ياترى من الباغى ؟

[president]

في احد المواضيع المتاحه في المنتدى وفى احد المداخلات سألت صديقى الذى كنت اتحاور معه هذا السؤال

لو قامت مناوشات على الحدود بين مصر وحماس ياترى انت انتماءك لمين ؟

جالى رد من احد الأعضاء الأفاضل(الأستاذ capitshino ) على البريد الخاص وكان دا نص الحوار مابينا :[[[

اخى بريسدنت

فقط احببت ان الفت نظرك الى الاية الكريمة

بسم الله الرحمن الرحيم

وَإِن طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِن بَغَتْ إِحْدَاهُمَا عَلَى الْأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِن فَاءتْ فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ .

ردا على سؤال بان تناصر حماس او مصر

شكرا لك

------- ومن جهتى دا كان ردى .

اخى الكريم أشكرك على التوضيح . بس انت عارف حضرتك المشكله كلها فى ايه فى (البغى) على حسب مانا فاهم البغى بمعنى الأعتداء

تفتكر ان اقامة جدار فى حدودنا هوا بغى عليهم ولا حق لينا مهما كانت اسبابنا ؟

استئذنك ممكن نفتح موضوع بخصوص الفكره دى وأقتبس ردك ولا هيضايقك فى حاجه ؟

ملحوظه : انا مش هكابر عشان فكره او عايز افرضها انا فعلا محتاج اقتنع بايه الصح ؟

تحياتى ليك

----ومره اخرى دا كان رد الأستاذ capitshino

انا نفسى محتار ولكننى مع حماية حدودنا 100% وعارف ان دى مسئلة امن قومى

بس المشكلة اننا فى بعض الاحيان بنساهم فى زيادة مشكلتهم ومن هنا المشكلة وباكون بين ناريين

بافتكر منظر الاطفال وهم جوعى وايضا احب ان تكون لنا استقلالية .

بالنسبة للموضوع الجدبد تفضل حضرتك بفتحه .. شكرا لك ]]]]]

كنت عايز أضيف تعقيب صغير بس

ياريت نتكلم من وجهة نظرنا كمصريين مانتكلمش من وجهة نظر عرب بيبصوا وهايشوفوا هانعمل ايه .

مع احترامى لكل العرب ولا ليهم لازمه واحنا كمان مش المفروض نديهم اكتر من حقهم . انا مش بكفر بالقوميه العربيه .

بس بلاش نضحك على بعد بكلام قضيه عربيه ومش قضيه عربيه . العرب مابنخدش منهم غير كلام وفضائيات وشتايم وبس .

ياترى فى اعتبارات ممكن تخلينا منحطش مصلحة مصر فى المقام الأول ؟

ياترى احنا من حقنا سيادتنا الكامله على الأرض ؟ وبكده بنبقى بنبغى على حد ؟

طب لما حماس تضرب نار علينا دا حق ليهم ؟ ولا كده يبقى بغى منهم ؟

تحياتى

[capitshino]

شكرا لك استاذ بريسدنت على فتح الموضوع . فقط احببت اسئل عن امكانية وضع استفاء للراى بخصوص انشاء هذا الجدار بصغية

هل انت موافق ام غير موافق على انشاء هذا الجدار .

[capitshino]

بالنسبة لسؤالك

طب لما حماس تضرب نار علينا دا حق ليهم ؟ ولا كده يبقى بغى منهم ؟

اكيد مش حق ليهم .. بس ممكن السؤال يتسئل بطريقة تانية

من الذى ضرب النار على الفرقة الهندسية التى تقوم بانشاء الجدار ؟؟

تابعت معظم وسائل الاعلام ولم تذكر واحدة منهم انها حماس ... معظم وسائل الاعلام ومن ضمنهم الجزيرة قالت اطلاق نار من الجانب الفلسطينى على الحدود المصرية

[justme]

الاخ الفاضل بريزدنت

الموضوع شائك وخطير ولكن السؤال ما هو نزع الخطر بمعنى هل هم يتسللون للقيام بعمليات

[ذهبية]

