مش فاهم حاجة فى منهج ابنك..اتفضل نساعدك

[نجماية]

بصي يا اختي

اولا لازم البنت تعرف تحس بمدلول الرقم

يعني ايه 1

و يعني ايه 5

و مين اكبر

و ليه اكبر

و افتكر ان طريقة ضرب الامثلة هتبقي احسن طريقة عشان تتعلم ده منك

الاول عرفيها الاعداد علي صوابعها و بعد كده هاتيلها اجسام ملموسة ... ز ي اقلام او اي حاجة حسية يعني...

لما تتاكدي تماما انها بقت تعرف مدلول الرقم و بقت تقدر ترسم حاجة ف خيالها

ساعتها بس ابدأي معاها ف تعليمها العلاقة بين الاجسام المحسوسة دي

ازاي

يعني مثلا ... ادي 10 ورقات .. و لما ناخد منهم 5 و نحطهم ف الدولاب ... هيفضل معانا كام

و اخترعي اكتر من مثال طبعا عشان تتضمني وصول الفكرة تماما لدماغها

بعد ما ده يحصل

ابدأي بقي ف انك تشرحيلها المعادلة الجبارة بتاعت جريد وان دي

و تشرحيها بطريقة خفيفة...

ازاي

لو كلنا قسمنا اي حاجة ف الدنيا الي مراحل .. طبيعي اننا ننهي اللي مطلوب

المعادلة دي زي كده برده

لازم البنت تعرف الاول مدلول رقم 3 و تحسه

و تبدأ تعمل افتراضات ( هي هتوصل اسرع من كده ع فكرة) ايه الرقم اللي ناخده من 8 يدينا رقم اكبر من 3

يارب مكونش توهتك معايا

انا م النوع اللي بيعشق اننا نفهم مش نحفظ

شكرا جزيلا لك يا باشمهندس ياسر

هي الحمد لله البنت بتفهم كويس ومش بنضطر نلجأ لحكاية الحفظ دي غير لما بتكون خلاص مفيش مفر

هي بتجمع وتطرح كويس جدا

وتعرف more than , less than بمنتهى البساطة بس المسائل ذات الشقين دي وكمان فيها رقم مجهول بتسبب مشكلة

لأنها بتتطلب معاملة كل جزء على حدا يعني في الامتحان لازم تمسك جزء جزء وتحلهم في ورقة يعني بحس انها في السن ده زي المعادلات كتير عليها

علشان كده المدرسين بيلجأوا لأفكار بسيطة

يعني مثلا في حكاية اختيار اشارات + أو -

4 ................ 3 = 7

بتبقى الفكرة لما يكون الرقم الكبير هو اللي بعد علامة = بنختار + وهكذا

طبعا دا غلط لأنها المفروض تجرب كل علامة وتشوف الصح

لكن هما عايزين سياسة بمجرد النظر ما علينا

البنت امتحنت النهارده والحمد لله وراجعت معاها اللي امتحنت فيه من المذكرات اللي المدرسة باعتاها اصلا وشاملة الامتحان طبعا والحمد لله

المهم انا شاكرة جدا على ردك

آه نسيت اقول حاجة

كتبت المسائل اللي كتبتهالك دي في ورقة

وبعتتها للمدرسة مع البنت علشان تراجعها

وكتبت لها : أرجو مراجعة هذه المسائل مع البنت بأسلوب مبسط لأني أخشى ان اشرحها لها بطريقة مختلفة عن الطريقة المتبعة لديك فيزيد الأمر سوءا

فقالت للبنت: مش مشكلة دي مش حتيجي في الامتحان

وشكرا،،

[الباشمهندس ياسر]

آه نسيت اقول حاجة

كتبت المسائل اللي كتبتهالك دي في ورقة

وبعتتها للمدرسة مع البنت علشان تراجعها

وكتبت لها : أرجو مراجعة هذه المسائل مع البنت بأسلوب مبسط لأني أخشى ان اشرحها لها بطريقة مختلفة عن الطريقة المتبعة لديك فيزيد الأمر سوءا

فقالت للبنت: مش مشكلة دي مش حتيجي في الامتحان

وشكرا،،

ده تخلف

المفروض نتعلم عشان العلم مش عشان الامتحان