصحى عشان دى وصلات للعمارة كلها

لكن حيكون مقيد بالابعاد الداخلية للغرف التى لاتقل طول حائط اى غرفة عن 3.6 متر

ده تالت امر

نيجى لامر هام لاحظته عند الغالبية من الاعضاء

اوعوا تفكروا ان اتحاد الملاك عصا سحرية لشراء شقة بمعنى ان متر الشقة اللى ب 2000 جنيه مثلا حيكون وقتها ب 1000 جنيه

الوضع غير لانى فى خضم المعركة الان

و حجيبها على بلاطة بناء معظم شركات المقاولات زبالة و ميرضيش اى حد بيبنى لنفسه

وححكيى على موقف انا صراحة ببنى ليه وللزمن زى مبيقولوا لكن جارى طلب من المقاول بتاعى انه يشتغله فى ارضه امامى شغل سوقى

و لما استفسرت قالى الحكاية

وده شغلى فى التصميم

فى فرق انك تصمم الشئ على معامل امان 1.5 و فرق انك تصممه على 1.1

وكل تصميم له عمر افتراضى

كمان شركات المقاولات لها التيم ورك بتاعها و بكده بتحاسب غير

عشان كده اقترح عدم اسناد المقاولة لشركة انتم تختاروا مقاول حلو ذو سمعة طيبة و مهندس نظيف اليد يشرف عليه مهما طلب من اجر

تخيلوا مفيش غير شركة زاحدة حولى اللى اساساتها و عمدانها مطابقة للمواصفات الجيدة

كل عضو فى المنتدى يقعد مع نفسه و يتخيل مطلوب منه كام مشاركة سريعة فى تمن الارض و كام نصيبه فى التراخيص و الحفر

سيجده مبلغ محترم و اعرف انك مطالب بتسديد كامل تمن مساهمتك فى شقتك فى وقت لا يتعدى مهلة الارض

يعنى لو الموقع حلو سيكون متر الشقة بحوالى 1500 جنيه وده تقريبا تمن تقديرى لتكلفة المتر

نسيت اقول شئ ان وجود اسانسير بيمنع اى خلافات على الادوار وده سمعته من مقاول كبير هنا فى اسكندرية

وكمان جعل تمن المتر لا بفرق بين الدور الاول و العاشر

تحياتى

[أشرف محمد]

بسم الله الرحمن الرحيم

أخي الفاضل / زياد

تحية طيبة وبعد

شكراً على رد حضرتك ولهذا عندما طرحت فكرة الإسكان العائلي كان الهدف منه أن أقلل بقدر اللإمكان من التعرض لمشكلة التقسيم التي لا تظهر إلا في الدور الأرضي و قد عالجتها من وجه نظري كما شرحت سابقاً 0

أما تنفيذ الفكرة في العمارات فسيزيد من المشاكل كما شرحت حضرتك و عموماً الأمر متروك للجميع للتحاور فيه

خالص تحياتي

مهندس / أشرف محمد

السلام عليكم و رحمة الله و بركاته

اخى الكريم / اشرف

حضرتك لمحت الى ان متر الارض فى العائلى ب 950 جنيه وده ستجده فى اراضى التخصيص المنتهية المدة

و كمان فى اراضى تخصيص الفيلات فهو يصل الى 850 جنيه كمان و حتلاقى الناس اصحاب الارض بتقول ان ممكن تقديم طلب فى الجهاز لمد المهلة حقول اوكيه لكن مد المهلة لايزيد عن شهرين

و شهرين غير كافيين لاقامة حتى بدروم و ارضى لان فى اجراءات حفر و ما الى ذلك عند وجود الرخصة

ده اولا

ثانيا الدراسة المتأنية التى اشار ليها الاعضاء و قلتم انها شهرين ستدخلكم فى شهر مارس وهو بدء ارتفاع تمن الاراضى بشكل كبيييييييييييييير