معلش سؤال علشان الفكرة توضح

هو الجدار دة بالنسبة لهم كل حياتهم لان بيهربوا فية الحاجات الىل محتاجنها و طبعا بيستخدم برضة فى تهريب الاسلحة

لكن برضة علشان يحافظوا على حياتهم

احنا بقى مضررورين فى اية

يعنى هما ضرونا احنا فى اية

بصراحة انا شايفة اننا بنحمى اسرائيل علشان ما يهربوش الاسلحة ليهم و كمان بنظلم الفلسطين لانهم كدة هيبقى حصار من برة و من جوة

ياريت علشان الواحد يعرف يشوف الموضوع بطريقة حيادية ان اى حد يقولى هو لما كان فية تهريب دة كان بيضرنا فى اية

علشان نعمل حاجز فولازى و نخاف منة قوى كدة والله ملوش اجابة الا اننا بنحمى الاسرائلين و بنضيق الخناق على الفلسطينين اكتر ما هم

لو فية اجابة تانية ياريت اسمعها

[president]

شكرا لك استاذ بريسدنت على فتح الموضوع . فقط احببت اسئل عن امكانية وضع استفاء للراى بخصوص انشاء هذا الجدار بصغية

هل انت موافق ام غير موافق على انشاء هذا الجدار .

استاذى الفاضل . الموضوع الهدف منه مش مناقشة خطوة بناء الجدار صح او لأ . الفكره كلها ان الجدار بيتبنى ودا قرار مصرى

سيادى . هل هوا غلط أو صح ماعنديش الخبره الكافيه عشان أحكم على الكلام ده . ومش بالمظاهر بس أقدر أحكم .

انا كل حيرتى انى لو شفت اعتداء على بلدى انا هل ممكن اتعاطف مع الطرف الأخر المعتدى مهما كانت اسبابه بحكم ان الطرف الأخر شاف انه هوا المعتدى عليه ؟

من الذى ضرب النار على الفرقة الهندسية التى تقوم بانشاء الجدار ؟؟

تابعت معظم وسائل الاعلام ولم تذكر واحدة منهم انها حماس ... معظم وسائل الاعلام ومن ضمنهم الجزيرة قالت اطلاق نار من الجانب الفلسطينى على الحدود المصرية

المداخله دى مهمه جدا . يعنى لو عرفنا ان الطرف التانى اللى ضرب مثلا هم انصار فتح المفروض نرد عليهم دا على اساس اننا كلنا شايفين ان فتح دول خونه .

ولا عشان حماس هيا اللى فى الموضوع ممكن ننحاز ليهم . بس ننحاز ليهم على حساب بلدنا ؟

برده انا عايز اوضح للأخوه الأفاضل justme وذهبيه .

عشان منضحكش على بعض ونقرب الصوره اكتر . كل الناس فاهمه ان مصر مش عايز حماس فى السلطه وعايز تخنق حماس لأعتبارات كثيره .

كلنا عارفينها ولجأت الى الجدار كنوع من الضغط برغم انه حق كامل ومشروع لمصر . سؤالى فى الأخر لو انطلب مننا نحدد انتمائنا هنبقى مع مين وضد مين ؟

لو افترضنا انه كان فى جاريين الجار الأول والجار التانى والجار الأول ده مكنش يعرف يخرج الشارع غير عن طريق باب جاره التانى . جاره التانى من غير مقدمات قفل الباب .

الجار الأول اعتدى على الجار التانى.

ياترى اهل بيت الجار التانى هيقفوا مع ابوهم ولا مع جارهم ؟

تحياتى

[Alshiekh]

معلش سؤال علشان الفكرة توضح

هو الجدار دة بالنسبة لهم كل حياتهم لان بيهربوا فية الحاجات الىل محتاجنها و طبعا بيستخدم برضة فى تهريب الاسلحة

لكن برضة علشان يحافظوا على حياتهم

احنا بقى مضررورين فى اية

يعنى هما ضرونا احنا فى اية

مايتم تهريبه عن طريق الانفاق ينقسم الى مجموعات

1- مجموعات سلع غذائية ، معظمها مدفوع فيها دعم ويتم تهريبها ليدخل فرق السعر الى جيوب المهربين

2- مسروقات ، حيث يتم تقطيع السيارات لتهريبها من خلال الانفاق واعادة لحامها مرة اخرى .

3- السلاح المسروق ايضا او الذى يتم التجارة فيه بطرق غير مشروعة.

والاهم من ذلك ان اى دولة يجب ان يكون لها سيطرة على منافذها البرية والجوية والبحرية ،

عندما تمر طائرة فوق اراضى دولة اخرى يتم انزالها واحتجازها مع طاقمها

وعندما يدخل قارب صيد مصرى المياه الاقليمية لاى دولة يتم القبض عليه وعلى بحارته ورأينا ذلك كثيرا مع كل الدول المجاورة لنا.

التجار الذين اعتادوا التجارة بين مصر وليبيا ( شراء بضائع من ليبيا وتهريبها الى مصر ) كان يتم القبض عليهم فى جمرك طبرق لان السلع الليبية مدعمة.

أرجو ان تكون الصورة قد اتضحت.

[capitshino]

يعنى هما ضرونا احنا فى اية

مايتم تهريبه عن طريق الانفاق ينقسم الى مجموعات

1- مجموعات سلع غذائية ، معظمها مدفوع فيها دعم ويتم تهريبها ليدخل فرق السعر الى جيوب المهربين

2- مسروقات ، حيث يتم تقطيع السيارات لتهريبها من خلال الانفاق واعادة لحامها مرة اخرى .

3- السلاح المسروق ايضا او الذى يتم التجارة فيه بطرق غير مشروعة.

والاهم من ذلك ان اى دولة يجب ان يكون لها سيطرة على منافذها البرية والجوية والبحرية ،

عندما تمر طائرة فوق اراضى دولة اخرى يتم انزالها واحتجازها مع طاقمها

وعندما يدخل قارب صيد مصرى المياه الاقليمية لاى دولة يتم القبض عليه وعلى بحارته ورأينا ذلك كثيرا مع كل الدول المجاورة لنا.

التجار الذين اعتادوا التجارة بين مصر وليبيا ( شراء بضائع من ليبيا وتهريبها الى مصر ) كان يتم القبض عليهم فى جمرك طبرق لان السلع الليبية مدعمة.

أرجو ان تكون الصورة قد اتضحت.

تقسيمك لما يهرب من الانفاق الى غزة صحيح ولكن!

1- مجموعات سلع غذائية ، معظمها مدفوع فيها دعم ويتم تهريبها حتى لا يموت شكان القطاع من الجوع

2- مسروقات ، حيث يتم تقطيع السيارات لتهريبها من خلال الانفاق واعادة لحامها مرة اخرى . "ممكن دليل على هذا الكلام"

3- السلاح المسروق "ممكن حضرتك توضح مسروق من اين بالظبط" وايضا الا يستخدم هذا السلاح فى المقاومة ضد اليهود

[justme]

انا في رأيي استمرار المقاومة هو خيار استراتيجي بالنسبة لنا اكتر من الفلسطينيين

فتخيلوا لو انتفى وجود مقاومة في القطاع والجماعة سلموا دقنهم لاسرائيل

اذا اتفقوا هيكون في الغالب الخطوة التالية احنا

اسرائل لاتزال تحلم بالفرات للنيل على حد علمي

ودول شوية غلابة وباقل امكانيات مبهدلينهم

فوجودهم بالشكل ده مهم

ومازال لا اجابة على سؤالي ما نوع الخطر بالضبط

بس ياريت دليل من اكتر من مجرد كلام

[president]

تقسيمك لما يهرب من الانفاق الى غزة صحيح ولكن!

1- مجموعات سلع غذائية ، معظمها مدفوع فيها دعم ويتم تهريبها حتى لا يموت شكان القطاع من الجوع

2- مسروقات ، حيث يتم تقطيع السيارات لتهريبها من خلال الانفاق واعادة لحامها مرة اخرى . "ممكن دليل على هذا الكلام"

3- السلاح المسروق "ممكن حضرتك توضح مسروق من اين بالظبط" وايضا الا يستخدم هذا السلاح فى المقاومة ضد اليهود

عشان كده يأستاذ محمد ويأستاذ (capitshino) . ماكنتش عايز ادخل بالموضوع فى جزئية هوا اقامة الجدار كان صح او غلط .