اه هى كل يوم بترتفع لكن بنسبة قليلة

و المفروض ان مع اتحاد الملاك تكون المهلة كبيرة عشان مرحلة جمع المال من الاعضاء بتاخد وقت

و هنا المهلة يجب الا تقل عن سنة و نصف

و اكبر مهلة فى الشروق كلها لاراضى التخصيص لا تزيد عن سنتين

و اللى يقولكم غير كده يبقى ..... مش عوزه اقول

و الاراضى التخصيص اللى مهلتها سنتين سعرها عالى سواء عائلى ام عمارات

ده تانى امر

بعد كده نيجى للتصميم الداخلى للشقق فدى محلولة اوى اعملوا الاسقف فلات سلاب

وده حيخلى كل عضو يعمل التقسيم الداخلى لشقته كما يحلو له و حيكون الثابت عنده وصلات الصحى عشان دى وصلات للعمارة كلها

لكن حيكون مقيد بالابعاد الداخلية للغرف التى لاتقل طول حائط اى غرفة عن 3.6 متر

ده تالت امر

نيجى لامر هام لاحظته عند الغالبية من الاعضاء

اوعوا تفكروا ان اتحاد الملاك عصا سحرية لشراء شقة بمعنى ان متر الشقة اللى ب 2000 جنيه مثلا حيكون وقتها ب 1000 جنيه

الوضع غير لانى فى خضم المعركة الان

و حجيبها على بلاطة بناء معظم شركات المقاولات زبالة و ميرضيش اى حد بيبنى لنفسه

وححكيى على موقف انا صراحة ببنى ليه وللزمن زى مبيقولوا لكن جارى طلب من المقاول بتاعى انه يشتغله فى ارضه امامى شغل سوقى

و لما استفسرت قالى الحكاية

وده شغلى فى التصميم

فى فرق انك تصمم الشئ على معامل امان 1.5 و فرق انك تصممه على 1.1

وكل تصميم له عمر افتراضى

كمان شركات المقاولات لها التيم ورك بتاعها و بكده بتحاسب غير

عشان كده اقترح عدم اسناد المقاولة لشركة انتم تختاروا مقاول حلو ذو سمعة طيبة و مهندس نظيف اليد يشرف عليه مهما طلب من اجر

تخيلوا مفيش غير شركة زاحدة حولى اللى اساساتها و عمدانها مطابقة للمواصفات الجيدةكل عضو فى المنتدى يقعد مع نفسه و يتخيل مطلوب منه كام مشاركة سريعة فى تمن الارض و كام نصيبه فى التراخيص و الحفر

سيجده مبلغ محترم و اعرف انك مطالب بتسديد كامل تمن مساهمتك فى شقتك فى وقت لا يتعدى مهلة الارض

يعنى لو الموقع حلو سيكون متر الشقة بحوالى 1500 جنيه وده تقريبا تمن تقديرى لتكلفة المتر

نسيت اقول شئ ان وجود اسانسير بيمنع اى خلافات على الادوار وده سمعته من مقاول كبير هنا فى اسكندرية

وكمان جعل تمن المتر لا بفرق بين الدور الاول و العاشر

تحياتى

بسم الله الرحمن الرحيم

الأخت الفاضلة عطر الجنة

تحية طيبة وبعد 000

شكراً كثيراً على مشاركتك و لكن لي بعض الملاحظات الهامة التي أحب أن أوضحها :-

1- هل يعقل أن أغامر بفلوسي و بفلوس الناس حتى أشتري أرض منتهية المهلة ؟؟؟

إلى حضرتك بعض العروض التي تلقيتها الآن من إحدى شركات التسويق العقاري :-

أولاً المجاورة السابعة :-

القطعة رقم 818 المساحة 270 م2 - تخصيص - مهله حتى مارس 2012 - مطلوب 190 ألف جنيه قابل للتفاوض + قسطين × 15 ألف - مالك أصلي 0

القطعة رقم 920 المساحة 260 م2 - تخصيص + رخصة + مجمعة + خالصة من الجهاز - مهلة سنتين مطلوب 230 ألف جنيه - مالك أصلي 0