لأن كلا الطرفين المعارضين والموافقين لن يتفقوا . مش عيب فيهم او حد مش عايز يقتنع .

بس النظره الدينيه البحته غير النظره السياسيه البحته وهندخل فى نقطة فصل الدين عن السياسه والعلمانيه وهلم جرا والحته دى مش بتاعتى خالص :blink: .

وهندخل فى نقاش دينى بحت بره الموضوع . انا افترضت ان احنا عدينا مرحله الجدال فى النقطه دى . واحنا قدام حقيقه .

واقعه ان الجدار المصرى سياده كامله لمصر وقرارها بايديها واسبابها تخصها هيا فقط . بس لما حصل موضوع اطلاق النار .

لقيت مصريين كتير بيأيدوا موضوع اطلاق النار ده بحجة الدفاع عن نفسهم قصدهم على حماس !! لقيت ناس الدم المصرى عندها ملوش قيمه . بس دم حماس ليه قيمه كبيره .

برغم ان الدم المصرى بيكون لضابط او جندى فى الجيش ملتزم ان ينفذ اوامر قادته والا ان يصبح خائن للوطن . ودا العرف فى اى جيش فى العالم .

او حتى لو ماكنش ضابط ممكن يكون لمهندس لعامل لأى حد .

مش حاجه تضايق برده لما ناس تنفذ الأوامر ويموتوا نقوم حتى مانترحمش عليهم ونعتبرهم خاينين . واللى قتلهم نهلله ونرفعوا فوق راسنا .

برغم انى ضد فصل الدين عن اى شئ فى حياتنا . بس انا ضد ان تنتهك حدودنا او يعتدى علينا من ايا كان ( حماس بقى اسرائيل اى حد )

كمصرى الدم المصرى اغلى من اى حاجه .

تحياتى

تم تعديل 21 ديسمبر 2009 بواسطة president

[miramikhail]

ده كانت مداخلة سابقة ليا

أنا مش حناقش بناء الجدار لكن عندى كذا نقطة حسألها وفكروا فيها

1- لما حماس كسروا الأسوار و ضربوا العساكر المصرين و فية ماتوا كان تصرف طبيعى و هل مفروض مصر تتصرف أزاى؟

2- السعودية أتصرفت أزاى مع الحوثيين و هما عرب و مسلمين و محاصرين من قبل الحكومة اليمنية و بتضربهم لكن بمجرد ما تخطوا حدود السعودية أية كان التصرف...

3- مصر كانت سايبة الأنفاق بقى لها سنين أية اللى جد خلها تعمل كده و أنا فاكرة كلمة الرئيس حسنى مبارك لما قال لهم (لليهود ) لو عايزين تقفلوا الأنفاق لها ناحيتين أقفلوها من عندكم و دية كانت فى حديث تلفزيونى أو خطاب حاجة كده ؟

أنا السؤال ده حجاوب علية اللى جد القبض على بعض محاولات التخريب و كان بين المقبوض عليهم فلسطنين و فية ناس من سينا كانوا بيسفروا يتدربوا هناك فى غزة و مش عشان يساعدوا الفلسطنين ده كان تبقى حاجة الله يكرمهم لكن عشان يجوا و يخربوا هنا .

فالحل عمرة ما يبقى الأنفاق لأه الدخول يبقى رسمى من معبر رفح و ده اللى تحت أدينا و تحت سمع و بصر الحكومة المصرية يعنى ما فيش حاجة تيجى من هناك لعندنا أى حاجة تطلع للفلسطنين معندناش مشكلة ده اللى نطالب بية الحكومة و لو أتعمل يبقى عداها العيب.

أنا عارفة طبعا أنى حسمع هجوم كتير لكن حدود أى بلد لها حرمتها و اللى فاكر أننا بنساعد أهل غزة بأننا نخليهم يجوا عندنا يبقى فاهم غلط أسرائيل بتتمنى اليوم اللى الفلسطنين يمشوا و شوية يجوا عندنا فى سينا و شوية يروحوا الأردن.

الأضافة بقى طبعا مع مصر ضد أى أعتداء من أى مخلوق أن كان

تم تعديل 21 ديسمبر 2009 بواسطة miramikhail

[justme]

افكركم قبل كده ان في جنود اسرائيليين ضربوا نار علينا ومات فيها ناس ومعملناش حاجة سؤالي اشمعنى دلوقت

[ذهبية]

ايوة ما هو دة السؤال الى هيجننى اشمعن دلوقتى ما الحال دة بقالة كذا سنة وبردة الحوادث الىل بتحصل بقلها كذا سنة اشمعن دلوقتى

اية اللى بيحصل تحت الستار و مين اللى بيضغط على مصر علشان تعمل الجدار دة و لية الان بالذات و لية التكتيم الاعلامى عندنا

دة عرفنا يا جماعة من جريدة هارتس الاسرائلية و لما اتسالت الخارجية المصرية قالوا لها دى حرية و مصر حرة فى ارضها يعنى حتى الاعتراف بالامر كان بحياء و مجرد دفاع

ياترى كان اية المقابل علشان مصر توافق مع ان زى ما قال عضو سابق ان حسنى مبارك علطول بيرفض و يقول اقفلة من عندكم

مش عارفة حاسة لية ان المووضع لة علاقة بتوريث الحكم زى ماانا حاسة ان مووضع البرادعى ما ظهر كدة فجاة زى ما تكون ورقة غط

هو المووضع بعيد عن بعضة بس انتم عارفين ان السياسة كلة منفد على بعضة

حد يجاوبنى بس

زى سال العضو السابق لية دلوقتى بالذات ؟؟؟؟ اية اوراق الضغط الى تمارس على مصر علشان بصراحة مش مصدقة مووضع سلامة اراضيها و القصص دى

[أحمد سيف]

افكركم قبل كده ان في جنود اسرائيليين ضربوا نار علينا ومات فيها ناس ومعملناش حاجة سؤالي اشمعنى دلوقت

لإننا مش حمل حرب مع إسرائيل دلوقت ... فبالتالي لازم نبلع لها الزلط

إنما حماس مقدور عليهم ويمكن كمان ضربهم يحقق مصلحة لمصر (مش بالضرورة مصر الشعب ... كفاية مصر النظام) فبالتالي لازم نتلكك ونعمل من الحبه قبه

هيا دي لعبة السياسة يا سيدي الفاضل ... المصالح قبل المبادئ

[Alshiekh]

افكركم قبل كده ان في جنود اسرائيليين ضربوا نار علينا ومات فيها ناس ومعملناش حاجة سؤالي اشمعنى دلوقت

لان هناك قواعد تتم عن طريق القنوات الديبلوماسية فى مثل تلك الحوادث " الفردية "

الدول لاتقيم حروبا عندما تحدث حوادث فردية او حتى اطلاق نار متبادل لاسباب ليس منها اعلان حالة الحرب.

للاسف الناس تتصور ان الدول تتصرف كما تتصرف العائلات الصغيرة وهو مالا يتم على مستوى الدول ، حيث يتم محاسبة المسئول عن الخطأ عن طريق دولته وتتابع الدولة الاخرى الاجراءات وتعترض عليها لو لم تتم المحاسبة بطريقة عادلة ، تماما كما حدث فى قضية المرحومة السيدة " مروة الشربينى "

اما حكاية " اشمعنى دلوقتى " فيجب ان يتم توجيه السؤال الى الذين يريدون ان تسير الامور على الحدود بدون ضابط او رابط لو كان الامر يتعلق بالجانب الفلسطينى ، ويوافقون على الضرب والسحل للاطفال والنساء والرجال على السواء فى ميدان مصطفى محمود لانهم اصحاب بشرة سوداء وليسوا مسلمين !!!

[president]

واضح برده الموضوع بيمشى فى اتجاه تانى خالص . لكل فرد منا قناعاته الخاصه ومبرراته بشأن الجدار . بس واضح اننا عندنا تردد فى الأجابه المباشره.