القطعة رقم 791 المساحة 300 م2 تخصيص - مهلة 3 سنوات - مطلوب 225 ألف قابل للتفاوض + 3 أقساط × 17 ألف - مالك أصلي 0

القطعة رقم 720 المساحة 300 م2 تخصيص - مهلة 4 سنوات مطلوب 220 ألف قابل للتفاوض + 4 أقساط × 17 ألف جنيه - مالك أصلي 0

ثانياً المجاورة الثامنة :-

القطعة رقم 1134 المساحة 260 م2 - تخصيص - مهلة 4 سنوات مطلوب 185 ألف قابل للتفاوض +4 أقساط × 15 ألف جنيه - مالك أصلي 0

ثالثاً منطقة العمارات :-

المنطقة السابعة المجاورة الأولى :-

القطعة رقم 71 المساحة 834 م2 تخصيص - مهلة سنة - خالصة الأقساط + رخصة + مجمعة + حفر + أساسات + أعمدة البدروم - مالك أصلي مطلوب 1200 جنيه للمتر قابل للتفاوض 0

رابعاً :- من قال أن الدراسة المتأنية يجب أن تستمر شهرين ؟

خامساً : أقترحت على السادة الأعضاء تكليف إحدى الشركات لتولي مسئولية التصميم والتنفيذ وذكرت أسباب ذلك و إذا قام السادة الأعضاء بتكليفي بحرية الإختيار سأختار الشركة التي تشرفني أمام الجميع و سيكون بالطبع تحت إشرافي ولن نتعاقد مع شركة من الشارع و لا تنسي أن و ظيفيتي كما ذكرت مهندس مراقب جود أعمال و بالتالي لن يتم تسليم الأعمال كما تتخيليها حضرتك 0

و أعلن أمام الجميع بأنه إذا تم تفويضي لإختيار الشركة التي ستتولى تنفيذ المشروع فأنا في هذه الحالة مستعد أن يقوم الأعضاء بتفويض مهندس إستشاري للإستلام نيابة عنهم للتأكد من سلامة الأعمال و جودتها فالموضوع يا أختي الفاضلة ليس شغل سوقي سينفذ نحن نبني لأنفسنا يا أختي الفاضلة0

و هذه أمانة كبيرة ستكون في رقبتي فكيف تفكرين بهذا المنطق ؟

خالص تحياتي

مهندس / أشرف محمد

تم تعديل 24 ديسمبر 2009 بواسطة أشرف محمد

[magedcozaki]

انت لها يا باشمهندس ان شاء الله

تقبل تحياتي

[وطني حر]

سؤال باختصار

هو ثمن متر الارض عمارات او عائلي يوقف بكم ( ثمن متر الشقه . محملا عليه الارتفاع والمساحات الفاضيه من الارض)

ثمن متر الارض 2000 جنيه . مساحه المبني 50% ارتفاع المبني عشر ادوار .؟ يكون نصيب المتر للشقه =

400 جنيه للمتر في الهواء .

لو الشقه 100 متر يبقي 40 الف نصيبها من الارض .+ تكلفه المتر على المحاره ( 800 *100 ) جنيه = 120 الف مع الارض

تشيطبط لوكس تبتدي من الــ60 الف جنيه = 180000 اجمالي التكلفه

يبقي ثمن المتر 1800 جنيه محاره

الاسعار قابله للتعديل والتغيير المهم البدايه والاتفاق .

مهندس ياسر . ممكن جدول زمني تقريبي .

من تاريخ شراء الارض . والرسومات .. والرخص ومده التنفيذ ..الخ عشان يكون كل عضو من اعضاء الاتحاد يقدر يشوف اموره الماليه وهو هو قادر علي الدفع في المواعيد المحدده . ما يجيش عضو يقول وقت الدفع معنديش او استن ..او ضروفي

وما هي التزامات اعضاء الاتحاد . لو تاخر عضو عن الدفع في الوقت المحدد .؟؟