هل حنقنا على النظام يخلى موضوع الأعتداء ده مقبول ؟ هل معاهداتنا مع اسرائيل وعدم رضى جزء من الشعب عنها يخلى الأعتداء ده مقبول ؟

هوا جيش مصر ومهندسين مصر وارض مصر بتمثل النظام ولا بتمثل كل الشعب ؟

هوا لسه فى ناس متردده تقول انها ضد أى أعتداء من أى مخلوق على مصر؟

نموذج لمداخله قالت رايها بكل صراحه .

الأضافة بقى طبعا مع مصر ضد أى أعتداء من أى مخلوق أن كان

الموضوع ليه جزء تانى وابعاد تانيه بس ياريت اسمع اراء حضراتكم الأول .

تحياتى

[أبو محمد]

واضح برده الموضوع بيمشى فى اتجاه تانى خالص . لكل فرد منا قناعاته الخاصه ومبرراته بشأن الجدار . بس واضح اننا عندنا تردد فى الأجابه المباشره.

هل حنقنا على النظام يخلى موضوع الأعتداء ده مقبول ؟

لا

هل معاهداتنا مع اسرائيل وعدم رضى جزء من الشعب عنها يخلى الأعتداء ده مقبول ؟

لا

هوا جيش مصر ومهندسين مصر وارض مصر بتمثل النظام ولا بتمثل كل الشعب ؟

كل الشعب

هوا لسه فى ناس متردده تقول انها ضد أى أعتداء من أى مخلوق على مصر؟

نعم .. الذين اختاروا انتماء آخر ، واعنقدوا أن الانتماء للوطن يتعارض مع انتمائهم

[أبو محمد]

إعتبرت مصر أن حوادث إطلاق النار من غزة على مصريين يقيمون جدارا على أرضهم هى حوادث فردية .. وفى الوقت نفسه أكدت أن مصر تمارس سيادتها على أراضيها كأى دولة فى العالم

الموضوع بسيط ولا يحتاج إلى مزايدات .. مصر تمارس سيادتها على أراضيها .. وحماس تتعهد بمنع إطلاق النار من غزة على العاملين المصريين .. ينبغى ألا يخرج الموضوع عن هذا الإطار ..

أما من يريدون أن تصبح حدودنا سداح مداح كما حدث منذ عامين عندما تدفق نصف سكان غزة إلى سيناء .. فهم يحرثون فى البحر .. لن يحدث ياسادة .. لن يحدث طالما يسكن مصر مصريون

من يريد أن يدخل بلدنا يدخلها بشروطنا .. تماما كما لا يستطيع أحدكم أن يدخل إلى أى بلد عربى بدون فيزا .. وفى معظم الحالات لا يستطيع الدخول بدون كفيل يحتجز جواز سفره بحيث لا يخرج سوى بموافقته ..

ملحوظة : الأسبوع الماضى احتجزت السلطات السعودية 61 صيادا مصريا دخلوا "يبحثون عن الرزق" فى المياه الإقليمية السعودية .. مارست السعودية سيادتها بمنع الدخول لمياهها بدون إذن .. لماذا لم نقرأ استنكارا وشجبا وإدانة للسلطات السعودية التى تمنع مصريين فقراء "مسلمين" تغربوا عن أهاليهم بين السماء والماء بحثا عن لقمة العيش .. لماذا لم نقرأ اتهاما للسلطات السعودية "المسلمة" بأنها تحارب المصريين "المسلمين" فى أرزاقهم

وبالمناسبة : لماذا لم نقرأ أو نسمع شجبا أو استنكارا لإنفاق حماس 2 مليون دولار "أمريكى" من أيام قليلة على مهرجانات الاحتفال بالذكرى الثانية والعشرين لتأسيس الحركة؟ .. أين العطف على - والتعاطف مع -الجوعى فى غزة ؟

تم تعديل 22 ديسمبر 2009 بواسطة أبو محمد

[ابو محمود]

ياريت يا جماعة الكلام ما يكونش سطحى او تلفيق اكاذيب او ضرب ودع

بيكون الموضوع اصلح لو تناقشنا بدون تعصب النهاية والبداية تعرف كما يعرف الرجل يدة

الموضوع كلة هل توافقون على ان يتم حرمان مليون ونصف المليون من الحياة كم من الجرائم تتم بأسم الحدود

هل نحن حقآ نريد ان نكون فى مصاف الأنسان ؟؟؟ جميع دول العالم المتحضر وما يسمو انفسهم بالمتقدمين ومن يدافعون عن الحرية وحقوق الانسان والحيوان يتسابقون لسحق شعب مسلم وعربى

كل شعوب العالم المتمدن والحضارى واصحاب القوى العظمى يشاركون فى تنكيل وتعذيب شعب كل ابناءة ينطقون لغة عربية كل دول وشعوب العالم المتمدن والحضارى يصوتون لصالح الصهيونية

فهنيئآ لنا ان نساعدهم ونكون معول هدم لما تبقى من هذا الشعب ونكون ممن يفرقون بين حقوق الانسان وسحقة وبين حياتهم الهنيئة وحرمان بشر كل ذنبهم انهم مطمع من قبل صلاح الدين ومن ايام الدولة الاسلامية وما الت لة من ضعف وهوان وتم استقطاع جزء عزيز من كبدها العريان على شاطيء المتوسط وتكالبت علية

ونهشتة يد من يسمون انفسهم بالعالم الاول الذى ننبهر بة وبحضارتة الجبارة وصناعتة وعلمة فكيف يغيب عن ذاكرتنا حروبهم وتجبرهم فلا ننطق بلسان او نشير بيد لمذابحهم لنا والذى نفسى بيدة لو تركنا غزة وما تبقى من فلسطين سيكون الدور القادم بعدها مصر وليس سيناء فقط التى يطمع فيها اهل غزة فهل كانو جبناء اهل غزة ولم يدافعو عنها واحتلو سيناء ؟؟؟؟؟

اعزائى واخوتى من الحق ان نعترف بأننا لا نقدر الا بالكلام فهذا ما تبقى لنا جميعآ كمصريين فنحن جميعآ اما هارب خارج الوطن او مكبل اليد داخلة فلا يصح على هارب او مكبل الا ان يحلم فقط بحريتة وكيفية استرجاها

اما حماية حدودة فهو غير قادر الا على من ضعف وكان اقل منة قوة لكن ننسى دائمآ فى مناقشاتنا بأن الكثير من وقائع التاريخ علمتنا ان من يمت حرآ خيرآ من أن يكون زليلآ يملك ارضآ لا وصاية لة عليها ويحكم بقوانين وضعت كى لا يعمرها الا بمنتجعات وفجور على شواطئها ولا يستفيد من خيراتها وخيرات ما يخرج من باطنها

ونبكى عندما نشاهد مذابح على حدودها ونمصمص الشفاة ونهرب من الحق بأن نلوم ونلفق التهم ونصف اهلها بالمحتالين ومن باعو ديارهم سابقآ رغم انهم يقاتلون عليها ولهم بطولات كما كانت لأجدادنا

فليس كل من شاهد معركة او التحق بجيش يطلق علية بالمحارب فكثير منهم يشاهدون الجبهة ويحضرونها فقط

واخيرآ لابد ان نعترف ان عدونا واحد وقادم لنا لا محالة فهذا قدرنا بأمر من الله عز وجل فلا مهرب منة

ولا بد ايضآ ان نعترف اننا ضعفاء فأن لم نكن فأين ما اعددناة ليوم مشهود قادم لا محالة لقد هددنا من يرقد على سرير الموت (شارون ) بأن ان لم نفعل ما يأمرنا بة اسيادة سيكون ضرب السد العالى بالنووى هو العقاب لنا

وهو الان اسير الموت ومن بعدة يأتى نتنياهو ويأمرنا بان نحارب معه ايران وهى عدو مشترك وغذا نقف بجوار عدونا من اجل مصلحتنا ليس الا لاننا ضعفاء نستورد اسلحتنا ولا نصنعها وأسال كل واحدآ منا ان يحاول ان يفتش فى ملبسة من الاندر وير الى الجرافت والحذاء .. اين صنعو وكم الأجهزة فى منازلنا اين صنعت وكيف تم قتل الصناعات فى مصر ناهيكم عن طعامنا اليس من العار ان يطالعنا وزير الزراعة او ما شابهة ان القمح يكفينا لخمسة اشهر واين نحن من دول لا عدو لها اليس فينا من رجل رشيد ونرى ونشاهد كم من الفضائح حول ترشيح من ينوب على كرسى الحكم انها مأساة كبيرة ان ان ننشغل بحدود لنا مع اشقاء ونترك حدودنا مع الله

اليس هو من امرنا ان نحارب على حريتنا وان نعمل ونكد على رفعة اوطاننا فماذا فعلنا ؟؟؟؟

اعزائى العيب ليس فى من يحكمنا بل فينا جميعآ فنحن من نهرب ونخاف من مواجهة انفسنا بما بها من امراض تفاقمت واصبحت كالسرطان جميعنا كل همة هو الدنيا ونسينا اننا فى دار ابتلاء لابد من العمل الجاد ومناصرة الحق والفوز برضى الله عز وجل لتسقط كل اقنعة التمدن وفبركة الباطل ونسيان اننا لنا عدو مشترك ينمو ونتقزم حتى يأتى دورنا فى الابتلاع

[مسافر زاده الخيال]

بعد السلام والتحية للجميع

بغض النظر عن جوانب الموضوع (الخاصة بالمصريين والفلسطينيين وحدهم) فان هناك بعض الجوانب التي يمكن (لي) ان اتحدث فيها

اولا الحدود (شيء مقدس) بغض النظر عن بعض من يعتبرون ان الحدود وهم صنعه الاعداء او سايكس بيكو ال....خ

فالامر الحالي البادي للعيان والمنطق بانه امر (مقدس) ومن حق حامي الحدود ان يفعل ما تمليه المصلحة

والا

فعلى الامن والاستقرار السلام

اجل هناك من يتباكى او يتعاطف مع المعتدين على الحدود انهم اما مساكين او مضطرين او (مسلمين احيانا) لكن لا قيمة لذلك في ارض الواقع

فلو اخذنا مثال (الحوثيين) بما ان الشيء بالشيء يذكر .......فان لهم مطالب مع حكومتهم هناك بغض النظر عن صحتها من عدمها فلم تجد وسيلة لفك الضغط الا الاعتداء على حدود السعودية (بحجة ان السعودية تدعم حكومتهم اليمنية!!!!!! وتريد الحياد منها) فهل دعاوى المسكنة او الاخوة او الاسلام تنفع في هذه الحالة ناهيكم ان الجزء الجبلي الوعر يعتبر مرتعا للمهربين والتكفيريين من القاعدة ونحوهم بل واصبح بعض ارهابيو الصومال متورطون في المسألة ولا يخفى عن الجميع انهم لا يدخلون الحدود الا بصيغة لاجئين مساكين وضعفاء انهكهم الجوع والعطش ولا يطلبون سوى سد رمقهم والعيش الكريم (ولا شك ان بعضهم كذلك وربما غالبيتهم كذلك) ولكن هل تلام الدولة ان قامت بما يحمي حدودها وشعبها من مخربين محتملين للامن الداخلي والاجتماعي رغم ان السعودية متسامحة مع غالبية ان لم يكن كل مجتازوا الحدود بشكل غير شرعي...وكذلك من يدخل مياه اقليمية لدولة الاخرى فمن حق الدول ان تتحقق من ان الداخلين هم (فعلا) صياديين دخلوا بشكل خاطي او لصيد الاسماك (فعلا) وليست وراء الامر اي عمليات معادية او استخباراتية

واخيرا

الا مسالة امن الحدود والامن الوطني لا تترك لهوى او اراء الناس خاصة ممن هو غير مطلع على حقائق الامور....وعذرا ان عقبت على موضوع هو في الاساس خاص بالمصريين والفلسطينين وحدهم

والسلام